JKW-KABUM-20-WA-001-018

🚧 This website is under continued development. We appreciate your patience!

Previous Text Back to Volume PageNext Text

Wylie title	mkhas btsun bla ma dam pa pad+ma'i mtshan can la phul ba'i mchid lan
Location	mkhyen brtse'i bka' 'bum Volume 20, sde tshan 1, Text 18, Pages 42-45 (Folios 21b1 to 23a3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. mkhas btsun bla ma dam pa pad+ma'i mtshan can la phul ba'i mchid lan. In 'jam dbyangs mkhyen brtse'i dbang po'i bka' 'bum, Vol. 20: 42-45. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog  ·  Replies to Questions - dris lan

1 Texts in this Section (sde tshan or chos tshan)

18 42-45	མཁས་བཙུན་བླ་མ་དམ་པ་པདྨའི་མཚན་ཅན་ལ་ཕུལ་བའི་མཆིད་ལན། mkhas btsun bla ma dam pa pad+ma'i mtshan can la phul ba'i mchid lan Official Letters - chab shog   ·   Replies to Questions - dris lan	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

མཁས་བཙུན་བླ་མ་དམ་པ་པདྨའི་མཚན་ཅན་ལ་ཕུལ་བའི་མཆིད་ལན། ལེགས་བྱས་སྣང་བ་མཆོག་གིས་འཇིག་རྟེན་ན། །རྒུད་པའི་མུན་པ་སེལ་བའི་བདུད་རྩིའི་འོད། །ཟླ་ཤེལ་གཉིས་པ་མ་འཚལ་འཕགས་རྣམས་དང་། །མཁས་ཀུན་གཅིག་ཏུ་བསྔགས་པའི་མདུན་ས་དེར། ༡ །དང་པོའི་དུས་སུ་སོན་པའི་གཞན་གསོས་ཀྱིས། །ཡང་ཡང་ཤིས་པ་བསྒྲུབས་པས་མཚོན་མིན་པའི། །འཕྲིན་ཡིག་ཚངས་པའི་སྲས་མོའི་རྒྱུད་མང་དབྱངས། །ཐོས་པའི་རྣ་ལུང་རིན་ཐང་ཆེན་པོར་བྱས། ༢ །གང་ན་གྲངས་མེད་བསྐལ་པར་ལེགས་སྤྱད་ཀྱིས། །འདུ་འགོད་ཕྲག་བརྒྱས་བསྐྲུན་པའི་ཀོ་སྟུ་བྷ། །འཚོ་གཞེས་གཟི་བྱིན་འབར་བས་སྲིད་དང་ཞིའི། །གདུང་བ་མཐའ་དག་བསྙིལ་བའི་འཛུམ་དཀར་གཡོ། ༣ །བསླབ་དང་གྲོལ་བའི་རྐང་སྟེགས་མཐོར་འཛེགས་ཤིང་། །རིམ་གཉིས་བ་དན་དཀར་པོ་བསྒྲེང་བའི་མོད། །སྣང་གསུམ་འཕོ་བའི་ཕྱོགས་ལས་རྣམ་རྒྱལ་བའི། །ཟུང་འཇུག་གོ་འཕང་བརྙེས་པའི་གཏམ་དེ་སྙན། ༤ །འདི་ན་ཡེ་ཤེས་མེ་ལོང་འཆང་བ་དང་། །གཉིས་མིན་བླ་མའི་ཐུགས་རྗེ་ནོར་བུའི་གདུགས། །ལྷར་བཅས་བླ་ན་འཁོར་བའི་གྲིབ་བསིལ་དུ། །མང་ཐོས་ཟིལ་དངར་བཏུང་བའི་སྐལ་བཟང་ཐོབ། ༥ །སླད་མའི་དུས་ཀྱང་ཉིན་མོར་བྱེད་པ་དང་། །ཟླ་བའི་བགྲོད་པ་གཞར་ཡང་མི་གཡོ་བས། །ཕྲ་རབ་རྡུལ་ལས་རིང་འདས་མཚན་དཔེ་དང་། །གཉིས་སུ་མེད་པར་རྟག་པའི་མཆོག་བརྙེས་བཞིན། །གདུང་བའི་རིག་པ་འཇིལ་ལ་ག་བུར་དང་། །འདོད་སྟེར་དཔག་བསམ་གཞན་གྱིས་བསྐྲུན་མིན་པའི། །མཁྱེན་བརྩེའི་འཇུག་པ་གཟུགས་ཅན་བཞིན་སྣང་བའི། །དབུགས་འབྱིན་ཆེན་པོའི་དགའ་སྟོན་སྔར་བཞིན་སྩོལ། ༨ །ཤུབྷཾ།། །། ༈ བཛྲཱཙཱཪྻབིབྷུཔྲཤཱིལནཻཿ ཙྪནྡཱཤུདྡྷདཱིབྷཽ། ཤྲཱིབཱརཾཔཊུསིདྡྷཙཱསམཻ སྟྲཻལོཀྱེཥུསུསཱདདཱིཔྱཏཱཾ། མཐའ་ཀླས་རིགས་དང་དཀྱིལ་འཁོར་ཐམས་ཅད་ཀྱི། །ཁྱབ་བདག་རྡོ་རྗེའི་སློབ་དཔོན་མཆོག་གི་ཚུལ། །མཚུངས་མེད་མཁས་ཤིང་ཤིན་ཏུ་གྲུབ་པའི་དཔྱིད། །འཇིག་རྟེན་གསུམ་ན་རྟག་ཏུ་སྣང་གྱུར་ཅིག །ཅེས་དགེ་ལེགས་སུ་བྱ་བའི་ཚིག་གི་པུཎྜ་རཱི་ཀ་ཅུང་ཟད་འཐོར་བས་ཡེ་ཤེས་གཟིགས་པ་དམ་པའི་འབབ་སྟེགས་མཛེས་པར་བྱས་ནས། གང་གི་ཚེ་ཐོག་མ་མ་མཆིས་པའི་དུས་ནས་སྤངས་པ་དང་རྟོགས་པའི་ཡོན་ཏན་མཐའ་དག་ལ་མངའ་དབང་བསྒྱུར་བའི་རིགས་ཐམས་ཅད་ཀྱི་ཁྱབ་བྱེད་རྡོ་རྗེ་སྙེམས་མའི་བདག་པོའི་ངོ་བོར་ཡོངས་སུ་གྲུབ་པ་ལས་གཞན་དུ་སྐྱེ་བ་དང་འཕོ་བའི་སྣང་ཚུལ་གྱི་སྤྲོས་པ་གཞར་ཡང་མ་དམིགས་བཞིན་དུ། འོག་མིན་ཆེན་པོའི་ཞིང་དེ་བཞིན་གཤེགས་པ་དང་། རྡོ་རྗེ་དང་། རིན་པོ་ཆེ་དང་། པདྨ་དང་། ལས་ཀྱི་རིགས་སུ་སྤྲོ་བ་དང་བསྡུ་བའི་སྒྱུ་འཕྲུལ་དྲྭ་བའི་མིག་འཕྲུལ་ཅིར་ཡང་སྟོན་ཅིང་། དེ་ལས་ཀྱང་མཐའ་ཀླས་པའི་ཡིད་ཅན་བྱེ་བ་སྙེད་ཀྱི་ཁམས་དང་། དབང་པོ་དང་། བག་ལ་ཉལ་གྱི་རིམ་པའི་ཆུ་གཏེར་དང་རྗེས་སུ་མཐུན་པར། ཚངས་པ་དང་། ཁྱབ་འཇུག་དང་། དྲག་པོ་དང་། ཆགས་བྲལ་གྱི་རྣམ་པ་ཅན་དང་། རིག་མའི་སྐྱེས་བུའི་འདོད་ཡོན་ལ་ལོངས་སྤྱོད་པ་སོགས་མཚན་དང་སྐུ་ཡི་བཀོད་པ་བསམ་གྱིས་མི་ཁྱབ་པ་དུས་གཅིག་ཅར་དུ་སྟོན་པར་མཛད་པ་ལས། དེང་འདིར་རི་ཁ་བ་ཅན་གྱི་ལྗོངས་སུ་ཡོངས་རྫོགས་བསྟན་པའི་ངེས་གསང་འགྲེལ་པ་ལ་འཇམ་དཔལ་གཞོན་ནུར་གྱུར་པའི་བློ་གྲོས་དང་རྣམ་དབྱེར་མི་ཕྱེད་པའི་རྗེ་བཙུན་ས་སྐྱ་པ་ཡབ་སྲས་ཀྱི་བསྟན་པའི་སྣང་བྱེད། རྒྱལ་བ་རྡོ་རྗེ་འཆང་ཀུན་དགའ་བཟང་པོའི་ཆོས་ཀྱི་ཁྲི་ལ་འཁོར་ལོས་བསྒྱུར་བའི་རྡོ་རྗེའི་སློབ་དཔོན་ཆེན་པོ། རིས་སུ་མ་ཆད་པའི་བསྟན་འགྲོ་ཡོངས་ལ་ཕན་བདེའི་འདོད་དགུ་གཅིག་ཅར་དུ་འཇོ་བའི་བདག་ཉིད། བྱེ་བྲག་ཏུ་ཁོ་བོ་ཅག་ལ་བཀའ་དྲིན་སྲིད་ན་མཚུངས་པ་མ་མཆིས་པའི་མཁན་ཆེན་བླ་མ་ཐམས་ཅད་མཁྱེན་ཅིང་གཟིགས་པ་ཆེན་པོ་གང་ཉིད་ནས་གུས་ཕྲན་པར་སྐྱེ་བ་དང་ཚེ་རབས་ཀྱི་ཕྲེང་བར་ཐུགས་རྗེ་ཆེན་པོས་ཁྱབ་པར་མ་ཟད། ད་ལན་ཡང་བཅོམ་ལྡན་འདས་ཐམས་ཅད་རིག་པའི་ཕྱག་རྒྱ་བཞིས་འབྲེལ་ཚད་ཡིད་ཅན་རྒྱ་མཚོ་སྐུ་བཞིའི་ངོ་བོར་སྨིན་ཅིང་སྦྱངས་པའི་བཀའ་དྲིན་གསོ་བ་མཚོན། ལྷག་པར་ཡོངས་རྫོགས་བསྟན་པའི་མངའ་བདག་ཆེན་པོར་འཇིགས་མེད་སེང་གེས་མཚན་པའི་ཆོས་ཀྱི་ཁྲི་འཕང་མཐོན་པོར། ཐུགས་ལྷམ་མེ། གསུང་ལྷང་ངེ་། ཐུགས་ལྷན་ནེར་ཇི་སྲིད་བསྐལ་པ་རྒྱ་མཚོར་འཚོ་ཞིང་གཞེས་ལ་ཆོས་ཀྱང་སྟོན་པར་དངོས་པོ་ཀུན་གྱིས་བཏུད་དེ་གསོལ་བ་འདེབས་པའི་སླད་ལུས་ལོངས་སྤྱོད་དགེ་ཚོགས་རྒྱ་མཚོ་དང་བཅས་པ་ཀུན་ཏུ་བཟང་པོའི་མཆོད་སྤྲིན་ལྟ་བུར་བློས་སྤྲུལ་ཏེ་ཕུལ་བའི་མཎྜལ་རྟེན་མཚོན་བྱེད་ཙམ་དུ། བཀྲ་ཤིས་པའི་ལྷ་གོས་རབ་དཀར་སོགས།། །། ༈

[edit]

mkhas btsun bla ma dam pa pad+ma'i mtshan can la phul ba'i mchid lan/ mkhas btsun bla ma dam pa pad+ma'i mtshan can la phul ba'i mchid lan/___legs byas snang ba mchog gis 'jig rten na/___/rgud pa'i mun pa sel ba'i bdud rtsi'i 'od/___/zla shel gnyis pa ma 'tshal 'phags rnams dang /___/mkhas kun gcig tu bsngags pa'i mdun sa der/___1__/dang po'i dus su son pa'i gzhan gsos kyis/___/yang yang shis pa bsgrubs pas mtshon min pa'i/___/'phrin yig tshangs pa'i sras mo'i rgyud mang dbyangs/___/thos pa'i rna lung rin thang chen por byas/___2__/gang na grangs med bskal par legs spyad kyis/___/'du 'god phrag brgyas bskrun pa'i ko stu b+ha/___/'tsho gzhes gzi byin 'bar bas srid dang zhi'i/___/gdung ba mtha' dag bsnyil ba'i 'dzum dkar g.yo/___3__/bslab dang grol ba'i rkang stegs mthor 'dzegs shing /___/rim gnyis ba dan dkar po bsgreng ba'i mod/___/snang gsum 'pho ba'i phyogs las rnam rgyal ba'i/___/zung 'jug go 'phang brnyes pa'i gtam de snyan/___4__/'di na ye shes me long 'chang ba dang /___/gnyis min bla ma'i thugs rje nor bu'i gdugs/___/lhar bcas bla na 'khor ba'i grib bsil du/___/mang thos zil dngar btung ba'i skal bzang thob/___5__/slad ma'i dus kyang nyin mor byed pa dang /___/zla ba'i bgrod pa gzhar yang mi g.yo bas/___/phra rab rdul las ring 'das mtshan dpe dang /___/gnyis su med par rtag pa'i mchog brnyes bzhin/___/gdung ba'i rig pa 'jil la ga bur dang /___/'dod ster dpag bsam gzhan gyis bskrun min pa'i/___/mkhyen brtse'i 'jug pa gzugs can bzhin snang ba'i/___/dbugs 'byin chen po'i dga' ston sngar bzhin stsol/___8_/shub+haM//__//_!__badz+rAtsAR+Yabib+huprashIlanaiH__ts+tshan+dAshud+d+hadIb+hau/___shrIbAraMpaTusid+d+hatsAsamai__s+t+railokyeShususAdadIpyatAM/___mtha' klas rigs dang dkyil 'khor thams cad kyi/___/khyab bdag rdo rje'i slob dpon mchog gi tshul/___/mtshungs med mkhas shing shin tu grub pa'i dpyid/___/'jig rten gsum na rtag tu snang gyur cig__/ces dge legs su bya ba'i tshig gi puN+Da rI ka cung zad 'thor bas ye shes gzigs pa dam pa'i 'bab stegs mdzes par byas nas/___gang gi tshe thog ma ma mchis pa'i dus nas spangs pa dang rtogs pa'i yon tan mtha' dag la mnga' dbang bsgyur ba'i rigs thams cad kyi khyab byed rdo rje snyems ma'i bdag po'i ngo bor yongs su grub pa las gzhan du skye ba dang 'pho ba'i snang tshul gyi spros pa gzhar yang ma dmigs bzhin du/___'og min chen po'i zhing de bzhin gshegs pa dang /___rdo rje dang /___rin po che dang /___pad+ma dang /___las kyi rigs su spro ba dang bsdu ba'i sgyu 'phrul drwa ba'i mig 'phrul cir yang ston cing /___de las kyang mtha' klas pa'i yid can bye ba snyed kyi khams dang /___dbang po dang /___bag la nyal gyi rim pa'i chu gter dang rjes su mthun par/___tshangs pa dang /___khyab 'jug dang /___drag po dang /___chags bral gyi rnam pa can dang /___rig ma'i skyes bu'i 'dod yon la longs spyod pa sogs mtshan dang sku yi bkod pa bsam gyis mi khyab pa dus gcig car du ston par mdzad pa las/___deng 'dir ri kha ba can gyi ljongs su yongs rdzogs bstan pa'i nges gsang 'grel pa la 'jam dpal gzhon nur gyur pa'i blo gros dang rnam dbyer mi phyed pa'i rje btsun sa skya pa yab sras kyi bstan pa'i snang byed/___rgyal ba rdo rje 'chang kun dga' bzang po'i chos kyi khri la 'khor los bsgyur ba'i rdo rje'i slob dpon chen po/___ris su ma chad pa'i bstan 'gro yongs la phan bde'i 'dod dgu gcig car du 'jo ba'i bdag nyid/___bye brag tu kho bo cag la bka' drin srid na mtshungs pa ma mchis pa'i mkhan chen bla ma thams cad mkhyen cing gzigs pa chen po gang nyid nas gus phran par skye ba dang tshe rabs kyi phreng bar thugs rje chen pos khyab par ma zad/___da lan yang bcom ldan 'das thams cad rig pa'i phyag rgya bzhis 'brel tshad yid can rgya mtsho sku bzhi'i ngo bor smin cing sbyangs pa'i bka' drin gso ba mtshon/___lhag par yongs rdzogs bstan pa'i mnga' bdag chen por 'jigs med seng ges mtshan pa'i chos kyi khri 'phang mthon por/___thugs lham me/__gsung lhang nge /___thugs lhan ner ji srid bskal pa rgya mtshor 'tsho zhing gzhes la chos kyang ston par dngos po kun gyis btud de gsol ba 'debs pa'i slad lus longs spyod dge tshogs rgya mtsho dang bcas pa kun tu bzang po'i mchod sprin lta bur blos sprul te phul ba'i maN+Dal rten mtshon byed tsam du/___bkra shis pa'i lha gos rab dkar sogs//__//__!_