JKW-KABUM-03-GA-001-012

🚧 This website is under continued development. We appreciate your patience!

Previous Text Back to Volume PageNext Text

Wylie title	dpal ldan 'brug pa'i chos skor sogs
Location	mkhyen brtse'i bka' 'bum Volume 3, sde tshan 1, Text 12, Pages 269-281 (Folios 135a5 to 141a6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. dpal ldan 'brug pa'i chos skor sogs. In 'jam dbyangs mkhyen brtse'i dbang po'i bka' 'bum, Vol. 3: 269-281. Khams sde dge rdzong sar dgon: Rdzong sar blo gros phun tshogs, 2020.
Genre	Notes - zin bris

1 Texts in this Section (sde tshan or chos tshan)

12 269-281	དཔལ་ལྡན་འབྲུག་པའི་ཆོས་སྐོར་སོགས། dpal ldan 'brug pa'i chos skor sogs Notes - zin bris	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

དཔལ་ལྡན་འབྲུག་པའི་ཆོས་སྐོར་ལས། འགྲོ་མགོན་གཙང་པ་རྒྱ་རས་ཀྱི་གསུང་སྒྲོས་ཐོར་བུ་ཐུགས་དམ་དགེ་སྦྱོར་བདུན་པ་ཞེས་འབྲས་མོ་བ་སངས་རྒྱས་འབུམ་ཞེས་གྲགས་པས་བསྒྲིགས་པ་དེར། དང་པོར་སེམས་བསྐྱེད་གསོལ་བ་གདབ། དགོས་མེད་བསྒོམ་ཞིང་བཟློག་སྣང་གྲགས་རིགས་གསང་སྤྱོད། བསྒོམ་བྱ། །ཞིང་ཁམས་གསུམ་ལྷ་ཅིར་སྣང་བླ་མའི། སྦྱང་ཞིང་སྙིང་རྗེ་བསྒོམ། །ཆིག་ཕྱག་ཆེན། ཆོག་བསྒོམ་ཞིང་རྩལ་རྫོགས་དེ་སྤྱོད་ལམ་དང་བསྲེ་བ། བསྒོམ། །ལས་འབྲེལ་གཞན་དོན་ཁོ་ན། བཞག་ཅིང་སྤེལ་དགེ་བ། སྡིག་པ། སྦྱང་བྱ། །དབང་ཏིང་ངེ་འཛིན་གྱི། བཞི་བསྐུར་ཞིང་གདམས་ངག་སྔགས་ཆོག་སྐུར་ཤར་བ་བསྒོམ། །རྟེན་འབྲེལ་ལུས་ངག་ཡིད་གསུམ་གྱིས་ཕྱི་ནང་གསང་བའི། བསྒྲིགས་པས་སྐུ་གསུམ་ཐོབ་པར་བྱ་ཤིང་སྨོན་ལམ་ཆེན་པོ་བཅུ་གདབ། །ཅེས་ཟུང་བདུན་ནོ། །སྨོན་ལམ་འབུམ་ཕྲག་བཅུ་པོ་གང་ཡིན་པ་འདིར་འདུས་ཏེ། སངས་རྒྱས་ཀུན་མཆོད་ཀུན་གྱི་དམ་ཆོས་འཛིན། །ཀུན་གྱི་དྲུང་འགྲོ་སྤྱོད་པ་རྒྱ་ཆེན་བསྒྲུབ། །སེམས་ཅན་ཡོངས་སྨིན་འཇིག་རྟེན་ཁམས་ཀུན་འཇུག །ཞིང་ཀུན་ཡོངས་སྦྱོང་ཐེག་ཆེན་ལམ་འཇུག་དང་། །སྤྱོད་ཀུན་དོན་ཡོད་ཐེག་ཆེན་བསྒྲུབ་པར་སྨོན། །ཞེས་མདོ་སྡེ་ས་བཅུ་པ་དང་། བྱང་ས་ལས་གསུངས་པ་ཡོངས་ཀྱི་དགེ་བའི་བཤེས་གཉེན་རྣམས་སྡོམ་དུ་མཛད་པ་དང་མཐུན་ལ། དེ་ཡང་བསྡུ་ན། རྒྱལ་བ་ཀུན་གྱི་དམ་པའི་ཆོས་འཛིན་ཅིང་། །ཞེས་བྱ་བ་འདིར་འདུ་བས་བློ་དང་ལྡན་པའི་གང་ཟག་རྣམས་ཀྱིས་འབད་པས་བསྒྲུབ་པར་རིགས་སོ། །ཞེས་གསུངས། ། ༈

ཆོས་རྗེ་འབྲུག་པའི་ཁྲིད་སྲོལ་ཆེན་པོ་ལྔ་ཡི་ནང་ཚན་ལམ་ཟབ་བླ་མའི་རྣལ་འབྱོར་ལ་ཐུན་མོང་དང་། ཐུན་མོང་མ་ཡིན་པ་གཉིས་ལས། དང་པོ་ནི། སྔོན་འགྲོ་དམ་ཚིག་གཙང་བ། ཚོགས་བསགས་པ། གསོལ་བ་གདབ་པ་ལ་བསླབ་པ་སྟེ་བསླབ་པ་གསུམ་ལ་བསླབ་པ། དངོས་གཞི་སྨིན་གྲོལ་གཉིས་ལ། བསླབ་པར་བསྙེན་སྒྲུབ་ལས་གསུམ། དང་པོ་ལའང་ཕྱི་སྒྲུབ་ཕྱག །ནང་སྒྲུབ་གསོལ་འདེབས། གསང་སྒྲུབ་བཟླས་པའི་བསྙེན་པ་གསུམ། གསུམ་པ་ནི། སྣང་གྲགས་རིགས་གསུམ་བླ་མའི་སྐུ་གསུང་ཐུགས་རྡོ་རྗེར་ཤར་བས་སྐུ་གསུམ་དཀོན་མཆོག་གསུམ་གྱི་ངོ་བོར་མོས་གུས་བསམ་གྱིས་མི་ཁྱབ་པའི་ངང་ལ་བཞག་པའོ། །ཕྱི་མ་ལ། སྨིན་བྱེད་དབང་། གྲོལ་བྱེད་སྒྲུབ་ཐབས། གེགས་སྲུང་བར་བྱེད་སྲོག་གཅོད་པ་སོགས་ལྡེམ་དགོངས་ཀྱི་དམ་ཚིག་བཞི། པ་དམ་ཚིག །བོགས་འདོན་སྤྱོད་པ་དང་བཞིའོ། །བྷུ་སུ་ཀུའི། གསང་བའི། རིག་པ་བརྟུལ་ཞུགས་ཀྱི། ཕྱོགས་ལས་རྣམ་རྒྱལ་གྱི་སྤྱོད་པ་སྟེ་བཞི། གཉིས་པར། བརྟགས་པའི་དཀྱིལ་འཁོར་དུ་བླ་མ་སྤྲུལ་སྐུ་ཆོས་ཉིད་དག་པ་གསུམ་དེ་བཞིན་ཉིད། ཆོས་ཅན་ལྷ་སོ་སོའི། སོ་སོ་རང་རིག་པའི། ལུས་དཀྱིལ་དུ་ལོངས་སྐུར་རྒྱུད་ཀྱི། སྔགས་ཀྱི། ཡེ་ཤེས་ཀྱི། གསང་བའི་རིམ་པ་བཞི། བྷ་གའི་དཀྱིལ་འཁོར་དུ་ཆོས་སྐུར་བདག་གཞན་དུས་ཡེ་ཤེས་ཀྱི་བཟང་པོ་བཞི། བྱང་སེམས་ཀྱི་དཀྱིལ་འཁོར་དུ་ངོ་བོ་ཉིད་སྐུར་བསྒྲུབ་བདག་གཞན་རྣལ་འབྱོར་དེ་ཁོ་ན་ཉིད་ཀྱི་གདན་བཞི། པའོ།། །། ༈ ཚར་གསུམ་ཁུག་པ་ནི། རྒྱུ་དབང་། ལམ་དབང་། འབྲས་བུའི་དབང་གསུམ་མོ། །བྷ་གའི་དཀྱིལ་འཁོར་ནི་རང་ལུས་ཐབས་ལྡན་གྱི་ཚེ་གསང་གནས་རྩ་མདུད་གྲུ་གསུམ་དང་། གཞན་ཕྱག་རྒྱ་མའི་པདྨའོ། །བླ་མ་སྒྲུབ་པའི་རྣམ་བཤད་ལས། སོ་ཐར་གྱི་བསྙེན་པར་རྫོགས་པ་ལྟ་བུ་སྔར་བྱོས་ཕྱིས་བྱང་ཆུབ་ཏུ་སེམས་བསྐྱེད་པ་དང་། དེ་ནས་རྡོ་རྗེ་ཐེག་པ་ལ་ཞུགས་པ་ཞིག་ཡིན་ན། སྡོམ་པ་དེ་གསུམ་གནས་འགྱུར་ངོ་བོ་གཅིག །དེའི་ཚེ་སྲོག་གཅོད་པ་ལྟ་བུ་སོགས་གསང་སྔགས་ཀྱི་གནང་བ་བསྒྲུབས་ན་སྔ་མ་གཉིས་ལ་ལྟོས་པའི་ལྟུང་བ་མི་འབྱུང་བ་སྟེ། ཉི་ཟླ་སྐར་གསུམ་མཁའ་ལ་གནས་ཀྱང་ཉི་མའི་འོད་ཀྱིས་ཟིལ་མནན་པས་དེ་དག་གི་འོད་ཀྱི་བྱ་བ་མི་སྣང་བ་ལྟ་བུ། དེའི་ཕྱིར་འདི་ལ་དགག་སྒྲུབ། གོང་མ་གཙོ་བོ་ཡིན་ནོ། །ཉི་མ་མེད་ན་ཟླ་འོད་སྣང་བ་བཞིན། སྔགས་ཀྱི་ལམ་ལྟོས་པ་མེད་ན་སྔ་མ་རང་ཉིད་བཞིན་དུ་འདུ་དགོས་ཏེ། འཆང་འབྲལ་ལྟ་བུའོ། །ཞེས་གསུངས། བླ་མ་རྒྱང་འབོད་ཅེས་པ། སྤྱོད་འཇུག་ལས། སྤྱན་རས་གཟིགས་མགོན་དེ་ལ་ཡང་། །ཉམ་ཐག་ང་རོས་འོ་དོད་འབོད། །གསུངས་པ་ལྟ་བུ་སྟེ། དེ་བླ་མ་སྙན་འོན་བས་མིན། རང་ལ་ཉོན་མོངས་པའམ། རྐྱེན་མི་དགེ་བའི་བཤེས་གཉེན་དུ་སོང་ནས་བླ་མ་དང་ཐུགས་ཡིད་བསྲེ་མ་ཐུག དེས་ན་བླ་མ་དཀོན་མཆོག་མི་མངོན་དབྱིངས་ན་ར་མདར་སྤྲན་པ་སྟེ། ཕལ་སྐད་དུ་འབོད་པ་རྒྱགས་པའོ། །ལམ་ཟབ་བླ་མ་སྒྲུབ་པ་འདིའི་ཁུངས་ནི། གསང་འདུས་རྩ་རྒྱུད་ལེའུ་བཅུ་བདུན་པར། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་མཉམ་པ་ཉིད་ཀྱི་གནས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཞེས་སོགས་ཀྱིས་མངོན་སུམ་ལམ་བྱེད་ཀྱི་གདམས་ངག །བླ་མ་མཆོད་པ་ཕན་ཡོན་དང་བཅས་པ། བླ་མ་རིགས་ཐམས་ཅད་ཀྱི་ཁྱབ་བདག་དང་རྒྱུད་ཐམས་ཅད་ཀྱི་སྟོན་པ་པོ་ཡིན་པར་སྒྲུབ་པ། འདོད་པའི་དངོས་གྲུབ་བླ་མ་ལ་རག་ལས་པ། དངོས་གྲུབ་སྒྲུབ་པའི་མངོན་པར་རྟོགས་པ་དབང་གི་ཆོ་ག་དང་བཅས་པ་གསལ་བར་བསྟན་པ་ལྟར། ས་ར་ཧས་བདག་བྱིན་རླབས་ཞེས་མོས་གུས་ཆིག་ཆོད་དུ་འགྲོ་བ་མོས་གུས་ཕྱག་རྒྱ་ཆེན་པོ་སྟོན་པའི་གཞུང་མཛད། དེ་ལ་ཏིལླི་པས་ཚར་གསུམ་ཁུག་པ་དག་གི་གདམས་ངག་དང་། བྷ་བི་ལྷས་བླ་མ་ལྔ་བཅུ་པ་གླིང་ཊཱི་ཀ་དང་བཅས་པ། ཕྱིས་ཆོས་རྗེས་ཡིག་ཆ་གསུམ་དང་། པཎྜི་ཏ་བི་བྷུ་ཏས་བསྣམས་ནས་རྒོད་ཚང་པ་ལ་གནང་བ་བླ་མ་གསང་གསུམ་གྱི་སྒྲུབ་ཐབས་རྣམས་ལ་གཙོ་བོར་བསྟན་པའོ། ། ༈ ཆོས་བརྒྱད་མགོ་སྙོམས་པ་ཙམ་རྩེ་གཅིག་རབ་ལའང་འོང་། དེ་ནི་ནམ་མཁའ་དང་ལག་མཐིལ་མཉམ་པ། ཙནྡན་དང་སྟེའུར་མཉམ་པ། གསེར་དང་བོང་བ་འདྲ་བར་ཉན་ཐོས་ཀྱི་ཡོན་ཏན་དུའང་བཤད་པའི་དོན་ལས་སོ། །ཐེག་ཆེན་ངེས་པའི་རིགས་ཅན་རྣམས་ཚོགས་ལམ་དང་། མ་ངེས་པའི་རིགས་ཅན་རྣམས་སྦྱོར་ལམ་ཐོབ་ནས་ཕྱིར་བཟློག་མི་སྲིད། ཡང་ས་བརྒྱད་པ་ནས་ཕྱིར་མི་ལྡོག་པར་བྱས་པ་ནི། མཚན་འཛིན་གྱི་སྣང་བ་ཅན་དུ་ཕྱིར་མི་ལྡོག་པ་ལ་དགོངས། ཞི་གནས་ཀྱི་འདོད་སེམས་རྩེ་གཅིག་པ་ནས་ལུས་སེམས་ཤིན་སྦྱོང་གི་བདེ་བ་མ་ཐོབ་ཀྱི་བར་རྩེ་གཅིག །སེམས་ངོ་ཞེས་ཐ་མལ་གྱི་ཤེས་པ་ལྷག་གེར་མཐོང་བས་སྔར་གྱི་སྒོམ་ཉམས་ཀྱི་སྤྲོས་པ་ཐམས་ཅད་ཞིག་པའི་ཚེ་སྤྲོས་བྲལ་ཡིན་ནོ།། །། ༈

དཔལ་ལྡན་འབྲུག་པའི་ཟབ་ཆོས་རྟེན་འབྲེལ་གྱི་སྐོར་ནི། འགྲོ་བའི་མགོན་པོ་གཙང་པ་རྒྱ་རས་ཡེ་ཤེས་རྡོ་རྗེ་ལ་དཔལ་ཙཱ་རི་ཏྲ་ཡེ་ཤེས་ཀྱི་འཁོར་ལོར་རྫོགས་པའི་སངས་རྒྱས་རབ་བདུན་གྱིས་རྡོ་རྗེ་ནཱ་དའི་དབྱངས་ཀྱིས་མགྲིན་གཅིག་ཏུ་བསྙད་པར་མཛད་པ་སྟེ། དེ་ལ་ཡང་ངོ་སྤྲོད་གཉིས། དབྱེ་བ་གསུམ། སྒོམ་ཐབས་གཉིས། བརྩི་ལུགས་གསུམ། བསྒྲིགས་དུས་བཞི། ལག་ལེན་གསུམ། རྟོགས་པ་གཞིར་བཞག་པ་དང་བདུན་ནོ། །དང་པོ་ནི། ལུགས་འབྱུང་ལུགས་མི་མཐུན་ལས་འཁོར་འདས་ཆོས། །ཞེས་གསུངས་ཏེ། དེ་ཡང་འཁོར་བའི་འཁོར་ལོ་ནི་རྣམ་པར་རྟོག་པའི་བག་ཆགས་ཀྱིས་བསྐྱེད་པ་ཡིན་ལ། དེ་སྔགས་སུ་མ་རིག་པ་ཀུན་འགྲོ་གཞོམ་མེད་ཅེས་སམ། འཕོ་པའི་བག་ཆགས་ཞེས་སམ། བཞི་པའི་གནས་སྐབས་བསྐྱེད་པའི་ཡེ་ཤེས་ཀྱི་ཐིག་ལེ་ཞེས་བཞག་པ་སྟེ། དེ་ནི་རང་གི་སེམས་ཉིད་རང་བཞིན་དུ་འཁྲུལ་པས་ཐོག་མ་མེད་པའི་བག་ཆགས་ཀྱི་རྒྱུན་ཅན་ཏེ། འདི་ཉིད་ལ་མ་རིག་པ་ལྷན་སྐྱེས་དང་། ཤེས་བྱའི་སྒྲིབ་པ་ཞེས་སུའང་བཤད། དེས་བསྐྱེད་པའི་འཁོར་བའི་ཆོས་ཅན་གྱི་ཤེས་པ་ཐམས་ཅད་ལ་རྣམ་པར་རྟོག་པ་དང་། དེ་ཐམས་ཅད་རིག་པ་ཡེ་ཤེས་ཀྱི་མི་མཐུན་པའི་ཕྱོགས་སུ་གྱུར་པ་ཉིད་ཀྱིས་མ་རིག་པར་བཞག་པའོ། །དེ་ལྟ་བུའི་བདག་མེད་རྟོགས་པའི་སྟོང་ཉིད་ཀྱིས་དངོས་པོ་རྣམས་ལ་མི་རྨོངས་པས་སྤངས་ཏེ། འདི་ལྟར་གཟུགས་ཅན་རྣམས་ཡུལ་དང་། ཤེས་པ་དུས་ཀྱི་ཆས་ཕྱེ་ཞིང་བཙལ་བས་སྙིང་པོ་མ་རྙེད་པའམ། གཅིག་དང་དུ་བྲལ་ལ་སོགས་པའི་རྟོག་གེའི་བློས་ངོ་བོ་ཉིད་མེད་པར་རྗེས་སུ་དཔག་པའི་སྟོབས་ཀྱིས་རྟོགས་པས། གཟོད་སྒོམ་བྱུང་ཤེས་རབ་སྐྱེས་ནས། ཚུལ་དེས་དངོས་པོ་རྣམས་ལ་རྨོངས་པ་མེད་པར་བྱས་པ་ལ་མི་ཆགས། མ་ཆགས་ན་མི་སྡང་། མི་སྡང་ན་ལས་མི་གསོག །ལས་མེད་ན་དངོས་པོ་མི་ལེན། ལེན་པ་མེད་ན་སྲིད་པ་འདུ་མི་བྱེད། སྲིད་པ་མེད་ན་མི་སྐྱེ། མ་སྐྱེས་ན་ལུས་སེམས་ལ་སྡུག་བསྔལ་མི་འབྱུང་། དེ་ལྟར་རྒྱུ་ལྔ་པོ་མ་བསགས་པས་འབྲས་བུ་གཞན་མི་འབྱུང་སྟེ། འདི་ནི་མྱ་ངན་ལས་འདས་པའོ། །གཉིས་པ་ནི། ཤིན་ཏུ་ཕྲ་དང་ཕྲ་བ་རགས་རིམ་ཕྱིར། །ཞེས་བཤད། དེ་ཡང་ལས་ལས་འཇིག་རྟེན་འདི་དག་སྐྱེས་ཤིང་། དེ་ཡང་ཕྲ་རྒྱས་ཀྱི་དབང་གིས་བསགས་པར་འགྱུར་བ་སྟེ། དེའི་དབྱེ་བ་ནི་ཁམས་གསུམ་གྱི་མཐོང་བས་སྤོང་བ་དང་། སྒོམ་པས་སྤང་བྱ་མཐའ་དག་སྟེ་རྩ་བའི་ཉོན་མོངས་པ་དྲུག་སོགས་སོ། །ཅིའི་ཕྱིར་ཕྲ་རྒྱས་བྱ་ཞེ་ན། རྟོགས་པར་དཀའ་བས་རྒྱུ་བ་རྗེས་སུ་འབྲེལ་བའི་ཕྱིར་དང་། ཐོས་པ་དང་རྗེས་སུ་འབྲེལ་བ་དང་། དམིགས་པ་དང་མཚུངས་བར་ལྡན་པའི་སྒོ་ནས་རྒྱས་པར་འགྱུར་བ་དང་། སྦྱོར་བ་མེད་པར་དེ་བཟློག་བཞིན་དུ་ཡང་ཡང་དུ་མངོན་དུ་འགྱུར་བས་རྗེས་སུ་འབྲང་བས་ཏེ། འདི་ལའང་བྱེ་སྨྲ་བས་ཆོས་མངོན་པ་ལས་ཕྲ་རྒྱས་ཞེས་བྱ་བའི་སྒྲ་འབྱུང་བ་ནི་ཉོན་མོངས་པ་ཁོ་ནས་མཚན་ཉིད་པ་སྟེ། དེ་ལྟ་བས་ན་ཕྲ་རྒྱས་རྣམས་ནི་མཚུངས་པར་ལྡན་པ་ཁོ་ན་ཡིན་ནོ། །ཞེས་དང་། མདོ་སྡེ་པས། མཚུངས་པར་ལྡན་པའང་མ་ཡིན་ལ། མི་ལྡན་པའང་མ་ཡིན་གྱི་ཉོན་མོངས་པ་ཉལ་བ་ལ་ནི་ཕྲ་རྒྱས་ཞེས་བྱ་ལ། སད་པ་ནི་ཀུན་དཀྲིས་ཞེས་བྱའོ། །ཞེས་འདོད། ཐེག་པ་ཆེན་པོ་རྡོ་རྗེའི་ཐེག་པ་དང་བཅས་པས་ནི། འཁོར་འདས་གཉིས་སུ་མེད་པའི་ཟུང་འཇུག་གི་མཐར་ཐུག་སེམས་ཀྱི་རྡོ་རྗེ་འདི་ཉིད་ཕུང་པོ་སོགས་དང་བྲལ་བའི་མཚན་ཉིད་ཅན་གྱི་མྱ་ངན་ལས་འདས་པའི་གཟུགས་རྣམ་པ་ཐམས་ཅད་པའི་སྟོང་པ་ཉིད་ཡིན་པའི་ཆ་ནས་གསལ་བ་སྟེ། དེས་རྟག་མཐའ་བྲལ། འཁོར་བའི་བདེ་བ་ལས་འདས་པའི་མི་འགྱུར་བའི་ཡེ་ཤེས་སུ་གྱུར་པས་ཟབ་པ་སྟེ། དེས་ཆད་པ་ལས་ངེས་པར་གྲོལ་ལ། བདེ་སྟོང་དེ་དག་གཅིག་པ་ཉིད་ཀྱི་ཕྱིར་དངོས་མེད་ཀྱི་མཐའ་སྤངས་པས་དངོས་པོ་དང་དངོས་པོའི་མཐའ་སྤངས་པས་དངོས་མེད་ཅེས་བྱ་བར་ཡང་བཞག་སྟེ། ཞལ་ལུང་ལས། ཆོས་རྣམས་གཟུགས་ལ་སོགས་པ་རྣམས། །ཀུན་མཁྱེན་པར་གྱི་རང་བཞིན་ནི། །ནམ་མཁའི་དཀྱིལ་ལྟར་རྣམ་དག་པའི། །ཟབ་གསལ་གཉིས་མེད་ཡེ་ཤེས་སོ། །ཞེས་སོ། །དེ་ནི་འཁོར་འདས་ཐམས་ཅད་ཀྱི་ཁྱབ་བདག་རང་བཞིན་འགྱུར་བ་མེད་པ་གཞིའི་རྒྱུད་ཅེས་བཤད་པས། རང་བཞིན་དེ་ཉིད་ལ་འགྱུར་བ་མེད་ཀྱང་སྣང་བའམ། རྣམ་པ་དང་བཅས་པ་ཉིད་ཀྱིས་མ་དག་པ་ལྟར་སྣང་བའི་སྐབས་སུ་འཁོར་བའི་ཕུང་ཁམས་སྐྱེ་མཆེད་སོགས་ཇི་སྙེད་པའི་གཞིར་གྱུར་པས་ཀུན་གཞི་ཞེས་བྱ་ཞིང་། སྒྲིབ་པའི་ཆ་དག་པ་ན། དེ་བཞིན་གཤེགས་པའི་སྐུ་གསུང་ཐུགས་མི་ཟད་པ་རྒྱན་གྱི་འཁོར་ལོའི་གཞིར་གྱུར་པས་རིགས་སམ། རྣམ་པ་ཐམས་ཅད་པའམ། དབང་པོ་ཐམས་ཅད་པ་ཞེས་བྱ་སྟེ། བག་ཆགས་བགོ་བའི་གཞིར་གྱུར་ཀྱང་རང་གི་ངོ་བོ་ལ་མ་གོས་ཏེ། དཔེར་ན་སྤྲིན་དང་བཅས་པའི་ནམ་མཁའ་བཞིན་ནོ། །དེས་ན་ཀུན་གཞི་ནི་འཁོར་བ་འཇུག་ལྡོག་གཉིས་ཀའི་རྒྱུ་ཡིན་ནོ། །འདི་ལ་ཤིན་ཏུ་ཕྲ་བ་ཞེས་བྱ། དེ་ལས་ཀུན་འགྲོ་ལྔ་སོགས་ཕྲ་བ་དང་། དེ་ལས་ཕྱི་རོལ་གྱི་དུས་དང་། ནང་གི་ཕུང་ཁམས་སོགས་རགས་པ་ཐམས་ཅད་འབྱུང་བ་ཉིད་དོ། །གསུམ་པ་ལ་གཉིས་ཏེ། སྐྱེ་བ་མེད་པར་ངོས་འཛིན་པ་མཉམ་གཞག་ཡོན་ཏན་སྐྱེ་བའི་རྟེན་འབྲེལ། འགག་པ་མེད་པར་ལམ་དུ་ཁྱེར་བ་རྗེས་ཐོབ་རྩལ་རྫོགས་པའི་རྟེན་འབྲེལ་གཉིས་ལས། དང་པོ་ནི། སྟོང་ཉིད་སྙིང་རྗེ་ཟུང་འཇུག་བསྒོམ་པའི་ཆུས། །སེམས་ཀྱི་རྡོ་རྗེ་རྣམ་པར་སྦྱངས་ཞེས་གང་གི་ངོ་བོ་སྟོང་པར་རྟོགས་པས་དེ་ལྟར་མ་ཤེས་པར་འཁྲུལ་པའི་འགྲོ་བ་རྣམས་ལ་སྙིང་རྗེ་ཆེན་པོ་རང་ཤུགས་ཀྱིས་སྐྱེ་བས་ཟུང་དུ་འཇུག་པས་སྦྱོང་བྱེད་ཀྱི་ཐབས་སུ་བྱས་ཏེ། སྦྱང་གཞི་དང་སྦྱངས་འབྲས་དབྱེར་མི་ཕྱེད་པ་སེམས་ཀྱི་རྡོ་རྗེའི་གློ་བུར་འཁྲུལ་པའི་དྲི་མ་སྦྱང་བ་ལ་བརྩོན་པའོ། །དེ་ལ་སྟོང་ཉིད་ཀྱང་ལྡོག་ཆས་ཕྱེ་ན་བཅུ་དྲུག་དང་། བཅོ་བརྒྱད་དང་། ཉི་ཤུ་སོགས་སུ་འགྱུར་ལ། མདོར་བསྡུ་ན་གང་ཟག་ཆོས་ཀྱི་བདག་མེད་རྟོགས་པའི་སྟོང་པ་གཉིས། སྙིང་རྗེ་ལ་འགྲོ་བ་ཐམས་ཅད་འདུ་བྱེད་ཀྱི་སྡུག་བསྔལ་དང་བྲལ་བར་འདོད་པ་སེམས་ཅན་ལ་དམིགས་པ། གང་ཟག་གི་ཟླས་ཕྱེ་བའི་ཕུང་སོགས་སྐད་ཅིག་རེ་རེར་འཇིག་པ་ནི་འཇིག་པའི་སྐུམ་པ་སྟེ། དེ་དང་བྲལ་བར་འདོད་པ་ཆོས་ལ་དམིགས་པ། བདག་དང་སེམས་ཅན་སྟོང་ཉིད་དུ་མངོན་སུམ་དུ་རྟོགས་པས་བདག་གཅེས་འཛིན་གྱི་བློ་ཤུགས་ཀྱིས་འདོར་བ་ལ་དམིགས་པ་མེད་པའི་སྙིང་རྗེའི་སྒྲས་བསྟན་པ་སྟེ། དང་པོ་གཉིས་ནི་ནང་པའི་སོ་སྐྱེ་ལའང་ཡོད་ལ། ཕྱི་མ་ནི་ས་ཐོབ་པ་ཡན་ཆད་ཀྱི་ཁྱད་པར་རོ། །གཞན་ཡང་ས་དང་པོ་ན་འཇིག་ཚོགས་སུ་ལྟ་བ་མེད་ཀྱང་། དེའི་བག་ཆགས་ཀྱིས་བསླད་པའི་བདག་ཏུ་སྣང་བ་ཕྲ་མོ་ཡོད་པའི་ཕྱིར་སེམས་ཅན་དང་། གཉིས་པ་དང་བདུན་པའི་བར་ལ་ནི་རྟོག་དཔྱོད་ལ་ཞུགས་པ་སྟེ། དེ་དག་ཏུ་ཆོས་གསུང་རབ་དང་འབྲེལ་བའི་སྒྲ་དོན་ཅན་གྱི་རྟོག་པ་ཡོད་པས་ཆོས་དང་། བརྒྱད་པ་ནས་རྟོག་པ་མེད་པའི་ཕྱིར་དམིགས་པ་མེད་པའི་སྙིང་རྗེ་ཞེས་བྱའོ། །གཉིས་པ་ནི། དེས། སྣང་བའི་སྒྱུ་མ་དག་ནི་བཤིག་པར་བྱ། །ཞེས་པ་རྒྱས་པར་དྲན་པ་ཉེར་བཞག་བཞི་ནས་འཕགས་ལམ་ཡན་ལག་བརྒྱད་ཀྱི་མཐར་ཐུག་པའི་བར་གྱི་བྱང་ཕྱོགས་སོ་བདུན་སྒོམ་པའི་རིམ་པ་དང་། བསྡུས་པ་སྲིད་ཞི་མཉམ་ཉིད་དུ་སྦྱོར་བའི་རྣལ་འབྱོར་གཉིས་སུ་བཞག་སྟེ། དང་པོ་ནི་མདོ་སྡེ་རིན་པོ་ཆེ་རྣམས་ལས་བཤད་པ་ལྟར་དང་། ཕྱི་མ་ནི་ཅིར་སྣང་སྒྱུ་མའི་རྣམ་རོལ་དུ་མཉམ་པར་རྟོགས་པ་གང་ཡིན་པའོ། །བཞི་པ་ལ་གསུམ་ལས། དངོས་པོར་སྣང་བ་སྤྲུལ་སྐུའི་རྩལ་སྦྱོང་། སྒྱུ་མ་ལྟ་བུའི་རྒྱུ་འབྲས་ལོངས་སྐུའི་རྩལ་སྦྱོང་། ནམ་མཁའ་ལྟ་བུའི་རྒྱུ་འབྲས་ཆོས་སྐུའི་རྩལ་སྦྱོང་གསུམ་ལས། དང་པོ་ནི། ཇི་ལྟར་དངོས་དང་སྒྱུ་མ་མཁའ་འདྲ་བ། །དེ་ལྟར་རྟེན་འབྱུང་ཆོས་ཀྱང་ཤེས་བྱ་སྟེ། །ཞེས་པའི་དོན་ཐེག་པ་ཆུང་འབྲིང་དག་རྒྱུ་དྲུག །རྐྱེན་བཞི། འབྲས་བུ་ལྔའི་རྣམ་པར་བཞག་པ་བྱེད་ལ། ཐེག་པ་ཆེན་པོར། རྒྱུ་བཅུ་ལ་སོགས་པར་རྣམ་པར་བཞག་པའོ། །གཉིས་པ་ནི་ཆོས་ཐམས་ཅད་ཡོད་མིན་སྒྱུ་མ་ལྟ་བུ་དང་། གསུམ་པ་ནི། ནམ་མཁའ་ལས་གཟུགས་བརྙན་ཤར་བ་བཞིན་ཅིར་ཡང་བཏུབ་པ་བཟོད་པ་གནས་པའི་མཚན་ཉིད་ཅན་ནོ། །ལྔ་པ་ནི། གཞི་སྡོམ་པ་དང་དམ་ཚིག །བླ་མའི་དྲུང་དུ་མོས་གུས་ཀྱི། སྒྲུབ་པའི་དུས་འཇིག་རྟེན་བློས་བཏང་གི །འགྲོ་དོན་གྱི་དུས་གཞན་ཕན་བྱང་སེམས་ཀྱི་རྟེན་འབྲེལ་བསྒྲིགས་པ་དང་བཞིའོ། །དེ་ལྟར་ཡང་། སྡོམ་གནས་བླ་མར་གུས་ལྡན་དེ་དག་གིས། །མ་ཆགས་སྙིང་རྗེའི་ཡ་ལད་བགོས་ནས་སུ། །ཞེས་སོ། །དྲུག་པ་ལ། །སྤྱིར་བསྟན་པ་དང་། བྱེ་བྲག་སོ་སོར་ཕྱེ་སྟེ་བཤད་པ་གཉིས་ལས། དང་པོ་ནི། ཕྱི་ལུས་ངག་གསང་བ་ཡིད་དག་ལ། །སོ་སོར་བརྟག་པའི་འགོག་པ་ལ་སྦྱངས་ན། །ཞེས་ལམ་གྱི་ཆོས་འདི་དག་ཀྱང་མདོ་རྒྱུད་དབང་གི་ངེས་པ་མཐའ་དག་རྒྱུ་རྣམ་པ་གསུམ་གྱིས་བཞག་སྟེ། སྤོང་ལམ་དང་། བསྒྱུར་ལམ་དང་། དངོས་པོའི་ངོ་བོ་ཉིད་ལམ་དུ་བྱེད་པའི་དབང་དུ་བྱས་པའོ། །གཉིས་པ་ལ། ལུས་སོ་སོར་བརྟགས་ཏེ་འགོག་པ་བེམ་རིག་བསྲེ་བ་ཕྱིའི་རྟེན་འབྲེལ། ངག་སོ་སོར་བརྟགས་ཏེ་འགོག་པ་ཟབ་གསལ་གཉིས་མེད་ནང་གི་རྟེན་འབྲེལ། ཡིད་སོ་སོར་བརྟགས་ཏེ་འགོག་པ་ཁ་སྦྱོར་གྱི་ཏིང་ངེ་འཛིན་གསང་བའི་རྟེན་འབྲེལ་གསུམ་མོ། །བདུན་པ་ནི། རྒྱལ་བ་རྣམས་དང་སྤྱོད་ཡུལ་གཅིག་པར་འགྱུར། །ཞེས་བཤད་དེ། ཕར་ཕྱིན་ས་ལམ་གྱི་བཅུ་གཅིག་ཀུན་ཏུ་འོད་སངས་རྒྱས་ཀྱི་སར་བཞག་པ། བླ་མེད་ལ་དེ་སྟེང་དབང་བཞིའི་འབྲས་བུ། པདྨ་ཅན། འཁོར་ལོའི་ཚོགས་ཆེན། རྡོ་རྗེ་འཆང་བ། ཡེ་ཤེས་བླ་མ་བཞི་རིམ་གྱིས་སྦྱངས་ཏེ། ཐམས་ཅད་རོ་མཉམ་བདེ་བ་ཆེན་པོའི་ས་ཐོབ་པས་བཅུ་དྲུག་གི་རྣམ་གཞག་ནི་དགའ་བ་དེ་སྙེད་ཀྱི་ངོ་སྐལ་དང་མཐུན་པར་ལྡོག་ཆས་ཕྱེ་བ་ཙམ་སྟེ། དོན་དུ་བདེ་བ་ཆེན་པོ་ཁ་སྦྱོར་བདུན་ལྡན་གྱི་ཆ་ཤས་སུ་རིག་པར་བྱའོ། །མདོར། དབྱིངས་ཨེ་ལས་རིག་པ་ཝྃ་འཆར་བའི་ཚུལ་གྱིས་རང་བཞིན་གཞི་ཡི་རྟེན་འབྲེལ། སྐྱེ་མེད་ཨེ་ལས་འགག་མེད་ཝྃ་དུ་འཆར་བའི་རྣམ་པ་ལམ་གྱི་རྟེན་འབྲེལ། ཇི་ལྟ་བ་ཨེ་ལས་ཝྃ་ཇི་སྙེད་པ་མཐར་ཕྱིན་འབྲས་བུའི་རྟེན་འབྲེལ་བཤད་པའི་ཕྱིར་གསུངས་པ་དེ་བས་ན། རྣམ་པ་ཐམས་ཅད་དུ་གཞི་ལམ་འབྲས་གསུམ་ཆོས་ཐམས་ཅད་མི་འཆུགས་པར་སྡོམ་པའི་ཕྱིར་སངས་རྒྱས་རིན་ཆེན་ཟ་མ་ཏོག་ཅེས་བྱའོ། །དེ་དག་ནི་བཤད་པ་ཐོས་བསམ་གྱི་སྒོ་ནས་གཏན་ལ་འབེབས་པ་སྟེ། སྒྲུབ་པ་ཉམས་ལེན་གྱི་སྒོ་ནས་མཉམ་གཞག་ཡོན་ཏན་སྐྱེ་བའི་རྟེན་འབྲེལ་ཞི་ལྷག་ཟུང་འཇུག་དང་། རྗེས་ཐོབ་རྩལ་རྫོགས་པའི་རྟེན་འབྲེལ་སྤྱོད་ཡུལ་ཐམས་ཅད་དང་བསྲེ་ཞིང་། གཏོང་ལེན་གྱི་དམིགས་པས་སྙིང་རྗེ་བསྒོམ་པ་སོགས་སུ་འདུས་པར་རིག་པར་བྱའོ། །ངོ་མཚར་གྲུབ་པ་རྒྱ་མཚོའི་དཔྱིད། །པུཎྜཱ་རི་ཀའི་སྙིང་པོ་ལས། །བྱུང་བའི་སྦྲང་རྩི་འདི་ཡིས་ཀྱང་། །བདག་བློའི་བུང་བ་ཚིམ་པར་ཤོག །ཤུབྷཾ།། །། ༈

[edit]

dpal ldan 'brug pa'i chos skor sogs/ dpal ldan 'brug pa'i chos skor las/__'gro mgon gtsang pa rgya ras kyi gsung sgros thor bu thugs dam dge sbyor bdun pa zhes 'bras mo ba sangs rgyas 'bum zhes grags pas bsgrigs pa der/__dang por sems bskyed gsol ba gdab/__dgos med bsgom zhing bzlog snang grags rigs gsang spyod/__bsgom bya/__/zhing khams gsum lha cir snang bla ma'i/__sbyang zhing snying rje bsgom/__/chig phyag chen/__chog bsgom zhing rtsal rdzogs de spyod lam dang bsre ba/__bsgom/__/las 'brel gzhan don kho na/__bzhag cing spel dge ba/__sdig pa/__sbyang bya/__/dbang ting nge 'dzin gyi/__bzhi bskur zhing gdams ngag sngags chog skur shar ba bsgom/__/rten 'brel lus ngag yid gsum gyis phyi nang gsang ba'i/__bsgrigs pas sku gsum thob par bya shing smon lam chen po bcu gdab/__/ces zung bdun no/__/smon lam 'bum phrag bcu po gang yin pa 'dir 'dus te/__sangs rgyas kun mchod kun gyi dam chos 'dzin/__/kun gyi drung 'gro spyod pa rgya chen bsgrub/__/sems can yongs smin 'jig rten khams kun 'jug__/zhing kun yongs sbyong theg chen lam 'jug dang /__/spyod kun don yod theg chen bsgrub par smon/__/zhes mdo sde sa bcu pa dang /__byang sa las gsungs pa yongs kyi dge ba'i bshes gnyen rnams sdom du mdzad pa dang mthun la/__de yang bsdu na/__rgyal ba kun gyi dam pa'i chos 'dzin cing /__/zhes bya ba 'dir 'du bas blo dang ldan pa'i gang zag rnams kyis 'bad pas bsgrub par rigs so/_/zhes gsungs/___/_! chos rje 'brug pa'i khrid srol chen po lnga yi nang tshan lam zab bla ma'i rnal 'byor la thun mong dang /__thun mong ma yin pa gnyis las/__dang po ni/__sngon 'gro dam tshig gtsang ba/__tshogs bsags pa/__gsol ba gdab pa la bslab pa ste bslab pa gsum la bslab pa/__dngos gzhi smin grol gnyis la/__bslab par bsnyen sgrub las gsum/__dang po la'ang phyi sgrub phyag__/nang sgrub gsol 'debs/__gsang sgrub bzlas pa'i bsnyen pa gsum/_gsum pa ni/__snang grags rigs gsum bla ma'i sku gsung thugs rdo rjer shar bas sku gsum dkon mchog gsum gyi ngo bor mos gus bsam gyis mi khyab pa'i ngang la bzhag pa'o/__/phyi ma la/__smin byed dbang /__grol byed sgrub thabs/__gegs srung bar byed srog gcod pa sogs ldem dgongs kyi dam tshig bzhi/___pa dam tshig__/bogs 'don spyod pa dang bzhi'o/__/b+hu su ku'i/__gsang ba'i/__rig pa brtul zhugs kyi/__phyogs las rnam rgyal gyi spyod pa ste bzhi/__gnyis par/__brtags pa'i dkyil 'khor du bla ma sprul sku chos nyid dag pa gsum de bzhin nyid/__chos can lha so so'i/__so so rang rig pa'i/__lus dkyil du longs skur rgyud kyi/__sngags kyi/__ye shes kyi/__gsang ba'i rim pa bzhi/__b+ha ga'i dkyil 'khor du chos skur bdag gzhan dus ye shes kyi bzang po bzhi/__byang sems kyi dkyil 'khor du ngo bo nyid skur bsgrub bdag gzhan rnal 'byor de kho na nyid kyi gdan bzhi/__pa'o//___//_! tshar gsum khug pa ni/__rgyu dbang /__lam dbang /__'bras bu'i dbang gsum mo/__/b+ha ga'i dkyil 'khor ni rang lus thabs ldan gyi tshe gsang gnas rtsa mdud gru gsum dang /__gzhan phyag rgya ma'i pad+ma'o/__/bla ma sgrub pa'i rnam bshad las/__so thar gyi bsnyen par rdzogs pa lta bu sngar byos phyis byang chub tu sems bskyed pa dang /__de nas rdo rje theg pa la zhugs pa zhig yin na/__sdom pa de gsum gnas 'gyur ngo bo gcig__/de'i tshe srog gcod pa lta bu sogs gsang sngags kyi gnang ba bsgrubs na snga ma gnyis la ltos pa'i ltung ba mi 'byung ba ste/__nyi zla skar gsum mkha' la gnas kyang nyi ma'i 'od kyis zil mnan pas de dag gi 'od kyi bya ba mi snang ba lta bu/__de'i phyir 'di la dgag sgrub/__gong ma gtso bo yin no/__/nyi ma med na zla 'od snang ba bzhin/__sngags kyi lam ltos pa med na snga ma rang nyid bzhin du 'du dgos te/__'chang 'bral lta bu'o/__/zhes gsungs/__bla ma rgyang 'bod ces pa/__spyod 'jug las/__spyan ras gzigs mgon de la yang /__/nyam thag nga ros 'o dod 'bod/__/gsungs pa lta bu ste/__de bla ma snyan 'on bas min/__rang la nyon mongs pa'am/__rkyen mi dge ba'i bshes gnyen du song nas bla ma dang thugs yid bsre ma thug__des na bla ma dkon mchog mi mngon dbyings na ra mdar spran pa ste/__phal skad du 'bod pa rgyags pa'o/__/lam zab bla ma sgrub pa 'di'i khungs ni/__gsang 'dus rtsa rgyud le'u bcu bdun par/__de nas bcom ldan 'das de bzhin gshegs pa thams cad kyi mnyam pa nyid kyi gnas zhes bya ba'i ting nge 'dzin la snyoms par zhugs so/__/zhes sogs kyis mngon sum lam byed kyi gdams ngag__/bla ma mchod pa phan yon dang bcas pa/__bla ma rigs thams cad kyi khyab bdag dang rgyud thams cad kyi ston pa po yin par sgrub pa/__'dod pa'i dngos grub bla ma la rag las pa/__dngos grub sgrub pa'i mngon par rtogs pa dbang gi cho ga dang bcas pa gsal bar bstan pa ltar/__sa ra has bdag byin rlabs zhes mos gus chig chod du 'gro ba mos gus phyag rgya chen po ston pa'i gzhung mdzad/__de la til+li pas tshar gsum khug pa dag gi gdams ngag dang /__b+ha bi lhas bla ma lnga bcu pa gling TI ka dang bcas pa/__phyis chos rjes yig cha gsum dang /__paN+Di ta bi b+hu tas bsnams nas rgod tshang pa la gnang ba bla ma gsang gsum gyi sgrub thabs rnams la gtso bor bstan pa'o/___/__!_ chos brgyad mgo snyoms pa tsam rtse gcig rab la'ang 'ong /__de ni nam mkha' dang lag mthil mnyam pa/__tsan+dan dang ste'ur mnyam pa/__gser dang bong ba 'dra bar nyan thos kyi yon tan du'ang bshad pa'i don las so/__/theg chen nges pa'i rigs can rnams tshogs lam dang /__ma nges pa'i rigs can rnams sbyor lam thob nas phyir bzlog mi srid/__yang sa brgyad pa nas phyir mi ldog par byas pa ni/__mtshan 'dzin gyi snang ba can du phyir mi ldog pa la dgongs/__zhi gnas kyi 'dod sems rtse gcig pa nas lus sems shin sbyong gi bde ba ma thob kyi bar rtse gcig___/sems ngo zhes tha mal gyi shes pa lhag ger mthong bas sngar gyi sgom nyams kyi spros pa thams cad zhig pa'i tshe spros bral yin no//___//__!_ dpal ldan 'brug pa'i zab chos rten 'brel gyi skor ni/__'gro ba'i mgon po gtsang pa rgya ras ye shes rdo rje la dpal tsA ri tra ye shes kyi 'khor lor rdzogs pa'i sangs rgyas rab bdun gyis rdo rje nA da'i dbyangs kyis mgrin gcig tu bsnyad par mdzad pa ste/__de la yang ngo sprod gnyis/__dbye ba gsum/__sgom thabs gnyis/__brtsi lugs gsum/__bsgrigs dus bzhi/__lag len gsum/__rtogs pa gzhir bzhag pa dang bdun no/__/dang po ni/__lugs 'byung lugs mi mthun las 'khor 'das chos/__/zhes gsungs te/__de yang 'khor ba'i 'khor lo ni rnam par rtog pa'i bag chags kyis bskyed pa yin la/__de sngags su ma rig pa kun 'gro gzhom med ces sam/__'pho pa'i bag chags zhes sam/__bzhi pa'i gnas skabs bskyed pa'i ye shes kyi thig le zhes bzhag pa ste/__de ni rang gi sems nyid rang bzhin du 'khrul pas thog ma med pa'i bag chags kyi rgyun can te/__'di nyid la ma rig pa lhan skyes dang /__shes bya'i sgrib pa zhes su'ang bshad/__des bskyed pa'i 'khor ba'i chos can gyi shes pa thams cad la rnam par rtog pa dang /__de thams cad rig pa ye shes kyi mi mthun pa'i phyogs su gyur pa nyid kyis ma rig par bzhag pa'o/__/de lta bu'i bdag med rtogs pa'i stong nyid kyis dngos po rnams la mi rmongs pas spangs te/__'di ltar gzugs can rnams yul dang /__shes pa dus kyi chas phye zhing btsal bas snying po ma rnyed pa'am/__gcig dang du bral la sogs pa'i rtog ge'i blos ngo bo nyid med par rjes su dpag pa'i stobs kyis rtogs pas/__gzod sgom byung shes rab skyes nas/__tshul des dngos po rnams la rmongs pa med par byas pa la mi chags/__ma chags na mi sdang /__mi sdang na las mi gsog__/las med na dngos po mi len/__len pa med na srid pa 'du mi byed/__srid pa med na mi skye/__ma skyes na lus sems la sdug bsngal mi 'byung /__de ltar rgyu lnga po ma bsags pas 'bras bu gzhan mi 'byung ste/__'di ni mya ngan las 'das pa'o/__/gnyis pa ni/__shin tu phra dang phra ba rags rim phyir/__/zhes bshad/__de yang las las 'jig rten 'di dag skyes shing /__de yang phra rgyas kyi dbang gis bsags par 'gyur ba ste/__de'i dbye ba ni khams gsum gyi mthong bas spong ba dang /__sgom pas spang bya mtha' dag ste rtsa ba'i nyon mongs pa drug sogs so/__/ci'i phyir phra rgyas bya zhe na/__rtogs par dka' bas rgyu ba rjes su 'brel ba'i phyir dang /__thos pa dang rjes su 'brel ba dang /__dmigs pa dang mtshungs bar ldan pa'i sgo nas rgyas par 'gyur ba dang /__sbyor ba med par de bzlog bzhin du yang yang du mngon du 'gyur bas rjes su 'brang bas te/__'di la'ang bye smra bas chos mngon pa las phra rgyas zhes bya ba'i sgra 'byung ba ni nyon mongs pa kho nas mtshan nyid pa ste/__de lta bas na phra rgyas rnams ni mtshungs par ldan pa kho na yin no/__/zhes dang /__mdo sde pas/__mtshungs par ldan pa'ang ma yin la/__mi ldan pa'ang ma yin gyi nyon mongs pa nyal ba la ni phra rgyas zhes bya la/__sad pa ni kun dkris zhes bya'o/__/zhes 'dod/__theg pa chen po rdo rje'i theg pa dang bcas pas ni/__'khor 'das gnyis su med pa'i zung 'jug gi mthar thug sems kyi rdo rje 'di nyid phung po sogs dang bral ba'i mtshan nyid can gyi mya ngan las 'das pa'i gzugs rnam pa thams cad pa'i stong pa nyid yin pa'i cha nas gsal ba ste/__des rtag mtha' bral/__'khor ba'i bde ba las 'das pa'i mi 'gyur ba'i ye shes su gyur pas zab pa ste/__des chad pa las nges par grol la/__bde stong de dag gcig pa nyid kyi phyir dngos med kyi mtha' spangs pas dngos po dang dngos po'i mtha' spangs pas dngos med ces bya bar yang bzhag ste/__zhal lung las/__chos rnams gzugs la sogs pa rnams/__/kun mkhyen par gyi rang bzhin ni/__/nam mkha'i dkyil ltar rnam dag pa'i/__/zab gsal gnyis med ye shes so/__/zhes so/__/de ni 'khor 'das thams cad kyi khyab bdag rang bzhin 'gyur ba med pa gzhi'i rgyud ces bshad pas/__rang bzhin de nyid la 'gyur ba med kyang snang ba'am/__rnam pa dang bcas pa nyid kyis ma dag pa ltar snang ba'i skabs su 'khor ba'i phung khams skye mched sogs ji snyed pa'i gzhir gyur pas kun gzhi zhes bya zhing /__sgrib pa'i cha dag pa na/__de bzhin gshegs pa'i sku gsung thugs mi zad pa rgyan gyi 'khor lo'i gzhir gyur pas rigs sam/__rnam pa thams cad pa'am/__dbang po thams cad pa zhes bya ste/__bag chags bgo ba'i gzhir gyur kyang rang gi ngo bo la ma gos te/__dper na sprin dang bcas pa'i nam mkha' bzhin no/__/des na kun gzhi ni 'khor ba 'jug ldog gnyis ka'i rgyu yin no/__/'di la shin tu phra ba zhes bya/__de las kun 'gro lnga sogs phra ba dang /__de las phyi rol gyi dus dang /__nang gi phung khams sogs rags pa thams cad 'byung ba nyid do/__/gsum pa la gnyis te/__skye ba med par ngos 'dzin pa mnyam gzhag yon tan skye ba'i rten 'brel/__'gag pa med par lam du khyer ba rjes thob rtsal rdzogs pa'i rten 'brel gnyis las/__dang po ni/__stong nyid snying rje zung 'jug bsgom pa'i chus/__/sems kyi rdo rje rnam par sbyangs zhes gang gi ngo bo stong par rtogs pas de ltar ma shes par 'khrul pa'i 'gro ba rnams la snying rje chen po rang shugs kyis skye bas zung du 'jug pas sbyong byed kyi thabs su byas te/__sbyang gzhi dang sbyangs 'bras dbyer mi phyed pa sems kyi rdo rje'i glo bur 'khrul pa'i dri ma sbyang ba la brtson pa'o/__/de la stong nyid kyang ldog chas phye na bcu drug dang /__bco brgyad dang /__nyi shu sogs su 'gyur la/__mdor bsdu na gang zag chos kyi bdag med rtogs pa'i stong pa gnyis/__snying rje la 'gro ba thams cad 'du byed kyi sdug bsngal dang bral bar 'dod pa sems can la dmigs pa/__gang zag gi zlas phye ba'i phung sogs skad cig re rer 'jig pa ni 'jig pa'i skum pa ste/__de dang bral bar 'dod pa chos la dmigs pa/__bdag dang sems can stong nyid du mngon sum du rtogs pas bdag gces 'dzin gyi blo shugs kyis 'dor ba la dmigs pa med pa'i snying rje'i sgras bstan pa ste/__dang po gnyis ni nang pa'i so skye la'ang yod la/__phyi ma ni sa thob pa yan chad kyi khyad par ro/__/gzhan yang sa dang po na 'jig tshogs su lta ba med kyang /__de'i bag chags kyis bslad pa'i bdag tu snang ba phra mo yod pa'i phyir sems can dang /__gnyis pa dang bdun pa'i bar la ni rtog dpyod la zhugs pa ste/__de dag tu chos gsung rab dang 'brel ba'i sgra don can gyi rtog pa yod pas chos dang /__brgyad pa nas rtog pa med pa'i phyir dmigs pa med pa'i snying rje zhes bya'o/__/gnyis pa ni/__des/__snang ba'i sgyu ma dag ni bshig par bya/__/zhes pa rgyas par dran pa nyer bzhag bzhi nas 'phags lam yan lag brgyad kyi mthar thug pa'i bar gyi byang phyogs so bdun sgom pa'i rim pa dang /__bsdus pa srid zhi mnyam nyid du sbyor ba'i rnal 'byor gnyis su bzhag ste/__dang po ni mdo sde rin po che rnams las bshad pa ltar dang /__phyi ma ni cir snang sgyu ma'i rnam rol du mnyam par rtogs pa gang yin pa'o/_/bzhi pa la gsum las/__dngos por snang ba sprul sku'i rtsal sbyong /__sgyu ma lta bu'i rgyu 'bras longs sku'i rtsal sbyong /__nam mkha' lta bu'i rgyu 'bras chos sku'i rtsal sbyong gsum las/__dang po ni/__ji ltar dngos dang sgyu ma mkha' 'dra ba/__/de ltar rten 'byung chos kyang shes bya ste/__/zhes pa'i don theg pa chung 'bring dag rgyu drug__/rkyen bzhi/__'bras bu lnga'i rnam par bzhag pa byed la/__theg pa chen por/__rgyu bcu la sogs par rnam par bzhag pa'o/__/gnyis pa ni chos thams cad yod min sgyu ma lta bu dang /__gsum pa ni/__nam mkha' las gzugs brnyan shar ba bzhin cir yang btub pa bzod pa gnas pa'i mtshan nyid can no/__/lnga pa ni/__gzhi sdom pa dang dam tshig__/bla ma'i drung du mos gus kyi/__sgrub pa'i dus 'jig rten blos btang gi__/'gro don gyi dus gzhan phan byang sems kyi rten 'brel bsgrigs pa dang bzhi'o/__/de ltar yang /__sdom gnas bla mar gus ldan de dag gis/__/ma chags snying rje'i ya lad bgos nas su/__/zhes so/__/drug pa la/__/spyir bstan pa dang /__bye brag so sor phye ste bshad pa gnyis las/__dang po ni/__phyi lus ngag gsang ba yid dag la/__/so sor brtag pa'i 'gog pa la sbyangs na/__/zhes lam gyi chos 'di dag kyang mdo rgyud dbang gi nges pa mtha' dag rgyu rnam pa gsum gyis bzhag ste/__spong lam dang /__bsgyur lam dang /__dngos po'i ngo bo nyid lam du byed pa'i dbang du byas pa'o/__/gnyis pa la/__lus so sor brtags te 'gog pa bem rig bsre ba phyi'i rten 'brel/__ngag so sor brtags te 'gog pa zab gsal gnyis med nang gi rten 'brel/__yid so sor brtags te 'gog pa kha sbyor gyi ting nge 'dzin gsang ba'i rten 'brel gsum mo/__/bdun pa ni/__rgyal ba rnams dang spyod yul gcig par 'gyur/__/zhes bshad de/__phar phyin sa lam gyi bcu gcig kun tu 'od sangs rgyas kyi sar bzhag pa/__bla med la de steng dbang bzhi'i 'bras bu/__pad+ma can/__'khor lo'i tshogs chen/__rdo rje 'chang ba/__ye shes bla ma bzhi rim gyis sbyangs te/__thams cad ro mnyam bde ba chen po'i sa thob pas bcu drug gi rnam gzhag ni dga' ba de snyed kyi ngo skal dang mthun par ldog chas phye ba tsam ste/__don du bde ba chen po kha sbyor bdun ldan gyi cha shas su rig par bya'o/__/mdor/__dbyings e las rig pa wa~M 'char ba'i tshul gyis rang bzhin gzhi yi rten 'brel/__skye med e las 'gag med wa~M du 'char ba'i rnam pa lam gyi rten 'brel/__ji lta ba e las wa~M ji snyed pa mthar phyin 'bras bu'i rten 'brel bshad pa'i phyir gsungs pa de bas na/__rnam pa thams cad du gzhi lam 'bras gsum chos thams cad mi 'chugs par sdom pa'i phyir sangs rgyas rin chen za ma tog ces bya'o/__/de dag ni bshad pa thos bsam gyi sgo nas gtan la 'bebs pa ste/__sgrub pa nyams len gyi sgo nas mnyam gzhag yon tan skye ba'i rten 'brel zhi lhag zung 'jug dang /__rjes thob rtsal rdzogs pa'i rten 'brel spyod yul thams cad dang bsre zhing /__gtong len gyi dmigs pas snying rje bsgom pa sogs su 'dus par rig par bya'o/__/ngo mtshar grub pa rgya mtsho'i dpyid/__/puN+DA ri ka'i snying po las/__/byung ba'i sbrang rtsi 'di yis kyang /__/bdag blo'i bung ba tshim par shog__/shub+haM//___//_!