View source for JKCL-KABUM-06-CHA-001

{{Text
|classification=Tibetan Publications
|subclass=Tibetan Texts
|fulltitletib=བླ་མའི་རྣལ་འབྱོར་ཡེ་ཤེས་མཆོག་སྩོལ་དང་འབྲེལ་བའི་ཚེ་འགུགས་པདྨའི་ཞགས་པ།
|fulltitle=bla ma'i rnal 'byor ye shes mchog stsol dang 'brel ba'i tshe 'gugs pad+ma'i zhags pa
|citation=[['jam dbyangs mkhyen brtse chos kyi blo gros]]. ''bla ma'i rnal 'byor ye shes mchog stsol dang 'brel ba'i tshe 'gugs pad+ma'i zhags pa''. In ''Rdzong sar mkhyen brtse 'jam dbyangs chos kyi blo gros kyi gsung 'bum'', Vol. 6: 1-5. Bir, H.P.: Khyentse Labrang, 2012.
|collectiontitletib=ཆོས་ཀྱི་བློ་གྲོས་བཀའ་འབུམ་
|collectiontitle=chos kyi blo gros bka' 'bum
|author='jam dbyangs mkhyen brtse chos kyi blo gros
|authortib=འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
|sourceauthor='jam dbyangs mkhyen brtse'i dbang po
|sourceauthortib=འཇམ་དབྱངས་མཁྱེན་བརྩེའི་དབང་པོ་
|tibgenre=Feast Offering - tshogs mchod - tshogs kyi 'khor lo, Longevity Rituals - tshe sgrub
|terma=No
|jkcloutline=Six
|language=Tibetan
|volumenumber=006
|volnumtib=༦
|volyigtib=ཆ་
|totalvolumes=12
|textnuminvol=001
|pagenumbers=1-5
|totalpages=5
|beginfolioline=1a1
|endfolioline=3a1
|totalfolios=3
|multivolumework=No
|colophontib=།ཅེས་པའང་ཆོས་ཀྱི་བློ་གྲོས་པས་ཕན་བདེའི་བཞེད་སྐོང་དུ་སྨྲས་པའོ།།
|colophonwylie=/ces pa'ang chos kyi blo gros pas phan bde'i bzhed skong du smras pa'o//
|pdflink=File:JKCL-KABUM-06-CHA-001.pdf
}}
{{Header}}
<h1 style="font-size: 24px !important;">Tibetan Text</h1>
<onlyinclude>
{{TibP|༄༅།  །བླ་མའི་རྣལ་འབྱོར་ཡེ་ཤེས་མཆོག་སྩོལ་དང་འབྲེལ་བའི་ཚེ་འགུགས་པདྨའི་ཞགས་པ་བཞུགས།  །
ཧྲཱིཿ ཆོས་དབྱིངས་ཀུན་ཁྱབ་ཆེན་པོ་ནས།  །ཆོས་སྐུའི་བླ་མ་ཐུགས་དམ་བསྐུལ།  །ལྷ་མོ་ཆོས་དབྱིངས་བདེ་ཆེན་ལ།  །མདའ་དར་ལྕགས་ཀྱུ་ཚེ་བུམ་བསྣམས།  །དྲོངས་ཤིག་དྲོངས་ཤིག་ཚེ་དྲོངས་ཤིག  །ནམ་མཁའི་ཁམས་ནས་ཉམས་པ་གསོས།  །གསལ་སྟོང་བདེ་ཆེན་ཕོ་བྲང་ནས།  །ལོངས་སྐུའི་བླ་མའི་ཐུགས་དམ་བསྐུལ།  །ལྷ་མོ་པདྨ་མཁའ་འགྲོ་མ།  །ཕྱག་ན་མདའ་དར་ལྕགས་སྒྲོག་བསྣམས།  །དྲོངས་ཤིག་དྲོངས་ཤིག་ཚེ་དྲོངས་ཤིག  །མེ་ཡི་ཁམས་ནས་ཉམས་པ་གསོས།  །སྣང་སྟོང་གཞིར་བཞེངས་རོལ་རྩལ་ཀློང་།  །སྤྲུལ་སྐུའི་བླ་མ་ཐུགས་དམ་བསྐུལ།  །ལྷ་མོ་རྡོ་རྗེ་མཁའ་འགྲོ་མ།  །ཕྱག་ན་མདའ་དར་ཐོད་པ་བསྣམས།  །དྲོངས་ཤིག་དྲོངས་ཤིག་ཚེ་དྲོངས་ཤིག  །ཆུ་ཡི་ཁམས་ནས་ཉམས་པ་གསོས།  །རིག་སྟོང་ཟུང་འཇུག་ཕོ་བྲང་ནས།  །ངོ་བོ་ཉིད་སྐུའི་ཐུགས་དམ་བསྐུལ།  །ལྷ་མོ་རིན་ཆེན་མཁའ་འགྲོ་མ།  །ཕྱག་ན་མདའ་དར་ཞགས་པ་བསྣམས།  དྲོངས་ཤིག་དྲོངས་ཤིག་ཚེ་དྲོངས་ཤིག  །ས་ཡི་ཁམས་ནས་ཉམས་པ་གསོས།  །གར་བཞུགས་འོད་གསལ་བཀོད་པ་ནས།  །རྡོ་རྗེའི་བླ་མ་ཐུགས་དམ་བསྐུལ།  །ལྷ་མོ་ཕྲིན་ལས་མཁའ་འགྲོ་མ།  །ཕྱག་ན་མདའ་དར་དྲིལ་བུ་བསྣམས།  །རླུང་ལྔའི་ཁམས་ནས་ཚེ་དྲངས་ཤིག  །འཐོར་བ་བསྡུས་ལ་ཉམས་པ་གསོས།  །སྲིད་ཞིའི་ཚེ་བཅུད་མ་ལུས་ཀུན།  །འཁོར་ལོ་ལྔ་ཡི་དབུས་སུ་བསྟིམ།  །ལུས་ཀྱི་ཟུངས་དང་སེམས་ཀྱི་རྟེན།  །བཀྲག་མདངས་གཟི་བརྗིད་དཔལ་དུ་འབར།  །སྣང་སྲིད་འཆི་མེད་བདུད་རྩིར་ཞུ།  །རང་རིག་ཀློང་དུ་འུབ་ཆུབ་པས།  །བསྒྲེས་རྒུད་མེད་པའི་རིག་འཛིན་ཐོབ།  །མི་ཤིགས་གཉུག་མའི་ཀློང་དུ་ཨཱཿ ཞེས་པའང་ཆོས་བློས་ཆལ་ཆོལ་དུ་བྲིས་པ་འཆི་མེད་རིག་འཛིན་བླ་མའི་གོ་འཕང་དཀའ་བ་མེད་པར་འགྲུབ་པར་གྱུར་ཅིག  །  ༈  བླ་མའི་རྣལ་འབྱོར་ཡེ་ཤེས་མཆོག་སྩོལ་ལ་སྦྱོར་རྒྱུའི་ཚོགས་མཆོད་ཤིན་ཏུ་བསྡུས་པར་གྲངས་བསོགས་པར་འདོད་ན།  འདུས་པ་བཅུ་ལ་མཚོན་ན།  སྣོད་བཅུ་ཚར་གཅིག་ཏུ་ཚོགས་གཏོར་བཤམས་ལ་བསྡུས་པ་འདི་ཉིང་ཚར་དགུ་རེའི་མཚམས་རྗེ་སི་ཏུ་པས་མཛད་པའི་རྒྱས་པ་ཚར་རེ་དང་དེ་འདྲ་བཅུ་རྫོགས་དུས་བརྒྱ་ཚར་གཅིག་འགྲོ་བ་དེས་མཚོན་སྟེ་གྲངས་བསོག་པར་བྱ་དགོས་པ་ལ་ངག་འདོན་ནི།  རྃ་ཡྃ་ཁྃ།  ཨོཾ་ཨཱཿ ཧཱུྃ།  ཧཱུྃ་ཧྲཱིཿརང་བཞིན་སྐུ་གསུམ་རྒྱལ་བའི་ཞིང་ཁམས་ནས།  །བླ་མ་སྐུ་གསུམ་ཚོགས་ལ་སྤྱན་འདྲེན་གཤེགས།  །ཕྱི་ནང་གསང་བ་ཡང་གསང་མཆོད་པ་འབུལ།  །རྨད་བྱུང་གཟུང་འཛིན་རྟོག་བྲལ་ཀ་པཱ་ལ།  །རོ་མཉམ་ཡེ་ཤེས་རྡོ་རྗེའི་ཚོགས་མཆོད་འབུལ།  །སྐུ་གསུང་ཐུགས་ཀྱི་དམ་ཚིག་ཉམས་པ་བཤགས།  །ཕྱི་ནང་གསང་བའི་འཁྲུལ་རྟོག་དབྱིངས་སུ་སྒྲོལ།  །ཟག་མེད་ཡེ་ཤེས་བདུད་རྩིར་རོལ་པས་མཉེས།  །ཚོགས་བརྒྱད་རོལ་པའི་དུར་ཁྲོད་ལ་ཉུལ་བའི།  །ལྷག་ལ་དབང་བའི་སྲུང་མས་གཏོར་མ་བཞེས།  །ཨོཾ་གུ་རུ་དྷེ་ཝ་ཌཱ་ཀི་ནི་ག་ཎ་ཙཀྲ་པཱུ་ཛ་ཧོ་ཨུཙྩེཥྚ་བ་ལིང་ཏ་ཁཱ་ཧི།  །རིག་འཛིན་བླ་མའི་དཀྱིལ་འཁོར་དུ་སོགས་ཀྱི་སྨོན་ལམ་དང་བཅས་བྱའོ།  །ཅེས་པའང་ཆོས་ཀྱི་བློ་གྲོས་པས་ཕན་བདེའི་བཞེད་སྐོང་དུ་སྨྲས་པའོ།།   །།}}
</onlyinclude>
{{TsagliCall}}
<headertabs/>
== Footnotes ==
<references/>
==Other Information==
{{Footer}}
[[Category:JKCL-KABUM-Volume-06-CHA]]
[[Category:JKCL-KABUM-Volume-06-CHA]]
[[Category:Khyentse Lineage Project]]