JKW-KABUM-20-WA-001-095

🚧 This website is under continued development. We appreciate your patience!

Previous Text Back to Volume PageNext Text

Wylie title	byams pa kun dga' bstan pa'i rgyal mtshan
Location	mkhyen brtse'i bka' 'bum Volume 20, sde tshan 1, Text 95, Pages 168-170 (Folios 84b6 to 85b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. byams pa kun dga' bstan pa'i rgyal mtshan. In 'jam dbyangs mkhyen brtse'i dbang po'i bka' 'bum, Vol. 20: 168-170. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog  ·  Prayers - smon lam
Colophon	།དེ་སྲིད་དུ་སྐྱབས་འོག་པའང་ཡེ་ཤེས་གཟིགས་པ་དམ་པའི་འབབ་སྟེགས་སུ་སྔར་བཞིན་བཙའ་བར་དངོས་པོ་ཀུན་གྱིས་བཏུད་དེ་གསོལ་བ་ལན་བརྒྱ་སྟོང་ཕྲག་དུ་མར་འདེབས་མཚོན་རྟེན་འབྱུང་ཙམ་དུ་བཀྲ་ཤིས་པའི་ལྷ་གོས་རིན་གཉིས་སྲང་འཁོར་གསུམ། བཟང་ཇ་སྒམ་བཅས་ཆུ་སྟོད་ཟླ་བའི་གྲལ་ཚེས་དགེ་བར་བཀའ་འབངས་ཐ་ཆུང་བ་འཇམ་དབྱངས་མཁྱེན་བརྩེས་མི་ཕྱེད་གུས་པ་ཆེན་པོས་ཕུལ་བའི་ཞུ་ཆུང་།།
	de srid du skyabs 'og pa'ang ye shes gzigs pa dam pa'i 'bab stegs su sngar bzhin btsa' bar dngos po kun gyis btud de gsol ba lan brgya stong phrag du mar 'debs mtshon rten 'byung tsam du bkra shis pa'i lha gos rin gnyis srang 'khor gsum/_bzang ja sgam bcas chu stod zla ba'i gral tshes dge bar bka' 'bangs tha chung ba 'jam dbyangs mkhyen brtses mi phyed gus pa chen pos phul ba'i zhu chung

1 Texts in this Section (sde tshan or chos tshan)

95 168-170	བྱམས་པ་ཀུན་དགའ་བསྟན་པའི་རྒྱལ་མཚན། byams pa kun dga' bstan pa'i rgyal mtshan Official Letters - chab shog   ·   Prayers - smon lam	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

བྱམ༷ས་དང་སྙིང་རྗེ་བྱང་ཆུབ་སྤྱོད་པ༷་མཐར་ཕྱིན་པས། །ཡིད་ཅན་ཀུན་ལ་ཕན་བདེའི་དགའ་སྟེར་སྣང་བའི་ཕུལ། །བསྟན་པའི་ཉི་མ་ཕྱོགས་ལས་རྣམ་རྒྱལ༷་དགེ་མཚ༷ན་ཅན། །གང་དེའི་ཞབས་པད་སྲིད་ན་མཐོ་བའི་ཉེ་དྲུང་དུ། ༡ །རིང་ནས་རབ་གུས་དཔྱིད་ཀྱིས་བཟུང་བའི་ཀུ་མུ་དཱ། །སླར་ལ་ཡེ་ཤེས་གཟིགས་པའི་དབྱངས་སྙན་ཟླ་ཟེར་གྱིས། །རེག་པས་དད་བརྒྱའི་འཛུམ་སྒྲོས་བྱེ་བའི་ཁོང་གསེང་ནས། །གསོལ་འདེབས་བརྗོད་པ་བུང་བ་གཞོན་ནུའི་རྒྱུད་མང་ལེན། ༢ །མགོན་ཁྱོད་གཟོད་ནས་སྟོབས་བཅུ་མངའ་བའི་མཆོག་བརྙེས་ཀྱང་། །སྨོན་ལམ་སྙིང་རྗེའི་གཞན་དབང་ཁོ་ནས་འཇིག་རྟེན་འདིར། །མཚན་དཔེའི་སྣང་བརྙན་ཐོག་མར་འཆར་བ་ནས་བརྩམས་ཏེ། །སྲས་བཅས་རྒྱལ་ཀུན་ཕྲིན་ལས་འཇུག་པ་དུས་གཅིག་བཟུང་། ༣ །ལྷག་པར་རྡོ་རྗེ་ཞེས་བྱར་བརྗོད་པ་དོན་ལྡན་པའི། །ལུང་རྟོགས་ཆོས་ཀྱིས་མངོན་མཐོའི་ཁྲི་ལ་དབང་བསྒྱུར་བར། །ཕྱོགས་བཅུའི་རྣམ་འདྲེན་ཡོངས་ཀྱིས་བསྔགས་པའི་ཏམྦུ་རས། །འཚོ་གཞེས་བརྟན་པའི་ཤིས་བརྗོད་མེ་ཏོག་ཉིན་བཞིན་འཐོར། ༤ །དེ་ཚེ་བསླབ་གྲོལ་ཡིད་བཞིན་མཚོ་ལས་ཉེར་བླངས་པའི། །ཕུལ་བྱུང་རིག་དང་བརྩེ་བ་ནོར་བུའི་སྤྲིན་ཆེན་ལས། །འཆད་རྩོད་རྩོམ་པའི་འདོད་དགུའི་གྲུ་ཆར་མཐའ་ཡས་པས། །ཡོངས་རྫོགས་བསྟན་པའི་རྫོགས་ལྡན་གསར་པ་སླར་ལ་འཆར། ༥ །ཨེ་མ་དེ་ལྟའི་གཏམ་ཙམ་ཐོས་པའི་རྣ་ལུང་ཀྱང་། །བསྐལ་མང་བསོད་ནམས་ཟོང་གིས་བསྒྲུབ་པའི་འོས་ཡིན་ན། །ཤིན་ཏུ་དམན་ལའང་ལྷག་བར་དགོངས་པའི་ལེགས་གསུང་གིས། །དབུགས་འབྱིན་ཐོབ་འདི་ཡང་སྲིད་ཀུན་ཏུ་རྙེད་པར་དཀའ། ༦ །དེ་སླད་མཚོ་བྱུང་ཡི་གེའི་གཟུགས་སུ་མངོན་སྤྲུལ་པར། །དད་གུས་སྤྲོ་བ་མཁའ་མཐས་མཚོན་མིན་འདུ་གསུམ་པའང་། །མགོན་ཁྱོད་བྱིན་རླབས་སྐྱབས་སྦྱིན་གྲིབ་མར་ངལ་འཚོ་བཞིན། །ཞབས་བརྟན་གསོལ་འདེབས་མགྲིན་པའི་རོལ་མོ་རྟག་ཏུ་འཁྲོལ། །མཚམས་ཞུས། འབྱུང་འགྱུར་ཆར་ཡང་། །གཟོད་ནས་འཆི་མེད་རྟག་པ་དམ་པའི་མཆོག་བརྙེས་ཕྱིར། །མཐའ་ཡས་འགྲོ་ཀུན་བྱང་ཆུབ་སྙིང་པོར་མཆིས་ཀྱི་བར། །འཚོ་གཞེས་ཕྲིན་ལས་བདུད་རྩིའི་སྣང་བས་འཇིག་རྟེན་ན། །དགེ་ལེགས་ཤིས་པའི་པདྨོ་རྟག་ཏུ་རྒྱས་མཛད་གསོལ། །དེ་སྲིད་དུ་སྐྱབས་འོག་པའང་ཡེ་ཤེས་གཟིགས་པ་དམ་པའི་འབབ་སྟེགས་སུ་སྔར་བཞིན་བཙའ་བར་དངོས་པོ་ཀུན་གྱིས་བཏུད་དེ་གསོལ་བ་ལན་བརྒྱ་སྟོང་ཕྲག་དུ་མར་འདེབས་མཚོན་རྟེན་འབྱུང་ཙམ་དུ་བཀྲ་ཤིས་པའི་ལྷ་གོས་རིན་གཉིས་སྲང་འཁོར་གསུམ། བཟང་ཇ་སྒམ་བཅས་ཆུ་སྟོད་ཟླ་བའི་གྲལ་ཚེས་དགེ་བར་བཀའ་འབངས་ཐ་ཆུང་བ་འཇམ་དབྱངས་མཁྱེན་བརྩེས་མི་ཕྱེད་གུས་པ་ཆེན་པོས་ཕུལ་བའི་ཞུ་ཆུང་།། །། ༈

[edit]

byams pa kun dga' bstan pa'i rgyal mtshan/ byamaXs dang snying rje byang chub spyod paX mthar phyin pas/_/yid can kun la phan bde'i dga' ster snang ba'i phul/_/bstan pa'i nyi ma phyogs las rnam rgyalaX dge mtshaXn can/_/gang de'i zhabs pad srid na mtho ba'i nye drung du/_1_/ring nas rab gus dpyid kyis bzung ba'i ku mu dA/_/slar la ye shes gzigs pa'i dbyangs snyan zla zer gyis/_/reg pas dad brgya'i 'dzum sgros bye ba'i khong gseng nas/_/gsol 'debs brjod pa bung ba gzhon nu'i rgyud mang len/_2_/mgon khyod gzod nas stobs bcu mnga' ba'i mchog brnyes kyang /_/smon lam snying rje'i gzhan dbang kho nas 'jig rten 'dir/_/mtshan dpe'i snang brnyan thog mar 'char ba nas brtsams te/_/sras bcas rgyal kun phrin las 'jug pa dus gcig bzung /_3_/lhag par rdo rje zhes byar brjod pa don ldan pa'i/_/lung rtogs chos kyis mngon mtho'i khri la dbang bsgyur bar/_/phyogs bcu'i rnam 'dren yongs kyis bsngags pa'i tam+bu ras/_/'tsho gzhes brtan pa'i shis brjod me tog nyin bzhin 'thor/_4_/de tshe bslab grol yid bzhin mtsho las nyer blangs pa'i/_/phul byung rig dang brtse ba nor bu'i sprin chen las/_/'chad rtsod rtsom pa'i 'dod dgu'i gru char mtha' yas pas/_/yongs rdzogs bstan pa'i rdzogs ldan gsar pa slar la 'char/_5_/e ma de lta'i gtam tsam thos pa'i rna lung kyang /_/bskal mang bsod nams zong gis bsgrub pa'i 'os yin na/_/shin tu dman la'ang lhag bar dgongs pa'i legs gsung gis/_/dbugs 'byin thob 'di yang srid kun tu rnyed par dka'/_6_/de slad mtsho byung yi ge'i gzugs su mngon sprul par/_/dad gus spro ba mkha' mthas mtshon min 'du gsum pa'ang /_/mgon khyod byin rlabs skyabs sbyin grib mar ngal 'tsho bzhin/_/zhabs brtan gsol 'debs mgrin pa'i rol mo rtag tu 'khrol/_/mtshams zhus/_'byung 'gyur char yang /_/gzod nas 'chi med rtag pa dam pa'i mchog brnyes phyir/_/mtha' yas 'gro kun byang chub snying por mchis kyi bar/_/'tsho gzhes phrin las bdud rtsi'i snang bas 'jig rten na/_/dge legs shis pa'i pad+mo rtag tu rgyas mdzad gsol/_/de srid du skyabs 'og pa'ang ye shes gzigs pa dam pa'i 'bab stegs su sngar bzhin btsa' bar dngos po kun gyis btud de gsol ba lan brgya stong phrag du mar 'debs mtshon rten 'byung tsam du bkra shis pa'i lha gos rin gnyis srang 'khor gsum/_bzang ja sgam bcas chu stod zla ba'i gral tshes dge bar bka' 'bangs tha chung ba 'jam dbyangs mkhyen brtses mi phyed gus pa chen pos phul ba'i zhu chung //__//_!_