JKW-KABUM-07-JA-002

🚧 This website is under continued development. We appreciate your patience!

Previous Section Back to Volume PageNext Section

Wylie title	bde mchog mkha' 'gro snyan brgyud kyi brgyud 'debs byin rlabs dpal ster
Location	mkhyen brtse'i bka' 'bum Volume 7, sde tshan 2, Pages 17-19 (Folios 1a1 to 2a3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. bde mchog mkha' 'gro snyan brgyud kyi brgyud 'debs byin rlabs dpal ster. In 'jam dbyangs mkhyen brtse'i dbang po'i bka' 'bum, Vol. 7: 17-19. Khams sde dge rdzong sar dgon: Rdzong sar blo gros phun tshogs, 2020.
Genre	Lineage Supplications - brgyud 'debs
Cycle	བདེ་མཆོག་མཁའ་འགྲོ་སྙན་བརྒྱུད་ (bde mchog mkha' 'gro snyan brgyud)
Deity	'khor lo bde mchog
DNZ	In the Damngak Dzö: https://dnz.tsadra.org/index.php/Wylie:Bde_mchog_mkha%27_%27gro_snyan_gyi_brgyud_pa_yid_bzhin_nor_bu_la_gsol_ba_%27debs_pa_byin_rlabs_dpal_ster
Colophon	།ཅེས་པའང་ལམ་འདི་ལ་མཁས་ཤིང་དངོས་གྲུབ་བརྙེས་པའི་རྡོ་རྗེའི་སློབ་དཔོན་ཆེན་པོ་བཀའ་བརྒྱུད་ཕྲིན་ལས་དབང་ཕྱུག་དཔལ་བཟང་པོའི་ཞལ་སྔ་ནས་ཀྱིས་སྙན་བརྒྱུད་ཡིད་བཞིན་ནོར་བུའི་སྨིན་གྲོལ་གྱི་གདམས་པས་རྗེས་སུ་བཟུང་བའི་སྐབས། རིས་མེད་པའི་བསྟན་པ་ལ་མཆོག་ཏུ་གུས་པའི་རྒྱལ་ཁམས་ཉུལ་བའི་བྱ་བྲལ་བ་མཁྱེན་བརྩེའི་དབང་པོས་དཔལ་རས་ཆུང་ཕུག་གི་གཙུག་ལག་ཁང་ཆེན་པོའི་ཡང་རྩེར་བྲིས་ཏེ་གསོལ་བ་བཏབ་པ་སིདྡྷི་ར་སྟུ།།
	ces pa'ang lam 'di la mkhas shing dngos grub brnyes pa'i rdo rje'i slob dpon chen po bka' brgyud phrin las dbang phyug dpal bzang po'i zhal snga nas kyis snyan brgyud yid bzhin nor bu'i smin grol gyi gdams pas rjes su bzung ba'i skabs/__ris med pa'i bstan pa la mchog tu gus pa'i rgyal khams nyul ba'i bya bral ba mkhyen brtse'i dbang pos dpal ras chung phug gi gtsug lag khang chen po'i yang rtser bris te gsol ba btab pa sid+d+hi ra stu

1 Texts in this Section (sde tshan or chos tshan)

17-19	བདེ་མཆོག་མཁའ་འགྲོ་སྙན་བརྒྱུད་ཀྱི་བརྒྱུད་འདེབས་བྱིན་རླབས་དཔལ་སྟེར། bde mchog mkha' 'gro snyan brgyud kyi brgyud 'debs byin rlabs dpal ster Lineage Supplications - brgyud 'debs	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །བདེ་མཆོག་མཁའ་འགྲོ་སྙན་བརྒྱུད་ཀྱི་བརྒྱུད་པ་ཡིད་བཞིན་ནོར་བུ་ལ་གསོལ་བ་འདེབས་པ་བྱིན་རླབས་དཔལ་སྟེར་ཞེས་བྱ་བ་བཞུགས་སོ། །

རྡོ་རྗེ་འཆང་ཆེན་རྡོ་རྗེ་རྣལ་འབྱོར་མ། །གྲུབ་ཆེན་ཏཻ་ལོ་པ་དང་ནཱ་རོ་པ། །མར་པ་ལོ་ཙཱ་མི་ལ་རས་ཆེན་ཞབས། །སྙིང་ནས་གསོལ་བ་འདེབས་སོ་བྱིན་གྱིས་རློབས། །འཇའ་ལུས་མངོན་གྱུར་རྗེ་བཙུན་རས་ཆུང་པ། །ཡེ་ཤེས་བླ་མ་སྦས་པའི་གྲུབ་ཐོབ་གསུམ། །ཞང་སྟོན་ལོ་ཙཱ་དྷཱ་ར་ཤྲཱི་ལ། །སྙིང་ནས་གསོལ་བ༴ བྱང་སེམས་ཆེན་མོ་ཀུན་ལྡན་རས་མ་དང་། །གཟི་བརྗིད་རྒྱལ་མཚན་དབང་ཕྱུག་ཤེས་རབ་ཞབས། །གཞོན་ནུ་རྒྱལ་མཚན་རས་ཆེན་གདན་གཅིག་པར། །སྙིང་ནས༴ ནམ་མཁའ་རྒྱལ་མཚན་འདུལ་འཛིན་ངག་གི་དབང་། །རབ་འབྱམས་སྨྲ་བ་སངས་རྒྱས་སེངྒེ་དང་། །ཕྱོགས་ལས་རྣམ་རྒྱལ་གཙང་སྨྱོན་ཧེ་རུ་ཀར། །སྙིང་ནས༴ བརྒྱུད་སྲོལ་ཀུན་འདུས་རྒོད་ཚང་རས་ཆེན་ཞབས། །རབ་འབྱམས་རྣམ་གསུམ་ཀུན་མཁྱེན་གྲུབ་མཆོག་དབང་། །ཕྲིན་ལས་རྒྱ་མཚོ་བཀའ་བརྒྱུད་སྒྲོན་མེ་ལ། །སྙིང་ནས༴ ཡོན་ཏན་རྒྱ་མཚོ་འཛམ་གླིང་རྡོ་རྗེའི་ཞབས། །ངག་གི་དབང་པོ་ཡེ་ཤེས་སྐལ་བཟང་དང་། །དཔལ་ལྡན་རྒྱ་མཚོ་ངེས་དོན་བསྟན་འཛིན་ལ། །སྙིང་ནས༴ མཐུ་སྟོབས་རྒྱལ་མཚན་རིན་ཆེན་འོད་ཟེར་དང་། །རིགས་ཀུན་ཁྱབ་བདག་འཁོར་ལོ་སྡོམ་པའི་དངོས། །བཀའ་དྲིན་མཚུངས་མེད་རྩ་བའི་བླ་མ་ལ། །སྙིང་ནས༴ དེ་ལྟར་གསོལ་བ་བཏབ་པའི་བྱིན་རླབས་ཀྱིས། །ངེས་པར་འབྱུང་དང་བྱང་ཆུབ་སེམས་གཉིས་དང་། །མོས་གུས་བླ་མའི་རྣལ་འབྱོར་མཐར་ཕྱིན་པའི། །སྔོན་འགྲོའི་རྣལ་འབྱོར་འབྱོང་པར་བྱིན་གྱིས་རློབས། །སྨིན་བྱེད་དབང་ཐོབ་དམ་ཚིག་སྡོམ་ལ་གནས། །ཟབ་གསལ་དབྱེར་མེད་བསྐྱེད་རིམ་ཕ་རོལ་སོན། །སྣོད་བཅུད་སྣང་གྲགས་རིག་པའི་རྣལ་རོལ་ཀུན། །ལྷ་སྔགས་ཆོས་སྐུར་འཆར་བར་བྱིན༴ རླུང་དང་གཏུམ་མོའི་འབར་འཛག་དབུ་མར་ཐིམ། །ཅིར་སྣང་སྒྱུ་མས་ཆགས་སྡང་དབྱིངས་སུ་གྲོལ། །ཉིད་འཁྲུལ་རང་དག་ཉམས་དང་རྟོགས་པ་ཡི། །འོད་གསལ་མངོན་དུ་འགྱུར་བར་བྱིན༴ སྐུ་གསུམ་འཕོ་བས་ཐར་པའི་གྲོང་འཇུག་ཅིང་། །བར་དོའི་སྣང་ཆ་ཟུང་འཇུག་ལོངས་སྐུར་ཤར། །དངོས་དང་ཡིད་ཀྱི་ཕྱག་རྒྱ་ལ་བརྟེན་ནས། །བདེ་སྟོང་དགའ་བཞི་འཆར་བར་བྱིན༴ ཁྱད་པར་ལྷན་སྐྱེས་ཡེ་ཤེས་ཕྱག་རྒྱ་ཆེ། །བླ་མའི་དྲིན་གྱིས་མངོན་སུམ་རྟོགས་པའི་མཐུས། །ཡིད་ལ་མི་ཕྱེད་འོད་གསལ་གཉུག་མའི་ངང་། །མཆོག་གི་དངོས་གྲུབ་བརྙེས་པར་བྱིན༴ གཞན་ཡང་གནས་སྐབས་ནད་གདོན་ཉེར་འཚེ་སོགས། །ལམ་བཟང་སྒྲུབ་པའི་འགལ་རྐྱེན་ཀུན་ཞི་ཞིང་། །མཐུན་རྐྱེན་མ་ལུས་ཕུན་སུམ་ཚོགས་པ་ཡིས། །དོན་གཉིས་ཡིད་བཞིན་འགྲུབ་པར་བྱིན་གྱིས་རློབས། །ཅེས་པའང་ལམ་འདི་ལ་མཁས་ཤིང་དངོས་གྲུབ་བརྙེས་པའི་རྡོ་རྗེའི་སློབ་དཔོན་ཆེན་པོ་བཀའ་བརྒྱུད་ཕྲིན་ལས་དབང་ཕྱུག་དཔལ་བཟང་པོའི་ཞལ་སྔ་ནས་ཀྱིས་སྙན་བརྒྱུད་ཡིད་བཞིན་ནོར་བུའི་སྨིན་གྲོལ་གྱི་གདམས་པས་རྗེས་སུ་བཟུང་བའི་སྐབས། རིས་མེད་པའི་བསྟན་པ་ལ་མཆོག་ཏུ་གུས་པའི་རྒྱལ་ཁམས་ཉུལ་བའི་བྱ་བྲལ་བ་མཁྱེན་བརྩེའི་དབང་པོས་དཔལ་རས་ཆུང་ཕུག་གི་གཙུག་ལག་ཁང་ཆེན་པོའི་ཡང་རྩེར་བྲིས་ཏེ་གསོལ་བ་བཏབ་པ་སིདྡྷི་ར་སྟུ།། །།

[edit]

bde mchog mkha' 'gro snyan brgyud kyi brgyud 'debs byin rlabs dpal ster/ @#/_/bde mchog mkha' 'gro snyan brgyud kyi brgyud pa yid bzhin nor bu la gsol ba 'debs pa byin rlabs dpal ster zhes bya ba bzhugs so/__/ rdo rje 'chang chen rdo rje rnal 'byor ma/__/grub chen tai lo pa dang nA ro pa/__/mar pa lo tsA mi la ras chen zhabs/__/snying nas gsol ba 'debs so byin gyis rlobs/__/'ja' lus mngon gyur rje btsun ras chung pa/__/ye shes bla ma sbas pa'i grub thob gsum/__/zhang ston lo tsA d+hA ra shrI la/__/snying nas gsol ba=__byang sems chen mo kun ldan ras ma dang /__/gzi brjid rgyal mtshan dbang phyug shes rab zhabs/__/gzhon nu rgyal mtshan ras chen gdan gcig par/__/snying nas=__nam mkha' rgyal mtshan 'dul 'dzin ngag gi dbang /__/rab 'byams smra ba sangs rgyas seng+ge dang /__/phyogs las rnam rgyal gtsang smyon he ru kar/__/snying nas=__brgyud srol kun 'dus rgod tshang ras chen zhabs/__/rab 'byams rnam gsum kun mkhyen grub mchog dbang /__/phrin las rgya mtsho bka' brgyud sgron me la/__/snying nas=__yon tan rgya mtsho 'dzam gling rdo rje'i zhabs/__/ngag gi dbang po ye shes skal bzang dang /__/dpal ldan rgya mtsho nges don bstan 'dzin la/__/snying nas=__mthu stobs rgyal mtshan rin chen 'od zer dang /__/rigs kun khyab bdag 'khor lo sdom pa'i dngos/__/bka' drin mtshungs med rtsa ba'i bla ma la/__/snying nas=__de ltar gsol ba btab pa'i byin rlabs kyis/__/nges par 'byung dang byang chub sems gnyis dang /__/mos gus bla ma'i rnal 'byor mthar phyin pa'i/__/sngon 'gro'i rnal 'byor 'byong par byin gyis rlobs/__/smin byed dbang thob dam tshig sdom la gnas/__/zab gsal dbyer med bskyed rim pha rol son/__/snod bcud snang grags rig pa'i rnal rol kun/__/lha sngags chos skur 'char bar byin=__rlung dang gtum mo'i 'bar 'dzag dbu mar thim/__/cir snang sgyu mas chags sdang dbyings su grol/__/nyid 'khrul rang dag nyams dang rtogs pa yi/__/'od gsal mngon du 'gyur bar byin=__sku gsum 'pho bas thar pa'i grong 'jug cing /__/bar do'i snang cha zung 'jug longs skur shar/__/dngos dang yid kyi phyag rgya la brten nas/__/bde stong dga' bzhi 'char bar byin=__khyad par lhan skyes ye shes phyag rgya che/__/bla ma'i drin gyis mngon sum rtogs pa'i mthus/__/yid la mi phyed 'od gsal gnyug ma'i ngang /__/mchog gi dngos grub brnyes par byin=__gzhan yang gnas skabs nad gdon nyer 'tshe sogs/__/lam bzang sgrub pa'i 'gal rkyen kun zhi zhing /__/mthun rkyen ma lus phun sum tshogs pa yis/__/don gnyis yid bzhin 'grub par byin gyis rlobs/__/ces pa'ang lam 'di la mkhas shing dngos grub brnyes pa'i rdo rje'i slob dpon chen po bka' brgyud phrin las dbang phyug dpal bzang po'i zhal snga nas kyis snyan brgyud yid bzhin nor bu'i smin grol gyi gdams pas rjes su bzung ba'i skabs/__ris med pa'i bstan pa la mchog tu gus pa'i rgyal khams nyul ba'i bya bral ba mkhyen brtse'i dbang pos dpal ras chung phug gi gtsug lag khang chen po'i yang rtser bris te gsol ba btab pa sid+d+hi ra stu//__//