JKW-KABUM-17-TSA-002-050

🚧 This website is under continued development. We appreciate your patience!

Previous Text Back to Volume PageNext Text

Wylie title	gsang sman gyi rigs 'ga' zhig la
Location	mkhyen brtse'i bka' 'bum Volume 17, sde tshan 2, Text 50, Pages 419-424 (Folios 137a3 to 139b1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. gsang sman gyi rigs 'ga' zhig la. In 'jam dbyangs mkhyen brtse'i dbang po'i bka' 'bum, Vol. 17: 419-424. Khams sde dge rdzong sar dgon: Rdzong sar blo gros phun tshogs, 2020.
Genre	Medicine Texts - gso ba rig pa

1 Texts in this Section (sde tshan or chos tshan)

50 419-424	གསང་སྨན་གྱི་རིགས་འགའ་ཞིག་ལ། gsang sman gyi rigs 'ga' zhig la Medicine Texts - gso ba rig pa	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

ཤྲཱི་སྭསྟི་པྲ་པུཥྟཾ། འདིར་གསང་སྨན་གྱི་རིགས་འགའ་ཞིག་ལ། བྱང་ལྷུན་པ་སོགས་ལུག་མིག་ཆེ་བ་མགོ་གཉིས་གསུམ་སྦྲེལ་བ། ལོ་མ་མིང་ཅན་སེར་པོ་འདྲ་བ། ཁེར་སྐྱེས་ཚི་ཅན་རྟིང་པ་ཐུང་བ་རྐང་གཅིག་པ་དེ་ལ་དོམ་རལ་པའམ། དོམ་ནག་རལ་པ་ཞེས་མགོ་ཆག་གི་ཆིག་༡སྡུམ་མཛད། ཟུར་ལུགས་པས་མ་ཏང་མཆིན་བུ་ལ་མགོ་ཆག་གི་གསང་བ་ཆིག་༢སྡུམ་མཛད། བྲང་ཏི་སོགས་ཨབྷིཥ་༣དང་། སྔ་རབས་པ་ཁ་ཅིག་སྤང་སྐྱེས་ཨའུ་ཙི་༤ལ་མཛད། །གློ་བའི་གསང་སྨན་ལ། ར་མོ་ཤེལ་སྨན་པས་བདུད་༥རྩི་གངས་ཤམ་པ། ཕལ་ཆེར་གྱིས་ཚན་༦དམར་པོ་སྟེ་སྲོ་ལོ་དམར་པོ། གཏེར་བྱུང་གི་མན་ངག་འགར་ཇོ་མོ་གློ་༧སྡུམ་མམ་རོག་བོ་འཇོམས་སྐྱེས། གཡུ་ཐོག་ཡབ་སྲས་ཀྱིས་སྲོ་ལོ་དཀར་ཆུང་སུག་འདྲ་ཞེས་པ་འདིའི་མེ་ཏོག་ཁ་བྱེ་མ་ཐག་པ་ལ་མཛད། ། ༈ མཁྲིས་པའི་གསང་སྡུམ་ནི་བི་ཇི་དང་དྭགས་པོ་རིན་པོ་ཆེ་བཅས་གུར་ཏིག་༩ལ་བཞེད། འདི་རྨ་ལའང་བཟང་། ། ༈ ཤ་དུག་གསང་སྨན་ཕལ་ཆེར་བྱིའུ་༡༠ལ་ཕུག །བི་ཇིས་ཀོན་བ་གབ་༡༡སྐྱེས། མོ་གོལ་གྱི་སྨན་པ་དག་འོམ་བུའི་ལོ་མ་ལ་༡༢བཞེད་སྣང་། ། ༈ དུག་སྤྱིའི་གསང་སྨན་ལྡུམ་སྟག་༡༣དང་། དཔའ་བོ་དཀར་༡༤པོ་ལ་བཞེད་པ་མང་། དྭགས་པོས་བྲག་སྐྱ་ཧ་༡༥བོ་ལ་མཛད། འདི་ནོར་ཕྱུགས་ཀྱིས་རྩ་ཆུ་ཤིང་སོགས་ཀྱི་དུག་ལ་ཟབ་པ་མྱོང་གྲུབ། སྤུ་བོའི་ སྨན་པ་དག་སྡུམ་བུ་རྨ་༡༦བྱ་ཟེར་བ་ལོ་མ་དམར་སྨུག་ས་ལ་བསྒྲད་ནས་སྐྱེ་བ། འདབ་མ་ཉ་ག །ལྡུམ་བུ་བོང་ང་དམར་པོའི་ལོ་དབྱིབས་ཕུང་པོ་ཆུང་བ་ཕོར་ཞབས་འཁོར་རྒྱ་ཙམ་ལས་མི་སྐྱེ་བ་རོ་ཤིན་ཏུ་ཁ་བ་ཞིག་ལ་བྱེད། གཡུ་ཐོག་དང་ཟུར་མཁར་བ་སོགས་ནི་ཀོ་༡༠ཋ་ཁོ་ན་མཛད་པ་ཉིད་དོ། ། ༈ མོ་ནད་ཁྲག་ཚབ་གསང་སྨན་བ་མ་ལུ་༡༨ལུའི་རྩ་བ་ལ་ཆག་སྨན་པས་མཛད། ། ༈ དམུ་ཆུའི་གསང་སྨན། གཡུ་ཐོག་པས་བྱ་མ་གྲགས་༡༧གོང་བཏུས་པའི་སྲད་དཀར་ཁོ་ན་དང་། ར་མོ་ཤེལ་སྨན་སོགས་མང་པོ་ཞལ་འཆམས་པར། པྲི་ཡངྐུ་༢༠། སྲད་ནག །མེ་ཏོག་སྔོ་དམར་ལོ་མ་སྤུ་ཆུང་ཅན། སྔོ་སྟབས་སེང་ཞེས་ལོ་སྡེབས་སར་བསྒྲད་སྡོང་བུར་མེ་ཏོག་ནག་རྡོག་སྐྱེ་བ་སྔོ་ཆོལ་བརྡུངས་བྱས་ནས་ཆུར་བསྐྱུར་ན་ཁུ་བ་སྔོན་པོར་འགྲོ་བ་སྔོ་བཻཌུཪྻ་ཞེས་པ། རྟ་མོན་པ་ཞེས་རྩ་བ་ཆ་ག་མོན་ཆེན་དམར་པོ་ཅན་མེ་ཏོག་རྩི་ཐོག་དཀར་པོ་ཅན་གྱི་ལོ་མ་སྟེ་འདི་བཞི་ལ་མཛད། དེ་དག་ཉི་མ་མ་ལྡོག་གོང་དུ་བཏུས་ནས་སྔོ་ཆོལ་གྲིབ་སྐམ་དགོས་གསུངས། ། ༈ མན་ངག །ཨོཾ་ཨ་ཐཱ། གུ་གུལ་ནག་པོ། མི་ཟི་ནག་པོ། བོང་ང་ནག་པོ་གསུམ་སྦྱར་༡བའི་དུད་པས་བྱིས་པའི་གདོན་ཐམས་ཅད་རྒྱང་རིང་དུ་བྱེར་བར་བྱེད་དོ། །སྟར་བུ། རུ་རྟ་གཉིས་མཉམ་སྦྱོར་ལ། མཛེ་ཚྭ་ཕྱེད་ཆ་བསྣན་༢པས་བུད་མེད་ཀྱི་རླུང་ཚབ་སེལ་ཞིང་མངལ་སྐྲན་ཐམས་ཅད་བཤིག་པར་བྱེད་དོ། །ལྕུམ་རྩ། སྐྱེར་ཤུན། ཡུང་བ་གསུམ་ཆ་མཉམ་༣ པའི་ཕྱེ་མས་བྱིས་པའི་ཤ་སེར་དང་མིག་སེར་གྱི་ནད་སེལ་སྟེ། ཐུན་གསུམ་གྱིས་ཆོག་པ་མྱོང་གྲུབ་མའོ། །ཡང་ན་མཁྲིས་ལས་རྣམ་རྒྱལ་ཚད་ལྡན་དང་། ཁ་ཆེ་གུར་གུམ་མཉམ་སྦྱོར་༤ ཀྱང་ཟབ་བོ། །ལྦ་བ་ལ་རྒྱ་མིའི་ཁ་ཟས་སུ་འགྲོ་བའི་ཧེ་ཏེ་༥ཞེས་པ་འདི་ནངས་པར་ལྟོ་སྟོང་ཟོས་པས་འཇོམས་ངེས་མྱོང་བས་གྲུབ་བོ། །པཎྜི་ཏ་གོ་དྷ་༦ལའི་ལུགས་ནི། བུ་ཧར་གྱི་ཐག་པ་ལ་གཤའ་ནག་གི་ཕྲེང་བ་བརྒྱུས་ཏེ་མགུལ་པར་དཔྱངས་པ་ཉིད་དོ། །རེ་ལྕགས་པའི་རྩ་བ་ཞིབ་བརྡུངས་ཆུར་བཙོས་༧པས་འབྱར་བྱ་བ་འབྲས་ནད་ལ་ཟབ་པ་མྱོང་གྲུབ་མའོ། །གསང་སྨན་ནར་མོ་སླ་ངར་བརྔོས་པ་ལ། མར་ཁུ་དང་ཨ་རག་གི་ཉིང་ཁུས་བྲན་ནས་འཐུང་ན་གྲང་འགྲམ་གྱི་རིགས་ཐམས་ཅད་ལ་ཐེངས་པས་ཆོག་གོ །རྨ་སྲིན་འཚོར་མི་འདོད་པ་ལ་ས་ཁ་སྟོད་ཤིན་ཏུ་མཐོ་བར་གནས་པའི་བྲ་བྱིའི་པགས་པ་༩དྲོན་མོའི་འབྱར་གྱིས་ཕན་པར་ངེས་སོ། །དབང་ལག་ཆ་བཅོ་ལྔ་དང་ཏིལ་དཀར་ཆ་བཞི་ཞིབ་པར་བཏགས་ཏེ། ཕག་པའི་ཤ་ཆ་གསུམ་དང་སྦྱར་༡༠ཏེ་ཁྱེའུ་སོགས་སུ་བསྟེན་ན་རོ་ཙ་བའི་མཆོག་ཏུ་འགྱུར་རོ། །བྱིས་པའི་ཁ་ལང་ལ་ར་ཁྲག་དང་དངུལ་ཆུ་དུལ་མ་སྦྱར་བ་བྱུགས་༡༡ པས་ཕན་ནོ། །བུད་མེད་བུ་བཙས་རྗེས་རཀྟ་འབྱམས་པ་ལ་འདོམས་སུ་འོམ་བུའི་དུད་པ་བཏང་ཞིང་། རྒྱ་ཚོས་ཀྱི་གར་ཐང་ལ་དོམ་མཁྲིས་བཏབ་ནས་བཏང་༡ ༢ན་ཆོད་ངེས། རྒྱ་སྐྱེགས་ཀྱི་ཆིག་ཐང་༡༣དུག་དང་སྲིན་ནད་ཐམས་ཅད་ལ་ཟབ། ། ༈ ལིང་ཏོག་ལ་ནི་ལ་ཐོ་ཞིབ་བཏགས་ཕྱེ་མ་སྐམས་འདེབས་༡༤ ཀྱིས་འཕྲལ་དུ་ཕན་ངེས་ལག་བླངས། ། ༈ མེས་ཚིག་གི་རྨ་རིགས་ཐམས་ཅད་ལ་རྟ་ཕྲུ་རློན་པ་བརླན། སྐམ་པོ་ཡིན་ན་ཆུ་ལ་༡༥སྤངས་ནས་བརླན་པས་ཕན་ངེས་ཟབ། ། ༈ བུད་མེད་ཕྲུ་གུ་སྐྱེ་མ་ཐུབ་པ་ལ། གོ་བོའི་ཤ་༡༦ཆུ་ལ་སྦྱར་ནས་གསང་སྟེ་བཏང་བས་འབྱིན་ངེས་ལག་བླངས། ། ༈ རྒྱ་གར་སོགས་ཚད་པ་ཆེ་བའི་སྐྱོན་གྱིས་འཁྲུ་ནད་འབྱུང་བ། དེའི་གཉེན་པོར་རབ་བྱ་རྒོད་ཀྱི་གསོན་ཁྲག་དྲོན་མོ༡༧། འབྲིང་ཁྲག་སྐམ། ཐ་མའང་ཤ་ཁྲག་སྤུ་སོགས་གང་འཛོམས་ཀྱི་ཐང་གིས་ཕན་པ་མྱོང་གྲུབ། ། ༈ རྨ་རིགས་བཅད་འབྱོར་ཉི་ཤུ་ཐུན་མོང་དུ་གསལ་བ་དང་། གཞན་ཡང་གསང་སྡུམ་ཞལ་ཤེས་བཞི་ཡོད། ། ༈ ཟུག་རྔུ་ཁོང་དུ་ལངས་པ་དང་། བུ་རོག་མ་ཐོན་པའི་གསང་སྨན་ཡུ་མོ་མདེ་འབྱིན་༢༥ཏེ། དེ་ཡང་སྔ་མ་ལ་རྡོ་ཁབ་༢༦ལེན་དང་། ཕྱི་མ་ལ་འོལ་མོ་སེའི་རྩ་བ་༢༧བསྡེབས་པ་ཆིག་རྒྱུག་ཏུ་བཤད་སྣང་། ། ༈ སྣ་ཁྲག་སོགས་ཤོར་བའི་གསང་སྨན། གུར་ཏིག་དོམ་མཁྲིས་༢༨རྒྱ་སྐྱེགས་ཁུ་བས་ཕུལ་གཏོང་ཆུ་བསིལ་གྱིས་རེག་བྱ་བྲལ་བར་ཁྲག་འབྱམས་ཕྱོགས་ནས་ཡང་ཡང་བྲན་པས་ཆོད་ངེས་བི་ཇིས་བཞེད། ༈། རྒྱུ་གཟེར་གསང་སྨན་གཞོན་ནུ་མ་གྲོང་ཆོས་ཀྱིས་མ་གོས་བའི་པད་རག །རི་ཀླད། སྙ་ལོ། དུག་ཉུང་བཞི་༣༨སྦྱོར་རིལ་བུ་ལྟོ་བཀུག་ནས་སྲན་འབྲིང་ཙམ་བདུན་རེ་ལན་གསུམ་གཏོང་བ་ལས་མི་དགོས་ཞེས་གནུབ་སྟོན་བུདྡྷ་ཛྙཱ་ན་བས་བཤད། །སྦྱར་དུག་སྲུང་བ་དང་། བྱུར་དུག་ནད་རོ་རྩི་ཞེན་གཏིང་འཕར་རྒྱུ་ཡོད་པ་རྣམས་ལ་བྱང་ལྟས་ཀྱི་ཆར་ཉུང་ལོ་དགུ་ལོན་པའི་ཁཎྜ་༣༣། དེ་ཡི་ས་བོན་ལོ་དགུ་ལོན་༣༤པ། ཧ་བོའི་འབུས་བུ་ཆ་མཉམ་པའི་རིལ་བུ་སྲན་འབྲུ་ཙམ་པ་བདུན་རེ་རྩ་སྟོང་ལ་བསྟེན་པས་ཟླ་གཅིག་གིས་ནད་ཚབ་དང་ཡུན་ཇི་ལྟར་ཆེ་ཡང་གཏིང་དག །རིལ་བུ་གསུམ་རེ་རྩ་སྟོང་ལ་གཏོང་ན་ཉིན་རེའི་སྦྱར་དུག་ངེས་པར་སྲུང་ཞེས་ཛི་ན་མི་ཏས་བཤད་པ། ཞང་སྨན་པས་ལུང་དྲངས་ཤིང་གསང་རྒྱ་ཆེ་བར་མཛད་འདུག་ལགས། ། ༈

[edit]

gsang sman gyi rigs 'ga' zhig la/ shrI swasti pra puSh+taM/__'dir gsang sman gyi rigs 'ga' zhig la/___byang lhun pa sogs lug mig che ba mgo gnyis gsum sbrel ba/___lo ma ming can ser po 'dra ba/__kher skyes tshi can rting pa thung ba rkang gcig pa de la dom ral pa'am/___dom nag ral pa zhes mgo chag gi chig 1sdum mdzad/___zur lugs pas ma tang mchin bu la mgo chag gi gsang ba chig 2sdum mdzad/__brang ti sogs ab+hiSha 3dang /__snga rabs pa kha cig spang skyes a'u tsi 4la mdzad/__/glo ba'i gsang sman la/__ra mo shel sman pas bdud 5rtsi gangs sham pa/__phal cher gyis tshan 6dmar po ste sro lo dmar po/__gter byung gi man ngag 'gar jo mo glo 7sdum mam rog bo 'joms skyes/__g.yu thog yab sras kyis sro lo dkar chung sug 'dra zhes pa 'di'i me tog kha bye ma thag pa la mdzad/__/_!_mkhris pa'i gsang sdum ni bi ji dang dwags po rin po che bcas gur tig 9la bzhed/__'di rma la'ang bzang /__/_!_sha dug gsang sman phal cher byi'u 10la phug__/bi jis kon ba gab 11skyes/__mo gol gyi sman pa dag 'om bu'i lo ma la 12bzhed snang /__/_!_dug spyi'i gsang sman ldum stag 13dang /__dpa' bo dkar 14po la bzhed pa mang /__dwags pos brag skya ha 15bo la mdzad/__'di nor phyugs kyis rtsa chu shing sogs kyi dug la zab pa myong grub/__spu bo'i _sman pa dag sdum bu rma 16bya zer ba lo ma dmar smug sa la bsgrad nas skye ba/__'dab ma nya ga__/ldum bu bong nga dmar po'i lo dbyibs phung po chung ba phor zhabs 'khor rgya tsam las mi skye ba ro shin tu kha ba zhig la byed/__g.yu thog dang zur mkhar ba sogs ni ko 10Tha kho na mdzad pa nyid do/__/_!_mo nad khrag tshab gsang sman ba ma lu 18lu'i rtsa ba la chag sman pas mdzad/__/_!_dmu chu'i gsang sman/__g.yu thog pas bya ma grags 17gong btus pa'i srad dkar kho na dang /__ra mo shel sman sogs mang po zhal 'chams par/__pri yang+ku 20/__srad nag__/me tog sngo dmar lo ma spu chung can/__sngo stabs seng zhes lo sdebs sar bsgrad sdong bur me tog nag rdog skye ba sngo chol brdungs byas nas chur bskyur na khu ba sngon por 'gro ba sngo baiDuR+Ya zhes pa/__rta mon pa zhes rtsa ba cha ga mon chen dmar po can me tog rtsi thog dkar po can gyi lo ma ste 'di bzhi la mdzad/__de dag nyi ma ma ldog gong du btus nas sngo chol grib skam dgos gsungs/__/_!_man ngag__/oM a thA/__gu gul nag po/__mi zi nag po/__bong nga nag po gsum sbyar 1ba'i dud pas byis pa'i gdon thams cad rgyang ring du byer bar byed do/__/star bu/__ru rta gnyis mnyam sbyor la/__mdze tshwa phyed cha bsnan 2pas bud med kyi rlung tshab sel zhing mngal skran thams cad bshig par byed do/__/lcum rtsa/__skyer shun/__yung ba gsum cha mnyam 3_pa'i phye mas byis pa'i sha ser dang mig ser gyi nad sel ste/__thun gsum gyis chog pa myong grub ma'o/__/yang na mkhris las rnam rgyal tshad ldan dang /__kha che gur gum mnyam sbyor 4_kyang zab bo/__/lba ba la rgya mi'i kha zas su 'gro ba'i he te 5zhes pa 'di nangs par lto stong zos pas 'joms nges myong bas grub bo/__/paN+Di ta go d+ha 6la'i lugs ni/__bu har gyi thag pa la gsha' nag gi phreng ba brgyus te mgul par dpyangs pa nyid do/__/re lcags pa'i rtsa ba zhib brdungs chur btsos 7pas 'byar bya ba 'bras nad la zab pa myong grub ma'o/__/gsang sman nar mo sla ngar brngos pa la/__mar khu dang a rag gi nying khus bran nas 'thung na grang 'gram gyi rigs thams cad la thengs pas chog go__/rma srin 'tshor mi 'dod pa la sa kha stod shin tu mtho bar gnas pa'i bra byi'i pags pa 9dron mo'i 'byar gyis phan par nges so/__/dbang lag cha bco lnga dang til dkar cha bzhi zhib par btags te/__phag pa'i sha cha gsum dang sbyar 10te khye'u sogs su bsten na ro tsa ba'i mchog tu 'gyur ro/__/byis pa'i kha lang la ra khrag dang dngul chu dul ma sbyar ba byugs 11_pas phan no/__/bud med bu btsas rjes rak+ta 'byams pa la 'doms su 'om bu'i dud pa btang zhing /__rgya tshos kyi gar thang la dom mkhris btab nas btang 1_2na chod nges/__rgya skyegs kyi chig thang 13dug dang srin nad thams cad la zab/__/_!_ling tog la ni la tho zhib btags phye ma skams 'debs 14_kyis 'phral du phan nges lag blangs/__/_!_mes tshig gi rma rigs thams cad la rta phru rlon pa brlan/__skam po yin na chu la 15spangs nas brlan pas phan nges zab/__/_!_bud med phru gu skye ma thub pa la/__go bo'i sha 16chu la sbyar nas gsang ste btang bas 'byin nges lag blangs/__/_!_rgya gar sogs tshad pa che ba'i skyon gyis 'khru nad 'byung ba/__de'i gnyen por rab bya rgod kyi gson khrag dron mo17/__'bring khrag skam/__tha ma'ang sha khrag spu sogs gang 'dzoms kyi thang gis phan pa myong grub/__/_!_rma rigs bcad 'byor nyi shu thun mong du gsal ba dang /__gzhan yang gsang sdum zhal shes bzhi yod/__/_!_zug rngu khong du langs pa dang /__bu rog ma thon pa'i gsang sman yu mo mde 'byin 25te/__de yang snga ma la rdo khab 26len dang /__phyi ma la 'ol mo se'i rtsa ba 27bsdebs pa chig rgyug tu bshad snang /__/_!_sna khrag sogs shor ba'i gsang sman/__gur tig dom mkhris 28rgya skyegs khu bas phul gtong chu bsil gyis reg bya bral bar khrag 'byams phyogs nas yang yang bran pas chod nges bi jis bzhed/__!/_rgyu gzer gsang sman gzhon nu ma grong chos kyis ma gos ba'i pad rag__/ri klad/__snya lo/__dug nyung bzhi 38sbyor ril bu lto bkug nas sran 'bring tsam bdun re lan gsum gtong ba las mi dgos zhes gnub ston bud+d+ha dz+nyA na bas bshad/__/sbyar dug srung ba dang /__byur dug nad ro rtsi zhen gting 'phar rgyu yod pa rnams la byang ltas kyi char nyung lo dgu lon pa'i khaN+Da 33/__de yi sa bon lo dgu lon 34pa/__ha bo'i 'bus bu cha mnyam pa'i ril bu sran 'bru tsam pa bdun re rtsa stong la bsten pas zla gcig gis nad tshab dang yun ji ltar che yang gting dag__/ril bu gsum re rtsa stong la gtong na nyin re'i sbyar dug nges par srung zhes dzi na mi tas bshad pa/__zhang sman pas lung drangs shing gsang rgya che bar mdzad 'dug lags/__/_!_