View source for JKW-KABAB-02-KHA-013

{{Khyentse Metadata
|classification=Tibetan Publications
|subclass=Tibetan Texts
|fulltitletib=རྣལ་འབྱོར་གསུམ་གྱི་རྡོ་རྗེའི་ཐོལ་གླུ་འོད་གསལ་སྣང་བ།
|fulltitle=rnal 'byor gsum gyi rdo rje'i thol glu 'od gsal snang ba
|citation=[['jam dbyangs mkhyen brtse'i dbang po]]. ''rnal 'byor gsum gyi rdo rje'i thol glu 'od gsal snang ba''. In ''Rdzong sar 'jam dbyangs mkhyen brtse'i dbang po'i bka' babs'', Vol. 2: 79-81. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
|collectiontitle=mkhyen brtse'i bka' babs
|collectiontitletib=མཁྱེན་བརྩེའི་བཀའ་བབས་
|author='jam dbyangs mkhyen brtse'i dbang po

|authortib=འཇམ་དབྱངས་མཁྱེན་བརྩེའི་དབང་པོ་
|editortib=རྫོང་སར་བློ་གྲོས་ཕུན་ཚོགས་
|tibgenre=Vajra Songs - rdo rje'i glu
|terma=Yes
|transmissiontype=bka' ma - Oral Transmission
|language=Tibetan
|volumenumber=002
|volnumtib=༢
|volyigtib=ཁ་
|totalvolumes=22
|textnuminvol=013
|pagenumbers=79-81
|totalpages=3
|beginfolioline=1a1
|endfolioline=2a1
|totalfolios=2
|multivolumework=No
|versonotes=mkhyen brtse'i bka' babs
|colophontib=ཚུལ་འདི་གདོད་མའི་མགོན་པོ་མཆོག  །ཀུན་མཁྱེན་ཆོས་རྗེས་བྱིན་བརླབས་པའི།  །རྒྱ་མ་ལྕོགས་པའི་ཉེ་འདབས་སུ།  །རྣལ་འབྱོར་པདྨ་དགྱེས་པས་བྲིས།  །དགེ་བས་སྲིད་དང་ཞི་བའི་ཆོས།  །འོད་གསལ་དབུ་མར་ཐིམ་པ་ལས།  །རང་གྲོལ་དོན་གྱི་བླ་མའི་ཞལ།  །ཡོངས་གྲུབ་ཆེན་པོར་འཇལ་གྱུར་ཅིག  །གུ་ཧྱ།།
|colophonwylie=tshul 'di gdod ma'i mgon po mchog__/kun mkhyen chos rjes byin brlabs pa'i/__/rgya ma lcogs pa'i nye 'dabs su/__/rnal 'byor pad+ma dgyes pas bris/__/dge bas srid dang zhi ba'i chos/__/'od gsal dbu mar thim pa las/__/rang grol don gyi bla ma'i zhal/__/yongs grub chen por 'jal gyur cig__/gu h+ya//
|pdflink=File:JKW-KABAB-02-KHA-013.pdf
}}
{{Header}}
<h1 style="font-size: 24px !important;">Tibetan Text</h1>
<onlyinclude>
{{TibP|༄༅།  །རྣལ་འབྱོར་གསུམ་གྱི་རྡོ་རྗེའི་ཐོལ་གླུ་འོད་གསལ་སྣང་བ་ཞེས་བྱ་བ།      ཨ་ཧོ།  དབྱིངས་དང་རིག་པ་དབྱེར་མེད་པའི།  །འོད་གསལ་ཐིག་ལེ་ཆེན་པོའི་ཀློང༌།  །འཁོར་འདས་འཛིན་པ་རང་གྲོལ་བ།  །ཁྱབ་བདག་དོན་གྱི་བླ་མར་འདུད།  །ཤིན་ཏུ་རྣལ་འབྱོར་ཟབ་མོའི་ལམ།  །ཉིན་མཚན་ཀུན་ཏུ་ཉམས་ལེན་ཕྱིར།  །ཁྲེགས་ཆོད་ཐོད་རྒལ་ཟུང་འཇུག་གི།  །གདམས་པའི་སྙིང་པོ་འདི་ལྟར་བསྒོམ།  །དེ་ཡང་ཉིན་པར་འཆར་གཞིའི་ཡུལ།  །སློང་བྱེད་རྐྱེན་གྱིས་སྤངས་པའི་ཚེ།  །ཕྱི་དབྱིངས་ནམ་མཁའ་སྤྲིན་བྲལ་དང༌།  །ནང་དབྱིངས་ཀ་ཏི་ཤེལ་སྦུབས་རྩ།  །གསང་དབྱིངས་ཀ་དག་རིག་པ་སྟེ།  །དབྱིངས་གསུམ་ལུས་ཀྱི་གནད་གཅུན་ནས།  །རང་རིག་འོད་གསལ་སྦུབས་སུ་འཇུག  །མངོན་སུམ་ཡེ་ཤེས་ལྷུག་པར་འཆར།  །འདི་ལ་གོམས་པ་བརྟན་པ་ཡིས།  །འཆི་སྲིད་ཆོས་སྐུའི་གྲོང་ཁྱེར་དུ།  །འཕོ་མེད་བཙན་ས་ཟིན་པར་འགྱུར།  །ཉིན་མོའི་རྣལ་འབྱོར་སྣང་སེམས་ཨར་གཏད་ཀྱི་རིམ་པའོ།  །དེ་ནས་མཚན་མོའི་དུས་ཀྱི་ཚེ།  །སྣོད་བཅུད་སྦྱངས་ནས་རང་ལ་བསྟིམ།  །རང་ལུས་དབང་ཆེན་ཡབ་ཡུམ་སྐུ།  །སྣང་སྟོང་ཆུ་ཟླ་ལྟ་བུར་གསལ།  །ཨ་ཝ་དྷཱུ་ཏཱིའི་དཀྱིལ་འཁོར་དུ།  །འོད་ལྔའི་ཐིག་ལེ་ཟླུམ་སྐོར་སྦུབས།  །ཡེ་ཤེས་སེམས་དཔའ་ཀུན་ཏུ་བཟང༌།  །སྟོང་གསལ་འཇའ་ཚོན་ཕྱག་རྒྱའི་གཟུགས།  །དེ་ལས་འོད་འཕྲོས་ཕུང་ཁམས་ཀུན།  །འོད་གསལ་ཐིག་ལེ་ཆེན་པོར་སྡུད།  །འགྲོ་འོང་ལས་འདས་གཉུག་མའི་ངང༌།  །སྣང་ལ་ཞེན་མེད་རང་རྩལ་སྦྱངས།  །གོམས་པས་ཕྱི་ནང་འབྱུང་བའི་དངོས།  །ཟད་ས་ཉིད་དུ་ཕྱིན་པར་འགྱུར།  །མཚན་མོའི་རྣལ་འབྱོར་རྒྱ་མཚོ་ཨར་གཏད་ཀྱི་རིམ་པའོ།  །ནང་ནུབ་འཆར་དང་སྡུད་པ་ཡི།  །ཟེར་གཉིས་དང་བསྟུན་སྣང་བ་བཞིའི།  །རྣལ་འབྱོར་ཉམས་སུ་བླང་བ་ནི།  །སྒོ་གསུམ་བྱ་བ་དགུ་ཕྲུགས་བཏང༌།  །བཞུགས་སྟངས་གཟིགས་སྟངས་སྒོ་ཡུལ་རླུང༌།  །རིག་པའི་གནད་ཀྱིས་དབྱིངས་ལ་གཟིར།  དེ་ཚེ་འོད་ཁྱིམ་ཐིག་ལེ་ནི།  །བར་མཚམས་རྡོ་རྗེ་ལུག་རྒྱུད་ཀྱིས།  །འབྲེལ་བའི་ཆོས་ཉིད་མངོན་སུམ་མཐོང༌།  །གོམས་པས་འོད་སྣང་ཆེར་འཕེལ་ཞིང༌།  །རིག་པ་དལ་དང་འོད་ཟེར་གྱིས།  །གར་བལྟས་ཁྱབ་ཅིང་གཡོ་མེད་པས།  །ཉམས་ཀྱི་སྣང་བ་གོང་དུ་འཕེལ།  །དེ་ནས་ལོངས་སྐུ་ཚད་ཕེབས་མཐུས།  །ཐིག་ལེ་སྐུ་གསུམ་ཚོམ་བུར་སྨིན།  །ཅིར་སྣང་དག་པ་རབ་འབྱམས་ཀྱི།  །ཕྱག་རྒྱ་ཆེན་པོ་ཉིད་དུ་རྫོགས།  །མཐར་ཕྱིན་ཆོས་ཉིད་ཟད་པ་ན།  །སྲོག་རྩོལ་གཡོ་བ་ཡེ་ཤེས་སུ།  །དེངས་པས་འབྱུང་སེམས་འོད་གསལ་གྱི།  །ཆོས་ཀུན་སྣང་དབྱིངས་ཆེན་པོར་ཐིམ།  །སྐྱེ་དང་འཇུག་པར་དབང་ཐོབ་པས།  །སྐུ་གསུམ་ལྷུན་གྱིས་གྲུབ་པར་འགྱུར།  །ནང་ནུབ་རྣལ་འབྱོར་དབྱིངས་རིག་ཨར་གཏད་ཀྱི་རིམ་པའོ།  །ཚུལ་འདི་གདོད་མའི་མགོན་པོ་མཆོག  །ཀུན་མཁྱེན་ཆོས་རྗེས་བྱིན་བརླབས་པའི།  །རྒྱ་མ་ལྕོགས་པའི་ཉེ་འདབས་སུ།  །རྣལ་འབྱོར་པདྨ་དགྱེས་པས་བྲིས།  །དགེ་བས་སྲིད་དང་ཞི་བའི་ཆོས།  །འོད་གསལ་དབུ་མར་ཐིམ་པ་ལས།  །རང་གྲོལ་དོན་གྱི་བླ་མའི་ཞལ།  །ཡོངས་གྲུབ་ཆེན་པོར་འཇལ་གྱུར་ཅིག  །གུ་ཧྱ།།  །།  

}}
</onlyinclude>
{{TsagliCall}}
<headertabs/>
== Footnotes ==
<references/>
==Other Information==
{{Footer}}
[[Category:JKW-KABAB-Volume-02-KHA]]
[[Category:Khyentse Lineage Project]]