View source for JKW-KABUM-22-ZA-012-107

{{Khyentse Metadata
|classification=Tibetan Publications
|subclass=Tibetan Texts
|fulltitletib=དཔལ་ལྡན་བླ་མ་ཞབས་པད་བརྟན་པའི་རྡོ་རྗེའི་ཐོལ་གླུ་འཆི་མེད་སྤྲིན་དཀར་བཞད་པའི་རོལ་མོ།
|fulltitle=dpal ldan bla ma zhabs pad brtan pa'i rdo rje'i thol glu 'chi med sprin dkar bzhad pa'i rol mo
|citation=[['jam dbyangs mkhyen brtse'i dbang po]]. ''dpal ldan bla ma zhabs pad brtan pa'i rdo rje'i thol glu 'chi med sprin dkar bzhad pa'i rol mo''. In '''jam dbyangs mkhyen brtse'i dbang po'i bka' 'bum'', Vol. 22: 632-634. Khams sde dge rdzong sar dgon: Rdzong sar blo gros phun tshogs, 2020.
|collectiontitletib=མཁྱེན་བརྩེའི་བཀའ་འབུམ་
|collectiontitle=mkhyen brtse'i bka' 'bum
|author='jam dbyangs mkhyen brtse'i dbang po
|authortib=འཇམ་དབྱངས་མཁྱེན་བརྩེའི་དབང་པོ་
|editor=rdzong sar blo gros phun tshogs
|editortib=རྫོང་སར་བློ་གྲོས་ཕུན་ཚོགས་
|tibgenre=Prayers for Long Life - zhabs brtan gsol 'debs - brtan bzhugs, Vajra Songs - rdo rje'i glu
|terma=No
|sabcadcategory=Nine
|language=Tibetan
|volumenumber=022
|volnumtib=༢༢
|volyigtib=ཟ་
|totalvolumes=25
|textnuminvol=012
|textsubnumber=107
|pagenumbers=632-634
|totalpages=3
|beginfolioline=144b6
|endfolioline=145b6
|totalfolios=2
|multivolumework=No
|rectonotes=sde tshan 12
|versonotes=mkhyen brtse'i bka' 'bum
|pdflink=File:JKW-KABUM-22-ZA-012.pdf
}}
{{Header}}
<h1 style="font-size: 24px !important;">Tibetan Text</h1>
<onlyinclude>
{{TibP|དཔལ་ལྡན་བླ་མ་དམ་པར་ཞབས་པད་བརྟན་པར་གསོལ་བ་འདེབས་པའི་རྡོ་རྗེའི་ཐོལ་གླུ་འཆི་མེད་སྤྲིན་དཀར་བཞད་པའི་རོལ་མོ་ཞེས་བྱ་བ།  ཨ་ཧོ།  ཀ་དག་ཟབ་ཞི་སྤྲོས་པའི་མཚན་མ་ལས་འདས་ཀྱང་།  །རང་གདངས་ལྷུན་གྲུབ་འོད་གསལ་གཉུག་མ་ཡི་གཤིས་ལུགས།  །འགྱུར་མེད་བདེ་ཆེན་རྣམ་ཀུན་མཆོག་ལྡན་གྱི་ངང་དུ།  །དཔལ་ལྡན་བླ་མ་ཞབས་པད་བརྟན་པ་རུ་ཤོག་ཅིག  །འགྲོ་འོང་སྲོག་རྩོལ་དྲི་བཞོན་དབུ་མ་རུ་ཐིམ་ཞིང་།  །གཟུང་འཛིན་ཉི་ཟླའི་རྒྱུ་བ་འཕོ་མེད་དུ་དག་པས།  །ཕྱི་ནང་གཞན་གསུམ་རོ་གཅིག་བདེ་ཆེན་གྱི་ངང་དུ།  །དཔལ་ལྡན་བླ་མ་ཞབས་པད་བརྟན་པ་རུ་ཤོག་ཅིག  །དགའ་བཞིའི་ཕོ་ཉས་བསྐྱེད་པའི་རྩ་ཁམས་ཀྱི་དྭངས་མ།  །ཐབས་ཤེས་ཟུང་འཇུག་ཛ་ལནྡྷ་ར་རུ་སྨིན་ནས།  །སྣང་སྟོང་གདན་གསུམ་མཚན་དཔེའི་དཀྱིལ་འཁོར་དུ་འབར་བའི།  །དཔལ་ལྡན་བླ་མའི་ཞབས་པད་བརྟན་པ་རུ་ཤོག་ཅིག  །གསུང་དབྱངས་བདེན་གཉིས་དབྱེར་མེད་དམ་ཆོས་ཀྱི་སྒྲ་དབྱངས།   །ཐར་པའི་ལམ་སྟོན་གཅིག་གྱུར་གྲགས་སྟོང་གི་རོལ་མོ།  །སྐལ་བཟང་འགྲོ་བའི་མོས་ངོར་ཆད་མེད་དུ་སྩལ་བཞིན།  །དཔལ་ལྡན་བླ་མ་ཞབས་པད་བརྟན་པ་རུ་ཤོག་ཅིག  །ཐུགས་མཆོག་གདོད་ནས་འཁྲུལ་བྲལ་མཁྱེན་བརྩེ་ཡི་རོལ་པས།  །ཇི་ལྟ་ཇི་སྙེད་ཤེས་བྱ་ཐོགས་མེད་དུ་གཟིགས་ཤིང་།  །སྐད་ཅིག་རེར་ཡང་འགྲོ་རྣམས་བདེ་ཆེན་ལ་སྦྱོར་བའི།  །དཔལ་ལྡན་བླ་མ་ཞབས་པད་བརྟན་པ་རུ་ཤོག་ཅིག  །འཇིགས་མེད་བདེ་སྟོང་ཟུང་འཇུག་ཆོས་སྐུ་ཡི་ཀློང་ནས།  །འགགས་མེད་མཚན་དཔེའི་རོལ་གར་གཟུགས་སྐུ་རུ་སྟོན་པ།  །དེང་འདིར་རྒྱལ་བའི་མྱུ་གུ་གཞོན་ནུ་ཡི་ཚུལ་ཅན།  །སྐུ་གསུམ་དབྱེར་མེད་ཞབས་པད་བརྟན་པ་རུ་ཤོག་ཅིག  །མཁྱེན་རབ་འཇམ་དཔལ་གཞོན་ནུའི་བློ་གྲོས་དང་དབྱེར་མེད།  །བརྩེ་ཆེན་པད་དཀར་དབང་པོའི་ཐུགས་རྗེ་དང་རོ་གཅིག །མཐུ་སྟོབས་གསང་བའི་བདག་པོའི་གོ་ཆ་ལ་རོལ་པའི།  །རིགས་གསུམ་འདུས་ཞལ་ཞབས་པད་བརྟན་པ་རུ་ཤོག་ཅིག །སངས་རྒྱས་བྱང་སེམས་དྲང་སྲོང་གྲུབ་པ་ཡི་བདེན་སྟོབས།  །བདག་གི་ལྷག་བསམ་སྨོན་པའི་མཐུན་འགྱུར་དུ་བཞེངས་ནས།  །བསྐལ་བའི་བར་དུ་ཁྱབ་བདག་དྲིན་ཆེན་གྱི་བླ་མ།  །ཞབས་པད་རྡོ་རྗེའི་ཁམས་སུ་བརྟན་པ་རུ་ཤོག་ཅིག  །འཆི་མེད་པདྨཱ་ཀཱ་རའི་ཐུགས་རྗེ་ཡི་བྱིན་རླབས།  །འཆི་མེད་གྲུབ་པའི་བདུད་རྩི་བཅུད་ལེན་དུ་གཡོ་བས།  །འཆི་མེད་བདེ་སྟོང་དབུ་མའི་མཁའ་དབྱིངས་སུ་སྨིན་པའི།  །འཆི་མེད་ཚེ་མཐའ་ཡས་པའི་ངོ་བོ་རུ་གྱུར་ཤོག  །དེ་སྐད་གང་ཤར་རང་གྲོལ་གྲགས་སྟོང་གི་གླུ་དབྱངས།  །མགྲིན་པ་རྡོ་རྗེའི་ཐོལ་གླུའི་དཀོར་མཛོད་ནས་བླངས་པས།  །ཇི་སྐད་སྨོན་པའི་དོན་རྣམས་གེགས་མེད་དུ་འགྲུབ་སྟེ།  །བསྟན་འགྲོར་ཕན་བདེའི་དགའ་སྟོན་འཕེལ་བ་རུ་ཤོག་ཅིག  །ན་མོ་གུ་རུ་ཨཱ་ཡུརྫྙཱ་ན་བཛྲཱ་ཡེ་སྭཱ་ཧཱ།   །  ༈ }}
</onlyinclude>
{{TsagliCall}}
<headertabs/>
== Footnotes ==
<references/>
==Other Information==
{{Footer}}
[[Category:JKW-KABUM-22-ZA-012]]
[[Category:Khyentse Lineage Project]]
[[Category:JKW-KABUM-Volume-22-ZA]]