View source for JKCL-KABUM-04-NGA-036

{{Khyentse Metadata
|classification=Tibetan Publications
|subclass=Tibetan Texts
|fulltitletib=སྒ་སྟོན་ཆོས་རྗེ་རྡོ་རྗེ་འཆང་ལེགས་པ་རིན་པོ་ཆེའི་བླ་མའི་རྣལ་འབྱོར་བྱིན་བརླབས་གཏེར་ཆེན།
|fulltitle=sga ston chos rje rdo rje 'chang legs pa rin po che'i bla ma'i rnal 'byor byin brlabs gter chen
|citation=[['jam dbyangs mkhyen brtse chos kyi blo gros]]. ''sga ston chos rje rdo rje 'chang legs pa rin po che'i bla ma'i rnal 'byor byin brlabs gter chen''. In ''Rdzong sar mkhyen brtse 'jam dbyangs chos kyi blo gros kyi gsung 'bum'', Vol. 4: 273-277. Bir, H.P.: Khyentse Labrang, 2012.
|collectiontitletib=ཆོས་ཀྱི་བློ་གྲོས་བཀའ་འབུམ་
|collectiontitle=chos kyi blo gros bka' 'bum
|author='jam dbyangs mkhyen brtse chos kyi blo gros
|authortib=འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
|associatedpeople=sga ston ngag dbang legs pa
|associatedpeopletib=སྒ་སྟོན་ངག་དབང་ལེགས་པ་
|tibgenre=Guru Yoga Texts - bla ma'i rnal 'byor
|terma=No
|jkcloutline=Four
|language=Tibetan
|volumenumber=004
|volnumtib=༤
|volyigtib=ང་
|totalvolumes=12
|textnuminvol=036
|pagenumbers=273-277
|totalpages=5
|beginfolioline=1a1
|endfolioline=3a2
|totalfolios=3
|multivolumework=No
|colophontib=།ཅེས་པའང་འཁྲུལ་སྣང་ཅུང་ཟད་ཀྱིས་མཚམས་སྦྱར་ཏེ་བཀའ་འབང་གི་ཐ་ཆུང་ཆོས་ཀྱི་བློ་གྲོས་པས་བྲིས་པ་སིདྡྷིར་བྷ་ཝནྟུ།།
|colophonwylie=/ces pa'ang 'khrul snang cung zad kyis mtshams sbyar te bka' 'bang gi tha chung chos kyi blo gros pas bris pa sid+d+hir b+ha wan+tu//
|pdflink=File:JKCL-KABUM-04-NGA-036.pdf
}}
{{Header}}
<h1 style="font-size: 24px !important;">Tibetan Text</h1>
<onlyinclude>
{{TibP|སྒ་སྟོན་ཆོས་རྗེ་རྡོ་རྗེ་འཆང་ལེགས་པ་རིན་པོ་ཆེའི་བླ་མའི་རྣལ་འབྱོར་བྱིན་བརླབས་གཏེར་ཆེན་ཞེས་བྱ་བ་བཞུགས་སོ།  །{{TibChung|ཨོཾ་སྭསྟི།  གང་ལ་བསྙེན་པས་དཔལ་དམ་པ།  །རབ་ཏུ་སྦྱིན་མཛད་བླ་མ་རྗེར།  །བཏུད་ནས་རྣལ་འབྱོར་ཟབ་མོའི་ལམ།  །མོས་གུས་འཕེལ་ཕྱིར་ཉུང་ངུ་སྤེལ།  །དེ་ལ་བླ་མར་མོས་གུས་ལམ་གྱི་སྲོག་ཏུ་བཟུང་ནས་འདི་ལ་འབད་པར་བྱ་སྟེ།  དེའང་སྔོན་འགྲོ་སྐྱབས་སེམས་ནི།}}  བདག་སོགས་འགྲོ་ཀུན་དེང་ནས་བྱང་ཆུབ་བར།  །རིགས་ཀུན་འདུས་ཞལ་མཆོག་ལ་སྐྱབས་སུ་མཆི།  །འགྲོ་རྣམས་བླ་མེད་བྱང་ཆུབ་ལ་འགོད་ཕྱིར།  །ཟབ་མོ་བླ་མའི་རྣལ་འབྱོར་ཉམས་བླངས་བགྱི།  །{{TibChung|ཞེས་ཅི་ནུས་དང་།  དངོས་གཞི་རྟེན་བསྐྱེད་པ་ནི།}}  ཨོཾ་མ་ཧཱ་ཤུ་ནྱ་ཏ་{{TibChung|སོགས་ཀྱིས་སྟོང་པར་སྦྱངས། }} རང་ཉིད་གནས་པའི་ས་ཕྱོགས་བདེ་བ་ཅན།  །ཡིད་འཕྲོགས་ཞིང་གི་བཀོད་པ་བསམ་ལས་འདས།  །བཻཌཱུཪྻ་དང་མར་གད་ས་གཞི་ལ།  །གསེར་གྱི་མིག་མང་རིས་བྲིས་བསྟར་བའི་གཞིར།  །ནོར་བུ་ཆུ་ཤེལ་སྔོན་པོའི་ཁང་བཟང་ལ།  །གསེར་དང་རིན་ཆེན་སྣ་ཚོགས་རྒྱན་སྤྲས་དབུས།  །རཏྣའི་ཁྲི་དང་པད་དཀར་ཟླ་གདན་སྟེང་།  །རྩ་བའི་བླ་མ་ཆོས་རྗེ་རྡོ་རྗེ་འཆང་།  །ངག་དབང་ལེགས་པ་སེམས་དཔའ་པདྨའི་རྒྱལ།  །སྐུ་མདོག་དམར་གསལ་ཞི་འཛུམ་དགྱེས་ཉམས་ཅན།  །ལོངས་སྐུའི་ཆས་ཅན་དར་དང་རིན་ཆེན་བརྒྱན།  །ལྷ་རྫས་སྔོན་པོའི་སྨད་གཡོགས་མཛེས་པར་བཀླུབས།  །ཕྱག་གཡས་པུས་མོའི་སྟེང་དུ་ས་གནོན་དང་།  །གཡོན་པས་སྐྱབས་སྦྱིན་ཐུགས་ཀར་གཏོད་པ་ཡི།  །མཐེབ་སྲིན་བར་ནས་གསེར་གྱི་མྱུ་གུ་ནི།  །རབ་རྒྱས་སྙན་གྱི་ཐད་ཀར་གྱེས་པའི་རྩེར།  །འཆི་མེད་ཚེ་ཡི་བདུད་རྩིའི་བུམ་བཟང་བསྣམས།  །ཞབས་གཉིས་རྟ་བབ་སྐྱིལ་མོ་ཀྲུང་གིས་ནི།  །གཡས་པ་པད་སྡོང་རྒྱས་པའི་སྟེང་མནན་ཞིང་།  །དྭངས་པའི་མཁའ་ལ་འཇའ་ཚོན་ཤར་བ་ལྟར།  །རྣམ་བཀྲ་སྒེག་ཅིང་མཚན་དཔེའི་དཔལ་དུ་འབར།  །སྐུ་ལ་གདན་གསུམ་དཀྱིལ་འཁོར་ཆེན་པོ་རྫོགས།  །གནས་གསུམ་ཡི་གེ་གསུམ་གྱིས་མཚན་པ་ལས།  །འོད་འཕྲོས་སྐྱབས་གནས་ཐམས་ཅད་སྤྱན་དྲངས་ཤིང་།  །རྩ་བའི་བླ་མ་ཉིད་ལ་ཐིམ་པར་གྱུར།  །{{TibChung|དེ་ནས་ཡན་ལག་བདུན་པ་བཟང་སྤྱོད་ནས་འབྱུང་བ་ལྟར་དང་།  གུར་ནས་འབྱུང་བའི་རྒྱུན་བཤགས་ལན་གསུམ།  ཞེན་པ་སྤོངས་བ་དཀོན་ལྷུན་ལམ་ཟབ་ལྟར།  གསོལ་བ་གདབ་པ་ནི།}}  རིགས་ཀུན་ཁྱབ་བདག་སེམས་དཔའ་པདྨའི་རྒྱལ།  །གསུང་གི་རྡོ་རྗེ་འོད་སྣང་མཐའ་ཡས་དང་།  །དབྱེར་མེད་སྐྱབས་ཀུན་འདུས་ཞལ་ཆེན་པོ་ལ།  །གསོལ་བ་འདེབས་སོ་བདེ་ཆེན་ཞིང་དུ་དྲོངས།  །བླ་མ་ཀུན་འདུས་པདྨ་སེམས་དཔའ་མཁྱེན།  །བདག་རྒྱུད་སྨིན་ཅིང་གྲོལ་བར་བྱིན་གྱིས་རློབས།  །ཡི་དམ་ཀུན་འདུས་པདྨ་སེམས་དཔའ༴  །མཆོག་དང་ཐུན་མོངས་དངོས་གྲུབ་ཆར་ཆེན་ཕོབ།  །མཁའ་འགྲོ་ཀུན་འདུས༴  །ཕྱི་ནང་གསང་བའི་བར་ཆད་དབྱིངས་སུ་སོལ།  །ཆོས་སྐྱོངས་ཀུན་འདུས༴  །དམ་ཆོས་སྒྲུབ་པའི་འགལ་རྐྱེན་མི་མཐུན་བཟློག  །ནོར་ལྷ་ཀུན་འདུས༴  །མཐུན་རྐྱེན་དཔལ་འབྱོར་འདོད་རྒུའི་སྤྲིན་ཕུང་འཁྲིགས།  །སྐྱབས་གནས་ཀུན་འདུས་པདྨ་སེམས་དཔའ་མཁྱེན།  །བྱང་ཆུབ་བར་དུ་འབྲལ་མེད་རྗེས་སུ་བཟུང་།  །{{TibChung|ཅེས་དང་།}}  སྐྱབས་གནས་ཀུན་འདུས་བླ་མ་རིན་པོ་ཆེ།  {{TibChung|སོགས་ནས།}}  ཐུགས་རྗེས་ཟུངས།  {{TibChung|ཞེས་པ་རྣམས།  སྤྲོ་ན་མཎྜལ་རྒྱས་བསྡུས་དང་སྤེལ་ལ་གྲངས་བསོག  །ཁྱད་པར་དུ་རྗེ་ཉིད་ཀྱིས་ཞལ་གསུང་།}}  ངག྄༵་གི་དབ྄༵ང་ཕྱུག་འཇམ་དབྱངས་ས་སྐྱ་པའི།  །ཟབ་རྒྱས་སྙན་བརྒྱུད་རྒྱ་མཚོའི་མཛོད་བཟུང་ནས།  །ལེག྄༵ས་བཤད་དགའ་སྟོན་འགྱེད་ལ་ཟླ་མེད་པ྄༵།  །དཔལ་ལྡན་བླ་མའི་ཞབས་ལ་གསོལ་བ་འདེབས།  །{{TibChung|ཅེས་པ་གྲངས་ཅི་ནུས་དང་།  ཐུགས་དམ་རྒྱུད་བསྐུལ་གྱི་བཟླས་པ་ནི།}} ཨོཾ་ཨཱཿབཛྲ་གུ་རུ་བྷོ་དྷི་སཏྭ་པདྨ་རཱ་ཛ་སརྦ་སིདྡྷི་ཕ་ལ་ཧཱུྃ་སྭཱ་ཧཱ།  {{TibChung|ཞེས་ཅི་ནུས་བསྙེན།  མཐར།}}  སྲས་བཅས་སངས་རྒྱས་སོགས་ཀྱི་སྡོམ་བཟུང་དང་།  དབང་བླངས་བ་ལམ་ཟབ་ལྟར་ལ།  མཐར་ནི་བླ་མ་འོད་ཞུ་རང་ལ་ཐིམ།  །ཐུགས་ཡིད་གཅིག་འདྲེས་རང་སེམས་གསལ་སྟོང་ནི།  །ཟུང་འཇུག་འོད་གསལ་ཕྱག་རྒྱ་ཆེན་པོའི་ངང་།  །དུས་གསུམ་རྟོག་པས་མ་བསླད་རང་ཞལ་བསྐྱངས།  {{TibChung|ཞེས་ཅི་གནས་སུ་མཉམ་པར་བཞག  །ཐུན་ལས་ལྡང་བ་ན།}}  སངས་རྒྱས་ཀུན་འདུས༴  སོགས་དང་།  བླ་མའི་ཞབས་པད་གུས་པས་རྟག་བསྟེན་པས།  །དགྱེས་པས་ཐུགས་རྗེ་ཆེན་པོས་བདག་བཟུང་སྟེ།  །རྡོ་རྗེ་ཐེག་སོགས་གཞུང་མང་སྤྱོད་པ་དང་།  །སྙན་རྒྱུད་བཞི་དང་རྟག་ཏུ་ལྡན་པར་ཤོག  །སྤངས་བྱའི་སྡེ་རྣམས་ཀུན་དང་འཁོན་གྱུར་ཏེ།  །རབ་དགའ་ལ་སོགས་ས་ཡི་མཆོག་གྱུར་པ།  །ཟླ་བ་ཀུ་མུད་ལྟར་སྐྱ་ཐོབ་གྱུར་ནས།  །ས་བཅུའི་རྒྱལ་སྲས་རྣམས་དང་འགྲོགས་པར་ཤོག  །རྣལ་འབྱོར་འདིས་ནི་རྒྱལ་བ་ཐོབ་ཅེས་པའི།  །སྙན་པའི་གྲགས་པས་ཕྱོགས་ཀུན་རྒྱས་གྱུར་པས།  །བདུད་དཔུང་སྡེ་བཅས་ཡི་མུག་དཔའ་བཀོང་ནས།  །ཐར་པའི་རྒྱལ་མཚན་མྱུར་དུ་སློངས་བར་ཤོག  །རྒྱལ་སྲས་རྣམས་དང་རྟག་ཏུ་རོལ་བྱེད་ཅིང་།  །རྡོ་རྗེའི་ལུས་སུ་གྲུབ་ཅིང་དཔལ་གྱུར་པས།  །བློ་མཆོག་རྣམས་དང་འགྲོགས་ཤིང་བཞད་པའི་སྒྲས།  །རྡོ་རྗེ་དྲིལ་བུ་རོལ་ཅིང་འགྱིང་པར་ཤོག  །དེ་ལྟར་བདག་གིས་ཐོབ་པར་གྱུར་ནས་ཀྱང་།  །ནམ་མཁའི་མཐའ་གཏུགས་གྱུར་པའི་སེམས་ཅན་རྣམས།  །སྲིད་པའི་མཚོ་ལས་སྒྲོལ་བར་བྱེད་པ་ཡི།  །གྲུ་ཆེན་འཛིན་པའི་དེད་དཔོན་རྒྱལ་པོར་ཤོག  །དཔལ་ལྡན་བླ་མའི་ཐུགས་རྗེའི་སྟོབས་དང་ནི།  །བདག་གི་སྟོབས་དང་བསོད་ནམས་ཐམས་ཅད་ཀྱིས།  །ཇི་ལྟར་སྨོན་ལམ་བཏབ་པ་དེ་བཞིན་དུ།  །བདག་དང་འགྲོ་བས་རབ་ཏུ་འགྲུབ་པར་ཤོག  །{{TibChung|ཅེས་བསྔོ་སྨོན་བྱ་ཞིང་རྗེས་ཐོབ་བླ་མའི་ལམ་ཁྱེར་དང་མ་བྲལ་བར་བྱའོ།  །དགེ་འདིས་བདག་གཞན་འགྲོ་བ་ཀུན།  །བླ་མ་མཆོག་གི་རྗེས་བཟུང་ཞིང་།  །འདི་ཉིད་ཡིད་ལ་བྱེད་པ་རྣམས།  །ཀུན་མཁྱེན་ཡེ་ཤེས་ཐོབ་གྱུར་ཅིག  །ཅེས་པའང་འཁྲུལ་སྣང་ཅུང་ཟད་ཀྱིས་མཚམས་སྦྱར་ཏེ་བཀའ་འབང་གི་ཐ་ཆུང་ཆོས་ཀྱི་བློ་གྲོས་པས་བྲིས་པ་སིདྡྷིར་བྷ་ཝནྟུ།།    །།}} }}
</onlyinclude>
{{TsagliCall}}
<headertabs/>
== Footnotes ==
<references/>
==Other Information==
{{Footer}}
[[Category:JKCL-KABUM-Volume-04-NGA]]
[[Category:JKCL-KABUM-Volume-04-NGA]]
[[Category:Khyentse Lineage Project]]