JKW-KABUM-18-TSHA-003-001-wylie
gangs can bod kyi yul du byon pa'i gsang sngags gsar rnying gi gdan rabs mdor bsdus ngo mtshar pad+mo'i dga' tshal/ @#/__/gangs can bod kyi yul du byon pa'i gsang sngags gsar rnying gi gdan rabs mdor bsdus ngo mtshar pad+mo'i dga' tshal zhes bya ba bzhugs so//__// na mo gu ru many+dzu g+ho ShA ya/__bla ma 'jam dpal gzhon nu dang /__/ris med mkhas grub rgya mtsho'i tshogs/__/gnyis su ma mchis zhabs pad+mo/__/dad brgya'i gtsug gis rtag tu mchod/__/de la 'phags mchog phyag na pad+mo'i ye shes kyi gzigs pa lhag par 'jug pa'i gnas/__sa'i cha glang po che'i spyi gtsug ltar mtho ba'i phyogs thams cad kha ba'i rdul brtsegs kyis bskor ba'i ljongs 'dir mkhas pa dang /__grub pa'i skyes bu ji snyed cig byon pa rnams kyi ring lugs 'dzin pa'ang de snyed cig mchis pa las/__ thog mar gsang sngags snga 'gyur gyi ring lugs/ thog mar gsang sngags snga 'gyur gyi ring lugs 'dzin pa ni bstan pa snga dar gyi dus sngags phyogs su gsang chen rnying ma las gzhan pa'i chos lugs mi gcig pa med pas mchod gnas sde gnyis po 'phel rgyas che zhing bshad sgrub shin tu dar na'ang /__phyi dar gyi dus su chos lugs dang grub mtha' mi 'dra ba du ma dar zhing /__de dag gis kyang rang rang so so'i ring lugs la gzi byin bsgrubs pa'i shugs kyis gcig shos rim gyis bag la zha bar gyur mod/__de lta na'ang rgyal ba'i thugs rje dang phrin las ni tshad med pa'i phyir/__stod mnga' ris nas smad rgya mtshams la thug gi bar dang /__lho mon nas sog yul tshun gyi ljongs rnams su dgon sde che phra ji snyed cig gis ma khyab pa med pa lta bur snang bas na/__mtha' dag sus brjod par spobs/__'on kyang grags che ba dang /__deng sang chos brgyud dar rgyas su bzhugs pa 'ga' zhig smos na/__ thog mar rnying ma bka' ma'i ring lugs 'dzin pa/__sngags pa'i rgyal po so zur gnubs so ye shes dbang phyug__/zur shes rab 'byung gnas/__gnubs bla chen byang snying gsum mched grogs mdzad pas de skad du grags so/__/gsum zhes grags pa las zur gyi gdan sa 'ug pa lung dang /__gser mdog can dang nye ba'i span thag ma'i lung bur yod/__gsang sngags gzhis ka rtse'i shar thad du yod/__chos gling pa sogs sngar dar rgyas ha cang che yang /__deng sang gsang sngags chos gling pa'i gdung brgyud ma chad tsam las bshad sgrub sogs rgya cher mi snang ngo //____//__!_
