SPCD-KABUM-01-KA-003

Previous Text Back to Volume Page Next Text

Wylie title
Location	'phags mchog bka' 'bum Volume 1, Text 3, Pages (Folios to )
Author	འཕགས་མཆོག་རྡོ་རྗེ་
Less details More details
Citation	'phags mchog rdo rje. '*. In Mtshungs med grub sras 'phags mchog rdo rje mchog gi gsung 'bum rin po che* , Vol. : . Kathmandu: Khenpo Shedup Tenzin & Lama Thinley Namgyal, 2004.**
Genre

[edit]

རྒྱལ་སྲས་གྲུབ་དབང་ཀུན་བཟང་འཕགས་མཆོག་རྡོ་རྗེར་གསོལ་འདེབས་གྲུབ་གཉིས་གཏེར་མཛོད་བཞུགས་སོ།། བདེ་ཆེན་རྡོ་རྗེའི་བདག་ཉིད་ཧེ་རུ་ཀ །རྣམ་ཀུན་མཆོག་ལྡན་སྟོང་ཉིད་ཝཱ་ར་ཧི། །ཟུང་འཇུག་ཕྱག་རྒྱ་ཆེ་ལ་མངའ་བརྙེས་པ། །ཀུན་བཟང་འཕགས་མཆོག་རྡོ་རྗེར་གསོལ་བ་འདེབས། །མགོན་ཁྱོད་གདོད་མའི་རྒྱལ་ས་བརྙེས་ཟིན་ཡང་། །འགྲོ་ལ་རྗེས་བརྩེའི་འཇུག་པ་བཙན་པོ་ཡིས། །སྲིད་ལས་འདས་ཀྱང་སྲིད་པའི་ཚུལ་བཟུང་སྟེ། །བྱང་ཆུབ་སྤྱོད་པ་རྒྱ་མཚོ་སྟོན་ལ་འདུད། །ཤཱཀྱ་ཤྲཱི་དངོས་དང་ཡེ་ཤེས་སྐུའི། །སྲས་གྱུར་ཕྱག་རྫོགས་དབུ་མའི་ཟབ་དོན་རྟོགས། །གདོས་བཅས་མ་སྤངས་ཚེ་གཅིག་རྒྱལ་བའི་སར། །སྐད་ཅིག་ཉིད་དུ་གཤེགས་ལ་གུས་པས་འདུད། །དེ་ལྟར་རྩེ་གཅིག་གུས་པས་གསོལ་བཏབ་མཐུས། །བདག་སོགས་སྙིགས་ལྔའི་སེམས་ཅན་མ་ལུས་པ། །སྲིད་ཞིའི་མཐའ་ལས་འདས་པའི་ཟུང་འཇུག་སྐུ། །ཐོབ་སྟེ་རྒྱལ་ཀུན་ཕྲིན་ལས་ཀུན་འགྲུབ་ཤོག །གྲུབ་དབང་ཤཱཀྱ་ཤྲཱིའི་གསང་བ་གསུམ་གྱི་སྲས་མཆོག་རྒྱལ་ཚབ་ཀུན་བཟང་འཕགས་མཆོག་རྡོ་རྗེ་རིན་པོ་ཆེ་འཇའ་ལུས་རྡོ་རྗེའི་སྐུ་བརྙེས་པའི་གསོལ་འདེབས་འདི་ཉིད་གང་གི་ཞལ་སློབ་ཐ་ཤལ་བ་རིགས་དང་ཆོས་ཀྱི་བརྒྱུད་པ་འབྲུག་ཆེན་གདུང་སྲས་ངག་དབང་བདེ་ཆེན་འགྱུར་མེད་པས་གསོལ་བ་བཏབ་པའོ།། །།