རྫོགས་རིམ་ཆོས་དྲུག་བསྡུས་དོན།

Previous Text Back to Volume Page Next Text

Wylie title	rdzogs rim chos drug bsdus don
Location	dpal sprul bka' 'bum Volume 4, Text 29, Pages 599-602 (Folios 1a1 to 2b1)
Author	དཔལ་སྤྲུལ་རིན་པོ་ཆེ་
Less details More details
Citation	Dpal sprul rin po che. Rdzogs rim chos drug bsdus don. In Dpal sprul 'jigs med chos kyi dbang po'i gsung 'bum, Vol. 4: 599-602. Kathmandu: Tsadra Foundation and Shechen Publications, 2026.
Genre	Commentary Synoptic - bsdus don 'grel pa · Completion Stage - rdzogs rim
Colophon	།དཔལ་སྤྲུལ་རིན་པོ་ཆེས་གསུངས་སོ།
Colophon	dpal sprul rin po ches gsungs so/

[edit]

༄༅། །རྫོགས་རིམ་ཆོས་དྲུག་བསྡུས་དོན་བཞུགས་སོ། །

ཆོས་དྲུག་གི་སྐབས་སུ། རྩ་བ་གཏུམ་མོ་ལ། ལས་ཀྱི་ཉམས་ཀྱི་མཆོག་གི་གཏུམ་མོ་དང་གསུམ། དང་པོ་བཅའ་བ་ལུས་ཀྱི་གནད། འཇམ་རྩུབ་རླུང་གི་གནད། དམིགས་པ་སེམས་ཀྱི་གནད་གསུམ་མོ། །བར་མ་ལ། ཁམས་འདུས་དང་པོ་དྲོད་ཀྱིའམ། སྡུག་བསྔལ་གྱི་དུས། གཉིས་པ་བདེ་བའི་དུས། གསུམ་པ་མི་རྟོག་པའི་དུས་གསུམ། དུ་བ་སྨིག་སྒྱུ་མེ་ཁྱེར་སྒྲོན་མེའམ་སྐྱ་རེངས། སྤྲིན་མེད་པའི་ནམ་མཁའ་ལྟ་བུ་སྟེ་རྟགས་ལྔ་དང་། འབར་བ། ཟླ་བ། ཉི་མ། སྒྲ་གཅན། གློག་ཅེས་བྱ་བ་འོད། སེར། དཀར། སྔོ། དམར་སྐྱེ་སྟེ་རྟགས་ལྔ་དང་། ཉམས་ཀྱི་རྟགས་བཅུ་རྫོགས་པར་འཆར་རོ། །མཆོག་གི་གཏུམ་མོ་ནི། དབུ་མའི་མདུད་པ་གྲོལ་ནས་མཆོག་གི་དངོས་གྲུབ་ཕྱག་རྒྱ་ཆེན་པོ་ཐོབ་པ་ཡིན་ནོ། །གཞི་མ་སྒྱུ་ལུས་ལ་མ་དག་པའི་སྒྱུ་ལུས་དག་པའི་སྒྱུ་ལུས། སྦས་དོན་རླུང་སེམས་ཀྱི་སྒྱུ་ལུས་དང་གསུམ། བར་མ་ལ། རང་བཞིན་དབྱིངས་ཀྱི་རྣལ་འབྱོར། སྤྲུལ་པ་དབྱིངས་ཀྱི་རྣལ་འབྱོར་གཉིས་ཡོད་དོ། །དྲོད་ཚད་རྨི་ལམ་ལ། བཟུང་བ། སྦྱང་བ། སྒྱུ་མར་བསླབས། དེ་ཁོ་ན་ཉིད་ལ་བློ་བཞག་པ་དང་བཞིའོ། །ལམ་གྱི་སྙིང་པོ་འོད་གསལ་ལ། གཞིའི་འོད་གསལ། ལམ་གྱི་འོད་གསལ། འབྲས་བུའི་འོད་གསལ་གསུམ། དང་པོ་ལ་གཉིད་དང་སྙོམས་འཇུག་འཆི་བའི་དུས་གསུམ། བར་མ་ལ། སྲབ་མོའི་འོད་གསལ། འཐུག་པོའི་འོད་གསལ། ཉམས་ཀྱི་འོད་གསལ། ཐ་མ་ལ། མཆོག་ཏུ་མི་འགྱུར་བའི་འོད་གསལ་གཅིག་གོ །ལམ་གྱི་སུན་མ་བར་དོ་ལ། བར་དོ་དང་པོའི་འོད་གསལ་ཆོས་སྐུའི་ལམ་ཁྱེར། གཉིས་པ་ཟུང་འཇུག་ལོངས་སྐུའི་ལམ་ཁྱེར། གསུམ་པ་སྐྱེ་བ་འཛིན་པ་སྤྲུལ་སྐུའི་ལམ་ཁྱེར་རོ། །ལམ་གྱི་བློ་ཆོད་འཕོ་བ་ལ་གསུམ། སྦྱངས་ཏེ་འཕོ་བ། བཙན་ཐབས་སུ་འཕོ་བ། ལུས་གནད་ཀྱི་འཕོ་བ་དང་གསུམ་མོ། །དགེའོ། །དགེའོ། །དཔལ་སྤྲུལ་རིན་པོ་ཆེས་གསུངས་སོ། །