JKW-KABUM-22-ZA-007-011

🚧 This website is under continued development. We appreciate your patience!

Previous Text Back to Volume PageNext Text

མཎྜལ་བསོད་ནམས་ཆར་འབེབས།

Wylie title	maN+Dala bsod nams char 'bebs
Location	mkhyen brtse'i bka' 'bum Volume 22, sde tshan 7, Text 11, Pages 223-224 (Folios 20a6 to 20b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. maN+Dala bsod nams char 'bebs. In 'jam dbyangs mkhyen brtse'i dbang po'i bka' 'bum, Vol. 22: 223-224. Khams sde dge rdzong sar dgon: Rdzong sar blo gros phun tshogs, 2020.
Genre	Guru Yoga Texts - bla ma'i rnal 'byor  ·  Offering Rituals - mchod sbyin

1 Texts in this Section (sde tshan or chos tshan)

11 223-224	མཎྜལ་བསོད་ནམས་ཆར་འབེབས། maN+Dala bsod nams char 'bebs Guru Yoga Texts - bla ma'i rnal 'byor   ·   Offering Rituals - mchod sbyin	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

མཎྜལ་གྱི་རིམ་པ་བསོད་ནམས་ཆར་འབེབས་ཅེས་བྱ་བ། ཨོཾ་ཨཱཿཧཱུྃ། བདག་གཞན་ལུས་དང་ལོངས་སྤྱོད་དང་། །དུས་གསུམ་དགེ་ཚོགས་ལས་བྱུང་བའི། །འོག་གཞི་དབང་ཆེན་གསེར་གྱི་གཞིར། །ཕྱི་རོལ་ལྕགས་རིས་ཁོར་ཡུག་བསྐོར། །དབུས་སུ་རི་རབ་ལྷུན་པོ་དང་། །ཕྱོགས་མཚམས་གླིང་བཞི་གླིང་ཕྲན་བརྒྱད། །རིན་ཆེན་རི་བོ་དཔག་བསམ་ཤིང་། །འདོད་འཇོའི་བ་དང་མ་རྨོས་ཚལ། །རྒྱལ་སྲིད་སྣ་བདུན་གཏེར་ཆེན་བུམ། །སྒེག་སོགས་མཆོད་པའི་ལྷ་མོ་དང་། །ཉི་མ་ཟླ་བའི་སྣང་བས་མཛེས། །གདུགས་དང་རྒྱལ་མཚན་སྲིད་རྩེར་བསྒྲེང་། །གཞན་ཡང་ལྷ་མིའི་དཔལ་འབྱོར་ནི། །མ་ཚང་མེད་པའི་མཆོད་སྤྲིན་ཆེ། །རྡུལ་གཅིག་སྟེང་ན་རྡུལ་སྙེད་ཀྱི། །ཞིང་ཁམས་རབ་འབྱམས་བསམ་མི་ཁྱབ། །དངོས་བཤམས་གཟུངས་དང་རིག་པ་དང་། །མོས་པའི་སྟོབས་ཀྱིས་རྣམ་སྤྲུལ་ཏེ། །འཁོར་བ་ཇི་སྲིད་གནས་ཀྱི་བར། །རྩ་བརྒྱུད་བླ་མ་ཡི་དམ་ལྷ། །ཕྱོགས་བཅུའི་སངས་རྒྱས་བྱང་ཆུབ་སེམས། །ཆོས་སྲུང་ནོར་ལྷའི་ཚོགས་བཅས་ལ། །སྒོ་གསུམ་གུས་པས་འབུལ་བར་བགྱི། །ཐུགས་རྗེའི་དབང་གིས་བཞེས་ནས་ཀྱང་། །བདག་དང་མཐའ་ཡས་སེམས་ཅན་གྱི། །ནད་གདོན་སྡིག་སྒྲིབ་ཞི་བ་དང་། །བསོད་ནམས་ཡེ་ཤེས་ཚོགས་རྫོགས་ནས། །དོན་གཉིས་འགྲུབ་པར་བྱིན་གྱིས་རློབས། །ཨོཾ་གུ་རུ་བུདྡྷ་བོ་དྷི་སཏྭཱ་ས་པ་རི་ཝཱ་ར་རཏྣ་མཎྜལ་པཱུ་ཛ་མེ་གྷ་ས་མུ་དྲ་སྥཱ་ར་ཎ་ས་མ་ཡེ་ཨཱཿཧཱུྃ། ། ༈

[edit]

maN+Dal bsod nams char 'bebs/__ maN+Dal gyi rim pa bsod nams char 'bebs ces bya ba/__oM AHhU~M/__bdag gzhan lus dang longs spyod dang /__/dus gsum dge tshogs las byung ba'i/__/'og gzhi dbang chen gser gyi gzhir/__/phyi rol lcags ris khor yug bskor/__/dbus su ri rab lhun po dang /__/phyogs mtshams gling bzhi gling phran brgyad/__/rin chen ri bo dpag bsam shing /__/'dod 'jo'i ba dang ma rmos tshal/__/rgyal srid sna bdun gter chen bum/__/sgeg sogs mchod pa'i lha mo dang /__/nyi ma zla ba'i snang bas mdzes/__/gdugs dang rgyal mtshan srid rtser bsgreng /__/gzhan yang lha mi'i dpal 'byor ni/__/ma tshang med pa'i mchod sprin che/__/rdul gcig steng na rdul snyed kyi/__/zhing khams rab 'byams bsam mi khyab/__/dngos bshams gzungs dang rig pa dang /__/mos pa'i stobs kyis rnam sprul te/_/'khor ba ji srid gnas kyi bar/__/rtsa brgyud bla ma yi dam lha/__/phyogs bcu'i sangs rgyas byang chub sems/__/chos srung nor lha'i tshogs bcas la/__/sgo gsum gus pas 'bul bar bgyi/__/thugs rje'i dbang gis bzhes nas kyang /__/bdag dang mtha' yas sems can gyi/__/nad gdon sdig sgrib zhi ba dang /__/bsod nams ye shes tshogs rdzogs nas/__/don gnyis 'grub par byin gyis rlobs/__/oM gu ru bud+d+ha bo d+hi satwA sa pa ri wA ra rat+na maN+Dal pU dza me g+ha sa mu dra s+phA ra Na sa ma ye AHhU~M/__/__!_