JKW-KABUM-20-WA-001-098

🚧 This website is under continued development. We appreciate your patience!

Previous Text Back to Volume PageNext Text

Wylie title	'gyur med rtag pa'i ye shes kyi/ zhes pa'i dbu can
Location	mkhyen brtse'i bka' 'bum Volume 20, sde tshan 1, Text 98, Pages 173-174 (Folios 87a3 to 87b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. 'gyur med rtag pa'i ye shes kyi zhes pa'i dbu can. In 'jam dbyangs mkhyen brtse'i dbang po'i bka' 'bum, Vol. 20: 173-174. Khams sde dge rdzong sar dgon: Rdzong sar blo gros phun tshogs, 2020.
Genre	Invocation of Auspiciousness - bkra shis brjod pa  ·  Official Letters - chab shog  ·  Supplications - gsol 'debs
Colophon	།ཅེས་རྩེ་གཅིག་གུས་པས་གསོལ་བ་འདེབས་མཚོན་བཀྲ་ཤིས་པའི་ལྷ་གོས། རིན་ཆེན་དང་པོ་སྲང་འཁོར་བཅས་མཁྱེན་བརྩེའི་དབང་པོས་ཕུལ་བ་དགེ
	ces rtse gcig gus pas gsol ba 'debs mtshon bkra shis pa'i lha gos/_rin chen dang po srang 'khor bcas mkhyen brtse'i dbang pos phul ba dge

1 Texts in this Section (sde tshan or chos tshan)

98 173-174	འགྱུར་མེད་རྟག་པའི་ཡེ་ཤེས་ཀྱི། ཞེས་པའི་དབུ་ཅན། 'gyur med rtag pa'i ye shes kyi/ zhes pa'i dbu can Invocation of Auspiciousness - bkra shis brjod pa   ·   Official Letters - chab shog   ·   Supplications - gsol 'debs	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

འགྱུར་མེད་རྟག་པའི་ཡེ་ཤེས་ཀྱི། །ཕྲིན་ལས་སྲིད་འདིར་འཆར་བ་ན། །ཆོས་ཀྱི་སྒྲོན་མེས་འཇིག་རྟེན་གསུམ། །སྣང་མཛད་ཞབས་ཀྱི་པདྨོའི་དྲུང་། །གུས་པའི་བདུད་རྩིས་ཕྱེ་བ་ཡི། །ཡིད་ཀྱི་པདྨོ་གཞོན་ནུ་ལས། །ཞུ་གསོལ་མགྲིན་པའི་རྒྱུད་མང་པོར། །སྦྲང་རྩི་འཐུང་བའི་ཟོལ་གྱིས་འོང་། །ཤིན་ཏུ་ཞི་བ་ཆོས་ཀྱི་དབྱིངས། །སྤྲོས་པའི་འདུ་འགོད་མ་དམིགས་བཞིན། །ཁ་སྦྱོར་ལོངས་སྤྱོད་རྫོགས་པའི་སྤྲིན། །རྡོ་རྗེ་བཙུན་མོའི་ཚུལ་དུ་སྣང་། །དེ་ལས་སྒྱུ་འཕྲུལ་དྲྭ་བ་ཡི། །རྣམ་རོལ་ཅིར་ཡང་སྣང་བ་ལས། །འདི་ན་འཕགས་མ་ངུར་སྨྲིག་ཚུལ། །ས་གསུམ་སྐྱེ་རྒུའི་དཔལ་དུ་ཤར། །རྟག་ཏུ་དབྱིངས་རིག་ཟུང་འཇུག་པའི། །ཐིག་ལེ་ཆེན་པོར་མཉམ་གཞག་ཀྱང་། །ཐབས་དང་སྤྱོད་པ་མ་འགགས་པས། །བསྟན་འགྲོར་ཕན་བདེའི་ཆར་ཆེན་འབེབས། །ཨེ་མ་དེ་ཚུལ་བསམ་མི་ཁྱབ། །ཆ་ཤས་ཙམ་ཞིག་བསམ་པའི་མོད། །དད་དང་སྤྲོ་དང་རབ་གུས་པའི། །སེམས་བྱུང་གཟུགས་ཅན་བཞིན་དུ་གྱུར། །འདི་ན་མཆིས་པའི་དམན་པ་བདག །བསླབ་གྲོལ་ཁྱད་པར་དབེན་མོད་ཀྱི། །མགོན་ཁྱོད་ཐུགས་རྗེ་ལ་བརྟེན་ནས། །དབེན་གསུམ་མལ་དུ་བདེ་བར་མཆིས། །མཚམས་ཞུས། སླད་མའི་ཆར་ཡང་། གཟོད་ནས་མི་འགྱུར་འཆི་མེད་གཉུག་མའི་ཡེ་ཤེས་སྐུ། །ཚུ་རོལ་མཐོང་བའི་གདུལ་བྱར་མངོན་སུམ་སྣང་མཛད་ནས། །ཕྲིན་ལས་དཔག་ཡས་ཆོས་ཀྱི་སྒྲོན་མེའི་སྐལ་བཟང་བཅས། །བདག་ཀྱང་རྣམ་ཀུན་ཐུགས་རྗེའི་འབབ་སྟེགས་ཉིད་དུ་མཛོད། །ཅེས་རྩེ་གཅིག་གུས་པས་གསོལ་བ་འདེབས་མཚོན་བཀྲ་ཤིས་པའི་ལྷ་གོས། རིན་ཆེན་དང་པོ་སྲང་འཁོར་བཅས་མཁྱེན་བརྩེའི་དབང་པོས་ཕུལ་བ་དགེ། །། ༈

[edit]

'gyur med rtag pa'i ye shes kyi/___zhes pa'i dbu can/ 'gyur med rtag pa'i ye shes kyi/_/phrin las srid 'dir 'char ba na/_/chos kyi sgron mes 'jig rten gsum/_/snang mdzad zhabs kyi pad+mo'i drung /_/gus pa'i bdud rtsis phye ba yi/_/yid kyi pad+mo gzhon nu las/_/zhu gsol mgrin pa'i rgyud mang por/_/sbrang rtsi 'thung ba'i zol gyis 'ong /_/shin tu zhi ba chos kyi dbyings/_/spros pa'i 'du 'god ma dmigs bzhin/_/kha sbyor longs spyod rdzogs pa'i sprin/_/rdo rje btsun mo'i tshul du snang /_/de las sgyu 'phrul drwa ba yi/_/rnam rol cir yang snang ba las/_/'di na 'phags ma ngur smrig tshul/_/sa gsum skye rgu'i dpal du shar/_/rtag tu dbyings rig zung 'jug pa'i/_/thig le chen por mnyam gzhag kyang /_/thabs dang spyod pa ma 'gags pas/_/bstan 'gror phan bde'i char chen 'bebs/_/e ma de tshul bsam mi khyab/_/cha shas tsam zhig bsam pa'i mod/_/dad dang spro dang rab gus pa'i/_/sems byung gzugs can bzhin du gyur/_/'di na mchis pa'i dman pa bdag_/bslab grol khyad par dben mod kyi/_/mgon khyod thugs rje la brten nas/_/dben gsum mal du bde bar mchis/_/mtshams zhus/_slad ma'i char yang /_gzod nas mi 'gyur 'chi med gnyug ma'i ye shes sku/_/tshu rol mthong ba'i gdul byar mngon sum snang mdzad nas/_/phrin las dpag yas chos kyi sgron me'i skal bzang bcas/_/bdag kyang rnam kun thugs rje'i 'bab stegs nyid du mdzod/_/ces rtse gcig gus pas gsol ba 'debs mtshon bkra shis pa'i lha gos/_rin chen dang po srang 'khor bcas mkhyen brtse'i dbang pos phul ba dge/__//_!