View source for JKW-KABAB-07-JA-007

{{Khyentse Metadata
|classification=Tibetan Publications
|subclass=Tibetan Texts
|fulltitletib=དྲང་སྲོང་དྲི་མེད་ཀུན་ཏུ་དགེ་བའི་ཚེ་སྒྲུབ་དག་སྣང་མའི་ཁྱད་པར་གྱི་བཀའ་སྲུང་འཆི་མེད་ཙཎྜཱི་ཀཱ་མཆོད་པ།
|fulltitle=drang srong dri med kun tu dge ba'i tshe sgrub dag snang ma'i khyad par gyi bka' srung 'chi med tsaN+DI kA mchod pa
|citation=[[Mi pham rgya mtsho]]. ''drang srong dri med kun tu dge ba'i tshe sgrub dag snang ma'i khyad par gyi bka' srung 'chi med tsaN+DI kA mchod pa''. In ''Rdzong sar 'jam dbyangs mkhyen brtse'i dbang po'i bka' babs'', Vol. 7: 359-360. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
|collectiontitle=mkhyen brtse'i bka' babs
|collectiontitletib=མཁྱེན་བརྩེའི་བཀའ་བབས་
|author=mi pham rgya mtsho
|sourcerevealer='jam dbyangs mkhyen brtse'i dbang po
|editor=rdzong sar blo gros phun tshogs
|authortib=མི་ཕམ་རྒྱ་མཚོ་
|sourcerevealertib=འཇམ་དབྱངས་མཁྱེན་བརྩེའི་དབང་པོ་
|editortib=རྫོང་སར་བློ་གྲོས་ཕུན་ཚོགས་
|tibgenre=Longevity Rituals - tshe sgrub, Revelations - gter ma
|terma=Yes
|transmissiontype=yang gter - Rediscovered Treasure
|deity=drang srong dri med kun tu dge ba
|language=Tibetan
|volumenumber=007
|volnumtib=༧
|volyigtib=ཇ་
|totalvolumes=22
|textnuminvol=007
|pagenumbers=359-360
|totalpages=2
|beginfolioline=1a1
|endfolioline=1b4
|totalfolios=1
|multivolumework=No
|versonotes=mkhyen brtse'i bka' babs
|colophontib=འཇམ་དབྱངས་མཁྱེན་བརྩེའི་དབང་པོའི་དགོངས་གཏེར་བདག་མི་ཕམ་རྣམ་པར་རྒྱལ་བ་ལ་གཏད་པ་ལགས་སོ།   མངྒ་ལཾ།།
|colophonwylie='jam dbyangs mkhyen brtse'i dbang po'i dgongs gter bdag mi pham rnam par rgyal ba la gtad pa lags so/___mang+ga laM/
|pdflink=File:JKW-KABAB-07-JA-007.pdf
}}
{{Header}}
<h1 style="font-size: 24px !important;">Tibetan Text</h1>
<onlyinclude>
{{TibP| ༈  །།དྲང་སྲོང་དྲི་མེད་ཀུན་ཏུ་དགེ་བའི་ཚེ་སྒྲུབ་དག་སྣང་མའི་ཁྱད་པར་གྱི་བཀའ་སྲུང་འཆི་མེད་ཙཎྜཱི་ཀཱ་མཆོད་པ་ནི།  །གཏོར་མ་དམར་པོ་ཟླ་གམ་ལ་བ་ལང་གི་ཤ་དང་ཆང་ཕུད་མ་ཉམས་པས་བྲན་ལ་བྱིན་གྱིས་བརླབས།  རང་གི་ཐུགས་ཀ་ནས་འོད་ཟེར་འཕྲོས་པས་ནགས་ཚལ་དྲྭ་བ་ཅན་གྱི་ནུབ་ཕྱོགས་པདྨ་དྲྭ་བས་ཁེབས་པའི་མཚོ་རྫིང་ནས་འཆི་མེད་ཉེ་དབང་ཙཎྜི་ཀཱ་འཁོར་དང་བཅས་པ་སྤྱན་དྲངས་པར་བསམ་ལ།  ཧཱུྃ་ཧཱུྃ།  དད་པ་དང་ནི་དམ་ཚིག་གིས།  །ཚུར་གཤེགས་འཆི་མེད་ཙཎྜི་ཀཱ།  །ཉེ་བའི་དབང་མོ་བདེ་ཆེན་ལྕམ།  །མཆེད་བདུན་སྤྲུལ་པ་ཡང་སྤྲུལ་བཅས།  །ཨོ་རྒྱན་པདྨ་སཾ་བྷ་དང༌།  །དྲང་སྲོང་དྲི་མེད་ཀུན་ཏུ་དགེའི།  །བཀའ་དང་ཐ་ཚིག་གཉན་དགོངས་ལ།  །དམ་ཚིག་དག་པའི་གནས་འདིར་བྱོན།  །པད་ཉི་རིན་ཆེན་མཛེས་ཁྲིར་བཞུགས།  །ཕྱི་ནང་གསང་བ་བླ་མེད་པའི།  །མཆོད་སྤྲིན་རྒྱ་མཚོས་དགྱེས་པར་མཛོད།  ཨོཾ་མ་ཧཱ་སུ་ཁ་ཙཎྜི་ཀཱ་ཙིཏྟ་ཧྲཱིང་ཧྲཱིང་ཛ་ཛཿ  ཛཿཧཱུྃ་བྃ་ཧོཿ  སརྦ་པཱུ་ཛ་ས་མ་ཡ་ཧོཿ  ཧཱུྃ།  སོར་རྟོག་ཡེ་ཤེས་པདྨའི་རིགས།  །གོས་དཀར་ཡུམ་གྱི་རང་གདངས་ལས།  །བསྟན་པ་བསྲུང་ཕྱིར་འཇིག་རྟེན་ཚུལ།  །དགྱེས་ཆགས་སིནྡྷཱ་ཝཱ་རའི་མདངས།  །སྲིད་གསུམ་ཁྱབ་པའི་གཟི་འོད་ཅན།  །ཕྱག་གཡས་ལྕགས་ཀྱུས་སྣང་སྲིད་འགུགས།  །གཡོན་པས་ཚེ་བུམ་འཆི་མེད་སྩོལ།  །དར་དང་རིན་ཆེན་རྒྱན་གྱིས་མཛེས།  །རིན་ཆེན་པདྨ་ཉི་མོའི་ཁྲིར།  །བཙུན་མོ་རོལ་པའི་སྟབས་ཀྱིས་འགྱིངས།  །རང་འདྲའི་སྤྲུལ་པ་དྲུག་གིས་བསྐོར།   །ཡང་སྤྲུལ་འཁོར་ཚོགས་བསམ་མི་ཁྱབ།  །བདེ་བ་ཆེན་པོའི་ཕྲིན་ལས་ཀྱིས།  །ཚེ་དབང་དངོས་གྲུབ་སྩོལ་ལ་བསྟོད།  །མཆོད་གཏོར་བདུད་རྩི་འདི་བཞེས་ལ།  །རྣལ་འབྱོར་བདག་ཅག་འཁོར་བཅས་ཀྱི།  །འཚོ་བའི་ཚེ་སྲིངས་འབྱོར་པ་སྤེལ།  །ཁམས་གསུམ་སྣོད་བཅུད་དབང་དུ་སྡུས།  །སྙན་དང་གྲགས་པས་སྟོང་གསུམ་ཁེངས།  །མདོར་ན་ཡིད་ལ་བསམ་པའི་དོན།  །འབད་མེད་མྱུར་དུ་འགྲུབ་པར་མཛོད།  །ཅེས་ཕྲིན་ལས་བཅོལ།  མཆོད་གཏོར་གཙང་སར་གཤེགས།  འདི་ནི་བཀྲ་ཤིས་ཤིང་བྱིན་ཆེ་ལ་ཕྲིན་ལས་ཀློག་ལྟར་མྱུར་བ་ཡིན་ནོ།  །འཇམ་དབྱངས་མཁྱེན་བརྩེའི་དབང་པོའི་དགོངས་གཏེར་བདག་མི་ཕམ་རྣམ་པར་རྒྱལ་བ་ལ་གཏད་པ་ལགས་སོ།   མངྒ་ལཾ།།  །།  

}}
</onlyinclude>
{{TsagliCall}}
<headertabs/>
== Footnotes ==
<references/>
==Other Information==
{{Footer}}
[[Category:JKW-KABAB-Volume-07-JA]]
[[Category:Khyentse Lineage Project]]