JKW-KABUM-22-ZA-012-036

🚧 This website is under continued development. We appreciate your patience!

Previous Text Back to Volume PageNext Text

ཕྲིན་ལས་ཕུར་པའི་དཀྱིལ་འཁོར་དུ་རྟོགས་པ་བརྗོད་པའི་རྡོ་རྗེའི་ཐོལ་གླུ་རྡོ་རྗེ་ཁྲོས་པའི་ཞལ་ལུང་།

Wylie title	phrin las phur pa'i dkyil 'khor du rtogs pa brjod pa'i rdo rje'i thol glu rdo rje khros pa'i zhal lung
Location	mkhyen brtse'i bka' 'bum Volume 22, sde tshan 12, Text 36, Pages 458-462 (Folios 57b5 to 59b1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. phrin las phur pa'i dkyil 'khor du rtogs pa brjod pa'i rdo rje'i thol glu rdo rje khros pa'i zhal lung. In 'jam dbyangs mkhyen brtse'i dbang po'i bka' 'bum, Vol. 22: 458-462. Khams sde dge rdzong sar dgon: Rdzong sar blo gros phun tshogs, 2020.
Genre	Autobiographies - Expressions of Realization - rtogs brjod  ·  Vajra Songs - rdo rje'i glu
Colophon	།ཞེས་པའང་ཕྲིན་ལས་ཀྱི་དབེན་གནས་མོན་ཁ་ནེའུ་རིང་སེང་གེ་རྫོང་དུ་ཀུན་ལྡན་དབྱུག་པ་ཟླ་༩བའི་དཀར་ཕྱོགས་ཀྱི་དགའ་བ་གཉིས་༦པར་དཔལ་ཆེན་རྡོ་རྗེ་གཞོན་ནུའི་དཀྱིལ་འཁོར་དུ་ཚོགས་ཀྱི་མཆོད་པ་བརྒྱ་ཕྲག་ཐལ་བ་བགྱིས་པའི་རྗེས་ཐོག་ཏུ་རྐང་འཐུང་ལང་ཚོས་བཀྲ་བའི་བསྟི་གནས་ཉམས་དགའ་བར་བྲིས་པའོ།།
	zhes pa'ang phrin las kyi dben gnas mon kha ne'u ring seng ge rdzong du kun ldan dbyug pa zla 9ba'i dkar phyogs kyi dga' ba gnyis 6par dpal chen rdo rje gzhon nu'i dkyil 'khor du tshogs kyi mchod pa brgya phrag thal ba bgyis pa'i rjes thog tu rkang 'thung lang tshos bkra ba'i bsti gnas nyams dga' bar bris pa'o

1 Texts in this Section (sde tshan or chos tshan)

36 458-462	ཕྲིན་ལས་ཕུར་པའི་དཀྱིལ་འཁོར་དུ་རྟོགས་པ་བརྗོད་པའི་རྡོ་རྗེའི་ཐོལ་གླུ་རྡོ་རྗེ་ཁྲོས་པའི་ཞལ་ལུང་། phrin las phur pa'i dkyil 'khor du rtogs pa brjod pa'i rdo rje'i thol glu rdo rje khros pa'i zhal lung Autobiographies - Expressions of Realization - rtogs brjod   ·   Vajra Songs - rdo rje'i glu	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ཕྲིན་ལས་རྡོ་རྗེ་གཞོན་ནུའི་དཀྱིལ་འཁོར་དུ་རྟོགས་པ་བརྗོད་པའི་རྡོ་རྗེའི་ཐོལ་གླུ་རྡོ་རྗེ་ཁྲོས་པའི་ཞལ་ལུང་ཅེས་བྱ་བ། ཨ་ཧོ། ཆོས་དབྱིངས་འགྱུར་མེད་རྣམ་ཀུན་མཆོག་ལྡན་གྱི་ཡེ་ཤེས། །ཐབས་དང་ཤེས་རབ་ཟུང་འཇུག་གཟུགས་སྐུ་ཡི་སྒྱུ་འཕྲུལ། །གང་འདུལ་ཕྲིན་ལས་རྣམ་བཞིའི་རོལ་མོ་རུ་སྟོན་པའི། །བཅོམ་ལྡན་རྡོ་རྗེ་ཕུར་པ་རྣལ་འབྱོར་ཆེན་པོའི་རྒྱུད་ལས། རྡོ་རྗེ་ཆོས་དབྱིངས་མི་འགྱུར་བ། །གཞོན་ནུ་གཟུགས་སྐུ་རྣམ་གཉིས་སོ། །ཞེས་བཤད། གཞོན་ནུའི་དཀྱིལ་འཁོར་ལ་བཏུད་ནས། །ཟབ་གསང་སྙིང་པོའི་ལམ་གྱི་ཐོལ་གླུ་ཞིག་ལེན་ནོ། །བུམ་གསང་ཤེས་རབ་ཡེ་ཤེས་དབང་བཞི་ཡི་ཕུར་བུ། །གནས་སྐབས་རྣམ་བཞིའི་བསྐྱེད་པའི་འཁྲུལ་ཆོས་ལ་ཐེབས་པས། ཐུགས་རྗེ་ཁྲོས་པའི་བཤད་རྒྱུད་ལས། །རྡུལ་ཚོན་ལུས་དང་བྱང་ཆུབ་སེམས། །དེ་བཞིན་ཉིད་ཀྱི་དཀྱིལ་འཁོར་མཆོག །བརྟེན་ནས་དབང་རྣམས་ཡང་དག་བསྐུར། །བུམ་པ་གསང་བ་ཤེས་རབ་དབང་། །བཞི་པ་མཆོག་གི་དབང་ཆེན་ཡིན། །ཞེས་སོ། །ཕྱི་ནང་གསང་བ་མཐར་ཐུག་དཀྱིལ་འཁོར་བཞིའི་ཀློང་ནས། །སྐུ་གསུམ་དབྱེར་མེད་རྡོ་རྗེ་གཞོན་ནུ་དང་མཇལ་བྱུང་། །རིག་པ་རང་བྱུང་ཡེ་ཤེས་བློ་འདས་ཀྱི་ཕུར་བུས། ཕུར་པ་རྡོ་རྗེ་བཀོད་པའི་རྒྱུད་ཀྱི་རྒྱལ་པོ་ལས། །ཕུར་ནི་ཐབས་ཀྱི་རྒྱལ་པོ་ལ། །པ་ནི་ཤེས་རབ་ཡུམ་གྱི་དོན། །གཉིས་སུ་མེད་པ་རྡོ་རྗེའི་ངང་། །ཅེས་འབྱུང་ངོ་། །གཟུང་འཛིན་སྤང་བླང་བྲལ་བའི་ཆོས་དབྱིངས་སུ་ཐེབས་པས། ཕུར་པ་རྣལ་འབྱོར་ཆེན་པོའི་རྒྱུད་ལས། །ཕུར་པ་རང་བྱུང་ཡེ་ཤེས་ལ། །དབྱེ་བ་རྣམ་པ་བཞི་ཡིན་ཏེ། །རང་རིག་ཡེ་ཤེས་ཕུར་པ་ཡིས། །ཡུལ་ཆོས་དབྱིངས་ལ་གདབ་པ་དང་། །ཐུགས་རྗེ་ཆེན་པོའི་ཕུར་བ་ཡིས། །ཁམས་གསུམ་སེམས་ཅན་ཀུན་ལ་གདབ། །གསང་བ་བྱང་སེམས་ཕུར་པ་ཡིས། །ཡུམ་གྱི་མཁའ་ལ་གདབ་པ་དང་། །མཚན་མ་བྱང་སེམས་ཕུར་པ་ཡིས། །ཉམས་པ་བདུན་ལ་གདབ་པའོ། །ཞེས་གསུངས་ཤིང་། རྒྱུད་གཞན་ལས་ཀྱང་དེ་དང་མཐུན་པར་བསྟེན་པའི་དོན་རིམ་པར་ཕྱེ་བ་སྟེ་ལུགས་འདིའི་གྲུབ་པའི་མཐའ་ཐུན་མོང་མ་ཡིན་པའོ། །འཁོར་འདས་གཉིས་སུ་མི་ཕྱེད་རྡུལ་བྲལ་གྱི་ཀློང་ནས། །ངེས་དོན་འགོགས་བདེན་རྡོ་རྗེ་གཞོན་ནུ་དང་མཇལ་བྱུང་། །ཚད་རྡོ་རྗེ་བཀོད་པ་ལས། ལྟ་བ་མཉམ་པར་བཀོད་པ་དང་། །སྤྱོད་པ་ཅིར་ཡང་མི་སྙམས་ཞིང་། །ཐབས་ཀྱིས་འགྲོ་བའི་དོན་བྱེད་པ། །དེ་ནི་དམ་ཚིག་མཆོག་ཏུ་གསུངས། །ཞེས་སོ། །མེད་ཐུགས་རྗེ་ཆེན་པོའི་སྤྲུལ་པ་ཡི་ཕུར་བུ། །སྲིད་པ་སུམ་ཅུ་རྩ་གཅིག་གྲོང་ཁྱེར་དུ་ཐེབས་པས། །འཁོར་བ་གདོད་ནས་དག་པའི་དཀྱིལ་འཁོར་གྱི་ཀློང་ནས། །སྣང་སྲིད་གཞིར་བཞེངས་རྡོ་རྗེ་གཞོན་ནུ་དང་མཇལ་བྱུང་། །རྗེས་ཆགས་སྒྱུ་མར་ཤར་བའི་བྱང་སེམས་ཀྱི་ཕུར་བུ། །ཤེས་རབ་སྟོང་ཆེན་ཡུམ་གྱི་མཁའ་དབྱིངས་སུ་ཐེབས་པས། །དབབ་བཟློག་འདྲེན་དགྲམ་དགའ་བཞིའི་ཕུར་པ་ཕྲིན་ལས་ཀྱི་རྒྱུད་ལས། །མཚན་ལྡན་ཤེས་རབ་དག་ལ་ནི། །སྣ་ཚོགས་དྲི་ཡིས་རབ་བརྒྱན་ཞིང་། །བསྲུབས་དང་སྲུབ་པའི་ཐབས་དག་ལས། །མི་རྟོག་པ་ནི་རབ་ཏུ་སྐྱེ། །དགའ་བ་མཆོག་ཏུ་དགའ་བ་དང་། །མངོན་དགའ་རང་བཞིན་དགའ་བ་སྟེ། །རྡོ་རྗེ་དབྱིངས་ཀྱི་དབང་ཕྱུག་མ། །བགྲོད་བྱེད་མན་ངག་དག་གིའོ། །ཞེས་སོ། །དཀྱིལ་འཁོར་གྱི་ཀློང་ནས། །བདེ་སྟོང་ཟུང་འཇུག་རྡོ་རྗེ་གཞོན་ནུ་དང་མཇལ་བྱུང་། །རྟེན་འབྲེལ་སྣང་ཚུལ་མ་འགགས་འདུས་བྱས་ཀྱི་ཕུར་བུ། །ཉོན་མོངས་རང་གར་ཤོར་བའི་དགྲ་བགེགས་ལ་ཐེབས་པས། །ལས་ངན་རྒྱུན་ཐག་གཅོད་བའི་དཀྱིལ་ཕུར་པ་རྡོ་རྗེ་བཀོད་པའི་རྒྱུད་ལས། །གང་ལ་དམིགས་པའི་ངོ་བོ་ལ། །གདབ་པའི་ལས་དག་བྱས་ནས་ནི། །རྣམ་ཤེས་དབྱིངས་སུ་ཡང་དག་སྦྱར། །ལྷག་མ་ལྷ་ལ་མཆོད་པར་བྱ། །ཞེས་དང་། གཞན་ཡང་རྣལ་འབྱོར་ཆེན་པོའི་རྒྱུད་ལས། བསྲེག་པ་མེ་ཡི་ལས་ལ་བསྐུར། །མནན་པ་ས་ཡང་དེ་བཞིན་ཏེ། །འཕང་བ་ཟོར་རུ་ཤེས་པར་བྱ། ཞེས་སོགས་ཀྱང་འདྲེན་ཏོ། །འཁོར་གྱི་ཀློང་ནས། །སྲིད་གསུམ་ཡོངས་སྒྲོལ་རྡོ་རྗེ་གཞོན་ནུ་དང་མཇལ་བྱུང་། །དེ་སྐད་རྡོ་རྗེ་ཁྲོས་པའི་ཞལ་ལུང་ལས་སྐྱེས་པའི། །རྒྱུད་ལུང་མན་ངག་སྙིང་པོར་དྲིལ་བ་ཡི་ཐོལ་གླུས། །དབྱིངས་དང་ཡེ་ཤེས་དབྱེར་མེད་རྡོ་རྗེ་ཡི་ཕུར་པར། །འཁོར་འདས་རང་སར་གྲོལ་བའི་སྨོན་ལམ་ཞིག་ཞུའོ། །ཞེས་པའང་ཕྲིན་ལས་ཀྱི་དབེན་གནས་མོན་ཁ་ནེའུ་རིང་སེང་གེ་རྫོང་དུ་ཀུན་ལྡན་དབྱུག་པ་ཟླ་༩བའི་དཀར་ཕྱོགས་ཀྱི་དགའ་བ་གཉིས་༦པར་དཔལ་ཆེན་རྡོ་རྗེ་གཞོན་ནུའི་དཀྱིལ་འཁོར་དུ་ཚོགས་ཀྱི་མཆོད་པ་བརྒྱ་ཕྲག་ཐལ་བ་བགྱིས་པའི་རྗེས་ཐོག་ཏུ་རྐང་འཐུང་ལང་ཚོས་བཀྲ་བའི་བསྟི་གནས་ཉམས་དགའ་བར་བྲིས་པའོ།། །།འདི་དག་དབེན་གནས་སོ་སོར་གནས་འབྲེལ་རེ་བྱས་པའི་ཚེ་བྲིས་པ་ལ། སླད་ནས་ཕྱོགས་གཅིག་ཏུ་བསྡེབས་ཤིང་རྒྱུད་དོན་དང་ཇི་ལྟར་འབྲེལ་བའི་ཚུལ་མཚོན་ཙམ་མཆན་བུ་གསལ་བར་བྱས་པ་སྟེ། གཞན་དུ་ཚུལ་འདི་ལས་བརྩམས་ནས་སོ་སོའི་གྲུབ་པའི་མཐའ་ཆུང་ཟད་འཆད་དུ་ཡོད་ཀྱང་། རྒྱུད་ལུང་མན་ངག་དབང་པོར་བཞག་ནས་ཟབ་མོའི་ལམ་སྒྲ་ཇི་བཞིན་དུ་སྟོན་པ་ལས། ཁམ་རེའི་ཟས་ལ་འདོམས་པས་མཚོན་གལ་ཆུང་ཆོས་ལ་བྱེད་པའི་དུས་འདིར་སྙིང་ནས་དོན་དུ་གཉེར་བ་ནམ་མཁའི་མེ་ཏོག་གི་སྤུན་ཟླར་སོང་བས་རེ་ཞིག་སྙིང་དབུས་དབུ་མའི་གྲོང་ཁྱེར་དུ་ངལ་གསོ་བར་བྱའོ། །གུ་ཧྱ།། །། ༈

[edit]

phrin las phur pa'i dkyil 'khor du rtogs pa brjod pa'i rdo rje'i thol glu rdo rje khros pa'i zhal lung /__ phrin las rdo rje gzhon nu'i dkyil 'khor du rtogs pa brjod pa'i rdo rje'i thol glu rdo rje khros pa'i zhal lung ces bya ba/__a ho/__chos dbyings 'gyur med rnam kun mchog ldan gyi ye shes/__/thabs dang shes rab zung 'jug gzugs sku yi sgyu 'phrul/__/gang 'dul phrin las rnam bzhi'i rol mo ru ston pa'i/__/bcom ldan rdo rje phur pa rnal 'byor chen po'i rgyud las/__rdo rje chos dbyings mi 'gyur ba/__/gzhon nu gzugs sku rnam gnyis so/__/zhes bshad/__gzhon nu'i dkyil 'khor la btud nas/__/zab gsang snying po'i lam gyi thol glu zhig len no/__/bum gsang shes rab ye shes dbang bzhi yi phur bu/__/gnas skabs rnam bzhi'i bskyed pa'i 'khrul chos la thebs pas/__thugs rje khros pa'i bshad rgyud las/__/rdul tshon lus dang byang chub sems/__/de bzhin nyid kyi dkyil 'khor mchog__/brten nas dbang rnams yang dag bskur/__/bum pa gsang ba shes rab dbang /__/bzhi pa mchog gi dbang chen yin/__/zhes so/__/phyi nang gsang ba mthar thug dkyil 'khor bzhi'i klong nas/__/sku gsum dbyer med rdo rje gzhon nu dang mjal byung /__/rig pa rang byung ye shes blo 'das kyi phur bus/__phur pa rdo rje bkod pa'i rgyud kyi rgyal po las/__/phur ni thabs kyi rgyal po la/__/pa ni shes rab yum gyi don/__/gnyis su med pa rdo rje'i ngang /__/ces 'byung ngo /__/gzung 'dzin spang blang bral ba'i chos dbyings su thebs pas/__phur pa rnal 'byor chen po'i rgyud las/__/phur pa rang byung ye shes la/__/dbye ba rnam pa bzhi yin te/__/rang rig ye shes phur pa yis/__/yul chos dbyings la gdab pa dang /__/thugs rje chen po'i phur ba yis/__/khams gsum sems can kun la gdab/__/gsang ba byang sems phur pa yis/__/yum gyi mkha' la gdab pa dang /__/mtshan ma byang sems phur pa yis/__/nyams pa bdun la gdab pa'o/__/zhes gsungs shing /__rgyud gzhan las kyang de dang mthun par bsten pa'i don rim par phye ba ste lugs 'di'i grub pa'i mtha' thun mong ma yin pa'o/__/'khor 'das gnyis su mi phyed rdul bral gyi klong nas/__/nges don 'gogs bden rdo rje gzhon nu dang mjal byung /__/tshad rdo rje bkod pa las/__lta ba mnyam par bkod pa dang /__/spyod pa cir yang mi snyams zhing /__/thabs kyis 'gro ba'i don byed pa/__/de ni dam tshig mchog tu gsungs/__/zhes so/__/med thugs rje chen po'i sprul pa yi phur bu/__/srid pa sum cu rtsa gcig grong khyer du thebs pas/__/'khor ba gdod nas dag pa'i dkyil 'khor gyi klong nas/__/snang srid gzhir bzhengs rdo rje gzhon nu dang mjal byung /__/rjes chags sgyu mar shar ba'i byang sems kyi phur bu/__/shes rab stong chen yum gyi mkha' dbyings su thebs pas/__/dbab bzlog 'dren dgram dga' bzhi'i phur pa phrin las kyi rgyud las/__/mtshan ldan shes rab dag la ni/__/sna tshogs dri yis rab brgyan zhing /__/bsrubs dang srub pa'i thabs dag las/__/mi rtog pa ni rab tu skye/__/dga' ba mchog tu dga' ba dang /__/mngon dga' rang bzhin dga' ba ste/__/rdo rje dbyings kyi dbang phyug ma/__/bgrod byed man ngag dag gi'o/__/zhes so/__/dkyil 'khor gyi klong nas/__/bde stong zung 'jug rdo rje gzhon nu dang mjal byung /__/rten 'brel snang tshul ma 'gags 'dus byas kyi phur bu/__/nyon mongs rang gar shor ba'i dgra bgegs la thebs pas/__/las ngan rgyun thag gcod ba'i dkyil phur pa rdo rje bkod pa'i rgyud las/__/gang la dmigs pa'i ngo bo la/__/gdab pa'i las dag byas nas ni/__/rnam shes dbyings su yang dag sbyar/__/lhag ma lha la mchod par bya/__/zhes dang /__gzhan yang rnal 'byor chen po'i rgyud las/__bsreg pa me yi las la bskur/__/mnan pa sa yang de bzhin te/__/'phang ba zor ru shes par bya/__zhes sogs kyang 'dren to/__/'khor gyi klong nas/__/srid gsum yongs sgrol rdo rje gzhon nu dang mjal byung /__/de skad rdo rje khros pa'i zhal lung las skyes pa'i/__/rgyud lung man ngag snying por dril ba yi thol glus/__/dbyings dang ye shes dbyer med rdo rje yi phur par/__/'khor 'das rang sar grol ba'i smon lam zhig zhu'o/__/zhes pa'ang phrin las kyi dben gnas mon kha ne'u ring seng ge rdzong du kun ldan dbyug pa zla 9ba'i dkar phyogs kyi dga' ba gnyis 6par dpal chen rdo rje gzhon nu'i dkyil 'khor du tshogs kyi mchod pa brgya phrag thal ba bgyis pa'i rjes thog tu rkang 'thung lang tshos bkra ba'i bsti gnas nyams dga' bar bris pa'o//__//'di dag dben gnas so sor gnas 'brel re byas pa'i tshe bris pa la/__slad nas phyogs gcig tu bsdebs shing rgyud don dang ji ltar 'brel ba'i tshul mtshon tsam mchan bu gsal bar byas pa ste/__gzhan du tshul 'di las brtsams nas so so'i grub pa'i mtha' chung zad 'chad du yod kyang /__rgyud lung man ngag dbang por bzhag nas zab mo'i lam sgra ji bzhin du ston pa las/__kham re'i zas la 'doms pas mtshon gal chung chos la byed pa'i dus 'dir snying nas don du gnyer ba nam mkha'i me tog gi spun zlar song bas re zhig snying dbus dbu ma'i grong khyer du ngal gso bar bya'o/__/gu h+ya//__//___!_