JKW-KABUM-07-JA-015-019

🚧 This website is under continued development. We appreciate your patience!

Previous Text Back to Volume PageNext Text

ཐུགས་དམ་གནད་བསྐུལ་གསོལ་འདེབས་མཁའ་སྤྱོད་བགྲོད་པའི་ཐེམ་སྐས།

Wylie title	thugs dam gnad bskul gsol 'debs mkha' spyod bgrod pa'i them skas
Location	mkhyen brtse'i bka' 'bum Volume 7, sde tshan 15, Text 19, Pages 467-470 (Folios 83a4 to 84b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Associated People	ནཱ་རོ་པ་ (Nāropa)
Citation	'jam dbyangs mkhyen brtse'i dbang po. thugs dam gnad bskul gsol 'debs mkha' spyod bgrod pa'i them skas. In 'jam dbyangs mkhyen brtse'i dbang po'i bka' 'bum, Vol. 7: 467-470. Khams sde dge rdzong sar dgon: Rdzong sar blo gros phun tshogs, 2020.
Genre	Supplications - gsol 'debs  ·  Invocations - bskul ba
Cycle	ནཱ་རོ་མཁའ་སྤྱོད་མ་ (na ro mkha' spyod ma)
Deity	rdo rje rnal 'byor ma
Colophon	།ཅེས་པའང་འདི་ཕྱིའི་འདུན་མ་བླ་མ་དང་མཆོག་གསུམ་གྱི་བཀའ་དྲིན་ཁོ་ན་ལ་རེ་བ་རྒྱལ་ཁམས་ཀྱི་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས། ཁྱབ་བདག་འཁོར་ལོ་སྡོམ་པའི་ཕོ་བྲང་དྲང་སྲོང་སྲིན་པོ་རིར་དཔལ་འཁོར་ལོ་བདེ་མཆོག་ཡབ་ཡུམ་གྱི་སྣང་བརྙན་ཡེ་ཤེས་པ་མངོན་སུམ་དུ་བཞུགས་པའི་སྤྱན་སྔར་ཇི་ལྟར་གསོལ་བ་བཏབ་པ་བཞིན། །སླད་ནས་ཀྱང་ཡང་ཡང་གསོལ་བ་བཏབ་པའི་དགེ་བས་བདག་དང་འགྲོ་ཀུན་བླ་མ་རྗེ་བཙུན་མས་དུས་རྟག་ཏུ་རྗེས་སུ་འཛིན་པའི་རྒྱུར་གྱུར་ཅིག །སརྦ་དཱ་ཤྲེ་ཡོ་བྷ་བ་ཏུ།།
	ces pa'ang 'di phyi'i 'dun ma bla ma dang mchog gsum gyi bka' drin kho na la re ba rgyal khams kyi bya bral ba 'jam dbyangs mkhyen brtse'i dbang pos/_khyab bdag 'khor lo sdom pa'i pho brang drang srong srin po rir dpal 'khor lo bde mchog yab yum gyi snang brnyan ye shes pa mngon sum du bzhugs pa'i spyan sngar ji ltar gsol ba btab pa bzhin/__/slad nas kyang yang yang gsol ba btab pa'i dge bas bdag dang 'gro kun bla ma rje btsun mas dus rtag tu rjes su 'dzin pa'i rgyur gyur cig__/sarba dA shre yo b+ha ba tu

1 Texts in this Section (sde tshan or chos tshan)

19 467-470	ཐུགས་དམ་གནད་བསྐུལ་གསོལ་འདེབས་མཁའ་སྤྱོད་བགྲོད་པའི་ཐེམ་སྐས། thugs dam gnad bskul gsol 'debs mkha' spyod bgrod pa'i them skas Supplications - gsol 'debs   ·   Invocations - bskul ba	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

བླ་མ་རྡོ་རྗེ་རྣལ་འབྱོར་མའི་ཐུགས་དམ་གནད་ནས་བསྐུལ་བའི་གསོལ་འདེབས་ལམ་རིམ་དང་འབྲེལ་བ་མཁའ་སྤྱོད་བགྲོད་པའི་ཐེམ་སྐས་ཞེས་བྱ་བ་བཞུགས་སོ། །སྲས་བཅས་རྒྱལ་བ་ཀུན་གྱི་ཡུམ་གཅིག་པུ། །དཔལ་ལྡན་བླ་མ་མཁའ་སྤྱོད་དབང་མོའི་ཞབས། །སྙིང་ནས་དྲན་པའི་གདུང་བས་གསོལ་འདེབས་ན། །བྱིན་རླབས་ཆར་ཆེན་ཕོབ་ཅིག་རྣལ་འབྱོར་མ། །བདག་ཅག་དེང་ནས་བྱང་ཆུབ་སྙིང་པོའི་བར། །རྡོ་རྗེའི་ལུས་ཐོབ་ཐེག་ཆེན་རིག་སད་ནས། །མཚན་ལྡན་བླ་མ་ཚུལ་བཞིན་བསྟེན་ནུས་པའི། །སྐལ་པ་བཟང་པོར་སྦྱོར་ཅིག་རྣལ་འབྱོར་མ། །ཁམས་གསུམ་འཁོར་བ་སྡུག་བསྔལ་ཕུང་པོར་རིག །དལ་འབྱོར་རྙེད་དཀའ་ནམ་འཆི་ངེས་མེད་དྲན། །ལས་འབྲས་བླང་དོར་བརྩོན་སོགས་ཐུན་མོང་གི །ལམ་རིམ་རྒྱུད་ལ་སྐྱེས་ཤིག་རྣལ་འབྱོར་མ། །ཁྱད་པར་རྣམ་དག་དབང་དང་བྱིན་རླབས་ཀྱིས། །རྒྱུད་སྨིན་དམ་ཚིག་སྡོམ་པར་ལྡན་པ་ལས། །སྨིན་གྲོལ་ལམ་བཟང་འཇུག་ཅིང་བསྒོམ་རུང་བའི། །ཟབ་མོའི་རྟེན་འབྲེལ་བསྒྲིགས་ཤིག་རྣལ་འབྱོར་མ། །དེ་ཚེ་དབེན་ཞིང་བསམ་གཏན་འཕེལ་བའི་སར། །ནང་གི་རྣལ་འབྱོར་རྩེ་གཅིག་གཞོལ་བ་ན། །ཕྱི་ནང་གསང་བའི་འགལ་རྐྱེན་ཀུན་ཞི་ཞིང་། །མཐུན་རྐྱེན་རྒྱས་པར་མཛོད་ཅིག་རྣལ་འབྱོར་མ། །ཉལ་དུས་འོད་གསལ་ངང་དུ་མཉམ་གཞག་ཅིང་། །ལྡང་ཚེ་ཟུང་འཇུག་སྒྱུ་མའི་སྐུར་གསལ་བས། །དགའ་བ་གསུམ་ལྡན་བདུད་རྩི་མྱང་བའི་མཐུས། །སྒོ་གསུམ་དག་པར་མཛོད་ཅིག་རྣལ་འབྱོར་མ། །བླ་མ་མཆོག་གསུམ་སྐྱབས་ཀྱི་སྙིང་པོར་བཟུང་། །བྱམས་དང་སྙིང་རྗེ་བྱང་སེམས་གཏིང་ནས་འབྱོང་། །སྟོབས་བཞི་ཚང་བའི་རྡོར་སེམས་བསྒོམ་བཟླས་ཀྱིས། །སྡིག་ལྟུང་བྱང་བར་མཛོད་ཅིག་རྣལ་འབྱོར་མ། །དངོས་གྲུབ་འབྱུང་གནས་ཁྱབ་བདག་རྡོ་རྗེ་ཆོས། །དད་པས་བསྒོམ་ཞིང་མཆོད་ཅིང་གསོལ་བཏབ་མཐུས། །བྱིན་རླབས་བདུད་རྩིས་དབང་བཞིའི་ཡེ་ཤེས་ཀྱི། །པདྨོ་ལྷག་པར་རྒྱས་མཛོད་རྣལ་འབྱོར་མ། །བདག་གཞན་སྦྱངས་ཤིང་བསྒྱུར་བའི་བསྐྱེད་རིམ་གྱིས། །ལྷར་སྣང་གཅིག་ཏུ་ཤར་བའི་དམ་ཚིག་པར། །ཡེ་ཤེས་ཕོ་ཉ་གསུམ་གྱི་བྱིན་རླབས་རྒྱུན། །འཇུག་ཅིང་བརྟན་པར་མཛོད་ཅིག་རྣལ་འབྱོར་མ། །ང་རྒྱལ་རྣམ་པའི་སེམས་འཛིན་ལ་བརྟེན་ནས། །རིམ་པར་དང་པོའི་གསལ་སྣང་མཐར་ཕྱིན་ཅིང་། །ངག་དང་ཡིད་ཀྱི་བཟླས་པས་མཁའ་སྤྱོད་ཀྱི། །དངོས་གྲུབ་འགྲུབ་པར་མཛོད་ཅིག་རྣལ་འབྱོར་མ། །ཕྱི་ནང་ཁམས་གསུམ་བསམ་གྱིས་མི་ཁྱབ་པའི། །འོད་གསལ་ངང་དུ་ཐིམ་པའི་སྐད་ཅིག་ལས། །ལྷ་སྔགས་ཆོས་སྐུར་འཆར་བའི་སྤྱོད་ལམ་གྱིས། །ཚོགས་གཉིས་རྫོགས་པར་མཛོད་ཅིག་རྣལ་འབྱོར་མ། །རྩ་རླུང་ཐིག་ལེ་སྨིན་ཅིང་སྦྱང་བའི་ཕྱིར། །གཏུམ་མོའི་མེ་ལྕེས་དབུ་མའི་སྒོ་དབྱེ་ཞིང་། །རླུང་གི་སྦྱོར་བས་ལུས་སེམས་སིམ་པ་ལས། བདེ་སྟོང་ཡེ་ཤེས་འགྲུབ་མཛོད་རྣལ་འབྱོར་མ། །དེ་ལྟར་བསྒོམ་བཟླས་བསྒྲུབ་ལ་བརྩོན་པའི་མཐུས། །གྲུབ་པའི་དབང་པོ་ཀུ་སཱ་ལི་པ་བཞིན། །མངོན་སུམ་ལག་པའི་མཁྲིག་མ་ནས་བཟུང་ནས། །མཁའ་སྤྱོད་གྲོང་དུ་འཁྲིད་ཅིག་རྣལ་འབྱོར་མ། །དེར་ནི་ཞིང་སྐྱེས་ཕོ་ཉའི་ཚོགས་རྣམས་ཀྱིས། རྡོ་རྗེའི་ཉམས་འགྱུར་རྫོགས་པའི་ཡན་ལག་གིས། །ཀུན་ཏུ་འཁྱུད་ཅིང་ཙུམྦ་སྔོན་འགྲོ་བས། །སྙོམས་འཇུག་བདེ་ཆེན་བསྐྱེད་མཛོད་རྣལ་འབྱོར་མ། །དེ་ཚེ་བདེ་བས་དྲངས་པའི་སྟོང་པ་ཉིད། །མཐོང་བའི་ལམ་གྱི་འོད་གསལ་མངོན་གྱུར་ནས། །སློབ་དང་མི་སློབ་ཁ་སྦྱོར་བདུན་ལྡན་གྱི། །ཟུང་འཇུག་ཐོབ་པར་མཛོད་ཅིག་རྣལ་འབྱོར་མ། །གལ་ཏེ་ཚེ་འདིར་བརྟན་པ་མ་ཐོབ་ན། །འཆི་ཚེ་མགོན་དང་དཔའ་བོ་མ་ཚོགས་ཀྱིས། །ཡིད་འཕྲོག་མཆོད་པའི་སྤྲིན་གྱི་མདུན་བསུས་ཏེ། །དག་པའི་ཞིང་དུ་དྲོངས་ཤིག་རྣལ་འབྱོར་མ། །དེར་ཡང་འཁྲུལ་ནས་བར་དོར་འཁྱམས་སྲིད་ན། །བླ་མ་མཆོག་དང་རྡོ་རྗེ་བཙུན་མོ་ཡིས། །མིང་ནས་ལུང་སྟོན་དགའ་བ་རྣམ་གསུམ་གྱི། །དབུགས་དབྱུང་ལྷག་པར་སྩོལ་ཅིག་རྣལ་འབྱོར་མ། །མདོར་ན་སྐྱེ་ཞིང་སྐྱེ་བ་ཐམས་ཅད་དུ། །དཔལ་ལྡན་བླ་མ་རྡོ་རྗེ་རྣལ་འབྱོར་མས། །འབྲལ་བ་མེད་པར་རྟག་ཏུ་རྗེས་བཟུང་ཞིང་། །ཕན་བདེའི་དགེ་མཚན་རྒྱས་པའི་བཀྲ་ཤིས་སྩོལ། །ཅེས་པའང་འདི་ཕྱིའི་འདུན་མ་བླ་མ་དང་མཆོག་གསུམ་གྱི་བཀའ་དྲིན་ཁོ་ན་ལ་རེ་བ་རྒྱལ་ཁམས་ཀྱི་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས། ཁྱབ་བདག་འཁོར་ལོ་སྡོམ་པའི་ཕོ་བྲང་དྲང་སྲོང་སྲིན་པོ་རིར་དཔལ་འཁོར་ལོ་བདེ་མཆོག་ཡབ་ཡུམ་གྱི་སྣང་བརྙན་ཡེ་ཤེས་པ་མངོན་སུམ་དུ་བཞུགས་པའི་སྤྱན་སྔར་ཇི་ལྟར་གསོལ་བ་བཏབ་པ་བཞིན། །སླད་ནས་ཀྱང་ཡང་ཡང་གསོལ་བ་བཏབ་པའི་དགེ་བས་བདག་དང་འགྲོ་ཀུན་བླ་མ་རྗེ་བཙུན་མས་དུས་རྟག་ཏུ་རྗེས་སུ་འཛིན་པའི་རྒྱུར་གྱུར་ཅིག །སརྦ་དཱ་ཤྲེ་ཡོ་བྷ་བ་ཏུ།། །། ༈

[edit]

bla ma rdo rje rnal 'byor ma'i gsol 'debs/ bla ma rdo rje rnal 'byor ma'i thugs dam gnad nas bskul ba'i gsol 'debs lam rim dang 'brel ba mkha' spyod bgrod pa'i them skas zhes bya ba bzhugs so/__/sras bcas rgyal ba kun gyi yum gcig pu/__/dpal ldan bla ma mkha' spyod dbang mo'i zhabs/__/snying nas dran pa'i gdung bas gsol 'debs na/__/byin rlabs char chen phob cig rnal 'byor ma/__/bdag cag deng nas byang chub snying po'i bar/__/rdo rje'i lus thob theg chen rig sad nas/__/mtshan ldan bla ma tshul bzhin bsten nus pa'i/__/skal pa bzang por sbyor cig rnal 'byor ma/__/khams gsum 'khor ba sdug bsngal phung por rig__/dal 'byor rnyed dka' nam 'chi nges med dran/__/las 'bras blang dor brtson sogs thun mong gi__/lam rim rgyud la skyes shig rnal 'byor ma/__/khyad par rnam dag dbang dang byin rlabs kyis/__/rgyud smin dam tshig sdom par ldan pa las/__/smin grol lam bzang 'jug cing bsgom rung ba'i/__/zab mo'i rten 'brel bsgrigs shig rnal 'byor ma/__/de tshe dben zhing bsam gtan 'phel ba'i sar/__/nang gi rnal 'byor rtse gcig gzhol ba na/__/phyi nang gsang ba'i 'gal rkyen kun zhi zhing /__/mthun rkyen rgyas par mdzod cig rnal 'byor ma/__/nyal dus 'od gsal ngang du mnyam gzhag cing /__/ldang tshe zung 'jug sgyu ma'i skur gsal bas/__/dga' ba gsum ldan bdud rtsi myang ba'i mthus/__/sgo gsum dag par mdzod cig rnal 'byor ma/__/bla ma mchog gsum skyabs kyi snying por bzung /__/byams dang snying rje byang sems gting nas 'byong /__/stobs bzhi tshang ba'i rdor sems bsgom bzlas kyis/__/sdig ltung byang bar mdzod cig rnal 'byor ma/__/dngos grub 'byung gnas khyab bdag rdo rje chos/__/dad pas bsgom zhing mchod cing gsol btab mthus/__/byin rlabs bdud rtsis dbang bzhi'i ye shes kyi/__/pad+mo lhag par rgyas mdzod rnal 'byor ma/__/bdag gzhan sbyangs shing bsgyur ba'i bskyed rim gyis/__/lhar snang gcig tu shar ba'i dam tshig par/__/ye shes pho nya gsum gyi byin rlabs rgyun/__/'jug cing brtan par mdzod cig rnal 'byor ma/__/nga rgyal rnam pa'i sems 'dzin la brten nas/__/rim par dang po'i gsal snang mthar phyin cing /__/ngag dang yid kyi bzlas pas mkha' spyod kyi/__/dngos grub 'grub par mdzod cig rnal 'byor ma/__/phyi nang khams gsum bsam gyis mi khyab pa'i/__/'od gsal ngang du thim pa'i skad cig las/__/lha sngags chos skur 'char ba'i spyod lam gyis/__/tshogs gnyis rdzogs par mdzod cig rnal 'byor ma/__/rtsa rlung thig le smin cing sbyang ba'i phyir/__/gtum mo'i me lces dbu ma'i sgo dbye zhing /__/rlung gi sbyor bas lus sems sim pa las/__bde stong ye shes 'grub mdzod rnal 'byor ma/__/de ltar bsgom bzlas bsgrub la brtson pa'i mthus/__/grub pa'i dbang po ku sA li pa bzhin/__/mngon sum lag pa'i mkhrig ma nas bzung nas/__/mkha' spyod grong du 'khrid cig rnal 'byor ma/__/der ni zhing skyes pho nya'i tshogs rnams kyis/__rdo rje'i nyams 'gyur rdzogs pa'i yan lag gis/__/kun tu 'khyud cing tsum+ba sngon 'gro bas/__/snyoms 'jug bde chen bskyed mdzod rnal 'byor ma/__/de tshe bde bas drangs pa'i stong pa nyid/__/mthong ba'i lam gyi 'od gsal mngon gyur nas/__/slob dang mi slob kha sbyor bdun ldan gyi/__/zung 'jug thob par mdzod cig rnal 'byor ma/__/gal te tshe 'dir brtan pa ma thob na/__/'chi tshe mgon dang dpa' bo ma tshogs kyis/__/yid 'phrog mchod pa'i sprin gyi mdun bsus te/__/dag pa'i zhing du drongs shig rnal 'byor ma/__/der yang 'khrul nas bar dor 'khyams srid na/__/bla ma mchog dang rdo rje btsun mo yis/__/ming nas lung ston dga' ba rnam gsum gyi/__/dbugs dbyung lhag par stsol cig rnal 'byor ma/__/mdor na skye zhing skye ba thams cad du/__/dpal ldan bla ma rdo rje rnal 'byor mas/__/'bral ba med par rtag tu rjes bzung zhing /__/phan bde'i dge mtshan rgyas pa'i bkra shis stsol/__/ces pa'ang 'di phyi'i 'dun ma bla ma dang mchog gsum gyi bka' drin kho na la re ba rgyal khams kyi bya bral ba 'jam dbyangs mkhyen brtse'i dbang pos/_khyab bdag 'khor lo sdom pa'i pho brang drang srong srin po rir dpal 'khor lo bde mchog yab yum gyi snang brnyan ye shes pa mngon sum du bzhugs pa'i spyan sngar ji ltar gsol ba btab pa bzhin/__/slad nas kyang yang yang gsol ba btab pa'i dge bas bdag dang 'gro kun bla ma rje btsun mas dus rtag tu rjes su 'dzin pa'i rgyur gyur cig__/sarba dA shre yo b+ha ba tu//___//__!_