View source for JKCL-KABUM-08-NYA-011-038

{{Text
|classification=Tibetan Publications
|subclass=Tibetan Texts
|fulltitletib=ཨ་ཧོ་ཡེ།  རྙེད་དཀའི་དལ་འབྱོར་མི་ལུས་རིན་ཆེན་འདི་རྙེད་དུས་སོགས་དད་སློབ་ཀརྨ་ཆོས་མཆོག་ལ་གནང་བ།
|fulltitle=a ho ye/  rnyed dka'i dal 'byor mi lus rin chen 'di rnyed dus sogs dad slob karma chos mchog la gnang ba
|citation=[['jam dbyangs mkhyen brtse chos kyi blo gros]]. ''a ho ye rnyed dka'i dal 'byor mi lus rin chen 'di rnyed dus sogs dad slob karma chos mchog la gnang ba''. In ''Rdzong sar mkhyen brtse 'jam dbyangs chos kyi blo gros kyi gsung 'bum'', Vol. 8: 386-387. Bir, H.P.: Khyentse Labrang, 2012.
|collectiontitletib=ཆོས་ཀྱི་བློ་གྲོས་བཀའ་འབུམ་
|collectiontitle=chos kyi blo gros bka' 'bum
|author='jam dbyangs mkhyen brtse chos kyi blo gros
|authortib=འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
|tibgenre=Advice - zhal gdams
|terma=No
|jkcloutline=Eight
|language=Tibetan
|volumenumber=008
|volnumtib=༨
|volyigtib=ཉ་
|totalvolumes=12
|textnuminvol=011
|textsubnumber=038
|pagenumbers=386-387
|totalpages=2
|beginfolioline=51b2
|endfolioline=52a6
|totalfolios=2
|multivolumework=No
|colophontib=ཅེས་པའང་འཇམ་དབྱངས་ཆོས་ཀྱི་བློ་གྲོས་པས་སོ།
|colophonwylie=ces pa'ang 'jam dbyangs chos kyi blo gros pas so/
|pdflink=File:JKCL-KABUM-08-NYA-011.pdf
}}
{{Header}}
<h1 style="font-size: 24px !important;">Tibetan Text</h1>
<onlyinclude>
{{TibP|༈ ཨ་ཧོ་ཡེ།  རྙེད་དཀའི་དལ་འབྱོར་མི་ལུས་རིན་ཆེན་འདི་རྙེད་དུས།  །དོན་མེད་སྟོང་ལོག་བྱས་ན་གྱང་ཆེན་ཞིག་འོང་ངོ་།  །ཡིད་བཞིན་ནོར་བུ་དབང་གི་རྒྱལ་པོ་དེ་རྙེད་དུས།  །མཆོད་དང་གསོལ་བཏབ་མ་བྱས་དོན་རེ་ནི་ཆུང་ངོ་།  །དེ་ཡང་མི་རྟག་རྩ་རྩེའི་ཟིལ་པ་དང་འདྲ་ལ།  །འཆི་བདག་གཤིན་རྗེའི་སུན་མ་ནམ་འོང་ནི་མེད་དོ།  །དེ་ལས་བཟློག་པའི་ཐབས་ནི་སྲིད་པ་ཞིག་ཡིན་ན།  །ཐམས་ཅད་མཁྱེན་པས་གསུངས་ཀྱང་ཡོད་ཚོད་ནི་མི་འདུག།  བཟློག་མེད་ཕོ་ཉས་ཁྲིད་པའི་ཁོ་ཐག་ནི་ཆོད་དོ།  །དགེ་སྡིག་ཅི་བྱས་ཆུད་ནི་ཟོས་པ་རུ་མི་འགྱུར།  །ལས་ནི་གྲིབ་མ་བཞིན་དུ་རྗེས་སུ་ནི་འབྲང་ངོ་།  །འབྲང་བ་ཙམ་གྱི་མི་ཆོད་འབྲས་བུ་ནི་སྨིན་ནོ།  །ས་བོན་བཏབ་ཙམ་མ་ཡིན་མྱུ་གུ་ནི་འཁྲུང་ངོ་།  །དེ་ཡང་སླ་བ་མ་ཡིན་དཀའ་བ་ཞིག་མཆིས་པ།  །དུད་འགྲོ་ཡི་སྡུག་བསྔལ་ཆུང་ཤོས་གཅིག་ཤིག་ནི།  །རང་ཐོག་ཏུ་ལོན་དང་ཤེས་པ་ཞིག་འོང་ངོ་།  །དམྱལ་བ་ཡི་སྡུག་བསྔལ་དོ་ཟླ་ནི་མ་མཆིས།  །བཟོད་སྲན་ནི་མེད་དོ་ཚེ་ཚད་ནི་མ་རྫོགས།  །འབྲོས་པ་ནི་མེད་དོ་ལས་རླུང་གི་དེད་པས།  །རང་དབང་ནི་མེད་དོ་དམྱལ་བ་ཡི་སྲུང་མས།  །དབང་མེད་བརྡེག་བཅད་གཏུབ་པའི་གནས་ངན་ལ་སྦྱོར་རོ།  །དེས་ན་དེ་འདྲའི་སྡུག་བསྔལ་བཟོད་ཐབས་ནི་མེད་པས།  །སྙིང་ནས་ལྷ་ཆོས་བསྒྲུབ་ལ་བརྩོན་པ་ནི་རན་ནོ།  །དེ་ཡང་ལེ་ལོ་ཕྱི་གཤོལ་དབང་དུ་ནི་མ་བཏང་།  །མྱུར་བ་ཉིད་དུ་འབད་ནས་ཐར་པ་རུ་སྦྱོར་ཅིག།  བདེན་པ་བཞི་དང་རྟེན་འབྲེལ་ཟབ་མོ་ཡི་ཆོས་ནི།  །ཉོན་མོངས་ཟད་པར་བྱེད་ཅིང་བདེན་འཛིན་ནི་བཟློག་ལ།  །བདག་མེད་རྣམ་པ་གཉིས་ལ་གོམས་པ་ཞིག་བྱ་དགོས།  །དེ་ཡང་སྐྱབས་གསུམ་དབང་གི་རྒྱལ་པོ་ལ་བརྟེན་ནས།  །གཏན་གྱི་སྐྱབས་གནས་གདོན་མི་ཟ་བ་ཞིག་བཞུགས་སོ།  །གཞན་ཕན་བྱང་ཆུབ་སེམས་ཀྱི་གོ་ཆ་ཞིག་བགོས་ནས།  །ཅི་བྱས་དམ་པའི་ཆོས་སུ་འགྲོ་བ་ཞིག་ཡོད་དོ།  །རང་ལུས་རྡོ་རྗེའི་ཕུང་པོའི་གྲོང་ཁྱེར་ནི་ཡིན་པས།  །བརྒྱུད་ལྡན་བྱིན་རླབས་ལྡན་པས་སྨིན་པ་ཞིག་བགྱིས་ནས།  །བསྐྱེད་རྫོགས་ལམ་གྱི་རིམ་པ་གནད་དུ་ནི་བསྣུན་ན།  །སྐུ་བཞིའི་འབྲས་བུ་དེ་ནི་འབྱིན་པ་རུ་འགྱུར་རོ།  །དེ་སྐད་ཟབ་མོའི་གདམས་ངག་འདི།  །རང་གི་དྲན་པའི་གསོས་སུ་བྲིས།  །དགེ་དེས་མཐའ་ཡས་སེམས་ཅན་ཀུན།  །སངས་རྒྱས་གོ་འཕང་ཐོབ་པར་ཤོག  །{{TibChung|ཅེས་པའང་འཇམ་དབྱངས་ཆོས་ཀྱི་བློ་གྲོས་པས་སོ།}} }}
</onlyinclude>
{{TsagliCall}}
<headertabs/>
== Footnotes ==
<references/>
==Other Information==
{{Footer}}
[[Category:JKCL-KABUM-08-NYA-011]]
[[Category:JKCL-KABUM-08-NYA-011]]
[[Category:Khyentse Lineage Project]]
[[Category:JKCL-KABUM-Volume-08-NYA]]