View source for JKW-KABUM-02-KHA-002-042

{{Khyentse Metadata
|classification=Tibetan Publications
|subclass=Tibetan Texts
|fulltitletib=ཨེ་ཝྃ་མཁན་ཆེན་བྱམས་པ་ཀུན་དགའ་བསྟན་པའི་རྒྱལ་མཚན་ནས་རྗེ་བླ་མ་ལ་གསོལ་བ་འདེབས་པ་གཟོད་ནས་སྤྲོས་བྲལ།
|fulltitle=e wa~M mkhan chen byams pa kun dga' bstan pa'i rgyal mtshan nas rje bla ma la gsol ba 'debs pa gzod nas spros bral
|citation=[[byams pa kun dga' bstan pa'i rgyal mtshan]]. ''e waM mkhan chen byams pa kun dga' bstan pa'i rgyal mtshan nas rje bla ma la gsol ba 'debs pa gzod nas spros bral''. In '''jam dbyangs mkhyen brtse'i dbang po'i bka' 'bum'', Vol. 2: 345-347. Khams sde dge rdzong sar dgon: Rdzong sar blo gros phun tshogs, 2020.
|collectiontitletib=མཁྱེན་བརྩེའི་བཀའ་འབུམ་
|collectiontitle=mkhyen brtse'i bka' 'bum
|author=byams pa kun dga' bstan pa'i rgyal mtshan
|authortib=བྱམས་པ་ཀུན་དགའ་བསྟན་པའི་རྒྱལ་མཚན་
|editor=
|editortib=
|tibgenre=Supplications - gsol 'debs
|terma=No
|sabcadcategory=Two
|associatedpeople='jam dbyangs mkhyen brtse'i dbang po
|associatedpeopletib=འཇམ་དབྱངས་མཁྱེན་བརྩེའི་དབང་པོ་
|language=Tibetan
|volumenumber=002
|volnumtib=༢
|volyigtib=ཁ་
|totalvolumes=25
|textnuminvol=002
|textsubnumber=042
|pagenumbers=345-347
|totalpages=3
|beginfolioline=32a4
|endfolioline=33a1
|totalfolios=2
|multivolumework=No
|rectonotes=sde tshan 2
|versonotes=mkhyen brtse'i bka' 'bum
|colophontib=ཞེས་ངོར་ཨེ་ཝྃ་པའི་མཁན་ཆེན་ཐམས་ཅད་མཁྱེན་གཟིགས་བྲང་ཏི་བ་བྱམས་པ་ཀུན་དགའ་བསྟན་པའི་རྒྱལ་མཚན་གྱིས་སྩལ་བའོ།།
|colophonwylie=zhes ngor e wa~M pa'i mkhan chen thams cad mkhyen gzigs brang ti ba byams pa kun dga' bstan pa'i rgyal mtshan gyis stsal ba'o
|pdflink=File:JKW-KABUM-02-KHA-002.pdf
}}
{{Header}}
<h1 style="font-size: 24px !important;">Tibetan Text</h1>
<onlyinclude>
{{TibP|ཨོཾ་སྭསྟི། །གཟོད་ནས་སྤྲོས་པའི་ཕ་རོལ་ལས་བརྒལ་ཏེ། །རྣམ་འདྲེན་ཞི་བ་དམ་པའི་སྐུ་བརྙེས་ཀྱང་། །སླར་ལ་སུམ་ལྡན་མཆོག་གི་སྐུར་བཞེངས་པ། །བསྐལ་པ་རྒྱ་མཚོའི་བར་དུ་འཚོ་གཞེས་གསོལ། །འགྲོ་འོང་སྲོག་དང་རྩོལ་བའི་རྒྱུ་བ་དག  །ཁ་སྦྱོར་དབུ་མའི་དབྱིངས་སུ་བསྡམས་པ་ལས། །ལུང་རྟོགས་ཆོས་ཀྱི་འབྱུང་གནས་གཅིག་པུ་པ། །གསུང་གི་རྡོ་རྗེ་རྟག་པར་འཚོ་གཞེས་གསོལ། །མཐའ་བཞི་བྲལ་བ་ངེས་དོན་དབུ་མའི་ལམ། །ཇི་བཞིན་གཟིགས་པའི་ཤེས་རབ་རྨད་བྱུང་བ། །འགྱུར་མེད་བདེ་བ་ཆེན་པོ་དང་འགྲོགས་ནས། །འཆི་མེད་རྟག་པའི་ངོ་བོར་འཚོ་གཞེས་གསོལ། །གང་ན་སྤངས་རྟོགས་ཡོན་ཏན་ནོར་བུའི་ཚོགས། །མི་ཟད་ནམ་མཁའི་མཛོད་ལ་དབང་བསྒྱུར་བའི། །གྲགས་སྙན་འོད་ཀྱིས་ས་གསུམ་ཁྱབ་བཞིན་དུ། །བསྐལ་པ་རྒྱ་མཚོའི་བར་དུ་འཚོ་གཞེས་གསོལ།  །གཞན་ཕྱིར་ཞི་རྒྱས་དབང་དྲག་དང་འབྲེལ་བའི། །རྨད་བྱུང་ཕྲིན་ལས་ཉིན་མོར་བྱེད་པའི་གཟིས། །ཕན་བདེའི་པད་ཚལ་རྒྱས་པར་མཛད་བཞིན་དུ། །ཚེ་མཐའ་ཡས་པའི་ངོ་བོར་རྟག་བཞུགས་གསོལ། །མདོར་ན་ཡོངས་རྫོགས་བསྟན་པའི་རྒྱལ་ཐབས་ལ། །དབང་བསྒྱུར་བསྟན་འདིར་སྟོན་པ་གཉིས་པ་ཁྱོད། །འཚོ་གཞེས་བདུད་རྩིའི་སྤྲིན་ཕུང་དཀྲིགས་པ་ལས། །འཆད་རྩོད་རྩོམ་པའི་གྲུ་ཆར་དབབ་ཏུ་གསོལ། །བདག་ཀྱང་དེང་ནས་བྱང་ཆུབ་མ་ཐོབ་བར། །མགོན་པོ་ཁྱོད་ཀྱི་རྗེས་སུ་རབ་ཞུགས་ནས། །ནམ་ཞིག་བྱང་ཆུབ་བརྙེས་པའི་ཚུལ་བསྟན་ཚེ། །འདུས་པ་དང་པོའི་འཁོར་དུ་སྨིན་གྱུར་ཅིག  །འཆི་མེད་མགོན་པོ་ཚེ་མཐའ་ཡས་པ་དང་། །འཆི་མེད་བདུད་རྩིའི་རབ་དགྱེས་རྣམ་རྒྱལ་མ། །འཆི་མེད་ཡིད་བཞིན་འཁོར་ལོར་བཅས་པ་ཡིས། །འཆི་མེད་ཤིས་པའི་མེ་ཏོག་བསྙིལ་གྱུར་ཅིག  །ཅེས་ཁ་ཙམ་མིན་པར་སྙིང་ནས་གསོལ་བ་འདེབས་པའི་གཏམ་གྱི་རྒྱུད་མང་དལ་གྱིས་བསྒྲེང་བ་ཇི་ལྟར་འདོད་པའི་དོན་ཐམས་ཅད་འབད་མེད་དུ་འགྲུབ་པར་བྱིན་གྱིས་བརླབ་ཏུ་གསོལ། །ཤུ་བྷ་མསྟུ་སརྦ་ཛཱ་ག་ཏཱཾ།།   །།ཞེས་ངོར་ཨེ་ཝྃ་པའི་མཁན་ཆེན་ཐམས་ཅད་མཁྱེན་གཟིགས་བྲང་ཏི་བ་བྱམས་པ་ཀུན་དགའ་བསྟན་པའི་རྒྱལ་མཚན་གྱིས་སྩལ་བའོ།།   །། ༈ }}
</onlyinclude>
{{TsagliCall}}
<headertabs/>
== Footnotes ==
<references/>
==Other Information==
{{Footer}}
[[Category:JKW-KABUM-02-KHA-002]]
[[Category:Khyentse Lineage Project]]
[[Category:JKW-KABUM-Volume-02-KHA]]