View source for JKW-KABUM-01-KA-002-013

{{Khyentse Metadata
|classification=Tibetan Publications
|subclass=Tibetan Texts
|pagename=JKW-KABUM-01-KA-002-013
|fulltitletib=འཕགས་མ་སྒྲོལ་མ་ཡིད་བཞིན་འཁོར་ལོ་ལ་ཕྱག་འཚལ་བའི་ཚིགས་སུ་བཅད་པ་དོན་ཀུན་གྲུབ་པ་བིལྦའི་ལྗོན་བཟང་།
|fulltitle='phags ma sgrol ma yid bzhin 'khor lo la phyag 'tshal ba'i tshigs su bcad pa don kun grub pa bilba'i ljon bzang
|citation=[['jam dbyangs mkhyen brtse'i dbang po]]. '''phags ma sgrol ma yid bzhin 'khor lo la phyag 'tshal ba'i tshigs su bcad pa don kun grub pa bilba'i ljon bzang''. In '''jam dbyangs mkhyen brtse'i dbang po'i bka' 'bum'', Vol. 1: 98-100. Khams sde dge rdzong sar dgon: Rdzong sar blo gros phun tshogs, 2020.
|collectiontitletib=མཁྱེན་བརྩེའི་བཀའ་འབུམ་
|collectiontitle=mkhyen brtse'i bka' 'bum
|author='jam dbyangs mkhyen brtse'i dbang po
|authortib=འཇམ་དབྱངས་མཁྱེན་བརྩེའི་དབང་པོ་
|editor=
|editortib=རྫོང་སར་བློ་གྲོས་ཕུན་ཚོགས་
|tibgenre=Homage - phyag 'tshal
|terma=No
|sabcadcategory=One
|deity=sgrol ma yid bzhin 'khor lo
|language=Tibetan
|volumenumber=001
|volnumtib=༡
|volyigtib=ཀ་
|totalvolumes=25
|textnuminvol=002
|textsubnumber=013
|pagenumbers=98-100
|totalpages=3
|beginfolioline=20b4
|endfolioline=21b2
|totalfolios=2
|multivolumework=No
|rectonotes=sde tshan 2
|versonotes=mkhyen brtse'i bka' 'bum
|colophontib=།ཞེས་པའང་མང་དུ་གཟིགས་པའི་སྤྱན་ཡངས་འགྱུར་མེད་རྣམ་དག་གི་ཆེད་དུ།  འཇམ་དབྱངས་མཁྱེན་བརྩེའི་དབང་པོས་འཕགས་མ་སྙིང་རྗེའི་ཟླ་བ་ལ་ཚིགས་སུ་བཅད་པ་བཀྲ་ཤིས་པའི་གྲངས་ཀྱིས་ཕྱག་བཙལ་ཞིང་གསོལ་བ་བཏབ་པ་སིདྡྷི་རསྟུ།།
|colophonwylie=zhes pa'ang mang du gzigs pa'i spyan yangs 'gyur med rnam dag gi ched du/__'jam dbyangs mkhyen brtse'i dbang pos 'phags ma snying rje'i zla ba la tshigs su bcad pa bkra shis pa'i grangs kyis phyag btsal zhing gsol ba btab pa sid+d+hi rastu
|pdflink=File:JKW-KABUM-01-KA-002.pdf
}}
{{Header}}
<h1 style="font-size: 24px !important;">Tibetan Text</h1>
<onlyinclude>
{{TibP|འཕགས་མ་སྒྲོལ་མ་ཡིད་བཞིན་འཁོར་ལོ་ལ་ཕྱག་འཚལ་བའི་ཚིགས་སུ་བཅད་པ་དོན་ཀུན་གྲུབ་པ་བིལྦའི་ལྗོན་བཟང་ཞེས་བྱ་བ་བཞུགས་སོ།  །ན་མོ་ཨཱཪྻཱཏར་ཡེ།  གང་གི་ཐུགས་རྗེ་རྡུལ་བྲལ་རིན་ཆེན་གྲུས།  །སྲིད་དང་ཞི་བའི་ཆུ་གཏེར་ལས་བསྒྲལ་ནས།  །བྱང་ཆུབ་སྙིང་པོའི་གྲོང་དུ་དབུགས་འབྱིན་པའི།  །འཕགས་མ་ཡིད་བཞིན་འཁོར་ལོར་ཕྱག་འཚལ་ལོ།  ༡ །ཚོགས་ཟུང་རྒྱ་མཚོ་བསྲུབས་པའི་སྙིང་པོའི་ཕུལ།  །མཚན་དཔེའི་ཟླ་སྣང་ཡིད་ལ་ཤར་ཙམ་གྱིས།  །ཚེ་དང་ཡེ་ཤེས་ངལ་འཚོ་སྟེར་མཛད་པའི།  །འཕགས་མ་ཡིད་བཞིན་འཁོར་ལོར་ཕྱག་འཚལ་ལོ།  ༢ །གསུང་གསང་བཻ་ཌཱུར་རྒྱུད་མང་གཅིག་པུ་ལས།  །དབྱངས་ཀྱི་ཡན་ལག་རྒྱ་མཚོའི་རོལ་མོ་ནི།  །ཆོས་ཕུང་བྱེ་བའི་གདངས་སུ་ཡོངས་ཤར་བ།  །འཕགས་མ་ཡིད་བཞིན་འཁོར་ལོར་ཕྱག་འཚལ་ལོ།  ༣ །གང་ཐུགས་གཉིས་སུ་མེད་པའི་ཡེ་ཤེས་དབྱིངས།  །གཟུང་འཛིན་སྤྲོས་པའི་འཇུག་ལྡང་བརྟུལ་གྱུར་ཀྱང་།  །རིག་དང་བརྩེ་བའི་གཟི་བརྗིད་མཐའ་ཡས་པ།  །འཕགས་མ་ཡིད་བཞིན་འཁོར་ལོར་ཕྱག་འཚལ་ལོ།  ༤ །བྲལ་དང་རྣམ་པར་སྨིན་པ་མི་ཟད་པའི།  །ཡོན་ཏན་དྲུག་ཅུ་རྩ་བཞིའི་སྒེག་འཆང་བས།  །སྲས་བཅས་རྒྱལ་ཀུན་བརྟན་པ་འཕྲོག་པའི་ཡུམ།  །འཕགས་མ་ཡིད་བཞིན་འཁོར་ལོར་ཕྱག་འཚལ་ལོ། ༥ །རྒྱུན་གྱིས་རྟག་ཅིང་མཁའ་མཐར་ཁྱབ་པ་དང་།  །ལྷུན་གྲུབ་འདུ་མི་མཛད་པའི་ཕྲིན་ལས་ཀྱིས།  །གདུལ་བྱའི་རེ་བ་སྐོང་མཛད་དཔག་བསམ་དབང་།  །འཕགས་མ་ཡིད་བཞིན་འཁོར་ལོར་ཕྱག་འཚལ་ལོ།  ༦ །མདོར་ན་སྟོབས་བཅུ་མངའ་བ་ཐམས་ཅད་ཀྱི།  །ཐུགས་བསྐྱེད་དམ་བཅའ་ཡོངས་སུ་རྫོགས་པའི་ཕྱིར།  །འགྲོ་འདུལ་མཛད་པ་བསམ་གྱིས་མི་ཁྱབ་པའི།  །འཕགས་མ་ཡིད་བཞིན་འཁོར་ལོར་ཕྱག་འཚལ་ལོ།  ༧ །དེ་ལྟར་གུས་པས་ཕྱག་འཚལ་གསོལ་འདེབས་ན།  །ཡེ་ཤེས་གཟིགས་པའི་རྫོགས་ལྡན་སྤྲིན་ཆེན་ལས།  །དངོས་གྲུབ་འདོད་རྒུའི་གྲུ་ཆར་རབ་གཡོ་བས།  །ཕན་བདེའི་དགའ་སྟོན་རྒྱས་པར་བྱིན་གྱིས་རློབས། ༨ །ཞེས་པའང་མང་དུ་གཟིགས་པའི་སྤྱན་ཡངས་འགྱུར་མེད་རྣམ་དག་གི་ཆེད་དུ།  འཇམ་དབྱངས་མཁྱེན་བརྩེའི་དབང་པོས་འཕགས་མ་སྙིང་རྗེའི་ཟླ་བ་ལ་ཚིགས་སུ་བཅད་པ་བཀྲ་ཤིས་པའི་གྲངས་ཀྱིས་ཕྱག་བཙལ་ཞིང་གསོལ་བ་བཏབ་པ་སིདྡྷི་རསྟུ།།   །།  ༈}}
</onlyinclude>
{{TsagliCall}}
<headertabs/>
== Footnotes ==
<references/>
==Other Information==
{{Footer}}
[[Category:JKW-KABUM-01-KA-002]]
[[Category:Khyentse Lineage Project]]
[[Category:JKW-KABUM-Volume-01-KA]]