JKW-KABUM-17-TSA-002-005: Difference between revisions

From Khyentse Lineage - A Tsadra Foundation Project
JKW-KABUM-17-TSA-002-005
(Created page with "{{Khyentse Metadata |classification=Tibetan Publications |subclass=Tibetan Texts |collectiontitle=mkhyen brtse'i bka' 'bum |collectiontitletib=མཁྱེན་བརྩེ...")
 
m (Text replacement - "Khyentse Metadata" to "Text")
 
(4 intermediate revisions by one other user not shown)
Line 1: Line 1:
{{Khyentse Metadata
{{Text
|classification=Tibetan Publications
|classification=Tibetan Publications
|subclass=Tibetan Texts
|subclass=Tibetan Texts
|fulltitletib=སྲོག་རླུང་གི་བཅོས་ཚུལ་སོགས་ཀྱི་མན་ངག་གུད་དུ་སྦས་པ།
|fulltitle=srog rlung gi bcos tshul sogs kyi man ngag gud du sbas pa
|citation=[['jam dbyangs mkhyen brtse'i dbang po]]. ''srog rlung gi bcos tshul sogs kyi man ngag gud du sbas pa''. In '''jam dbyangs mkhyen brtse'i dbang po'i bka' 'bum'', Vol. 17: 192-211. Khams sde dge rdzong sar dgon: Rdzong sar blo gros phun tshogs, 2020.
|collectiontitle=mkhyen brtse'i bka' 'bum
|collectiontitle=mkhyen brtse'i bka' 'bum
|collectiontitletib=མཁྱེན་བརྩེའི་བཀའ་འབུམ་
|collectiontitletib=མཁྱེན་བརྩེའི་བཀའ་འབུམ་
|totalvolumes=25
|author='jam dbyangs mkhyen brtse'i dbang po
|author='jam dbyangs mkhyen brtse'i dbang po
|editor=
|authortib=འཇམ་དབྱངས་མཁྱེན་བརྩེའི་དབང་པོ་
|authortib=འཇམ་དབྱངས་མཁྱེན་བརྩེའི་དབང་པོ་
|editor=rdzong sar blo gros phun tshogs
|editortib=
|editortib=རྫོང་སར་བློ་གྲོས་ཕུན་ཚོགས་
|tibgenre=Medicine Texts - gso ba rig pa
|terma=No
|sabcadcategory=Six
|language=Tibetan
|language=Tibetan
|tibgenre=Collected Works - Selected - bka' 'bum
|volumenumber=017
|language=Tibetan
|volnumtib=༡༧
|pagestatus=Temporary stub only
|volyigtib=ཙ་
|volumenumber=002
|totalvolumes=25
|textnuminvol=005
|textnuminvol=002
|pdflink=File:JKW-KABUM-17-TSA-002-005.pdf
|textsubnumber=005
|pagenumbers=192-211
|totalpages=20
|beginfolioline=23b4
|endfolioline=33a2
|totalfolios=11
|multivolumework=No
|rectonotes=sde tshan 2
|versonotes=mkhyen brtse'i bka' 'bum
|colophontib=།ཞེས་སྲོག་རླུང་གི་བཅོས་ཚུལ་སོགས་ལེ་ཚན་བཞི་ཡི་མན་ངག་ཕྱོགས་གཅིག་ཏུ་བསྡེབས་པ་འདི་ཡང་རྨོངས་པ་ཀུན་གྱི་གྲལ་མཐར་སོན་པའི་བན་སྤྲང་འཇིགས་མེད་མཁྱེན་བརྩེའི་མྱུ་གུས་སྦྱར་བ་ཛ་ཡནྟུ།།
|colophonwylie=zhes srog rlung gi bcos tshul sogs le tshan bzhi yi man ngag phyogs gcig tu bsdebs pa 'di yang rmongs pa kun gyi gral mthar son pa'i ban sprang 'jigs med mkhyen brtse'i myu gus sbyar ba dza yan+tu
|pdflink=File:JKW-KABUM-17-TSA-002.pdf
}}
}}
{{Header}}
{{Header}}
<h1 style="font-size: 24px !important;">Tibetan Text</h1>
<h1 style="font-size: 24px !important;">Tibetan Text</h1>
<onlyinclude>
<onlyinclude>
{{TibP|སྲོག་རླུང་གི་བཅོས་ཚུལ་སོགས་ཀྱི་མན་ངག་གུད་དུ་སྦས་པ།
{{TibP|སྲོག་རླུང་གི་བཅོས་ཚུལ་སོགས་ཀྱི་མན་ངག་གུད་དུ་སྦས་པ་བཞུགས་སོ།  །ན་མོ་གུ་རུ་བྷྱཿ  རྣམ་བཅས་གཟུངས་འཛིན་འཁྲུལ་པའི་འཁོར་ལོ་ཀུན།  །རྣམ་པ་ཀུན་བྲལ་འཇོ་སྒེག་གིས་འཁྱུད་པས།  །རྣམ་ཀུན་མཆོག་ལྡན་བདེ་སྟོང་མཚན་དཔེའི་ཞལ།  །རྣམ་འདྲེན་འཁོར་ལོའི་མགོན་པོ་སྙིང་དབུས་རོལ།  །ཟབ་ཅིང་ཉེ་བར་སྦས་པའི་དོན།  །ཀུན་ལ་གསང་བར་རྒྱས་བཏབ་པ།  །དེང་འདིར་མདོ་ཙམ་རབ་དབྱེ་ཡིས།  །དཔྱོད་ལྡན་སྙིང་གི་ཐིག་ལེར་ཟུང་།  ། ༈ དེ་ལ་ཐོག་མར་སྲོག་རླུང་གི་བཅོས་ཐབས་ཕན་བདེའི་དོ་ཤལ་སྐབས་སུ།  ཐང ་སྦྱོར་ལས།  རུས་བཅུད་གསུམ་ནི།  སོག་ཁ།  གཞུག་ཆུང་།  སྲེ་ལོང་ངོ་།  །སྨན་སྒ་སུམ་ཐང་གི་གསང་སྨན་ཀོ་བྱི་ལ་དུག་མ་ཕྲལ་བའམ།  རི་སྙིང་།  ། ༈ སྲོག་འཛིན་བཅུ་གཅིག་པའི་སྦྱོར་ཚད་ཛཱ་ཏི༠ ༤༠  རུ་རྟ༠ ༤༠  ཨ་རུ༠ ༤༠  ཨར་ནག༠ ༥༠  ལི་ཤི༠ ༥༠  ཤ་ཆེན༠ ༥༠  ཤིང་ཀུན༠ ༥༠  སྙིང་ཞོ༠ ༥༠  ཅུ་གང་༠ ༣༠  གེ་སར༠ ༣༠  སྤོས་དཀར༠་༢༠  བཅས་སོ།  །ཀོ་བྱི་བདུན་པ་སོགས་ལ་ཀོ་བྱིའི་རྒྱབ་ཀྱི་སྤུ་དེ་བཞར་དགོས།  ། ༈ བཱི་མ་མི་ཏྲའི་ལུགས་ཀྱི་སྦྱོར་ཚད་ཛཱ་ཏི༠ ༡༠  ཨ་རུ༠ ༡༠  སྤོས་དཀར༠ ༡༠  ཨར་ནག༠ ༡༠རེ།  གཞན་རྣམས་ཐམས་ཅད༠ ༠༥  རེ་སྦྱར།  གུ་གུལ་ཉི་ཤུ་པའི་སྦྱོར་སྡེའི་གསང་སྨན་གངས་སྐྱེས་ཀྱི་འཛིམ་པ།  ། ༈ སེམས་ཀྱི་བདེ་སྐྱིད་ལ།  གོ་ཡུ་སྨུག་འཇང་ཆུང་ངུ་དེ༢ ༠༠  ཨར་ནག༡ ༠༢  ཛཱ་ཏི༠ ༡༠  ལི་ཤི༠ ༨༠  ཤིང་ཀུན༠ ༤༠  རུ་རྟ༠་༧༠  སྙིང་ཞོ༡ ༠༠  སྨན་ཆེན་འབྲི་ཚིལ་ལྟ་བུ༤ ༠༠  སྒ་དམར༠ ༧༠  པི་ལིང་༠ ༦༠  ཕོ་རིལ༠ ༩༠  ཁ་རུ་ཚྭ༠ ༥༠  རྣམས་སྦྱར།  ཚབ་ཆེན་ཁྱི་ཕག་མ་གཏོགས་པའི་སྙིང་སྣ་གང་འཛོམ་ཁ་ཚར་ཆ་ཆུང་རེ་བཏབ།  །བུར་སྨུག་གམ་གྲིར་ཤིའི་རྐང་མར་གྱིས་རིལ་བུ་དྲིལ་བ་མན་ངག་གོ  ༈  །བུར་སྨུག་གི་རིལ་བུར།  བི་ཥ་ནི་བོང་ང་སྟེ།  སྤྱིར་སྙིང་རླུང་སོགས་རླུང་ནད་ལ་འགྲོ་བའི་བོང་ང་ཐམས་ཅད་བཅག་ཁ་འབྲི་ཚིལ་འདྲ་བ་དེ་དགོས།  ལོ་བརྒྱད་ཨེ་ཀྲོ་དྲི་ཆུ།  གསང་སྨན་དར་མའི་གྲི་སྙིང་།  སྦྱོར་སྡེ་དེ་སྨན་མར་ལ་སྦྱར་ན།  དངུལ་ཆུ༠ ༡༠  མུ་ཟི་དུལ་མ༠ ༠༥  འབྲོང་དང་ནེ་ཙོའི་སྙིང་བཅས་འབྲས་གསུམ་སྨན་མར་ལ་བསྲེའོ།  ། ༈ ཙིཏྟ་ཉེར་ལྔ།  གསང་སྨན་རྒྱལ་མོ་ནི་དཔའ་བོ་གཡུལ་དུ་ཕན་ཚུན་གཉིས་ཀ་གྲིར་ཤི་བའི་སྙིང་སྲོག་རྩ་བཅས་པ་དང་༠ ༦༠  དངུལ་ཆུ༠ ༤༠  ཛཱ་ཏི༠་༤༠  མུ་ཟི༠ ༣༠  བཅས་བསྣན་ཏེ་ལོ་བརྒྱད་དྲི་ཆུ་ཅུང་ཟད་ཀྱིས་རླན་ཕབ་ནས་རྡོ་གཏུན་ཚ་མོར་མཐིང་ནག་ཏུ་མ་སོང་བར་འདུལ།  དེ་སྟེང་བཙན་དུག་འབྲི་ཚིལ༠ ༥༠  ཤིང་ཀུན༠ ༣༠  སྙིང་ཞོ༠ ༥༠  རི་སྙིང་༠ ༡༠  ཏེ་ལོའི་སྙིང་༠ ༥༠  གཡག་རྒོད་སྙིང་༠ ༡༠  ཡུངས་ཀར༠ ༤༠  ཤུ་དག༠ ༠༨  གླ་རྩི༠ ༠༣  ཨ་རུ་ར༠ ༥༠  རུ་རྟ༠ ༡༠  སྤོས་དཀར༠་༢༠  སྒང་ཐོགས་པ་ཞེས་འབྲས་བུ་དམར་ཞིབ་སྣུམ་བག་ཅན༠་༢༠  ཨར་ནག༠་༤༠  ཚེར་སྔོན༠ ༣༠  གུལ་ནག༠ ༡༠  ཀོ་བྱི༠ ༢༠  ཁ་རུ་ཚྭ༠ ༤༠  ཡུག་སའི་མངལ་ཁྲག༠ ༠༣  ཙམ།  སྔགས་པ་ནུས་ལྡན་དྲི་ཆེན༠ ༡༠  བཅས་བཏབ་ཏེ་འདམ་བཏག་ཡུན་རིང་བྱས་མཐར་གྲི་ཁྲག་གི་ན་བཟའ་གསོལ་ཏེ་སྲོད་དུས་སུ་ཕུལ།  ༈  ཁྱུང་སྟེང་གསང་སྨན་ནི་དཔའ་བོ་གཡུལ་དུ་ཤི་བའི་གྲི་སྙིང་།  སྦྱོར་ཚད་ཨ་རུ༠ ༤༠  བཙན་དུག༠ ༤༠  ཤུ་དག༠་༠༧  རུ་རྟ༠ ༥༠  གླ་རྩི༠ ༠༣  གྲི་སྙིང་༠ ༨༠  ཛཱ་ཏི༠ ༣༠  ལི་ཤི༠ ༣༠  བཅས་བསྣན།  ཡང་ན་ཛཱ་ཏི་ལི་ཤི་ཕྲི་ཏེ།  ཤིང་ཀུན༠ ༦༠  ཁ་རུ་ཚྭ༠ ༦༠  བསྣན་ཀྱང་རུང་།  ། ༈ སྙིང་ཞོའི་སྨན་མར་ཁ་ཚར་གསང་སྨན་གཉིས་ནི།  ཡུག་སའི་མངལ་ཁྲག  །ནལ་བུའི་ཤ  །བྲེ་སྲང་སོགས་ཀྱི་ཚད་ནི།  །སྲང་གཅིག་སྤར་གང་སྲང་གཉིས་འཁྱོར་ཕུལ་གང་དང་དོན་གཅིག  བ་གང་།  །སྲང་བཞི་སྙིམ་གང་སྲང་བརྒྱད་བྲེ་གང་ངོ་།  །ཞེས་བཤད།  ། ༈ ཛཱ་ཏིའི་སྨན་མར་ལ།  སྣ་མའི་འབྲས་བུ་ཛཱ་ཏི།  ། ༈ རྗེས་སུ་སེ་འབྲུ༠ ༡༠  ཤིང་ཚྭ༠ ༡༠  སུ་སྨེལ༠ ༡༠  པི་ལིང་༠ ༣༠  གུརྒུམ༠ ༡༠  དེ་སྟེང་ཛཱ་ཏི༠ ༡༠  ཀ་ཀོ་ལ༠ ༡༠  སྒ་སྐྱ༠ ༤༠  སྦྱར་བའམ།  ཡང་ན་གོང་སྟེང་ཛཱ་ཏི༠ ༡༠  ཤིང་ཀུན༠ ༡༠  ཁ་རུ་ཚྭ༠ ༡༠  སྒ༠་༡༠  བསྣན་པ་སྐབས་སྦྱར་བཏང་།  ། ༈ སྲོག་འཛིན་བཅུ་གཅིག་གམ།  སེམས་ཀྱི་བདེ་སྐྱིད་ལ་བསྣན་རྒྱུའི་གསང་སྨན་རི་བོང་སྙིང་།  མེ་གསང་དངོས་བསྟན་དུ་མེད་པའི་རིགས་ཅུང་ཟད་བརྗོད་ན།  སྨན་དཔྱད་ཟླ་བའི་རྒྱལ་པོ་ལས་འབྱུང་བ་རྒྱབ་ཀྱི་ཚིག་པ་དྲུག་བདུན་དང་པོ་རྣམས་ལ།  ཚབ་ཆེན་ཁ་གསུམ་བསྲེགས་པ་ཞེས་གསུངས།  ནུ་མའི་བར་ན་ཁ་གསུམ་དུ་བཏབ་པ་སྙིང་གསང་ཆེན་པོ་སྟེ།  སྙིང་འདར་བ་དང་།  བཟའ་བཏུང་ཡིད་མི་འོང་བ་ལ་སོགས་ལ།  དེ་ནས་ནུབ་ཏུ་ཚོན་གང་སར་བཏབ་པས་གཡས་གཡོན་གྱི་གཟེར་ཟུག་འཇོམས།  མཚན་རྐུབ་པར་དུ་བཏབ་ན་དྲན་པ་མྱོས་པ་དང་།  རོ་སྟོད་ལྕི་བ་སོགས་ལ་ཕན་ཞེས་སྣང་།  ཡང་ཐུར་མ་འཕང་ཡུལ་གྱི་དམིགས་རྒྱུད་ལས།  བྱེ་བྲག་སྙིང་ལ་གསང་ས་བཅུ་གཅིག་སྟེ།  ཞེས་ནུ་ཏོག་ནས་གཞོལ་བའི་ནུ་མའི་སྟེང་ཚོན་གང་སར་སྙིང་སྲོག་འཛོམ་པའི་གསང་།  དེ་བཞིན་དུ་ནུ་རྩེ་ནས་མཆན་ཁུང་ངོས་སུ་གཞལ་བར་སྲོག་རྩ་མྱོས་བྱེད་གསང་།  ཐུར་དུ་གཞལ་བར་སྙིང་ཆུ་བཙག་པའི་གསང་།  བྲང་ངོས་སུ་གཞལ་བ་སྙིང་ལོག་ཆུ་སེར་དང་རླུང་འཁྱིལ་པའི་གསང་སྟེ།  ནུ་མའི་ཕྱོགས་བཞིར་ཕྱིར་མཚོན་གང་ལ་བསྲེག  །ཞེས་སྨྲོས་པ་དེའོ།  །དེ་ནས་བྲང་ངོས་སུ་ཚོན་དོ་གཞལ་བ་གློ་སྙིང་འདོམས་གསང་།  རྒྱབ་ཀྱི་ཚིག་པ་བདུན་པ་ཁ་གསུམ་ཡང་དེ་དང་འདྲ།  དྲུག་པའི་ཁ་གསུམ་སྲོག་རྩའི་གསང་སྟེ།  བྱ་རོག་མིག་ནས་ཕྱིར་ཚོན་གང་བཅལ་བ་རྩིབས་ བར་གོང་མ་གོ་ཆེན།  འོག་མ་གོ་ཆུང་།  རྐེ་སྟོང་ཅ་ར་ཁུག་རྣམས་ཏེ་དེ་དག་སྐབས་བབ་དང་བསྟུན་པའི་མེ་བཙའ་གདབ་ཏུ་རུང་ངོ་། ། ༼༒༽དེ་ལྟར་སྲོག་རླུང་གི་བཅོས་ཐབས་སྐོར་མདོར་བསྡུ་ན།  ཐོག་མར་ཐང་སྦྱོར་ལན་འགའ་བཏང་རྗེས།  དངོས་གཞིའི་སྨན།  སེམས་ཀྱི་བདེ་སྐྱིད་དང་།  རླུང་གི་མདེ་ཐུང་ལས་བཤད་པའི་ཨར་བརྒྱད་ནུ་ཞོས་རིལ་བུ་དྲིལ་རྒྱུ་ཅན་དེ་དང་།  བི་མ་མི་ཏྲའི་ལུགས་འདི་རྣམས་དང་།    ཁྱད་པར་ཙིཏྟ་ཉེར་ལྔ་པ་ཚད་ལྡན་སྦྱར་བས་མཆོག་ཏུ་ཕན།  གཞན་མའི་སྦྱོར་སྡེ་རྣམས་སྐབས་དང་བསྟུན།  ཤིན་ཏུ་གཟེར་ཆེ་ན་འབྲང་རྩེ་ལྷ་སྲས་བེ་བུམ་ལས་འབྱུང་བའི་ཨ་གར་བརྒྱད་པ།  ཨ་ག་རུ་དང་ཛཱ་ཏི་སྙིང་ཞོ་ཤ  །རུ་རྟ་བསྣན་པས་རླུང་ཁྲག་སྤྱི་ལ་ཕན།  །ཨ་བྱག་བསྣན་པའི་ལྔ་པས་གཟེར་ལ་ཕན།  །ལི་ཤི་བསྣན་ལི་ཤི་དང་ཤ་ཆེན་ཡིན་པའི་བདུན་པས་རླུང་ལ་ཕན།  །རི་བོང་སྙིང་བསྣན་བརྒྱད་པས་སྨྱོ་འབོག་སེལ།  །ཞེས་པ་འདི་ལ་ཨ་བྱག་གཟེར་འཇོམས་ཐང་གིས་ཕུལ་བས་འཕྲལ་དུ་ཟུག་གཅོག  །དཔྱད་དུ་སྤྱིར་མེ་བཙའ་ཁོ་ན་བསྔགས་ཏེ་ཁྲག་ཤས་ཤིན་ཏུ་ཆེ་ན་སྙིང་རྩའམ།  རྩེ་ཆུང་རླངས་ཐོན་ཙམ་གཏར།  སྙིང་ཞོ་གདོན་ཤས་ཆེ་ན་ཤ་དང་ཛཱ་རླུང་ཤས་ཆེ་ན་ཏིའི་སྨན་མར་སོགས་སྐབས་དང་སྦྱར་ནས་སྦྱོར།  སྙིང་འཁྱོས་ལའང་གོང་གི་སྦྱོར་སྡེ་ནས་འབྱུང་བའི་ཙིཏྟ་ཉེར་ལྔ་པ་དང་།  སེམས་ཀྱི་བདེ་སྐྱིད།  འབྲང་རྩེའི་ཨར་བརྒྱད་རྣམས་ཀྱིས་ཤིན་ཏུ་ཕན་ནོ།  །སྙིང་འཕྱོའི་བཅོས་སྐབས་འབྲས་གསུམ་ནི།  ཨ་རུ༠ ༣༠  བ་རུ༠ ༣༠  སྐྱུ་རུ༠ ༤༠  མ་ནུ་བཞི་ནི།  མ་ནུ༠ ༣༠  ཀཎྜ་ཀ་རི༠ ༦༠  སླེ་ཏྲེས༠ ༣༠  སྒ་སྐྱ༠ ༡༠  དེ་སྟེང་ཤ་ཆེན༠ ༤༠  ཀོ་བྱི༠ ༣༠  ༈  ཨ་གར་བརྒྱད་པའི་གསང་སྨན་སྙིང་ཞོ་ཤ ། ༈  བཙན་དུག་སྨན་མར་སྦྱར་ཚུལ་ནི།  རྒྱུད་ལས།  བོང་ང་ཞོ་གཅིག་ཆང་དུ་སྦང་ལ་བཏགས།  །ཨ་རུ་དྲུག་འགྱུར་ཕྱེ་མ་ཆུ་ལ་གདུ།  །མང་བསྐོལ་བཟང་དྲུག་བུ་རམ་བཏབ་ཏེ་བཏང་།  །ཐབས་དང་མི་ལྡན་ཚེ་ཡིས་བར་ཆད་འགྱུར།  །ཞེས་གསུངས་པ་ཉིད་ལག་ཏུ་ལེན་ཚུལ།  བཙན་དུག་འབྲི་ཚིལ་མ་སྲང་གང་ཁྲམ་ཁྲུམ་དུ་བརྡུངས་ནས་ཆང་བཟང་རང་ནུབ་ཙམ་ལ་ཞག་གཅིག་སྤངས་ནས་བཙན་དུག་ཆང་དང་བཅས་ལེགས་པར་བཏགས།  ཨ་རུ་ཞོ་དྲུག་གསུངས་ཀྱང་ཞོ་བརྒྱད་ཀྱི་ཕྱེ་མ་གཉིས་བསྲེས་ལ་རྒྱ་སྣག་གི་མདོག་མ་ཐོན་གྱི་བར་དུ་འདམ་བཏགས་བྱ།  གར་སླ་ཞོ་ཟན་ཙམ་དུ་སོང་ཚེ་ཆུ་བྲེ་དོ་རུ་གདུས་ནས་བྲེ་གང་བར་དུ་བསྐོལ།  དེ་ནས་མཁྲིས་ཤས་ཆེ་ན་མཛོ་མོ།  གྲང་ཤས་ཆེ་ན་འབྲི་འོ་བྲེ་དོ་བླུགས།  དེ་ཉིད་བྲེ་གང་དུ་གདུས་ཚེ་ཞུན་མར་བྲེ་གང་བཏབ།  ཆུ་ཆོད་ཚེ་སྙིགས་མ་དོར་ནས་དྭངས་མའི་ནང་དུ་བཟང་དྲུག་ཨ་གར་ནག་པོ་སོགས་ཀྱི་ཕྱེ་མ་ཁ་ཚར་བཏབ།  ཐོ་རངས་དུས་སུ་ཨ་རུ་ར་ཙམ་བཟའ་ཞིང་།  །སྦྲིད་ན་དེ་ལས་ཆ་ཅུང་ཟད་རེ་ཕྲིའོ།    །  ༼༒༽ ཁྲག་རླུང་སྟོད་འཚང་གི་བཅོས་ཚུལ་ངོ་མཚར་སྲོག་སྟེར་སྐབས་སུ།  དྲང་སྲོང་ཨར་བརྒྱད་སྟེང་བསྣན་རྒྱུའི་གཟེར་སྨན་མིང་ཅན་སེར་པོར་གྲགས་པ་དེའོ།  ། ༈ ཨ་གར་སོ་ལྔའི་སྐབས།  ཨ་གར་རིགས་གསུམ་ནི།  ཨ་གར་ནག་པོ་འཇང་སོགས་ནས་ཡོང་བ།  ལྷོ་མོན་ཕྱོགས་ནས་འོང་བའི་ཨར་སྐྱ་དང་།  དེའི་མཆོག་འབའ་ཞིག་ཏེ་གཉིས་ཀ་དཀར་སོབ་ཅན།  སྟོད་ནས་ཡོང་བའི་ཨ་གར་སེར་པོའམ་གོ་སྙོད་མར་གྲགས་པ་སྟེ།  དེ་ཡང་།  ཨར་ནག༠་༤༠  གོ་སྙོད་མ༠་༢༠  ཨར་སྐྱ༠ ༤༠  ཛཱ་ཏི༠ ༡༠  ལི་ཤི༠ ༡༠  ཅུ་གང་༠ ༥༠ གུ རྒུམ༠ ༢༠  སུག་སྨེལ༠ ༣༠  ཀ་ཀོ་ལ༠ ༣༠  སྟེ་བཟང་པོ་དྲུག  ཨ༠ ༢༠  བར༠ ༣༠  སྐྱུར༠ ༤༠  སྟེ་འབྲས་བུ་གསུམ།  ཙན་དན་དཀར་པོ༠ ༢༠  དམར་པོ༠ ༤༠  སྟེ་ཙནྡན་གཉིས།  མ་ནུ༠ ༦༠  སླེ་ཏྲེས༠ ༡༠  ཀཎྜ་ཀ་རི༠་༣༠  བ་ཤ་ཀ༠་༢༠  ཏིགྟ༠་༢༠  གུ་གུལ་དཀར་པོ་སྤོས་དཀར༠ ༣༠  གུལ་ནག༠ ༣༠  གླ་རྩི༠ ༡༠  ཀོ་བྱི༠ ༣༠  ཤ་ཆེན༠ ༡༠  འཛིམ་པ༠ ༥༠  ཚེར་སྔོ ན༠ ༤༠  སྙིང་ཞོ༠་༣༠  གེ་སར༠ ༢༠  རུ་རྟ༠ ༢༠  ཧོང་ལེན༠ ༢༠  ཨ་བྱག་གུརྒུམ༠ ༤༠  ཨ་བྱག་གཟེར་འཇོམས་སམ་མིང་ཅན་སེར་པོ༠་༤༥  མིང་ཅན་གཅིག་ནག་པོ༠ ༤༠  སེ་འབྲུ༠ ༢༠  སྲོ་ལོ༠ ༣༠  བཅས་སོ།  ། ༈ མ་ཎི་བདུན་པ་ནི་ནོར་བུ་བདུན་ཐང་སྟེ་གསང་སྨན་ཀོ་བྱི་ལ་ཡིན།  བདུད་རྩི་སྙམ་ལྡན་ནི་སྐྱུ་རུ་ར།  །གེ་སར་ཉེར་ལྔའི་མིང་ཅན་རྣམ་གཉིས་ནི།  མིང་ཅན་ནག་པོ་དང་སེར་པོའོ།  ། ༈ ཨ་བྱག་གསུམ་པའི་གསང་སྨན་ཀོ་བྱི་སྤུ་ལྡན།  ༈  རྡོ་རྗེ་རབ་འཇོམས་སྐབས།  རུས་ཞུན་ཁཎྜ་རྒྱུ་ནི།  རབ་བྱང་འབྲོང་།  འབྲིང་ཡུལ་འབྲོང་།  ཐ་མ་རུས་རྙིང་དྲོད་ཅན་གང་འབྱོར་རོ།  །འཁྲུལ་འཁོར་གྱིས་བཅོས་བ་འདི་ཉམས་ཡིག་སོགས་ལས་བྱུང་ངོ་། ། ༈  ཁཎྜ་བཟོ་ཐབས་ཀྱི་ལག་ལེན་ཞིབ་པ་ནི།  རུ་རྟའི་རྩ་ལོའི་མཚམས་སུ་ཡོད་པའི་སིལ་ཞེས་པ་སྤོས་སྦྱོར་དུ་འགྲོ་བ་དེ་ཡི་གཙོས་པའི་ཤུག་པ་དང་།  ཐང་མ་སོགས་ནགས་མིའི་རིགས་ཀྱི་ཤེལ་ཏ་སྟེ་ཐང་ཆུ་གང་འབྱོར།  རུས་སྣ་ཡོངས་རྫོགས་ཀྱི་ཁུ་བ་སོ་སོར་བཞུར་ནས་ཆ་མཉམ་གྱི་ཁཎྜར་བཟོ།  ཞོ་གར་ཙམ་དུ་སོང་དུས་བླངས།  དེ་ནས་ཇ་ཤོག་ལྟ་བུར་བཅུག  །དགོས་དུས་གཟེར་མིག་དང་འབྲུམ་ཐོར་སོགས་ལ་སྲབ་མཐུག་ཤོག་བུ་ཙམ་པ་ཤོག་མཐུག་ལ་སྦྱར་ནས་མེ་ལ་བསྲོས་ནས་བསླན།  ཚབ་ཆུང་གི་རླུང་གཟེར་སོགས་མྱུར་དུ་འདྲེན།  ༈  ཅར་ཁུག་མཆན་ཁུང་སྟེ།  དེར་སྐར་མ་མ་ཡལ་བའི་ཆུ་མདའ་དང་།  གཟེར་སྟེང་རྨོས་ལྕགས་བྱང་མ་ཆུ་ལ་བཅུག་སྟེ་བསླན།  གཞན་ཡང་མནན་པ་དང་འབེབས་པ་སོགས་ཀྱི་མན་ངག་མང་དུ་ཡོད་ཀྱང་འདིར་དེ་ཙམ་མོ།  ། ༈ དེ་ལྟར་ཁྲག་རླུང་སྟོད་འཚང་གི་ནད་གཞི་ཀུན་ལ།  སྤྱི་སྨན་གེ་སར་ཉེར་ལྔ་དང་།  ཨ་གར་སོ་ལྔ།  ཁྲག་རླུང་སོགས་ཤས་གང་ཆེ་ན་ཨ་གར་སྦྱོར་བ་གཞུང་ནས་འབྱུང་བ་དང་།  ཤིན་ཏུ་གཟེར་ཆེ་ན ་རྒོད་པོ་ར བ་འཇོམས་དང་།  ཨ་བྱག་གསུམ་པ་ཁོང་དུ་བཏང་ཅིང་བདུག  །དེས་ཀྱང་མ་ཚུག་ན་མེ་བུམ་བྱ།  ཤིན་ཏུ་ཁྲག་ཤས་ཆེ་ན་རྩེ་ཆུང་ངམ་ཐོང་རྩ་གཏར་ཏེ།  གཞན་ཡང་སྲོག་རླུང་སྐབས་སུ་ཡོད་པའི་སྦྱོར་སྡེ་ཀོ་བྱི་བདུན་པ་དང་བཅོ་ལྔ།  ཨ་གར་ཉི་ཤུས་ཀྱང་ཕན་ནོ།།  །།    ༼༒༽ རྩ་དཀར་གྱི་བཅོས་ཚུལ་ཕན་བདེའི་ཕྲེང་བའི་སྐབས་སུ།  ནོར་བུ་བསམ་འཕེལ་སྦྱོར་ཚད།  ཅུ༠ ༠༢  གུར༠ ༡༠  ལི༠ ༠༧  ཛཱ༠ ༠༢  སུག༠ ༠༧  ཀོ༠ ༣༢  ཙནྡན་དཀར༠ ༠༦  དམར་༠ ༠༤  ཨར་ནག༠ ༠༦  གི་ཝཾ༠ ༡༠  གླ་རྩི༠ ༠༦  ཉ་ཕྱིས༠ ༢༠  བསྭེ་རུ༠ ༡༡  ཨ༠ ༠༧  བར༠ ༠༧  སྐྱུར༠ ༡༠  སྒ༠ ༠༥  པི༠ ༠༧  ཟི་ར་དཀར༠ ༠༥  ཟི་ར་ནག༠ ༠༧  སྟེ་ཟི་ར་གཉིས།  རྒྱ་ཚྭ༠ ༠༨  སྡིག་སྲིན༠ ༠༧  ཤིང་མངར༠ ༣༠  ཤིང་ཚྭ༠ ༠༥  འབྲི་རྟ་ས་འཛིན༠ ༠༨  ཉི་དགའ་སྟེ་ལྕམ་འབྲས༠་༠༧  རྣམས་སོ།  ། ༈ བསམ་འཕེལ་རཏྣའི་སྦྱོར་བའི་སྐབས་སུ།  གསེར་ཟངས་སོགས་ཐལ་བ་བྱ།  གཡུ་རྙིང་བྱེ་རུ་ཉ་ཕྱིས་རྣམས་དུག་འདོན།  སྦལ་རྒྱབ་དཀར་སྨུག་བཞི་ནི།  དཀར་པོ་འབྲུམ་པ་ཡོད་པ་ཕོ་དང་མེད་པ་མོ།  དེ་བཞིན་ནག་པོ་ལའང་གཉིས་སུ་དབྱེ་བ་ཟུར་མཁར་དང་།  ཀུན་མཁྱེན་བསྟན་པའི་ཉིན་བྱེད་སོགས་ཀྱིས་བཞེད་ཅིང་།  སྦྱར་ཚུལ་གྱི་རིམ་པ་ཞིབ་མོར་རྟོགས་པར་འདོད་ན་རིན་ཆེན་གྱི་སྦྱོར་བ་སྤྱི་དང་བྱེ་བྲག་གི་སྐབས་སུ་ཤེས་པར་བྱ་བ་ལས་འདིར་སྨོས་ཀྱིས་མི་ལོང་ངོ་།  ། ༈ ཁྱུང་ཆེན་ཉེར་གཅིག་གི་སྐབས་སུ།  ཆུ་སེར་སྨན་གསུམ་ནི།  སྤོས་དཀར།  ཐལ་རྡོར།  སོ་རཱ།  ། ༈ གསེར་མདོག་ཉེར་ལྔའི་སྦྱོར་ཚད།  ཨ་རུ༠ ༥༠  ཛཱ༠ ༠༧  སུག༠ ༡༠  ཀོ༠ ༣༠  ཅུ༠ ༡༠  གུར༠ ༠༧  ལི༠ ༠༧  ཉ་ཕྱིས༠ ༢༠  ཚོས༠ ༡༠  བཙོད༠ ༢༠  འབྲི་མོག༠ ༡༠  སྟེ་དམར་པོ་གསུམ།  མཁལ་ཞོ༠ ༢༠  ཨ་འབྲས༠ ༡༠  སྲ་འབྲས༠ ༡༠  འཇམ་འབྲས༠ ༡༠  སྟེ་འབྲས་སྣ་གསུམ།  བསྭེ་རུ༠ ༡༣  ཤིང་ཚྭ༠ ༡༠  ཤུག་ཚེར༠ ༣༠  ཨརྫ་ཀ་ཏེ་ལྕམ་འབྲས༠ ༢༠  རུ་རྟ༠ ༡༠  ཟི་ར་དཀར་པོ༠ ༡༠  བྲག་ཞུན༠ ༡༥  སྡིག་སྲིན༠ ༠༧  ཤིང་མངར༠ ༣༠  རྣམས་སོ།  ། ༈ འབྲས་གསུམ་སྨན་མར་ཚད་ནི།  ཨ་རུ༡ ༠༠  བ་རུ༠ ༥༠  སྐྱུ་རུ༠ ༢༥  ༈  །ལུམས་སྐབས་བདུད་རྩི་རྣམ་ལྔ་ནི།  ཇི་སྐད་དུ།  བ་ལུས་པགས་པ་མཉེན་པར་བྱེད།  །འོམ་བུས་རུས་པའི་དུག་རྣམས་འདོན།  །མཚེ་ཡིས་ལུས་བོང་བརྟས་པར་བྱེད།  །མཁན་སྐྱས་ལུས་ཀྱི་འབྱུང་བ་འདུལ།  །ཤུག་པ་ཡོན་ཏན་བརྒྱད་དང་ལྡན།  །ཞེས་སོ།  །རྩ་བ་ལྔ་ནི།  བ་སྤྲུ་གཟེ་མ་ར་མཉེ་དང་།། ཉེ་ཤིང་ལྕ་བ་རྣམ་པ་ལྔས།  །ཚེ་བསྲིང་ལུས་བརྟས་བཅུད་ལེན་བྱེད།  །ཞེས་སོ།  །གླ་རིལ་ཕོའི་ རིལ་མ་དྲི་ལྡན་དགོས།  འདི་ཡི་ལག་ཏུ་ལེན་ཚུལ་རླངས་ལུམས་ནི་དེ་དག་བཀོལ་ཏེ་རླངས་པའི་ཁར་ཉལ་བ་དང་།  ཆུ་ལུམས་ནི་དེར་ཞུགས་པ་དང་།  བཅིངས་ལུམས་ནི་ཁུག་མ་ལྟ་བུའི་སྣོད་དུ་བླུགས་ནས་ནད་དམིགས་སུ་བཅིངས་པ་སྟེ་ཞིབ་པར་མཐོང་བརྒྱུད་ལས་ཤེས་པར་གཅེས་སོ།  ། ༈ བྱུག་པའི་སྐབས་སུ་དེ་བ་ད་རུ་ནི་རྒྱ་ཤུག་སྣུམ་བག་ཅན།  ༈  རྡོ་སྦྱོར་ལ།  གངས་ཐིག༠ ༣༠  སྦལ་རྒྱབ༠ ༢༠  མདུང་རྩེ༠ ༢༠  བྱིའུ་མགོ༠ ༢༠  ཁབ་ལེན༠ ༢༠  རྡོ་རྒྱུས་བྱ་བལ་མ༠ ༢༠  མཐིང་རྒྱུས༠ ༢༠  སྟེ་རྡོ་རྒྱུས་གཉིས་དང་།  བ་ནུ༠ ༢༠  ཁ་ཚར་ཆུ་སེར་སྨན་གསུམ༠ ༡༠  རེ།  རུ་རྟ༠ ༡༠  ཛཱ་ཏི༠ ༡༠  ལི་ཤི་ཞོ་གང་རྣམས་སྦྱར་རོ།  ། ༈ མེ་དམིགས་ལ།  ཕྱི་མཆན་གཉེར་རིངས་སུ་བཏབ་པ་སྟོད་ཀྱི་ལག་པ་བཤལ་བ་ལ་ཕན།  ཕྱི་ལོང་ནས་ཡར་ལ་ཚོན་གང་བཅལ་བར་བཏབ་ནས་པུས་མོ་མན་ཆད་སྦྲིད་པ་ལ་ཕན།  ཐུར་དུ་དེ་བཞིན་རྐང་ནད་རིགས་ཕལ་ཆེར་ལ་ཕན་ཚུལ་སོགས་མཆིས་རུང་།  འོན་ཀྱང་རྩ་དཀར་གྱི་དམིགས་ནི་གཞུང་ལས་མ་ཚོར་མ་འཐུས་པ་ཆེར་མེད་དོ།  ། ༈ ནད་དམིགས་གང་ཡོད་ཕལ་ཆེར་གྱིས་འབྲོས་འདེད་ཚུལ་དུ་བསྲེགས་ན་ལེགས་པར་བཞེད་པ་ཡང་ཡོད།  ། ༈ སྔགས་བཅོས་སྐབས་མདའ་འཕང་གོ་ལྡོག་ཞེས།  ཕོའི་འཕང་།  མོའི་མདའ་མནན།  ༈  རྩ་སྦྱོངས་སྐབས།  དངུལ་ཆུ།  མུ་ཟི།  བྱང་བ།  རྒྱ་ཚྭ་བཞི་ཆ་མཉམ།  གཞན་རྣམས་ཕྱེད་ཆ་རེ།  དུར་བྱིད་ཉུང་ངུ་ལས་མི་བཏང་།  ཤིང་མངར་དང་ཉ་ཕྱིས་ཅུང་ཟད་བསྐྱེད།  ལག་ཏུ་ལེན་ཚུལ་ནི།  ཀུན་མཁྱེན་བསྟན་པའི་ཉིན་བྱེད་ཀྱི་ཕྱག་བཞེས་ལྟར་ན།  ཐོག་མར་རྩ་ཁུ་བྱུག་འཁྲུལ་མེད་དེ་ཀོ་ཋའི་ཐང་ཞག་གསུམ་བཏང་།  དེ་ནས་གཟའ་སྐར་ལེགས་ཉིན་གཡེར་མ་དང་ཉི་དགའི་འདབ་ཚོད་ཚྭ་ཅུང་ཟད་ཡོད་པ་ཕོར་ཆུང་གང་ཙམ་བཏང་།  ཉི་ནུབ་ནོར་ཕྱུག་གང་བྱུང་གི་སེ་ར་རུས་དང་།  དེ་ཡི་རུས་པ་གོང་འོག་གོང་མོ་སྲེ་ལོང་ལྕམ་པ་བཅས་གདུས་ཐང་ཚྭ་ཅུང་ཟད་ལྡན་པ་བཏང་།  མུན་རུག་སྣ་སེལ་གྱི་ཐང་བཏང་།  དེ་ཡི་ནམ་གུང་སྨན་རིལ་བུ་བདུན་དགུ་བཅུ་བདུན་སོགས་ནད་སྟོབས་དང་སྦྱར་ལ་བཏང་།  སྔས་མཐོར་བྱས་ནས་གཉིད་ལོག  །ལྟོ་བ་སྙི་ན་ནམ་ལངས་དང་།  སྲ་ན་ཉི་ཤར་ཐེབས།  དེ་དུས་རྒྱུ་ཞབས་སོགས་ཟུག་ཆེ་ན་རྡེའུ་ཆང་བྲན་བསྲོས་པས་བདུག་འགྱིངས་ན་རྒྱམ་ཚྭ་བོང་དཀར་གྱི་ཐང་བཏང་།  བྱང་བའི་དུག་ཆེ་ན་ཐང་ཕྲམ་ནག་པོའི་འབྲུ་བཞི་ཙམ་དང་།  ཤིང་མངར་མཐེབ་ཙམ་གྱི་ཐང་བཏང་།  ཐེབས་ན་རྒྱབ་སྐྱོར་རིལ་བུ་མང་ཉུང་ལུས་ཟུང་དང་ནད་སྟོབས་ལ་དཔགས་ཏེ་བཏང་།  རྩ་བཤལ་ལ་ལྕགས་ཁོ་ན་གཙོ་ཆེ་བས།  སྲེ་ལོང་ཐང་དང་ཇ་ཆུ་སོགས་སྐབས་བསྟུན་སྤེལ།  རྗེས་སུ་ཐུག་པ་སྣུམ་ལྡན་ཕོར་གང་ཙམ་བཏུང་།  གཞན་ཡང་བྱང་བའི་དུག་འདོན་སྐོར་བར་གཤོག་མི་དབྱུངས།  ཤིང་མངར་པི་ལིང་ནས་ཙམ་དེ་ཆང་དྲི་ཆུ་དཀར་ཡོལ་གང་གི་ནང་དུ་ཞག་གཅིག་སྦངས་རྗེས་ཡོས་ཚན་དུ་གདུལ།  ། ༈ དེ་ལྟར་རྩ་དཀར་བཅོས་ཚུལ་མདོར་བསྡུ་ན།  སྤྱི་སྨན་བསམ་འཕེལ་ནོར་བུ་དང་།  བསམ་འཕེལ་རཏྣ།  བྱ་ཁྱུང་བཅུ་གསུམ་རྣམས་ཤིན་ཏུ་ཟབ།  བྱེ་བྲག་མགོར་བབས་ཁྱུང་ཆེན་ཉེར་ལྔ།  ཡན་ལག་ལ་ད་ལིས་བཅོ་བརྒྱད།  མཁལ་བབ་གསེར་མདོག་ཉེར་ལྔ།  ཁྲག་རླུང་དང་སྟོད་འཚངས་ན་ཨ་གར་ཉི་ཤུ་རྣམས་ཟབ་ཅིང་གཞན་རྣམས་སྐབས་དང་བསྟུན།  དཔྱད་དུ་ལུམས་དང་མེ་བཙའ་གཉིས་ཀྱིས་ཕན་ཆེ།  རེངས་འཁུམ་ཆེ་ན་རྡོ་སྦྱོར་གྱི་བྱུགས་པ་འདི་མཆོག་ཏུ་བཤད།  མེ་བཙའ་བསྲེག་དུས་ཅུང་མ་བསྔས་ན་བཟང་ཞེས་གསུངས།  ཁྲག་ཤས་ཆེ་ན་མགོ་བོར་ལྟག་རལ་དང་།  ལག་པར་དྲུག་མགོ  །རྐང་པར་བྱིན་གཞུག་རྣམས་རླངས་ཐོན་ཙམ་གཏར་རོ།།  །།    ༼༒༽    འབྱུང་གདོན་གྱི་བཅོས་ཚུལ་རྡོ་རྗེའི་ཟེག་མའི་སྐབས་སུ།  རྫས་སྦྱོར་ཁྲག་སྣ་གསུམ་ནི།  མི་ཁྱི་ར་གསུམ་ཁྲག  །ཤ་གསུམ་ནི་འཕར་སྤྱང་གླག་གསུམ།  རྭ་གཉིས་ནི་གཡག་རྒོད་དང་རྩོད་རུ་བཅས་སོ།  ། ༈ འཁོར་ལོའི་རྫས་རྡོ་རྗེ་གསུམ་ནི།  ཐལ་དཀར་རྡོ་རྗེ།  ཀླུ་བདུད་རྡོ་རྗེ།  ཡུངས་ཀར་གསུམ་དུ་བཞེད།  འགའ་ཞིག་གི་ཡུངས་ཀར་ཚབ་ཏུ་གཟའ་བདུད་རྡོ་རྗེར་བཞེད་པ་ཡང་ཡོད།  འདི་ཨོ་རྒྱན་རིན་པོ་ཆེའི་སྨན་དཔྱད་ལས་བྱུང་།  ། ༈ བདུག་པའི་སྐབས་སུ།  བྱཱ་ཀྲཱྀ་ནི་ཀཎྜ་ཀ་རི།  ཡང་བྱི་ཀུ་ནི་སྒོག་པ།  མུ་ཟི་ཀཱ་ལ་ནི་ནག་པོ།  ལྷོག་དུག་ལྡུམ་སྟག་ཤའོ།  །དྲི་ལྡན་གཉིས་ནི་ཤིང་ཀུན་གུལ་ནག་གོ  །རྫས་ཆེན་བཅོ་བརྒྱད་ལ་བྲུན་གཉིས་ནི།  སྤྱང་བྲུན་ཁྱི་བྲུན་གཉིས།  གཞོབ་གཉིས་ནི་རྟ་རྨིག་དང་རྭ་གཞོབ་བོ།  །ནག་པོ་གསུམ་ནི་མུ་ཟི་ནག་པོ།  གུལ་ནག  །མཚུར་ནག  ༈  མཆོག་ཏུ་ཟབ་པ་ཁྱུང་ཆེན་སོ་ལྔའི་སྐབས་སུ།  པཉྩ་པཀྵི་ནི་ཁྱུང་ལྔ་སྟེ།  ཚད་གོང་དུ་བཤད་པ་ལྟར་མཉམ་སྦྱོར་ཁྱུང་རྒོད་དྲག་པོ་སྟེ་སྲོག་རླུང་གི་སྐབས་སུ་ཡོད།  དང་།  བཟང་པོ་དྲུག་ནི་གཞན་རྣམས༠ ༡༠རེ།  ལི་ཤི༠ ༢༠  ནཱ་ག་གེ་སར༠ ༡༥  ཁ་རུ་ཚྭ༠ ༡༠  ཨར་ནག༠ ༡༥  ཡུངས་ཀར༠ ༡༠  ཟི་ར་དཀར༠ ༡༠  ནག༠ ༢༠  ཤ་ནི་སྦལ་ནག་སྦྲུལ་པུ་ཤུད་རྣམས་ཀྱི་ཤ༠ ༡༠  ཡུག་སའི་མངལ་ཁྲག  །ནུས་ལྡན་གྱི་སྲིན་ལག་ཁྲག  །ཁྱི་ནག་སྙི ང་དཀར་གྱི་ཁྲག་བཅས༠ ༠༥  དཔའ་བོ་གཡུལ་དུ་ཤི་བའི་སྙིང་།  རྨ་བྱའི་སྙིང་།  སྤྲེའུའི་སྙིང་བཅས༠ ༡༠རེ།  དྲི་ལྡན་མུ་ཟི་ནག་པོ༠ ༢༠  ལྡོང་རོས༠ ༢༠  ནུས་ལྡན་རྣམ་སྣང་༠ ༡༠  དམར་པོ་གསུམ་ནི།  རྒྱ་སྐྱེགས༠ ༡༠  མཁན་དམར་རྩ་བ༠ ༡༠  བཙན་འདིས་དོད་རྣམས་སུ་མེ་ཏོག་དམར་པོ་འབྱུང་ཞིང་བཅད་ཁ་ནས་ཁྲག་འབབས་པ་ཞིག་ཡོད།  དུག་དམར་པོ༠ ༡༠ བཅས་སོ།  །གསང་སྨན་ཁ་བསྒྱུར་ཐ་དད་ནི།  རྒྱལ་གདོན་ལ་གུ་གུལ་ནག་པོ་བཙན་ལ་ཤུ་དག་ནག་པོ།  གཟའ་ལ་ཙིཏྟ་གཉིས་ཁྲའམ་པུ་ཤུད་དང་པྲི་ཡང་ཀུ་བཅས།  སྤྱི་ལ་མིང་ཅན་ནག་པོ་༡ ༠༠  དང་ཡུག་སའི་དོར་རྟའི་གཞོབ་སྐྱེ་བདུན་ཤ་རྣམས་ཅུང་ཟད་བཏང་།  དང་པོ་ཁྱུང་ལྔ་སྦྱོར་ཚུལ་བཞིན་དུ་འདམ་བཏགས་བྱས།  དེ་སྟེང་གཞན་རྣམས་གདབ་ཏེ་རིལ་བུར་དྲིལ།  མངལ་ཁྲག་དང་གྲི་ཁྲག་གང་བྱུང་གིས་གོས་གསོལ།  རླུང་མི་འཆོར་བའི་པར་བུར་བཅངས།  ཕྱི་ནས་ཚིལ་ཆེན་སྦྱར་ལ་བྱུག་ཅིང་བདུག  །ཁོང་དུ་དྲི་ཆུས་ཕུལ།  ཡང་ན་གོང་གི་དམིགས་གསལ་གྱི་གསང་སྨན་ཁ་བསྒྱུར་རྣམས་ཀྱི་ཐང་གིས་ཕུལ་ཀྱང་རུང་ངོ་།  །ཤིན་ཏུ་ཟབ་བོ།  །ཨྠིྀ།  ༈  ཁུས་འདེབས་སྨན་མར་དུ།  ཚ་བ་གསུམ་ནི་སྒ་པི་ཕོ་གསུམ།  གཅིན་དྲུག་ནི།  བ་གླང་རྟ་བོང་ར་ལུག་གི་འོ།  །བདུག་པར་རྨ་བྱའི་ཁྲག་ཞེས་ཟེར་བ་དེ་མ་རྙེད་ན་ཤའམ་སྒྲོ་གང་བྱུང་གི་ཆོག  །ཚིལ་གཉིས་ནི་སྟག་དང་གྲི་ཚིལ་ལོ།  ། ༈ ཟ་ཡིག་སྐབས་སུ།  ཐ་དད་རྫས་ཀྱི་ཞེས།  རྒྱུན་དུ་བསྲུང་བཟློག་དང་ཚེ་བསྲིངས་སོགས་ལ་བདུད་རྩི་ཆོས་སྨན།  གཞན་དུ་གཟའ་ལ་སྤོས་དཀར།  ལ་ཆ།  རྒྱལ་པོ་ལ་གུལ་ནག  །ཀླུ་ལ་གླ་ནག་གི་རྩི།  བཙན་ལ་ཤུ་དག་ནག་པོ།  གཉན་ལ་ཁྱུང་ལྔ།  དུག་ལ་རྨ་བྱའི་མདོངས་ཐིག  །ཡམས་ལ་སྤྲུ་ནག་སོགས་བྱུག  །མ་འཛོམ་ཡང་ཆོག་པར་གསུངས།  ཡེ་ཤེས་སེམས་དཔའ་གུ་རུ་ཞི་དྲག་སྐབས་སུ་གང་བབ་བཞིན་སྒོམ་ལ་སྤྱན་དྲངས་ཅིང་བསྟིམས་སམ།  དེའི་བསྙེན་པ་དང་རང་བསྔགས་བརྒྱ་རྩས་རབ་གནས་བྱའོ།  །དུས་ནི་སྲུང་བ་ལ་ཉི་ཤར།  གཞན་སྲོད་དོ།  །ཟ་དུས་ཚེ་བསྙེན་ནམ་སྙིང་པོ་བཟླས།  ། ༈ གཞན་ཀུན་ལ་ལྷ་བསྐྱེད་སྔགས་བཟླས་ཞེས།  རྒྱལ་འགོང་ལ་གུ་རུ་དྲག་པོ།  བཙན་ལ་རྟ་མགྲིན།  གྲེ་བོར་ཡཀྴ་མེ་དབལ་སོགས་རང་རང་གི་གཉེན་པོའོ།  ། ༈ གདོན་བཤལ་དྲག་པོའི་སྐབས་སུ་ཁྲག་སྣ་ལྔ་ནི།  གྲི་མངལ་རྟ་ཁྱི་ཕག་ནག་རྣམས་ཀྱི་ཁྲག་གོ  །གཞོབ་ལྔ་ནི་གཡག་རྒོད་རྭ།  རྟ་གསེབ་རྨིག་པ།  ར་ལུག་གླང་ཐུག་གསུམ།  ཡུག་སའི་དོར་རྟའི་གཞོབ་བོ།  །རྨོང་ཁའི་སྦྲེ་གསུམ་ནི།  ར་ལུག་གླང་ཐུག་གིའོ།  །རབ་གནས་སྔགས་ནི་ཡི་དམ་གང་ཤེས་ཀྱི་སྒོམ་བཟླས་ལས་སྦྱོར་བཅས་པ་བྱ།  ། ༈ བརྗེད་བྱེད་སྐབས།  ཙིཏྟ་རྣམ་གཉིས་ནི་ཁྲའམ་པུ་ཤུད་ཀྱི་སྙིང་སྐམ་པོ་དང་།  གསང་སྨན་མཆོག་ནི་ཏི་ཏིའི་སྒོང་ང་།  ། ༈  འགོ་གྲིབ་གསོ་སྐབས།  གསང་སྨན་ནི་ཆུ་ཤེལ་འཁྲུལ་མེད་ཉིད་ཡིན།  སྤོས་གཉིས་ནི་སྔོ་རྒྱ་སྤོས་དང་སྤང་སྤོས་གཉིས་ཀྱི་རྩ་བ།  ། ༈ བྱད་སྲུང་སྐབས།  སྔགས་ཀྱི་ངར་བཏགས་ཞེས་པ་སེང་གདོང་མའི་རྩ་སྔགས་འབྲུ་བཅུ་བཞི་པ་བཟླས།  ཁྱད་པར་གྲི་ལྕགས་གི་སོར་གདུབ་ལོ་ཟླ་ཟད་དུས་ཉེར་དགུའི་ཉིན་པར་བརྡུངས།  དེ་ལ་གྲི་ཁྲག  །བོང་ང་ནག་པོ་གྲི་སྙིང་།  ཤུ་དག  །གཙང་མའི་མངལ་ཁྲག  །གུ་གུལ་ནག་པོ་རྣམས་ཀྱི་ཁུ་བར་ཡང་བཟློག་གི་སྔགས་བཏབ་པས་ངར་ལན་གསུམ་བླུད།  དེ་ནས་ལྷ་སྔགས་ཀྱི་ཏིང་ངེ་འཛིན་དང་ལྡན་པས་སྲིན་ཕོ་གཡས་མོ་གཡོན་ལག་ཏུ་བཅིངས།  ལོ་དུས་སུ་རབ་གནས་བསྐྱར།  བྱད་སྟེམས་སོགས་ལ་ཉམ་ང་མེད་པའི་གདེང་དང་ལྡན་པར་བྱ།  ཤིན་ཏུ་གལ་ཆེ་ན་ནང་རེ་བཞིན་སྔགས་ཀྱི་ངར་བཏགས།  མཆོག་ཏུ་ཟབ།  ཨྠིྀ།  ། ༈ མིར་ཁའི་སྐབས།  གཏི་མུག་འཁོར་ལོ་ནི་ཕག་གི་སྣ།  དེའི་བདུད་རྩི་ནི་བྲུན།  ཝ་ར་སྐད་ཆེན་ནི་བོང་བུའོ།  །དེ་སྟེང་མུ་ཟི་ནག་པོ་ཐུན་གཅིག་བསྣན་ཏེ་སྣ་ནས་བླུག་གོ  །ཡང་བྷ་ཏྲི་ཞེས་པའི་སྲིན་བུ་ཀླད་དཀྱིལ་ནས་མགུལ་བས་བརྒྱལ་བ་ལ་གཤའ་དཀར་གྱི་དྭངས་མའམ་འབྲས་གསུམ་གང་རུང་གི་ཕྱེ་མ་བོང་བུའི་ཆུ་ཡིས་སྣ་ནས་བཏང་ན་ཕན་ཚུལ་འདུག  ༈  །འབྱུང་གདོན་གྱི་སྨན་བཅོས་སྐོར་ལ།  ཕྱི་ནས་བྱུག་བདུག་ནི་རྫས་ཆེན་བཅོ་བརྒྱད་དང་།  ཁོང་སྨན་ཁྱུང་ཆེན་མང་སྦྱོར་གཉིས་ཤིན་ཏུ་ཟབ།  རླུང་ཤས་ཆེ་ན་ཨ་གར་སྦྱོར་བ་དང་།  གྲིབ་གདོན་རྩ་དཀར་ཤས་ཆེ་ན་བསམ་འཕེལ་རཏྣ་ཟབ།  ། ༈ བྱུག་བདུག་གི་རྫས་ངན་འགྲོ་རིགས་ལ།  ཤུག་པ།  རྡོ་དྲེག་དམར་པོ།  མཁན་སྐྱ་བཅས་བསྲེས་ན་ལྷ་སྲུང་ལ་མི་ཕོག་པར་བཞེད་དོ།  །གཞན་ཡང་དྲང་སྲོང་གི་ནད་ལ་ཐོག་མར་སྤོས་དཀར་གྱི་ཐང་བཏང་བས་བཙོན་དུ་འཛིན།  དེ་རྗེས་བསམ་འཕེལ་ནོར་བུའི་སྟེང་ཙིཏྟ་གཉིས་དང་ཁྲག་བཅས་བསྣན་པ་བཏང་།  ཀླུ་གདོན་ལ་ཕྱག་རྡོར་རིལ་བུ་ཚད་ལྡན་སྦྱར་བ་དེ་ཤིན་ཏུ་ཟབ་བོ།  །འོན་ཀྱང་དེ་དག་གི་བཅོས་ཚུལ་སོགས་ནི་འོལ་སྤྱི་ཙམ་ཏེ་ཞིབ་པར་གཞན་དུ་ཤེས་པར་བྱ་བ་ལས་འདིར་སྨོས་པའི་སྐབས་སུ་མ་བབ་བོ།  །དེ་ལྟར་ཟབ་མོའི་མན་ངག་ཨུཏྤ་ལ།  སྔོན་བྱོན་མཁྱེན་སྤྱོད་ཉི་གཞོན་དཔྱིད་དཔལ་གྱིས།  །རྣམ་པར་ཕྱེ་བ་གང་དེར་ལེགས་བཏུས་ཏེ།  །དཔྱོད་ལྡན་སྙིང་གི་ཐིག་ལེར་སླར་ཡང་སྤེལ།  །འོན་ཀྱང་བདག་འདྲ་གྲགས་པའི་ཡོན་ཏན་གྱིས།  །རྣམ་པར་མ་བསྲུང་བློ་གྲོས་ན་ཚོད་བཟུང་།  །ཆེས་ཆེར་ཕྲ་བས་འདི་ལྟར་སྨྲ་བྱེད་པར།  །ཆུ་སྐྱེས་ཚོགས་ཀྱང་ཁྲེལ་བས་འཛུམ་པ་བཞིན།  །དེ་ལྟ་ནའང་ལུང་རྟོགས་སྤྱན་ལྡན་གྱིས།  །བཀའ་སྩལ་རྣ་བའི་རྒྱན་དུ་དཔྱངས་པ་ལས།  །མ་བཟོད་སྨྲ་བ་གང་དེར་ཉེས་པའི་ཚོགས།  །བཤགས་སོ་དགེ་བས་འགྲོ་ཀུན་སྨན་གྱུར་ཅིག  །ཞེས་སྲོག་རླུང་གི་བཅོས་ཚུལ་སོགས་ལེ་ཚན་བཞི་ཡི་མན་ངག་ཕྱོགས་གཅིག་ཏུ་བསྡེབས་པ་འདི་ཡང་རྨོངས་པ་ཀུན་གྱི་གྲལ་མཐར་སོན་པའི་བན་སྤྲང་འཇིགས་མེད་མཁྱེན་བརྩེའི་མྱུ་གུས་སྦྱར་བ་ཛ་ཡནྟུ།།  ། ༈ །}}
སྲོག་རླུང་གི་བཅོས་ཚུལ་སོགས་ཀྱི་མན་ངག་གུད་དུ་སྦས་པ་བཞུགས་སོ།  །ན་མོ་གུ་རུ་བྷྱཿ  རྣམ་བཅས་གཟུངས་འཛིན་འཁྲུལ་པའི་འཁོར་ལོ་ཀུན།  །རྣམ་པ་ཀུན་བྲལ་འཇོ་སྒེག་གིས་འཁྱུད་པས།  །རྣམ་ཀུན་མཆོག་ལྡན་བདེ་སྟོང་མཚན་དཔེའི་ཞལ།  །རྣམ་འདྲེན་འཁོར་ལོའི་མགོན་པོ་སྙིང་དབུས་རོལ།  །ཟབ་ཅིང་ཉེ་བར་སྦས་པའི་དོན།  །ཀུན་ལ་གསང་བར་རྒྱས་བཏབ་པ།  །དེང་འདིར་མདོ་ཙམ་རབ་དབྱེ་ཡིས།  །དཔྱོད་ལྡན་སྙིང་གི་ཐིག་ལེར་ཟུང་།  ། ༈ དེ་ལ་ཐོག་མར་སྲོག་རླུང་གི་བཅོས་ཐབས་ཕན་བདེའི་དོ་ཤལ་སྐབས་སུ།  ཐང ་སྦྱོར་ལས།  རུས་བཅུད་གསུམ་ནི།  སོག་ཁ།  གཞུག་ཆུང་།  སྲེ་ལོང་ངོ་།  །སྨན་སྒ་སུམ་ཐང་གི་གསང་སྨན་ཀོ་བྱི་ལ་དུག་མ་ཕྲལ་བའམ།  རི་སྙིང་།  ། ༈ སྲོག་འཛིན་བཅུ་གཅིག་པའི་སྦྱོར་ཚད་ཛཱ་ཏི༠ ༤༠  རུ་རྟ༠ ༤༠  ཨ་རུ༠ ༤༠  ཨར་ནག༠ ༥༠  ལི་ཤི༠ ༥༠  ཤ་ཆེན༠ ༥༠  ཤིང་ཀུན༠ ༥༠  སྙིང་ཞོ༠ ༥༠  ཅུ་གང་༠ ༣༠  གེ་སར༠ ༣༠  སྤོས་དཀར༠་༢༠  བཅས་སོ།  །ཀོ་བྱི་བདུན་པ་སོགས་ལ་ཀོ་བྱིའི་རྒྱབ་ཀྱི་སྤུ་དེ་བཞར་དགོས།  ། ༈ བཱི་མ་མི་ཏྲའི་ལུགས་ཀྱི་སྦྱོར་ཚད་ཛཱ་ཏི༠ ༡༠  ཨ་རུ༠ ༡༠  སྤོས་དཀར༠ ༡༠  ཨར་ནག༠ ༡༠རེ།  གཞན་རྣམས་ཐམས་ཅད༠ ༠༥  རེ་སྦྱར།  གུ་གུལ་ཉི་ཤུ་པའི་སྦྱོར་སྡེའི་གསང་སྨན་གངས་སྐྱེས་ཀྱི་འཛིམ་པ།  ། ༈ སེམས་ཀྱི་བདེ་སྐྱིད་ལ།  གོ་ཡུ་སྨུག་འཇང་ཆུང་ངུ་དེ༢ ༠༠  ཨར་ནག༡ ༠༢  ཛཱ་ཏི༠ ༡༠  ལི་ཤི༠ ༨༠  ཤིང་ཀུན༠ ༤༠  རུ་རྟ༠་༧༠  སྙིང་ཞོ༡ ༠༠  སྨན་ཆེན་འབྲི་ཚིལ་ལྟ་བུ༤ ༠༠  སྒ་དམར༠ ༧༠  པི་ལིང་༠ ༦༠  ཕོ་རིལ༠ ༩༠  ཁ་རུ་ཚྭ༠ ༥༠  རྣམས་སྦྱར།  ཚབ་ཆེན་ཁྱི་ཕག་མ་གཏོགས་པའི་སྙིང་སྣ་གང་འཛོམ་ཁ་ཚར་ཆ་ཆུང་རེ་བཏབ།  །བུར་སྨུག་གམ་གྲིར་ཤིའི་རྐང་མར་གྱིས་རིལ་བུ་དྲིལ་བ་མན་ངག་གོ  ༈  །བུར་སྨུག་གི་རིལ་བུར།  བི་ཥ་ནི་བོང་ང་སྟེ།  སྤྱིར་སྙིང་རླུང་སོགས་རླུང་ནད་ལ་འགྲོ་བའི་བོང་ང་ཐམས་ཅད་བཅག་ཁ་འབྲི་ཚིལ་འདྲ་བ་དེ་དགོས།  ལོ་བརྒྱད་ཨེ་ཀྲོ་དྲི་ཆུ།  གསང་སྨན་དར་མའི་གྲི་སྙིང་།  སྦྱོར་སྡེ་དེ་སྨན་མར་ལ་སྦྱར་ན།  དངུལ་ཆུ༠ ༡༠  མུ་ཟི་དུལ་མ༠ ༠༥  འབྲོང་དང་ནེ་ཙོའི་སྙིང་བཅས་འབྲས་གསུམ་སྨན་མར་ལ་བསྲེའོ།  ། ༈ ཙིཏྟ་ཉེར་ལྔ།  གསང་སྨན་རྒྱལ་མོ་ནི་དཔའ་བོ་གཡུལ་དུ་ཕན་ཚུན་གཉིས་ཀ་གྲིར་ཤི་བའི་སྙིང་སྲོག་རྩ་བཅས་པ་དང་༠ ༦༠  དངུལ་ཆུ༠ ༤༠  ཛཱ་ཏི༠་༤༠  མུ་ཟི༠ ༣༠  བཅས་བསྣན་ཏེ་ལོ་བརྒྱད་དྲི་ཆུ་ཅུང་ཟད་ཀྱིས་རླན་ཕབ་ནས་རྡོ་གཏུན་ཚ་མོར་མཐིང་ནག་ཏུ་མ་སོང་བར་འདུལ།  དེ་སྟེང་བཙན་དུག་འབྲི་ཚིལ༠ ༥༠  ཤིང་ཀུན༠ ༣༠  སྙིང་ཞོ༠ ༥༠  རི་སྙིང་༠ ༡༠  ཏེ་ལོའི་སྙིང་༠ ༥༠  གཡག་རྒོད་སྙིང་༠ ༡༠  ཡུངས་ཀར༠ ༤༠  ཤུ་དག༠ ༠༨  གླ་རྩི༠ ༠༣  ཨ་རུ་ར༠ ༥༠  རུ་རྟ༠ ༡༠  སྤོས་དཀར༠་༢༠  སྒང་ཐོགས་པ་ཞེས་འབྲས་བུ་དམར་ཞིབ་སྣུམ་བག་ཅན༠་༢༠  ཨར་ནག༠་༤༠  ཚེར་སྔོན༠ ༣༠  གུལ་ནག༠ ༡༠  ཀོ་བྱི༠ ༢༠  ཁ་རུ་ཚྭ༠ ༤༠  ཡུག་སའི་མངལ་ཁྲག༠ ༠༣  ཙམ།  སྔགས་པ་ནུས་ལྡན་དྲི་ཆེན༠ ༡༠  བཅས་བཏབ་ཏེ་འདམ་བཏག་ཡུན་རིང་བྱས་མཐར་གྲི་ཁྲག་གི་ན་བཟའ་གསོལ་ཏེ་སྲོད་དུས་སུ་ཕུལ།  ༈  ཁྱུང་སྟེང་གསང་སྨན་ནི་དཔའ་བོ་གཡུལ་དུ་ཤི་བའི་གྲི་སྙིང་།  སྦྱོར་ཚད་ཨ་རུ༠ ༤༠  བཙན་དུག༠ ༤༠  ཤུ་དག༠་༠༧  རུ་རྟ༠ ༥༠  གླ་རྩི༠ ༠༣  གྲི་སྙིང་༠ ༨༠  ཛཱ་ཏི༠ ༣༠  ལི་ཤི༠ ༣༠  བཅས་བསྣན།  ཡང་ན་ཛཱ་ཏི་ལི་ཤི་ཕྲི་ཏེ།  ཤིང་ཀུན༠ ༦༠  ཁ་རུ་ཚྭ༠ ༦༠  བསྣན་ཀྱང་རུང་།  ། ༈ སྙིང་ཞོའི་སྨན་མར་ཁ་ཚར་གསང་སྨན་གཉིས་ནི།  ཡུག་སའི་མངལ་ཁྲག  །ནལ་བུའི་ཤ  །བྲེ་སྲང་སོགས་ཀྱི་ཚད་ནི།  །སྲང་གཅིག་སྤར་གང་སྲང་གཉིས་འཁྱོར་ཕུལ་གང་དང་དོན་གཅིག  བ་གང་།  །སྲང་བཞི་སྙིམ་གང་སྲང་བརྒྱད་བྲེ་གང་ངོ་།  །ཞེས་བཤད།  ། ༈ ཛཱ་ཏིའི་སྨན་མར་ལ།  སྣ་མའི་འབྲས་བུ་ཛཱ་ཏི།  ། ༈ རྗེས་སུ་སེ་འབྲུ༠ ༡༠  ཤིང་ཚྭ༠ ༡༠  སུ་སྨེལ༠ ༡༠  པི་ལིང་༠ ༣༠  གུརྒུམ༠ ༡༠  དེ་སྟེང་ཛཱ་ཏི༠ ༡༠  ཀ་ཀོ་ལ༠ ༡༠  སྒ་སྐྱ༠ ༤༠  སྦྱར་བའམ།  ཡང་ན་གོང་སྟེང་ཛཱ་ཏི༠ ༡༠  ཤིང་ཀུན༠ ༡༠  ཁ་རུ་ཚྭ༠ ༡༠  སྒ༠་༡༠  བསྣན་པ་སྐབས་སྦྱར་བཏང་།  ། ༈ སྲོག་འཛིན་བཅུ་གཅིག་གམ།  སེམས་ཀྱི་བདེ་སྐྱིད་ལ་བསྣན་རྒྱུའི་གསང་སྨན་རི་བོང་སྙིང་།  མེ་གསང་དངོས་བསྟན་དུ་མེད་པའི་རིགས་ཅུང་ཟད་བརྗོད་ན།  སྨན་དཔྱད་ཟླ་བའི་རྒྱལ་པོ་ལས་འབྱུང་བ་རྒྱབ་ཀྱི་ཚིག་པ་དྲུག་བདུན་དང་པོ་རྣམས་ལ།  ཚབ་ཆེན་ཁ་གསུམ་བསྲེགས་པ་ཞེས་གསུངས།  ནུ་མའི་བར་ན་ཁ་གསུམ་དུ་བཏབ་པ་སྙིང་གསང་ཆེན་པོ་སྟེ།  སྙིང་འདར་བ་དང་།  བཟའ་བཏུང་ཡིད་མི་འོང་བ་ལ་སོགས་ལ།  དེ་ནས་ནུབ་ཏུ་ཚོན་གང་སར་བཏབ་པས་གཡས་གཡོན་གྱི་གཟེར་ཟུག་འཇོམས།  མཚན་རྐུབ་པར་དུ་བཏབ་ན་དྲན་པ་མྱོས་པ་དང་།  རོ་སྟོད་ལྕི་བ་སོགས་ལ་ཕན་ཞེས་སྣང་།  ཡང་ཐུར་མ་འཕང་ཡུལ་གྱི་དམིགས་རྒྱུད་ལས།  བྱེ་བྲག་སྙིང་ལ་གསང་ས་བཅུ་གཅིག་སྟེ།  ཞེས་ནུ་ཏོག་ནས་གཞོལ་བའི་ནུ་མའི་སྟེང་ཚོན་གང་སར་སྙིང་སྲོག་འཛོམ་པའི་གསང་།  དེ་བཞིན་དུ་ནུ་རྩེ་ནས་མཆན་ཁུང་ངོས་སུ་གཞལ་བར་སྲོག་རྩ་མྱོས་བྱེད་གསང་།  ཐུར་དུ་གཞལ་བར་སྙིང་ཆུ་བཙག་པའི་གསང་།  བྲང་ངོས་སུ་གཞལ་བ་སྙིང་ལོག་ཆུ་སེར་དང་རླུང་འཁྱིལ་པའི་གསང་སྟེ།  ནུ་མའི་ཕྱོགས་བཞིར་ཕྱིར་མཚོན་གང་ལ་བསྲེག  །ཞེས་སྨྲོས་པ་དེའོ།  །དེ་ནས་བྲང་ངོས་སུ་ཚོན་དོ་གཞལ་བ་གློ་སྙིང་འདོམས་གསང་།  རྒྱབ་ཀྱི་ཚིག་པ་བདུན་པ་ཁ་གསུམ་ཡང་དེ་དང་འདྲ།  དྲུག་པའི་ཁ་གསུམ་སྲོག་རྩའི་གསང་སྟེ།  བྱ་རོག་མིག་ནས་ཕྱིར་ཚོན་གང་བཅལ་བ་རྩིབས་ བར་གོང་མ་གོ་ཆེན།  འོག་མ་གོ་ཆུང་།  རྐེ་སྟོང་ཅ་ར་ཁུག་རྣམས་ཏེ་དེ་དག་སྐབས་བབ་དང་བསྟུན་པའི་མེ་བཙའ་གདབ་ཏུ་རུང་ངོ་། ། ༼༒༽དེ་ལྟར་སྲོག་རླུང་གི་བཅོས་ཐབས་སྐོར་མདོར་བསྡུ་ན།  ཐོག་མར་ཐང་སྦྱོར་ལན་འགའ་བཏང་རྗེས།  དངོས་གཞིའི་སྨན།  སེམས་ཀྱི་བདེ་སྐྱིད་དང་།  རླུང་གི་མདེ་ཐུང་ལས་བཤད་པའི་ཨར་བརྒྱད་ནུ་ཞོས་རིལ་བུ་དྲིལ་རྒྱུ་ཅན་དེ་དང་།  བི་མ་མི་ཏྲའི་ལུགས་འདི་རྣམས་དང་།    ཁྱད་པར་ཙིཏྟ་ཉེར་ལྔ་པ་ཚད་ལྡན་སྦྱར་བས་མཆོག་ཏུ་ཕན།  གཞན་མའི་སྦྱོར་སྡེ་རྣམས་སྐབས་དང་བསྟུན།  ཤིན་ཏུ་གཟེར་ཆེ་ན་འབྲང་རྩེ་ལྷ་སྲས་བེ་བུམ་ལས་འབྱུང་བའི་ཨ་གར་བརྒྱད་པ།  ཨ་ག་རུ་དང་ཛཱ་ཏི་སྙིང་ཞོ་ཤ  །རུ་རྟ་བསྣན་པས་རླུང་ཁྲག་སྤྱི་ལ་ཕན།  །ཨ་བྱག་བསྣན་པའི་ལྔ་པས་གཟེར་ལ་ཕན།  །ལི་ཤི་བསྣན་ལི་ཤི་དང་ཤ་ཆེན་ཡིན་པའི་བདུན་པས་རླུང་ལ་ཕན།  །རི་བོང་སྙིང་བསྣན་བརྒྱད་པས་སྨྱོ་འབོག་སེལ།  །ཞེས་པ་འདི་ལ་ཨ་བྱག་གཟེར་འཇོམས་ཐང་གིས་ཕུལ་བས་འཕྲལ་དུ་ཟུག་གཅོག  །དཔྱད་དུ་སྤྱིར་མེ་བཙའ་ཁོ་ན་བསྔགས་ཏེ་ཁྲག་ཤས་ཤིན་ཏུ་ཆེ་ན་སྙིང་རྩའམ།  རྩེ་ཆུང་རླངས་ཐོན་ཙམ་གཏར།  སྙིང་ཞོ་གདོན་ཤས་ཆེ་ན་ཤ་དང་ཛཱ་རླུང་ཤས་ཆེ་ན་ཏིའི་སྨན་མར་སོགས་སྐབས་དང་སྦྱར་ནས་སྦྱོར།  སྙིང་འཁྱོས་ལའང་གོང་གི་སྦྱོར་སྡེ་ནས་འབྱུང་བའི་ཙིཏྟ་ཉེར་ལྔ་པ་དང་།  སེམས་ཀྱི་བདེ་སྐྱིད།  འབྲང་རྩེའི་ཨར་བརྒྱད་རྣམས་ཀྱིས་ཤིན་ཏུ་ཕན་ནོ།  །སྙིང་འཕྱོའི་བཅོས་སྐབས་འབྲས་གསུམ་ནི།  ཨ་རུ༠ ༣༠  བ་རུ༠ ༣༠  སྐྱུ་རུ༠ ༤༠  མ་ནུ་བཞི་ནི།  མ་ནུ༠ ༣༠  ཀཎྜ་ཀ་རི༠ ༦༠  སླེ་ཏྲེས༠ ༣༠  སྒ་སྐྱ༠ ༡༠  དེ་སྟེང་ཤ་ཆེན༠ ༤༠  ཀོ་བྱི༠ ༣༠  ༈  ཨ་གར་བརྒྱད་པའི་གསང་སྨན་སྙིང་ཞོ་ཤ ། ༈  བཙན་དུག་སྨན་མར་སྦྱར་ཚུལ་ནི།  རྒྱུད་ལས།  བོང་ང་ཞོ་གཅིག་ཆང་དུ་སྦང་ལ་བཏགས།  །ཨ་རུ་དྲུག་འགྱུར་ཕྱེ་མ་ཆུ་ལ་གདུ།  །མང་བསྐོལ་བཟང་དྲུག་བུ་རམ་བཏབ་ཏེ་བཏང་།  །ཐབས་དང་མི་ལྡན་ཚེ་ཡིས་བར་ཆད་འགྱུར།  །ཞེས་གསུངས་པ་ཉིད་ལག་ཏུ་ལེན་ཚུལ།  བཙན་དུག་འབྲི་ཚིལ་མ་སྲང་གང་ཁྲམ་ཁྲུམ་དུ་བརྡུངས་ནས་ཆང་བཟང་རང་ནུབ་ཙམ་ལ་ཞག་གཅིག་སྤངས་ནས་བཙན་དུག་ཆང་དང་བཅས་ལེགས་པར་བཏགས།  ཨ་རུ་ཞོ་དྲུག་གསུངས་ཀྱང་ཞོ་བརྒྱད་ཀྱི་ཕྱེ་མ་གཉིས་བསྲེས་ལ་རྒྱ་སྣག་གི་མདོག་མ་ཐོན་གྱི་བར་དུ་འདམ་བཏགས་བྱ།  གར་སླ་ཞོ་ཟན་ཙམ་དུ་སོང་ཚེ་ཆུ་བྲེ་དོ་རུ་གདུས་ནས་བྲེ་གང་བར་དུ་བསྐོལ།  དེ་ནས་མཁྲིས་ཤས་ཆེ་ན་མཛོ་མོ།  གྲང་ཤས་ཆེ་ན་འབྲི་འོ་བྲེ་དོ་བླུགས།  དེ་ཉིད་བྲེ་གང་དུ་གདུས་ཚེ་ཞུན་མར་བྲེ་གང་བཏབ།  ཆུ་ཆོད་ཚེ་སྙིགས་མ་དོར་ནས་དྭངས་མའི་ནང་དུ་བཟང་དྲུག་ཨ་གར་ནག་པོ་སོགས་ཀྱི་ཕྱེ་མ་ཁ་ཚར་བཏབ།  ཐོ་རངས་དུས་སུ་ཨ་རུ་ར་ཙམ་བཟའ་ཞིང་།  །སྦྲིད་ན་དེ་ལས་ཆ་ཅུང་ཟད་རེ་ཕྲིའོ།    །  ༼༒༽ ཁྲག་རླུང་སྟོད་འཚང་གི་བཅོས་ཚུལ་ངོ་མཚར་སྲོག་སྟེར་སྐབས་སུ།  དྲང་སྲོང་ཨར་བརྒྱད་སྟེང་བསྣན་རྒྱུའི་གཟེར་སྨན་མིང་ཅན་སེར་པོར་གྲགས་པ་དེའོ།  ། ༈ ཨ་གར་སོ་ལྔའི་སྐབས།  ཨ་གར་རིགས་གསུམ་ནི།  ཨ་གར་ནག་པོ་འཇང་སོགས་ནས་ཡོང་བ།  ལྷོ་མོན་ཕྱོགས་ནས་འོང་བའི་ཨར་སྐྱ་དང་།  དེའི་མཆོག་འབའ་ཞིག་ཏེ་གཉིས་ཀ་དཀར་སོབ་ཅན།  སྟོད་ནས་ཡོང་བའི་ཨ་གར་སེར་པོའམ་གོ་སྙོད་མར་གྲགས་པ་སྟེ།  དེ་ཡང་།  ཨར་ནག༠་༤༠  གོ་སྙོད་མ༠་༢༠  ཨར་སྐྱ༠ ༤༠  ཛཱ་ཏི༠ ༡༠  ལི་ཤི༠ ༡༠  ཅུ་གང་༠ ༥༠ གུ རྒུམ༠ ༢༠  སུག་སྨེལ༠ ༣༠  ཀ་ཀོ་ལ༠ ༣༠  སྟེ་བཟང་པོ་དྲུག  ཨ༠ ༢༠  བར༠ ༣༠  སྐྱུར༠ ༤༠  སྟེ་འབྲས་བུ་གསུམ།  ཙན་དན་དཀར་པོ༠ ༢༠  དམར་པོ༠ ༤༠  སྟེ་ཙནྡན་གཉིས།  མ་ནུ༠ ༦༠  སླེ་ཏྲེས༠ ༡༠  ཀཎྜ་ཀ་རི༠་༣༠  བ་ཤ་ཀ༠་༢༠  ཏིགྟ༠་༢༠  གུ་གུལ་དཀར་པོ་སྤོས་དཀར༠ ༣༠  གུལ་ནག༠ ༣༠  གླ་རྩི༠ ༡༠  ཀོ་བྱི༠ ༣༠  ཤ་ཆེན༠ ༡༠  འཛིམ་པ༠ ༥༠  ཚེར་སྔོ ན༠ ༤༠  སྙིང་ཞོ༠་༣༠  གེ་སར༠ ༢༠  རུ་རྟ༠ ༢༠  ཧོང་ལེན༠ ༢༠  ཨ་བྱག་གུརྒུམ༠ ༤༠  ཨ་བྱག་གཟེར་འཇོམས་སམ་མིང་ཅན་སེར་པོ༠་༤༥  མིང་ཅན་གཅིག་ནག་པོ༠ ༤༠  སེ་འབྲུ༠ ༢༠  སྲོ་ལོ༠ ༣༠  བཅས་སོ།  ། ༈ མ་ཎི་བདུན་པ་ནི་ནོར་བུ་བདུན་ཐང་སྟེ་གསང་སྨན་ཀོ་བྱི་ལ་ཡིན།  བདུད་རྩི་སྙམ་ལྡན་ནི་སྐྱུ་རུ་ར།  །གེ་སར་ཉེར་ལྔའི་མིང་ཅན་རྣམ་གཉིས་ནི།  མིང་ཅན་ནག་པོ་དང་སེར་པོའོ།  ། ༈ ཨ་བྱག་གསུམ་པའི་གསང་སྨན་ཀོ་བྱི་སྤུ་ལྡན།  ༈  རྡོ་རྗེ་རབ་འཇོམས་སྐབས།  རུས་ཞུན་ཁཎྜ་རྒྱུ་ནི།  རབ་བྱང་འབྲོང་།  འབྲིང་ཡུལ་འབྲོང་།  ཐ་མ་རུས་རྙིང་དྲོད་ཅན་གང་འབྱོར་རོ།  །འཁྲུལ་འཁོར་གྱིས་བཅོས་བ་འདི་ཉམས་ཡིག་སོགས་ལས་བྱུང་ངོ་། ། ༈  ཁཎྜ་བཟོ་ཐབས་ཀྱི་ལག་ལེན་ཞིབ་པ་ནི།  རུ་རྟའི་རྩ་ལོའི་མཚམས་སུ་ཡོད་པའི་སིལ་ཞེས་པ་སྤོས་སྦྱོར་དུ་འགྲོ་བ་དེ་ཡི་གཙོས་པའི་ཤུག་པ་དང་།  ཐང་མ་སོགས་ནགས་མིའི་རིགས་ཀྱི་ཤེལ་ཏ་སྟེ་ཐང་ཆུ་གང་འབྱོར།  རུས་སྣ་ཡོངས་རྫོགས་ཀྱི་ཁུ་བ་སོ་སོར་བཞུར་ནས་ཆ་མཉམ་གྱི་ཁཎྜར་བཟོ།  ཞོ་གར་ཙམ་དུ་སོང་དུས་བླངས།  དེ་ནས་ཇ་ཤོག་ལྟ་བུར་བཅུག  །དགོས་དུས་གཟེར་མིག་དང་འབྲུམ་ཐོར་སོགས་ལ་སྲབ་མཐུག་ཤོག་བུ་ཙམ་པ་ཤོག་མཐུག་ལ་སྦྱར་ནས་མེ་ལ་བསྲོས་ནས་བསླན།  ཚབ་ཆུང་གི་རླུང་གཟེར་སོགས་མྱུར་དུ་འདྲེན།  ༈  ཅར་ཁུག་མཆན་ཁུང་སྟེ།  དེར་སྐར་མ་མ་ཡལ་བའི་ཆུ་མདའ་དང་།  གཟེར་སྟེང་རྨོས་ལྕགས་བྱང་མ་ཆུ་ལ་བཅུག་སྟེ་བསླན།  གཞན་ཡང་མནན་པ་དང་འབེབས་པ་སོགས་ཀྱི་མན་ངག་མང་དུ་ཡོད་ཀྱང་འདིར་དེ་ཙམ་མོ།  ། ༈ དེ་ལྟར་ཁྲག་རླུང་སྟོད་འཚང་གི་ནད་གཞི་ཀུན་ལ།  སྤྱི་སྨན་གེ་སར་ཉེར་ལྔ་དང་།  ཨ་གར་སོ་ལྔ།  ཁྲག་རླུང་སོགས་ཤས་གང་ཆེ་ན་ཨ་གར་སྦྱོར་བ་གཞུང་ནས་འབྱུང་བ་དང་།  ཤིན་ཏུ་གཟེར་ཆེ་ན ་རྒོད་པོ་ར བ་འཇོམས་དང་།  ཨ་བྱག་གསུམ་པ་ཁོང་དུ་བཏང་ཅིང་བདུག  །དེས་ཀྱང་མ་ཚུག་ན་མེ་བུམ་བྱ།  ཤིན་ཏུ་ཁྲག་ཤས་ཆེ་ན་རྩེ་ཆུང་ངམ་ཐོང་རྩ་གཏར་ཏེ།  གཞན་ཡང་སྲོག་རླུང་སྐབས་སུ་ཡོད་པའི་སྦྱོར་སྡེ་ཀོ་བྱི་བདུན་པ་དང་བཅོ་ལྔ།  ཨ་གར་ཉི་ཤུས་ཀྱང་ཕན་ནོ།།  །།    ༼༒༽ རྩ་དཀར་གྱི་བཅོས་ཚུལ་ཕན་བདེའི་ཕྲེང་བའི་སྐབས་སུ།  ནོར་བུ་བསམ་འཕེལ་སྦྱོར་ཚད།  ཅུ༠ ༠༢  གུར༠ ༡༠  ལི༠ ༠༧  ཛཱ༠ ༠༢  སུག༠ ༠༧  ཀོ༠ ༣༢  ཙནྡན་དཀར༠ ༠༦  དམར་༠ ༠༤  ཨར་ནག༠ ༠༦  གི་ཝཾ༠ ༡༠  གླ་རྩི༠ ༠༦  ཉ་ཕྱིས༠ ༢༠  བསྭེ་རུ༠ ༡༡  ཨ༠ ༠༧  བར༠ ༠༧  སྐྱུར༠ ༡༠  སྒ༠ ༠༥  པི༠ ༠༧  ཟི་ར་དཀར༠ ༠༥  ཟི་ར་ནག༠ ༠༧  སྟེ་ཟི་ར་གཉིས།  རྒྱ་ཚྭ༠ ༠༨  སྡིག་སྲིན༠ ༠༧  ཤིང་མངར༠ ༣༠  ཤིང་ཚྭ༠ ༠༥  འབྲི་རྟ་ས་འཛིན༠ ༠༨  ཉི་དགའ་སྟེ་ལྕམ་འབྲས༠་༠༧  རྣམས་སོ།  ། ༈ བསམ་འཕེལ་རཏྣའི་སྦྱོར་བའི་སྐབས་སུ།  གསེར་ཟངས་སོགས་ཐལ་བ་བྱ།  གཡུ་རྙིང་བྱེ་རུ་ཉ་ཕྱིས་རྣམས་དུག་འདོན།  སྦལ་རྒྱབ་དཀར་སྨུག་བཞི་ནི།  དཀར་པོ་འབྲུམ་པ་ཡོད་པ་ཕོ་དང་མེད་པ་མོ།  དེ་བཞིན་ནག་པོ་ལའང་གཉིས་སུ་དབྱེ་བ་ཟུར་མཁར་དང་།  ཀུན་མཁྱེན་བསྟན་པའི་ཉིན་བྱེད་སོགས་ཀྱིས་བཞེད་ཅིང་།  སྦྱར་ཚུལ་གྱི་རིམ་པ་ཞིབ་མོར་རྟོགས་པར་འདོད་ན་རིན་ཆེན་གྱི་སྦྱོར་བ་སྤྱི་དང་བྱེ་བྲག་གི་སྐབས་སུ་ཤེས་པར་བྱ་བ་ལས་འདིར་སྨོས་ཀྱིས་མི་ལོང་ངོ་།  ། ༈ ཁྱུང་ཆེན་ཉེར་གཅིག་གི་སྐབས་སུ།  ཆུ་སེར་སྨན་གསུམ་ནི།  སྤོས་དཀར།  ཐལ་རྡོར།  སོ་རཱ།  ། ༈ གསེར་མདོག་ཉེར་ལྔའི་སྦྱོར་ཚད།  ཨ་རུ༠ ༥༠  ཛཱ༠ ༠༧  སུག༠ ༡༠  ཀོ༠ ༣༠  ཅུ༠ ༡༠  གུར༠ ༠༧  ལི༠ ༠༧  ཉ་ཕྱིས༠ ༢༠  ཚོས༠ ༡༠  བཙོད༠ ༢༠  འབྲི་མོག༠ ༡༠  སྟེ་དམར་པོ་གསུམ།  མཁལ་ཞོ༠ ༢༠  ཨ་འབྲས༠ ༡༠  སྲ་འབྲས༠ ༡༠  འཇམ་འབྲས༠ ༡༠  སྟེ་འབྲས་སྣ་གསུམ།  བསྭེ་རུ༠ ༡༣  ཤིང་ཚྭ༠ ༡༠  ཤུག་ཚེར༠ ༣༠  ཨརྫ་ཀ་ཏེ་ལྕམ་འབྲས༠ ༢༠  རུ་རྟ༠ ༡༠  ཟི་ར་དཀར་པོ༠ ༡༠  བྲག་ཞུན༠ ༡༥  སྡིག་སྲིན༠ ༠༧  ཤིང་མངར༠ ༣༠  རྣམས་སོ།  ། ༈ འབྲས་གསུམ་སྨན་མར་ཚད་ནི།  ཨ་རུ༡ ༠༠  བ་རུ༠ ༥༠  སྐྱུ་རུ༠ ༢༥  ༈  །ལུམས་སྐབས་བདུད་རྩི་རྣམ་ལྔ་ནི།  ཇི་སྐད་དུ།  བ་ལུས་པགས་པ་མཉེན་པར་བྱེད།  །འོམ་བུས་རུས་པའི་དུག་རྣམས་འདོན།  །མཚེ་ཡིས་ལུས་བོང་བརྟས་པར་བྱེད།  །མཁན་སྐྱས་ལུས་ཀྱི་འབྱུང་བ་འདུལ།  །ཤུག་པ་ཡོན་ཏན་བརྒྱད་དང་ལྡན།  །ཞེས་སོ།  །རྩ་བ་ལྔ་ནི།  བ་སྤྲུ་གཟེ་མ་ར་མཉེ་དང་།། ཉེ་ཤིང་ལྕ་བ་རྣམ་པ་ལྔས།  །ཚེ་བསྲིང་ལུས་བརྟས་བཅུད་ལེན་བྱེད།  །ཞེས་སོ།  །གླ་རིལ་ཕོའི་ རིལ་མ་དྲི་ལྡན་དགོས།  འདི་ཡི་ལག་ཏུ་ལེན་ཚུལ་རླངས་ལུམས་ནི་དེ་དག་བཀོལ་ཏེ་རླངས་པའི་ཁར་ཉལ་བ་དང་།  ཆུ་ལུམས་ནི་དེར་ཞུགས་པ་དང་།  བཅིངས་ལུམས་ནི་ཁུག་མ་ལྟ་བུའི་སྣོད་དུ་བླུགས་ནས་ནད་དམིགས་སུ་བཅིངས་པ་སྟེ་ཞིབ་པར་མཐོང་བརྒྱུད་ལས་ཤེས་པར་གཅེས་སོ།  ། ༈ བྱུག་པའི་སྐབས་སུ་དེ་བ་ད་རུ་ནི་རྒྱ་ཤུག་སྣུམ་བག་ཅན།  ༈  རྡོ་སྦྱོར་ལ།  གངས་ཐིག༠ ༣༠  སྦལ་རྒྱབ༠ ༢༠  མདུང་རྩེ༠ ༢༠  བྱིའུ་མགོ༠ ༢༠  ཁབ་ལེན༠ ༢༠  རྡོ་རྒྱུས་བྱ་བལ་མ༠ ༢༠  མཐིང་རྒྱུས༠ ༢༠  སྟེ་རྡོ་རྒྱུས་གཉིས་དང་།  བ་ནུ༠ ༢༠  ཁ་ཚར་ཆུ་སེར་སྨན་གསུམ༠ ༡༠  རེ།  རུ་རྟ༠ ༡༠  ཛཱ་ཏི༠ ༡༠  ལི་ཤི་ཞོ་གང་རྣམས་སྦྱར་རོ།  ། ༈ མེ་དམིགས་ལ།  ཕྱི་མཆན་གཉེར་རིངས་སུ་བཏབ་པ་སྟོད་ཀྱི་ལག་པ་བཤལ་བ་ལ་ཕན།  ཕྱི་ལོང་ནས་ཡར་ལ་ཚོན་གང་བཅལ་བར་བཏབ་ནས་པུས་མོ་མན་ཆད་སྦྲིད་པ་ལ་ཕན།  ཐུར་དུ་དེ་བཞིན་རྐང་ནད་རིགས་ཕལ་ཆེར་ལ་ཕན་ཚུལ་སོགས་མཆིས་རུང་།  འོན་ཀྱང་རྩ་དཀར་གྱི་དམིགས་ནི་གཞུང་ལས་མ་ཚོར་མ་འཐུས་པ་ཆེར་མེད་དོ།  ། ༈ ནད་དམིགས་གང་ཡོད་ཕལ་ཆེར་གྱིས་འབྲོས་འདེད་ཚུལ་དུ་བསྲེགས་ན་ལེགས་པར་བཞེད་པ་ཡང་ཡོད།  ། ༈ སྔགས་བཅོས་སྐབས་མདའ་འཕང་གོ་ལྡོག་ཞེས།  ཕོའི་འཕང་།  མོའི་མདའ་མནན།  ༈  རྩ་སྦྱོངས་སྐབས།  དངུལ་ཆུ།  མུ་ཟི།  བྱང་བ།  རྒྱ་ཚྭ་བཞི་ཆ་མཉམ།  གཞན་རྣམས་ཕྱེད་ཆ་རེ།  དུར་བྱིད་ཉུང་ངུ་ལས་མི་བཏང་།  ཤིང་མངར་དང་ཉ་ཕྱིས་ཅུང་ཟད་བསྐྱེད།  ལག་ཏུ་ལེན་ཚུལ་ནི།  ཀུན་མཁྱེན་བསྟན་པའི་ཉིན་བྱེད་ཀྱི་ཕྱག་བཞེས་ལྟར་ན།  ཐོག་མར་རྩ་ཁུ་བྱུག་འཁྲུལ་མེད་དེ་ཀོ་ཋའི་ཐང་ཞག་གསུམ་བཏང་།  དེ་ནས་གཟའ་སྐར་ལེགས་ཉིན་གཡེར་མ་དང་ཉི་དགའི་འདབ་ཚོད་ཚྭ་ཅུང་ཟད་ཡོད་པ་ཕོར་ཆུང་གང་ཙམ་བཏང་།  ཉི་ནུབ་ནོར་ཕྱུག་གང་བྱུང་གི་སེ་ར་རུས་དང་།  དེ་ཡི་རུས་པ་གོང་འོག་གོང་མོ་སྲེ་ལོང་ལྕམ་པ་བཅས་གདུས་ཐང་ཚྭ་ཅུང་ཟད་ལྡན་པ་བཏང་།  མུན་རུག་སྣ་སེལ་གྱི་ཐང་བཏང་།  དེ་ཡི་ནམ་གུང་སྨན་རིལ་བུ་བདུན་དགུ་བཅུ་བདུན་སོགས་ནད་སྟོབས་དང་སྦྱར་ལ་བཏང་།  སྔས་མཐོར་བྱས་ནས་གཉིད་ལོག  །ལྟོ་བ་སྙི་ན་ནམ་ལངས་དང་།  སྲ་ན་ཉི་ཤར་ཐེབས།  དེ་དུས་རྒྱུ་ཞབས་སོགས་ཟུག་ཆེ་ན་རྡེའུ་ཆང་བྲན་བསྲོས་པས་བདུག་འགྱིངས་ན་རྒྱམ་ཚྭ་བོང་དཀར་གྱི་ཐང་བཏང་།  བྱང་བའི་དུག་ཆེ་ན་ཐང་ཕྲམ་ནག་པོའི་འབྲུ་བཞི་ཙམ་དང་།  ཤིང་མངར་མཐེབ་ཙམ་གྱི་ཐང་བཏང་།  ཐེབས་ན་རྒྱབ་སྐྱོར་རིལ་བུ་མང་ཉུང་ལུས་ཟུང་དང་ནད་སྟོབས་ལ་དཔགས་ཏེ་བཏང་།  རྩ་བཤལ་ལ་ལྕགས་ཁོ་ན་གཙོ་ཆེ་བས།  སྲེ་ལོང་ཐང་དང་ཇ་ཆུ་སོགས་སྐབས་བསྟུན་སྤེལ།  རྗེས་སུ་ཐུག་པ་སྣུམ་ལྡན་ཕོར་གང་ཙམ་བཏུང་།  གཞན་ཡང་བྱང་བའི་དུག་འདོན་སྐོར་བར་གཤོག་མི་དབྱུངས།  ཤིང་མངར་པི་ལིང་ནས་ཙམ་དེ་ཆང་དྲི་ཆུ་དཀར་ཡོལ་གང་གི་ནང་དུ་ཞག་གཅིག་སྦངས་རྗེས་ཡོས་ཚན་དུ་གདུལ།  ། ༈ དེ་ལྟར་རྩ་དཀར་བཅོས་ཚུལ་མདོར་བསྡུ་ན།  སྤྱི་སྨན་བསམ་འཕེལ་ནོར་བུ་དང་།  བསམ་འཕེལ་རཏྣ།  བྱ་ཁྱུང་བཅུ་གསུམ་རྣམས་ཤིན་ཏུ་ཟབ།  བྱེ་བྲག་མགོར་བབས་ཁྱུང་ཆེན་ཉེར་ལྔ།  ཡན་ལག་ལ་ད་ལིས་བཅོ་བརྒྱད།  མཁལ་བབ་གསེར་མདོག་ཉེར་ལྔ།  ཁྲག་རླུང་དང་སྟོད་འཚངས་ན་ཨ་གར་ཉི་ཤུ་རྣམས་ཟབ་ཅིང་གཞན་རྣམས་སྐབས་དང་བསྟུན།  དཔྱད་དུ་ལུམས་དང་མེ་བཙའ་གཉིས་ཀྱིས་ཕན་ཆེ།  རེངས་འཁུམ་ཆེ་ན་རྡོ་སྦྱོར་གྱི་བྱུགས་པ་འདི་མཆོག་ཏུ་བཤད།  མེ་བཙའ་བསྲེག་དུས་ཅུང་མ་བསྔས་ན་བཟང་ཞེས་གསུངས།  ཁྲག་ཤས་ཆེ་ན་མགོ་བོར་ལྟག་རལ་དང་།  ལག་པར་དྲུག་མགོ  །རྐང་པར་བྱིན་གཞུག་རྣམས་རླངས་ཐོན་ཙམ་གཏར་རོ།།  །།    ༼༒༽    འབྱུང་གདོན་གྱི་བཅོས་ཚུལ་རྡོ་རྗེའི་ཟེག་མའི་སྐབས་སུ།  རྫས་སྦྱོར་ཁྲག་སྣ་གསུམ་ནི།  མི་ཁྱི་ར་གསུམ་ཁྲག  །ཤ་གསུམ་ནི་འཕར་སྤྱང་གླག་གསུམ།  རྭ་གཉིས་ནི་གཡག་རྒོད་དང་རྩོད་རུ་བཅས་སོ།  ། ༈ འཁོར་ལོའི་རྫས་རྡོ་རྗེ་གསུམ་ནི།  ཐལ་དཀར་རྡོ་རྗེ།  ཀླུ་བདུད་རྡོ་རྗེ།  ཡུངས་ཀར་གསུམ་དུ་བཞེད།  འགའ་ཞིག་གི་ཡུངས་ཀར་ཚབ་ཏུ་གཟའ་བདུད་རྡོ་རྗེར་བཞེད་པ་ཡང་ཡོད།  འདི་ཨོ་རྒྱན་རིན་པོ་ཆེའི་སྨན་དཔྱད་ལས་བྱུང་།  ། ༈ བདུག་པའི་སྐབས་སུ།  བྱཱ་ཀྲཱྀ་ནི་ཀཎྜ་ཀ་རི།  ཡང་བྱི་ཀུ་ནི་སྒོག་པ།  མུ་ཟི་ཀཱ་ལ་ནི་ནག་པོ།  ལྷོག་དུག་ལྡུམ་སྟག་ཤའོ།  །དྲི་ལྡན་གཉིས་ནི་ཤིང་ཀུན་གུལ་ནག་གོ  །རྫས་ཆེན་བཅོ་བརྒྱད་ལ་བྲུན་གཉིས་ནི།  སྤྱང་བྲུན་ཁྱི་བྲུན་གཉིས།  གཞོབ་གཉིས་ནི་རྟ་རྨིག་དང་རྭ་གཞོབ་བོ།  །ནག་པོ་གསུམ་ནི་མུ་ཟི་ནག་པོ།  གུལ་ནག  །མཚུར་ནག  ༈  མཆོག་ཏུ་ཟབ་པ་ཁྱུང་ཆེན་སོ་ལྔའི་སྐབས་སུ།  པཉྩ་པཀྵི་ནི་ཁྱུང་ལྔ་སྟེ།  ཚད་གོང་དུ་བཤད་པ་ལྟར་མཉམ་སྦྱོར་ཁྱུང་རྒོད་དྲག་པོ་སྟེ་སྲོག་རླུང་གི་སྐབས་སུ་ཡོད།  དང་།  བཟང་པོ་དྲུག་ནི་གཞན་རྣམས༠ ༡༠རེ།  ལི་ཤི༠ ༢༠  ནཱ་ག་གེ་སར༠ ༡༥  ཁ་རུ་ཚྭ༠ ༡༠  ཨར་ནག༠ ༡༥  ཡུངས་ཀར༠ ༡༠  ཟི་ར་དཀར༠ ༡༠  ནག༠ ༢༠  ཤ་ནི་སྦལ་ནག་སྦྲུལ་པུ་ཤུད་རྣམས་ཀྱི་ཤ༠ ༡༠  ཡུག་སའི་མངལ་ཁྲག  །ནུས་ལྡན་གྱི་སྲིན་ལག་ཁྲག  །ཁྱི་ནག་སྙི ང་དཀར་གྱི་ཁྲག་བཅས༠ ༠༥  དཔའ་བོ་གཡུལ་དུ་ཤི་བའི་སྙིང་།  རྨ་བྱའི་སྙིང་།  སྤྲེའུའི་སྙིང་བཅས༠ ༡༠རེ།  དྲི་ལྡན་མུ་ཟི་ནག་པོ༠ ༢༠  ལྡོང་རོས༠ ༢༠  ནུས་ལྡན་རྣམ་སྣང་༠ ༡༠  དམར་པོ་གསུམ་ནི།  རྒྱ་སྐྱེགས༠ ༡༠  མཁན་དམར་རྩ་བ༠ ༡༠  བཙན་འདིས་དོད་རྣམས་སུ་མེ་ཏོག་དམར་པོ་འབྱུང་ཞིང་བཅད་ཁ་ནས་ཁྲག་འབབས་པ་ཞིག་ཡོད།  དུག་དམར་པོ༠ ༡༠ བཅས་སོ།  །གསང་སྨན་ཁ་བསྒྱུར་ཐ་དད་ནི།  རྒྱལ་གདོན་ལ་གུ་གུལ་ནག་པོ་བཙན་ལ་ཤུ་དག་ནག་པོ།  གཟའ་ལ་ཙིཏྟ་གཉིས་ཁྲའམ་པུ་ཤུད་དང་པྲི་ཡང་ཀུ་བཅས།  སྤྱི་ལ་མིང་ཅན་ནག་པོ་༡ ༠༠  དང་ཡུག་སའི་དོར་རྟའི་གཞོབ་སྐྱེ་བདུན་ཤ་རྣམས་ཅུང་ཟད་བཏང་།  དང་པོ་ཁྱུང་ལྔ་སྦྱོར་ཚུལ་བཞིན་དུ་འདམ་བཏགས་བྱས།  དེ་སྟེང་གཞན་རྣམས་གདབ་ཏེ་རིལ་བུར་དྲིལ།  མངལ་ཁྲག་དང་གྲི་ཁྲག་གང་བྱུང་གིས་གོས་གསོལ།  རླུང་མི་འཆོར་བའི་པར་བུར་བཅངས།  ཕྱི་ནས་ཚིལ་ཆེན་སྦྱར་ལ་བྱུག་ཅིང་བདུག  །ཁོང་དུ་དྲི་ཆུས་ཕུལ།  ཡང་ན་གོང་གི་དམིགས་གསལ་གྱི་གསང་སྨན་ཁ་བསྒྱུར་རྣམས་ཀྱི་ཐང་གིས་ཕུལ་ཀྱང་རུང་ངོ་།  །ཤིན་ཏུ་ཟབ་བོ།  །ཨྠིྀ།  ༈  ཁུས་འདེབས་སྨན་མར་དུ།  ཚ་བ་གསུམ་ནི་སྒ་པི་ཕོ་གསུམ།  གཅིན་དྲུག་ནི།  བ་གླང་རྟ་བོང་ར་ལུག་གི་འོ།  །བདུག་པར་རྨ་བྱའི་ཁྲག་ཞེས་ཟེར་བ་དེ་མ་རྙེད་ན་ཤའམ་སྒྲོ་གང་བྱུང་གི་ཆོག  །ཚིལ་གཉིས་ནི་སྟག་དང་གྲི་ཚིལ་ལོ།  ། ༈ ཟ་ཡིག་སྐབས་སུ།  ཐ་དད་རྫས་ཀྱི་ཞེས།  རྒྱུན་དུ་བསྲུང་བཟློག་དང་ཚེ་བསྲིངས་སོགས་ལ་བདུད་རྩི་ཆོས་སྨན།  གཞན་དུ་གཟའ་ལ་སྤོས་དཀར།  ལ་ཆ།  རྒྱལ་པོ་ལ་གུལ་ནག  །ཀླུ་ལ་གླ་ནག་གི་རྩི།  བཙན་ལ་ཤུ་དག་ནག་པོ།  གཉན་ལ་ཁྱུང་ལྔ།  དུག་ལ་རྨ་བྱའི་མདོངས་ཐིག  །ཡམས་ལ་སྤྲུ་ནག་སོགས་བྱུག  །མ་འཛོམ་ཡང་ཆོག་པར་གསུངས།  ཡེ་ཤེས་སེམས་དཔའ་གུ་རུ་ཞི་དྲག་སྐབས་སུ་གང་བབ་བཞིན་སྒོམ་ལ་སྤྱན་དྲངས་ཅིང་བསྟིམས་སམ།  དེའི་བསྙེན་པ་དང་རང་བསྔགས་བརྒྱ་རྩས་རབ་གནས་བྱའོ།  །དུས་ནི་སྲུང་བ་ལ་ཉི་ཤར།  གཞན་སྲོད་དོ།  །ཟ་དུས་ཚེ་བསྙེན་ནམ་སྙིང་པོ་བཟླས།  ། ༈ གཞན་ཀུན་ལ་ལྷ་བསྐྱེད་སྔགས་བཟླས་ཞེས།  རྒྱལ་འགོང་ལ་གུ་རུ་དྲག་པོ།  བཙན་ལ་རྟ་མགྲིན།  གྲེ་བོར་ཡཀྴ་མེ་དབལ་སོགས་རང་རང་གི་གཉེན་པོའོ།  ། ༈ གདོན་བཤལ་དྲག་པོའི་སྐབས་སུ་ཁྲག་སྣ་ལྔ་ནི།  གྲི་མངལ་རྟ་ཁྱི་ཕག་ནག་རྣམས་ཀྱི་ཁྲག་གོ  །གཞོབ་ལྔ་ནི་གཡག་རྒོད་རྭ།  རྟ་གསེབ་རྨིག་པ།  ར་ལུག་གླང་ཐུག་གསུམ།  ཡུག་སའི་དོར་རྟའི་གཞོབ་བོ།  །རྨོང་ཁའི་སྦྲེ་གསུམ་ནི།  ར་ལུག་གླང་ཐུག་གིའོ།  །རབ་གནས་སྔགས་ནི་ཡི་དམ་གང་ཤེས་ཀྱི་སྒོམ་བཟླས་ལས་སྦྱོར་བཅས་པ་བྱ།  ། ༈ བརྗེད་བྱེད་སྐབས།  ཙིཏྟ་རྣམ་གཉིས་ནི་ཁྲའམ་པུ་ཤུད་ཀྱི་སྙིང་སྐམ་པོ་དང་།  གསང་སྨན་མཆོག་ནི་ཏི་ཏིའི་སྒོང་ང་།  ། ༈  འགོ་གྲིབ་གསོ་སྐབས།  གསང་སྨན་ནི་ཆུ་ཤེལ་འཁྲུལ་མེད་ཉིད་ཡིན།  སྤོས་གཉིས་ནི་སྔོ་རྒྱ་སྤོས་དང་སྤང་སྤོས་གཉིས་ཀྱི་རྩ་བ།  ། ༈ བྱད་སྲུང་སྐབས།  སྔགས་ཀྱི་ངར་བཏགས་ཞེས་པ་སེང་གདོང་མའི་རྩ་སྔགས་འབྲུ་བཅུ་བཞི་པ་བཟླས།  ཁྱད་པར་གྲི་ལྕགས་གི་སོར་གདུབ་ལོ་ཟླ་ཟད་དུས་ཉེར་དགུའི་ཉིན་པར་བརྡུངས།  དེ་ལ་གྲི་ཁྲག  །བོང་ང་ནག་པོ་གྲི་སྙིང་།  ཤུ་དག  །གཙང་མའི་མངལ་ཁྲག  །གུ་གུལ་ནག་པོ་རྣམས་ཀྱི་ཁུ་བར་ཡང་བཟློག་གི་སྔགས་བཏབ་པས་ངར་ལན་གསུམ་བླུད།  དེ་ནས་ལྷ་སྔགས་ཀྱི་ཏིང་ངེ་འཛིན་དང་ལྡན་པས་སྲིན་ཕོ་གཡས་མོ་གཡོན་ལག་ཏུ་བཅིངས།  ལོ་དུས་སུ་རབ་གནས་བསྐྱར།  བྱད་སྟེམས་སོགས་ལ་ཉམ་ང་མེད་པའི་གདེང་དང་ལྡན་པར་བྱ།  ཤིན་ཏུ་གལ་ཆེ་ན་ནང་རེ་བཞིན་སྔགས་ཀྱི་ངར་བཏགས།  མཆོག་ཏུ་ཟབ།  ཨྠིྀ།  ། ༈ མིར་ཁའི་སྐབས།  གཏི་མུག་འཁོར་ལོ་ནི་ཕག་གི་སྣ།  དེའི་བདུད་རྩི་ནི་བྲུན།  ཝ་ར་སྐད་ཆེན་ནི་བོང་བུའོ།  །དེ་སྟེང་མུ་ཟི་ནག་པོ་ཐུན་གཅིག་བསྣན་ཏེ་སྣ་ནས་བླུག་གོ  །ཡང་བྷ་ཏྲི་ཞེས་པའི་སྲིན་བུ་ཀླད་དཀྱིལ་ནས་མགུལ་བས་བརྒྱལ་བ་ལ་གཤའ་དཀར་གྱི་དྭངས་མའམ་འབྲས་གསུམ་གང་རུང་གི་ཕྱེ་མ་བོང་བུའི་ཆུ་ཡིས་སྣ་ནས་བཏང་ན་ཕན་ཚུལ་འདུག  ༈  །འབྱུང་གདོན་གྱི་སྨན་བཅོས་སྐོར་ལ།  ཕྱི་ནས་བྱུག་བདུག་ནི་རྫས་ཆེན་བཅོ་བརྒྱད་དང་།  ཁོང་སྨན་ཁྱུང་ཆེན་མང་སྦྱོར་གཉིས་ཤིན་ཏུ་ཟབ།  རླུང་ཤས་ཆེ་ན་ཨ་གར་སྦྱོར་བ་དང་།  གྲིབ་གདོན་རྩ་དཀར་ཤས་ཆེ་ན་བསམ་འཕེལ་རཏྣ་ཟབ།  ། ༈ བྱུག་བདུག་གི་རྫས་ངན་འགྲོ་རིགས་ལ།  ཤུག་པ།  རྡོ་དྲེག་དམར་པོ།  མཁན་སྐྱ་བཅས་བསྲེས་ན་ལྷ་སྲུང་ལ་མི་ཕོག་པར་བཞེད་དོ།  །གཞན་ཡང་དྲང་སྲོང་གི་ནད་ལ་ཐོག་མར་སྤོས་དཀར་གྱི་ཐང་བཏང་བས་བཙོན་དུ་འཛིན།  དེ་རྗེས་བསམ་འཕེལ་ནོར་བུའི་སྟེང་ཙིཏྟ་གཉིས་དང་ཁྲག་བཅས་བསྣན་པ་བཏང་།  ཀླུ་གདོན་ལ་ཕྱག་རྡོར་རིལ་བུ་ཚད་ལྡན་སྦྱར་བ་དེ་ཤིན་ཏུ་ཟབ་བོ།  །འོན་ཀྱང་དེ་དག་གི་བཅོས་ཚུལ་སོགས་ནི་འོལ་སྤྱི་ཙམ་ཏེ་ཞིབ་པར་གཞན་དུ་ཤེས་པར་བྱ་བ་ལས་འདིར་སྨོས་པའི་སྐབས་སུ་མ་བབ་བོ།  །དེ་ལྟར་ཟབ་མོའི་མན་ངག་ཨུཏྤ་ལ།  སྔོན་བྱོན་མཁྱེན་སྤྱོད་ཉི་གཞོན་དཔྱིད་དཔལ་གྱིས།  །རྣམ་པར་ཕྱེ་བ་གང་དེར་ལེགས་བཏུས་ཏེ།  །དཔྱོད་ལྡན་སྙིང་གི་ཐིག་ལེར་སླར་ཡང་སྤེལ།  །འོན་ཀྱང་བདག་འདྲ་གྲགས་པའི་ཡོན་ཏན་གྱིས།  །རྣམ་པར་མ་བསྲུང་བློ་གྲོས་ན་ཚོད་བཟུང་།  །ཆེས་ཆེར་ཕྲ་བས་འདི་ལྟར་སྨྲ་བྱེད་པར།  །ཆུ་སྐྱེས་ཚོགས་ཀྱང་ཁྲེལ་བས་འཛུམ་པ་བཞིན།  །དེ་ལྟ་ནའང་ལུང་རྟོགས་སྤྱན་ལྡན་གྱིས།  །བཀའ་སྩལ་རྣ་བའི་རྒྱན་དུ་དཔྱངས་པ་ལས།  །མ་བཟོད་སྨྲ་བ་གང་དེར་ཉེས་པའི་ཚོགས།  །བཤགས་སོ་དགེ་བས་འགྲོ་ཀུན་སྨན་གྱུར་ཅིག  །ཞེས་སྲོག་རླུང་གི་བཅོས་ཚུལ་སོགས་ལེ་ཚན་བཞི་ཡི་མན་ངག་ཕྱོགས་གཅིག་ཏུ་བསྡེབས་པ་འདི་ཡང་རྨོངས་པ་ཀུན་གྱི་གྲལ་མཐར་སོན་པའི་བན་སྤྲང་འཇིགས་མེད་མཁྱེན་བརྩེའི་མྱུ་གུས་སྦྱར་བ་ཛ་ཡནྟུ།།  ། ༈ །}}
</onlyinclude>
</onlyinclude>
{{TsagliCall}}
{{TsagliCall}}

Latest revision as of 17:05, 1 June 2024

Previous Text Back to Volume PageNext Text
Wylie title srog rlung gi bcos tshul sogs kyi man ngag gud du sbas pa JKW-KABUM-17-TSA-002.pdf
Location mkhyen brtse'i bka' 'bum
Volume 17, sde tshan 2, Text 5, Pages 192-211 (Folios 23b4 to 33a2)
Author འཇམ་དབྱངས་མཁྱེན་བརྩེའི་དབང་པོ་
Less details More details
Citation 'jam dbyangs mkhyen brtse'i dbang po. srog rlung gi bcos tshul sogs kyi man ngag gud du sbas pa. In 'jam dbyangs mkhyen brtse'i dbang po'i bka' 'bum, Vol. 17: 192-211. Khams sde dge rdzong sar dgon: Rdzong sar blo gros phun tshogs, 2020.
Genre Medicine Texts - gso ba rig pa
Colophon

།ཞེས་སྲོག་རླུང་གི་བཅོས་ཚུལ་སོགས་ལེ་ཚན་བཞི་ཡི་མན་ངག་ཕྱོགས་གཅིག་ཏུ་བསྡེབས་པ་འདི་ཡང་རྨོངས་པ་ཀུན་གྱི་གྲལ་མཐར་སོན་པའི་བན་སྤྲང་འཇིགས་མེད་མཁྱེན་བརྩེའི་མྱུ་གུས་སྦྱར་བ་ཛ་ཡནྟུ།།

zhes srog rlung gi bcos tshul sogs le tshan bzhi yi man ngag phyogs gcig tu bsdebs pa 'di yang rmongs pa kun gyi gral mthar son pa'i ban sprang 'jigs med mkhyen brtse'i myu gus sbyar ba dza yan+tu

1 Texts in this Section (sde tshan or chos tshan)

5
192-211
སྲོག་རླུང་གི་བཅོས་ཚུལ་སོགས་ཀྱི་མན་ངག་གུད་དུ་སྦས་པ།
 srog rlung gi bcos tshul sogs kyi man ngag gud du sbas pa
Medicine Texts - gso ba rig pa
 Text page
View PDF
འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
[edit]
སྲོག་རླུང་གི་བཅོས་ཚུལ་སོགས་ཀྱི་མན་ངག་གུད་དུ་སྦས་པ་བཞུགས་སོ། །ན་མོ་གུ་རུ་བྷྱཿ རྣམ་བཅས་གཟུངས་འཛིན་འཁྲུལ་པའི་འཁོར་ལོ་ཀུན། །རྣམ་པ་ཀུན་བྲལ་འཇོ་སྒེག་གིས་འཁྱུད་པས། །རྣམ་ཀུན་མཆོག་ལྡན་བདེ་སྟོང་མཚན་དཔེའི་ཞལ། །རྣམ་འདྲེན་འཁོར་ལོའི་མགོན་པོ་སྙིང་དབུས་རོལ། །ཟབ་ཅིང་ཉེ་བར་སྦས་པའི་དོན། །ཀུན་ལ་གསང་བར་རྒྱས་བཏབ་པ། །དེང་འདིར་མདོ་ཙམ་རབ་དབྱེ་ཡིས། །དཔྱོད་ལྡན་སྙིང་གི་ཐིག་ལེར་ཟུང་། ། ༈ དེ་ལ་ཐོག་མར་སྲོག་རླུང་གི་བཅོས་ཐབས་ཕན་བདེའི་དོ་ཤལ་སྐབས་སུ། ཐང ་སྦྱོར་ལས། རུས་བཅུད་གསུམ་ནི། སོག་ཁ། གཞུག་ཆུང་། སྲེ་ལོང་ངོ་། །སྨན་སྒ་སུམ་ཐང་གི་གསང་སྨན་ཀོ་བྱི་ལ་དུག་མ་ཕྲལ་བའམ། རི་སྙིང་། ། ༈ སྲོག་འཛིན་བཅུ་གཅིག་པའི་སྦྱོར་ཚད་ཛཱ་ཏི༠ ༤༠ རུ་རྟ༠ ༤༠ ཨ་རུ༠ ༤༠ ཨར་ནག༠ ༥༠ ལི་ཤི༠ ༥༠ ཤ་ཆེན༠ ༥༠ ཤིང་ཀུན༠ ༥༠ སྙིང་ཞོ༠ ༥༠ ཅུ་གང་༠ ༣༠ གེ་སར༠ ༣༠ སྤོས་དཀར༠་༢༠ བཅས་སོ། །ཀོ་བྱི་བདུན་པ་སོགས་ལ་ཀོ་བྱིའི་རྒྱབ་ཀྱི་སྤུ་དེ་བཞར་དགོས། ། ༈ བཱི་མ་མི་ཏྲའི་ལུགས་ཀྱི་སྦྱོར་ཚད་ཛཱ་ཏི༠ ༡༠ ཨ་རུ༠ ༡༠ སྤོས་དཀར༠ ༡༠ ཨར་ནག༠ ༡༠རེ། གཞན་རྣམས་ཐམས་ཅད༠ ༠༥ རེ་སྦྱར། གུ་གུལ་ཉི་ཤུ་པའི་སྦྱོར་སྡེའི་གསང་སྨན་གངས་སྐྱེས་ཀྱི་འཛིམ་པ། ། ༈ སེམས་ཀྱི་བདེ་སྐྱིད་ལ། གོ་ཡུ་སྨུག་འཇང་ཆུང་ངུ་དེ༢ ༠༠ ཨར་ནག༡ ༠༢ ཛཱ་ཏི༠ ༡༠ ལི་ཤི༠ ༨༠ ཤིང་ཀུན༠ ༤༠ རུ་རྟ༠་༧༠ སྙིང་ཞོ༡ ༠༠ སྨན་ཆེན་འབྲི་ཚིལ་ལྟ་བུ༤ ༠༠ སྒ་དམར༠ ༧༠ པི་ལིང་༠ ༦༠ ཕོ་རིལ༠ ༩༠ ཁ་རུ་ཚྭ༠ ༥༠ རྣམས་སྦྱར། ཚབ་ཆེན་ཁྱི་ཕག་མ་གཏོགས་པའི་སྙིང་སྣ་གང་འཛོམ་ཁ་ཚར་ཆ་ཆུང་རེ་བཏབ། །བུར་སྨུག་གམ་གྲིར་ཤིའི་རྐང་མར་གྱིས་རིལ་བུ་དྲིལ་བ་མན་ངག་གོ ༈ །བུར་སྨུག་གི་རིལ་བུར། བི་ཥ་ནི་བོང་ང་སྟེ། སྤྱིར་སྙིང་རླུང་སོགས་རླུང་ནད་ལ་འགྲོ་བའི་བོང་ང་ཐམས་ཅད་བཅག་ཁ་འབྲི་ཚིལ་འདྲ་བ་དེ་དགོས། ལོ་བརྒྱད་ཨེ་ཀྲོ་དྲི་ཆུ། གསང་སྨན་དར་མའི་གྲི་སྙིང་། སྦྱོར་སྡེ་དེ་སྨན་མར་ལ་སྦྱར་ན། དངུལ་ཆུ༠ ༡༠ མུ་ཟི་དུལ་མ༠ ༠༥ འབྲོང་དང་ནེ་ཙོའི་སྙིང་བཅས་འབྲས་གསུམ་སྨན་མར་ལ་བསྲེའོ། ། ༈ ཙིཏྟ་ཉེར་ལྔ། གསང་སྨན་རྒྱལ་མོ་ནི་དཔའ་བོ་གཡུལ་དུ་ཕན་ཚུན་གཉིས་ཀ་གྲིར་ཤི་བའི་སྙིང་སྲོག་རྩ་བཅས་པ་དང་༠ ༦༠ དངུལ་ཆུ༠ ༤༠ ཛཱ་ཏི༠་༤༠ མུ་ཟི༠ ༣༠ བཅས་བསྣན་ཏེ་ལོ་བརྒྱད་དྲི་ཆུ་ཅུང་ཟད་ཀྱིས་རླན་ཕབ་ནས་རྡོ་གཏུན་ཚ་མོར་མཐིང་ནག་ཏུ་མ་སོང་བར་འདུལ། དེ་སྟེང་བཙན་དུག་འབྲི་ཚིལ༠ ༥༠ ཤིང་ཀུན༠ ༣༠ སྙིང་ཞོ༠ ༥༠ རི་སྙིང་༠ ༡༠ ཏེ་ལོའི་སྙིང་༠ ༥༠ གཡག་རྒོད་སྙིང་༠ ༡༠ ཡུངས་ཀར༠ ༤༠ ཤུ་དག༠ ༠༨ གླ་རྩི༠ ༠༣ ཨ་རུ་ར༠ ༥༠ རུ་རྟ༠ ༡༠ སྤོས་དཀར༠་༢༠ སྒང་ཐོགས་པ་ཞེས་འབྲས་བུ་དམར་ཞིབ་སྣུམ་བག་ཅན༠་༢༠ ཨར་ནག༠་༤༠ ཚེར་སྔོན༠ ༣༠ གུལ་ནག༠ ༡༠ ཀོ་བྱི༠ ༢༠ ཁ་རུ་ཚྭ༠ ༤༠ ཡུག་སའི་མངལ་ཁྲག༠ ༠༣ ཙམ། སྔགས་པ་ནུས་ལྡན་དྲི་ཆེན༠ ༡༠ བཅས་བཏབ་ཏེ་འདམ་བཏག་ཡུན་རིང་བྱས་མཐར་གྲི་ཁྲག་གི་ན་བཟའ་གསོལ་ཏེ་སྲོད་དུས་སུ་ཕུལ། ༈ ཁྱུང་སྟེང་གསང་སྨན་ནི་དཔའ་བོ་གཡུལ་དུ་ཤི་བའི་གྲི་སྙིང་། སྦྱོར་ཚད་ཨ་རུ༠ ༤༠ བཙན་དུག༠ ༤༠ ཤུ་དག༠་༠༧ རུ་རྟ༠ ༥༠ གླ་རྩི༠ ༠༣ གྲི་སྙིང་༠ ༨༠ ཛཱ་ཏི༠ ༣༠ ལི་ཤི༠ ༣༠ བཅས་བསྣན། ཡང་ན་ཛཱ་ཏི་ལི་ཤི་ཕྲི་ཏེ། ཤིང་ཀུན༠ ༦༠ ཁ་རུ་ཚྭ༠ ༦༠ བསྣན་ཀྱང་རུང་། ། ༈ སྙིང་ཞོའི་སྨན་མར་ཁ་ཚར་གསང་སྨན་གཉིས་ནི། ཡུག་སའི་མངལ་ཁྲག །ནལ་བུའི་ཤ །བྲེ་སྲང་སོགས་ཀྱི་ཚད་ནི། །སྲང་གཅིག་སྤར་གང་སྲང་གཉིས་འཁྱོར་ཕུལ་གང་དང་དོན་གཅིག བ་གང་། །སྲང་བཞི་སྙིམ་གང་སྲང་བརྒྱད་བྲེ་གང་ངོ་། །ཞེས་བཤད། ། ༈ ཛཱ་ཏིའི་སྨན་མར་ལ། སྣ་མའི་འབྲས་བུ་ཛཱ་ཏི། ། ༈ རྗེས་སུ་སེ་འབྲུ༠ ༡༠ ཤིང་ཚྭ༠ ༡༠ སུ་སྨེལ༠ ༡༠ པི་ལིང་༠ ༣༠ གུརྒུམ༠ ༡༠ དེ་སྟེང་ཛཱ་ཏི༠ ༡༠ ཀ་ཀོ་ལ༠ ༡༠ སྒ་སྐྱ༠ ༤༠ སྦྱར་བའམ། ཡང་ན་གོང་སྟེང་ཛཱ་ཏི༠ ༡༠ ཤིང་ཀུན༠ ༡༠ ཁ་རུ་ཚྭ༠ ༡༠ སྒ༠་༡༠ བསྣན་པ་སྐབས་སྦྱར་བཏང་། ། ༈ སྲོག་འཛིན་བཅུ་གཅིག་གམ། སེམས་ཀྱི་བདེ་སྐྱིད་ལ་བསྣན་རྒྱུའི་གསང་སྨན་རི་བོང་སྙིང་། མེ་གསང་དངོས་བསྟན་དུ་མེད་པའི་རིགས་ཅུང་ཟད་བརྗོད་ན། སྨན་དཔྱད་ཟླ་བའི་རྒྱལ་པོ་ལས་འབྱུང་བ་རྒྱབ་ཀྱི་ཚིག་པ་དྲུག་བདུན་དང་པོ་རྣམས་ལ། ཚབ་ཆེན་ཁ་གསུམ་བསྲེགས་པ་ཞེས་གསུངས། ནུ་མའི་བར་ན་ཁ་གསུམ་དུ་བཏབ་པ་སྙིང་གསང་ཆེན་པོ་སྟེ། སྙིང་འདར་བ་དང་། བཟའ་བཏུང་ཡིད་མི་འོང་བ་ལ་སོགས་ལ། དེ་ནས་ནུབ་ཏུ་ཚོན་གང་སར་བཏབ་པས་གཡས་གཡོན་གྱི་གཟེར་ཟུག་འཇོམས། མཚན་རྐུབ་པར་དུ་བཏབ་ན་དྲན་པ་མྱོས་པ་དང་། རོ་སྟོད་ལྕི་བ་སོགས་ལ་ཕན་ཞེས་སྣང་། ཡང་ཐུར་མ་འཕང་ཡུལ་གྱི་དམིགས་རྒྱུད་ལས། བྱེ་བྲག་སྙིང་ལ་གསང་ས་བཅུ་གཅིག་སྟེ། ཞེས་ནུ་ཏོག་ནས་གཞོལ་བའི་ནུ་མའི་སྟེང་ཚོན་གང་སར་སྙིང་སྲོག་འཛོམ་པའི་གསང་། དེ་བཞིན་དུ་ནུ་རྩེ་ནས་མཆན་ཁུང་ངོས་སུ་གཞལ་བར་སྲོག་རྩ་མྱོས་བྱེད་གསང་། ཐུར་དུ་གཞལ་བར་སྙིང་ཆུ་བཙག་པའི་གསང་། བྲང་ངོས་སུ་གཞལ་བ་སྙིང་ལོག་ཆུ་སེར་དང་རླུང་འཁྱིལ་པའི་གསང་སྟེ། ནུ་མའི་ཕྱོགས་བཞིར་ཕྱིར་མཚོན་གང་ལ་བསྲེག །ཞེས་སྨྲོས་པ་དེའོ། །དེ་ནས་བྲང་ངོས་སུ་ཚོན་དོ་གཞལ་བ་གློ་སྙིང་འདོམས་གསང་། རྒྱབ་ཀྱི་ཚིག་པ་བདུན་པ་ཁ་གསུམ་ཡང་དེ་དང་འདྲ། དྲུག་པའི་ཁ་གསུམ་སྲོག་རྩའི་གསང་སྟེ། བྱ་རོག་མིག་ནས་ཕྱིར་ཚོན་གང་བཅལ་བ་རྩིབས་ བར་གོང་མ་གོ་ཆེན། འོག་མ་གོ་ཆུང་། རྐེ་སྟོང་ཅ་ར་ཁུག་རྣམས་ཏེ་དེ་དག་སྐབས་བབ་དང་བསྟུན་པའི་མེ་བཙའ་གདབ་ཏུ་རུང་ངོ་། ། ༼༒༽དེ་ལྟར་སྲོག་རླུང་གི་བཅོས་ཐབས་སྐོར་མདོར་བསྡུ་ན། ཐོག་མར་ཐང་སྦྱོར་ལན་འགའ་བཏང་རྗེས། དངོས་གཞིའི་སྨན། སེམས་ཀྱི་བདེ་སྐྱིད་དང་། རླུང་གི་མདེ་ཐུང་ལས་བཤད་པའི་ཨར་བརྒྱད་ནུ་ཞོས་རིལ་བུ་དྲིལ་རྒྱུ་ཅན་དེ་དང་། བི་མ་མི་ཏྲའི་ལུགས་འདི་རྣམས་དང་། ཁྱད་པར་ཙིཏྟ་ཉེར་ལྔ་པ་ཚད་ལྡན་སྦྱར་བས་མཆོག་ཏུ་ཕན། གཞན་མའི་སྦྱོར་སྡེ་རྣམས་སྐབས་དང་བསྟུན། ཤིན་ཏུ་གཟེར་ཆེ་ན་འབྲང་རྩེ་ལྷ་སྲས་བེ་བུམ་ལས་འབྱུང་བའི་ཨ་གར་བརྒྱད་པ། ཨ་ག་རུ་དང་ཛཱ་ཏི་སྙིང་ཞོ་ཤ །རུ་རྟ་བསྣན་པས་རླུང་ཁྲག་སྤྱི་ལ་ཕན། །ཨ་བྱག་བསྣན་པའི་ལྔ་པས་གཟེར་ལ་ཕན། །ལི་ཤི་བསྣན་ལི་ཤི་དང་ཤ་ཆེན་ཡིན་པའི་བདུན་པས་རླུང་ལ་ཕན། །རི་བོང་སྙིང་བསྣན་བརྒྱད་པས་སྨྱོ་འབོག་སེལ། །ཞེས་པ་འདི་ལ་ཨ་བྱག་གཟེར་འཇོམས་ཐང་གིས་ཕུལ་བས་འཕྲལ་དུ་ཟུག་གཅོག །དཔྱད་དུ་སྤྱིར་མེ་བཙའ་ཁོ་ན་བསྔགས་ཏེ་ཁྲག་ཤས་ཤིན་ཏུ་ཆེ་ན་སྙིང་རྩའམ། རྩེ་ཆུང་རླངས་ཐོན་ཙམ་གཏར། སྙིང་ཞོ་གདོན་ཤས་ཆེ་ན་ཤ་དང་ཛཱ་རླུང་ཤས་ཆེ་ན་ཏིའི་སྨན་མར་སོགས་སྐབས་དང་སྦྱར་ནས་སྦྱོར། སྙིང་འཁྱོས་ལའང་གོང་གི་སྦྱོར་སྡེ་ནས་འབྱུང་བའི་ཙིཏྟ་ཉེར་ལྔ་པ་དང་། སེམས་ཀྱི་བདེ་སྐྱིད། འབྲང་རྩེའི་ཨར་བརྒྱད་རྣམས་ཀྱིས་ཤིན་ཏུ་ཕན་ནོ། །སྙིང་འཕྱོའི་བཅོས་སྐབས་འབྲས་གསུམ་ནི། ཨ་རུ༠ ༣༠ བ་རུ༠ ༣༠ སྐྱུ་རུ༠ ༤༠ མ་ནུ་བཞི་ནི། མ་ནུ༠ ༣༠ ཀཎྜ་ཀ་རི༠ ༦༠ སླེ་ཏྲེས༠ ༣༠ སྒ་སྐྱ༠ ༡༠ དེ་སྟེང་ཤ་ཆེན༠ ༤༠ ཀོ་བྱི༠ ༣༠ ༈ ཨ་གར་བརྒྱད་པའི་གསང་སྨན་སྙིང་ཞོ་ཤ ། ༈ བཙན་དུག་སྨན་མར་སྦྱར་ཚུལ་ནི། རྒྱུད་ལས། བོང་ང་ཞོ་གཅིག་ཆང་དུ་སྦང་ལ་བཏགས། །ཨ་རུ་དྲུག་འགྱུར་ཕྱེ་མ་ཆུ་ལ་གདུ། །མང་བསྐོལ་བཟང་དྲུག་བུ་རམ་བཏབ་ཏེ་བཏང་། །ཐབས་དང་མི་ལྡན་ཚེ་ཡིས་བར་ཆད་འགྱུར། །ཞེས་གསུངས་པ་ཉིད་ལག་ཏུ་ལེན་ཚུལ། བཙན་དུག་འབྲི་ཚིལ་མ་སྲང་གང་ཁྲམ་ཁྲུམ་དུ་བརྡུངས་ནས་ཆང་བཟང་རང་ནུབ་ཙམ་ལ་ཞག་གཅིག་སྤངས་ནས་བཙན་དུག་ཆང་དང་བཅས་ལེགས་པར་བཏགས། ཨ་རུ་ཞོ་དྲུག་གསུངས་ཀྱང་ཞོ་བརྒྱད་ཀྱི་ཕྱེ་མ་གཉིས་བསྲེས་ལ་རྒྱ་སྣག་གི་མདོག་མ་ཐོན་གྱི་བར་དུ་འདམ་བཏགས་བྱ། གར་སླ་ཞོ་ཟན་ཙམ་དུ་སོང་ཚེ་ཆུ་བྲེ་དོ་རུ་གདུས་ནས་བྲེ་གང་བར་དུ་བསྐོལ། དེ་ནས་མཁྲིས་ཤས་ཆེ་ན་མཛོ་མོ། གྲང་ཤས་ཆེ་ན་འབྲི་འོ་བྲེ་དོ་བླུགས། དེ་ཉིད་བྲེ་གང་དུ་གདུས་ཚེ་ཞུན་མར་བྲེ་གང་བཏབ། ཆུ་ཆོད་ཚེ་སྙིགས་མ་དོར་ནས་དྭངས་མའི་ནང་དུ་བཟང་དྲུག་ཨ་གར་ནག་པོ་སོགས་ཀྱི་ཕྱེ་མ་ཁ་ཚར་བཏབ། ཐོ་རངས་དུས་སུ་ཨ་རུ་ར་ཙམ་བཟའ་ཞིང་། །སྦྲིད་ན་དེ་ལས་ཆ་ཅུང་ཟད་རེ་ཕྲིའོ། ། ༼༒༽ ཁྲག་རླུང་སྟོད་འཚང་གི་བཅོས་ཚུལ་ངོ་མཚར་སྲོག་སྟེར་སྐབས་སུ། དྲང་སྲོང་ཨར་བརྒྱད་སྟེང་བསྣན་རྒྱུའི་གཟེར་སྨན་མིང་ཅན་སེར་པོར་གྲགས་པ་དེའོ། ། ༈ ཨ་གར་སོ་ལྔའི་སྐབས། ཨ་གར་རིགས་གསུམ་ནི། ཨ་གར་ནག་པོ་འཇང་སོགས་ནས་ཡོང་བ། ལྷོ་མོན་ཕྱོགས་ནས་འོང་བའི་ཨར་སྐྱ་དང་། དེའི་མཆོག་འབའ་ཞིག་ཏེ་གཉིས་ཀ་དཀར་སོབ་ཅན། སྟོད་ནས་ཡོང་བའི་ཨ་གར་སེར་པོའམ་གོ་སྙོད་མར་གྲགས་པ་སྟེ། དེ་ཡང་། ཨར་ནག༠་༤༠ གོ་སྙོད་མ༠་༢༠ ཨར་སྐྱ༠ ༤༠ ཛཱ་ཏི༠ ༡༠ ལི་ཤི༠ ༡༠ ཅུ་གང་༠ ༥༠ གུ རྒུམ༠ ༢༠ སུག་སྨེལ༠ ༣༠ ཀ་ཀོ་ལ༠ ༣༠ སྟེ་བཟང་པོ་དྲུག ཨ༠ ༢༠ བར༠ ༣༠ སྐྱུར༠ ༤༠ སྟེ་འབྲས་བུ་གསུམ། ཙན་དན་དཀར་པོ༠ ༢༠ དམར་པོ༠ ༤༠ སྟེ་ཙནྡན་གཉིས། མ་ནུ༠ ༦༠ སླེ་ཏྲེས༠ ༡༠ ཀཎྜ་ཀ་རི༠་༣༠ བ་ཤ་ཀ༠་༢༠ ཏིགྟ༠་༢༠ གུ་གུལ་དཀར་པོ་སྤོས་དཀར༠ ༣༠ གུལ་ནག༠ ༣༠ གླ་རྩི༠ ༡༠ ཀོ་བྱི༠ ༣༠ ཤ་ཆེན༠ ༡༠ འཛིམ་པ༠ ༥༠ ཚེར་སྔོ ན༠ ༤༠ སྙིང་ཞོ༠་༣༠ གེ་སར༠ ༢༠ རུ་རྟ༠ ༢༠ ཧོང་ལེན༠ ༢༠ ཨ་བྱག་གུརྒུམ༠ ༤༠ ཨ་བྱག་གཟེར་འཇོམས་སམ་མིང་ཅན་སེར་པོ༠་༤༥ མིང་ཅན་གཅིག་ནག་པོ༠ ༤༠ སེ་འབྲུ༠ ༢༠ སྲོ་ལོ༠ ༣༠ བཅས་སོ། ། ༈ མ་ཎི་བདུན་པ་ནི་ནོར་བུ་བདུན་ཐང་སྟེ་གསང་སྨན་ཀོ་བྱི་ལ་ཡིན། བདུད་རྩི་སྙམ་ལྡན་ནི་སྐྱུ་རུ་ར། །གེ་སར་ཉེར་ལྔའི་མིང་ཅན་རྣམ་གཉིས་ནི། མིང་ཅན་ནག་པོ་དང་སེར་པོའོ། ། ༈ ཨ་བྱག་གསུམ་པའི་གསང་སྨན་ཀོ་བྱི་སྤུ་ལྡན། ༈ རྡོ་རྗེ་རབ་འཇོམས་སྐབས། རུས་ཞུན་ཁཎྜ་རྒྱུ་ནི། རབ་བྱང་འབྲོང་། འབྲིང་ཡུལ་འབྲོང་། ཐ་མ་རུས་རྙིང་དྲོད་ཅན་གང་འབྱོར་རོ། །འཁྲུལ་འཁོར་གྱིས་བཅོས་བ་འདི་ཉམས་ཡིག་སོགས་ལས་བྱུང་ངོ་། ། ༈ ཁཎྜ་བཟོ་ཐབས་ཀྱི་ལག་ལེན་ཞིབ་པ་ནི། རུ་རྟའི་རྩ་ལོའི་མཚམས་སུ་ཡོད་པའི་སིལ་ཞེས་པ་སྤོས་སྦྱོར་དུ་འགྲོ་བ་དེ་ཡི་གཙོས་པའི་ཤུག་པ་དང་། ཐང་མ་སོགས་ནགས་མིའི་རིགས་ཀྱི་ཤེལ་ཏ་སྟེ་ཐང་ཆུ་གང་འབྱོར། རུས་སྣ་ཡོངས་རྫོགས་ཀྱི་ཁུ་བ་སོ་སོར་བཞུར་ནས་ཆ་མཉམ་གྱི་ཁཎྜར་བཟོ། ཞོ་གར་ཙམ་དུ་སོང་དུས་བླངས། དེ་ནས་ཇ་ཤོག་ལྟ་བུར་བཅུག །དགོས་དུས་གཟེར་མིག་དང་འབྲུམ་ཐོར་སོགས་ལ་སྲབ་མཐུག་ཤོག་བུ་ཙམ་པ་ཤོག་མཐུག་ལ་སྦྱར་ནས་མེ་ལ་བསྲོས་ནས་བསླན། ཚབ་ཆུང་གི་རླུང་གཟེར་སོགས་མྱུར་དུ་འདྲེན། ༈ ཅར་ཁུག་མཆན་ཁུང་སྟེ། དེར་སྐར་མ་མ་ཡལ་བའི་ཆུ་མདའ་དང་། གཟེར་སྟེང་རྨོས་ལྕགས་བྱང་མ་ཆུ་ལ་བཅུག་སྟེ་བསླན། གཞན་ཡང་མནན་པ་དང་འབེབས་པ་སོགས་ཀྱི་མན་ངག་མང་དུ་ཡོད་ཀྱང་འདིར་དེ་ཙམ་མོ། ། ༈ དེ་ལྟར་ཁྲག་རླུང་སྟོད་འཚང་གི་ནད་གཞི་ཀུན་ལ། སྤྱི་སྨན་གེ་སར་ཉེར་ལྔ་དང་། ཨ་གར་སོ་ལྔ། ཁྲག་རླུང་སོགས་ཤས་གང་ཆེ་ན་ཨ་གར་སྦྱོར་བ་གཞུང་ནས་འབྱུང་བ་དང་། ཤིན་ཏུ་གཟེར་ཆེ་ན ་རྒོད་པོ་ར བ་འཇོམས་དང་། ཨ་བྱག་གསུམ་པ་ཁོང་དུ་བཏང་ཅིང་བདུག །དེས་ཀྱང་མ་ཚུག་ན་མེ་བུམ་བྱ། ཤིན་ཏུ་ཁྲག་ཤས་ཆེ་ན་རྩེ་ཆུང་ངམ་ཐོང་རྩ་གཏར་ཏེ། གཞན་ཡང་སྲོག་རླུང་སྐབས་སུ་ཡོད་པའི་སྦྱོར་སྡེ་ཀོ་བྱི་བདུན་པ་དང་བཅོ་ལྔ། ཨ་གར་ཉི་ཤུས་ཀྱང་ཕན་ནོ།། །། ༼༒༽ རྩ་དཀར་གྱི་བཅོས་ཚུལ་ཕན་བདེའི་ཕྲེང་བའི་སྐབས་སུ། ནོར་བུ་བསམ་འཕེལ་སྦྱོར་ཚད། ཅུ༠ ༠༢ གུར༠ ༡༠ ལི༠ ༠༧ ཛཱ༠ ༠༢ སུག༠ ༠༧ ཀོ༠ ༣༢ ཙནྡན་དཀར༠ ༠༦ དམར་༠ ༠༤ ཨར་ནག༠ ༠༦ གི་ཝཾ༠ ༡༠ གླ་རྩི༠ ༠༦ ཉ་ཕྱིས༠ ༢༠ བསྭེ་རུ༠ ༡༡ ཨ༠ ༠༧ བར༠ ༠༧ སྐྱུར༠ ༡༠ སྒ༠ ༠༥ པི༠ ༠༧ ཟི་ར་དཀར༠ ༠༥ ཟི་ར་ནག༠ ༠༧ སྟེ་ཟི་ར་གཉིས། རྒྱ་ཚྭ༠ ༠༨ སྡིག་སྲིན༠ ༠༧ ཤིང་མངར༠ ༣༠ ཤིང་ཚྭ༠ ༠༥ འབྲི་རྟ་ས་འཛིན༠ ༠༨ ཉི་དགའ་སྟེ་ལྕམ་འབྲས༠་༠༧ རྣམས་སོ། ། ༈ བསམ་འཕེལ་རཏྣའི་སྦྱོར་བའི་སྐབས་སུ། གསེར་ཟངས་སོགས་ཐལ་བ་བྱ། གཡུ་རྙིང་བྱེ་རུ་ཉ་ཕྱིས་རྣམས་དུག་འདོན། སྦལ་རྒྱབ་དཀར་སྨུག་བཞི་ནི། དཀར་པོ་འབྲུམ་པ་ཡོད་པ་ཕོ་དང་མེད་པ་མོ། དེ་བཞིན་ནག་པོ་ལའང་གཉིས་སུ་དབྱེ་བ་ཟུར་མཁར་དང་། ཀུན་མཁྱེན་བསྟན་པའི་ཉིན་བྱེད་སོགས་ཀྱིས་བཞེད་ཅིང་། སྦྱར་ཚུལ་གྱི་རིམ་པ་ཞིབ་མོར་རྟོགས་པར་འདོད་ན་རིན་ཆེན་གྱི་སྦྱོར་བ་སྤྱི་དང་བྱེ་བྲག་གི་སྐབས་སུ་ཤེས་པར་བྱ་བ་ལས་འདིར་སྨོས་ཀྱིས་མི་ལོང་ངོ་། ། ༈ ཁྱུང་ཆེན་ཉེར་གཅིག་གི་སྐབས་སུ། ཆུ་སེར་སྨན་གསུམ་ནི། སྤོས་དཀར། ཐལ་རྡོར། སོ་རཱ། ། ༈ གསེར་མདོག་ཉེར་ལྔའི་སྦྱོར་ཚད། ཨ་རུ༠ ༥༠ ཛཱ༠ ༠༧ སུག༠ ༡༠ ཀོ༠ ༣༠ ཅུ༠ ༡༠ གུར༠ ༠༧ ལི༠ ༠༧ ཉ་ཕྱིས༠ ༢༠ ཚོས༠ ༡༠ བཙོད༠ ༢༠ འབྲི་མོག༠ ༡༠ སྟེ་དམར་པོ་གསུམ། མཁལ་ཞོ༠ ༢༠ ཨ་འབྲས༠ ༡༠ སྲ་འབྲས༠ ༡༠ འཇམ་འབྲས༠ ༡༠ སྟེ་འབྲས་སྣ་གསུམ། བསྭེ་རུ༠ ༡༣ ཤིང་ཚྭ༠ ༡༠ ཤུག་ཚེར༠ ༣༠ ཨརྫ་ཀ་ཏེ་ལྕམ་འབྲས༠ ༢༠ རུ་རྟ༠ ༡༠ ཟི་ར་དཀར་པོ༠ ༡༠ བྲག་ཞུན༠ ༡༥ སྡིག་སྲིན༠ ༠༧ ཤིང་མངར༠ ༣༠ རྣམས་སོ། ། ༈ འབྲས་གསུམ་སྨན་མར་ཚད་ནི། ཨ་རུ༡ ༠༠ བ་རུ༠ ༥༠ སྐྱུ་རུ༠ ༢༥ ༈ །ལུམས་སྐབས་བདུད་རྩི་རྣམ་ལྔ་ནི། ཇི་སྐད་དུ། བ་ལུས་པགས་པ་མཉེན་པར་བྱེད། །འོམ་བུས་རུས་པའི་དུག་རྣམས་འདོན། །མཚེ་ཡིས་ལུས་བོང་བརྟས་པར་བྱེད། །མཁན་སྐྱས་ལུས་ཀྱི་འབྱུང་བ་འདུལ། །ཤུག་པ་ཡོན་ཏན་བརྒྱད་དང་ལྡན། །ཞེས་སོ། །རྩ་བ་ལྔ་ནི། བ་སྤྲུ་གཟེ་མ་ར་མཉེ་དང་།། ཉེ་ཤིང་ལྕ་བ་རྣམ་པ་ལྔས། །ཚེ་བསྲིང་ལུས་བརྟས་བཅུད་ལེན་བྱེད། །ཞེས་སོ། །གླ་རིལ་ཕོའི་ རིལ་མ་དྲི་ལྡན་དགོས། འདི་ཡི་ལག་ཏུ་ལེན་ཚུལ་རླངས་ལུམས་ནི་དེ་དག་བཀོལ་ཏེ་རླངས་པའི་ཁར་ཉལ་བ་དང་། ཆུ་ལུམས་ནི་དེར་ཞུགས་པ་དང་། བཅིངས་ལུམས་ནི་ཁུག་མ་ལྟ་བུའི་སྣོད་དུ་བླུགས་ནས་ནད་དམིགས་སུ་བཅིངས་པ་སྟེ་ཞིབ་པར་མཐོང་བརྒྱུད་ལས་ཤེས་པར་གཅེས་སོ། ། ༈ བྱུག་པའི་སྐབས་སུ་དེ་བ་ད་རུ་ནི་རྒྱ་ཤུག་སྣུམ་བག་ཅན། ༈ རྡོ་སྦྱོར་ལ། གངས་ཐིག༠ ༣༠ སྦལ་རྒྱབ༠ ༢༠ མདུང་རྩེ༠ ༢༠ བྱིའུ་མགོ༠ ༢༠ ཁབ་ལེན༠ ༢༠ རྡོ་རྒྱུས་བྱ་བལ་མ༠ ༢༠ མཐིང་རྒྱུས༠ ༢༠ སྟེ་རྡོ་རྒྱུས་གཉིས་དང་། བ་ནུ༠ ༢༠ ཁ་ཚར་ཆུ་སེར་སྨན་གསུམ༠ ༡༠ རེ། རུ་རྟ༠ ༡༠ ཛཱ་ཏི༠ ༡༠ ལི་ཤི་ཞོ་གང་རྣམས་སྦྱར་རོ། ། ༈ མེ་དམིགས་ལ། ཕྱི་མཆན་གཉེར་རིངས་སུ་བཏབ་པ་སྟོད་ཀྱི་ལག་པ་བཤལ་བ་ལ་ཕན། ཕྱི་ལོང་ནས་ཡར་ལ་ཚོན་གང་བཅལ་བར་བཏབ་ནས་པུས་མོ་མན་ཆད་སྦྲིད་པ་ལ་ཕན། ཐུར་དུ་དེ་བཞིན་རྐང་ནད་རིགས་ཕལ་ཆེར་ལ་ཕན་ཚུལ་སོགས་མཆིས་རུང་། འོན་ཀྱང་རྩ་དཀར་གྱི་དམིགས་ནི་གཞུང་ལས་མ་ཚོར་མ་འཐུས་པ་ཆེར་མེད་དོ། ། ༈ ནད་དམིགས་གང་ཡོད་ཕལ་ཆེར་གྱིས་འབྲོས་འདེད་ཚུལ་དུ་བསྲེགས་ན་ལེགས་པར་བཞེད་པ་ཡང་ཡོད། ། ༈ སྔགས་བཅོས་སྐབས་མདའ་འཕང་གོ་ལྡོག་ཞེས། ཕོའི་འཕང་། མོའི་མདའ་མནན། ༈ རྩ་སྦྱོངས་སྐབས། དངུལ་ཆུ། མུ་ཟི། བྱང་བ། རྒྱ་ཚྭ་བཞི་ཆ་མཉམ། གཞན་རྣམས་ཕྱེད་ཆ་རེ། དུར་བྱིད་ཉུང་ངུ་ལས་མི་བཏང་། ཤིང་མངར་དང་ཉ་ཕྱིས་ཅུང་ཟད་བསྐྱེད། ལག་ཏུ་ལེན་ཚུལ་ནི། ཀུན་མཁྱེན་བསྟན་པའི་ཉིན་བྱེད་ཀྱི་ཕྱག་བཞེས་ལྟར་ན། ཐོག་མར་རྩ་ཁུ་བྱུག་འཁྲུལ་མེད་དེ་ཀོ་ཋའི་ཐང་ཞག་གསུམ་བཏང་། དེ་ནས་གཟའ་སྐར་ལེགས་ཉིན་གཡེར་མ་དང་ཉི་དགའི་འདབ་ཚོད་ཚྭ་ཅུང་ཟད་ཡོད་པ་ཕོར་ཆུང་གང་ཙམ་བཏང་། ཉི་ནུབ་ནོར་ཕྱུག་གང་བྱུང་གི་སེ་ར་རུས་དང་། དེ་ཡི་རུས་པ་གོང་འོག་གོང་མོ་སྲེ་ལོང་ལྕམ་པ་བཅས་གདུས་ཐང་ཚྭ་ཅུང་ཟད་ལྡན་པ་བཏང་། མུན་རུག་སྣ་སེལ་གྱི་ཐང་བཏང་། དེ་ཡི་ནམ་གུང་སྨན་རིལ་བུ་བདུན་དགུ་བཅུ་བདུན་སོགས་ནད་སྟོབས་དང་སྦྱར་ལ་བཏང་། སྔས་མཐོར་བྱས་ནས་གཉིད་ལོག །ལྟོ་བ་སྙི་ན་ནམ་ལངས་དང་། སྲ་ན་ཉི་ཤར་ཐེབས། དེ་དུས་རྒྱུ་ཞབས་སོགས་ཟུག་ཆེ་ན་རྡེའུ་ཆང་བྲན་བསྲོས་པས་བདུག་འགྱིངས་ན་རྒྱམ་ཚྭ་བོང་དཀར་གྱི་ཐང་བཏང་། བྱང་བའི་དུག་ཆེ་ན་ཐང་ཕྲམ་ནག་པོའི་འབྲུ་བཞི་ཙམ་དང་། ཤིང་མངར་མཐེབ་ཙམ་གྱི་ཐང་བཏང་། ཐེབས་ན་རྒྱབ་སྐྱོར་རིལ་བུ་མང་ཉུང་ལུས་ཟུང་དང་ནད་སྟོབས་ལ་དཔགས་ཏེ་བཏང་། རྩ་བཤལ་ལ་ལྕགས་ཁོ་ན་གཙོ་ཆེ་བས། སྲེ་ལོང་ཐང་དང་ཇ་ཆུ་སོགས་སྐབས་བསྟུན་སྤེལ། རྗེས་སུ་ཐུག་པ་སྣུམ་ལྡན་ཕོར་གང་ཙམ་བཏུང་། གཞན་ཡང་བྱང་བའི་དུག་འདོན་སྐོར་བར་གཤོག་མི་དབྱུངས། ཤིང་མངར་པི་ལིང་ནས་ཙམ་དེ་ཆང་དྲི་ཆུ་དཀར་ཡོལ་གང་གི་ནང་དུ་ཞག་གཅིག་སྦངས་རྗེས་ཡོས་ཚན་དུ་གདུལ། ། ༈ དེ་ལྟར་རྩ་དཀར་བཅོས་ཚུལ་མདོར་བསྡུ་ན། སྤྱི་སྨན་བསམ་འཕེལ་ནོར་བུ་དང་། བསམ་འཕེལ་རཏྣ། བྱ་ཁྱུང་བཅུ་གསུམ་རྣམས་ཤིན་ཏུ་ཟབ། བྱེ་བྲག་མགོར་བབས་ཁྱུང་ཆེན་ཉེར་ལྔ། ཡན་ལག་ལ་ད་ལིས་བཅོ་བརྒྱད། མཁལ་བབ་གསེར་མདོག་ཉེར་ལྔ། ཁྲག་རླུང་དང་སྟོད་འཚངས་ན་ཨ་གར་ཉི་ཤུ་རྣམས་ཟབ་ཅིང་གཞན་རྣམས་སྐབས་དང་བསྟུན། དཔྱད་དུ་ལུམས་དང་མེ་བཙའ་གཉིས་ཀྱིས་ཕན་ཆེ། རེངས་འཁུམ་ཆེ་ན་རྡོ་སྦྱོར་གྱི་བྱུགས་པ་འདི་མཆོག་ཏུ་བཤད། མེ་བཙའ་བསྲེག་དུས་ཅུང་མ་བསྔས་ན་བཟང་ཞེས་གསུངས། ཁྲག་ཤས་ཆེ་ན་མགོ་བོར་ལྟག་རལ་དང་། ལག་པར་དྲུག་མགོ །རྐང་པར་བྱིན་གཞུག་རྣམས་རླངས་ཐོན་ཙམ་གཏར་རོ།། །། ༼༒༽ འབྱུང་གདོན་གྱི་བཅོས་ཚུལ་རྡོ་རྗེའི་ཟེག་མའི་སྐབས་སུ། རྫས་སྦྱོར་ཁྲག་སྣ་གསུམ་ནི། མི་ཁྱི་ར་གསུམ་ཁྲག །ཤ་གསུམ་ནི་འཕར་སྤྱང་གླག་གསུམ། རྭ་གཉིས་ནི་གཡག་རྒོད་དང་རྩོད་རུ་བཅས་སོ། ། ༈ འཁོར་ལོའི་རྫས་རྡོ་རྗེ་གསུམ་ནི། ཐལ་དཀར་རྡོ་རྗེ། ཀླུ་བདུད་རྡོ་རྗེ། ཡུངས་ཀར་གསུམ་དུ་བཞེད། འགའ་ཞིག་གི་ཡུངས་ཀར་ཚབ་ཏུ་གཟའ་བདུད་རྡོ་རྗེར་བཞེད་པ་ཡང་ཡོད། འདི་ཨོ་རྒྱན་རིན་པོ་ཆེའི་སྨན་དཔྱད་ལས་བྱུང་། ། ༈ བདུག་པའི་སྐབས་སུ། བྱཱ་ཀྲཱྀ་ནི་ཀཎྜ་ཀ་རི། ཡང་བྱི་ཀུ་ནི་སྒོག་པ། མུ་ཟི་ཀཱ་ལ་ནི་ནག་པོ། ལྷོག་དུག་ལྡུམ་སྟག་ཤའོ། །དྲི་ལྡན་གཉིས་ནི་ཤིང་ཀུན་གུལ་ནག་གོ །རྫས་ཆེན་བཅོ་བརྒྱད་ལ་བྲུན་གཉིས་ནི། སྤྱང་བྲུན་ཁྱི་བྲུན་གཉིས། གཞོབ་གཉིས་ནི་རྟ་རྨིག་དང་རྭ་གཞོབ་བོ། །ནག་པོ་གསུམ་ནི་མུ་ཟི་ནག་པོ། གུལ་ནག །མཚུར་ནག ༈ མཆོག་ཏུ་ཟབ་པ་ཁྱུང་ཆེན་སོ་ལྔའི་སྐབས་སུ། པཉྩ་པཀྵི་ནི་ཁྱུང་ལྔ་སྟེ། ཚད་གོང་དུ་བཤད་པ་ལྟར་མཉམ་སྦྱོར་ཁྱུང་རྒོད་དྲག་པོ་སྟེ་སྲོག་རླུང་གི་སྐབས་སུ་ཡོད། དང་། བཟང་པོ་དྲུག་ནི་གཞན་རྣམས༠ ༡༠རེ། ལི་ཤི༠ ༢༠ ནཱ་ག་གེ་སར༠ ༡༥ ཁ་རུ་ཚྭ༠ ༡༠ ཨར་ནག༠ ༡༥ ཡུངས་ཀར༠ ༡༠ ཟི་ར་དཀར༠ ༡༠ ནག༠ ༢༠ ཤ་ནི་སྦལ་ནག་སྦྲུལ་པུ་ཤུད་རྣམས་ཀྱི་ཤ༠ ༡༠ ཡུག་སའི་མངལ་ཁྲག །ནུས་ལྡན་གྱི་སྲིན་ལག་ཁྲག །ཁྱི་ནག་སྙི ང་དཀར་གྱི་ཁྲག་བཅས༠ ༠༥ དཔའ་བོ་གཡུལ་དུ་ཤི་བའི་སྙིང་། རྨ་བྱའི་སྙིང་། སྤྲེའུའི་སྙིང་བཅས༠ ༡༠རེ། དྲི་ལྡན་མུ་ཟི་ནག་པོ༠ ༢༠ ལྡོང་རོས༠ ༢༠ ནུས་ལྡན་རྣམ་སྣང་༠ ༡༠ དམར་པོ་གསུམ་ནི། རྒྱ་སྐྱེགས༠ ༡༠ མཁན་དམར་རྩ་བ༠ ༡༠ བཙན་འདིས་དོད་རྣམས་སུ་མེ་ཏོག་དམར་པོ་འབྱུང་ཞིང་བཅད་ཁ་ནས་ཁྲག་འབབས་པ་ཞིག་ཡོད། དུག་དམར་པོ༠ ༡༠ བཅས་སོ། །གསང་སྨན་ཁ་བསྒྱུར་ཐ་དད་ནི། རྒྱལ་གདོན་ལ་གུ་གུལ་ནག་པོ་བཙན་ལ་ཤུ་དག་ནག་པོ། གཟའ་ལ་ཙིཏྟ་གཉིས་ཁྲའམ་པུ་ཤུད་དང་པྲི་ཡང་ཀུ་བཅས། སྤྱི་ལ་མིང་ཅན་ནག་པོ་༡ ༠༠ དང་ཡུག་སའི་དོར་རྟའི་གཞོབ་སྐྱེ་བདུན་ཤ་རྣམས་ཅུང་ཟད་བཏང་། དང་པོ་ཁྱུང་ལྔ་སྦྱོར་ཚུལ་བཞིན་དུ་འདམ་བཏགས་བྱས། དེ་སྟེང་གཞན་རྣམས་གདབ་ཏེ་རིལ་བུར་དྲིལ། མངལ་ཁྲག་དང་གྲི་ཁྲག་གང་བྱུང་གིས་གོས་གསོལ། རླུང་མི་འཆོར་བའི་པར་བུར་བཅངས། ཕྱི་ནས་ཚིལ་ཆེན་སྦྱར་ལ་བྱུག་ཅིང་བདུག །ཁོང་དུ་དྲི་ཆུས་ཕུལ། ཡང་ན་གོང་གི་དམིགས་གསལ་གྱི་གསང་སྨན་ཁ་བསྒྱུར་རྣམས་ཀྱི་ཐང་གིས་ཕུལ་ཀྱང་རུང་ངོ་། །ཤིན་ཏུ་ཟབ་བོ། །ཨྠིྀ། ༈ ཁུས་འདེབས་སྨན་མར་དུ། ཚ་བ་གསུམ་ནི་སྒ་པི་ཕོ་གསུམ། གཅིན་དྲུག་ནི། བ་གླང་རྟ་བོང་ར་ལུག་གི་འོ། །བདུག་པར་རྨ་བྱའི་ཁྲག་ཞེས་ཟེར་བ་དེ་མ་རྙེད་ན་ཤའམ་སྒྲོ་གང་བྱུང་གི་ཆོག །ཚིལ་གཉིས་ནི་སྟག་དང་གྲི་ཚིལ་ལོ། ། ༈ ཟ་ཡིག་སྐབས་སུ། ཐ་དད་རྫས་ཀྱི་ཞེས། རྒྱུན་དུ་བསྲུང་བཟློག་དང་ཚེ་བསྲིངས་སོགས་ལ་བདུད་རྩི་ཆོས་སྨན། གཞན་དུ་གཟའ་ལ་སྤོས་དཀར། ལ་ཆ། རྒྱལ་པོ་ལ་གུལ་ནག །ཀླུ་ལ་གླ་ནག་གི་རྩི། བཙན་ལ་ཤུ་དག་ནག་པོ། གཉན་ལ་ཁྱུང་ལྔ། དུག་ལ་རྨ་བྱའི་མདོངས་ཐིག །ཡམས་ལ་སྤྲུ་ནག་སོགས་བྱུག །མ་འཛོམ་ཡང་ཆོག་པར་གསུངས། ཡེ་ཤེས་སེམས་དཔའ་གུ་རུ་ཞི་དྲག་སྐབས་སུ་གང་བབ་བཞིན་སྒོམ་ལ་སྤྱན་དྲངས་ཅིང་བསྟིམས་སམ། དེའི་བསྙེན་པ་དང་རང་བསྔགས་བརྒྱ་རྩས་རབ་གནས་བྱའོ། །དུས་ནི་སྲུང་བ་ལ་ཉི་ཤར། གཞན་སྲོད་དོ། །ཟ་དུས་ཚེ་བསྙེན་ནམ་སྙིང་པོ་བཟླས། ། ༈ གཞན་ཀུན་ལ་ལྷ་བསྐྱེད་སྔགས་བཟླས་ཞེས། རྒྱལ་འགོང་ལ་གུ་རུ་དྲག་པོ། བཙན་ལ་རྟ་མགྲིན། གྲེ་བོར་ཡཀྴ་མེ་དབལ་སོགས་རང་རང་གི་གཉེན་པོའོ། ། ༈ གདོན་བཤལ་དྲག་པོའི་སྐབས་སུ་ཁྲག་སྣ་ལྔ་ནི། གྲི་མངལ་རྟ་ཁྱི་ཕག་ནག་རྣམས་ཀྱི་ཁྲག་གོ །གཞོབ་ལྔ་ནི་གཡག་རྒོད་རྭ། རྟ་གསེབ་རྨིག་པ། ར་ལུག་གླང་ཐུག་གསུམ། ཡུག་སའི་དོར་རྟའི་གཞོབ་བོ། །རྨོང་ཁའི་སྦྲེ་གསུམ་ནི། ར་ལུག་གླང་ཐུག་གིའོ། །རབ་གནས་སྔགས་ནི་ཡི་དམ་གང་ཤེས་ཀྱི་སྒོམ་བཟླས་ལས་སྦྱོར་བཅས་པ་བྱ། ། ༈ བརྗེད་བྱེད་སྐབས། ཙིཏྟ་རྣམ་གཉིས་ནི་ཁྲའམ་པུ་ཤུད་ཀྱི་སྙིང་སྐམ་པོ་དང་། གསང་སྨན་མཆོག་ནི་ཏི་ཏིའི་སྒོང་ང་། ། ༈ འགོ་གྲིབ་གསོ་སྐབས། གསང་སྨན་ནི་ཆུ་ཤེལ་འཁྲུལ་མེད་ཉིད་ཡིན། སྤོས་གཉིས་ནི་སྔོ་རྒྱ་སྤོས་དང་སྤང་སྤོས་གཉིས་ཀྱི་རྩ་བ། ། ༈ བྱད་སྲུང་སྐབས། སྔགས་ཀྱི་ངར་བཏགས་ཞེས་པ་སེང་གདོང་མའི་རྩ་སྔགས་འབྲུ་བཅུ་བཞི་པ་བཟླས། ཁྱད་པར་གྲི་ལྕགས་གི་སོར་གདུབ་ལོ་ཟླ་ཟད་དུས་ཉེར་དགུའི་ཉིན་པར་བརྡུངས། དེ་ལ་གྲི་ཁྲག །བོང་ང་ནག་པོ་གྲི་སྙིང་། ཤུ་དག །གཙང་མའི་མངལ་ཁྲག །གུ་གུལ་ནག་པོ་རྣམས་ཀྱི་ཁུ་བར་ཡང་བཟློག་གི་སྔགས་བཏབ་པས་ངར་ལན་གསུམ་བླུད། དེ་ནས་ལྷ་སྔགས་ཀྱི་ཏིང་ངེ་འཛིན་དང་ལྡན་པས་སྲིན་ཕོ་གཡས་མོ་གཡོན་ལག་ཏུ་བཅིངས། ལོ་དུས་སུ་རབ་གནས་བསྐྱར། བྱད་སྟེམས་སོགས་ལ་ཉམ་ང་མེད་པའི་གདེང་དང་ལྡན་པར་བྱ། ཤིན་ཏུ་གལ་ཆེ་ན་ནང་རེ་བཞིན་སྔགས་ཀྱི་ངར་བཏགས། མཆོག་ཏུ་ཟབ། ཨྠིྀ། ། ༈ མིར་ཁའི་སྐབས། གཏི་མུག་འཁོར་ལོ་ནི་ཕག་གི་སྣ། དེའི་བདུད་རྩི་ནི་བྲུན། ཝ་ར་སྐད་ཆེན་ནི་བོང་བུའོ། །དེ་སྟེང་མུ་ཟི་ནག་པོ་ཐུན་གཅིག་བསྣན་ཏེ་སྣ་ནས་བླུག་གོ །ཡང་བྷ་ཏྲི་ཞེས་པའི་སྲིན་བུ་ཀླད་དཀྱིལ་ནས་མགུལ་བས་བརྒྱལ་བ་ལ་གཤའ་དཀར་གྱི་དྭངས་མའམ་འབྲས་གསུམ་གང་རུང་གི་ཕྱེ་མ་བོང་བུའི་ཆུ་ཡིས་སྣ་ནས་བཏང་ན་ཕན་ཚུལ་འདུག ༈ །འབྱུང་གདོན་གྱི་སྨན་བཅོས་སྐོར་ལ། ཕྱི་ནས་བྱུག་བདུག་ནི་རྫས་ཆེན་བཅོ་བརྒྱད་དང་། ཁོང་སྨན་ཁྱུང་ཆེན་མང་སྦྱོར་གཉིས་ཤིན་ཏུ་ཟབ། རླུང་ཤས་ཆེ་ན་ཨ་གར་སྦྱོར་བ་དང་། གྲིབ་གདོན་རྩ་དཀར་ཤས་ཆེ་ན་བསམ་འཕེལ་རཏྣ་ཟབ། ། ༈ བྱུག་བདུག་གི་རྫས་ངན་འགྲོ་རིགས་ལ། ཤུག་པ། རྡོ་དྲེག་དམར་པོ། མཁན་སྐྱ་བཅས་བསྲེས་ན་ལྷ་སྲུང་ལ་མི་ཕོག་པར་བཞེད་དོ། །གཞན་ཡང་དྲང་སྲོང་གི་ནད་ལ་ཐོག་མར་སྤོས་དཀར་གྱི་ཐང་བཏང་བས་བཙོན་དུ་འཛིན། དེ་རྗེས་བསམ་འཕེལ་ནོར་བུའི་སྟེང་ཙིཏྟ་གཉིས་དང་ཁྲག་བཅས་བསྣན་པ་བཏང་། ཀླུ་གདོན་ལ་ཕྱག་རྡོར་རིལ་བུ་ཚད་ལྡན་སྦྱར་བ་དེ་ཤིན་ཏུ་ཟབ་བོ། །འོན་ཀྱང་དེ་དག་གི་བཅོས་ཚུལ་སོགས་ནི་འོལ་སྤྱི་ཙམ་ཏེ་ཞིབ་པར་གཞན་དུ་ཤེས་པར་བྱ་བ་ལས་འདིར་སྨོས་པའི་སྐབས་སུ་མ་བབ་བོ། །དེ་ལྟར་ཟབ་མོའི་མན་ངག་ཨུཏྤ་ལ། སྔོན་བྱོན་མཁྱེན་སྤྱོད་ཉི་གཞོན་དཔྱིད་དཔལ་གྱིས། །རྣམ་པར་ཕྱེ་བ་གང་དེར་ལེགས་བཏུས་ཏེ། །དཔྱོད་ལྡན་སྙིང་གི་ཐིག་ལེར་སླར་ཡང་སྤེལ། །འོན་ཀྱང་བདག་འདྲ་གྲགས་པའི་ཡོན་ཏན་གྱིས། །རྣམ་པར་མ་བསྲུང་བློ་གྲོས་ན་ཚོད་བཟུང་། །ཆེས་ཆེར་ཕྲ་བས་འདི་ལྟར་སྨྲ་བྱེད་པར། །ཆུ་སྐྱེས་ཚོགས་ཀྱང་ཁྲེལ་བས་འཛུམ་པ་བཞིན། །དེ་ལྟ་ནའང་ལུང་རྟོགས་སྤྱན་ལྡན་གྱིས། །བཀའ་སྩལ་རྣ་བའི་རྒྱན་དུ་དཔྱངས་པ་ལས། །མ་བཟོད་སྨྲ་བ་གང་དེར་ཉེས་པའི་ཚོགས། །བཤགས་སོ་དགེ་བས་འགྲོ་ཀུན་སྨན་གྱུར་ཅིག །ཞེས་སྲོག་རླུང་གི་བཅོས་ཚུལ་སོགས་ལེ་ཚན་བཞི་ཡི་མན་ངག་ཕྱོགས་གཅིག་ཏུ་བསྡེབས་པ་འདི་ཡང་རྨོངས་པ་ཀུན་གྱི་གྲལ་མཐར་སོན་པའི་བན་སྤྲང་འཇིགས་མེད་མཁྱེན་བརྩེའི་མྱུ་གུས་སྦྱར་བ་ཛ་ཡནྟུ།། ། ༈ །

Footnotes

Other Information

Retrieved from "https://khyentselineage.tsadra.org/index.php?title=JKW-KABUM-17-TSA-002-005&oldid=56630"
Khyentse Lineage
Collected Works of the Masters
A Tsadra Foundation initiative designed to house the writings and revelations of the masters of the Khyentse lineage.
Join the Tsadra Foundation mailing list:

Tsadra Foundation
Translation & Transmission Conference
DharmaCloud Tibetan eBooks
Buddha-Nature
Śāntideva's Life and Works
Rinchen Terdzö Chenmo
Damngak Rinpoche Dzö
Dharma Dictionary

About us
Privacy policy
General disclaimer
Site guide

Project Description

Welcome to the Khyentse Lineage Project, a Tsadra Foundation initiative designed to house the writings and revelations of the masters of the Khyentse lineage in a digital format that allows for open access to these materials in authoritative modern Tibetan editions for the sake of scholars, translators, and practitioners the world over.

About us

© Tsadra Foundation. Please feel free to use this website and its content in accordance with fair use policies for teaching, scholarship, education, and research.
See General disclaimer for more information.