JKW-KABUM-20-WA-001-002

🚧 This website is under continued development. We appreciate your patience!

Previous Text Back to Volume PageNext Text

Wylie title	dpal sa skyar 'jam mgon bkra shis rin chen mdun khri phebs skabs phul ba'i zhu yig
Location	mkhyen brtse'i bka' 'bum Volume 20, sde tshan 1, Text 2, Pages 6-8 (Folios 3b2 to 4b3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. dpal sa skyar 'jam mgon bkra shis rin chen mdun khri phebs skabs phul ba'i zhu yig. In 'jam dbyangs mkhyen brtse'i dbang po'i bka' 'bum, Vol. 20: 6-8. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog

1 Texts in this Section (sde tshan or chos tshan)

2 6-8	དཔལ་ས་སྐྱར་འཇམ་མགོན་བཀྲ་ཤིས་རིན་ཆེན་མདུན་ཁྲི་ཕེབས་སྐབས་ཕུལ་བའི་ཞུ་ཡིག། dpal sa skyar 'jam mgon bkra shis rin chen mdun khri phebs skabs phul ba'i zhu yig Official Letters - chab shog	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

དཔལ་ས་སྐྱར་འཇམ་མགོན་བཀྲ་ཤིས་རིན་ཆེན་མདུན་ཁྲི་ཕེབས་སྐབས་ཕུལ་བའི་ཞུ་ཡིག །བཱ་གཱི་ཤྭ་ར་སྱ་ཙ་ཛྙཱ་ན མཱ་ཡཛྭཱལསྱནིརྟྟིབེ། ཙྪནྡོབཱཀྟྲཾ་ཧི་སྟེ། ཤཱནྟ་བྷཱ་པོ་པ་ཛཱི་བཻཀ སྱཱཏྤཏྣཁེནྡུམཱུལཡོཿ ངག་གི་དབང་ཕྱུག་ཡེ་ཤེས་ཀྱི། །སྒྱུ་འཕྲུལ་དྲྭ་བའི་ཟློས་གར་ནི། །སྲིད་ཞིའི་ཉེར་འཚོ་གཅིག་གྱུར་པའི། །ཞབས་སེན་ཤར་གྱི་ཐིག་ལེའི་དྲུང་། ༡ ། གང་གི་ཐུགས་རྗེའི་དཔྱིད་དཔལ་ལ་ཆགས་པའི། །བློ་གྲོས་པུཎྜ་རཱི་ཀའི་འཛུམ་རླབས་ལས། །ཞུ་གསོལ་བདུད་རྩིའི་ཐིག་ཕྲེང་འཇོ་བ་ཡང་། །ཡེ་ཤེས་གཟིགས་པའི་འབབ་སྟེགས་མཛེས་ཕྱིར་རྒྱུ། ༢ །གཟོད་ནས་ཞི་བ་དམ་པའི་ནགས་ཀླུང་དུ། །རྣམ་གྲོལ་བདུད་རྩིའི་རྦ་རླབས་འཐུང་བ་ལས། །ཚུར་མཐོང་དག་པའི་སྒྱུ་འཕྲུལ་དཔག་ཡས་ཀྱིས། ། སྲིད་པ་འདི་ན་རྗེས་བརྩེའི་འདུ་འགོད་བརྩམས། ༣ ། གང་ན་གྲུབ་པའི་ས་འཛིན་ཉམས་དགའི་སྤོར། །མཚན་དཔེའི་ཉི་གཞོན་ཐོག་མར་ཤར་ཙམ་གྱིས། །འཛམ་གླིང་ཕན་བདེའི་སྣང་བས་མཛེས་སོ་ཞེས། །གྲགས་པ་ཕྱོགས་ཀྱི་བུ་མོའི་རྣ་བར་སྦྱིན། ༤ །དེ་ཚེ་རིགས་གཟུགས་མཁྱེན་པའི་རྫིང་བུ་རུ། །མཐའ་ཀླས་ཡོན་ཏན་འབུམ་གྱི་ཨུཏྤལ། །འཛུམ་བཅས་རོལ་པ་ཁོ་ནས་མཁས་དང་གྲུབ། །བྱེ་བ་སྙེད་ཀྱི་བརྟན་པ་གཅིག་ཅར་འཕྲོག ༥། ཁྱད་པར་དེང་དུས་གསང་གསུམ་བཻཌཱུཪྻ། །ལྷར་བཅས་རལ་པའི་ཆུ་གོས་རྩེར་བཀོད་པས། །དགེ་མཚན་འདོད་དགུའི་གྲུ་ཆར་འབེབས་མཛད་པའི། །བཀའ་དྲིན་བསམ་གྱིན་གུས་སྤྲོའི་ཐལ་མོ་སྦྱོར། ༦ །འདི་ན་ཀུན་ཏུ་རྨོངས་པའི་སྨིག་རྒྱུ་ཡིས། །ཆེས་ཆེར་ནོན་བདག་སོས་ཀའི་རྗེས་འགྲོ་ཡང་། །གང་གི་ཐུགས་རྗེའི་དཔྱིད་ཀྱིས་བསུས་པ་ལས། །ལང་ཚོའི་མེ་ཏོག་ཉམས་པར་མ་གྱུར་ཙམ། ༧ །སླར་ཡང་འགྱུར་མེད་རྟག་པའི་དངོས། །སྐྱེ་འགག་སྤྲོས་པ་ལས་འདས་ཀྱང་། །ཚུར་མཐོང་ངོར་ཡང་མི་སྦེད་པའི། །སྐལ་བཟང་སྒྲུབ་ཕྱིར་འདི་ལྟར་སྨོན། ༨ །ཤྲཱི་ཤྲཱི་ཤྲཱི་ཛཱི་བནྟུ། སྲས་བཅས་རྒྱལ་བ་ཀུན་གྱི་ཡེ་ཤེས་སྐུ། །ངག་ལ་དབང་བསྒྱུར་རྡོ་རྗེ་རྣོན་པོའི་གར། །ངོ་མཚར་མཚན་དཔེའི་ཕུང་པོར་ལྷུན་རྫོགས་པའི། །ཞབས་པད་བསྐལ་པ་རྒྱ་མཚོར་བརྟན་གྱུར་ཅིག ༩ །མི་ཤིགས་རྡོ་རྗེ་ནཱ་དའི་གསུང་དབྱངས་ནི། །ཐེག་ཆེན་བདུད་རྩིའི་དགའ་སྟོན་དང་འགྲོགས་ནས། །ཡན་ལག་དྲུག་ཅུའི་རྒྱུད་མང་བསྒྲེང་མཁས་པའི། །སྐལ་བཟང་སྲིད་འདིར་ནུབ་པ་མེད་གྱུར་ཅིག །བཀྲ་ཤིས་དགེ་མཚན་བྱེ་བའི་ཨུཏྤ་ལ། །མཁྱེན་གཉིས་ནོར་བུའི་རྦ་རླབས་དང་འགྲོགས་བཞིན། །རྣམ་ཀུན་མཆོག་ལྡན་དབྱིངས་ལས་འཕོ་མེད་པར། །འཚོ་གཞེས་སྣང་བས་ས་གསུམ་འབར་གྱུར་ཅིག ༡༡ །མདོར་ན་ཡོན་ཏན་རིན་ཆེན་འབུམ་ཕྲག་གིས། །མངོན་པར་གཏམས་པའི་ཕྲིན་ལས་ཆུ་གཏེར་ནི། །འཛམ་གླིང་ཡངས་པའི་ཁམས་འདིར་རྟག་འབབ་བཞིན། །བདག་ཀྱང་ཐུགས་རྗེའི་ཕྱག་གིས་དམ་དུ་ཟུངས། ༡༢ །དེ་སྐད་དད་དང་གུས་པའི་བློ་གྲོས་ཀྱི། །ཨུཏྤལ་གསར་པའི་ནགས་ཀླུང་ཉམས་དགའ་ནས། །ཞུ་གསོལ་ལང་ཚོས་རྒྱགས་པའི་ཀོ་ཀི་ལ། །བརྗོད་པ་སྙན་པའི་རོལ་མོ་འཁྲོལ་བཞིན་དེངས། ༡༣ ། སརྦ་དཱ་ཀ་ལྱཱ་ཎཾ་བྷ་བ་ཏུ།། །། ༈

[edit]

dpal sa skyar 'jam mgon bkra shis rin chen mdun khri phebs skabs phul ba'i zhu yig__/ dpal sa skyar 'jam mgon bkra shis rin chen mdun khri phebs skabs phul ba'i zhu yig__/bA gI shwa ra s+ya tsa dz+nyA na_mA yadz+wAlas+yanir+t+tibe/___ts+tshan+dobAk+t+raM hi ste/___shAn+ta b+hA po pa dzI baika__s+yAt+pat+nakhen+dumUlayoH__ngag gi dbang phyug ye shes kyi/___/sgyu 'phrul drwa ba'i zlos gar ni/___/srid zhi'i nyer 'tsho gcig gyur pa'i/___/zhabs sen shar gyi thig le'i drung /__1_/__gang gi thugs rje'i dpyid dpal la chags pa'i/___/blo gros puN+Da rI ka'i 'dzum rlabs las/___/zhu gsol bdud rtsi'i thig phreng 'jo ba yang /___/ye shes gzigs pa'i 'bab stegs mdzes phyir rgyu/___2__/gzod nas zhi ba dam pa'i nags klung du/___/rnam grol bdud rtsi'i rba rlabs 'thung ba las/___/tshur mthong dag pa'i sgyu 'phrul dpag yas kyis/_/_srid pa 'di na rjes brtse'i 'du 'god brtsams/___3__/_gang na grub pa'i sa 'dzin nyams dga'i spor/_/mtshan dpe'i nyi gzhon thog mar shar tsam gyis/___/'dzam gling phan bde'i snang bas mdzes so zhes/___/grags pa phyogs kyi bu mo'i rna bar sbyin/___4__/de tshe rigs gzugs mkhyen pa'i rdzing bu ru/___/mtha' klas yon tan 'bum gyi ut+pal/___/'dzum bcas rol pa kho nas mkhas dang grub/___/bye ba snyed kyi brtan pa gcig car 'phrog__5/__khyad par deng dus gsang gsum baiDUR+Ya/___/lhar bcas ral pa'i chu gos rtser bkod pas/_/dge mtshan 'dod dgu'i gru char 'bebs mdzad pa'i/___/bka' drin bsam gyin gus spro'i thal mo sbyor/___6__/'di na kun tu rmongs pa'i smig rgyu yis/___/ches cher non bdag sos ka'i rjes 'gro yang /___/gang gi thugs rje'i dpyid kyis bsus pa las/___/lang tsho'i me tog nyams par ma gyur tsam/___7__/slar yang 'gyur med rtag pa'i dngos/___/skye 'gag spros pa las 'das kyang /___/tshur mthong ngor yang mi sbed pa'i/___/skal bzang sgrub phyir 'di ltar smon/___8__/shrI shrI shrI dzI ban+tu/___sras bcas rgyal ba kun gyi ye shes sku/___/ngag la dbang bsgyur rdo rje rnon po'i gar/___/ngo mtshar mtshan dpe'i phung por lhun rdzogs pa'i/___/zhabs pad bskal pa rgya mtshor brtan gyur cig__9__/mi shigs rdo rje nA da'i gsung dbyangs ni/___/theg chen bdud rtsi'i dga' ston dang 'grogs nas/___/yan lag drug cu'i rgyud mang bsgreng mkhas pa'i/___/skal bzang srid 'dir nub pa med gyur cig__/bkra shis dge mtshan bye ba'i ut+pa la/___/mkhyen gnyis nor bu'i rba rlabs dang 'grogs bzhin/___/rnam kun mchog ldan dbyings las 'pho med par/___/'tsho gzhes snang bas sa gsum 'bar gyur cig__11__/mdor na yon tan rin chen 'bum phrag gis/___/mngon par gtams pa'i phrin las chu gter ni/___/'dzam gling yangs pa'i khams 'dir rtag 'bab bzhin/___/bdag kyang thugs rje'i phyag gis dam du zungs/___12__/de skad dad dang gus pa'i blo gros kyi/___/ut+pal gsar pa'i nags klung nyams dga' nas/___/zhu gsol lang tshos rgyags pa'i ko ki la/___/brjod pa snyan pa'i rol mo 'khrol bzhin dengs/___13__/_sarba dA ka l+yA NaM b+ha ba tu//___//__!_