JKW-KABUM-22-ZA-012-061

🚧 This website is under continued development. We appreciate your patience!

Previous Text Back to Volume PageNext Text

Wylie title	tshogs kyi 'khor lo'i rtogs pa brjod pa'i rdo rje'i thol glu sku gsum mchod sprin
Location	mkhyen brtse'i bka' 'bum Volume 22, sde tshan 12, Text 61, Pages 525-526 (Folios 91a5 to 91b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. tshogs kyi 'khor lo'i rtogs pa brjod pa'i rdo rje'i thol glu sku gsum mchod sprin. In 'jam dbyangs mkhyen brtse'i dbang po'i bka' 'bum, Vol. 22: 525-526. Khams sde dge rdzong sar dgon: Rdzong sar blo gros phun tshogs, 2020.
Genre	Autobiographies - Expressions of Realization - rtogs brjod  ·  Feast Offering - tshogs mchod - tshogs kyi 'khor lo  ·  Vajra Songs - rdo rje'i glu

1 Texts in this Section (sde tshan or chos tshan)

61 525-526	ཚོགས་ཀྱི་འཁོར་ལོའི་རྟོགས་པ་བརྗོད་པའི་རྡོ་རྗེའི་ཐོལ་གླུ་སྐུ་གསུམ་མཆོད་སྤྲིན། tshogs kyi 'khor lo'i rtogs pa brjod pa'i rdo rje'i thol glu sku gsum mchod sprin Autobiographies - Expressions of Realization - rtogs brjod   ·   Feast Offering - tshogs mchod - tshogs kyi 'khor lo   ·   Vajra Songs - rdo rje'i glu	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

ཚོགས་ཀྱི་འཁོར་ལོའི་རྟོགས་པ་བརྗོད་པའི་རྡོ་རྗེའི་ཐོལ་གླུ་སྐུ་གསུམ་མཆོད་སྤྲིན་ཅེས་བྱ་བ། ཨ་ཧོ། རང་ལུས་རྡོ་རྗེ་ཕུང་པོ་གདན་གསུམ་གྱི་གྲོང་ཁྱེར། །འགྲོ་འོང་རླུང་ཀུན་སྐྱེ་མེད་སྐུ་གསུམ་གྱི་རོལ་གར། །རྟོག་ཚོགས་ཤར་གྲོལ་དུས་མཉམ་ཆོས་ཉིད་ཀྱི་ངོ་བོ། །ཡེ་ནས་རང་གསལ་བདེ་ཆེན་དཀྱིལ་འཁོར་དེ་མཁྱེན་ནོ། །སྙིང་ག་རོ་རྐྱང་དབུ་མ་ཟུང་འཇུག་གི་སྣོད་དུ། །གཡོ་བྱེད་རླུང་གིས་མ་བསླད་རང་རིག་གི་བཅུད་མཆོག །དག་པ་གཉིས་ལྡན་ཆོས་སྐུའི་དཀྱིལ་འཁོར་དུ་མཆོད་པས། །གདོད་ནས་འཁྲུལ་བྲལ་རྟོག་པའི་ཡོ་ལང་ལས་འདས་སོ། །མགྲིན་པ་ལོངས་སྤྱོད་ཡོངས་རྫོགས་ཆགས་བྲལ་གྱི་སྣོད་དུ། །བཟའ་བཏུང་ལྷུན་གྲུབ་གསལ་སྟོང་དབྱེར་མེད་ཀྱི་བཅུད་མཆོག །ངེས་པ་ལྔ་ལྡན་ལོངས་སྐུའི་དཀྱིལ་འཁོར་དུ་མཆོད་པས། །མཆོག་ཏུ་དགའ་བའི་ཉམས་མྱོང་ལྷན་སྐྱེས་སུ་ཤར་རོ། །སྤྱི་བོ་སྣང་སྟོང་ཟུང་འཇུག་བདེ་ཆེན་གྱི་སྣོད་དུ། །ཚོགས་དྲུག་རང་སར་གྲོལ་བའི་གཉུག་མ་ཡི་བཅུད་མཆོག །ཟུང་འཇུག་སྒྱུ་མ་སྤྲུལ་སྐུའི་དཀྱིལ་འཁོར་དུ་མཆོད་པས། །མཐའ་བྲལ་གཟུང་འཛིན་གཉིས་སྤང་ངོ་བོ་རུ་གྲོལ་ལོ། །འཁོར་འདས་འཛིན་རྟོག་བྲལ་བའི་བདེ་སྟོང་གི་སྣོད་དུ། །སྣ་ཚོགས་སྣང་བ་མ་འགག་སྣོད་བཅུད་ཀྱིས་གཏམས་ཏེ། །ཏིང་འཛིན་སྒྱུ་མར་སྤྲུལ་པའི་དཀྱིལ་འཁོར་དུ་མཆོད་པས། །དོན་གཉིས་ལྷུན་གྲུབ་ཚིམ་པ་དྲུག་ལྡན་དུ་ལོངས་སོ། །དེ་སྐད་དགའ་སྟོན་སྣོད་བཅུད་ཕྱི་ནང་གི་དཀྱིལ་འཁོར། །མཆོད་བྱ་མཆོད་བྱེད་ལས་འདས་དབུ་མ་ཡི་སྦུབས་ནས། །འབར་དང་འཛག་པའི་རྡོ་རྗེའི་ཐོལ་གླུ་འདི་བླངས་པས། །འགྲོ་ཀུན་རྟོག་བྲལ་བདེ་ཆེན་ཐོབ་པ་རུ་ཤོག་ཅིག ། ༈

[edit]

tshogs kyi 'khor lo'i rtogs pa brjod pa'i rdo rje'i thol glu sku gsum mchod sprin/ tshogs kyi 'khor lo'i rtogs pa brjod pa'i rdo rje'i thol glu sku gsum mchod sprin ces bya ba/__a ho/__rang lus rdo rje phung po gdan gsum gyi grong khyer/__/'gro 'ong rlung kun skye med sku gsum gyi rol gar/__/rtog tshogs shar grol dus mnyam chos nyid kyi ngo bo/__/ye nas rang gsal bde chen dkyil 'khor de mkhyen no/__/snying ga ro rkyang dbu ma zung 'jug gi snod du/__/g.yo byed rlung gis ma bslad rang rig gi bcud mchog__/dag pa gnyis ldan chos sku'i dkyil 'khor du mchod pas/__/gdod nas 'khrul bral rtog pa'i yo lang las 'das so/__/mgrin pa longs spyod yongs rdzogs chags bral gyi snod du/__/bza' btung lhun grub gsal stong dbyer med kyi bcud mchog__/nges pa lnga ldan longs sku'i dkyil 'khor du mchod pas/__/mchog tu dga' ba'i nyams myong lhan skyes su shar ro/__/spyi bo snang stong zung 'jug bde chen gyi snod du/__/tshogs drug rang sar grol ba'i gnyug ma yi bcud mchog__/zung 'jug sgyu ma sprul sku'i dkyil 'khor du mchod pas/__/mtha' bral gzung 'dzin gnyis spang ngo bo ru grol lo/__/'khor 'das 'dzin rtog bral ba'i bde stong gi snod du/__/sna tshogs snang ba ma 'gag snod bcud kyis gtams te/__/ting 'dzin sgyu mar sprul pa'i dkyil 'khor du mchod pas/__/don gnyis lhun grub tshim pa drug ldan du longs so/__/de skad dga' ston snod bcud phyi nang gi dkyil 'khor/__/mchod bya mchod byed las 'das dbu ma yi sbubs nas/__/'bar dang 'dzag pa'i rdo rje'i thol glu 'di blangs pas/__/'gro kun rtog bral bde chen thob pa ru shog cig_/_!