View source for JKCL-KABUM-03-GA-160

{{Khyentse Metadata
|classification=Tibetan Publications
|subclass=Tibetan Texts
|fulltitletib=གཏེར་ཆེན་བདུད་འཇོམས་འཇིགས་བྲལ་ཡེ་ཤེས་རྡོ་རྗེར་ཞབས་བརྟན་དུ་གསོལ་བ་འཆི་མེད་རྔ་སྒྲ།
|fulltitle=gter chen bdud 'joms 'jigs bral ye shes rdo rjer zhabs brtan du gsol ba 'chi med rnga sgra
|citation=[['jam dbyangs mkhyen brtse chos kyi blo gros]]. ''gter chen bdud 'joms 'jigs bral ye shes rdo rjer zhabs brtan du gsol ba 'chi med rnga sgra''. In ''Rdzong sar mkhyen brtse 'jam dbyangs chos kyi blo gros kyi gsung 'bum'', Vol. 3: 527-528. Bir, H.P.: Khyentse Labrang, 2012.
|collectiontitletib=ཆོས་ཀྱི་བློ་གྲོས་བཀའ་འབུམ་
|collectiontitle=chos kyi blo gros bka' 'bum
|author='jam dbyangs mkhyen brtse chos kyi blo gros
|authortib=འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
|associatedpeople=Dudjom Rinpoche
|associatedpeopletib=བདུད་འཇོམས་འཇིགས་བྲལ་ཡེ་ཤེས་རྡོ་རྗེ་
|tibgenre=Prayers for Long Life - zhabs brtan gsol 'debs - brtan bzhugs
|terma=No
|jkcloutline=Three
|language=Tibetan
|volumenumber=003
|volnumtib=༣
|volyigtib=ག་
|totalvolumes=12
|textnuminvol=160
|pagenumbers=527-528
|totalpages=2
|beginfolioline=1a1
|endfolioline=1b3
|totalfolios=1
|multivolumework=No
|colophontib=།ཅེས་མཁྱེན་བརྩེ་ནུས་པའི་ཕྲིན་ལས་རྨད་དུ་བྱུང་བའི་མགོན་པོ་མཆོག་ལ་ཞབས་བརྟན་དུ་གསོལ་བ་འདི་ཡང་མདོ་ཁམས་སྡེ་དགེ་རྫོང་གསར་བཀྲ་ཤིས་ལྷ་རྩེའི་ཆོས་གྲྭ་ནས་འཇམ་དབྱངས་མཁྱེན་བརྩེའི་སྤྲུལ་མིང་འཛིན་པས་ས་གླང་ཟླ་ཚེས་བཟང་པོར་གུས་པས་ཕུལ་བ་དགེ།
|colophonwylie=/ces mkhyen brtse nus pa'i phrin las rmad du byung ba'i mgon po mchog la zhabs brtan du gsol ba 'di yang mdo khams sde dge rdzong gsar bkra shis lha rtse'i chos grwa nas 'jam dbyangs mkhyen brtse'i sprul ming 'dzin pas sa glang zla tshes bzang por gus pas phul ba dge/
|lotsawalink=https://www.lotsawahouse.org/tibetan-masters/jamyang-khyentse-chokyi-lodro/prayer-for-long-life-of-dudjom-rinpoche
|pdflink=File:JKCL-KABUM-03-GA-160.pdf
}}
{{Header}}
<h1 style="font-size: 24px !important;">Tibetan Text</h1>
<onlyinclude>
{{TibP|{{TibChung|གཏེར་ཆེན་བདུད་འཇོམས་འཇིགས་བྲལ་ཡེ་ཤེས་རྡོ་རྗེར་ཞབས་བརྟན་དུ་གསོལ་བ་འཆི་མེད་རྔ་སྒྲ་ཞེས་བྱ་བ།}}  ཨོཾ་སྭསྟི།  རྩ་གསུམ་ཀུན་འདུས་རྒྱལ་དབང་མཚོ་སྐྱེས་རྗེའི།    །མཁྱེན་བརྩེ་ནུས་བའི་བྱིན་རླབས་སྤྲིན་དཀར་ལས།    །ཕན་བདེའི་མེ་ཏོག་ཆར་དུ་བསྙིལ་བ་དང་།    །ལྷན་ཅིག་ས་གསུམ་བཀྲ་ཤིས་དགེ་ལེགས་སྩོལ།    །ཨོ་རྒྱན་རྗེ་དང་འབྲོག་བན་ལོ་ཙཱ་ཡི།    །ཡེ་ཤེས་གཅིག་ཉིད་དུ་མར་འཆར་བའི་འཕྲུལ།    །གྲུབ་བརྒྱའི་གཙུག་རྒྱན་རིག་འཛིན་བདུད་འཇོམས་རྗེའི།    །རྣམ་རོལ་མཆོག་གི་སྤྲུལ་སྐུ་ཞབས་བརྟན་གསོལ།    །སྲིད་ཞིའི་འཇིགས་བྲལ་དོན་ཀུན་ཡོངས་སུ་གྲུབ།    །ལྷ་མི་ཀླུ་དང་རིག་འཛིན་བྱེ་བས་བསྙེན།    །གདུལ་དཀའ་མ་རུངས་འདུལ་བའི་ཆོས་ཀྱི་ཁྲིར།    །ཞབས་སེན་བཀྲ་ཤིས་འཁོར་ལོ་རྟག་བཞུགས་གསོལ།    །མཁྱེན་རབ་ཡེ་ཤེས་ཉི་གཞོན་འོད་པོ་ཆེ།    །བརྩེ་ཆེན་ཐུགས་རྗེའི་རྟ་བདུན་ཤུགས་ཀྱིས་དྲངས།    །མཐུ་སྟོབས་སྲིད་ཞིའི་མུན་པ་འཇོམས་མཛད་པ།    །དཔའ་ཆེན་ལག་ན་རྡོ་རྗེ་ཞབས་བརྟན་གསོལ།    །འཛམ་གླིང་སྤྱི་དང་གངས་ཅན་སྐྱེ་འགྲོ་ཡི།    །བདེ་སྐྱིད་དཔལ་རྣམས་སྤེལ་བའི་བྱེད་པོ་རུ།    །པདྨའི་ཕོ་ཉ་རྒྱལ་ཚབ་ཆེན་པོ་ཡི།    །གསང་གསུམ་རྟག་པ་དམ་པར་འཚོ་གཞེས་གསོལ།    །བདེ་སྟོང་མཆོག་གི་བརྟུལ་ཞུགས་སྒྱུ་མའི་གར།    །མིག་འཕྲུལ་ལྟ་བུར་རྩེན་དང་ཟབ་གཏེར་གྱི།    །སྒོ་འཕར་བརྒྱ་ཕྲག་འབྱེད་ཅིང་ཆོས་ཀྱི་མཛོད།    །ཐང་མར་བརྡལ་བཞིན་བཞུགས་པར་གསོལ་བ་འདེབས།    །སྐལ་བཟང་གདུལ་བྱ་ཐར་པའི་ལམ་དུ་འགོད།    །གཞན་ཕན་ཕྲིན་ལས་ཕ་མཐའ་ཡས་པ་དང་།  ནག་ཕྱོགས་བདུད་ཀྱི་རྒོལ་བ་ཀུན་ཞི་ནས།    །དགེ་ལེགས་རྫོགས་ལྡན་སྣང་བས་ཁྱབ་གྱུར་ཅིག  །{{TibChung|ཅེས་མཁྱེན་བརྩེ་ནུས་པའི་ཕྲིན་ལས་རྨད་དུ་བྱུང་བའི་མགོན་པོ་མཆོག་ལ་ཞབས་བརྟན་དུ་གསོལ་བ་འདི་ཡང་མདོ་ཁམས་སྡེ་དགེ་རྫོང་གསར་བཀྲ་ཤིས་ལྷ་རྩེའི་ཆོས་གྲྭ་ནས་འཇམ་དབྱངས་མཁྱེན་བརྩེའི་སྤྲུལ་མིང་འཛིན་པས་ས་གླང་ཟླ་ཚེས་བཟང་པོར་གུས་པས་ཕུལ་བ་དགེ།    །།}}  }}
</onlyinclude>
{{TsagliCall}}
<headertabs/>
== Footnotes ==
<references/>
==Other Information==
{{Footer}}
[[Category:JKCL-KABUM-Volume-03-GA]]
[[Category:Khyentse Lineage Project]]