JKW-KABUM-20-WA-001-050

🚧 This website is under continued development. We appreciate your patience!

Previous Text Back to Volume PageNext Text

Wylie title	mchog sprul rin po che nges don dpal bzang po'i zhabs pad du phul pa'i 'phrin lan
Location	mkhyen brtse'i bka' 'bum Volume 20, sde tshan 1, Text 50, Pages 87-88 (Folios 44a2 to 44b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. mchog sprul rin po che nges don dpal bzang po'i zhabs pad du phul pa'i 'phrin lan. In 'jam dbyangs mkhyen brtse'i dbang po'i bka' 'bum, Vol. 20: 87-88. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog  ·  Replies to Questions - dris lan
Colophon	།ཅེས་དཀྱུས་གཅིག་ཏུ་གང་ཤར་གྱི་རྟོག་པ་ལྷུག་པར་བྲིས་ཏེ་ཞུ་མཚོན་དང་བཅས་རྒྱལ་ཟླའི་དཀར་ཕྱོགས་ཀྱི་དགའ་བ་དང་པོ་ལ་གུས་པས་ཕུལ་བའི་ཞུ་ཡིག་གོ།
	ces dkyus gcig tu gang shar gyi rtog pa lhug par bris te zhu mtshon dang bcas rgyal zla'i dkar phyogs kyi dga' ba dang po la gus pas phul ba'i zhu yig go

1 Texts in this Section (sde tshan or chos tshan)

50 87-88	མཆོག་སྤྲུལ་རིན་པོ་ཆེ་ངེས་དོན་དཔལ་བཟང་པོའི་ཞབས་པད་དུ་ཕུལ་པའི་འཕྲིན་ལན། mchog sprul rin po che nges don dpal bzang po'i zhabs pad du phul pa'i 'phrin lan Official Letters - chab shog   ·   Replies to Questions - dris lan	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

མཆོག་སྤྲུལ་རིན་པོ་ཆེ་ངེས་དོན་དཔལ་བཟང་པོའི་ཞབས་པད་དུ་ཕུལ་པའི་འཕྲིན་ལན་བདུད་རྩིའི་ཐིག་པའོ། །མཐོང་དང་མ་མཐོང་ཡོན་ཏན་གྱི། །ནོར་བུའི་ཆུ་གཏེར་མི་ཟད་པས། །འཇིག་རྟེན་གསུམ་གྱི་གདུང་སེལ་བའི། །ཞབས་ཀྱི་པདྨོའི་ཉེ་དྲུང་དུ། །རྒྱུའོ་ཁོར་ཡུག་རི་བོའི་ཁོངས། །ཟླ་ཤེལ་བདུད་རྩིའི་སྣང་བས་ཏེ། །བདག་གི་གུས་མཆིད་འབབ་སྟེགས་སུ། །གང་གི་རྗེས་བརྩེའི་འཛུམ་དཀར་གཡོ། །དེ་སླད་ཚིག་སྙན་དོན་བཟང་གི། །མཚར་སྡུག་ཆ་ཙམ་མ་མཆིས་བཞིན། །དད་སྤྲོའི་དཔྱིད་ཀྱིས་བཟུང་བ་ལས། །ཞུ་གསོལ་ལོ་འདབ་དུད་པར་གྱུར། །གཟོད་ནས་དག་པའི་བྱང་ཆུབ་སེམས། །རྒྱུ་འབྲས་གཉིས་སུ་མི་ཕྱེད་པས། །རྡོ་རྗེ་འཛིན་པའི་ཡེ་ཤེས་ཀྱང་། །ངུར་སྨྲིག་ཟོལ་གྱིས་རྒྱུ་བ་ན། །རིག་པའི་ལང་ཚོ་རྒྱས་པ་དང་། །བརྩེ་བའི་ཟུར་མིག་གཡོ་བ་དང་། །དེས་ཀྱང་བསྟན་འགྲོར་སྨན་པ་སྟེ། །གསུམ་པོ་འདི་ནི་མཉམ་དུ་བྱུང་། །ལྷག་པར་བདག་ལ་མ་འདྲིས་བཞིན། །བཀའ་དྲིན་ཆེན་པོས་ཁྱབ་པའི་ཕུལ། །ཉིན་མོར་བྱེད་པས་པདྨའི་རྫིང་། །སྐྱོང་བའི་ཚུལ་གྱིས་མཚོན་ནུས་ཅི། །ཤིན་ཏུ་ཉེ་བའི་དུས་སུ་ཡང་། །དྲི་མེད་གསུང་གི་ཅོད་པན་ནི། །རྟེན་གྱི་སྤ་བ་སྤྱི་བོའི་གཙུག །སོན་པའི་མོད་ནས་རབ་དགའ་བའི། །དངོས་པོ་གཟུགས་ཅན་ཉིད་གྱུར་ན། །འཆི་མེད་ལམ་གྱི་ཕ་མཐའ་ཡས། །རིང་དུ་འགོངས་པའི་ངོ་མཚར་གྱི། །ངལ་འཚོའི་དུས་སྟོན་མཆོག་ཏུ་དར། །འདི་ན་རྨོངས་དང་མ་རིག་པའི། །དམ་ལ་བཞག་པའི་དགེ་སྦྱོང་ཟོལ། །ཁྱད་པར་འགའ་ཡང་མེད་བཞིན་དུ། །བསམ་གཏན་ཁང་བུར་བདེ་བར་མཆིས། །མཚམས་ཞུས། བརྟན་པར་གྱུར་ཅིག་གཟོད་མ་ནས། །འཕོ་བའི་ཚུ་རོལ་རིང་བཅད་ཕྱིར། །འཆི་མེད་གྲུབ་པའི་མཐར་སོན་པ། །བྱིས་བློའི་ངོར་ཡང་མི་སྦེད་བཞིན། །རྣམ་དཀར་ཕྲིན་ལས་རྒྱས་པ་དང་། །འདིར་ཡང་རྗེས་སུ་བརྩེ་བ་ཡི། །ནོར་བུའི་རྔ་ཡབ་གཡོབས་པ་ཡིས། །ཡང་ཡང་དབུགས་འབྱིན་སྔར་བཞིན་སྩོལ། །ཅེས་དཀྱུས་གཅིག་ཏུ་གང་ཤར་གྱི་རྟོག་པ་ལྷུག་པར་བྲིས་ཏེ་ཞུ་མཚོན་དང་བཅས་རྒྱལ་ཟླའི་དཀར་ཕྱོགས་ཀྱི་དགའ་བ་དང་པོ་ལ་གུས་པས་ཕུལ་བའི་ཞུ་ཡིག་གོ། །། ༈

[edit]

mchog sprul rin po che nges don dpal bzang po'i zhabs pad du phul pa'i 'phrin lan/ mchog sprul rin po che nges don dpal bzang po'i zhabs pad du phul pa'i 'phrin lan bdud rtsi'i thig pa'o/___/mthong dang ma mthong yon tan gyi/___/nor bu'i chu gter mi zad pas/___/'jig rten gsum gyi gdung sel ba'i/___/zhabs kyi pad+mo'i nye drung du/___/rgyu'o khor yug ri bo'i khongs/___/zla shel bdud rtsi'i snang bas te/___/bdag gi gus mchid 'bab stegs su/___/gang gi rjes brtse'i 'dzum dkar g.yo/___/de slad tshig snyan don bzang gi/___/mtshar sdug cha tsam ma mchis bzhin/___/dad spro'i dpyid kyis bzung ba las/____/zhu gsol lo 'dab dud par gyur/___/gzod nas dag pa'i byang chub sems/___/rgyu 'bras gnyis su mi phyed pas/___/rdo rje 'dzin pa'i ye shes kyang /___/ngur smrig zol gyis rgyu ba na/___/rig pa'i lang tsho rgyas pa dang /___/brtse ba'i zur mig g.yo ba dang /___/des kyang bstan 'gror sman pa ste/___/gsum po 'di ni mnyam du byung /___/lhag par bdag la ma 'dris bzhin/___/bka' drin chen pos khyab pa'i phul/___/nyin mor byed pas pad+ma'i rdzing /___/skyong ba'i tshul gyis mtshon nus ci/___/shin tu nye ba'i dus su yang /___/dri med gsung gi cod pan ni/___/rten gyi spa ba spyi bo'i gtsug__/son pa'i mod nas rab dga' ba'i/___/dngos po gzugs can nyid gyur na/___/'chi med lam gyi pha mtha' yas/___/ring du 'gongs pa'i ngo mtshar gyi/___/ngal 'tsho'i dus ston mchog tu dar/___/'di na rmongs dang ma rig pa'i/___/dam la bzhag pa'i dge sbyong zol/___/khyad par 'ga' yang med bzhin du/___/bsam gtan khang bur bde bar mchis/___/mtshams zhus/___brtan par gyur cig gzod ma nas/___/'pho ba'i tshu rol ring bcad phyir/___/'chi med grub pa'i mthar son pa/___/byis blo'i ngor yang mi sbed bzhin/___/rnam dkar phrin las rgyas pa dang /___/'dir yang rjes su brtse ba yi/___/nor bu'i rnga yab g.yobs pa yis/___/yang yang dbugs 'byin sngar bzhin stsol/___/ces dkyus gcig tu gang shar gyi rtog pa lhug par bris te zhu mtshon dang bcas rgyal zla'i dkar phyogs kyi dga' ba dang po la gus pas phul ba'i zhu yig go/____//__!