JKW-KABUM-22-ZA-006-006

🚧 This website is under continued development. We appreciate your patience!

Previous Text Back to Volume PageNext Text

Wylie title	rdo rje gsum gyi snang brnyan rab 'byams tsin+ta ma Ni'i phung po grub pa mchog gi zhal skyin gyi dkar chag
Location	mkhyen brtse'i bka' 'bum Volume 22, sde tshan 6, Text 6, Pages 148-155 (Folios 49b3 to 53a2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. rdo rje gsum gyi snang brnyan rab 'byams tsin+ta ma Ni'i phung po grub pa mchog gi zhal skyin gyi dkar chag. In 'jam dbyangs mkhyen brtse'i dbang po'i bka' 'bum, Vol. 22: 148-155. Khams sde dge rdzong sar dgon: Rdzong sar blo gros phun tshogs, 2020.
Genre	Catalogue of Contents - dkar chag
Colophon	།ཅེས་པའང་རྗེ་བཙུན་འཇམ་པའི་དབྱངས་ཀྱི་ངོ་བོར་བཞུགས་པ་འཇིགས་བྲལ་གྱི་སློབ་དཔོན་བློ་གྲོས་མཐའ་ཡས་པའི་ཞལ་སྔ་ནས་ཀྱི་ཐུགས་བཞེད་སྐོང་བའི་ཞབས་འདེགས་སུ་གཙོ་བོར་དམིགས་པས་བྱང་དྲངས་ཏེ། རང་གཞན་གྱི་ཉེར་མཁོའི་སླད་རྡོ་རྗེ་གསུམ་གྱི་རིང་བསྲེལ་ཙིནྟ་མ་ཎི་འདུ་བགྱིས་པའི་ཟིན་ཐོ་ཉུང་དུ་འདིའང་བྱ་བྲལ་རྒྱལ་ཁམས་ཀྱི་དཀྱུས་སུ་ཉུལ་བའི་འཁོས་ཆུང་འཇིམ་ལས་པ་དཱ་རི་དྲཱ་མཉྫུ་གྷོ་ཥས་བྲིས་པ་རྟེན་འདི་རྣམས་མཐོང་ཐོས་དྲན་རེག་ཐམས་ཅད་དོན་དང་ལྡན་པར་སིདྡྷི་རསྟུ།
	ces pa'ang rje btsun 'jam pa'i dbyangs kyi ngo bor bzhugs pa 'jigs bral gyi slob dpon blo gros mtha' yas pa'i zhal snga nas kyi thugs bzhed skong ba'i zhabs 'degs su gtso bor dmigs pas byang drangs te/__rang gzhan gyi nyer mkho'i slad rdo rje gsum gyi ring bsrel tsin+ta ma Ni 'du bgyis pa'i zin tho nyung du 'di'ang bya bral rgyal khams kyi dkyus su nyul ba'i 'khos chung 'jim las pa dA ri drA many+dzu g+ho Shas bris pa rten 'di rnams mthong thos dran reg thams cad don dang ldan par sid+d+hi rastu/

1 Texts in this Section (sde tshan or chos tshan)

6 148-155	རྡོ་རྗེ་གསུམ་གྱི་སྣང་བརྙན་རབ་འབྱམས་ཙིནྟ་མ་ཎིའི་ཕུང་པོ་གྲུབ་པ་མཆོག་གི་ཞལ་སྐྱིན་གྱི་དཀར་ཆག། rdo rje gsum gyi snang brnyan rab 'byams tsin+ta ma Ni'i phung po grub pa mchog gi zhal skyin gyi dkar chag Catalogue of Contents - dkar chag	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

རྡོ་རྗེ་གསུམ་གྱི་སྣང་བརྙན་རབ་འབྱམས་ཙིནྟ་མ་ཎིའི་ཕུང་པོ་གྲུབ་པ་མཆོག་གི་ཞལ་སྐྱིན་གྱི་དཀར་ཆག་ཀུན་ཏུ་དགེ་བ་ལྷའི་རོལ་མོ་ཞེས་བྱ་བ་བཞུགས་སོ།། །། ༈ ཨོཾ་སྭ་སྟི་སིདྡྷཾ། རྡོ་རྗེའི་སྐུ་དང་ནཱ་དའི་གསུང་། །འོད་གསལ་རྟག་པ་དམ་པའི་ཐུགས། །མངོན་སུམ་སྣང་བའི་དགེ་མཚན་གྱིས། །ཕན་བདེའི་པདྨོ་རྒྱས་གྱུར་ཅིག །དེ་ལ་གཟུངས་གཞུག་གི་གནས་གསུམ་བྱིན་བརླབས་རིགས་གསུམ་གྱི་སྐུའི་ཕབ་གཏར། །ཐོག་མར་མཆོད་རྟེན་གྱི་ཏོག་ནས་བྲེའི་བར་དང་། སྐུ་གཟུགས་ལྟ་བུའི་དཔྲལ་བར་བཞག་རྒྱུ་སྐུ་རྡོ་རྗེ་རྣམ་པར་སྣང་མཛད། འཇམ་དབྱངས་ཨ་ར་པ་ཙ་ན་ཆེ་ཆུང་། འཇིགས་བྱེད་ཞལ་ཕྱག་ཡོངས་རྫོགས་དང་། དཔའ་བོ་གཅིག་པ། གཙུག་ཏོར་རྣམ་རྒྱལ་ཆེ་ཆུང་རྣམས་ལ། གཏེར་གསར་གཟི་བརྗིད་སྐྱེད་པ་སྐུ་ཡི་རིལ་བུ། སྔ་ཕྱིར་སྦྱར་བའི་སྐུ་གདུང་རིང་བསྲེལ་ཀུན་འདུས། སྐུ་བལ་རིང་བསྲེལ་ཀུན་འདུས། དམ་རྫས་དཔལ་གྱི་སྙིང་པོ་རྣམ་སྣང་རིལ་བུ། པྲ་བྷ་ཧ་སྟིའི་གདུང་རིལ། པྲ་བྷ་ཧ་སྟིའི་རྣམ་སྣང་རིལ་བུ། འོད་སྲུང་དང་ཐུབ་པའི་སྐུ་ཆོས་རིལ་བུར་དྲིལ་བ། སྐྱེ་བདུན་སྐུ་ཤའི་རིལ་བུ། བོ་དྷི་སཏྭའི་ཆོས་གོས། ཁྲི་སྲོང་གདུང་རུས་རིལ་བུ། འཇམ་དབྱངས་རིལ་བུ་ཤེས་རབ་དཔལ་སྐྱེད་རྣམས་དང་། ། ༈ མཆོད་རྟེན་ལྟ་བུའི་བྲེ་དང་། སྐུ་གཟུགས་ལྟ་བུའི་མགྲིན་པར་བཞག་རྒྱུ་གསུང་རྡོ་རྗེ་སྣང་བ་མཐའ་ཡས། འོད་དཔག་མེད། ཚེ་དཔག་མེད་ཆེ་ཆུང་། སྤྱན་རས་གཟིགས་ཆེ་ཆུང་། རྟ་མགྲིན། སྒྲོལ་དཀར་ཡིད་བཞིན་འཁོར་ལོ་ཆེ་ཆུང་རྣམས་ལ། ཚངས་དབྱངས་སྐྱེད་པ་གསུང་གི་རིལ་བུ། ཆོས་ཀྱི་རིང་བསྲེལ་ཀུན་འདུས་རིལ་བུ། སྣང་མཐའ་རིལ་བུ། ཚེ་རྫས་ཀུན་འདུས་རིལ་བུ། ཆོས་གླིང་གཏེར་བྱོན་ཚེ་རྫས་ཧྲཱིཿརྒྱ་ཅན། སྒྲོལ་དཀར་ཚེ་བཅུད་རིལ་བུ། གཏེར་གསར་ཚེ་རྫས་རིལ་བུ། གཡུ་བྲག་ནས་སྤྱན་དྲངས་པའི་ཚེ་རྫས་ཟླ་བའི་སྙིང་པོ། མཱ་ར་ཏཱི་ཀའི་ཚེ་བཅུད་རིལ་བུ། མ་ཎི་རིལ་བུ། འཁོར་བ་དོང་སྤྲུགས་རིལ་བུ། སློབ་དཔོན་རིན་པོ་ཆེའི་ཤངས་མཚལ་རིལ་བུ་རྣམས་དང་། ། ༈ མཆོད་རྟེན་གྱི་བུམ་པ་དང་། སྐུ་གཟུགས་ཀྱི་ཐུགས་ཀར་བཞག་རྒྱུ་ཐུགས་རྡོ་རྗེ་མི་བསྐྱོད་པ་དང་། རྡོ་རྗེ་སེམས་དཔའ། ཕྱག་རྡོར་ཞི་བ། ཁྲོ་བོ་འབྱུང་པོ་འདུལ་བྱེད་ཆེ་ཆུང་། སཱཙྪ་ཆེ་ཆུང་རྣམས་ལ། བདེ་ཆེན་སྐྱེད་པ་ཐུགས་ཀྱི་རིལ་བུ། ཡུངས་འབྲུ་ལྟ་བུའི་རིང་བསྲེལ་ཕྱོགས་བསྡུས་རིལ་བུ། བྱང་སེམས་ཟླ་ཐིག་རིལ་བུ། གཏེར་གསར་བདེ་བར་གཤེགས་པ་ཐམས་ཅད་ཀྱི་གདུང་གི་རིལ་བུ་དམ་རྫས་རིན་པོ་ཆེའི་ཏོག་དང་། སློབ་དཔོན་རིན་པོ་ཆེའི་ཚེམས་ལས་བྱུང་བའི་རིང་བསྲེལ་གྱི་འཕེལ་ཕྱེ་བསྲེས་པའི་རིལ་བུ། དགའ་རབ་རྡོ་རྗེའི་ཐུགས་ཀྱི་དྭངས་མ་གདུང་རྟེན་རིལ་བུ། སངས་རྒྱས་གསང་བའི་རྡོར་སེམས་རིལ་བུ། སློབ་དཔོན་པྲ་བྷ་ཧ་སྟིའི་གསང་ཆབ་རིལ་བུ། གུ་རུ་ཡབ་ཡུམ་བྱང་སེམས་རོལ་པ་ཆེན་པོ། མཚོ་རྒྱལ་གསང་ཆབ་རིལ་བུ་རྣམས་དང་། དེ་ཐམས་ཅད་ལ་ཐུན་མོང་དུ། དམ་རྫས་ཨུ་དུམྺཱ་ར། བུམ་ཆུ་ཁྲུས་ཆབ་ཀུན་འདུས། སྨན་གྱི་ཕབ་གཏའ། བུམ་རྫས་རིལ་བུ། དཔལ་ས་སྐྱ་པ་གོང་མ་ལྔ་དང་ངོར་ཆེན་རྡོ་རྗེ་འཆང་གི་བདུད་རྩི་རིལ་བུ་སོགས། བདུད་རྩི་རིལ་བུའི་རིགས་མང་པོ། ས་ཆུ་འབྱུང་བཅུད་ཀུན་འདུས་རིལ་བུ། གཏེར་གསར་གྱི་གནས་ཡུལ་དུར་ཁྲོད་དྲུག་ཅུ་རྩ་བཞིའི་ས་སྣ་རིལ་བུ། སྐུ་ཚབ་རིན་པོ་ཆེའི་རྒྱུ་དམ་རྫས་དཔལ་གྱི་སྙིང་པོ་དང་། བྱེ་མ་ཨ་ཀྲོང་ལེ་ཚན། གཏེར་གསར་ཆོས་སྨན་ཀུན་འདུས། དམ་རྫས་མྱོང་གྲོལ་རིལ་ནག་ཕྱག་དྲིལ། པོ་ཏ་ལའི་ས་མྱོང་གྲོལ། པོ་ཏ་ལའི་འབྲུ་སྨན་རིལ་བུ། རིག་པའི་ཡེ་ཤེས་སྨན་གྱི་རིལ་བུ། ཨིནྡྲ་བྷུ་ཏིའི་རིན་ཆེན་རིལ་བུ། ཅུ་གང་རིལ་བུ། ཨོ་རྒྱན་སོགས་ཀྱི་སིནྡྷུ་རའི་རིལ་བུ། གི་ཝམ་རིལ་བུ། གཏེར་བྱོན་ག་བུར་དང་ཙནྡན་དཀར་དམར། ཡང་ཕུར་གྱི་སྒྲུབ་གཏོར་ལས་བབ་པའི་བདུད་རྩི་དང་དངོས་གྲུབ་ཀྱི་རྫས། གསར་རྙིང་གི་དཀྱིལ་འཁོར་མང་པོའི་རྡུལ་ཚོན་དང་བུམ་ཆུ་སོགས་འདྲེས་པར་སྦྱར་བ་དང་། ། ༈ གཞན་ཡང་གོང་གི་སྐུ་གསུང་ཐུགས་དང་། སྤྱི་ཁྱབ་ཀྱི་དམ་རྫས་བཅས་ཡོངས་རྫོགས་ལས། བླ་སྐུ། དབུའི་ནང་། རྡོ་རྗེ་འཆང་། ཀླུ་སྒྲུབ། བིརཱུ་པ། གུ་རུ་ཞི་བ། རཏྣའི་དྲག་དམར། དྲག་དམར་དཔའ་གཅིག །མཚན་བརྒྱད། མནྡཱ་ར། མཚོ་རྒྱལ། ཇོ་བོ་རྗེ། ས་སྐྱའི་རྗེ་བཙུན་གོང་མ་ལྔ། ངོར་ཆེན། བྱམས་པ་ཀུན་དགའ་བསྟན་འཛིན། དམ་པ་རྒྱ་གར། ལབ་སྒྲོན། མི་ལ། རྗེ་བླ་མ། གྲུབ་ཆེན་ཐང་སྟོང་པ། ཡི་དམ་ཐུགས་ཀའི་སྟོད། ཀྱེ་རྡོ་རྗེ་ཆེ་ཆུང་། བདེ་མཆོག་ལཱུ་ཧི་པ། ལྷན་སྐྱེས། ནཱ་རོ་མཁའ་སྤྱོད་སྐུ་ཆེ་འབྲིང་ཆུང་གསུམ། མཁའ་སྤྱོད་སྐོར་གསུམ། ཕག་མོ། སེང་གདོང་མ། གསང་འདུས། སངས་རྒྱས་བྱང་སེམས་ཐུགས་ཀ་ནས་རིམ་པར་སྐོར་ལ། ཐུབ་སྐུ་ཆེ་ཆུང་། ཐུབ་པ་རྡོར་གདན། སངས་རྒྱས་རིགས་ལྔ། སྨན་བླ། མི་འཁྲུགས་པ། ཚེ་ལྷ་རྣམ་གསུམ་སོགས་འདོད་ལྷ་གཙོ་བསྡུས། ངོར་མཁན་ཆེན་སངས་རྒྱས་ཕུན་ཚོགས་ལ་བཀའ་གདམས་ལྷ་བཞིས་བསྐོར་བ། རིགས་གསུམ་མགོན་པོ་བཞེངས་སྐུ། བྱམས་པ། ཡུམ་ཆེན་མོ། སྒྲོལ་ལྗང་། ། ༈ ཆོས་སྲུང་པད་གདན་སྐོར་ལ། གུར་མགོན་ཆེ་ཆུང་། ཞལ་ཁྲ། ལས་གཤིན། མ་ནིང་། གཟའ། དམ་ཅན་རྡོར་ལེགས་སོགས་ཀྱི་སྣང་བརྙན་རབ་འབྱམས་ཞིག་བཞུགས་པ་མཆོད་རྟེན་གྱི་རྩེ་ནས་སེང་ཁྲི་དང་། སྐུ་གཟུགས་ཀྱི་གཙུག་ཏོར་ནས་པད་གདན་བར་གོ་རིམ་འོས་བསྟུན་གྱིས་བཞུགས་སུ་གསོལ་རྒྱུ་དང་། རིག་འཛིན་དགའ་རབ་རྡོ་རྗེའི་གདུང་རྟེན་དང་། ཀུན་མཁྱེན་ཀློང་ཆེན་པའི་གདུང་རུས་ལས་སོ་སོའི་སྣང་བརྙན་ཐེག་རྩེ་ཤིན་ཏུ་རྣལ་འབྱོར་གྱི་བླ་བརྒྱུད་སོགས་སྔ་འགྱུར་གཙོ་བོར་གྱུར་པའི་རྟེན་གྱི་ནང་དུ་གཞུག་པ་དང་། ། ༈ ཀླུ་སྒྲུབ་སྙིང་པོའི་ཀླུ་སྨན་ཕབས་རྟ་སྦྱར་བའི་ཀླུའི་རྩི་སྨན་ཕོན་མང་དུ་བསྲེས་པ་ལས། ཀླུ་དབང་རྒྱལ་པོ་ཆེ་ཆུང་དང་། སེང་གེ་སྒྲའི་སྣང་བརྙན་དག་ཀླུ་བུམ་སོགས་ཀྱི་ནང་གཞུག་ལ་བསྔགས་ཤིང་། ། ༈ གཏེར་བྱོན་གི་ཝཾ་རིལ་བུ་དང་། ཀུ་རུ་ཀུལླེའི་དོན་ཀུན་གྲུབ་པ་དང་། དབང་དུ་བྱེད་པའི་རྫས་སྦྱོར། ཚོགས་བདག་གི་གཏེར་བུམ་སྒྲུབ་རྫས། འདོད་པའི་རྒྱལ་པོའི་རྗེས་གནང་སོགས་སྒྲུབ་པའི་སྐབས་ཀྱི་རྡུལ་ཚོན་དང་། མེ་ཏོག་སོགས་དབང་གི་རྫས་བྱིན་ལྡན་ལས། དམར་པོ་སྐོར་གསུམ་གྱི་སྣང་སྐུའི་སྨད་བརྙན། ། ༈ གཡང་རྫས་དཔལ་ཅན་རིལ་བུ་དང་། ཨིནྡྲ་བྷཱུ་ཏིའི་རིན་ཆེན་རིལ་བུ་སོགས་རིན་ཆེན་རིལ་བུའི་རིགས་ཀྱིས་གཙོས་རིན་ཆེན་འབྲུ་སྨན་ལས་ཛཾ་སེར་ནག་ཆེ་ཆུང་། གྲ་བའི་ཛཾ་དམར། དཔལ་ཆེན་མོ་ནོར་རྒྱུན་མ། རྣམ་སྲས་མདུང་དམར་ཅན། མགོན་དཀར་ཡིད་བཞིན་ནོར་བུ་དང་། དུར་ཁྲོད་བདག་པོ་ཡབ་ཡུམ་བཅས་ཀྱི་སྣང་བརྙན་རྣམས་གཏེར་བུམ་གྱི་ནང་གཞུག་དང་། གནོད་སྦྱིན་བང་མཛོད་ཀྱི་ཁོར་ཡུག་དང་། སྐྱིལ་ཀྲུང་དང་པད་གདན་གྱི་མཚམས་སོགས་གང་འོས་མཚམས་སུ་གཞུག་རྒྱུར་བསྔགས་སོ། །དེ་ལྟ་བུའི་སྦར་སྐུ་རྣམས། ཐོག་མར་ཕབ་གཏའ་རྣམས་དང་རིན་པོ་ཆེའི་ཕྱེ་མ་ཁམས་གཙང་མ་ལ་བསྲེས་ཏེ་འདྲེས་པར་བརྫིས་པ་རྒྱུ་བྱིན་གྱིས་བརླབས་པ་སྔོན་ཏུ་འགྲོ་བས། སངས་རྒྱས་ཆོས་སྐུའི་དབྱིངས་ལས་མངོན་བྱང་ལྔ་དང་། རྡོ་རྗེའི་ཆོ་ག་གསུམ་ལ་སོགས་པས་གཟུགས་ཀྱི་སྐུར་བཞེངས་པའི་མོས་འདུན་དང་། སྤྱི་དང་བྱེ་བྲག་གི་རིག་པ་བཟླ་བཞིན་ཏུ་ལག་པ་སྡར་ཏེ་བཏབ་ནས་སྐམ་པ་དང་ན་བཟའི་རིགས་མ་འདྲེས་པར་གསོལ། ཐུབ་སྐུའི་ནང་གཞུག་ཏུ་བདེ་བར་གཤེགས་པ་ཐམས་ཅད་ཀྱི་གདུང་གི་རིལ་བུ། བདུད་འདུལ་གཏེར་བྱོན་བདེ་གཤེགས་བདུན་གྱི་གདུང་འཕེལ་རིལ་བུ། རིང་བསྲེལ་བཞིའི་རིལ་བུ། རྟེན་ཅིང་འབྲེལ་བར་འབྱུང་བའི་གཟུངས་རྣམས་དང་། གུ་རུ་རིན་པོ་ཆེའི་སྐུ་ཚབ་ལ། སྐུ་ཚབ་ཀྱི་རྒྱུ་དམ་རྫས་དཔལ་གྱི་སྙིང་པོ་དང་། སློབ་དཔོན་རིན་པོ་ཆེའི་དབུ་སྐྲ། ཤངས་མཚལ། བྱང་སེམས་ཕྱག་བྲིས་ཀྱི་ཤོག་སེར། ཚེམས་ལས་བྱུང་བའི་རིང་བསྲེལ་འཕེལ་ཕྱེ། གཏེར་ཁ་སྔ་ཕྱི་ལས་བྱུང་བའི་སྐུ་བེར། སྐུ་རེག །གསང་གོས། ཞབས་ལྷྭམ་རྣམས་ནང་གཞུག་ཏུ་བཅུག་ཅིང་། ཚེ་དཔག་ཏུ་མེད་པའི་ཆོ་ག་དང་འབྲེལ་བར་རབ་ཏུ་གནས་པ་སྤྱི་དང་བྱེ་བྲག་ཏུ་རྟེན་སོ་སོ་རེ་རེ་བཞིན་མངོན་རྟོག་དང་མཐུན་པར་དམ་ཚིག་པ་བསྐྱེད། གནས་གསུམ་བྱིན་གྱིས་བརླབ། ཡེ་ཤེས་པ་བསྟིམ། དབང་བསྐུར་ཞིང་རྒྱས་གདབ། སྤྱན་དབྱེ་ཞིང་མཆོད་བསྟོད་དང་སོ་སོའི་རིག་པས་མངའ་དབུལ་ཞིང་། མཐར་བརྟན་བཞུགས་བརྒྱ་རྩ་དང་བཅས་དམིགས་འདུན་ནན་ཏན་དུ་བགྱིས་པ་སྟེ། དེ་ལྟར་རྒྱུ་བྱིན་བརླབས་དང་ལྡན་ཅིང་། ཆོ་ག་སྦྱོར་དངོས་རྗེས་གསུམ་ཚང་པའི་རྡོ་རྗེ་གསུམ་གྱི་རིང་བསྲེལ་ཁྱད་པར་ཅན་འདི་རྣམས་འཕགས་པ་གསུམ་གྱི་ཙིནྟ་མ་ཎིའི་སྙིང་པོ་ལྟར་བཟུང་སྟེ། མཆོད་པའི་གྲལ་དུ་བཞུགས་པ་དང་། རྟེན་གྱི་ནང་དུ་གཞུག་པ་དང་། དད་མོས་ཀྱི་རྟེན་མགུལ་དུ་འཆང་བ་སོགས་བགྱིས་པས་ཕན་བདེའི་འབྱོར་པ་ཡིད་བཞིན་ཏུ་འབྱུང་བ་ནི་ངེས་པའོ། །གང་གིས་གྲུབ་པའི་ནོར་བུ་མཆོག །མཐོང་ཐོས་རེག་གམ་དྲན་པས་ཀྱང་། །འཇིག་རྟེན་འཇིག་རྟེན་འདས་པ་ཡི། །དངོས་གྲུབ་མཐའ་དག་འགྲུབ་གྱུར་ཅིག །ཅེས་པའང་རྗེ་བཙུན་འཇམ་པའི་དབྱངས་ཀྱི་ངོ་བོར་བཞུགས་པ་འཇིགས་བྲལ་གྱི་སློབ་དཔོན་བློ་གྲོས་མཐའ་ཡས་པའི་ཞལ་སྔ་ནས་ཀྱི་ཐུགས་བཞེད་སྐོང་བའི་ཞབས་འདེགས་སུ་གཙོ་བོར་དམིགས་པས་བྱང་དྲངས་ཏེ། རང་གཞན་གྱི་ཉེར་མཁོའི་སླད་རྡོ་རྗེ་གསུམ་གྱི་རིང་བསྲེལ་ཙིནྟ་མ་ཎི་འདུ་བགྱིས་པའི་ཟིན་ཐོ་ཉུང་དུ་འདིའང་བྱ་བྲལ་རྒྱལ་ཁམས་ཀྱི་དཀྱུས་སུ་ཉུལ་བའི་འཁོས་ཆུང་འཇིམ་ལས་པ་དཱ་རི་དྲཱ་མཉྫུ་གྷོ་ཥས་བྲིས་པ་རྟེན་འདི་རྣམས་མཐོང་ཐོས་དྲན་རེག་ཐམས་ཅད་དོན་དང་ལྡན་པར་སིདྡྷི་རསྟུ། ། ༈

[edit]

rdo rje gsum gyi snang brnyan rab 'byams tsin+ta ma Ni'i phung po grub pa mchog gi zhal skyin gyi dkar chag_/ rdo rje gsum gyi snang brnyan rab 'byams tsin+ta ma Ni'i phung po grub pa mchog gi zhal skyin gyi dkar chag kun tu dge ba lha'i rol mo zhes bya ba bzhugs so//____//__!_oM swa sti sid+d+haM/__rdo rje'i sku dang nA da'i gsung /__/'od gsal rtag pa dam pa'i thugs/__/mngon sum snang ba'i dge mtshan gyis/__/phan bde'i pad+mo rgyas gyur cig__/de la gzungs gzhug gi gnas gsum byin brlabs rigs gsum gyi sku'i phab gtar/__/thog mar mchod rten gyi tog nas bre'i bar dang /__sku gzugs lta bu'i dpral bar bzhag rgyu sku rdo rje rnam par snang mdzad/__'jam dbyangs a ra pa tsa na che chung /__'jigs byed zhal phyag yongs rdzogs dang /__dpa' bo gcig pa/__gtsug tor rnam rgyal che chung rnams la/__gter gsar gzi brjid skyed pa sku yi ril bu/__snga phyir sbyar ba'i sku gdung ring bsrel kun 'dus/__sku bal ring bsrel kun 'dus/__dam rdzas dpal gyi snying po rnam snang ril bu/__pra b+ha ha sti'i gdung ril/__pra b+ha ha sti'i rnam snang ril bu/__'od srung dang thub pa'i sku chos ril bur dril ba/__skye bdun sku sha'i ril bu/__bo d+hi satwa'i chos gos/__khri srong gdung rus ril bu/__'jam dbyangs ril bu shes rab dpal skyed rnams dang /__/__!_mchod rten lta bu'i bre dang /__sku gzugs lta bu'i mgrin par bzhag rgyu gsung rdo rje snang ba mtha' yas/__'od dpag med/__tshe dpag med che chung /__spyan ras gzigs che chung /__rta mgrin/__sgrol dkar yid bzhin 'khor lo che chung rnams la/__tshangs dbyangs skyed pa gsung gi ril bu/__chos kyi ring bsrel kun 'dus ril bu/__snang mtha' ril bu/__tshe rdzas kun 'dus ril bu/__chos gling gter byon tshe rdzas hrIHrgya can/__sgrol dkar tshe bcud ril bu/__gter gsar tshe rdzas ril bu/__g.yu brag nas spyan drangs pa'i tshe rdzas zla ba'i snying po/__mA ra tI ka'i tshe bcud ril bu/__ma Ni ril bu/__'khor ba dong sprugs ril bu/__slob dpon rin po che'i shangs mtshal ril bu rnams dang /__/__!_mchod rten gyi bum pa dang /__sku gzugs kyi thugs kar bzhag rgyu thugs rdo rje mi bskyod pa dang /__rdo rje sems dpa'/__phyag rdor zhi ba/__khro bo 'byung po 'dul byed che chung /__sAts+tsha che chung rnams la/__bde chen skyed pa thugs kyi ril bu/__yungs 'bru lta bu'i ring bsrel phyogs bsdus ril bu/__byang sems zla thig ril bu/__gter gsar bde bar gshegs pa thams cad kyi gdung gi ril bu dam rdzas rin po che'i tog dang /__slob dpon rin po che'i tshems las byung ba'i ring bsrel gyi 'phel phye bsres pa'i ril bu/__dga' rab rdo rje'i thugs kyi dwangs ma gdung rten ril bu/__sangs rgyas gsang ba'i rdor sems ril bu/__slob dpon pra b+ha ha sti'i gsang chab ril bu/__gu ru yab yum byang sems rol pa chen po/__mtsho rgyal gsang chab ril bu rnams dang /__de thams cad la thun mong du/__dam rdzas u dum+WA ra/__bum chu khrus chab kun 'dus/__sman gyi phab gta'/__bum rdzas ril bu/__dpal sa skya pa gong ma lnga dang ngor chen rdo rje 'chang gi bdud rtsi ril bu sogs/__bdud rtsi ril bu'i rigs mang po/__sa chu 'byung bcud kun 'dus ril bu/__gter gsar gyi gnas yul dur khrod drug cu rtsa bzhi'i sa sna ril bu/__sku tshab rin po che'i rgyu dam rdzas dpal gyi snying po dang /__bye ma a krong le tshan/__gter gsar chos sman kun 'dus/__dam rdzas myong grol ril nag phyag dril/__po ta la'i sa myong grol/__po ta la'i 'bru sman ril bu/__rig pa'i ye shes sman gyi ril bu/__in+d+ra b+hu ti'i rin chen ril bu/__cu gang ril bu/__o rgyan sogs kyi sin+d+hu ra'i ril bu/__gi wam ril bu/__gter byon ga bur dang tsan+dan dkar dmar/__yang phur gyi sgrub gtor las bab pa'i bdud rtsi dang dngos grub kyi rdzas/__gsar rnying gi dkyil 'khor mang po'i rdul tshon dang bum chu sogs 'dres par sbyar ba dang /___/__!_gzhan yang gong gi sku gsung thugs dang /__spyi khyab kyi dam rdzas bcas yongs rdzogs las/__bla sku/__dbu'i nang /__rdo rje 'chang /__klu sgrub/__birU pa/__gu ru zhi ba/__rat+na'i drag dmar/__drag dmar dpa' gcig__/mtshan brgyad/__man+dA ra/__mtsho rgyal/__jo bo rje/__sa skya'i rje btsun gong ma lnga/__ngor chen/__byams pa kun dga' bstan 'dzin/__dam pa rgya gar/__lab sgron/__mi la/__rje bla ma/__grub chen thang stong pa/__yi dam thugs ka'i stod/__kye rdo rje che chung /__bde mchog lU hi pa/__lhan skyes/__nA ro mkha' spyod sku che 'bring chung gsum/__mkha' spyod skor gsum/__phag mo/__seng gdong ma/__gsang 'dus/__sangs rgyas byang sems thugs ka nas rim par skor la/__thub sku che chung /__thub pa rdor gdan/__sangs rgyas rigs lnga/__sman bla/__mi 'khrugs pa/__tshe lha rnam gsum sogs 'dod lha gtso bsdus/__ngor mkhan chen sangs rgyas phun tshogs la bka' gdams lha bzhis bskor ba/__rigs gsum mgon po bzhengs sku/__byams pa/__yum chen mo/__sgrol ljang /___/__!_chos srung pad gdan skor la/__gur mgon che chung /__zhal khra/__las gshin/__ma ning /__gza'/__dam can rdor legs sogs kyi snang brnyan rab 'byams zhig bzhugs pa mchod rten gyi rtse nas seng khri dang /__sku gzugs kyi gtsug tor nas pad gdan bar go rim 'os bstun gyis bzhugs su gsol rgyu dang /__rig 'dzin dga' rab rdo rje'i gdung rten dang /__kun mkhyen klong chen pa'i gdung rus las so so'i snang brnyan theg rtse shin tu rnal 'byor gyi bla brgyud sogs snga 'gyur gtso bor gyur pa'i rten gyi nang du gzhug pa dang /___/__!_klu sgrub snying po'i klu sman phabs rta sbyar ba'i klu'i rtsi sman phon mang du bsres pa las/__klu dbang rgyal po che chung dang /__seng ge sgra'i snang brnyan dag klu bum sogs kyi nang gzhug la bsngags shing /___/__!_gter byon gi waM ril bu dang /__ku ru kul+le'i don kun grub pa dang /__dbang du byed pa'i rdzas sbyor/__tshogs bdag gi gter bum sgrub rdzas/__'dod pa'i rgyal po'i rjes gnang sogs sgrub pa'i skabs kyi rdul tshon dang /__me tog sogs dbang gi rdzas byin ldan las/__dmar po skor gsum gyi snang sku'i smad brnyan/___/__!_g.yang rdzas dpal can ril bu dang /__in+d+ra b+hU ti'i rin chen ril bu sogs rin chen ril bu'i rigs kyis gtsos rin chen 'bru sman las dzaM ser nag che chung /__gra ba'i dzaM dmar/__dpal chen mo nor rgyun ma/__rnam sras mdung dmar can/__mgon dkar yid bzhin nor bu dang /__dur khrod bdag po yab yum bcas kyi snang brnyan rnams gter bum gyi nang gzhug dang /__gnod sbyin bang mdzod kyi khor yug dang /__skyil krung dang pad gdan gyi mtshams sogs gang 'os mtshams su gzhug rgyur bsngags so/__/de lta bu'i sbar sku rnams/__thog mar phab gta' rnams dang rin po che'i phye ma khams gtsang ma la bsres te 'dres par brdzis pa rgyu byin gyis brlabs pa sngon tu 'gro bas/__sangs rgyas chos sku'i dbyings las mngon byang lnga dang /__rdo rje'i cho ga gsum la sogs pas gzugs kyi skur bzhengs pa'i mos 'dun dang /__spyi dang bye brag gi rig pa bzla bzhin tu lag pa sdar te btab nas skam pa dang na bza'i rigs ma 'dres par gsol/__thub sku'i nang gzhug tu bde bar gshegs pa thams cad kyi gdung gi ril bu/__bdud 'dul gter byon bde gshegs bdun gyi gdung 'phel ril bu/__ring bsrel bzhi'i ril bu/__rten cing 'brel bar 'byung ba'i gzungs rnams dang /__gu ru rin po che'i sku tshab la/__sku tshab kyi rgyu dam rdzas dpal gyi snying po dang /__slob dpon rin po che'i dbu skra/__shangs mtshal/__byang sems phyag bris kyi shog ser/__tshems las byung ba'i ring bsrel 'phel phye/__gter kha snga phyi las byung ba'i sku ber/__sku reg__/gsang gos/__zhabs l+h+wam rnams nang gzhug tu bcug cing /__tshe dpag tu med pa'i cho ga dang 'brel bar rab tu gnas pa spyi dang bye brag tu rten so so re re bzhin mngon rtog dang mthun par dam tshig pa bskyed/__gnas gsum byin gyis brlab/__ye shes pa bstim/__dbang bskur zhing rgyas gdab/__spyan dbye zhing mchod bstod dang so so'i rig pas mnga' dbul zhing /__mthar brtan bzhugs brgya rtsa dang bcas dmigs 'dun nan tan du bgyis pa ste/__de ltar rgyu byin brlabs dang ldan cing /__cho ga sbyor dngos rjes gsum tshang pa'i rdo rje gsum gyi ring bsrel khyad par can 'di rnams 'phags pa gsum gyi tsin+ta ma Ni'i snying po ltar bzung ste/__mchod pa'i gral du bzhugs pa dang /__rten gyi nang du gzhug pa dang /__dad mos kyi rten mgul du 'chang ba sogs bgyis pas phan bde'i 'byor pa yid bzhin tu 'byung ba ni nges pa'o/__/gang gis grub pa'i nor bu mchog___/mthong thos reg gam dran pas kyang /__/'jig rten 'jig rten 'das pa yi/__/dngos grub mtha' dag 'grub gyur cig__/ces pa'ang rje btsun 'jam pa'i dbyangs kyi ngo bor bzhugs pa 'jigs bral gyi slob dpon blo gros mtha' yas pa'i zhal snga nas kyi thugs bzhed skong ba'i zhabs 'degs su gtso bor dmigs pas byang drangs te/__rang gzhan gyi nyer mkho'i slad rdo rje gsum gyi ring bsrel tsin+ta ma Ni 'du bgyis pa'i zin tho nyung du 'di'ang bya bral rgyal khams kyi dkyus su nyul ba'i 'khos chung 'jim las pa dA ri drA many+dzu g+ho Shas bris pa rten 'di rnams mthong thos dran reg thams cad don dang ldan par sid+d+hi rastu/_/_!