DKR-KABUM-17-TSA-017

🚧 This website is under continued development. We appreciate your patience!

Previous Text Back to Volume PageNext Text

རྩ་གསུམ་ཚོགས་བསྡུས་གྲངས་གསོག་བྱ་ཚུལ་སོགས།

Wylie title	rtsa gsum tshogs bsdus grangs gsog bya tshul sogs
Location	dil mgo mkhyen brtse bka' 'bum Volume 17, Text 17, Pages 73-75 (Folios 1a1 to 3b3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. Rtsa gsum tshogs bsdus grangs gsog bya tshul sogs. In Skyabs rje dil mgo mkhyen brtse rin po che'i bka' 'bum, Vol. 17: 73-75. Delhi: Shechen Publications, 1994.
Genre	Feast Offering - tshogs mchod - tshogs kyi 'khor lo
Notes	There are five short works included under this title.

Tibetan Text

Wylie

[edit]

༄༅། རྩ་གསུམ་ཚོགས་བསྡུས་གྲངས་གསོག་བྱ་ཚུལ་བཞུགས་སོ། ན་མ་སྟྲི་མཱུ་ལ་ཡ། བླ་མ་གསང་འདུས་ཚོགས་ཁྲི་འབུམ་གྲངས་གསོག་སྐབས། ཚོགས་རྫས་བདུད་རྩིས་བྲན། རྃ་ཡྃ་ཁྃ་གིས་བསང ༌། ཨོཾ་ཨཱཿཧཱུྃ་ཧྲཱིཿས་བརླབ། ཧཱུྃ། བླ་མ་ཡི་དམ་མཁའ་འགྲོ་ལ། ཞལ་རྫས་ཚོགས་ཀྱི་མཆོད་པ་འབུལ༔ དམ་ཚིག་ཉམས་ཆག་ཉེས་ལྟུང་བཤགས༔ དགྲ་བགེགས་བཀུག་བསྒྲལ་ཞལ་དུ་བསྟབ༔ གུ་རུ་དྷེ་ཝ་ཌཱ་ཀི་ནཱི་ག་ཎ་ཙཀྲ་པཱུ་ཛ་ཁཱ་ཧི༔ བཛྲ་ས་མ་ཡ་ཨཱཿ གུ་རུ་དྷེ་ཝ་ཌཱ་ཀི་ནཱི་དགྲ་བགེགས་ཀྱི་ཤ་ཁྲག་རུས་པ་ལ་ཁ་རཾ་ཁཱ་ཧི༔ བྷིནྡྷ་ཡ་བྷིནྡྷ་ཡ་ཧཱུྃ་ཕཊ༔ ཅེས་མཆོད་བཤགས་བསྒྲལ་གསུམ་དུས་གཅིག་ཏུ་ཕུལ། ལྷག་མ། པཉྩ་ཨ་མྲྀ་ཏ་ཧཱུྃ་ཧ་ཧོ་ཧྲཱིཿས་བརླབ། ཧཱུྃ༔ བཅོམ་ལྡན་པདྨ་ཧེ་རུ་ཀའི༔ བཀའ་ཡི་ལྷག་སྡུད་ཚོགས་རྣམས་ཀུན༔ འདིར་བྱོན་བཀའ་ཡི་ལྷག་གཏོར་བཞེས༔ བཅོལ་བའི་ཕྲིན་ལས་སྒྲུབ་པར་མཛོད༔ ཅེས་སམ། ཨུཙྪིཥྚ་བ་ལིཾ་ཏ་ཁཱ་ཧིས་བསྔོས་ལ་སྨོན་ལམ་ཡང་གདབ་བོ། ༈ ཡི་དམ་བཀའ་བརྒྱད་བདེ་གཤེགས་འདུས་པའི་ཚོགས། རྃ་ཡྃ་ཁྃ་གིས་བསང་སྦྱང༌། ཨོཾ་ཨཱཿཧཱུྃ་ཧ་ཧོ་ཧྲཱིཿས་བརླབ། ཧཱུྃ། །ཞི་ཁྲོ་བཀའ་བརྒྱད་ལྷ་ཚོགས་སྤྱན་འདྲེན་གཤེགས། །འདོད་ཡོན་མཆོད་འབུལ་དམ་བསྐང་དངོས་གྲུབ་སྩོལ། །དགྲ་བགེགས་བཀུག་བསྒྲལ་ཤ་ཁྲག་རུས་པའི་ཚོགས། །ཟག་མེད་བདུད་རྩི་དགྱེས་པ་ཆེན་པོར་བཞེས། ཨོཾ་ག་ཎ་ཙཀྲ་པཉྩ་ཀཱ་མ་གུ་ཎ་པྲ་ཏཱིཙྪ་སྭཱ་ཧཱ། བཛྲ་ས་མ་ཡ་ཨཱཿ སརྦ་ཤ་ཏྲཱུན་བིགྷྣཱན་ཛཿཧཱུྃ་བཾ་ཧོཿམཱ་ར་ཡ་རྦད༔ ཁ་ཁ་ཁཱ་ཧི་ཁཱ་ཧི༔ ཞེས་བརྗོད་ཅིང་བསྒྲལ་བསྟབ་བྱ། ལྷག་མ་པཉྩ་ཨ་མྲྀ་ཏ་ཧཱུྃ་ཧ་ཧོ་ཧྲཱིཿ ཨེ་ཨཱ་རལླི་ཧྲཱིཾ་ཛཿས་ལྷག་སྡུད་སྤྱན་དྲངས་ལ། ཧཱུྃ། མཁའ་འགྲོ་གིང་ལང་དབང་ཕྱུག་མ། །མ་སྲིང་འབར་མ་ཕོ་ཉའི་ཚོགས། །དཔལ་གྱི་ཕམ་ཕབས་འདི་ལོངས་ལ། །བཅོལ་བའི་ཕྲིན་ལས་འགྲུབ་པར་མཛོད། ཨོཾ་ཨུཙྪི་ཥྚ་བ་ལིཾ་ཏ་བྷཀྵ་སཱི་སྭཱ་ཧཱ། ཞེས་བསྔོ་བ་སྨོན་ལམ་ཡང་གདབ་བོ། ༈ ཉང་གཏེར་མཁའ་འགྲོ་ཁྲོས་ནག་གི་ཚོགས་གྲངས་བསག་སྐབས། ཚོགས་རྫས་རྃ་ཡྃ་ཁྃ་གིས་བསང་སྦྱང༌། ཨོཾ་ཨཱཿཧཱུྃ་ག་ཎ་ཙཀྲ་པཱུ་ཛ་ཧཱུྃ་གིས་བརླབ། ཧཱུྃ། རྡོ་རྗེ་མཁའ་འགྲོ་ཕག་མོ་ཡུམ༔ མཁའ་འགྲོ་མ་ཡི་ཚོགས་ཀྱིས་བསྐོར༔ འདིར་གཤེགས་ཚོགས་ཀྱི་མཆོད་པ་བཞེས༔ རྣལ་འབྱོར་བདག་ལ་དངོས་གྲུབ་སྩོལ༔ ཕེཾ་ཕེཾ་ཕེཾ༔ ཨོཾ་ཤྲཱི་བཛྲ་ཝཱ་ར་ཧི་ཀྲོ་དྷཱི་ཀཱ་ལི་ཧ་རི་ནི་ས་ག་ཎ་ཙཀྲ་པཱུ་ཛ་ཧཱུྃ་གིས་ཕུད་དང༌། ཧཱུྃ༔ མཁའ་འགྲོ་གིང་ལང་དབང་ཕྱུག་མ༔ ཕོ་ཉ་ལ་སོགས་ལྷག་སྡུད་ཚོགས༔ མཆོད་སྦྱིན་བཟང་པོ་འདི་བཞེས་ལ༔ རྣལ་འབྱོར་བཅོལ་བའི་ཕྲིན་ལས་མཛོད༔ ཨོཾ་ཨུཙྪི་ཥྚ་སརྦ་ཌཱ་ཀི་ནི་པྲ་ཏཱིཙྪ་བ་ལིཾ་ཏ་ཁ་ཁ་ཁཱ་ཧི་ཁཱཧི༔ ཞེས་ལྷག་མ་ཕུལ། སྨོན་ལམ་ཡང་གདབ་བོ། ༈ ལྷག་པའི་ལྷ་སྤྱི་ལ་འཇུག་པའི་བསྐང་བཤགས་བསྡུས་པ་རྩ་གསུམ་དགྱེས་པའི་རོལ་མོ་ཞེས་བྱ་བ་བཞུགས་སོ། ན་མཿཤྲཱི་གུ་རུ་བེ། དེ་ལ་འདིར་རྩ་བ་གསུམ་གྱི་ལྷ་ཚོགས་རྣམས་ཐུགས་དམ་བསྐང་བར་འདོད་པས། ཐོག་མར་སྐོང་རྫས་རྣམས། ཨ་མྲྀ་ཏས་བསང༌། སྭ་བྷཱ་ཝས་སྦྱང༌། སྟོང་པའི་ངང་ལས་གནས་ཁང་བྷྲཱུྃ་ལས་ཐར་པ་ཆེན་པོའི་གཞལ་ཡས་ཁང་གི་ནང་དུ་བསྐང་རྫས་རྣམས་འདོད་པའི་ཡོན་ཏན་བསམ་གྱིས་མི་ཁྱབ་པ་ནམ་མཁའ་མཛོད་ཀྱི་སྤྲིན་ཆེན་པོར་གྱུར། ནམ་མཁའ་མཛོད་ཀྱི་སྔགས་རྒྱས་བརླབ། དེ་ནས་བསྐང་བ་དངོས་ལ་འཇུག་པ་ནི། ཧཱུྃ་ཧྲཱིཿ །འོག་མིན་ཆོས་དབྱིངས་ཕོ་བྲང་ནས། །ཐོག་མའི་མགོན་པོ་འོད་མཐའ་ཡས། །ཡེ་ཤེས་རང་སྣང་འཁོར་གྱིས་བསྐོར། །ཆོས་སྐུའི་ལྷ་ཚོགས་ཐུགས་དམ་བསྐང༌། །ངེས་པ་ལྔ་ལྡན་ཕོ་བྲང་ནས། །བདེ་སྟོང་ཁ་སྦྱོར་རིགས་མཆོག་ལྔ། །ས་བཅུའི་བྱང་སེམས་འཁོར་གྱིས་བསྐོར། །ལོངས་སྐུའི་ལྷ་ཚོགས་ཐུགས་དམ་བསྐང༌། །པདྨ་འོད་ཀྱི་ཕོ་བྲང་ནས། །འཆི་མེད་པདྨ་ཐོད་ཕྲེང་རྩལ། རྩ་གསུམ་རྒྱ་མཚོའི་འཁོར་གྱིས་བསྐོར། །སྤྲུལ་སྐུའི་ལྷ་ཚོགས༴ །བྱིན་རླབས་རྨད་བྱུང་ཕོ་བྲང་ནས། །རྣམ་བཞིའི་རིག་འཛིན་གྲུབ་པའི་དཔྱིད། དགོངས་བརྡ་སྙན་ནས་བརྒྱུད་པ་ཡི། རྩ་བརྒྱུད་བླ་མའི༴ དངོས་གྲུབ་ཆར་འབེབས་ཕོ་བྲང་ནས། །ཞི་ཆགས་ཁྲོ་བོའི་རྣམ་རོལ་ཅན། །ཕྱི་ནང་རྒྱུད་སྡེ་རྒྱ་མཚོ་ཡི། །ཡི་དམ་ལྷ་ཚོགས༴ །གནས་ཡུལ་དུར་ཁྲོད་ཞིང་རྣམས་ནས། །རྣམ་ཀུན་མཆོག་ལྡན་སྒྱུ་མའི་གར། །ཞིང་སྔགས་ལྷན་ཅིག་སྐྱེས་པ་ཡི། །དཔའ་བོ་མཁའ་འགྲོའི༴ །སྒྱུ་འཕྲུལ་རྡོ་རྗེའི་ཕོ་བྲང་ནས། །སངས་རྒྱས་བསྟན་པ་སྲུང་བ་དང༌། །རྣམ་བཞིའི་ཕྲིན་ལས་སྒྲུབ་མཛད་པ། །ཆོས་སྲུང་ནོར་ལྷའི་ཐུགས་དམ་བསྐང༌། ཧཱུྃ་ཧྲཱིཿ །ཐུགས་དམ་བསྐང་བའི་དམ་རྫས་ནི། མེ་ཏོག་བདུག་སྤོས་མར་མེ་དང༌། །དྲི་ཆབ་ཞལ་ཟས་རོལ་མོ་སོགས། །ལྷ་རྫས་ཕྱི་ཡི་མཆོད་པས་བསྐང༌། །ཚོགས་དྲུག་དབུ་མར་ཐིམ་པ་ལས། །བྱུང་བའི་ཡེ་ཤེས་བླ་མེད་པ། །གཟུགས་སྒྲ་དྲི་རོ་རེག་བྱ་སོགས། །རང་བྱུང་ནང་གི་མཆོད་པས་བསྐང༌། །བདུད་རྩི་སྨན་དང་བ་ལིཾ་ཏ། །དམར་ཆེན་རཀྟ་ལ་སོགས་པ། །སྦྱོར་སྒྲོལ་བརྟུལ་ཞུགས་གྲུབ་པའི་དཔྱིད། །ལྷན་སྐྱེས་གསང་བའི་མཆོད་པས་བསྐང༌། །ཀ་དག་རིག་སྟོང་གཉུག་མའི་ཀློང༌། །ལྷུན་གྲུབ་འོད་གསལ་སྣང་བཞིའི་སྤྲིན། །ཟུང་འཇུག་འཁོར་གསུམ་ལས་འདས་པའི། །བླ་མེད་མཆོག་གི་མཆོད་པས་བསྐང༌། །སོ་ཐར་བྱང་སེམས་གསང་སྔགས་ཀྱི། །སྡོམ་དང་དམ་ཚིག་ཉམས་པ་སོགས། །རང་བཞིན་བཅས་པའི་ཉེས་ལྟུང་ཀུན། །རྩ་གསུམ་ལྷ་ཚོགས་སྤྱན་སྔར་བཤགས། །དེ་ལྟར་བསྐང་ཞིང་བཤགས་པའི་མཐུས། །གནས་སྐབས་རྣམ་བཞིའི་ཕྲིན་ལས་དང༌། །གྲུབ་ཆེན་བརྒྱད་དང་དབང་བཅུ་སོགས། །ཕན་བདེའི་འདོད་དགུ་ལྷུན་གྲུབ་མཛོད། །མཐར་ཐུག་བདག་གཞན་འགྲོ་བ་ཀུན། །སྐུ་དང་ཡེ་ཤེས་དབྱེར་མེད་པའི། །རྩ་གསུམ་དཀྱིལ་འཁོར་མངོན་གྱུར་ནས། །ཕྲིན་ལས་རྒྱུན་མི་ཆད་པར་ཤོག །ཅེས་པའང་རིག་པ་འཛིན་པ་འཇིགས་པ་མེད་པའི་སྡེས་སྦྱར་བའོ། ༈ རྩ་གསུམ་སྐོང་བཤགས་ཉེར་བསྡུས་ཀུན་བཟང་མཆོད་སྤྲིན་བཞུགས། སྐོང་རྫས་རྣམས་ནམ་མཁའ་མཛོད་ཀྱི་སྔགས་རྒྱས་བརླབས། ཧཱུྃ་ཧྲཱིཿ སྣོད་བཅུད་རྣམ་དག་རྡོ་རྗེའི་འོག་མིན་ཆེར། །དངོས་སུ་བཤམས་དང་ཡིད་ལས་བྱུང་བ་ཡི། །ཕྱི་ནང་གསང་བ་བླ་མེད་དེ་ཁོ་ནའི། །ཀུན་བཟང་རྣམ་འཕྲུལ་མཆོད་སྤྲིན་རྒྱ་མཚོ་འདིས། །རིག་འཛིན་རྩ་བརྒྱུད་བླ་མའི་ཐུགས་དམ་བསྐང༌། །ཡི་དམ་ཞི་ཁྲོའི་ལྷ་ཚོགས་ཐུགས་དམ་བསྐང༌། །གནས་གསུམ་དཔའ་བོ་མཁའ་འགྲོའི་ཐུགས་དམ་བསྐང༌། །ཆོས་སྲུང་ནོར་ལྷ་རྒྱ་མཚོའི་ཐུགས་དམ་བསྐང༌། །སྣང་སྲིད་དག་པ་རབ་འབྱམས་ཆེན་པོར་བསྐང༌། །ཐུགས་དམ་བསྐང་ཞིང་ཉམས་ཆག་མཐོལ་བཤགས་ན། །སྒྲིབ་མེད་ཚངས་པའི་དངོས་གྲུབ་བསྩལ་ནས་ཀྱང༌། །མཆོག་ཐུན་ཕྲིན་ལས་ཡིད་བཞིན་འགྲུབ་པར་མཛོད། ཅེས་པའང་མཚོ་སྐྱེས་བླ་མ་དགྱེས་པའི་འབངས་ཀྱི་བློ་མཚོ་ལས་ཕྱུང་བའོ།། །།

[edit]

@#/__rtsa gsum tshogs bsdus grangs gsog bya tshul bzhugs so/_na ma s+t+ri mU la ya/_bla ma gsang 'dus tshogs khri 'bum grangs gsog skabs/_tshogs rdzas bdud rtsis bran/_ra~M ya~M kha~M gis bsang_*/_oM AHhU~M hrIHsa brlab/_hU~M/_bla ma yi dam mkha' 'gro la/_zhal rdzas tshogs kyi mchod pa 'bul:_dam tshig nyams chag nyes ltung bshags:_dgra bgegs bkug bsgral zhal du bstab:_gu ru d+he wa DA ki nI ga Na tsakra pU dza khA hi:_badz+ra sa ma ya AH_gu ru d+he wa DA ki nI dgra bgegs kyi sha khrag rus pa la kha raM khA hi:_b+hin+d+ha ya b+hin+d+ha ya hU~M phaT:_ces mchod bshags bsgral gsum dus gcig tu phul/_lhag ma/_pany+tsa a mr-i ta hU~M ha ho hrIHsa brlab/_hU~M:_bcom ldan pad+ma he ru ka'i:_bka' yi lhag sdud tshogs rnams kun:_'dir byon bka' yi lhag gtor bzhes:_bcol ba'i phrin las sgrub par mdzod:_ces sam/_uts+tshiSh+Ta ba liM ta khA his bsngos la smon lam yang gdab bo/__!__yi dam bka' brgyad bde gshegs 'dus pa'i tshogs/_ra~M ya~M kha~M gis bsang sbyang*/_oM AHhU~M ha ho hrIHsa brlab/_hU~M/_/zhi khro bka' brgyad lha tshogs spyan 'dren gshegs/_/'dod yon mchod 'bul dam bskang dngos grub stsol/_/dgra bgegs bkug bsgral sha khrag rus pa'i tshogs/_/zag med bdud rtsi dgyes pa chen por bzhes/_oM ga Na tsakra pany+tsa kA ma gu Na pra tIts+tsha swA hA/_badz+ra sa ma ya AH_sarba sha trUn big+h+nAn dzaHhU~M baM hoHmA ra ya rbad:_kha kha khA hi khA hi:_zhes brjod cing bsgral bstab bya/_lhag ma pany+tsa a mr-i ta hU~M ha ho hrIH_e A ral+li hrIM dzaHsa lhag sdud spyan drangs la/_hU~M/_mkha' 'gro ging lang dbang phyug ma/_/ma sring 'bar ma pho nya'i tshogs/_/dpal gyi pham phabs 'di longs la/_/bcol ba'i phrin las 'grub par mdzod/_oM uts+tshi Sh+Ta ba liM ta b+hak+Sha sI swA hA/_zhes bsngo ba smon lam yang gdab bo/__!__nyang gter mkha' 'gro khros nag gi tshogs grangs bsag skabs/_tshogs rdzas ra~M ya~M kha~M gis bsang sbyang*/_oM AHhU~M ga Na tsakra pU dza hU~M gis brlab/_hU~M/_rdo rje mkha' 'gro phag mo yum:_mkha' 'gro ma yi tshogs kyis bskor:_'dir gshegs tshogs kyi mchod pa bzhes:_rnal 'byor bdag la dngos grub stsol:_pheM pheM pheM:_oM shrI badz+ra wA ra hi kro d+hI kA li ha ri ni sa ga Na tsakra pU dza hU~M gis phud dang*/_hU~M:_mkha' 'gro ging lang dbang phyug ma:_pho nya la sogs lhag sdud tshogs:_mchod sbyin bzang po 'di bzhes la:_rnal 'byor bcol ba'i phrin las mdzod:_oM uts+tshi Sh+Ta sarba DA ki ni pra tIts+tsha ba liM ta kha kha khA hi khAhi:_zhes lhag ma phul/_smon lam yang gdab bo/__!__lhag pa'i lha spyi la 'jug pa'i bskang bshags bsdus pa rtsa gsum dgyes pa'i rol mo zhes bya ba bzhugs so/_na maHshrI gu ru be/_de la 'dir rtsa ba gsum gyi lha tshogs rnams thugs dam bskang bar 'dod pas/_thog mar skong rdzas rnams/_a mr-i tas bsang*/_swa b+hA was sbyang*/_stong pa'i ngang las gnas khang b+h+rU~M las thar pa chen po'i gzhal yas khang gi nang du bskang rdzas rnams 'dod pa'i yon tan bsam gyis mi khyab pa nam mkha' mdzod kyi sprin chen por gyur/_nam mkha' mdzod kyi sngags rgyas brlab/_de nas bskang ba dngos la 'jug pa ni/_hU~M hrIH_/'og min chos dbyings pho brang nas/_/thog ma'i mgon po 'od mtha' yas/_/ye shes rang snang 'khor gyis bskor/_/chos sku'i lha tshogs thugs dam bskang*/_/nges pa lnga ldan pho brang nas/_/bde stong kha sbyor rigs mchog lnga/_/sa bcu'i byang sems 'khor gyis bskor/_/longs sku'i lha tshogs thugs dam bskang*/_/pad+ma 'od kyi pho brang nas/_/'chi med pad+ma thod phreng rtsal/_rtsa gsum rgya mtsho'i 'khor gyis bskor/_/sprul sku'i lha tshogs=_/byin rlabs rmad byung pho brang nas/_/rnam bzhi'i rig 'dzin grub pa'i dpyid/_dgongs brda snyan nas brgyud pa yi/_rtsa brgyud bla ma'i=_dngos grub char 'bebs pho brang nas/_/zhi chags khro bo'i rnam rol can/_/phyi nang rgyud sde rgya mtsho yi/_/yi dam lha tshogs=_/gnas yul dur khrod zhing rnams nas/_/rnam kun mchog ldan sgyu ma'i gar/_/zhing sngags lhan cig skyes pa yi/_/dpa' bo mkha' 'gro'i=__/sgyu 'phrul rdo rje'i pho brang nas/_/sangs rgyas bstan pa srung ba dang*/_/rnam bzhi'i phrin las sgrub mdzad pa/_/chos srung nor lha'i thugs dam bskang*/_hU~M hrIH_/thugs dam bskang ba'i dam rdzas ni/_me tog bdug spos mar me dang*/_/dri chab zhal zas rol mo sogs/_/lha rdzas phyi yi mchod pas bskang*/__/tshogs drug dbu mar thim pa las/_/byung ba'i ye shes bla med pa/_/gzugs sgra dri ro reg bya sogs/_/rang byung nang gi mchod pas bskang*/_/bdud rtsi sman dang ba liM ta/_/dmar chen rak+ta la sogs pa/_/sbyor sgrol brtul zhugs grub pa'i dpyid/_/lhan skyes gsang ba'i mchod pas bskang*/__/ka dag rig stong gnyug ma'i klong*/_/lhun grub 'od gsal snang bzhi'i sprin/_/zung 'jug 'khor gsum las 'das pa'i/_/bla med mchog gi mchod pas bskang*/_/so thar byang sems gsang sngags kyi/_/sdom dang dam tshig nyams pa sogs/_/rang bzhin bcas pa'i nyes ltung kun/_/rtsa gsum lha tshogs spyan sngar bshags/_/de ltar bskang zhing bshags pa'i mthus/_/gnas skabs rnam bzhi'i phrin las dang*/_/grub chen brgyad dang dbang bcu sogs/_/phan bde'i 'dod dgu lhun grub mdzod/_/mthar thug bdag gzhan 'gro ba kun/_/sku dang ye shes dbyer med pa'i/_/rtsa gsum dkyil 'khor mngon gyur nas/_/phrin las rgyun mi chad par shog_/ces pa'ang rig pa 'dzin pa 'jigs pa med pa'i sdes sbyar ba'o/__!__rtsa gsum skong bshags nyer bsdus kun bzang mchod sprin bzhugs/_skong rdzas rnams nam mkha' mdzod kyi sngags rgyas brlabs/_hU~M hrIH_snod bcud rnam dag rdo rje'i 'og min cher/_/dngos su bshams dang yid las byung ba yi/_/phyi nang gsang ba bla med de kho na'i/_/kun bzang rnam 'phrul mchod sprin rgya mtsho 'dis/_/rig 'dzin rtsa brgyud bla ma'i thugs dam bskang*/_/yi dam zhi khro'i lha tshogs thugs dam bskang*/_/gnas gsum dpa' bo mkha' 'gro'i thugs dam bskang*/_/chos srung nor lha rgya mtsho'i thugs dam bskang*/_/snang srid dag pa rab 'byams chen por bskang*/_/thugs dam bskang zhing nyams chag mthol bshags na/_/sgrib med tshangs pa'i dngos grub bstsal nas kyang*/_/mchog thun phrin las yid bzhin 'grub par mdzod/__ces pa'ang mtsho skyes bla ma dgyes pa'i 'bangs kyi blo mtsho las phyung ba'o//_//