View source for JKCL-KABUM-11-DA-068

{{Text
|classification=Tibetan Publications
|subclass=Tibetan Texts
|fulltitletib=ཚེ་གཡང་འགུག་པ་ལ་སྦྱར་རྒྱུའི་བསང་མཆོད་འདོད་རྒུའི་སྤྲིན་ཕུང་།
|fulltitle=tshe g.yang 'gug pa la sbyar rgyu'i bsang mchod 'dod rgu'i sprin phung
|citation=[['jam dbyangs mkhyen brtse chos kyi blo gros]]. ''tshe g.yang 'gug pa la sbyar rgyu'i bsang mchod 'dod rgu'i sprin phung''. In ''Rdzong sar mkhyen brtse 'jam dbyangs chos kyi blo gros kyi gsung 'bum'', Vol. 11: 357-359. Bir, H.P.: Khyentse Labrang, 2012.
|collectiontitletib=ཆོས་ཀྱི་བློ་གྲོས་བཀའ་འབུམ་
|collectiontitle=chos kyi blo gros bka' 'bum
|author='jam dbyangs mkhyen brtse chos kyi blo gros
|authortib=འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
|tibgenre=Smoke Offerings - bsangs mchod - lha bsang
|terma=No
|jkcloutline=Fifteen
|language=Tibetan
|volumenumber=011
|volnumtib=༡༡
|volyigtib=ད་
|totalvolumes=12
|textnuminvol=068
|pagenumbers=357-359
|totalpages=3
|beginfolioline=1a1
|endfolioline=2a4
|totalfolios=2
|multivolumework=No
|colophontib=།ཆོས་ཀྱི་བློ་གྲོས་པས་སོ།།
|colophonwylie=/chos kyi blo gros pas so//
|pdflink=File:JKCL-KABUM-11-DA-068.pdf
}}
{{Header}}
<h1 style="font-size: 24px !important;">Tibetan Text</h1>
<onlyinclude>
{{TibP|ཚེ་གཡང་འགུག་པ་ལ་སྦྱར་རྒྱུའི་བསང་མཆོད་འདོད་རྒུའི་སྤྲིན་ཕུང་ཅེས་བྱ་བ་བཞུགས་སོ།  བླ་མ་ནོར་ལྷའི་ཚོགས་ལ་བསང་མཆོད་འབུལ་བར་འདོད་པས་བསང་རྫས་མཆོད་གཏོར་རྣམས།  རྃ་ཡྃ་ཁྃ།  ཨོཾ་ཨཱཿཧཱུྃ།  ལན་གསུམ་གྱིས་བྱིན་གྱིས་བརླབ།  དབྱངས་རོལ་དང་བཅས།  ཀྱཻ།  ཆོས་དབྱིངས་ཞིང་ཀུན་རྒྱས་པར་གང་བ་ཡི།  །བླ་མ་རྩ་གསུམ་ནོར་ལྷ་རྒྱ་མཚོའི་ཚོགས།  །འདིར་གཤེགས་ཉི་ཟླ་པདྨའི་གདན་ལ་བཞུགས།  །ཟག་མེད་བསང་མཆོད་བདུད་རྩིའི་སྤྲིན་ཕུང་བཞེས།  ཀྱཻ།  སྔོན་གྱི་དྲང་སྲོང་ཆེན་པོའི་ལུགས་བཞིན་དུ།  །གོས་དཀར་འབར་བ་ཆེན་པོའི་མེ་ཡི་ཀློང་།  །བཟང་ཤིང་སྣ་ཚོགས་སྦྱར་བའི་དུད་སྤྲིན་འཐིབས།  །ཕྱེ་མར་གངས་རི་ལྟར་སྤུངས་ཇ་ཆང་དང་།  །བདུད་རྩི་འོ་མའི་གསེར་སྐྱེམས་མཚོ་ལྟར་བསྐྱིལ།  །རྣམ་མང་སྲིད་དང་ཞི་བའི་འབྱོར་པ་དང་།  །ཕུན་ཚོགས་དཔལ་ཀུན་དབང་དུ་བྱེད་པ་ཡི།  །བཀྲ་ཤིས་རྫས་རྟགས་རིན་ཆེན་སྣ་བདུན་དང་།  །ཉེ་བའི་རིན་ཆེན་བདུན་དང་འདོད་འཇོའི་བ།  །དཔག་བསམ་ཤིང་དང་ཁྲུས་རྫིང་སྐྱེད་ཚལ་དང་།  །རིན་ཆེན་སྣ་ཚོགས་རི་བོས་ཁོར་ཡུག་བརྗིད།  །ལྷ་དང་ཀླུ་དབང་གྲུབ་པ་རིག་འཛིན་དང་།  །དྲང་སྲོང་ཚོགས་ཀྱིས་ཉེ་བར་བསྟེན་པ་ཡི།  །བྲག་རིའི་བ་གམ་བཀོད་ལེགས་སྨན་ཤིང་གི  །ནགས་ཚལ་ཉམས་དགའ་ལྷ་མིའི་མེ་ཏོག་དང་།  །བྱ་དང་རི་དྭགས་སྤུ་སྡུག་ཡིད་དུ་འོང་།  །རྟ་གཡག་མ་ཧེ་གནག་ལུག་ལ་སོགས་པ།  །མདོར་ན་སྲིད་པ་གསུམ་གྱི་འབྱོར་པའི་ཚོགས།  །གཅིག་ཏུ་སྤུངས་པའི་མཆོད་སྤྲིན་ཆེན་པོ་དང་།  །འདོད་པའི་ཡོན་ཏན་རྣམ་མང་འཕྲུལ་པ་ཡིས།  །སྔོ་སང་དུ་བའི་ལྷ་མོ་ཡིད་འཕྲོག་མས།  །ཟག་མེད་བདེ་བའི་དབང་པོ་དགྱེས་བསྐྱེད་པའི།  །འདོད་ཡོན་དྲུག་གི་མཆོད་པའི་རོལ་མོ་ནི།  །ཀུན་ཏུ་བཟང་པོ་ཏིང་ངེ་འཛིན་གྱི་སྒོ།  །ནམ་མཁའ་མཛོད་ཀྱི་སྒྱུ་འཕྲུལ་བསམ་ལས་འདས།  །འཛད་མེད་དཔག་པར་དཀའ་བའི་དགྱེས་སྤྲིན་འདིས།  །མ་ཧཱ་གུ་རུ་ཨོ་རྒྱན་ཚེ་དཔག་མེད།  །རྒྱས་མཛད་རཏྣ་ཐོད་ཕྲེང་ཡབ་ཡུམ་དང་།  །གནོད་སྦྱིན་གཏེར་འཆང་རྒྱ་མཚོའི་སྡེ་དཔོན་ནི།  །རིན་ཆེན་མང་སྤྲུལ་རྒྱལ་ཆེན་རྣམ་ཐོས་སྲས།  །ལྷ་མོ་དཔལ་དང་རྟ་བདག་བརྒྱད་ལ་སོགས།  །འཁོར་ཚོགས་སྤྲུལ་པར་བཅས་པ་ཐམས་ཅད་དང་།  །བྱང་ཆུབ་སེམས་མ་ནོར་གྱི་རྒྱུན་སྟེར་མ།  །རྨུག་འཛིན་དབང་པོ་ལ་སོགས་ནོར་གྱི་ལྷ།  །བྱེ་བ་བསམ་མི་ཁྱབ་པ་ཐམས་ཅད་ལ།  །བདུད་རྩི་བསང་གི་མཆོད་པ་འདི་འབུལ་ལོ།  །དགྱེས་པའི་ཞལ་བཟང་ཉི་ཟླ་ལྟར་གསལ་ཞིང་།  །ཕུན་ཚོགས་དགེ་ལེགས་ནོར་བུའི་དངོས་གྲུབ་སྟེར།  །དབུལ་བའི་གདུང་སེལ་འདོད་རྒུའི་འབྱོར་པ་ཡིས།  །སྲིད་ཞིའི་ལེགས་ཚོགས་དཔག་བསམ་ཤིང་ལྟར་རྒྱས།  །སྙན་གྲགས་ལྷ་ཡི་རོལ་མོ་ཕྱོགས་བཅུར་ཁྱབ།  །ཕུན་ཚོགས་སྡེ་བཞི་དབང་དུ་བསྡུ་བ་དང་།  །སྦྱིན་པའི་ཕར་ཕྱིན་རྫོགས་པའི་བཀྲ་ཤིས་སྩོལ།  །ཅེས་ཕྱེ་མར་གསེར་སྐྱེམས་མཆོད་དོ།  །ཅེས་པའང་རྡོར་འཛིན་བླ་མ་ཆོས་གྲགས་ཀྱིས་སྐྱེས་དང་བཅས་བསྐུལ་བའི་བཞེད་སྐོང་དུ་འཇམ་དབྱངས་བློ་གྲོས་རྒྱ་མཚོས་ཀཿཐོག་རྡོ་རྗེ་གདན་དུ་བྲིས་པ་དགེ་ལེགས་སུ་གྱུར་ཅིག  །མངྒ་ལཾ།།  །།ཀྱཻ།  བྱང་ཆུབ་སེམས་མ་དཔལ་ཆེན་མོ།  །གྲོགས་མོ་ལྷ་མོ་བརྒྱད་པོ་དང་།  །ནོར་ལྷ་གཏེར་བདག་འཁོར་བཅས་དང་།  །ཚོགས་བདག་མི་མགོན་དཀར་པོ་དང་།  །སྤོམ་ར་ལ་སོགས་འཁོར་བཅས་རྣམས།  །འདིར་གཤེགས་བསང་མཆོད་དམ་པ་བཞེས།  །འཁོར་འདས་ཕྱྭ་གཡང་གནས་འདིར་བསྡུས།  །སྲིན་རྐུན་བསེ་རག་གནོད་པ་སྲུངས།  །ཚེ་གཡང་དཔལ་འབྱོར་རྒྱས་པ་དང་།  །བཀྲ་ཤིས་བདེ་ལེགས་ཕུན་ཚོགས་ཤོག  །ཆོས་ཀྱི་བློ་གྲོས་པས་སོ།།  །།}}
</onlyinclude>
{{TsagliCall}}
<headertabs/>
== Footnotes ==
<references/>
==Other Information==
{{Footer}}
[[Category:JKCL-KABUM-Volume-11-DA]]
[[Category:Khyentse Lineage Project]]