View source for JKW-KABUM-18-TSHA-003-001

{{Text
|classification=Tibetan Publications
|subclass=Tibetan Texts
|fulltitletib=གངས་ཅན་བོད་ཀྱི་ཡུལ་དུ་བྱོན་པའི་གསང་སྔགས་གསར་རྙིང་གི་གདན་རབས་མདོར་བསྡུས་ངོ་མཚར་པདྨོའི་དགའ་ཚལ།
|fulltitle=gangs can bod kyi yul du byon pa'i gsang sngags gsar rnying gi gdan rabs mdor bsdus ngo mtshar pad+mo'i dga' tshal
|citation=[['jam dbyangs mkhyen brtse'i dbang po]]. ''gangs can bod kyi yul du byon pa'i gsang sngags gsar rnying gi gdan rabs mdor bsdus ngo mtshar pad+mo'i dga' tshal''. In '''jam dbyangs mkhyen brtse'i dbang po'i bka' 'bum'', Vol. 18: 323-326. Khams sde dge rdzong sar dgon: Rdzong sar blo gros phun tshogs, 2020.
|collectiontitletib=མཁྱེན་བརྩེའི་བཀའ་འབུམ་
|collectiontitle=mkhyen brtse'i bka' 'bum
|author='jam dbyangs mkhyen brtse'i dbang po
|authortib=འཇམ་དབྱངས་མཁྱེན་བརྩེའི་དབང་པོ་
|editor=
|editortib=
|tibgenre=Monastic Chronicles - gdan rabs
|terma=No
|sabcadcategory=Seven
|language=Tibetan
|volumenumber=018
|volnumtib=༡༨
|volyigtib=ཚ་
|totalvolumes=25
|textnuminvol=003
|textsubnumber=001
|pagenumbers=323-326
|totalpages=4
|beginfolioline=1a
|endfolioline=2b3
|totalfolios=2
|multivolumework=No
|rectonotes=sde tshan 3
|versonotes=mkhyen brtse'i bka' 'bum
|pdflink=File:JKW-KABUM-18-TSHA-003.pdf
}}
{{Header}}
<h1 style="font-size: 24px !important;">Tibetan Text</h1>
<onlyinclude>
{{TibP|༄༅།  །གངས་ཅན་བོད་ཀྱི་ཡུལ་དུ་བྱོན་པའི་གསང་སྔགས་གསར་རྙིང་གི་གདན་རབས་མདོར་བསྡུས་ངོ་མཚར་པདྨོའི་དགའ་ཚལ་ཞེས་བྱ་བ་བཞུགས་སོ།།  །།
ན་མོ་གུ་རུ་མཉྫུ་གྷོ་ཥཱ་ཡ།  བླ་མ་འཇམ་དཔལ་གཞོན་ནུ་དང་།  །རིས་མེད་མཁས་གྲུབ་རྒྱ་མཚོའི་ཚོགས།  །གཉིས་སུ་མ་མཆིས་ཞབས་པདྨོ།  །དད་བརྒྱའི་གཙུག་གིས་རྟག་ཏུ་མཆོད།  །དེ་ལ་འཕགས་མཆོག་ཕྱག་ན་པདྨོའི་ཡེ་ཤེས་ཀྱི་གཟིགས་པ་ལྷག་པར་འཇུག་པའི་གནས།  སའི་ཆ་གླང་པོ་ཆེའི་སྤྱི་གཙུག་ལྟར་མཐོ་བའི་ཕྱོགས་ཐམས་ཅད་ཁ་བའི་རྡུལ་བརྩེགས་ཀྱིས་བསྐོར་བའི་ལྗོངས་འདིར་མཁས་པ་དང་།  གྲུབ་པའི་སྐྱེས་བུ་ཇི་སྙེད་ཅིག་བྱོན་པ་རྣམས་ཀྱི་རིང་ལུགས་འཛིན་པའང་དེ་སྙེད་ཅིག་མཆིས་པ་ལས། ཐོག་མར་གསང་སྔགས་སྔ་འགྱུར་གྱི་རིང་ལུགས་འཛིན་པ་ནི་བསྟན་པ་སྔ་དར་གྱི་དུས་སྔགས་ཕྱོགས་སུ་གསང་ཆེན་རྙིང་མ་ལས་གཞན་པའི་ཆོས་ལུགས་མི་གཅིག་པ་མེད་པས་མཆོད་གནས་སྡེ་གཉིས་པོ་འཕེལ་རྒྱས་ཆེ་ཞིང་བཤད་སྒྲུབ་ཤིན་ཏུ་དར་ནའང་།  ཕྱི་དར་གྱི་དུས་སུ་ཆོས་ལུགས་དང་གྲུབ་མཐའ་མི་འདྲ་བ་དུ་མ་དར་ཞིང་།  དེ་དག་གིས་ཀྱང་རང་རང་སོ་སོའི་རིང་ལུགས་ལ་གཟི་བྱིན་བསྒྲུབས་པའི་ཤུགས་ཀྱིས་གཅིག་ཤོས་རིམ་གྱིས་བག་ལ་ཞ་བར་གྱུར་མོད།  དེ་ལྟ་ནའང་རྒྱལ་བའི་ཐུགས་རྗེ་དང་ཕྲིན་ལས་ནི་ཚད་མེད་པའི་ཕྱིར།  སྟོད་མངའ་རིས་ནས་སྨད་རྒྱ་མཚམས་ལ་ཐུག་གི་བར་དང་།  ལྷོ་མོན་ནས་སོག་ཡུལ་ཚུན་གྱི་ལྗོངས་རྣམས་སུ་དགོན་སྡེ་ཆེ་ཕྲ་ཇི་སྙེད་ཅིག་གིས་མ་ཁྱབ་པ་མེད་པ་ལྟ་བུར་སྣང་བས་ན།  མཐའ་དག་སུས་བརྗོད་པར་སྤོབས།  འོན་ཀྱང་གྲགས་ཆེ་བ་དང་།  དེང་སང་ཆོས་བརྒྱུད་དར་རྒྱས་སུ་བཞུགས་པ་འགའ་ཞིག་སྨོས་ན། ཐོག་མར་རྙིང་མ་བཀའ་མའི་རིང་ལུགས་འཛིན་པ།  སྔགས་པའི་རྒྱལ་པོ་སོ་ཟུར་གནུབས་སོ་ཡེ་ཤེས་དབང་ཕྱུག  །ཟུར་ཤེས་རབ་འབྱུང་གནས།  གནུབས་བླ་ཆེན་བྱང་སྙིང་གསུམ་མཆེད་གྲོགས་མཛད་པས་དེ་སྐད་དུ་གྲགས་སོ།  །གསུམ་ཞེས་གྲགས་པ་ལས་ཟུར་གྱི་གདན་ས་འུག་པ་ལུང་དང་།  གསེར་མདོག་ཅན་དང་ཉེ་བའི་སྤན་ཐག་མའི་ལུང་བུར་ཡོད།  གསང་སྔགས་གཞིས་ཀ་རྩེའི་ཤར་ཐད་དུ་ཡོད།  ཆོས་གླིང་པ་སོགས་སྔར་དར་རྒྱས་ཧ་ཅང་ཆེ་ཡང་།  དེང་སང་གསང་སྔགས་ཆོས་གླིང་པའི་གདུང་བརྒྱུད་མ་ཆད་ཙམ་ལས་བཤད་སྒྲུབ་སོགས་རྒྱ་ཆེར་མི་སྣང་ངོ་།།    །།  ༈ }}
</onlyinclude>
{{TsagliCall}}
<headertabs/>
== Footnotes ==
<references/>
==Other Information==
{{Footer}}
[[Category:JKW-KABUM-18-TSHA-003]]
[[Category:Khyentse Lineage Project]]
[[Category:JKW-KABUM-Volume-18-TSHA]]