View source for JKW-KABAB-13-PA-008

{{Khyentse Metadata
|classification=Tibetan Publications
|subclass=Tibetan Texts
|fulltitletib=འཆི་མེད་མཚོ་སྐྱེས་སྙིང་ཏིག་གི་མཆོད་ཕྲེང་ལྷན་ཐབས་སུ་སྦྱར་བ་སྒྱུ་འཕྲུལ་དྲྭ་བའི་རྒྱན།
|fulltitle='chi med mtsho skyes snying tig gi mchod phreng lhan thabs su sbyar ba sgyu 'phrul drwa ba'i rgyan
|citation=[['jam mgon kong sprul]]. '''chi med mtsho skyes snying tig gi mchod phreng lhan thabs su sbyar ba sgyu 'phrul drwa ba'i rgyan''. In ''Rdzong sar 'jam dbyangs mkhyen brtse'i dbang po'i bka' babs'', Vol. 13: 95-98. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
|collectiontitle=mkhyen brtse'i bka' babs
|collectiontitletib=མཁྱེན་བརྩེའི་བཀའ་བབས་
|author='jam mgon kong sprul
|sourcerevealer='jam dbyangs mkhyen brtse'i dbang po
|editor=
|authortib=འཇམ་མགོན་ཀོང་སྤྲུལ་
|sourcerevealertib=འཇམ་དབྱངས་མཁྱེན་བརྩེའི་དབང་པོ་
|editortib=
|tibgenre=Offering Substance Liturgies - mchod phreng
|terma=Yes
|transmissiontype=dgongs gter - Mind Treasure
|deity=gu ru mtsho skyes rdo rje
|cycle='chi med mtsho skyes snying tig
|cycletib=འཆི་མེད་མཚོ་སྐྱེས་སྙིང་ཏིག་
|language=Tibetan
|rtzlink=Terdzo-THA-041
|volumenumber=013
|volnumtib=༡༣
|volyigtib=པ་
|totalvolumes=22
|textnuminvol=008
|pagenumbers=95-98
|totalpages=4
|beginfolioline=1a1
|endfolioline=2b5
|totalfolios=2
|multivolumework=No
|versonotes=mkhyen brtse'i bka' babs
|colophontib=རྡོ་རྗེའི་ཚིག་རྐང་རྡོ་རྗེའི་ཕྲེང༌།  །སོ་སྐྱེའི་ཚིག་སྦྱོར་མགལ་དུམ་གྱིས།  །བསླད་འོས་མིན་ཀྱང་རྗེ་བླ་མ།  །ཀུན་མཁྱེན་གསང་བའི་བདག་པོའི་བཀས།  །མཆོད་ཕྲེང་སྦྱོར་ཅེས་རྗེས་གནང་ཕྱིར།  །སྙོམ་ལས་པདྨ་གར་དབང་གིས།  །བསྙེན་པའི་ཐུན་མཚམས་བྲིས་འདིས་ཀྱང༌།  །རྩ་གསུམ་དགྱེས་པའི་རོལ་མོར་ཤོག  །སརྦ་མངྒ་ལཾ།
|colophonwylie=rdo rje'i tshig rkang rdo rje'i phreng/__/so skye'i tshig sbyor mgal dum gyis/__/bslad 'os min kyang rje bla ma/__/kun mkhyen gsang ba'i bdag po'i bkas/__/mchod phreng sbyor ces rjes gnang phyir/__/snyom las pad+ma gar dbang gis/__/bsnyen pa'i thun mtshams bris 'dis kyang/__/rtsa gsum dgyes pa'i rol mor shog__/sarba mang+ga laM/
|pdflink=File:JKW-KABAB-13-PA-008.pdf
}}
{{Header}}
<h1 style="font-size: 24px !important;">Tibetan Text</h1>
<onlyinclude>
{{TibP|༄༅།  འཆི་མེད་མཚོ་སྐྱེས་སྙིང་ཏིག་གི་མཆོད་ཕྲེང་ལྷན་ཐབས་སུ་སྦྱར་བ་སྒྱུ་འཕྲུལ་དྲྭ་བའི་རྒྱན་ཅེས་བྱ་བ་བཞུགས་སོ།
།ཐོག་མར་ཕྱི་མཆོད་ནི།  དྭངས་བསིལ་རྙོགས་མེད་ཡི་གར་འོང༌།  །ཡང་ལག་བརྒྱད་ལྡན་ལྷ་ཡི་ཆུ།  །སྒྲིབ་མེད་དག་པའི་མདུན་སར་འབུལ།  །བྱིན་རླབས་དབང་དང་དངོས་གྲུབ་སྩོལ།  །ཨོཾ་ཨཱཿཧཱུྃ་བཛྲ་གུ་རུ་དྷེ་ཝ་དྷཱ་ཀི་ནཱི་ས་པ་རི་ཝཱ་ར་ཨརྒྷཾ་པྲ་ཏཱིཙྪ་སྭཱ་ཧཱ།  །རྡོ་རྗེའི་སྐུ་ལ་རྙོགས་མེད་ཀྱང༌།  །འགྲོ་བའི་སྒྲིབ་གཉིས་བཀྲུ་བའི་ཕྱིར།  །དག་བྱེད་གཙང་མའི་ཞབས་བསིལ་འབུལ།  །བྱིན་རླབས་དབང་དང་༴  སྔགས་གོང་འོག་འགྲེས་སྦྱར་ཏེ་པཱདྱཾ་ཞེས་གཞུག  ཡོངས་འདུས་མེ་ཏོག་མནྡཱ་ར།  །པདྨ་ཨུཏྤལ་འཁྲི་ཤིང་སོགས།  །ཆགས་མེད་ཡེ་ཤེས་སྤྱན་ལ་འབུལ།  །བྱིན་རླབས༴  པུཥྤེ་དྲི་ཞིམ་ཡིད་འཕྲོག་ནགས་ཀྱི་སྤོས།  །ངད་བཟང་ཞིང་ཁམས་ཀུན་ཁྱབ་པ།  །ཀུན་ཏུ་མཁྱེན་པའི་ཤངས་ལ་འབུལ།  །བྱིན་རླབས༴  དྷཱུ་པེ༴  རིན་ཆེན་ཉི་ཟླའི་སྒྲོན་མེ་དང༌།  །རྩི་བཅུད་འབྲུ་ཡི་སྣང་གསལ་སོགས།  །འགྱུར་མེད་བདེ་ཆེན་ཐུགས་ལ་འབུལ།  །བྱིན་རླབས༴  ཨཱ་ལོ་ཀེ༴  ག་བུར་ཙནྡན་གུར་གུམ་སོགས།  །སིམ་པ་རབ་སྐྱེད་དྲི་ཡི་ཆབ།  །འཆི་མེད་རྡོ་རྗེའི་སྐུ་ལ་འབུལ།  །བྱིན་རླབས༴  གནྡྷེ༴  བཟའ་བཅའ་བཏུང་བའི་བྱེ་བྲག་ནི།  །སྦྱར་དང་རང་བྱུང་བཅུད་མཆོག་ལྡན།  །བདེ་བ་དམ་པའི་ལྗགས་ལ་འབུལ།  བྱིན་རླབས༴  ནི་བིདྱཱ༴  ལྷ་མི་དྲི་ཟའི་སྒྲ་སྙན་དང༌།  །ཡན་ལག་འབུམ་ལྡན་བསྔགས་པའི་དབྱངས།  །རྣམ་ཐར་བསམ་ཡས་སྙན་ལ་འབུལ།  །བྱིན་རླབས་དབང་དང་དངོས་གྲུབ་སྩོལ།  །ཤབྡ༴  ནང་མཆོད་རྒྱས་པར་སྤྲོ་ན།  སྣ་ཚོགས་གཟུགས་ཀྱི་རྡོ་རྗེ་མ།  །སྣང་སྟོང་བདེ་ཆེན་རོལ་མོའི་ཚོགས།  །ཡེ་ཤེས་རྣམ་པ་ཐམས་ཅད་པ།  །རྡོ་རྗེའི་སྤྱན་ལ་ཐིམ་གྱུར་ཅིག  །སྔགས་ཐོག་མཐའ་སྔར་ལྟར་ལ།  རཱུ་པ༴  སྣ་ཚོགས་སྒྲ་ཡི་རྡོ་རྗེ་མ།  །གྲགས་སྟོང་བདེ་ཆེན་རོལ་མོའི་ཚོགས།  །ཡེ་ཤེས་རྣམ་པ་ཐམས་ཅད་པ།  །རྡོ་རྗེའི་སྙན་ལ་ཐིམ་གྱུར་ཅིག  །ཤབྡ༴  སྣ་ཚོགས་དྲི་ཡི་རྡོ་རྗེ་མ།  །ཚོར་སྟོང་བདེ་ཆེན་རོལ་མོའི་ཚོགས།  །ཡེ་ཤེས་རྣམ་པ་ཐམས་ཅད་པ།  །རྡོ་རྗེའི་ཤངས་ལ་ཐིམ་གྱུར་ཅིག  །གནྡྷེ༴  སྣ་ཚོགས་རོ་ཡི་རྡོ་རྗེ་མ།  །གསལ་སྟོང་བདེ་ཆེན་རོལ་མོའི་ཚོགས།  །ཡེ་ཤེས་རྣམ་པ་ཐམས་ཅད་པ།  །རྡོ་རྗེའི་ལྗགས་ལ་ཐིམ་གྱུར་ཅིག  །རཱ་ས༴  སྣ་ཚོགས་རེག་བྱའི་རྡོ་རྗེ་མ།  །རིག་སྟོང་བདེ་ཆེན་རོལ་མོའི་ཚོགས།  །ཡེ་ཤེས་རྣམ་པ་ཐམས་ཅད་པ།  །རྡོ་རྗེའི་སྐུ་ལ་ཐིམ་གྱུར་ཅིག  །སྤརྴེ༴  །སྨན་རཀ་གཏོར་གསུམ་འབུལ་ཚིག་སོ་སོར་སྤྲོ་ན།  ཨོཾ།  རང་བྱུང་གདོད་ནས་རྣམ་པར་དག  །རྩ་བརྒྱད་སྟོང་སྦྱར་ཨ་མྲྀ་ཏ།  ཞེ་སྡང་སྐྱེ་བ་མེད་པའི་བཅུད།  །གསལ་བའི་དམ་ཚིག་ཆེན་པོར་བཞེས།  །ཨོཾ་ཨཱཿཧཱུྃ་གུ་རུ་དྷེ་ཝ་དྷཱ་ཀི་ནཱི་ས་པ་རི་ཝཱ་ར་སརྦ་པཉྩ་ཨ་མྲྀ་ཏ་ཁཱ་ཧི།  ཨཱཿ  རྒྱུད་དྲུག་འཁོར་བ་རྩད་ནས་བཅད།  །འབྱུང་བའི་དྭངས་མ་འོད་དུ་གསལ།  །འདོད་ཆགས་འགག་པ་མེད་པའི་བཅུད།  །བདེ་བའི་དམ་ཚིག་ཆེན་པོར་བཞེས།  །ཨོཾ་ཨཱཿཧཱུྃ་གུ་རུ་དྷེ་ཝ་དྷ་ཀི་ནཱི་ས་པ་རི་ཝཱ་ར་མ་ཧཱ་རཀྟ་ཁཱ་ཧི།  ཧཱུྃ།  ཚོགས་ཆེན་ལྷུན་གྲུབ་དཔལ་གྱི་བཤོས།  །རྨད་བྱུང་ཡེ་ཤེས་ཡངས་པ་ཆེ།  །གཏི་མུག་གནས་པ་མེད་པའི་བཅུད།  །མི་རྟོག་དམ་ཚིག་ཆེན་པོར་བཞེས།  །ཨོཾ་ཨཱཿཧཱུྃ་གུ་རུ་དྷེ་ཝ་དྷཱ་ཀི་ནཱི་ས་པ་རི་ཝཱ་ར་མ་ཧཱ་བ་ལིཾ་ཏ་པཱུ་ཛ་ཧོཿ  གཏེར་གཞུང་དང་མཆོད་ཕྲེང་རྒྱས་བསྡུས་གང་བྱེད་ཀྱང་སྨན་མཆོད་གཤམ་དུ་སྦྱོར་རྒྱུའི་མཚན་དོན་ནི།  སྣང་བ་མཐའ་ཡས་འཇིག་རྟེན་དབང་ཕྱུག་དང༌།  །མཚོ་སྐྱེས་རྡོ་རྗེ་ཡེ་ཤེས་མཁའ་འགྲོ་མ།  །གདམས་པའི་བཅུད་འཛིན་རྗེ་འབངས་གྲོགས་གསུམ་ལ།  །ཟག་མེད་ཡེ་ཤེས་བདུད་རྩིའི་དགྱེས་མཆོད་འབུལ།  །སརྦ་པཉྩ་ཨ་མྲྀ་ཏ་ཁཱ་ཧི།  སྤྲུལ་པའི་རིག་འཛིན་རྡོ་རྗེ་གཟི་བརྗིད་རྩལ།  །པདྨ་གར་གྱི་དབང་དང་མཆོག་གྱུར་གླིང༌།  །དཀྱིལ་འཁོར་ཁྱབ་བདག་དྲིན་ཅན་བླ་མ་ལ།  །ཟག་མེད་ཡེ་ཤེས་བདུད་རྩིའི་དགྱེས་མཆོད་འབུལ།  །སརྦ་པཉྩ་ཨ་མྲྀ་ཏ་ཁཱ་ཧི།  སངས་རྒྱས་བྱང་སེམས་རིག་འཛིན་ཕོ་མོའི་ཚོགས།  །དབང་ཆེན་ཡབ་ཡུམ་དྷཱ་ཀི་ཆོས་གཏེར་སྐྱོང༌།  །འདུས་པ་ཆེན་པོའི་མཆོད་མགྲོན་ཐམས་ཅད་ལ།  །ཟག་མེད་ཡེ་ཤེས་བདུད་རྩིའི་དགྱེས་མཆོད་འབུལ།  །སརྦ་པཉྩ་ཨ་མྲྀ་ཏ་ཁཱ་ཧི།  ཞེས་ཐིགས་གཏོར་ཕུལ་བའི་བདུད་རྩིའི་ལྷག་མ་གནས་གསུམ་དུ་ཐིག་ལེ་བྱ་ཞིང་ལྕེར་མྱང་ལ།  ཨོཾ་ཨཱཿཧཱུྃ་སརྦ་སིངྔྷི་ཕ་ལ་ཧོ༔  སྦྱོར་སྒྲོལ་དོན་མཆོད་རྒྱས་པར་སྤྲོ་ན།  ཧྲཱིཿ  སྣང་བ་ཡབ་ལ་སྟོང་པ་ཡུམ།  །མཉམ་སྦྱོར་ཟག་མེད་དགའ་བ་ཆེ།  །མི་འགྱུར་དབུ་མའི་དབྱིངས་སུ་རོལ།  །རྩ་གསུམ་ལྷ་ཚོགས་དགྱེས་གྱུར་ཅིག  །མ་ཧཱ་སུ་ཁ་ཨ་ལ་ལ་ཧོཿཧཱུྃ༔  ཐུགས་རྗེ་ངང་གིས་ཁྲོས་པ་ཡིས།  །གཟུང་འཛིན་མཚན་མ་རྩད་ནས་བཅད།  །འཁོར་འདས་ཡོངས་སྒྲོལ་དགོངས་སྤྱོད་མཆོག  །རྩ་གསུམ་ལྷ་ཚོགས་དགྱེས་གྱུར་ཅིག  །སྟ་ན་ག་ཎ་པཱུ་ཛ་ཧོཿ  ཨ་ རང་རིག་རྒྱལ་པོ་སྤྱོད་ཡུལ་བྲལ།  །འཁོར་གསུམ་ཀ་དག་ཁྱབ་བརྡལ་ཆེ།  །སྤང་བླང་མེད་པར་ལྷུན་གྱིས་གྲུབ།  །འོད་གསལ་ཟང་ཐལ་ངང་དུ་རོལ།  །དྷརྨ་དྷཱ་ཏུ་ཛྙཱ་ན་པཱུ་ཛ་ཧོཿ  །རྡོ་རྗེའི་ཚིག་རྐང་རྡོ་རྗེའི་ཕྲེང༌།  །སོ་སྐྱེའི་ཚིག་སྦྱོར་མགལ་དུམ་གྱིས།  །བསླད་འོས་མིན་ཀྱང་རྗེ་བླ་མ།  །ཀུན་མཁྱེན་གསང་བའི་བདག་པོའི་བཀས།  །མཆོད་ཕྲེང་སྦྱོར་ཅེས་རྗེས་གནང་ཕྱིར།  །སྙོམ་ལས་པདྨ་གར་དབང་གིས།  །བསྙེན་པའི་ཐུན་མཚམས་བྲིས་འདིས་ཀྱང༌།  །རྩ་གསུམ་དགྱེས་པའི་རོལ་མོར་ཤོག  །སརྦ་མངྒ་ལཾ།

}}
</onlyinclude>
{{TsagliCall}}
<headertabs/>
== Footnotes ==
<references/>
==Other Information==
{{Footer}}
[[Category:JKW-KABAB-Volume-13-PA]]
[[Category:Khyentse Lineage Project]]