JKW-KABUM-22-ZA-012-005

🚧 This website is under continued development. We appreciate your patience!

Previous Text Back to Volume PageNext Text

ཨོ་རྒྱན་སངས་རྒྱས་གཉིས་པའི་དུས་ཀྱི་མཆོད་པ་ལ་ཆེད་དུ་བརྗོད་པའི་རྡོ་རྗེའི་ཐོལ་གླུ་ངོ་མཚར་རྣ་རྒྱན།

Wylie title	o rgyan sangs rgyas gnyis pa'i dus kyi mchod pa la ched du brjod pa'i rdo rje'i thol glu ngo mtshar rna rgyan
Location	mkhyen brtse'i bka' 'bum Volume 22, sde tshan 12, Text 5, Pages 361-362 (Folios 9a1 to 9b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. o rgyan sangs rgyas gnyis pa'i dus kyi mchod pa la ched du brjod pa'i rdo rje'i thol glu ngo mtshar rna rgyan. In 'jam dbyangs mkhyen brtse'i dbang po'i bka' 'bum, Vol. 22: 361-362. Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu
Deity	pad+ma 'byung gnas
Colophon	།ཞེས་པའང་མདོ་ཁམས་རྫོགས་ཆེན་པའི་འཁོར་ལོ་གསུམ་གྱི་ཕྱག་རྗེས་རྨ་མེད་པའི་གནས་རུ་དམ་བསམ་གཏན་ཆོས་གླིང་དུ་ཆོ་འཕྲུལ་ཟླ་བའི་ཚེས་བཅུའི་དུས་སྟོན་མཇལ་བའི་སྐབས་སུ་ཕྱི་རོལ་གྱི་ཡུལ་རྐྱེན་སྒྱུ་མ་ལྟ་བུས་བསྐུལ་ནས་རྣལ་འབྱོར་གཞོན་ནུ་ཨ་བྷཱ་ཡས་སོ།།
	zhes pa'ang mdo khams rdzogs chen pa'i 'khor lo gsum gyi phyag rjes rma med pa'i gnas ru dam bsam gtan chos gling du cho 'phrul zla ba'i tshes bcu'i dus ston mjal ba'i skabs su phyi rol gyi yul rkyen sgyu ma lta bus bskul nas rnal 'byor gzhon nu a b+hA yas so

1 Texts in this Section (sde tshan or chos tshan)

5 361-362	ཨོ་རྒྱན་སངས་རྒྱས་གཉིས་པའི་དུས་ཀྱི་མཆོད་པ་ལ་ཆེད་དུ་བརྗོད་པའི་རྡོ་རྗེའི་ཐོལ་གླུ་ངོ་མཚར་རྣ་རྒྱན། o rgyan sangs rgyas gnyis pa'i dus kyi mchod pa la ched du brjod pa'i rdo rje'i thol glu ngo mtshar rna rgyan Vajra Songs - rdo rje'i glu	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ཨོ་རྒྱན་སངས་རྒྱས་གཉིས་པའི་དུས་ཀྱི་མཆོད་པ་ལ་ཆེད་དུ་བརྗོད་པའི་རྡོ་རྗེའི་ཐོལ་གླུ་ངོ་མཚར་རྣ་རྒྱན་ཅེས་བྱ་བ། ཨ་ཧོ། སྲིད་དང་ཞི་བར་མི་གནས་རང་བྱུང་གི་ཡེ་ཤེས། །འཕོ་ཆེན་འཇའ་ལུས་རྡོ་རྗེའི་ལང་ཚོ་ལ་ཆགས་པས། །མཐའ་ཀླས་འགྲོ་ཀུན་ཐར་པའི་གྲོང་ཁྱེར་དུ་བཀྲི་བའི། །སྐུ་གསུམ་དབྱེར་མེད་པདྨ་ཐོད་ཕྲེང་ལ་འདུད་དོ། །གཞི་རྒྱུད་ལྷན་སྐྱེས་པདྨ་དྲ་བ་ཡི་ཀློང་ན། །ཁྱད་ཆོས་དྲུག་ལྡན་འཆི་མེད་མཚོ་སྐྱེས་ཀྱི་རྡོ་རྗེ། །རང་གྲོལ་སོ་སོར་རྟོག་པའི་ཡེ་ཤེས་ཀྱིས་མཇལ་བས། །བདེན་གཉིས་ཟུང་དུ་འཇུག་པའི་ཉམས་ལེན་འདི་ཨ་ཧོ། །དཀྱིལ་འཁོར་རྣམ་བཞི་པདྨ་དྲྭ་བ་ཡི་ཀློང་ན། །སྨིན་བྱེད་དབང་བཞིའི་འཆི་མེད་མཚོ་སྐྱེས་ཀྱི་རྡོ་རྗེ། །དད་བརྩོན་བརྟུལ་ཞུགས་ལྡན་པའི་སྐལ་བཟང་གིས་མཇལ་བས། །སྐུ་བཞིའི་ས་བོན་འཇོག་པའི་ཐབས་མཁས་འདི་ཨ་ཧོ། །ཕུང་ཁམས་སྐྱེ་མཆེད་པདྨ་དྲྭ་བ་ཡི་ཀློང་ན། །ཡོངས་གྲུབ་གདན་གསུམ་འཆི་མེད་མཚོ་སྐྱེས་ཀྱི་རྡོ་རྗེ། །སྲོག་རྩོལ་ཁ་སྦྱོར་བཟླས་པའི་བྱེད་ལས་ཀྱིས་མཇལ་བས། །རླུང་ལྔ་ཡི་གེའི་སྤྲིན་དུ་དེངས་པ་འདི་ཨ་ཧོ། །དཀར་དམར་ཐིག་ལེ་པདྨ་དྲྭ་བ་ཡི་ཀློང་ན། །ཟག་བྲལ་བདེ་ཆེན་འཆི་མེད་མཚོ་སྐྱེས་ཀྱི་རྡོ་རྗེ། །འབར་འཛག་དགའ་བ་བཞི་ཡི་ཏིང་འཛིན་གྱིས་མཇལ་བས། །རྣམ་པ་ཀུན་གྱི་མཆོག་ལྡན་གྲུབ་པ་འདི་ཨ་ཧོ། །ཀ་དག་འོད་གསལ་པདྨ་དྲྭ་བ་ཡི་ཀློང་ན། །ལྷུན་གྲུབ་སྣང་བཞིའི་འཆི་མེད་མཚོ་སྐྱེས་ཀྱི་རྡོ་རྗེ། །ཟུང་འཇུག་དབྱིངས་རིག་དབྱེར་མེད་ཕྱག་རྒྱ་ཡིས་མཇལ་བས། །ཆོས་ཟད་བློ་འདས་ཕ་མཐར་སོན་པ་འདི་ཨ་ཧོ། །ངོ་མཚར་དུས་སྟོན་པདྨ་དྲྭ་བ་ཡི་ཀློང་ན། །མཚོན་བྱེད་དཔེ་ཡི་འཆི་མེད་མཚོ་སྐྱེས་ཀྱི་རྡོ་རྗེ། །སྔོན་སྨོན་རྣམ་པར་དཀར་བའི་ཉེ་རྒྱུ་ཡིས་མཇལ་བས། །མི་ཕྱེད་དད་གསུམ་ཆུ་གཏེར་འཕེལ་བ་འདི་ཨ་ཧོ། །མཐར་ཐུག་སྒྲིབ་བྲལ་པདྨ་དྲྭ་བ་ཡི་ཀློང་ན། །སྐུ་བཞིའི་བདག་ཉིད་འཆི་མེད་མཚོ་སྐྱེས་ཀྱི་རྡོ་རྗེ། །ཟབ་གསང་སྦས་པའི་ལམ་གྱི་མིག་འཕྲུལ་གྱིས་མཇལ་བས། །རྨད་བྱུང་དོན་གཉིས་ལྷུན་གྱིས་གྲུབ་པ་འདི་ཨ་ཧོ། །དེ་སྐད་ས་སྤྱོད་བསམ་གཏན་ཆོས་གླིང་གི་འདུས་གྲྭར། །ཆོ་འཕྲུལ་ཟླ་བའི་དཀར་ཕྱོགས་ཚེས་བཅུ་ཡི་དུས་སུ། །གང་ཤར་རྟོགས་པ་བརྗོད་པའི་རྡོ་རྗེ་ཡི་ཐོལ་གླུ། །གྱི་ནའི་སྤྱོད་པས་འཚོ་བའི་མགྲིན་པ་ནས་སྐྱེས་སོ། །ཞེས་པའང་མདོ་ཁམས་རྫོགས་ཆེན་པའི་འཁོར་ལོ་གསུམ་གྱི་ཕྱག་རྗེས་རྨ་མེད་པའི་གནས་རུ་དམ་བསམ་གཏན་ཆོས་གླིང་དུ་ཆོ་འཕྲུལ་ཟླ་བའི་ཚེས་བཅུའི་དུས་སྟོན་མཇལ་བའི་སྐབས་སུ་ཕྱི་རོལ་གྱི་ཡུལ་རྐྱེན་སྒྱུ་མ་ལྟ་བུས་བསྐུལ་ནས་རྣལ་འབྱོར་གཞོན་ནུ་ཨ་བྷཱ་ཡས་སོ།། །། ༈

[edit]

o rgyan sangs rgyas gnyis pa'i dus kyi mchod pa la ched du brjod pa'i rdo rje'i thol glu ngo mtshar rna rgyan/__ o rgyan sangs rgyas gnyis pa'i dus kyi mchod pa la ched du brjod pa'i rdo rje'i thol glu ngo mtshar rna rgyan ces bya ba/__a ho/__srid dang zhi bar mi gnas rang byung gi ye shes/__/'pho chen 'ja' lus rdo rje'i lang tsho la chags pas/__/mtha' klas 'gro kun thar pa'i grong khyer du bkri ba'i/__/sku gsum dbyer med pad+ma thod phreng la 'dud do/__/gzhi rgyud lhan skyes pad+ma dra ba yi klong na/__/khyad chos drug ldan 'chi med mtsho skyes kyi rdo rje/__/rang grol so sor rtog pa'i ye shes kyis mjal bas/__/bden gnyis zung du 'jug pa'i nyams len 'di a ho/__/dkyil 'khor rnam bzhi pad+ma drwa ba yi klong na/__/smin byed dbang bzhi'i 'chi med mtsho skyes kyi rdo rje/__/dad brtson brtul zhugs ldan pa'i skal bzang gis mjal bas/__/sku bzhi'i sa bon 'jog pa'i thabs mkhas 'di a ho/__/phung khams skye mched pad+ma drwa ba yi klong na/__/yongs grub gdan gsum 'chi med mtsho skyes kyi rdo rje/__/srog rtsol kha sbyor bzlas pa'i byed las kyis mjal bas/__/rlung lnga yi ge'i sprin du dengs pa 'di a ho/__/dkar dmar thig le pad+ma drwa ba yi klong na/__/zag bral bde chen 'chi med mtsho skyes kyi rdo rje/__/'bar 'dzag dga' ba bzhi yi ting 'dzin gyis mjal bas/__/rnam pa kun gyi mchog ldan grub pa 'di a ho/__/ka dag 'od gsal pad+ma drwa ba yi klong na/__/lhun grub snang bzhi'i 'chi med mtsho skyes kyi rdo rje/__/zung 'jug dbyings rig dbyer med phyag rgya yis mjal bas/__/chos zad blo 'das pha mthar son pa 'di a ho/__/ngo mtshar dus ston pad+ma drwa ba yi klong na/__/mtshon byed dpe yi 'chi med mtsho skyes kyi rdo rje/__/sngon smon rnam par dkar ba'i nye rgyu yis mjal bas/__/mi phyed dad gsum chu gter 'phel ba 'di a ho/__/mthar thug sgrib bral pad+ma drwa ba yi klong na/__/sku bzhi'i bdag nyid 'chi med mtsho skyes kyi rdo rje/__/zab gsang sbas pa'i lam gyi mig 'phrul gyis mjal bas/__/rmad byung don gnyis lhun gyis grub pa 'di a ho/__/de skad sa spyod bsam gtan chos gling gi 'dus grwar/__/cho 'phrul zla ba'i dkar phyogs tshes bcu yi dus su/__/gang shar rtogs pa brjod pa'i rdo rje yi thol glu/__/gyi na'i spyod pas 'tsho ba'i mgrin pa nas skyes so/__/zhes pa'ang mdo khams rdzogs chen pa'i 'khor lo gsum gyi phyag rjes rma med pa'i gnas ru dam bsam gtan chos gling du cho 'phrul zla ba'i tshes bcu'i dus ston mjal ba'i skabs su phyi rol gyi yul rkyen sgyu ma lta bus bskul nas rnal 'byor gzhon nu a b+hA yas so//__//__!