SPCD-KABUM-03-GA-004

🚧 This website is under continued development. We appreciate your patience!

Previous Text Back to Volume PageLast text in volume.

Wylie title	spar byang smon tshig mkhyen brtse chos kyi blo gros kyi gsung
Location	'phags mchog bka' 'bum Volume 3, Text 4, Pages 729-734 (Folios 1a1 to 3a3)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. Spar byang smon tshig mkhyen brtse chos kyi blo gros kyi gsung. In Mtshungs med grub sras 'phags mchog rdo rje mchog gi gsung 'bum rin po che , Vol. 3: 729-734. Kathmandu: Khenpo Shedup Tenzin & Lama Thinley Namgyal, 2004.
Genre	Printing Colophon Prayers - par byang smon tshig
Colophon	།ཅེས་ཕ་རོལ་ཕྱིན་པ་དྲུག་གི་གྲངས་ལྡན་གྱི་སྨོན་ཤིས་འདིའང་༧འཇམ་དབྱངས་མཁྱེན་བརྩེའི་ཕྲིན་ལས་ཀྱི་སྤྲུལ་མིང་འཛིན་པ་བློ་གྲོས་རྒྱ་མཚོས་ཤིན་ཏུ་གུས་ཤིང་དྭངས་སྤྲོའི་སེམས་ཀྱི་ཆུ་གཏེར་གཙང་མ་ལས་ཕྱུང་བ་དགེ་ལེགས་འཕེལ།།
	/ces pha rol phyin pa drug gi grangs ldan gyi smon shis 'di'ang 7'jam dbyangs mkhyen brtse'i phrin las kyi sprul ming 'dzin pa blo gros rgya mtshos shin tu gus shing dwangs spro'i sems kyi chu gter gtsang ma las phyung ba dge legs 'phel//

Tibetan Text

[edit]

༄༅། །སྤར་བྱང་སྨོན་ཚིག་མཁྱེན་བརྩེ་ཆོས་ཀྱི་བློ་གྲོས་ཀྱི་གསུང་བཞུགས།

༄༅། །ཨོཾ་སྭ་སྟི། ཀུན་ཏུ་བཟང་པོའི་དགོངས་པ་རང་གནས་རྒྱུད། །ཇི་བཞིན་སྟོན་མཁས་རིག་འཛིན་གྲུབ་པའི་རྗེ། །དགའ་རབ་ཤྲཱི་སེང་པད་འབྱུང་བི་མ་སོགས། །བརྒྱུད་གསུམ་རིག་འཛིན་བླ་མས་ཤིས་པ་སྩོལ། ༡ །ཚེ་གཅིག་གྲོལ་བའི་གསེང་ལམ་རྫོགས་པ་ཆེ། །ཡང་གསང་བླ་ན་མེད་པ་གདམས་པའི་བཅུད། །སྙིང་ཕྱུང་ལག་མཐིལ་གཞག་པ་ལྟ་བུ་ཡི། །གདམས་ཟབ་འདི་འདྲ་མཐོང་བས་སྐལ་པ་བཟང་། ༢ །དེང་སང་ཕལ་ཆེར་ཚིག་གི་སྦུ་བར་འཕྱམ། །སྙན་བརྒྱུད་གདམས་པ་ཚོང་དུས་འོ་མ་ལྟར། །རང་བློ་ངན་པས་བསླད་པའི་དུས་སྐབས་འདིར། །འཕགས་པའི་མཆོག་གྱུར་སྙིང་ཐིག་བསྟན་པའི་སྲོག ༣ །བརྒྱུད་ལྡན་བླ་མའི་ཞལ་གྱི་བདུད་རྩིའི་རྒྱུན། །རང་གི་མྱོང་བའི་སྟོབས་ཀྱིས་ངེས་པ་རྣམས། །ཇི་བཞིན་རྟོགས་པའི་འདྲ་འབག་བཀོད་འདི་ལ། །བླ་མ་ལྷར་བཅས་དབྱིངས་ནས་དགྱེས་ཞལ་ངོམས། ༤ །འདི་དོན་ཚུལ་བཞིན་ཉན་བསམ་སྒོམ་པ་རྣམས། །ཚེ་འདིར་སྲིད་པ་ཧྲུལ་པོར་བྱེད་པ་ལ། །ཐེ་ཚོམ་མ་མཆིས་བློ་ལྡན་ཐར་འདོད་རྣམས། །འདིར་འབད་བརྩོན་འགྲུས་དྲག་པོ་བྱ་བར་རིགས། ༥ །འདི་ཡི་དགེ་བས་བསྟན་འཛིན་སྐྱེས་མཆོག་གང་། །ཞབས་པད་བརྒྱ་ཕྲག་མང་པོ་བརྟན་པ་དང་། །སློབ་ཚོགས་རྒྱུ་སྐར་ཕྲེང་བ་ལྟར་མཛེས་ཤིང་། །ངེས་དོན་སྙིང་པོའི་བསྟན་པ་རྒྱས་གྱུར་ཅིག ༦ །ཅེས་ཕ་རོལ་ཕྱིན་པ་དྲུག་གི་གྲངས་ལྡན་གྱི་སྨོན་ཤིས་འདིའང་༧འཇམ་དབྱངས་མཁྱེན་བརྩེའི་ཕྲིན་ལས་ཀྱི་སྤྲུལ་མིང་འཛིན་པ་བློ་གྲོས་རྒྱ་མཚོས་ཤིན་ཏུ་གུས་ཤིང་དྭངས་སྤྲོའི་སེམས་ཀྱི་ཆུ་གཏེར་གཙང་མ་ལས་ཕྱུང་བ་དགེ་ལེགས་འཕེལ།། ༈ དེ་ལྟར་མཚུངས་མེད་གྲུབ་སྲས་མཆོག་གི་གསུང་འབུམ་འདི་བཞིན་ད་ལམ་བླ་མ་ཕྲིན་ལས་རིན་པོ་ཆེ་མཆོག་དང་མཁན་མིང་བཤད་སྒྲུབ་བསྟན་འཛིན་གུས་པ་ཟུང་ནས་དཔེ་སྐྲུན་གྱི་སྲི་ཞུའི་སྐབས། པར་སྨོན་མཁྱེན་བརྩེའི་གསུང་བྱིན་རླབས་ཅན་དེ་བཞིན་སླར་ཡང་བཞུགས་སུ་གསོལ་བ་ལགས་སོ།། དགེའོ།།