DKR-KABUM-02-KHA-050-20

🚧 This website is under continued development. We appreciate your patience!

First text in volume.Last text in volume.

Wylie title		page=1
Location	dil mgo mkhyen brtse bka' 'bum Volume 50, Text 20, Pages (Folios to )
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Citation
Genre

Tibetan Text

Wylie

[edit]

༈ མཁས་པ་བློ་ལྡན་མཆོག་སྲེད་ལ་བསྔགས་པ་ཚངས་སྲས་དཔལ་མོ་སྙེམས་པའི་གླིང་བུ་ཞེས་བྱ་བ། ན་མོ་གུ་རུ། ཀུན་གཟིགས་ཡེ་ཤེས་མེ་ལོང་འཆར་པའི་ལྷ། །ཆོས་རབ་རྣམ་འབྱེད་སྤོབས་པའི་རོལ་སྒེག་ཀྱིས། །སྙེམས་ཚེ་བློ་ལྡན་མཆོག་སྲེད་མཚན་གྱི་རྔས། །རབ་མཛེས་རྒྱལ་སྲས་ཆེན་པོར་བསྟོད་ལ་བྲེལ། ༡ །གཟོད་ནས་ཆོས་ཀུན་མཁྱེན་པའི་མཐར་སོན་བཞིན། །ཞིང་འདིར་མཚུངས་མེད་རིག་པ་འཛིན་ཟོལ་གྱིས། །མཁྱེན་གཉིས་སྣང་བྱེད་ཟུང་གིས་ཁྱེད་ཐུགས་མཁར། འདུ་འབྲལ་མེད་པའི་འགྲོ་འོང་གཡོ་བས་མཛེས། ༢ །མཐའ་ཡས་ཤེས་བྱའི་ཆོས་ཚུལ་རྒྱ་མཚོའི་གཟུགས། །མགོན་ཁྱོད་ཡེ་ཤེས་གསེར་གྱི་བརྟན་ལྡན་ངོགས། །ལེགས་བསྐྱེད་ཐུགས་བརྩེའི་རླབས་ཕྲེང་མུ་ཏིག་གི །དོ་ཤལ་མཚུངས་པས་རྟག་ཏུ་རྒྱན་པ་ལས། ༣ །མ་ལུས་འགྲོ་རྒྱུད་མི་ཤེས་སྲིད་པའི་ནོངས། །སེལ་ཕྱིར་དཔག་མེད་ཆོས་སྒོའི་མ་ཎི་ཀ །ཕྲིན་ལས་རྒྱལ་མཚན་རྩེ་མོར་བརྗིད་པ་ལས། །དགེ་ལེགས་ཤིས་པའི་ཆར་བཟང་ཟད་མི་ཤེས། ༤ །གཟུངས་སྤོབས་བློ་ཡི་ན་ཚོད་དར་བབ་པའི། །བློ་ལྡན་གཉིས་འཐུང་ཁྱུ་མཆོག་ཚོགས་པའི་དབུས། །འཇིགས་མེད་མཁྱེན་རབ་སུམ་ཟུང་མཆེ་བ་ཅན། །རྒྱུ་སྐར་དབུས་ན་བདུད་རྩིའི་གཏེར་བཞིན་སྙེམས། ༥ །རྒྱལ་དགོངས་དྲང་ངེས་ཐེག་པ་ཆེ་ཆུང་གི །རྣམ་བཞག་ཚོན་རིགས་བརྒྱ་ལྡན་དབང་པོའི་གཞུ། །ཁྱེད་ཐུགས་འཆི་མེད་ལམ་ཀུན་མཛེས་པ་ལས། །བློ་ལྡན་བྱེ་བའི་མིག་གི་བདུད་རྩིར་སིམ། ༦ །མཐའ་དག་ཐ་སྙད་རིག་གཞུང་དལ་འགྲོ་བཞི། །མཁྱེན་ཟབ་མ་དྲོས་ཆུ་གཏེར་ལས་ཐོན་པས། །རྒྱལ་བའི་ཆོས་གཏེར་གདེངས་ཅན་དབང་པོ་ཡིས། །ནོར་བུའི་མཛོད་ཀྱི་ལྡེའུ་མིག་ཁྱེད་ལ་མངའ། ༧ །ཆོས་སྒོ་གཅིག་གིས་མཐའ་ཡས་འགྲོ་སྒྲོལ་ཡང༌། །ཚིག་དོན་འཛད་མེད་དབྱར་གྱི་ཆར་བཞིན་དུ། །འཇོ་བས་བློ་ཡི་དྲི་མ་འཁྲུད་དང་བཅས། །ཀུན་མཁྱེན་ལང་ཚོའི་དཔལ་ཡོན་ཅིར་ཡང་དར། ༨ །ཟབ་དང་རྒྱ་ཆེ་རྣམ་པ་ཐམས་ཅད་གསུང༌། །ཇི་ལྟར་བསྟན་ཀྱང་མཐར་ཐུག་རྣམ་མཁྱེན་གྱི། །དཔལ་ལ་དབུགས་འབྱིན་བྱེད་པ་ཁོ་ན་སྟེ། །མཐར་ཐུག་དགོངས་བཅུད་རྒྱ་མཚོ་གཅིག་ཏུ་འཁྱིལ། ༩ །མཐོང་ཐོས་དྲན་དང་རེག་པའི་སྐལ་བཟང་ལ། །ཆོས་བཟང་ནོར་བུའི་ཞགས་པས་ལེགས་བཟུང་ནས། །རྣམ་གྲོལ་གླིང་དུ་དྲངས་པའི་གསུང་རྡོ་རྗེ། །ངག་གི་དབང་ཕྱུག་དཔལ་གྱིས་ཡོངས་སུ་བརྒྱན། ༡༠ །ཁྱོད་ཐུགས་ཤེས་བྱ་ཀུན་ལ་འཇུག་པའི་མཐུས། །ཡེ་ཤེས་ནོར་བུའི་གཟི་འོད་དད་བློ་ཡི། །བརྩོན་པས་མཆོད་པ་ཀུན་ཀྱང་ཆོས་ཐམས་ཅད། །གཟིགས་པའི་སྤྱན་རས་བདེ་མྱུར་བཀྲ་བར་མཛོད། ༡༡ །རབ་འབྱམས་རྒྱལ་བའི་ཐུགས་དབྱིངས་དཔལ་བེའུར། །ཡེ་ཤེས་སེམས་དཔའ་གྱད་ཀྱི་ནོར་བུ་བཞིན། །བཞུགས་པས་ཆོས་ཀྱི་དབྱིངས་ཀུན་རྒྱས་འགེངས་པའི། །ཟག་མེད་ཡོན་ཏན་སྣང་བ་བློས་མི་དཔོག ༡༢ །སྲིད་པའི་རྩ་བ་བདག་ཏུ་ལྟ་བ་ཡི། །མ་རིག་གཤེད་དུ་དཔའ་བ་ཁྱོད་གཅིག་ཕྱིར། །བློ་ལྡན་དད་དང་མོས་པའི་རྩལ་འཆང་ཀུན། །ཁྱོད་ཞབས་པདྨོར་མའི་བསྟེན་སུ་མ་མཆིས། ༡༣ །སྲིད་ཞིའི་དཔལ་ཀུན་མཚོ་ལས་ནོར་བུ་བཞིན། །ཁྱེད་ལས་འབྱུང་ཞིང་འཁོར་འདས་སྲོག་གི་སྙིང༌། །ཡེ་ཤེས་ལུས་ཅན་གྲགས་པའི་དབྱར་རྔ་ཡིས། །བདག་ཡིད་རྨ་བྱ་སྒེག་པའི་གར་གྱིས་བཏུད། ༡༤ །གཏིང་དཔོག་དཀའ་བའི་ཡེ་ཤེས་ནམ་མཁའི་དབྱིངས། །མོས་པས་བཏུད་ཅིང་བསྟོད་པའི་བསོད་ནམས་ཀྱང༌། །མཁའ་དང་རྒྱ་མཚོའི་འཇིངས་བཞིན་མཐའ་ཡས་པས། །འགྲོ་བའི་ཉེར་འཚོའི་དཔལ་དུ་བདག་གྱུར་ཅིག ༡༥

[edit]

!___mkhas pa blo ldan mchog sred la bsngags pa tshangs sras dpal mo snyems pa'i gling bu zhes bya ba/__na mo gu ru/__kun gzigs ye shes me long 'char pa'i lha/__/chos rab rnam 'byed spobs pa'i rol sgeg kyis/__/snyems tshe blo ldan mchog sred mtshan gyi rngas/__/rab mdzes rgyal sras chen por bstod la brel/_1_/gzod nas chos kun mkhyen pa'i mthar son bzhin/__/zhing 'dir mtshungs med rig pa 'dzin zol gyis/__/mkhyen gnyis snang byed zung gis khyed thugs mkhar/__'du 'bral med pa'i 'gro 'ong g.yo bas mdzes/_2_/mtha' yas shes bya'i chos tshul rgya mtsho'i gzugs/__/mgon khyod ye shes gser gyi brtan ldan ngogs/__/legs bskyed thugs brtse'i rlabs phreng mu tig gi__/do shal mtshungs pas rtag tu rgyan pa las/_3_/ma lus 'gro rgyud mi shes srid pa'i nongs/__/sel phyir dpag med chos sgo'i ma Ni ka__/phrin las rgyal mtshan rtse mor brjid pa las/__/dge legs shis pa'i char bzang zad mi shes/_4_/gzungs spobs blo yi na tshod dar bab pa'i/__/blo ldan gnyis 'thung khyu mchog tshogs pa'i dbus/__/'jigs med mkhyen rab sum zung mche ba can/__/rgyu skar dbus na bdud rtsi'i gter bzhin snyems/_5_/rgyal dgongs drang nges theg pa che chung gi__/rnam bzhag tshon rigs brgya ldan dbang po'i gzhu/__/khyed thugs 'chi med lam kun mdzes pa las/__/blo ldan bye ba'i mig gi bdud rtsir sim/_6_/mtha' dag tha snyad rig gzhung dal 'gro bzhi/__/mkhyen zab ma dros chu gter las thon pas/__/rgyal ba'i chos gter gdengs can dbang po yis/__/nor bu'i mdzod kyi lde'u mig khyed la mnga'/_7_/chos sgo gcig gis mtha' yas 'gro sgrol yang*/__/tshig don 'dzad med dbyar gyi char bzhin du/__/'jo bas blo yi dri ma 'khrud dang bcas/__/kun mkhyen lang tsho'i dpal yon cir yang dar/_8_/zab dang rgya che rnam pa thams cad gsung*/__/ji ltar bstan kyang mthar thug rnam mkhyen gyi/__/dpal la dbugs 'byin byed pa kho na ste/__/mthar thug dgongs bcud rgya mtsho gcig tu 'khyil/_9_/mthong thos dran dang reg pa'i skal bzang la/__/chos bzang nor bu'i zhags pas legs bzung nas/__/rnam grol gling du drangs pa'i gsung rdo rje/__/ngag gi dbang phyug dpal gyis yongs su brgyan/_10_/khyod thugs shes bya kun la 'jug pa'i mthus/__/ye shes nor bu'i gzi 'od dad blo yi/__/brtson pas mchod pa kun kyang chos thams cad/__/gzigs pa'i spyan ras bde myur bkra bar mdzod/_11_/rab 'byams rgyal ba'i thugs dbyings dpal be'ur/__/ye shes sems dpa' gyad kyi nor bu bzhin/__/bzhugs pas chos kyi dbyings kun rgyas 'gengs pa'i/__/zag med yon tan snang ba blos mi dpog_12_/srid pa'i rtsa ba bdag tu lta ba yi/__/ma rig gshed du dpa' ba khyod gcig phyir/__/blo ldan dad dang mos pa'i rtsal 'chang kun/__/khyod zhabs pad+mor ma'i bsten su ma mchis/_13_/srid zhi'i dpal kun mtsho las nor bu bzhin/__/khyed las 'byung zhing 'khor 'das srog gi snying*/__/ye shes lus can grags pa'i dbyar rnga yis/__/bdag yid rma bya sgeg pa'i gar gyis btud/_14_/gting dpog dka' ba'i ye shes nam mkha'i dbyings/__/mos pas btud cing bstod pa'i bsod nams kyang*/__/mkha' dang rgya mtsho'i 'jings bzhin mtha' yas pas/__/'gro ba'i nyer 'tsho'i dpal du bdag gyur cig_15