JKW-KABUM-17-TSA-003-005

🚧 This website is under continued development. We appreciate your patience!

Previous Text Back to Volume PageNext Text

Wylie title	lnga pa rje yab sras gsum gyi bris thang gi dbus su rje rin po che sku mdog dkar la dmar mdangs chags pa
Location	mkhyen brtse'i bka' 'bum Volume 17, sde tshan 3, Text 5, Pages 466-473 (Folios 12b3 to 16a6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. lnga pa rje yab sras gsum gyi bris thang gi dbus su rje rin po che sku mdog dkar la dmar mdangs chags pa. In 'jam dbyangs mkhyen brtse'i dbang po'i bka' 'bum, Vol. 17: 466-473. Khams sde dge rdzong sar dgon: Rdzong sar blo gros phun tshogs, 2020.
Genre	Art - rtsom rig / ri mo / bris cha  ·  Guides to Paintings - bri yig

1 Texts in this Section (sde tshan or chos tshan)

5 466-473	ལྔ་པ་རྗེ་ཡབ་སྲས་གསུམ་གྱི་བྲིས་ཐང་གི་དབུས་སུ་རྗེ་རིན་པོ་ཆེ་སྐུ་མདོག་དཀར་ལ་དམར་མདངས་ཆགས་པ། lnga pa rje yab sras gsum gyi bris thang gi dbus su rje rin po che sku mdog dkar la dmar mdangs chags pa Art - rtsom rig / ri mo / bris cha   ·   Guides to Paintings - bri yig	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

ལྔ་པ་རྗེ་ཡབ་སྲས་གསུམ་གྱི་བྲིས་ཐང་གི་དབུས་སུ་རྗེ་རིན་པོ་ཆེ་སྐུ་མདོག་དཀར་ལ་དམར་མདངས་ཆགས་པ། ཨོཾ་སྭ་སྟི། རྗེ་ཡབ་སྲས་གསུམ་གྱི་བྲིས་ཐང་གི་དབུས་སུ་རྗེ་རིན་པོ་ཆེ་སྐུ་མདོག་དཀར་ལ་དམར་མདངས་ཆགས་པ། སྐུ་ཤ་རྒྱས་ཤིང་ཞལ་རས་ཆེ་བ་འགྲེས་ཉམས་སོགས་མེད་པ། ཤངས་ཟླུམ་ཞིང་ཆེ་བ། ཕྱག་ཐུགས་ཀར་ཆོས་འཆད་ལས་གྱེས་པའི་ཨུཏྤལ་གཡས་སུ་སྙན་ཐད་རལ་གྲི། གཡོན་དུ་གླེགས་བམ། དབུ་པཎ་ཞུ་སེར་པོ་ཟབ་ཅན། སྐུ་ཆོས་གོས་རྣམ་གསུམ། ཞབས་རྡོར་སྐྱིལ། གདན་སེང་ཁྲི་པད་ཟླ། བླ་མའི་རྣལ་འབྱོར་ལྟར་ན་སྤྲིན་དཀར་པོ་རྒྱས་པའི་སྟེང་ན་བཞུགས་པ་བྲི་དགོས་ཀྱང་། འདིར་སྟབས་མི་བདེ་བས་རྒྱབ་ཡོལ་གྱི་ཕག་ནས་སྤྲིན་དོན་པའི་རྣམ་པ་ཙམ། གཡས་སུ་རྒྱལ་ཚབ་རྗེ་སྐུ་ཅུང་ཟད་འདུད་པའི་རྣམ་པ། ཕྱག་གཡས་ཆོས་འཆད་ནོར་བུས་མཚན་པའི་པད་དཀར། གཡོན་མཉམ་བཞག་གླེགས་བམ། གཡོན་དུ་མཁས་གྲུབ་རིན་པོ་ཆེ་སྐུ་དར་བབ། སྐུ་ཤ་ཅུང་སྲབ་པ་འགྱིང་བའི་རྣམ་པ་ཅན། གཡས་ཆོས་འཆད་པདྨ་རྡོར་དྲིལ་གྱིས་མཚན་པ། གཡོན་མཉམ་གཞག་གླེགས་བམ། གཉིས་ཀ་དབུ་པཎ་ཞུ་སེར་པོ་ཟེ་བ་མེད་པ། ཆོས་གོས་རྣམ་གསུམ་གསོལ་བ། ཞྭབས་རྡོར་སྐྱིལ་གྱིས་པད་ཟླའི་གདན་ལ་བཞུགས་པ། བླ་མའི་རྣལ་འབྱོར་ལས་སེང་ཁྲི་གསུངས་ཀྱང་བྲིས་ཆ་ལ་གུ་དོག་པའི་སྐྱོན་ཙམ་འབྱུང་བས་མ་བྲིས་ན་ཆོག །དེའང་གཉིས་ཀ་སྐུ་ཤ་དཀར་ལ་དམར་མདངས་ཆགས་པ། རྒྱལ་ཚབ་རྗེ་སྐུ་ཅུང་ཟད་འགྲེས་ཉམས་ཞི་དུལ་གྱི་རྣམ་པ་སྐུ་ཤ་ཚོ་སྐེམས་རན་པ། མཁས་གྲུབ་རྗེ་སྐུ་གྲིམས་ཞིང་ཧུར་བག་གི་རྣམ་པ་ཞིག་བྲི་སྲོལ་སྣང་། མདུན་དུ་དགེ་བཤེས་རྡོ་རྗེ་འཆང་སྐུ་གཟུགས་ཆེ་བ་སྐུ་ཤ་ཚོ་སྐེམ་རན་པ་ཞི་དུལ་གྱི་རྣམ་པ། དབུ་པཎ་ཞྭ་རྣ་ཐུང་སེར་པོ་ལེབ་ཞྭ་མཛད་པ། ཕྱག་གཡས་ཆོས་འཆད། གཡོན་མཉམ་གཞག་གླེགས་བམ། ཆོས་གོས་རྣམ་གསུམ་གསོལ་བ། ཞབས་སེམས་སྐྱིལ་བདེ་ལུགས་ཅན་ལྷོད་ཆགས་པ། གདན་རིན་པོ་ཆེའི་ཁྲི་དང་དར་འབོལ། མདུན་དུ་ལྷུང་བཟེད། སྤྱི་བླུགས། ཤིང་ཏོག་ཙམ། རྗེ་རིན་པོ་ཆེའི་སྐུའི་གཡས་སུ་མཁར་གསིལ་ཞིག་བྲི་སྲོལ་སྣང་བ་སྟབས་བདེ་ན་ལེགས། ལྷུང་བཟེད་འདི་དག་ཞོ་དང་ཤིང་ཏོག་སོགས་ཀྱིས་གང་བ་རེ་བྲི་དགོས། ཐམས་ཅད་ཀྱི་ཆོས་གོས་སྣམ་སྦྱར་སེར། ཤམ་ཐབས་ལེའུ་ཅན། རྗེ་རིན་པོ་ཆེའི་དབུ་གཙུག་ཏུ་བྱམས་པ་བཟང་པོའི་འདུག་སྟངས་ཀྱིས་རིན་པོ་ཆེའི་ཁྲི་ལ་བཞུགས་བ། ཕྱག་ཆོས་འཆད། གཡས་ཀླུ་ཤིང་མེ་ཏོག་དམར་སེར་ལོ་མ་ལྗང་གུ་སྤུ་སྐྱ་བོ་ཡོད་པ། ཟེ་འབྲུར་སྤྱི་བླུགས་ཀྱིས་མཚན་པ། གདན་པད་ཟླ། བྱང་ཆུབ་སེམས་དཔའི་ཆ་བྱད་དང་སྤྱི་བོར་བྱང་ཆེན་གྱིས་མཚན་པ་སོགས་སྤྱི་ལྟར། དེའི་གཡས་སུ་ཀླུ་སྒྲུབ། གཡོན་དུ་ཐོགས་མེད་གཉིས་བྱམས་པ་ལས་ཆུང་ཙམ། གཞན་སྐུའི་རྣམ་འགྱུར་སོགས་སྤྱི་འགྲེ་ལྟར། བྱམས་པའི་དབུ་གཙུག་ཏུ་གསང་འདུས་མི་བསྐྱོད་རྡོ་རྗེ་ཞལ་གསུམ་ཕྱག་དྲུག་སྐུ་དང་རྩ་ཞལ་སྔོ། མཆེ་བ་ཅུང་ཟད་གཙིགས་པ་སོགས་ཁྲོ་ཉམས་སྔོ། གཡས་དཀར་ཞི་ཉམས། གཡོན་དམར་ཆགས་ཉམས། ཕྱག་གཡས་གསུམ་རྡོ་རྗེ། འཁོར་ལོ། པདྨ། གཡོན་གསུམ་དྲིལ་བུ། རིན་པོ་ཆེ། རལ་གྲི། དབུ་སྐྲ་རལ་པའི་ཐོར་ཚུགས་ཅན། རིན་པོ་ཆེའི་དབུ་རྒྱན། སྙན་རྒྱན། སྙན་གོང་ཨུཏྤལའི་གདེངས་ཀ་དར་དཔྱངས་ཅན། རིན་པོ་ཆེའི་མགུལ་རྒྱན། མུ་ཏིག་གི་དོ་ཤལ་ཕྱེད་པ། རིན་པོ་ཆེའི་དོ་ཤལ། ཕྱག་གདུབ། ཞབས་གདུབ། སྐ་རགས། སྐུ་སྟོད་ལྷ་རྫས་ཀྱི་གོས་ཀྱི་ག་ཤལ། སྐུ་སྨད་དར་ཤམ། ཡུམ་རང་འདྲ་བས་འཁྱུད་པ། དེའང་ཚོན་མི་འདྲེས་པའི་ཕྱིར་ཡབ་སྔོ་ནག་ཡུམ་སྔོ་སངས། ཡབ་རྡོར་སྐྱིལ། ཡུམ་པད་སྐྱིལ། མཚན་དཔེས་མཛེས་ཤིང་འོད་ཀྱི་དམར་པོའི་བཞིར་གསེར་གྱི་ཟེར་ཐགས་བྲིས་ན་ལེགས། མཆན། དཀྱིལ་འཁོར་གྱི་དབུས་ན་བཞུགས་པ། གཡས་སུ་གཙུག་ཏོར་རྣམ་རྒྱལ་མ་ཞལ་གསུམ་ཕྱག་བརྒྱད་རྩ་ཞལ་དཀར། གཡས་སེར། གཡོན་སྔོ་ཞིང་ཅུང་ཟད་ཁྲོ་བ། གསུམ་ཀར་སྤྱན་གསུམ་རེ། ཕྱག་གཡས་དང་པོས་སྣ་ཚོགས་རྡོ་རྗེ་ཐུགས་ཀར་འཛིན་པ། གཉིས་པས་པད་དཀར་གྱི་སྟེང་ན་འོད་དཔག་མེད། གསུམ་པས་མདའ། བཞི་པས་མཆོག་སྦྱིན་གྱི་ཕྱག་རྒྱ། གཡོན་དང་པོས་སྡིགས་མཛུབ་དང་བཅས་པའི་ཞགས་པ། གཉིས་པས་གཞུ། གསུམ་པས་སྐྱབས་སྦྱིན་གྱི་ཕྱག་རྒྱ། བཞི་པས་མཉམ་གཞག་སྟེང་རིན་པོ་ཆེའི་བུམ་པ། ཞབས་རྡོར་སྐྱིལ། དར་གྱི་སྟོད་གཡོགས་དང་ཤམ་ཐབས། རིན་ཆེན་རྒྱན། འོད་ཟེར་དཀར་པོའི་ཕྲེང་བས་བསྐོར་བ། གདན་སྣ་ཚོགས་པད་ཟླ། འཇའ་སྤྲིན་གྱི་དབུས་ན་བཞུགས་ཤིང་བདུད་རྩིའི་ཆར་ཁ་དོག་ལྔ་ལྡན། འབེབས་པ། གཡོན་དུ་འཇམ་དབྱངས་དམར་སེར་སྤྱི་འགྲེ། འཇའ་སྤྲིན་གྱིས་དབུས་ན་བཞུགས་ཤིང་མེ་ཏོག་གི་ཆར་འབེབས་པ། རྗེའི་ཕྱག་གཡོན་གླེགས་བམ་གྱི་བར་དུ་འཇའ་ཚོན་གྱིས་འབྲེལ་བ། རྒྱལ་ཚབ་རྗེའི་ཕྱག་གཡས་པདྨའི་ནོར་བུ་ལས་འཇའ་ཚོན་འཕྲོས་པའི་རྩེར་འཇའ་སྤྲིན་གྱི་དབུས་སུ་སྤྱན་རས་གཟིགས་ཁ་སཪྤ་ཎི་དཀར་པོ་གཡས་མཆོག་སྦྱིན། གཡོན་པད་དཀར། ཞབས་སེམས་སྐྱིལ། དར་དང་རིན་པོ་ཆེའི་རྒྱན་དང་རི་དྭགས་པགས་པས་ནུ་གཡོན་བཀབ་པ། རལ་པའི་ཐོར་ཚུགས་ནོར་བུས་མཚན་པ་སོགས་སྤྱི་འགྲེ། གདན་པད་ཟླ། མཁས་གྲུབ་རྗེའི་ཕྱག་གཡས་རྡོ་དྲིལ་ལས་འཇའ་ཚོན་འཕྲོས་པའི་རྩེར་འཇའ་སྤྲིན་གྱི་དབུས་སུ་ཕྱག་རྡོར་ཞི་བ་སྔོ་སངས། གཡས་རྡོ་རྗེ་ཐུགས་ཀ གཡོན་དྲིལ་བུ་དཀུར་བརྟེན་པ། ཞབས་སེམས་སྐྱིལ། དར་དང་རིན་པོ་ཆེའི་རྒྱན་སོགས་སྤྱི་ལྟར། ཞལ་རས་ཅུང་ཟད་ཁྲོ་ཉམས་ཡོད་པ། གདན་པད་ཟླ། འོག་གཡས་མགོན་པོ་ཕྱག་དྲུག་པ་མཐིང་ནག་ཞལ་གཅིག །སྤྱན་གསུམ། ཕྱག་གཡས་གསུམ་གྲི་གུག །ཐོད་ཕྲེང་། ཐོད་པའི་ཌཱ་མ་རུ་འཁྲོལ་བ། གཡོན་ཐོད་ཁྲག །རྩེ་གསུམ། རྡོ་རྗེའི་ཞགས་པ། དེའང་རྩ་ཕྱག་གཉིས་ཐུགས་ཀར་སྟེང་འོག །ལྷག་མ་གདེང་སྟབས། ཁྲོ་ཉམས་སྤྱི་འགྲེ། སྦྲུལ་དཀར་པོས་སྐྲ་ཅིངས། དམར་པོས་སྙན། ཁྲ་བོས་དཔུང་། དཀར་པོས་མགུལ། སེར་པོས་ཕྱག །ལྗང་གུས་དོ་ཤལ། དཀར་པོས་སྐ་རགས་དང་ཞབས་བརྒྱན་པ། སྟག་ལྤགས་རློན་པའི་ཤམ་ཐབས་དར་ལྗང་གུའི་སྐ་རགས་ཅན། ཐོད་སྐམ་དབུ་རྒྱན། རློན་པའི་དོ་ཤལ། གླང་ཀོའི་སྟོད་གཡོགས། ཕྱག་ཞབས་ཐམས་ཅད་དྲིལ་བུ་གཡེར་ཁ་མང་པོས་བརྒྱན་པ། དཔྲལ་བར་སིནྡྷཱུ་རའི་ཐིག་ལེ་ཅན། ལྟོ་བ་འཕྱང་པ། ཡན་ལག་རགས་པ། མེ་འབར་བའི་དབུས་ན་བཞུགས་པ། ཞབས་གཡོན་བརྐྱངས་པའི་སྟབས་ཀྱིས། གདན་པད་ཉི། ཚོགས་བདག་དཀར་པོ་གླང་གདོང་ཐོད་པ་དང་། ལ་ཕུག་འཛིན་པ། མགོ་གཡས་སུ་བསྟན་པ་གན་རྐྱལ་དུ་བསྒྱེལ་བའི་སྟེང་ན་བཞེངས་པ། གཡོན་དུ་དམ་ཅན་ཆོས་རྒྱལ་མ་ཧེ་རབ་ཏུ་ཁྲོས་པའི་གདོང་པ་ཅན། སྤྱན་གསུམ། སྐུ་མདོག་མཐིང་ནག །གཡས་རྡོ་རྗེས་མཚན་པའི་ཐོད་དབྱུག་ནག་པོ་འཕྱར་བ། གཡོན་ཞགས་པ་ནག་པོ་བཅས་སྡིགས་འཛུབ་མཛད་པ། སྐྲ་ཁམས་པ་གྱེན་དུ་བརྫེས་པ། མཆེ་བ་གཙིགས་པ། གཅེར་བུ་ལིངྒ་བསྒྲེང་བ། རབ་ཏུ་འཇིགས་པའི་ཉམས་ཅན། མེ་རླུང་འཚུབ་མའི་ཀློང་ན་པད་ཉི་དང་མ་ཧེ་ཁྲོས་པའི་གདན་ལ་གཡོན་བརྐྱང་པས་བཞེངས་པ། བརླ་གཡོན་དུ་ཙ་མུཎྜི་སྐྲ་དམར་སེར་སིལ་བུར་གྲོལ་ཞིང་ནུ་མ་འཕྱང་བ། སྲིན་མོ་ཁྲོས་པའི་གདོང་ཅན། བ་ལང་གི་པགས་པ་དང་གོས་ནག་གྱོན་པ། རྩེ་གསུམ་དང་ཐོད་ཁྲག་ཐོགས་ནས་ཡབ་ལ་རྩེ་བ། དེའི་སྤྱི་བོར་ཡི་དམ་འཇིགས་བྱེད་དཔའ་གཅིག་མཐིང་ནག་མ་ཧེའི་གདོང་ཅན་ཆེར་ཁྲོས་པ། སྤྱན་གསུམ་པ། ཕྱག་གཉིས་གྲི་ཐོད་ཐུགས་ཀར་སྟེང་འོག་ཏུ་འཛིན་པ། ཐོད་སྐམ་དབུ་རྒྱན། རློན་པའི་དོ་ཤལ། སྦྲུལ་ནག་གི་སེ་རལ་ཁ། རུས་པའི་རྒྱན་དྲུག །ཁྲོ་ཉམས་སོགས་སྤྱི་ལྟར། ཞབས་གཡོན་བརྐྱང་། གདན་པད་ཟླ། ཉི་མ། མ་ཧེ་སྔོ་ནག་རུས་པའི་དྲ་བས་གཡོགས་པ། ཡེ་ཤེས་ཀྱི་མེ་འབར་བའི་དབུས་ན་བཞུགས་པ། རྒྱལ་ཚབ་རྗེའི་གཡས་སུ་དགའ་ལྡན་མཚོན་བྱེད་དགོན་པ་གཙུག་ལག་ཁང་གསེར་གྱི་རྒྱ་ཕིབས་ཅན་དམར་པོ། ཁང་ཚན་མཚོན་བྱེད་དཀར་པོ། དབུས་སུ་ཆོས་འཆད་མཁན་སློབ་དཔོན་ཁྲི་ལ་བཞུགས་པ། པཎ་ཞྭ་སེར་པོ་ལེབ་ཞྭ། ཕྱག་ཆོས་འཆད། ཉན་མཁན་གསུམ་ཙམ་མཎྜལ་ཐོགས་ནས་མདུན་དུ་དུལ་བས་འཁོད་པ། ཐམས་ཅད་ཆོས་གོས་གསོལ་ཞིང་གདིང་བ་བཏིང་བ། གཡས་སུ་རྩོད་པའི་མཚོན་བྱེད་དམ་བཅའ་བ་གདིང་བ་ལ་བཞུགས་ཤིང་ཕྱག་གཡས་བརྐྱངས་ནས་སེ་གོལ་ཏོག་པའི་ཉམས། གཡོན་མཉམ་གཞག་ཅན། བགྲོ་གླེངས་མཁན་ལངས་ཏེ་གཟན་བདེ་ཆས་གཤལ་དུ་དཀྲིས། ཕྲེང་སེར་ཅན་རྩོད་པའི་ཐལ་མོ་རྡེབ་ཅིང་བདེ་ཉམས་འཁྱུགས་པ་གཉིས་གསུམ་ཙམ། གཡོན་དུ་རྩོམ་མཁན་སློབ་དཔོན་ཁྲི་ལ་བཞུགས་ཤིང་འདུད་རྒྱ་ཅན། མདུན་དུ་འབྲི་མཁན་གཅིག་གཉིས། མཁས་གྲུབ་རྗེའི་གཡོན་དུ་རི་ཁྲོད་སྤངས་ལྗོངས་བྲག་རི་མེ་ཏོག་དང་ཐང་ཤིང་སོགས་ཤིང་ལྗོན་པ་མཛེས་པ། བྲག་ཕུག་དང་རི་ཁྲོད་དགོན་ཆུང་གི་རྣམ་པ་གཉིས་གསུམ། གཅིག་ཏུ་སྔགས་ཀྱི་སྒྲུབ་པ་དགེ་སློང་ཀྲིཥྞ་ས་རའི་གདན་ལ་ཕྲེང་བ་འདྲེན་ཅིང་མཉམ་པར་བཞག་པའི་མདུན་དུ་རྡོ་རྗེ་དྲིལ་བུ་ནང་མཆོད་ཌཱ་མ་རུ་ཙམ་བཤམས། གཅིག་ཏུ་མདོའི་ཉམས་ལེན་མཁན་དགེ་སློང་བགྲེས་པོ་རྩྭ་གདན་ལ་བཞུགས་ཤིང་མཉམ་པར་བཞག་པ། མདུན་དུ་ལྷུང་བཟེད་མཁར་བསིལ་གླེགས་བམ་བཅས། གཅིག་ཏུ་བསགས་སྤྱོད་མཁན་གདིང་བ་ལ་བཞུགས་ནས་མཎྜལ་འབུལ་བ་དང་། བརྐྱང་ཕྱག་འཚལ་མཁན་གཅིག་གཉིས། ཐམས་ཅད་ཀྱང་དགེ་སློང་ཆོས་གོས་རྣམ་གསུམ་ཅན་དབང་པོ་དུལ་ཞིང་སྤྱོད་ལམ་ཞི་པོ་ཅན་ཤ་སྟག་བྲི། གཞན་ཡུལ་སྣང་སོགས་མ་གཞི་ས་ངོར་ཚར་གསུམ་གྱི་ཞལ་ཐང་དང་འདྲ་བ་ལ། རྣམ་འགྱུར་མི་འདྲ་བ་ཅི་མཛེས་དང་། མདུན་དུ་བཀྲ་ཤིས་རྫས་བརྒྱད་འཇའ་གུར་དུ་ཡོད་པས་གཙོས་མཆོད་པ་བཀོད་ལེགས་གང་མཛེས་སུ་བྲིའོ། །རྗེའི་སྐུ་རྒྱབ་ཏུ་སྐུ་ཚད་དང་མཉམ་པའི་རྣམ་རྒྱལ་མཆོད་རྟེན་ཐིག་ཚད་དང་ལྡན་པ་བྲི་དགོས་སོ། །མངྒལཾ།། །། ༈

[edit]

lnga pa rje yab sras gsum gyi bris thang gi dbus su rje rin po che sku mdog dkar la dmar mdangs chags pa/ oM swa sti/__rje yab sras gsum gyi bris thang gi dbus su rje rin po che sku mdog dkar la dmar mdangs chags pa/__sku sha rgyas shing zhal ras che ba 'gres nyams sogs med pa/__shangs zlum zhing che ba/__phyag thugs kar chos 'chad las gyes pa'i ut+pal g.yas su snyan thad ral gri/__g.yon du glegs bam/__dbu paN zhu ser po zab can/__sku chos gos rnam gsum/__zhabs rdor skyil/__gdan seng khri pad zla/__bla ma'i rnal 'byor ltar na sprin dkar po rgyas pa'i steng na bzhugs pa bri dgos kyang /__'dir stabs mi bde bas rgyab yol gyi phag nas sprin don pa'i rnam pa tsam/__g.yas su rgyal tshab rje sku cung zad 'dud pa'i rnam pa/__phyag g.yas chos 'chad nor bus mtshan pa'i pad dkar/__g.yon mnyam bzhag glegs bam/__g.yon du mkhas grub rin po che sku dar bab/__sku sha cung srab pa 'gying ba'i rnam pa can/__g.yas chos 'chad pad+ma rdor dril gyis mtshan pa/__g.yon mnyam gzhag glegs bam/__gnyis ka dbu paN zhu ser po ze ba med pa/__chos gos rnam gsum gsol ba/__zhwabs rdor skyil gyis pad zla'i gdan la bzhugs pa/__bla ma'i rnal 'byor las seng khri gsungs kyang bris cha la gu dog pa'i skyon tsam 'byung bas ma bris na chog__/de'ang gnyis ka sku sha dkar la dmar mdangs chags pa/__rgyal tshab rje sku cung zad 'gres nyams zhi dul gyi rnam pa sku sha tsho skems ran pa/__mkhas grub rje sku grims zhing hur bag gi rnam pa zhig bri srol snang /__mdun du dge bshes rdo rje 'chang sku gzugs che ba sku sha tsho skem ran pa zhi dul gyi rnam pa/__dbu paN zhwa rna thung ser po leb zhwa mdzad pa/__phyag g.yas chos 'chad/__g.yon mnyam gzhag glegs bam/__chos gos rnam gsum gsol ba/__zhabs sems skyil bde lugs can lhod chags pa/__gdan rin po che'i khri dang dar 'bol/__mdun du lhung bzed/__spyi blugs/__shing tog tsam/__rje rin po che'i sku'i g.yas su mkhar gsil zhig bri srol snang ba stabs bde na legs/__lhung bzed 'di dag zho dang shing tog sogs kyis gang ba re bri dgos/__thams cad kyi chos gos snam sbyar ser/__sham thabs le'u can/__rje rin po che'i dbu gtsug tu byams pa bzang po'i 'dug stangs kyis rin po che'i khri la bzhugs ba/__phyag chos 'chad/__g.yas klu shing me tog dmar ser lo ma ljang gu spu skya bo yod pa/__ze 'brur spyi blugs kyis mtshan pa/__gdan pad zla/__byang chub sems dpa'i cha byad dang spyi bor byang chen gyis mtshan pa sogs spyi ltar/__de'i g.yas su klu sgrub/__g.yon du thogs med gnyis byams pa las chung tsam/__gzhan sku'i rnam 'gyur sogs spyi 'gre ltar/__byams pa'i dbu gtsug tu gsang 'dus mi bskyod rdo rje zhal gsum phyag drug sku dang rtsa zhal sngo/__mche ba cung zad gtsigs pa sogs khro nyams sngo/__g.yas dkar zhi nyams/__g.yon dmar chags nyams/__phyag g.yas gsum rdo rje/__'khor lo/__pad+ma/__g.yon gsum dril bu/__rin po che/__ral gri/__dbu skra ral pa'i thor tshugs can/__rin po che'i dbu rgyan/__snyan rgyan/__snyan gong ut+pala'i gdengs ka dar dpyangs can/__rin po che'i mgul rgyan/__mu tig gi do shal phyed pa/__rin po che'i do shal/__phyag gdub/__zhabs gdub/__ska rags/__sku stod lha rdzas kyi gos kyi ga shal/__sku smad dar sham/__yum rang 'dra bas 'khyud pa/__de'ang tshon mi 'dres pa'i phyir yab sngo nag yum sngo sangs/__yab rdor skyil/__yum pad skyil/__mtshan dpes mdzes shing 'od kyi dmar po'i bzhir gser gyi zer thags bris na legs/__mchan/__dkyil 'khor gyi dbus na bzhugs pa/__g.yas su gtsug tor rnam rgyal ma zhal gsum phyag brgyad rtsa zhal dkar/__g.yas ser/__g.yon sngo zhing cung zad khro ba/__gsum kar spyan gsum re/__phyag g.yas dang pos sna tshogs rdo rje thugs kar 'dzin pa/__gnyis pas pad dkar gyi steng na 'od dpag med/__gsum pas mda'/__bzhi pas mchog sbyin gyi phyag rgya/__g.yon dang pos sdigs mdzub dang bcas pa'i zhags pa/__gnyis pas gzhu/__gsum pas skyabs sbyin gyi phyag rgya/__bzhi pas mnyam gzhag steng rin po che'i bum pa/__zhabs rdor skyil/__dar gyi stod g.yogs dang sham thabs/__rin chen rgyan/__'od zer dkar po'i phreng bas bskor ba/__gdan sna tshogs pad zla/__'ja' sprin gyi dbus na bzhugs shing bdud rtsi'i char kha dog lnga ldan/__'bebs pa/__g.yon du 'jam dbyangs dmar ser spyi 'gre/__'ja' sprin gyis dbus na bzhugs shing me tog gi char 'bebs pa/__rje'i phyag g.yon glegs bam gyi bar du 'ja' tshon gyis 'brel ba/__rgyal tshab rje'i phyag g.yas pad+ma'i nor bu las 'ja' tshon 'phros pa'i rtser 'ja' sprin gyi dbus su spyan ras gzigs kha saR+pa Ni dkar po g.yas mchog sbyin/__g.yon pad dkar/__zhabs sems skyil/__dar dang rin po che'i rgyan dang ri dwags pags pas nu g.yon bkab pa/__ral pa'i thor tshugs nor bus mtshan pa sogs spyi 'gre/__gdan pad zla/__mkhas grub rje'i phyag g.yas rdo dril las 'ja' tshon 'phros pa'i rtser 'ja' sprin gyi dbus su phyag rdor zhi ba sngo sangs/__g.yas rdo rje thugs ka__g.yon dril bu dkur brten pa/__zhabs sems skyil/__dar dang rin po che'i rgyan sogs spyi ltar/__zhal ras cung zad khro nyams yod pa/__gdan pad zla/__'og g.yas mgon po phyag drug pa mthing nag zhal gcig__/spyan gsum/__phyag g.yas gsum gri gug__/thod phreng /__thod pa'i DA ma ru 'khrol ba/___g.yon thod khrag__/rtse gsum/__rdo rje'i zhags pa/__de'ang rtsa phyag gnyis thugs kar steng 'og__/lhag ma gdeng stabs/__khro nyams spyi 'gre/__sbrul dkar pos skra cings/__dmar pos snyan/__khra bos dpung /__dkar pos mgul/__ser pos phyag__/ljang gus do shal/__dkar pos ska rags dang zhabs brgyan pa/__stag lpags rlon pa'i sham thabs dar ljang gu'i ska rags can/__thod skam dbu rgyan/__rlon pa'i do shal/__glang ko'i stod g.yogs/__phyag zhabs thams cad dril bu g.yer kha mang pos brgyan pa/__dpral bar sin+d+hU ra'i thig le can/__lto ba 'phyang pa/__yan lag rags pa/__me 'bar ba'i dbus na bzhugs pa/__zhabs g.yon brkyangs pa'i stabs kyis/__gdan pad nyi/__tshogs bdag dkar po glang gdong thod pa dang /__la phug 'dzin pa/__mgo g.yas su bstan pa gan rkyal du bsgyel ba'i steng na bzhengs pa/__g.yon du dam can chos rgyal ma he rab tu khros pa'i gdong pa can/__spyan gsum/__sku mdog mthing nag__/g.yas rdo rjes mtshan pa'i thod dbyug nag po 'phyar ba/__g.yon zhags pa nag po bcas sdigs 'dzub mdzad pa/__skra khams pa gyen du brdzes pa/__mche ba gtsigs pa/__gcer bu ling+ga bsgreng ba/__rab tu 'jigs pa'i nyams can/__me rlung 'tshub ma'i klong na pad nyi dang ma he khros pa'i gdan la g.yon brkyang pas bzhengs pa/__brla g.yon du tsa muN+Di skra dmar ser sil bur grol zhing nu ma 'phyang ba/__srin mo khros pa'i gdong can/__ba lang gi pags pa dang gos nag gyon pa/__rtse gsum dang thod khrag thogs nas yab la rtse ba/__de'i spyi bor yi dam 'jigs byed dpa' gcig mthing nag ma he'i gdong can cher khros pa/__spyan gsum pa/__phyag gnyis gri thod thugs kar steng 'og tu 'dzin pa/__thod skam dbu rgyan/__rlon pa'i do shal/__sbrul nag gi se ral kha/__rus pa'i rgyan drug__/khro nyams sogs spyi ltar/__zhabs g.yon brkyang /__gdan pad zla/__nyi ma/__ma he sngo nag rus pa'i dra bas g.yogs pa/__ye shes kyi me 'bar ba'i dbus na bzhugs pa/__rgyal tshab rje'i g.yas su dga' ldan mtshon byed dgon pa gtsug lag khang gser gyi rgya phibs can dmar po/__khang tshan mtshon byed dkar po/__dbus su chos 'chad mkhan slob dpon khri la bzhugs pa/__paN zhwa ser po leb zhwa/__phyag chos 'chad/__nyan mkhan gsum tsam maN+Dal thogs nas mdun du dul bas 'khod pa/__thams cad chos gos gsol zhing gding ba bting ba/__g.yas su rtsod pa'i mtshon byed dam bca' ba gding ba la bzhugs shing phyag g.yas brkyangs nas se gol tog pa'i nyams/__g.yon mnyam gzhag can/__bgro glengs mkhan langs te gzan bde chas gshal du dkris/__phreng ser can rtsod pa'i thal mo rdeb cing bde nyams 'khyugs pa gnyis gsum tsam/__g.yon du rtsom mkhan slob dpon khri la bzhugs shing 'dud rgya can/__mdun du 'bri mkhan gcig gnyis/__mkhas grub rje'i g.yon du ri khrod spangs ljongs brag ri me tog dang thang shing sogs shing ljon pa mdzes pa/__brag phug dang ri khrod dgon chung gi rnam pa gnyis gsum/__gcig tu sngags kyi sgrub pa dge slong kriSh+Na sa ra'i gdan la phreng ba 'dren cing mnyam par bzhag pa'i mdun du rdo rje dril bu nang mchod DA ma ru tsam bshams/__gcig tu mdo'i nyams len mkhan dge slong bgres po rtswa gdan la bzhugs shing mnyam par bzhag pa/__mdun du lhung bzed mkhar bsil glegs bam bcas/__gcig tu bsags spyod mkhan gding ba la bzhugs nas maN+Dal 'bul ba dang /__brkyang phyag 'tshal mkhan gcig gnyis/__thams cad kyang dge slong chos gos rnam gsum can dbang po dul zhing spyod lam zhi po can sha stag bri/__gzhan yul snang sogs ma gzhi sa ngor tshar gsum gyi zhal thang dang 'dra ba la/__rnam 'gyur mi 'dra ba ci mdzes dang /__mdun du bkra shis rdzas brgyad 'ja' gur du yod pas gtsos mchod pa bkod legs gang mdzes su bri'o/__/rje'i sku rgyab tu sku tshad dang mnyam pa'i rnam rgyal mchod rten thig tshad dang ldan pa bri dgos so/__/mang+galaM//____//__!_