View source for JKCL-KABUM-02-KHA-020

{{Text
|classification=Tibetan Publications
|subclass=Tibetan Texts
|fulltitletib=བླ་མ་དང་ཁྱབ་བདག་འཇམ་དཔལ་དཔའ་བོ་ལ་བསྟོད་པ་ཡེ་ཤེས་མཆོག་སྩོལ་དང་འཇམ་དབྱངས་བསྟོད་པ་བྱིན་རླབས་མྱུར་འཇུག།
|fulltitle=bla ma dang khyab bdag 'jam dpal dpa' bo la bstod pa ye shes mchog stsol dang 'jam dbyangs bstod pa byin rlabs myur 'jug
|fulltitlekartib=བླ་མ་དང་ཁྱབ་བདག་འཇམ་དཔལ་དཔའ་བོ་ལ་བསྟོད་པ་ཡེ་ཤེས་མཆོག་སྩོལ་དང་འཇམ་དབྱངས་བསྟོད་པ་བྱིན་རླབས་མྱུར་འཇུག་ཅེས་བྱ་བ་ཚན་གཉིས་ལ་ལྡེབ།
|fulltitlekar=bla ma dang khyab bdag 'jam dpal dpa' bo la bstod pa ye shes mchog stsol dang 'jam dbyangs bstod pa byin rlabs myur 'jug ces bya ba tshan gnyis la ldeb
|citation=[['jam dbyangs mkhyen brtse chos kyi blo gros]]. ''bla ma dang khyab bdag 'jam dpal dpa' bo la bstod pa ye shes mchog stsol dang 'jam dbyangs bstod pa byin rlabs myur 'jug''. In ''Rdzong sar mkhyen brtse 'jam dbyangs chos kyi blo gros kyi gsung 'bum'', Vol. 2: 387-390. Bir, H.P.: Khyentse Labrang, 2012.
|collectiontitletib=ཆོས་ཀྱི་བློ་གྲོས་བཀའ་འབུམ་
|collectiontitle=chos kyi blo gros bka' 'bum
|author='jam dbyangs mkhyen brtse chos kyi blo gros
|authortib=འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
|tibgenre=Verses of Praise - bstod pa
|terma=No
|jkcloutline=Two
|deity='jam dpal dbyangs
|language=Tibetan
|volumenumber=002
|volnumtib=༢
|volyigtib=ཁ་
|totalvolumes=12
|textnuminvol=020
|pagenumbers=387-390
|totalpages=4
|beginfolioline=1a1
|endfolioline=2b3
|totalfolios=2
|multivolumework=No
|colophontib=ཞེས་པའང་ཐམས་ཅད་མཁྱེན་པ་ཆོས་ཀྱི་འབྱུང་གནས་ཀྱི་རྗེ་དབོན་བསམ་གཏན་མཆོག་སྤྲུལ་གྱི་སྐྱེ་ཕྲེང་གསུམ་པས་ལྷ་རེག་བཅས་གསུང་བསྐུལ་ངོར།  ཆོས་ཀྱི་བློ་གྲོས་བས་དཔལ་སྤུངས་ཡིད་དགའ་ཆོས་འཛིན་གྱི་སྐྱེད་ཚལ་དུ་བྲིས་པ་དགེའོ།  །
|colophonwylie=zhes pa'ang thams cad mkhyen pa chos kyi 'byung gnas kyi rje dbon bsam gtan mchog sprul gyi skye phreng gsum pas lha reg bcas gsung bskul ngor/__chos kyi blo gros bas dpal spungs yid dga' chos 'dzin gyi skyed tshal du bris pa dge'o/__/
|lotsawalink=https://www.lotsawahouse.org/tibetan-masters/jamyang-khyentse-chokyi-lodro/swift-infusion-blessings-praise-of-manjughosha
|pdflink=File:JKCL-KABUM-02-KHA-020.pdf
}}
{{Header}}
<h1 style="font-size: 24px !important;">Tibetan Text</h1>
<onlyinclude>
{{TibP|{{TibChung|བླ་མ་དང་ཁྱབ་བདག་འཇམ་དཔལ་དཔའ་བོ་ལ་བསྟོད་པ་ཡེ་ཤེས་མཆོག་སྩོལ་ཞེས་བྱ་བ་བཞུགས་སོ།}}    །༡།  གང་གི་རང་བཞིན་མཐའ་ལས་འདས།    །ཡོད་མེད་ཀུན་བྲལ་དབུ་མའི་དབྱིངས།    །བདེ་དང་སྟོང་པའི་དེ་ཁོ་ན།    །འཇམ་དཔལ་དཔའ་བོར་ཕྱག་འཚལ་བསྟོད།  ༢།  སྤྲོས་པའི་མཚན་མ་གཞར་མི་མངའ།    །སྤངས་དང་འཐིབ་པོ་དྲལ་བྱེད་ཅིང་།    །ལྟ་ངན་ཚ་ཟེར་ཉམས་དམས་པས།    །མཚན་མོ་མགོན་པོ་ཁྱོད་གཅིག་པུ།  ༣།  ངག་ཚིག་ས་རིའི་སྒྲ་ལས་བྱུང་།  ༣།  དེ་ཕྱིར་ཁྱོད་ལུས་མཚོ་བྱུང་ཞེས།    །རིག་བྱེད་མཁན་པོའི་མ་བཞིན་བསྐུར།    །བསྟན་བཅོས་མང་པོའི་དོན་སྩོལ་ཤིང་།  ༤།  སྐུ་གཅིག་ཀུན་ལ་ཁྱབ་པས་ན།    །ཞི་ཆགས་ཁྲོ་མོའི་རྣམ་འགྱུར་ཞི།    །གར་ལ་བལྟས་པ་དང་མཚུངས་པའི།    །དངོས་གྲུབ་ཀུན་སྟེར་དབྱངས་ཅན་མ།  ༥།  བདེ་དང་སྟོང་པའི་ཕ་མཐའ་སོན།    །ཟུང་འཇུག་གཞི་འབྲས་དབྱེར་མེད་སྐུ།    །གསུངས་དབྱངས་རྣམ་པ་ཐམས་ཅད་པ།    །ཟབ་ཞི་སྤྲོས་པ་བྲལ་བའི་ཐུགས།  ༦།  མཛེས་པའི་སྐུ་དང་སྙན་པའི་གསུངས།    །བྱམས་བརྩེའི་ཐུགས་དང་ཡོན་ཏན་ཞིང་།    །བརྒྱན་མཆོག་དུ་མས་དུང་གི་རི།    །སྤྲས་པ་དང་མཚུངས་ཕྲིན་ལས་ཀྱི།  ༧།  རོལ་མོ་ཅིར་ཡང་འཁྲོལ་བ་ལས།    །ཕྱོགས་དུས་གནས་སྐབས་ཐམས་ཅད་ལ།    །སྒྲིབ་ཐོག་བྲལ་ཞིང་ལྷ་ལམ་གྱི།    །རྗེས་སུ་རྐང་པ་ངེས་པར་འཇོག༨།  ཁྱེད་ཀྱི་ཞལ་བཟང་བལྟས་མི་ངོམས།    །ཆགས་བྲལ་ལྡན་རྣམས་སྲེད་པ་འཕེལ།    །ཚངས་པའི་དབྱངས་ལ་དབང་ཐོབ་ཀྱང་།    །ཁྱོད་ངག་ཡིད་ལ་སྨོན་པ་བྱེད།  ༩།  ཡན་ལག་ཕྲ་མོའི་ཆ་ཤས་དག  །བསྐྱེད་པ་མིག་འཕྲུལ་མཁན་པོ་ཡི།    །མཐུ་ལས་མང་ཡིན་སྒྲ་ལྡན་མ།    །ཏམྦུར་པ་ཡིད་ཞུགས་སོ།  ༡༠།  མེས་པོ་ལྷ་དང་དྲི་ཟ་ཡིས།    །སྙན་པའི་ཆ་ཤས་ཕྱོགས་བསྡུས་ནས།    །གཅིག་བྱས་ཁྱོད་ཀྱི་ཏམྦུ་རའི།    །རྒྱུད་གཅིག་ལ་ཡང་འགྲན་མི་བཟོད།  ༡༡།  ཕྱག་ཞབས་པདྨའི་འཁྲི་ཤིང་ལས།    །སྐྱེས་པའི་ཡལ་འདབ་སོར་གདུབ་ཀྱི།    །སིལ་སིལ་འཁྲོལ་འདི་ངང་མོའི་སྒྲ།    །ཡིན་ནམ་བདག་སེམས་ཐེ་ཚོམ་གྱུར།  ༡༢།  པཉྩ་ལི་ཀ་དབང་པོའི་གཞུའི།    །སྨད་གཡོགས་ལྷ་ཡི་དར་རིང་པོ།    །རླུང་གིས་བསྐྱོད་པས་འཕུར་ལྡིང་གཡོ།    །དེས་ནི་བཅོམ་ལྡན་ཁྱོད་སྐུ་བསིལ།  ༡༣།  གཞན་ཡང་མཛེས་པའི་ཡོན་ཏན་ནི།    །འབུམ་འབུམ་གྱིས་སྒེགས་རྒྱལ་བའི་ཡུམ།    །མཁྱེན་པའི་ཆུ་གཏེར་བརླབ་ཕྲེང་དབུས།    །མི་ཟད་སྙན་པའི་ངག་ལྡན་པའི།  ༡༤།  ལྷ་མོ་ཁྱོད་སྐུ་དུས་རིང་ནས།    །བདག་གི་ཡིད་ལ་བྱས་གྱུར་ན།    །འཇམ་དཔལ་རྣོན་པོའི་ལྕགས་ཀྱུ་ཡི།    །སྙིང་གི་དབུས་སུ་རོལ་པ་མཛད།  ༡༥།  དེ་སྐད་བསྟོད་ཅིང་གསོལ་བའི་རིམ་པ་ནི།    །ཐམས་ཅད་མཁྱེན་པའི་གོ་འཕང་ལ་སྨོན་པའི།    །མིང་གི་འཇམ་དབྱངས་ལང་ཚོ་སྙེམ་པ་དེས།    །དཀར་ཕྱོགས་རྫོགས་པའི་ཚེས་ཀྱིས་སྔ་ཆར་བྲིས།  །    །།  {{TibChung|༅།    །འཇམ་དབྱངས་བསྟོད་པ་བྱིན་རླབས་མྱུར་འཇུག་བཞུགས་སོ།}}    །དྷཱིཿམཁའ་ཁྱབ་དང་པོའི་སངས་རྒྱས་འཇམ་དཔལ་དབྱངས།    །ཡེ་ཤེས་མིག་གཅིག་ཀུན་ཏུ་དྲི་མ་མེད།    །རྣམ་པར་དག་པའི་མཚན་དཔེའི་འོད་འབར་བ།    །སྐུ་མཆོག་རྒྱལ་པོ་ཁྱེད་ལ་ཕྱག་འཚལ་བསྟོད།    །ཚངས་དབྱངས་བདག་མེད་སེང་གེའི་སྒྲ་དང་ལྡན།    །མུ་སྟེགས་རི་དྭགས་ཀུན་ཏུ་སྐྲག་མཛོད་པ།    །བརྗོད་མེད་བརྗོད་པ་ཀུན་གྱི་གཞིར་གྱུར་པ།    །གསུང་མཆོག་འཇམ་པའི་དབྱངས་ལ་ཕྱག་འཚལ་བསྟོད།    །ཡང་དག་མཐའ་དང་དེ་བཞིན་ཉིད་ཀྱི་བདག  །རང་བྱུང་ཡེ་ཤེས་དོན་དམ་ཆོས་ཀྱི་སྐུ།    །ཟབ་ཞི་སྤྲོས་བྲལ་འོད་གསལ་འདུས་མ་བྱས།    །ཐུགས་མཆོག་འཇམ་པའི་རྡོ་རྗེར་ཕྱག་འཚལ་བསྟོད།    །དེ་བཞིན་གཤེགས་པ་ཀུན་གྱི་དབང་ཕྱུག་ཆེ།    །ཡོན་ཏན་མི་ཟད་རྒྱ་མཚོའི་གཏེར་ཆེན་པོ།    །དུས་གསུམ་རྒྱལ་བ་ཐམས་ཅད་བསྐྱེད་པའི་ཡབ།    །ཡོན་ཏན་མཆོག་མངའ་ཁྱེད་ལ་ཕྱག་འཚལ་བསྟོད།    །ཡིད་བཞིན་ནོར་བུ་དཔག་བསམ་ཤིང་བཞིན་དུ།    །ནམ་མཁའི་མཐའ་ཀླས་འགྲོ་བ་མ་སྟོངས་བར།    །དེ་སྲིད་མཛད་པ་ཕྲིན་ལས་རྒྱུན་མི་ཆད།    །ཕྲིན་ལས་མཆོག་མངའ་ཁྱེད་ལ་ཕྱག་འཚལ་བསྟོད།    །དེ་ལྟར་བསྟོད་པས་འཇམ་དཔལ་ཡེ་ཤེས་སེམས།    །སྙིང་གི་ཟེའུ་འབྲུར་དགྱེས་པར་རྟག་བཞུགས་ནས།    །མ་རིག་མུན་སེལ་ཡེ་ཤེས་རྩ་སྒོ་འབྱེད།    །བློ་མཆོག་སྤོབས་པའི་གཏེར་བརྒྱད་སྩལ་དུ་གསོལ།    །ཨོཾ་ཨ་ར་པ་ཙ་ན་དྷཱིཿ།  {{TibChung|ཞེས་པའང་ཐམས་ཅད་མཁྱེན་པ་ཆོས་ཀྱི་འབྱུང་གནས་ཀྱི་རྗེ་དབོན་བསམ་གཏན་མཆོག་སྤྲུལ་གྱི་སྐྱེ་ཕྲེང་གསུམ་པས་ལྷ་རེག་བཅས་གསུང་བསྐུལ་ངོར།  ཆོས་ཀྱི་བློ་གྲོས་བས་དཔལ་སྤུངས་ཡིད་དགའ་ཆོས་འཛིན་གྱི་སྐྱེད་ཚལ་དུ་བྲིས་པ་དགེའོ།  །    །།}} }}
</onlyinclude>
{{TsagliCall}}
<headertabs/>
== Footnotes ==
<references/>
==Other Information==
{{Footer}}
[[Category:JKCL-KABUM-Volume-02-KHA]]
[[Category:Khyentse Lineage Project]]