JKW-KABUM-17-TSA-001-017

🚧 This website is under continued development. We appreciate your patience!

Previous Text Back to Volume PageNext Text

ལུས་བཟོ་ཕལ་པ།

Wylie title	lus bzo phal pa
Location	mkhyen brtse'i bka' 'bum Volume 17, sde tshan 1, Text 17, Pages 114-116 (Folios 57b5 to 58b1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. lus bzo phal pa. In 'jam dbyangs mkhyen brtse'i dbang po'i bka' 'bum, Vol. 17: 114-116. Khams sde dge rdzong sar dgon: Rdzong sar blo gros phun tshogs, 2020.
Genre

1 Texts in this Section (sde tshan or chos tshan)

17 114-116	ལུས་བཟོ་ཕལ་པ། lus bzo phal pa Crafts - bzo rig pa	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ལུས་བཟོ་ཕལ་པ་ནི། རྒྱ་མཚོ་ཆེན་པོར་བགྲོད་པའི་གྲུ་གཟིངས་ཆེན་པོ། །རྒྱ་བལ་སོགས་ཀྱི་ཆུ་ལ་བགྲོད་པའི་གྲུ་ཆུང་། ཁང་ཁྱིམ། ཁང་བརྩེགས། ཁང་མིག་ལྔ་བརྒྱ་པ། བཟའ་བཏུང་གི་གཡོས། གོས་རྒྱན་གྱི་ཁྱད་པར་སོགས་དང་། བསྡུས་རྒྱུད་ལས། གཡུལ་དུ་ཕམ་པའི་དགྲ་བོ་དག་ནི་གལ་ཏེ་འཕྲལ་ལ་རྫོང་གི་ནང་དུ་ཞུགས་གྱུར་ན། །ཕྱི་རོལ་དུ་ནི་འཁྲུལ་འཁོར་བྱ་སྟེ་རྒྱུན་ཆད་མེད་པར་རྡོ་དང་མེ་མདའ་རབ་ཏུ་འབེབས་པ་དང་། །རལ་གྲི་ལ་སོགས་གཅོད་པའི་འཁྲུལ་འཁོར་དག་དང་ས་གཞིའི་གནས་ལ་གུར་དང་གོ་ནི་དབྱེ་བ་ཡིས། །དེ་ཡི་རྫོང་ནི་ཕྱེ་མར་བྱས་ཏེ་ཉིན་ཞག་ཅུང་ཟད་དག་གི་གདུག་པ་དེ་ནི་བསྒྲུབ་པར་བྱ། ཞེས་ངོ་མཚར་གྱི་སྦྱོར་བ་ཐང་རྫོང་གཞིག་པ་རྡོའི་འཁྲུལ་འཁོར་ཏེ་སྒྱོགས། ཆུ་རྫོང་འཇོམ་པ་ཆུའི་འཁྲུལ་འཁོར། །རི་རྫོང་འཇོམས་པ་མེའི་འཁྲུལ་འཁོར། །རྩེ་མོ་འགྱེད་པ་རླུང་གི་འཁྲུལ་འཁོར། །རྒྱལ་རིགས་འཐབ་པ་ཤིང་རྟའི་ཚད། །ལྟད་མོ་ལ་འགྲོ་བའི་དོན་དུ་ཁང་བཟང་གི་མཚན་ཉིད། །དགའ་སྟོན་གྱི་དོན་དུ་ཁྱོགས་ཀྱི་མཚན་ཉིད། །ལྡུམ་ར་གཅུ་བའི་དོན་དུ་ཆུ་གྱེན་དུ་འདྲེན་པའི་འཁྲུལ་འཁོར་སོགས་དུས་འཁོར་དུ་གསུངས་པ་དང་། གཞན་ཡང་མཚོན་ཆ་དང་ཡ་ལད་སོགས་གོ་ཆའི་རིགས། ཕོ་མོའི་རྒྱན་མ་དང་གྱོན་པ་སོགས་བཟོ་བ་སྟེ། མདོར་ན་བཟོ་སྦྱངས་བཅོ་བརྒྱད་ཕལ་མོ་ཆེ་འདིར་འདུས་སོ་ངག་བཟོ་མཆོག་ནི། ལོ་ཆེན་རིན་བཟང་ནས་དར་བའི་ཡོ་ག་དང་། གཞན་ཡང་གསང་སྔགས་གསར་མའི་ཡི་དམ་ཆོས་སྐྱོང་ལ་བརྟེན་པའི་གདངས་དབྱངས། སྔགས་རྙིང་མའི་གྱེར་དབྱངས་ལ་འགྱུར་ཁུགས་འདེགས་འཇོག་སྦོམ་ཕྲ་སྟེ་དྲུག་ལྡན་བརྗིད་ཅིང་རྔམས་པ་སོགས་མ་འདྲེས་པའི་རིགས་དང་། རྡོ་རྗེའི་གླུ་གར། ཆོས་ཀྱི་འབེལ་གཏམ་སོགས་གསལ་དག་སྙན་ཅིང་ཉན་སླ་བཟུང་བདེ་བ་ལ་སོགས་པ་རྣམས་སོ།། །། ༈

[edit]

lus bzo phal pa/ lus bzo phal pa ni/__rgya mtsho chen por bgrod pa'i gru gzings chen po/__/rgya bal sogs kyi chu la bgrod pa'i gru chung /__khang khyim/__khang brtsegs/__khang mig lnga brgya pa/__bza' btung gi g.yos/__gos rgyan gyi khyad par sogs dang /__bsdus rgyud las/__g.yul du pham pa'i dgra bo dag ni gal te 'phral la rdzong gi nang du zhugs gyur na/__/phyi rol du ni 'khrul 'khor bya ste rgyun chad med par rdo dang me mda' rab tu 'bebs pa dang /__/ral gri la sogs gcod pa'i 'khrul 'khor dag dang sa gzhi'i gnas la gur dang go ni dbye ba yis/__/de yi rdzong ni phye mar byas te nyin zhag cung zad dag gi gdug pa de ni bsgrub par bya/__zhes ngo mtshar gyi sbyor ba thang rdzong gzhig pa rdo'i 'khrul 'khor te sgyogs/__chu rdzong 'jom pa chu'i 'khrul 'khor/__/ri rdzong 'joms pa me'i 'khrul 'khor/__/rtse mo 'gyed pa rlung gi 'khrul 'khor/__/rgyal rigs 'thab pa shing rta'i tshad/__/ltad mo la 'gro ba'i don du khang bzang gi mtshan nyid/__/dga' ston gyi don du khyogs kyi mtshan nyid/__/ldum ra gcu ba'i don du chu gyen du 'dren pa'i 'khrul 'khor sogs dus 'khor du gsungs pa dang /__gzhan yang mtshon cha dang ya lad sogs go cha'i rigs/__pho mo'i rgyan ma dang gyon pa sogs bzo ba ste/__mdor na bzo sbyangs bco brgyad phal mo che 'dir 'dus so ngag bzo mchog ni/__lo chen rin bzang nas dar ba'i yo ga dang /__gzhan yang gsang sngags gsar ma'i yi dam chos skyong la brten pa'i gdangs dbyangs/__sngags rnying ma'i gyer dbyangs la 'gyur khugs 'degs 'jog sbom phra ste drug ldan brjid cing rngams pa sogs ma 'dres pa'i rigs dang /__rdo rje'i glu gar/__chos kyi 'bel gtam sogs gsal dag snyan cing nyan sla bzung bde ba la sogs pa rnams so//____//__!