JKW-KABUM-19-DZA-001-024

🚧 This website is under continued development. We appreciate your patience!

Previous Text Back to Volume PageNext Text

Wylie title	bon gter brgya rtsa'i gter 'byung gong lnga'i gsan tho las leb bshus byas pa zhig gda' ba der
Location	mkhyen brtse'i bka' 'bum Volume 19, sde tshan 1, Text 24, Pages 219-222 (Folios 110a4 to 111b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. bon gter brgya rtsa'i gter 'byung gong lnga'i gsan tho las leb bshus byas pa zhig gda' ba der. In 'jam dbyangs mkhyen brtse'i dbang po'i bka' 'bum, Vol. 19: 219-222. Khams sde dge rdzong sar dgon: Rdzong sar blo gros phun tshogs, 2020.
Genre	History Texts - lo rgyus  ·  Religious History Texts - chos 'byung

1 Texts in this Section (sde tshan or chos tshan)

24 219-222	བོན་གཏེར་བརྒྱ་རྩའི་གཏེར་འབྱུང་གོང་ལྔའི་གསན་ཐོ་ལས་ལེབ་བཤུས་བྱས་པ་ཞིག་གདའ་བ་དེར། bon gter brgya rtsa'i gter 'byung gong lnga'i gsan tho las leb bshus byas pa zhig gda' ba der History Texts - lo rgyus   ·   Religious History Texts - chos 'byung	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །བོན་ཀུན་གྲོལ་བའི་བོན་གཏེར་བརྒྱ་རྩའི་གཏེར་འབྱུང་ཉི་མའི་དཀྱིལ་འཁོར་དུ་བཏགས་པ་དོན་གོང་ལྔའི་གསན་ཐོ་ལས་ལེབ་བཤུས་བྱས་པ་ཞིག་གདའ་བ་དེར། གཏེར་སྟོན་སངས་རྒྱས་བླ་མ་ནི། ལི་ཤུ། དྲན་པ་པད་འབྱུང་གསུམ་གྱི་སྨོན་ལམ་མཐའ་བཙན་ལྷོ་བལ་དུ་སངས་རྒྱས་སེམས་དཔའ་བཤེས་གཉེན་བླ་མའི་ཚུལ་དུ་བཟུང་བ་ཨ་ཙ་ར་དཀོན་མཆོག་གྲགས་པ། པད་ཀུ་རིན་ཆེན། ཉ་མོ་མགོན་པོ་གསུམ་ལ་ཨ་ཙ་ར་མི་གསུམ་དུ་གྲགས་པ་དེས་བསམ་ཡས་ནས་མདོ་མངོན་སྔགས་སེམས་ཀྱི་བོན་སྡེ་པུསྟི་སུམ་བརྒྱ་དང་བཞི་བཅུ་གདན་དྲངས། གློ་བོ་དགེ་དཀར་ནས་མདོ་དང་། རྒྱུད་སྡེའི་སྒྲོམ་བུ་གཉིས། བསམ་ཡས་མཆོད་རྟེན་དམར་པོ་ནས་རིན་པོ་ཆེའི་སྒྲོམ་དྲུག་ལས་སྔགས་སྡེ་དང་། གསོ་སྦྱོང་སོགས་སྡེ་དྲུག་པུ་སྟི་ལྔ་བཅུ་ཐམ་པ་སྤྱན་དྲངས་ཏེ་ཁམས་ཀྱི་དབུ་མཆོད་ཕུར་པ་འབར་ལ་གནང་ཚུལ་སྣང་། ། ༈ ཁུ་ཚ་སྟོན་པ་ནི། བཀའ་ཐང་དུ་ཀུ་ཚ་སྟོན་པ། བོན་ལུགས། ཁུ་ཚ་ཟླ་འོད། ཆོས་ལུགས་གཡུ་ཐོག་ཡོན་ཏན་མགོན་པོ་སྟེ། དེས་ལྷོ་སྤ་གྲོ་གཅལ་གྱི་བྲག་ནས་གཏེར་སྒྲོམ་ཁྱད་པར་ཅན་བཞི་བཏོན་པའི། གཤང་ལས་བོན་རྒྱུ་དང་། འབྲས་བུ། ལྷུན་གྲུབ་ཀྱི་སྡེ་གསུམ། དྲིལ་བུ་ལས་གསོ་དཔྱད་བདུད་རྩིའི་བུམ་པ་དང་། གཡུ་ཐོག་སྙིང་ཏིག །བཙག་ཆ་ལས་སྨན་གྱི་རྒྱུད་བཞི། གབ་རྩེ་ལས་གཙུག་ལག་རྩིས་ཀྱི་སྐོར་རྣམས་བྱུང་། ། ༈ གྲུབ་ཐོབ་དངོས་གྲུབ་ནི། བོན་ལུགས། ངོམ་རྟ་ར་ཀླུ་གོང་གི་སྐྱེ་བ་བཞེད་སྟོན་དངོས་གྲུབ་ཏུ་གྲགས། དེས་མཁོ་མཐིང་རྣམ་སྣང་ཀེའུ་ཚང་ནས་རྫོགས་ཆེན་བསྒྲགས་པ་སྐོར་གསུམ་དང་། སྒོ་སྲུང་རྟ་མགྲིན་ཐུགས་ཀ་ནས་རྫོགས་ཆེན་ཡང་རྩེ་ཀློང་ཆེན་སོགས་སྤྱན་དྲངས། ། ༈ རིག་འཛིན་རྒོད་ལྡེམ་ནི། བོན་ལུགས་དབོན་སྲས་ཁྱུང་ཐོགས་སམ། དབྱིལ་སྟོན་ཧེ་རུ་ཀར་གྲགས། དེས་དབུས་སྙིང་མཛོད་སྨུག་པོ་ནས་བོན་རྫོགས་ཆེན་དང་། དྲན་པ་ཕྱི་ནང་གསང་གསུམ། གེ་ཁོད། སྟག་ལྷ་སོགས་མང་དུ་སྤྱན་དྲངས། གྲོམ་པ་རྒྱངས་རྟ་མགྲིན་རྒྱབ་ཡོལ་ནས་ཕུར་པའི་སྐོར་སོགས་ཀྱིས་མཚོན་ཤིན་ཏུ་མང་བར་སྤྱན་དྲངས་ཏེ། འགྲོ་མགོན་བླ་མའི་རིན་པོ་ཆེ་དང་། སྦ་སྟོན་རྒྱལ་བ་ཤེས་རབ་གཉིས་ལ་གནང་སྐད། ། ༈ ར་ཤག་ཆོས་འབར་རམ། བོན་ལུགས་ར་ཤག་འབུམ་རྗེའམ་གཡུང་དྲུང་འབར་གྱིས་ཉང་སྟོད་གཉན་གྱི་སེ་བོ་རི་ནས་བོན་སེམས་ཕྱོགས་དང་། མཆིམས་ཕུ་ནས་བསྟན་སྲུང་གི་བོན་སྐོར་མང་པོ་སྤྱན་དྲངས། སྲས་གཡུང་དྲུང་རྒྱལ་མཚན་སོགས་ལ་གནང་། ། ༈ གཏེར་སྟོན་སུམ་ཚོགས་སམ། བོན་ལུགས་གཙང་གི་བནྡེ་གསུམ་གྱིས་ཡེར་པ་ཟླ་བ་ཕུག་ནས་བོན་ཉིད་གདལ་འབུམ་སོགས་མང་དུ་བཞེས་པ་སྟོད་ལུང་པ་ལུང་སྟོན་འོད་འབར་རམ་གཉགས་སྟོན་ལྷ་འབར་དུ་གྲགས་པ་ལ་གནང་བ་ནས་དར། ། ༈ ཁུ་ཚ་ཟླ་འོད་ཀྱི་གཏེར་སློབ་འགར་སྟོན་ཁྲོ་རྒྱལ་འབུམ་གྱི་སྤ་གྲོ་སྐྱེར་ཆུ་ནས་རྫོགས་ཆེན་ལྟ་བ་ཀློང་བརྡལ་སོགས་སྤྱན་དྲངས། ། ༈ གཉལ་པ་ཉི་མ་ཤེས་རབ་ལ། བོན་ལུགས་སྤྲུལ་སྐུ་གོ་ལྔ་འཕགས་པའམ། དབང་ལྡན་གཤེན་སྲས་ལྷ་རྗེར་གྲགས་པས། ཁམས་ཀྱི་ཀེ་ཕུ་རག་ཕྲམ་བྲག་དཀར་ནས་རྣམ་རྒྱལ་རྒྱ་ནག་མའི་སྐོར་སོགས་སྤྱན་དྲངས། ། ༈ གུ་རུ་ཇོ་རྩེའམ། ལི་ཤུའི་སྤྲུལ་པ་གུ་རུ་རྣོན་རྩེས་རྟ་ནག་དུང་བོར་བྲག་ནས་ཕ་རྒྱུད་སྡོང་པོ་དགུ་འདུས་སོགས་མང་དུ་སྤྱན་དྲངས། ། ༈ རྡོ་རྗེ་གླིང་པས་སྤ་གྲོ་སྟག་ཚང་ནས་རྫོགས་ཆེན་གསེར་ཐུར་དང་། ཚེ་དབང་བོད་ཡུལ་མ། དྲན་པ་ཡབ་སྲས་ཀྱི་སྐོར་སོགས་སྤྱན་དྲངས། ། ༈ སྤྲུལ་སྐུ་བསྟན་གཉིས་གླིང་པས་ཚེ་སྤུངས་གཡུང་དྲུང་གི་ཤར་ནས་རྫོགས་ཆེན་གསེར་ཞུན་སྐོར་སོགས་སྤྱན་དྲངས་ཞེས་སྣང་ཞིང་། ཕྱིས་ཀྱི་བདུད་འདུལ། ཀློང་གསལ། རིག་འཛིན་ཆོས་རྗེ་གླིང་པ་སོགས་བོན་ལུགས་ཀྱི་གཏེར་སྟོན་འགའ་ལའང་བོན་གཏེར་ཅི་རིགས་ཡོད་སྣང་། བོན་སངས་གླིང་གི་ཚེ་སྒྲུབ་བཻ་རོའི་གོང་ཁུགས་དང་། ཀུན་གྲོལ་གྱི་རྩ་རླུང་མཁའ་འགྲོ་གསང་མཛོད་སོགས་བོན་གཏེར་རྣམས་ལ་བོན་ཆོས་མང་པོ་དང་། སྤྱིར་ཡང་བོན་དུ་མིང་བཏགས་པ་ཙམ་ལས། དོན་ཆོས་སུ་མངོན་པའང་མང་མོད། མཐའ་གཅིག་ཏུ་འཐད་ལྡན་ཡིན་མིན་ནི་ཁ་ཚོན་སུས་ཀྱང་གཅོད་དཀའ་བར་གདའ་བས་རེ་ཞིག་དབུ་མའི་ལམ་དུ་བཞག་ན་ལེགས་པར་མངོན་ནོ།། །། ༈

[edit]

bon gter brgya rtsa'i gter 'byung gong lnga'i gsan tho las leb bshus byas pa zhig gda' ba der/ @#/_/bon kun grol ba'i bon gter brgya rtsa'i gter 'byung nyi ma'i dkyil 'khor du btags pa don gong lnga'i gsan tho las leb bshus byas pa zhig gda' ba der/__gter ston sangs rgyas bla ma ni/__li shu/__dran pa pad 'byung gsum gyi smon lam mtha' btsan lho bal du sangs rgyas sems dpa' bshes gnyen bla ma'i tshul du bzung ba a tsa ra dkon mchog grags pa/__pad ku rin chen/__nya mo mgon po gsum la a tsa ra mi gsum du grags pa des bsam yas nas mdo mngon sngags sems kyi bon sde pusti sum brgya dang bzhi bcu gdan drangs/__glo bo dge dkar nas mdo dang /__rgyud sde'i sgrom bu gnyis/__bsam yas mchod rten dmar po nas rin po che'i sgrom drug las sngags sde dang /__gso sbyong sogs sde drug pu sti lnga bcu tham pa spyan drangs te khams kyi dbu mchod phur pa 'bar la gnang tshul snang /___/__!_khu tsha ston pa ni/__bka' thang du ku tsha ston pa/__bon lugs/__khu tsha zla 'od/__chos lugs g.yu thog yon tan mgon po ste/__des lho spa gro gcal gyi brag nas gter sgrom khyad par can bzhi bton pa'i/__gshang las bon rgyu dang /__'bras bu/__lhun grub kyi sde gsum/__dril bu las gso dpyad bdud rtsi'i bum pa dang /__g.yu thog snying tig__/btsag cha las sman gyi rgyud bzhi/__gab rtse las gtsug lag rtsis kyi skor rnams byung /___/__!_grub thob dngos grub ni/__bon lugs/__ngom rta ra klu gong gi skye ba bzhed ston dngos grub tu grags/__des mkho mthing rnam snang ke'u tshang nas rdzogs chen bsgrags pa skor gsum dang /__sgo srung rta mgrin thugs ka nas rdzogs chen yang rtse klong chen sogs spyan drangs/___/__!_rig 'dzin rgod ldem ni/__bon lugs dbon sras khyung thogs sam/__dbyil ston he ru kar grags/__des dbus snying mdzod smug po nas bon rdzogs chen dang /__dran pa phyi nang gsang gsum/__ge khod/__stag lha sogs mang du spyan drangs/__grom pa rgyangs rta mgrin rgyab yol nas phur pa'i skor sogs kyis mtshon shin tu mang bar spyan drangs te/__'gro mgon bla ma'i rin po che dang /__sba ston rgyal ba shes rab gnyis la gnang skad/___/__!_ra shag chos 'bar ram/__bon lugs ra shag 'bum rje'am g.yung drung 'bar gyis nyang stod gnyan gyi se bo ri nas bon sems phyogs dang /__mchims phu nas bstan srung gi bon skor mang po spyan drangs/__sras g.yung drung rgyal mtshan sogs la gnang /___/__!_gter ston sum tshogs sam/__bon lugs gtsang gi ban+de gsum gyis yer pa zla ba phug nas bon nyid gdal 'bum sogs mang du bzhes pa stod lung pa lung ston 'od 'bar ram gnyags ston lha 'bar du grags pa la gnang ba nas dar/___/__!_khu tsha zla 'od kyi gter slob 'gar ston khro rgyal 'bum gyi spa gro skyer chu nas rdzogs chen lta ba klong brdal sogs spyan drangs/___/__!_gnyal pa nyi ma shes rab la/__bon lugs sprul sku go lnga 'phags pa'am/__dbang ldan gshen sras lha rjer grags pas/__khams kyi ke phu rag phram brag dkar nas rnam rgyal rgya nag ma'i skor sogs spyan drangs/___/__!__gu ru jo rtse'am/__li shu'i sprul pa gu ru rnon rtses rta nag dung bor brag nas pha rgyud sdong po dgu 'dus sogs mang du spyan drangs/___/__!_rdo rje gling pas spa gro stag tshang nas rdzogs chen gser thur dang /__tshe dbang bod yul ma/__dran pa yab sras kyi skor sogs spyan drangs/___/__!_sprul sku bstan gnyis gling pas tshe spungs g.yung drung gi shar nas rdzogs chen gser zhun skor sogs spyan drangs zhes snang zhing /__phyis kyi bdud 'dul/__klong gsal/__rig 'dzin chos rje gling pa sogs bon lugs kyi gter ston 'ga' la'ang bon gter ci rigs yod snang /__bon sangs gling gi tshe sgrub bai ro'i gong khugs dang /__kun grol gyi rtsa rlung mkha' 'gro gsang mdzod sogs bon gter rnams la bon chos mang po dang /__spyir yang bon du ming btags pa tsam las/__don chos su mngon pa'ang mang mod/__mtha' gcig tu 'thad ldan yin min ni kha tshon sus kyang gcod dka' bar gda' bas re zhig dbu ma'i lam du bzhag na legs par mngon no//____//_!