བཞི་པ་བཀའ་བརྒྱུད་ཞལ་ཐང་གཙོ་བོ་རྗེ་བཙུན་མར་པ་ཉི་ལྡེམ་སྐུ་ཚད་ཇོ་བོ་རྗེ་ལྟར།

🚧 This website is under continued development. We appreciate your patience!

Previous Text Back to Volume PageNext Text

Wylie title	bzhi pa bka' brgyud zhal thang gtso bo rje btsun mar pa nyi ldem sku tshad jo bo rje ltar
Location	mkhyen brtse'i bka' 'bum Volume 17, sde tshan 3, Text 4, Pages 461-466 (Folios 10a5 to 12b3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. bzhi pa bka' brgyud zhal thang gtso bo rje btsun mar pa nyi ldem sku tshad jo bo rje ltar. In 'jam dbyangs mkhyen brtse'i dbang po'i bka' 'bum, Vol. 17: 461-466. Khams sde dge rdzong sar dgon: Rdzong sar blo gros phun tshogs, 2020.
Genre	Art - rtsom rig / ri mo / bris cha  ·  Guides to Paintings - bri yig

1 Texts in this Section (sde tshan or chos tshan)

4 461-466	བཞི་པ་བཀའ་བརྒྱུད་ཞལ་ཐང་གཙོ་བོ་རྗེ་བཙུན་མར་པ་ཉི་ལྡེམ་སྐུ་ཚད་ཇོ་བོ་རྗེ་ལྟར། bzhi pa bka' brgyud zhal thang gtso bo rje btsun mar pa nyi ldem sku tshad jo bo rje ltar Art - rtsom rig / ri mo / bris cha   ·   Guides to Paintings - bri yig	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

བཀའ་བརྒྱུད་ཞལ་ཐང་གཙོ་བོ་རྗེ་བཙུན་མར་པ་ཉི་ལྡེམ་སྐུ་ཚད་ཇོ་བོ་རྗེ་ལྟར། ནང་གོས་དཀར་འཇམ་གསེར་གྱི་མེ་ཏོག་ཟླུམ་འཇིང་། སྐུ་ཆིངས་དམར་སྨུག་བེར་དམར་སྨུག་མོན་ཁ། ཞབས་རྗེན་གདན་འབོལ་ཁྲི་བཅས། སྐུ་ཤ་དཀར་མདངས། དེའི་གཡས་སུ་མི་ལ་ན་བཟའ་རས་གོས་རྐྱང་པ། སྒོམ་ཐག་དམར་པོ་རྩ་འཁོར་རི་མོ་ཅན། ཕྱག་གཡས་པུས་མོ་སྟེང་དུ་བརྐྱང་། གཡོན་གདན་ལ་བརྟེན། ཞབས་གཡས་བརྐྱང་རོལ། རི་དྭགས་པགས་པའི་གདན། སྐུ་ཤ་དཀར་མདངས། གཡོན་དུ་དྭགས་པོ་རིན་པོ་ཆེ་ཆོས་གོས་རྣམ་གསུམ་མཚལ་ཁ། བེར་གསེར་མདངས། ཕྱག་མཉམ་བཞག །དྭགས་ཞུ་ཅན། ཞབས་རྡོ་རྗེའི་སྐྱིལ་ཀྲུང་། གདན་འབོལ་ཁྲི། གཉིས་ཀ་སྐུ་ཚད་འབྲོམ་རྔོག་གཉིས་དང་འདྲ། གཞན་སྐུའི་ཉམས། ཤ་མདངས། གཟིགས་སྟངས། ཕྱག་སྟབས། བཞུགས་སྟངས། ན་བཟའ་གདན་ཁྲི་སོགས་ཀར་ཕྱོགས་ཀྱི་ཟུང་འཇུག་བརྒྱུད་རིམ་བྲིས་རྒྱུན་ཁུངས་དག་ལྟར་ལ། དམིགས་གསལ་མར་པ་ལ་སེང་ཁྲི་དར་འབོལ། པད་གདན། མདུན་དུ་རྡོར་དྲིལ། ཌཱ་རུ། ནང་མཆོད། ཞལ་དཀར་ཆང་གིས་བཀང་བ། ཚོགས་རྫས་ཉ་ཤ་དང་ལ་ཕུག་སོགས་ཡོད་པའི་པད་གཞོང་བཅས། མི་ལ་ལ་འབོལ་གདན་ལྗང་གུའི་སྟེང་རི་དྭགས་པགས་པ་དང་། དྭགས་པོ་ལ་འབོལ་གདན་དམར་པོའི་སྟེང་གདིང་བ་བཏིང་བ། སྟེང་གི་དབུས་སུ་རྡོ་རྗེ་འཆང་སྤྱི་ལྟར། གཡས་སུ་ཚེ་དཔག་མེད་གྲུབ་རྒྱལ་ལུགས་སྐུ་མདོག་དམར་པོ། ལོངས་སྤྱོད་རྫོགས་སྐུའི་ཆས་སྤྱི་འགྲེལ། ཕྱག་མཉམ་གཞག་གི་སྟེང་གསེར་གྱི་བུམ་པ་དཔག་བསམ་ཤིང་ལོ་མ་དང་མེ་ཏོག་རབ་ཏུ་རྒྱས་པའི་ཁ་རྒྱན་ཅན་བསྣམས་པ། ཞབས་རྡོར་སྐྱིལ། གདན་པད་ཟླ་སོགས་སྤྱི་ལྟར། འཇའ་སྤྲིན་དང་བདུད་རྩིའི་ཆར་ཁ་དོག་ལྔ་ལྡན་ཕྱག་གི་བུམ་པ་ལས་འཕྱུར་བའི་ཚུལ་གྱིས་འབེབས་པ། གཡོན་དུ་གྲུབ་ཆེན་ས་ར་ཧ་བྲམ་ཟེའི་གཟུགས་མདའ་འཛིན་པ་སོགས་སྤྱི་ལྟར་ལ། མར་པའི་མནལ་ལམ་ལྟར་ན། ཤིང་པཀྴིའི་ལྗོན་པ་ལ་སྐུ་རྒྱབ་བརྟེན་པ། དུར་ཁྲོད་ཀྱི་ཆས་དང་། རོ་གདན་ཅན་ཞེས་གསུངས་པ་བྲི་སྟབས་བདེ་ན་དེ་ལྟར་བྲི་ཞིང་། དུར་ཁྲོད་ཀྱི་ཆས་རྫོགས་པར་བྲི་སྟབས་མ་བདེ་ན་སྤྱི་ལྟར་རུས་རྒྱན་དྲུག་དང་སྟག་ཤམ་ཙམ་བྲིས་པས་འཐུས། གང་ལྟར་ཡང་འཇའ་སྤྲིན་གྱི་དབུས་ན་བཞུགས་པ། ཞབས་ཕྱེད་སྐྱིལ། མེ་ཏོག་གི་ཆར་འབེབས་པ། འཇའ་ཟེར་མར་པའི་ཐུགས་ཀར་ཟུག་པ་བྲི། འཁོར་མི་དགོས། རྡོ་རྗེ་འཆང་གི་འོག་གཡས་སུ་ཏེ་ལོ། གཡོན་དུ་ནཱ་རོ། ཟུང་འཇུག་བརྒྱུད་རིམ་བྲིས་རྒྱུན་སྤྱི་ལྟར་གང་ལེགས། མི་ལའི་དབུ་གཙུག་སྟེང་ཐད་ནམ་མཁར་བདེ་མཆོག་ལྷན་སྐྱེས། དྭགས་པོའི་དབུ་གཙུག་ནམ་མཁར་ཕག་མོ་དམར་མོ་གཉིས་ཀར་ཐུགས་ཀྱི་སྒྲུབ་ཐབས་དང་མཐུན་པའི་བྲིས་རྒྱུན་སྤྱི་ལྟར། སོ་སོའི་ཐུགས་ཀ་ནས་སོ་སོར་འཇའ་ཟེར་གྱིས་སྦྲེལ་བ་སོགས་སྔ་མ་རྣམས་ལྟར། མི་ལའི་སྟེང་མར་པའི་གཡས་ཟུར་དུ་གྲོ་བོ་ལུང་གི་རི་ཁྲོད་དང་། སྲས་མཁར་དགུ་ཐོག་གི་ཕོ་བྲང་གཉིས་བྲིས་དཔེ་ལྟར་བཀོད་པ་གང་ལེགས་དང་། དེ་གཉིས་སུ་སྔགས་འཆང་རྡོ་རྗེ་འཛིན་པའི་ཚོགས་ཀྱིས་འཆད་པ་དང་། རྩོམ་པའི་བཀོད་པ་གང་མཛེས། མར་པའི་སྐུའི་གཡོན་དྭགས་པོའི་ཐད་དྭགས་ལྷ་སྒམ་པོ་བྲིས་དཔེ་ལྟར་དང་། དེར་རབ་བྱུང་གི་ཚོགས་ཀྱིས་འཆད་རྩོམ་མཛད་ཚུལ། རི་ཁྲོད་དུ་རབ་བྱུང་རྣམས་ཀྱིས་བསྒོམ་མཛད་ཚུལ། དེའི་སྟེང་ཟུར་གང་བདེར་ལ་ཕྱི་གངས་ཀྱི་རྭ་བ་བྲིས་དཔེ་ལྟར་ལ། དཀྱིལ་དུ་གངས་ཁྲོད་དང་གཤམ་དུ་བྲག་ཕུག་ཏུ་རས་པའི་ཚོགས་སྒྲུབ་པ་ལ་གཞོལ་བའི་ཚུལ། མར་པའི་མདུན་དུ་འཇམ་མགོན་བློ་གྲོས་མཐའ་ཡས་བྲིས་རྒྱུན་དཀྱུས་ལྟར་ལ། དབུ་ཞྭ་དྭགས་ཞུ། ཕྱག་གཉིས་ཐུགས་ཀར་ཆོས་འཆད་ཀྱི་རྒྱས་ཨུཏྤལ་བསྣམས་པའི་གཡས་སྙན་ཐད་གླེགས་རལ་དང་། གཡོན་ཚེ་བུམ་གྱིས་མཚན་པ། ཞབས་རྡོར་སྐྱིལ། དེའི་མདུན་དུ་ཉེ་བའི་རིན་ཆེན་བདུན། ཁང་༡བཟང་བཀོད་པ་གང་ལེགས་ཀྱི་དབུས་སུ་རལ་གྲི་སྔོན་༡པོ་འོད་ཟེར་སྔོན་པོ་འཕྲོ་བ། ལྤགས་༣པ་གསེར་གྱི་སྤུ་རིས་ཅན། སྐྱེད་མོས་ཚལ༤། གོས་ཕུ་དུང་ཅན་༥། རིན་པོ་ཆེའི་༦མཆིལ་ལྷྭམ། གཟིམ་ཁྲི་མལ་༧ཆ་གཟན་ལྟ་བུ་བཅས། བཀྲ་ཤིས་རྫས་བརྒྱད་ཀྱི་རི་མོ་བཅས་བཀོད་པ་གང་མཛེས་དང་། གཞན་ཡང་མཆོད་པའི་རྣམ་གྲངས་དུ་མ། དེའི་གཡས་སུ་མགོན་པོ་ཕྱག་བཞི་པ། གདན་པད་ཉི་བམ་རོ་བསྣོལ་བའི་སྟེང་། མགོན་པོ་སྐུ་མདོག་མཐིང་ནག །དམར་ཟླུམ་སྤྱན་གསུམ། ཁྲོ་གཉེར་བསྡུས་ཤིང་མཆེ་བ་གཙིགས་པ། ལྗགས་བསྐྱོད་པ། དབུ་སྐྲ་སྨར་སྨིན་དམར་སེར་མེ་ལྟར་འབར་བ། ཕྱག་གཡས་དང་པོའི་བེ་ཏའི་འབྲས་བུ་དབྱིབས་སྙིང་འདྲ་བ་ཐུགས་ཀའི་སྟེང་དང་། གཡོན་ཐོད་ཁྲག་འོག་ཏུ་འཛིན་པ། གཡས་འོག་མས་རྡོ་རྗེ་རལ་གྲི་འདེབས་ཚུལ། གཡོན་འོག་མས་ཁ་ཊྭཱྃ་རྩེ་གསུམ་དར་དཔྱངས་ཅན་འཕྱར་ཐབས། མི་མགོ་སྐམ་པོ་ལྔའི་དབུ་རྒྱན། རློན་པ་ཁྲག་འཛག་ལྔ་བཅུའི་དོ་ཤལ། དར་དང་། རིན་པོ་ཆེ་དང་། སྦྲུལ་དང་། དྲིལ་བུ་གཡེར་ཁའི་ཕྲེང་བས་བརྒྱན་པ། སྟག་ལྤགས་གསར་པ་ཁྲག་དང་བཅས་པའི་ཤམ་ཐབས་ཅན། སྐུ་ལས་སྐྱེས་པའི་མེ་འབར་བའི་ཀློང་དུ་ཞབས་དཔའ་བོ་རོལ་པའི་བཞུགས་སྟངས་ཅན་ནོ། །གཡོན་དུ་བཀྲ་ཤིས་ཚེ་རིང་མ་གཙོ་མོ་སྐུ་ཚད་ཆེ་བ། འཁོར་བཞི་ཛམ་དཀར་གྱི་ལྷ་མོ་བཞི་ལྟ་བུའི་ཆུང་ངུ་། གངས་མཐོན་མཐིང་རྒྱལ་མོའི་བཀོད་པ་སོགས་ཀར་ལུགས་བྲིས་རྒྱུན་སྤྱི་ལྟར་ཤིན་ཏུ་ལེགས་པ། གཞན་གནམ་ས་བར་གསུམ་གྱི་ཡུལ་སྣང་། འཇའ་སྤྲིན། རིན་པོ་ཆེ་དང་མེ་ཏོག་གི་ཆར། གངས་རི། སེང་གེ། བྲག་རི། སྤང་རི། དཔག་བསམ་ལྗོན་ཤིང་། སྐྱེད་ཚལ། ཁྲུས་རྫིང་། རིན་པོ་ཆེའི་རི། མ་རྨོས་ལོ། འདོད་འཇོའི་བ། གཏེར་བུམ། གླང་ཆེན། བྱ་རི་དྭགས། རྨ་བྱ། མེ་ཏོག་གི་བུམ་པ། ནེ་ཙོ་མི་སྐད་སྨྲ་བ་ཟུང་སོགས་སྔ་མ་རྣམས་ལྟར་བཀོད་པ་རྒྱས་མཛེས་སུ་བྲི་ཞིང་། རྒྱབ་ཏུ་གཙོ་བོའི་སྐུ་རྒྱབ་ཁྲི་རྒྱབ་ཡོལ་བར་གྱི་ཚད་དང་མཉམ་པའི་ལྷ་བབས་མཆོད་རྟེན་ཐིག་རྩ་ལྡན་པ། བུམ་སྒོ་ཐུགས་ཀའི་ཐད་དུ་ཡོད་པ་ཞིག་བྲིའོ། མངྒལཾ། ། ༈

[edit]

bzhi pa bka' brgyud zhal thang gtso bo rje btsun mar pa nyi ldem sku tshad jo bo rje ltar/ bka' brgyud zhal thang gtso bo rje btsun mar pa nyi ldem sku tshad jo bo rje ltar/__nang gos dkar 'jam gser gyi me tog zlum 'jing /__sku chings dmar smug ber dmar smug mon kha/__zhabs rjen gdan 'bol khri bcas/__sku sha dkar mdangs/__de'i g.yas su mi la na bza' ras gos rkyang pa/__sgom thag dmar po rtsa 'khor ri mo can/_phyag g.yas pus mo steng du brkyang /__g.yon gdan la brten/__zhabs g.yas brkyang rol/__ri dwags pags pa'i gdan/__sku sha dkar mdangs/__g.yon du dwags po rin po che chos gos rnam gsum mtshal kha/__ber gser mdangs/__phyag mnyam bzhag__/dwags zhu can/__zhabs rdo rje'i skyil krung /__gdan 'bol khri/__gnyis ka sku tshad 'brom rngog gnyis dang 'dra/__gzhan sku'i nyams/__sha mdangs/__gzigs stangs/__phyag stabs/__bzhugs stangs/__na bza' gdan khri sogs kar phyogs kyi zung 'jug brgyud rim bris rgyun khungs dag ltar la/__dmigs gsal mar pa la seng khri dar 'bol/__pad gdan/__mdun du rdor dril/__DA ru/__nang mchod/__zhal dkar chang gis bkang ba/__tshogs rdzas nya sha dang la phug sogs yod pa'i pad gzhong bcas/__mi la la 'bol gdan ljang gu'i steng ri dwags pags pa dang /__dwags po la 'bol gdan dmar po'i steng gding ba bting ba/__steng gi dbus su rdo rje 'chang spyi ltar/__g.yas su tshe dpag med grub rgyal lugs sku mdog dmar po/__longs spyod rdzogs sku'i chas spyi 'grel/__phyag mnyam gzhag gi steng gser gyi bum pa dpag bsam shing lo ma dang me tog rab tu rgyas pa'i kha rgyan can bsnams pa/__zhabs rdor skyil/__gdan pad zla sogs spyi ltar/__'ja' sprin dang bdud rtsi'i char kha dog lnga ldan phyag gi bum pa las 'phyur ba'i tshul gyis 'bebs pa/__g.yon du grub chen sa ra ha bram ze'i gzugs mda' 'dzin pa sogs spyi ltar la/__mar pa'i mnal lam ltar na/__shing pak+shi'i ljon pa la sku rgyab brten pa/__dur khrod kyi chas dang /__ro gdan can zhes gsungs pa bri stabs bde na de ltar bri zhing /__dur khrod kyi chas rdzogs par bri stabs ma bde na spyi ltar rus rgyan drug dang stag sham tsam bris pas 'thus/__gang ltar yang 'ja' sprin gyi dbus na bzhugs pa/__zhabs phyed skyil/__me tog gi char 'bebs pa/__'ja' zer mar pa'i thugs kar zug pa bri/__'khor mi dgos/__rdo rje 'chang gi 'og g.yas su te lo/__g.yon du nA ro/__zung 'jug brgyud rim bris rgyun spyi ltar gang legs/__mi la'i dbu gtsug steng thad nam mkhar bde mchog lhan skyes/__dwags po'i dbu gtsug nam mkhar phag mo dmar mo gnyis kar thugs kyi sgrub thabs dang mthun pa'i bris rgyun spyi ltar/__so so'i thugs ka nas so sor 'ja' zer gyis sbrel ba sogs snga ma rnams ltar/__mi la'i steng mar pa'i g.yas zur du gro bo lung gi ri khrod dang /__sras mkhar dgu thog gi pho brang gnyis bris dpe ltar bkod pa gang legs dang /__de gnyis su sngags 'chang rdo rje 'dzin pa'i tshogs kyis 'chad pa dang /__rtsom pa'i bkod pa gang mdzes/__mar pa'i sku'i g.yon dwags po'i thad dwags lha sgam po bris dpe ltar dang /__der rab byung gi tshogs kyis 'chad rtsom mdzad tshul/__ri khrod du rab byung rnams kyis bsgom mdzad tshul/__de'i steng zur gang bder la phyi gangs kyi rwa ba bris dpe ltar la/__dkyil du gangs khrod dang gsham du brag phug tu ras pa'i tshogs sgrub pa la gzhol ba'i tshul/__mar pa'i mdun du 'jam mgon blo gros mtha' yas bris rgyun dkyus ltar la/__dbu zhwa dwags zhu/__phyag gnyis thugs kar chos 'chad kyi rgyas ut+pal bsnams pa'i g.yas snyan thad glegs ral dang /__g.yon tshe bum gyis mtshan pa/__zhabs rdor skyil/__de'i mdun du nye ba'i rin chen bdun/__khang 1bzang bkod pa gang legs kyi dbus su ral gri sngon 1po 'od zer sngon po 'phro ba/__lpags 3pa gser gyi spu ris can/__skyed mos tshal4/__gos phu dung can 5/__rin po che'i 6mchil l+h+wam/__gzim khri mal 7cha gzan lta bu bcas/__bkra shis rdzas brgyad kyi ri mo bcas bkod pa gang mdzes dang /__gzhan yang mchod pa'i rnam grangs du ma/__de'i g.yas su mgon po phyag bzhi pa/__gdan pad nyi bam ro bsnol ba'i steng /__mgon po sku mdog mthing nag__/dmar zlum spyan gsum/__khro gnyer bsdus shing mche ba gtsigs pa/__ljags bskyod pa/__dbu skra smar smin dmar ser me ltar 'bar ba/__phyag g.yas dang po'i be ta'i 'bras bu dbyibs snying 'dra ba thugs ka'i steng dang /__g.yon thod khrag 'og tu 'dzin pa/__g.yas 'og mas rdo rje ral gri 'debs tshul/__g.yon 'og mas kha T+wA~M rtse gsum dar dpyangs can 'phyar thabs/__mi mgo skam po lnga'i dbu rgyan/__rlon pa khrag 'dzag lnga bcu'i do shal/__dar dang /__rin po che dang /__sbrul dang /__dril bu g.yer kha'i phreng bas brgyan pa/__stag lpags gsar pa khrag dang bcas pa'i sham thabs can/__sku las skyes pa'i me 'bar ba'i klong du zhabs dpa' bo rol pa'i bzhugs stangs can no/__/g.yon du bkra shis tshe ring ma gtso mo sku tshad che ba/__'khor bzhi dzam dkar gyi lha mo bzhi lta bu'i chung ngu /__gangs mthon mthing rgyal mo'i bkod pa sogs kar lugs bris rgyun spyi ltar shin tu legs pa/__gzhan gnam sa bar gsum gyi yul snang /__'ja' sprin/__rin po che dang me tog gi char/__gangs ri/__seng ge/__brag ri/__spang ri/__dpag bsam ljon shing /__skyed tshal/__khrus rdzing /__rin po che'i ri/__ma rmos lo/__'dod 'jo'i ba/__gter bum/__glang chen/__bya ri dwags/__rma bya/__me tog gi bum pa/__ne tso mi skad smra ba zung sogs snga ma rnams ltar bkod pa rgyas mdzes su bri zhing /__rgyab tu gtso bo'i sku rgyab khri rgyab yol bar gyi tshad dang mnyam pa'i lha babs mchod rten thig rtsa ldan pa/__bum sgo thugs ka'i thad du yod pa zhig bri'o/__mang+galaM/____/_!_