JKW-KABUM-20-WA-001-029: Difference between revisions
No edit summary |
m (Text replacement - "Khyentse Metadata" to "Text") |
||
(5 intermediate revisions by one other user not shown) | |||
Line 1: | Line 1: | ||
{{ | {{Text | ||
|classification=Tibetan Publications | |classification=Tibetan Publications | ||
|subclass=Tibetan Texts | |subclass=Tibetan Texts | ||
|citation=[['jam dbyangs mkhyen brtse'i dbang po]]. ''''. In '''jam dbyangs mkhyen brtse'i dbang po'i bka' 'bum'', Vol. 20: . Khams sde dge rdzong sar dgon: Rdzong sar blo gros phun tshogs, 2020. | |fulltitletib=ཁྱབ་བདག་རྡོ་རྗེ་འཆང་རིན་ཆེན་བློ་གསལ་བསྟན་སྐྱོང་དཔལ་བཟང་པོ་ཞབས་པད་བརྟན་པར་གསོལ་བ་འདེབས་པའི་གཏམ་འཆི་མེད་བདུད་རྩིའི་སྣང་བ། | ||
|fulltitle=khyab bdag rdo rje 'chang rin chen blo gsal bstan skyong dpal bzang po zhabs pad brtan par gsol ba 'debs pa'i gtam 'chi med bdud rtsi'i snang ba | |||
|fulltitlekartib=ཞ་ལུ་བློ་གསལ་བསྟན་སྐྱོང་ཞབས་བརྟན་གསོལ་བ་འདེབས་འབུལ་ཚན། | |||
|fulltitlekar=zha lu blo gsal bstan skyong zhabs brtan gsol ba 'debs 'bul tshan | |||
|citation=[['jam dbyangs mkhyen brtse'i dbang po]]. ''khyab bdag rdo rje 'chang rin chen blo gsal bstan skyong dpal bzang po zhabs pad brtan par gsol ba 'debs pa'i gtam 'chi med bdud rtsi'i snang ba''. In '''jam dbyangs mkhyen brtse'i dbang po'i bka' 'bum'', Vol. 20: 53-57. Khams sde dge rdzong sar dgon: Rdzong sar blo gros phun tshogs, 2020. | |||
|collectiontitletib=མཁྱེན་བརྩེའི་བཀའ་འབུམ་ | |||
|collectiontitle=mkhyen brtse'i bka' 'bum | |collectiontitle=mkhyen brtse'i bka' 'bum | ||
|author='jam dbyangs mkhyen brtse'i dbang po | |author='jam dbyangs mkhyen brtse'i dbang po | ||
|authortib=འཇམ་དབྱངས་མཁྱེན་བརྩེའི་དབང་པོ་ | |authortib=འཇམ་དབྱངས་མཁྱེན་བརྩེའི་དབང་པོ་ | ||
|editortib= | |editor= | ||
|tibgenre=Official Letters - chab shog | |editortib= | ||
|tibgenre=Official Letters - chab shog, Prayers for Long Life - zhabs brtan gsol 'debs - brtan bzhugs | |||
|terma=No | |terma=No | ||
|sabcadcategory= | |sabcadcategory=Seven | ||
|associatedpeople=blo gsal bstan skyong | |||
|associatedpeopletib=བློ་གསལ་བསྟན་སྐྱོང་ | |||
|language=Tibetan | |language=Tibetan | ||
|volumenumber=020 | |volumenumber=020 | ||
Line 19: | Line 25: | ||
|textnuminvol=001 | |textnuminvol=001 | ||
|textsubnumber=029 | |textsubnumber=029 | ||
|pagenumbers=53-57 | |||
|totalpages=5 | |||
|beginfolioline=27a1 | |||
|endfolioline=29a4 | |||
|totalfolios=3 | |||
|multivolumework=No | |multivolumework=No | ||
|rectonotes=sde tshan 1 | |rectonotes=sde tshan 1 | ||
|versonotes=mkhyen brtse'i bka' 'bum | |versonotes=mkhyen brtse'i bka' 'bum | ||
|colophontib=ཅེས་པའང་དཔལ་དུས་ཀྱི་འཁོར་ལོའི་རྒྱུད་སྡེ་ལ་མཁྱེན་རབ་ཀྱི་སྣང་བ་རྒྱས་པ་བླ་ཆེན་བློ་གསལ་མི་ཕམ་ནས་བཀྲ་ཤིས་པའི་ལྷ་རྫས་དང་བཅས་ཏེ་བསྐུལ་བའི་ངོར། རྗེ་བཙུན་རྡོ་རྗེ་འཆང་བློ་གསལ་ཞབས་ཀྱི་ཞབས་རྡུལ་སྤྱི་བོས་ལེན་པའི་རྒྱལ་ཁམས་ཀྱི་ད་རི་དྲཱ་མཁྱེན་བརྩེའི་དབང་པོས་དཔལ་ཞྭ་ལུ་རི་ཕུག་གི་ཆོས་གྲྭར་འཕྲལ་དུ་བྲིས་པ་དགེ། | |||
|colophonwylie=ces pa'ang dpal dus kyi 'khor lo'i rgyud sde la mkhyen rab kyi snang ba rgyas pa bla chen blo gsal mi pham nas bkra shis pa'i lha rdzas dang bcas te bskul ba'i ngor/___rje btsun rdo rje 'chang blo gsal zhabs kyi zhabs rdul spyi bos len pa'i rgyal khams kyi da ri drA mkhyen brtse'i dbang pos dpal zhwa lu ri phug gi chos grwar 'phral du bris pa dge | |||
|pdflink=File:JKW-KABUM-20-WA-001.pdf | |pdflink=File:JKW-KABUM-20-WA-001.pdf | ||
}} | }} | ||
Line 27: | Line 40: | ||
<h1 style="font-size: 24px !important;">Tibetan Text</h1> | <h1 style="font-size: 24px !important;">Tibetan Text</h1> | ||
<onlyinclude> | <onlyinclude> | ||
{{TibP| | {{TibP|ཁྱབ་བདག་རྡོ་རྗེ་འཆང་རིན་ཆེན་བློ་གསལ་བསྟན་སྐྱོང་དཔལ་བཟང་པོ་ཞབས་པད་བརྟན་པར་གསོལ་བ་འདེབས་པའི་གཏམ་འཆི་མེད་བདུད་རྩིའི་སྣང་བ་ཞེས་བྱ་བ། ཨོཾ་སྭསྟི་སིདྡྷཾ། འཆི་མེད་སོ་སོར་རྟོགས་པའི་ཡེ་ཤེས་མཚན་དཔེའི་སྐུར་སྣང་ཚེ་མཐའ་ཡས། །འཆི་མེད་འོད་གསལ་གཉུག་མའི་རང་གཟུགས་རྒྱལ་ཀུན་སྐྱེད་ཡུམ་རྣམ་རྒྱལ་མ། །འཆི་མེད་ཚེ་དང་བློ་གྲོས་མཆོག་སྩོལ་རྗེ་བཙུན་ཡིད་བཞིན་འཁོར་ལོ་སོགས། །འཆི་མེད་གྲུབ་པའི་སྲས་བཅས་རྒྱལ་བས་དེང་འདིར་ཤིས་པའི་མེ་ཏོག་སྩོལ། །ཅེས་དགེ་ལེགས་སུ་བྱ་བའི་ཚིག་གིས་མདུན་བསུས་ཏེ། དེང་གི་ཆར་ཡང་གནས་ཕུན་སུམ་ཚོགས་པ་འཛམ་གླིང་ལས་ཀྱི་ས་པའི་བྱེ་བྲག་བྱང་ཕྱོགས་ཁ་བ་ཅན་གྱི་ཡུལ་ལྗོངས་ལས། གཡས་རུ་གཙང་གི་ནོར་འཛིན་གྱི་ཐིག་ལེ་མཁས་དང་གྲུབ་པའི་སྐྱེས་བུ་དུ་མས་བྱིན་གྱིས་བརླབས་པའི་བར་འདིར་དམིགས་བས༵ལ་གྱི་མཚན་འཛུགས། ཆོས་གྲྭ་ཆེན་པོ་འདི་ཉིད་དུ། སྟོན་པ་ཕུན་སུམ་ཚོགས་པ། རིགས་དང་དཀྱིལ་འཁོར་ཀུན་གྱི་ཁྱབ་བདག །ཡོངས་རྫོགས་བསྟན་པ་རྒྱ་མཚོའི་ཉི་མ། ཁམས་གསུམ་འགྲོ་བ་ཡོངས་ཀྱི་སྐྱབས་གཅིག་མཚན་བརྗོད་པར་དཀའ་བ། དོན་གྱི་སླད་དུ་མཚན་ནས་སྨོས་ཏེ་རྡོ་རྗེ་འཆ༵ང་རིན་ཆེན་བློ་གསལ་བསྟན་སྐྱོང་དཔལ་བཟང་པོའི་ཞལ་སྔ་ནས་ཀྱིས། འཁོར་ཕུན་སུམ་ཚོགས་པ་རིག་པ་དང་གྲོལ་བའི་ཡོན་ཏན་རྨད་དུ་བྱུང་བའི་འཕགས་སྐྱེས་འདུས་པ་རྒྱ་མཚོའི་ཚོགས་ལ། ཆོས་ཕུན་སུམ་ཚོགས་པ་གཉིས་སུ་མེད་པའི་རྒྱུད་ཀྱི་རྒྱལ་པོ་ཆེན་པོ་དཔལ་དུས་ཀྱི་འཁོར་ལོ་སོགས་དམིགས་བསལ་ཁ་བསྒྱུར་ཤེས་པར་བྱ། ཟབ་རྒྱས་གདམས་པའི་བདུད་རྩིས་སྐལ་བཟང་ཡིད་ཀྱི་པདྨོ་ཅིར་ཡང་རྒྱས་པར་མཛད་པའི་དུས་ཕུན་སུམ་ཚོགས་པའི་སྐབས་འདིར་ངོས་ཅག་འདུས་པ་ཀུན་གྱིས་སྒོ་གསུམ་གུས་པ་ཆེན་པོས་རྩེ་གཅིག་ཏུ་གསོལ་བ་འདེབས་རྒྱུའི་སྙིང་པོར། མགོན་པོ་གང་ཉིད་ཐོག་མ་མ་མཆིས་པའི་དུས་ནས་གནས་སྐབས་བཞིའི་བག་ཆགས་ཐམས་ཅད་ཨེ་ཝྃ་མཱ་ཡའི་ཕྱག་རྒྱར་བསྡོམས་པའི་དཔལ་དམ་པ་དང་པོའི་སངས་རྒྱས་ཀྱི་གོ་འཕང་མངོན་སུམ་དུ་བརྙེས་སུ་ཟིན་ནའང་། མཐའ་ཀླས་པའི་ཡིད་ཅན་རྒྱ་མཚོ་སྨིན་གྲོལ་ལ་འགོད་པའི་སླད་དུ། སྲས་བཅས་རྒྱལ་བ་ཡོངས་ཀྱི་སྙིང་རྗེ་ཆེན་པོའི་ཡེ་ཤེས་གཅིག་ཏུ་བསྡུས་པའི་རང་གཟུགས། འཕགས་མཆོག་ཕྱག་ན་པདྨོ་སོགས་སློབ་པ་དང་། མི་སློབ་པ་དང་། སོ་སོ་སྐྱེ་བོའི་དགེ་བའི་བཤེས་གཉེན་གྱིས་མཚོན་སྒྱུ་འཕྲུལ་དྲྭ་བ་ཆེན་པོའི་རྣམ་རོལ་མཁའ་ཁྱབ་ཏུ་འཆར་བ་ལས། དེང་འདིར་སུམ་ལྡན་རྡོ་རྗེ་འཛིན་པ་མཆོག་གི་སྐུར་བཞེངས་པའི་མཚན་དཔེའི་དཀྱིལ་འཁོར་རྡོ་རྗེ་ནོར་བུའི་སྙིང་པོ་ལྟར་འཚོ་ཞིང་གཞེས་པ་དང་། ཟབ་རྒྱས་ཆོས་ཀྱི་འཁོར་ལོ་མཐའ་ཀླས་པར་བསྐོར་བའི་བཀའ་དྲིན་ནི་བྱང་ཆུབ་སྙིང་པོའི་བར་དུ་གཞལ་བར་དཀའ་བ་ཐོབ་ཅིང་། འབྱུང་འགྱུར་གྱི་ཆར་ཡང་། ཇི་སྐད་དུ། ཕན་བདེ་འབྱུང་བའི་གནས་གཅིག་པུ། །བསྟན་པ་ཡུན་རིང་གནས་པ་དང་། །བསྟན་པ་འཛིན་པའི་སྐྱེས་བུ་རྣམས། །སྐུ་ཚེའི་རྒྱལ་མཚན་བརྟན་གྱུར་ཅིག །ཅེས་གསུངས་པ་ལྟར་སྤྱིར་ལྷ་དང་བཅས་པའི་འགྲོ་བའི་བདེ་སྐྱིད་ནི་སངས་རྒྱས་ཀྱི་བསྟན་པ་ལ་རགས་ལས་ཤིང་། བསྟན་པ་རིན་པོ་ཆེ་ཡུན་རིང་དུ་གནས་པ་ནི་བསྟན་འཛིན་གྱི་སྐྱེས་བུ་ཁོ་ནར་རགས་ལས་པར་མ་ཟད། བྱེ་བྲག་ཏུ་རྩོད་པའི་དུས་ཀྱི་ཐམས་ཅད་མཁྱེན་ཅིང་གཟིགས་པ་ཆེན་པོ་འཛམ་གླིང་བྱང་ཕྱོགས་ཀྱི་ཐུབ་དབང་གཉིས་པ་བུ་སྟོན་ལོ་ཙཱ་བ་རིན་ཆེན་གྲུབ་ཅེས་མཚན་གྱི་སྙན་པས་འཇིག་རྟེན་གསུམ་གྱི་བླ་ན་མངོན་པར་མཐོ་བ་གང་གི་བཤད་སྒྲུབ་ཀྱི་བསྟན་པ་དྲི་མ་མེད་པ་དར་ཞིང་རྒྱས་ལ་ཡུན་རིང་དུ་གནས་པ་ནི་སྐྱབས་མཆོག་འཁོར་ལོའི་མགོན་པོ་གང་ཉིད་ཀྱི་ཞབས་པད་རིན་པོ་ཆེ་བརྟན་པ་ཁོ་ནའི་བཀའ་དྲིན་ལས་གཞན་དུ་མ་མཆིས་ཤིང་། དེ་ཡང་ཇི་སྐད་དུ། རྒྱུད་བླ་མ་ལས། འཕགས་པས་རྒ་དང་ན་བ་དང་། །འཆི་བའི་སྡུག་བསྔལ་རྩད་ནས་སྤངས། །ཞེས་གསུངས་པ་ལྟར། དོན་དམ་པར་མི་སློབ་པའི་གོ་འཕང་མངོན་སུམ་དུ་བརྙེས་པའི་ཕྱིར་སྐྱེ་འགགས་ཀྱི་སྤྲོས་པ་གཞར་ཡང་མ་དམིགས་ཀྱང་། ཀུན་རྫོབ་ཚུ་རོལ་མཐོང་བའི་བྱིས་པ་སོ་སོའི་སྐྱེ་བོ་རྣམས་ཀྱི་ངོར་ཡང་འཕོ་འགྱུར་གྱི་སྣང་ཚུལ་མི་བཞེས་པར། ཕྱག་རྒྱའི་དེ་ཁོ་ན་ཉིད་དང་། ནཱ་དའི་དེ་ཁོ་ན་ཉིད་དང་། འོད་གསལ་གྱི་དེ་ཁོ་ན་ཉིད་ཀྱི་ངང་དུ་ཀུན་ཏུ་འཕོ་བའི་མཚན་མ་མཐའ་དག་ཉེ་བར་ཞི་བའི་འཆི་མེད་རྟག་པ་དམ་པའི་ཡེ་ཤེས་ཀྱི་སྐུ་དང་དབྱེར་མེད་པར་ཇི་སྲིད་བྱམས་བསྟན་མ་ཤར་གྱི་བར་དུ་འཚོ་ཞིང་གཞེས་ལ་ཆོས་ཀྱང་སྟོན་པར་དངོས་པོ་ཀུན་གྱིས་བཏུད་དེ་གསོལ་བ་འདེབས་པའི་སླད། བདག་གཞན་ཡིད་ཅན་རྒྱ་མཚོས་སྒོ་གསུམ་གྱིས་བསགས་ཤིང་། དུས་གསུམ་དང་འབྲེལ་བའི་ལུས་ལོངས་སྤྱོད་དགེ་ཚོགས་རྒྱ་མཚོ་དང་བཅས་པ་རྒྱུར་བྱས་པ་ལས་བྱུང་བའི་རི་རབ་གླིང་བཞི་ཉི་ཟླ་ཟུང་གཅིག་ལྷ་དང་མིའི་ལོངས་སྤྱོད་ཕུན་སུམ་ཚོགས་པ་ཀུན་ཏུ་བཟང་པོའི་མཆོད་སྤྲིན་ལྟར་བློས་བླངས་ཏེ་ཕུལ་བ་དང་ཆབ་གཅིག །ལྷག་བསམ་དག་པའི་ཆུ་གཏེར་ལས་སྐྱེས་པའི་དངོས་འབྱོར་གྱི་མེ་ཏོག་ཕྲ་མོ་འདི་དག་ཀྱང་འབུལ་ལམ་ཞུ་བ་ལགས་ན་བརྩེ་ཆེན་ཡེ་ཤེས་ཀྱི་གཟིགས་པ་དམ་པས་ཡུད་ཙམ་བདག་གིར་མཛད་ནས། ཞབས་པད་རིན་པོ་ཆེ་འཇིགས་མེད་སེང་གེའི་ཁྲི་འཕང་མཐོན་པོར་བསྐལ་པ་རྒྱ་མཚོར་བརྟན་ཅིང་། ཟབ་རྒྱས་གདམས་པའི་ཆོས་ཆར་ལྷུག་པར་འབེབས་པའི་སྐལ་བ་བཟང་པོའི་བཀའ་དྲིན་གྱིས་དུས་རྟག་ཏུ་རྗེས་སུ་བཟུང་བར་ཞལ་གྱིས་བཞེས་པར་གསོལ་བ་ལན་བརྒྱར་འདེབས་པ་ལགས་ན་ཅི་གནང་། ཞེས་མཚམས་སྦྱར་ནས་མཎྜལ་འབུལ་བ་སོགས་ལ་འཇུག་གོ། །རིགས་དང་དཀྱིལ་འཁོར་རྒྱ་མཚོའི་ཁྱབ་བདག་ཆེ། །འཚོ་གཞེས་གསོལ་འདེབས་ཉུང་ངུ་འདི་སྦྱར་བའི། །ལེགས་བྱས་དེས་ཀྱང་དཔལ་ལྡན་བླ་མ་མཆོག །བསྐལ་པ་རྒྱ་མཚོར་ཞབས་པད་བརྟན་གྱུར་ཅིག །ཅེས་པའང་དཔལ་དུས་ཀྱི་འཁོར་ལོའི་རྒྱུད་སྡེ་ལ་མཁྱེན་རབ་ཀྱི་སྣང་བ་རྒྱས་པ་བླ་ཆེན་བློ་གསལ་མི་ཕམ་ནས་བཀྲ་ཤིས་པའི་ལྷ་རྫས་དང་བཅས་ཏེ་བསྐུལ་བའི་ངོར། རྗེ་བཙུན་རྡོ་རྗེ་འཆང་བློ་གསལ་ཞབས་ཀྱི་ཞབས་རྡུལ་སྤྱི་བོས་ལེན་པའི་རྒྱལ་ཁམས་ཀྱི་ད་རི་དྲཱ་མཁྱེན་བརྩེའི་དབང་པོས་དཔལ་ཞྭ་ལུ་རི་ཕུག་གི་ཆོས་གྲྭར་འཕྲལ་དུ་བྲིས་པ་དགེ། །། ༈}} | ||
ཁྱབ་བདག་རྡོ་རྗེ་འཆང་རིན་ཆེན་བློ་གསལ་བསྟན་སྐྱོང་དཔལ་བཟང་པོ་ཞབས་པད་བརྟན་པར་གསོལ་བ་འདེབས་པའི་གཏམ་འཆི་མེད་བདུད་རྩིའི་སྣང་བ་ཞེས་བྱ་བ། ཨོཾ་སྭསྟི་སིདྡྷཾ། འཆི་མེད་སོ་སོར་རྟོགས་པའི་ཡེ་ཤེས་མཚན་དཔེའི་སྐུར་སྣང་ཚེ་མཐའ་ཡས། །འཆི་མེད་འོད་གསལ་གཉུག་མའི་རང་གཟུགས་རྒྱལ་ཀུན་སྐྱེད་ཡུམ་རྣམ་རྒྱལ་མ། །འཆི་མེད་ཚེ་དང་བློ་གྲོས་མཆོག་སྩོལ་རྗེ་བཙུན་ཡིད་བཞིན་འཁོར་ལོ་སོགས། །འཆི་མེད་གྲུབ་པའི་སྲས་བཅས་རྒྱལ་བས་དེང་འདིར་ཤིས་པའི་མེ་ཏོག་སྩོལ། །ཅེས་དགེ་ལེགས་སུ་བྱ་བའི་ཚིག་གིས་མདུན་བསུས་ཏེ། དེང་གི་ཆར་ཡང་གནས་ཕུན་སུམ་ཚོགས་པ་འཛམ་གླིང་ལས་ཀྱི་ས་པའི་བྱེ་བྲག་བྱང་ཕྱོགས་ཁ་བ་ཅན་གྱི་ཡུལ་ལྗོངས་ལས། གཡས་རུ་གཙང་གི་ནོར་འཛིན་གྱི་ཐིག་ལེ་མཁས་དང་གྲུབ་པའི་སྐྱེས་བུ་དུ་མས་བྱིན་གྱིས་བརླབས་པའི་བར་འདིར་དམིགས་བས༵ལ་གྱི་མཚན་འཛུགས། ཆོས་གྲྭ་ཆེན་པོ་འདི་ཉིད་དུ། སྟོན་པ་ཕུན་སུམ་ཚོགས་པ། རིགས་དང་དཀྱིལ་འཁོར་ཀུན་གྱི་ཁྱབ་བདག །ཡོངས་རྫོགས་བསྟན་པ་རྒྱ་མཚོའི་ཉི་མ། ཁམས་གསུམ་འགྲོ་བ་ཡོངས་ཀྱི་སྐྱབས་གཅིག་མཚན་བརྗོད་པར་དཀའ་བ། དོན་གྱི་སླད་དུ་མཚན་ནས་སྨོས་ཏེ་རྡོ་རྗེ་འཆ༵ང་རིན་ཆེན་བློ་གསལ་བསྟན་སྐྱོང་དཔལ་བཟང་པོའི་ཞལ་སྔ་ནས་ཀྱིས། འཁོར་ཕུན་སུམ་ཚོགས་པ་རིག་པ་དང་གྲོལ་བའི་ཡོན་ཏན་རྨད་དུ་བྱུང་བའི་འཕགས་སྐྱེས་འདུས་པ་རྒྱ་མཚོའི་ཚོགས་ལ། ཆོས་ཕུན་སུམ་ཚོགས་པ་གཉིས་སུ་མེད་པའི་རྒྱུད་ཀྱི་རྒྱལ་པོ་ཆེན་པོ་དཔལ་དུས་ཀྱི་འཁོར་ལོ་སོགས་དམིགས་བསལ་ཁ་བསྒྱུར་ཤེས་པར་བྱ། ཟབ་རྒྱས་གདམས་པའི་བདུད་རྩིས་སྐལ་བཟང་ཡིད་ཀྱི་པདྨོ་ཅིར་ཡང་རྒྱས་པར་མཛད་པའི་དུས་ཕུན་སུམ་ཚོགས་པའི་སྐབས་འདིར་ངོས་ཅག་འདུས་པ་ཀུན་གྱིས་སྒོ་གསུམ་གུས་པ་ཆེན་པོས་རྩེ་གཅིག་ཏུ་གསོལ་བ་འདེབས་རྒྱུའི་སྙིང་པོར། མགོན་པོ་གང་ཉིད་ཐོག་མ་མ་མཆིས་པའི་དུས་ནས་གནས་སྐབས་བཞིའི་བག་ཆགས་ཐམས་ཅད་ཨེ་ཝྃ་མཱ་ཡའི་ཕྱག་རྒྱར་བསྡོམས་པའི་དཔལ་དམ་པ་དང་པོའི་སངས་རྒྱས་ཀྱི་གོ་འཕང་མངོན་སུམ་དུ་བརྙེས་སུ་ཟིན་ནའང་། མཐའ་ཀླས་པའི་ཡིད་ཅན་རྒྱ་མཚོ་སྨིན་གྲོལ་ལ་འགོད་པའི་སླད་དུ། སྲས་བཅས་རྒྱལ་བ་ཡོངས་ཀྱི་སྙིང་རྗེ་ཆེན་པོའི་ཡེ་ཤེས་གཅིག་ཏུ་བསྡུས་པའི་རང་གཟུགས། འཕགས་མཆོག་ཕྱག་ན་པདྨོ་སོགས་སློབ་པ་དང་། མི་སློབ་པ་དང་། སོ་སོ་སྐྱེ་བོའི་དགེ་བའི་བཤེས་གཉེན་གྱིས་མཚོན་སྒྱུ་འཕྲུལ་དྲྭ་བ་ཆེན་པོའི་རྣམ་རོལ་མཁའ་ཁྱབ་ཏུ་འཆར་བ་ལས། དེང་འདིར་སུམ་ལྡན་རྡོ་རྗེ་འཛིན་པ་མཆོག་གི་སྐུར་བཞེངས་པའི་མཚན་དཔེའི་དཀྱིལ་འཁོར་རྡོ་རྗེ་ནོར་བུའི་སྙིང་པོ་ལྟར་འཚོ་ཞིང་གཞེས་པ་དང་། ཟབ་རྒྱས་ཆོས་ཀྱི་འཁོར་ལོ་མཐའ་ཀླས་པར་བསྐོར་བའི་བཀའ་དྲིན་ནི་བྱང་ཆུབ་སྙིང་པོའི་བར་དུ་གཞལ་བར་དཀའ་བ་ཐོབ་ཅིང་། འབྱུང་འགྱུར་གྱི་ཆར་ཡང་། ཇི་སྐད་དུ། ཕན་བདེ་འབྱུང་བའི་གནས་གཅིག་པུ། །བསྟན་པ་ཡུན་རིང་གནས་པ་དང་། །བསྟན་པ་འཛིན་པའི་སྐྱེས་བུ་རྣམས། །སྐུ་ཚེའི་རྒྱལ་མཚན་བརྟན་གྱུར་ཅིག །ཅེས་གསུངས་པ་ལྟར་སྤྱིར་ལྷ་དང་བཅས་པའི་འགྲོ་བའི་བདེ་སྐྱིད་ནི་སངས་རྒྱས་ཀྱི་བསྟན་པ་ལ་རགས་ལས་ཤིང་། བསྟན་པ་རིན་པོ་ཆེ་ཡུན་རིང་དུ་གནས་པ་ནི་བསྟན་འཛིན་གྱི་སྐྱེས་བུ་ཁོ་ནར་རགས་ལས་པར་མ་ཟད། བྱེ་བྲག་ཏུ་རྩོད་པའི་དུས་ཀྱི་ཐམས་ཅད་མཁྱེན་ཅིང་གཟིགས་པ་ཆེན་པོ་འཛམ་གླིང་བྱང་ཕྱོགས་ཀྱི་ཐུབ་དབང་གཉིས་པ་བུ་སྟོན་ལོ་ཙཱ་བ་རིན་ཆེན་གྲུབ་ཅེས་མཚན་གྱི་སྙན་པས་འཇིག་རྟེན་གསུམ་གྱི་བླ་ན་མངོན་པར་མཐོ་བ་གང་གི་བཤད་སྒྲུབ་ཀྱི་བསྟན་པ་དྲི་མ་མེད་པ་དར་ཞིང་རྒྱས་ལ་ཡུན་རིང་དུ་གནས་པ་ནི་སྐྱབས་མཆོག་འཁོར་ལོའི་མགོན་པོ་གང་ཉིད་ཀྱི་ཞབས་པད་རིན་པོ་ཆེ་བརྟན་པ་ཁོ་ནའི་བཀའ་དྲིན་ལས་གཞན་དུ་མ་མཆིས་ཤིང་། དེ་ཡང་ཇི་སྐད་དུ། རྒྱུད་བླ་མ་ལས། འཕགས་པས་རྒ་དང་ན་བ་དང་། །འཆི་བའི་སྡུག་བསྔལ་རྩད་ནས་སྤངས། །ཞེས་གསུངས་པ་ལྟར། དོན་དམ་པར་མི་སློབ་པའི་གོ་འཕང་མངོན་སུམ་དུ་བརྙེས་པའི་ཕྱིར་སྐྱེ་འགགས་ཀྱི་སྤྲོས་པ་གཞར་ཡང་མ་དམིགས་ཀྱང་། ཀུན་རྫོབ་ཚུ་རོལ་མཐོང་བའི་བྱིས་པ་སོ་སོའི་སྐྱེ་བོ་རྣམས་ཀྱི་ངོར་ཡང་འཕོ་འགྱུར་གྱི་སྣང་ཚུལ་མི་བཞེས་པར། ཕྱག་རྒྱའི་དེ་ཁོ་ན་ཉིད་དང་། ནཱ་དའི་དེ་ཁོ་ན་ཉིད་དང་། འོད་གསལ་གྱི་དེ་ཁོ་ན་ཉིད་ཀྱི་ངང་དུ་ཀུན་ཏུ་འཕོ་བའི་མཚན་མ་མཐའ་དག་ཉེ་བར་ཞི་བའི་འཆི་མེད་རྟག་པ་དམ་པའི་ཡེ་ཤེས་ཀྱི་སྐུ་དང་དབྱེར་མེད་པར་ཇི་སྲིད་བྱམས་བསྟན་མ་ཤར་གྱི་བར་དུ་འཚོ་ཞིང་གཞེས་ལ་ཆོས་ཀྱང་སྟོན་པར་དངོས་པོ་ཀུན་གྱིས་བཏུད་དེ་གསོལ་བ་འདེབས་པའི་སླད། བདག་གཞན་ཡིད་ཅན་རྒྱ་མཚོས་སྒོ་གསུམ་གྱིས་བསགས་ཤིང་། དུས་གསུམ་དང་འབྲེལ་བའི་ལུས་ལོངས་སྤྱོད་དགེ་ཚོགས་རྒྱ་མཚོ་དང་བཅས་པ་རྒྱུར་བྱས་པ་ལས་བྱུང་བའི་རི་རབ་གླིང་བཞི་ཉི་ཟླ་ཟུང་གཅིག་ལྷ་དང་མིའི་ལོངས་སྤྱོད་ཕུན་སུམ་ཚོགས་པ་ཀུན་ཏུ་བཟང་པོའི་མཆོད་སྤྲིན་ལྟར་བློས་བླངས་ཏེ་ཕུལ་བ་དང་ཆབ་གཅིག །ལྷག་བསམ་དག་པའི་ཆུ་གཏེར་ལས་སྐྱེས་པའི་དངོས་འབྱོར་གྱི་མེ་ཏོག་ཕྲ་མོ་འདི་དག་ཀྱང་འབུལ་ལམ་ཞུ་བ་ལགས་ན་བརྩེ་ཆེན་ཡེ་ཤེས་ཀྱི་གཟིགས་པ་དམ་པས་ཡུད་ཙམ་བདག་གིར་མཛད་ནས། ཞབས་པད་རིན་པོ་ཆེ་འཇིགས་མེད་སེང་གེའི་ཁྲི་འཕང་མཐོན་པོར་བསྐལ་པ་རྒྱ་མཚོར་བརྟན་ཅིང་། ཟབ་རྒྱས་གདམས་པའི་ཆོས་ཆར་ལྷུག་པར་འབེབས་པའི་སྐལ་བ་བཟང་པོའི་བཀའ་དྲིན་གྱིས་དུས་རྟག་ཏུ་རྗེས་སུ་བཟུང་བར་ཞལ་གྱིས་བཞེས་པར་གསོལ་བ་ལན་བརྒྱར་འདེབས་པ་ལགས་ན་ཅི་གནང་། ཞེས་མཚམས་སྦྱར་ནས་མཎྜལ་འབུལ་བ་སོགས་ལ་འཇུག་གོ། །རིགས་དང་དཀྱིལ་འཁོར་རྒྱ་མཚོའི་ཁྱབ་བདག་ཆེ། །འཚོ་གཞེས་གསོལ་འདེབས་ཉུང་ངུ་འདི་སྦྱར་བའི། །ལེགས་བྱས་དེས་ཀྱང་དཔལ་ལྡན་བླ་མ་མཆོག །བསྐལ་པ་རྒྱ་མཚོར་ཞབས་པད་བརྟན་གྱུར་ཅིག །ཅེས་པའང་དཔལ་དུས་ཀྱི་འཁོར་ལོའི་རྒྱུད་སྡེ་ལ་མཁྱེན་རབ་ཀྱི་སྣང་བ་རྒྱས་པ་བླ་ཆེན་བློ་གསལ་མི་ཕམ་ནས་བཀྲ་ཤིས་པའི་ལྷ་རྫས་དང་བཅས་ཏེ་བསྐུལ་བའི་ངོར། རྗེ་བཙུན་རྡོ་རྗེ་འཆང་བློ་གསལ་ཞབས་ཀྱི་ཞབས་རྡུལ་སྤྱི་བོས་ལེན་པའི་རྒྱལ་ཁམས་ཀྱི་ད་རི་དྲཱ་མཁྱེན་བརྩེའི་དབང་པོས་དཔལ་ཞྭ་ལུ་རི་ཕུག་གི་ཆོས་གྲྭར་འཕྲལ་དུ་བྲིས་པ་དགེ། །། ༈}} | |||
</onlyinclude> | </onlyinclude> | ||
{{TsagliCall}} | {{TsagliCall}} |
Latest revision as of 17:07, 1 June 2024
Wylie title | khyab bdag rdo rje 'chang rin chen blo gsal bstan skyong dpal bzang po zhabs pad brtan par gsol ba 'debs pa'i gtam 'chi med bdud rtsi'i snang ba | ![]() |
---|---|---|
Location | mkhyen brtse'i bka' 'bum Volume 20, sde tshan 1, Text 29, Pages 53-57 (Folios 27a1 to 29a4) | |
Author | འཇམ་དབྱངས་མཁྱེན་བརྩེའི་དབང་པོ་ | |
Less details More details | ||
Associated People | བློ་གསལ་བསྟན་སྐྱོང་ (blo gsal bstan skyong) | |
Citation | 'jam dbyangs mkhyen brtse'i dbang po. khyab bdag rdo rje 'chang rin chen blo gsal bstan skyong dpal bzang po zhabs pad brtan par gsol ba 'debs pa'i gtam 'chi med bdud rtsi'i snang ba. In 'jam dbyangs mkhyen brtse'i dbang po'i bka' 'bum, Vol. 20: 53-57. Khams sde dge rdzong sar dgon: Rdzong sar blo gros phun tshogs, 2020. | |
Genre | Official Letters - chab shog · Prayers for Long Life - zhabs brtan gsol 'debs - brtan bzhugs | |
Colophon |
ཅེས་པའང་དཔལ་དུས་ཀྱི་འཁོར་ལོའི་རྒྱུད་སྡེ་ལ་མཁྱེན་རབ་ཀྱི་སྣང་བ་རྒྱས་པ་བླ་ཆེན་བློ་གསལ་མི་ཕམ་ནས་བཀྲ་ཤིས་པའི་ལྷ་རྫས་དང་བཅས་ཏེ་བསྐུལ་བའི་ངོར། རྗེ་བཙུན་རྡོ་རྗེ་འཆང་བློ་གསལ་ཞབས་ཀྱི་ཞབས་རྡུལ་སྤྱི་བོས་ལེན་པའི་རྒྱལ་ཁམས་ཀྱི་ད་རི་དྲཱ་མཁྱེན་བརྩེའི་དབང་པོས་དཔལ་ཞྭ་ལུ་རི་ཕུག་གི་ཆོས་གྲྭར་འཕྲལ་དུ་བྲིས་པ་དགེ། | |
ces pa'ang dpal dus kyi 'khor lo'i rgyud sde la mkhyen rab kyi snang ba rgyas pa bla chen blo gsal mi pham nas bkra shis pa'i lha rdzas dang bcas te bskul ba'i ngor/___rje btsun rdo rje 'chang blo gsal zhabs kyi zhabs rdul spyi bos len pa'i rgyal khams kyi da ri drA mkhyen brtse'i dbang pos dpal zhwa lu ri phug gi chos grwar 'phral du bris pa dge |
1 Texts in this Section (sde tshan or chos tshan)