སྙིང་ཐིག་ཡ་བཞིའི་དབང་གི་ཕྱག་ལེན་ལས་འགྲིག།

🚧 This website is under continued development. We appreciate your patience!

Previous Text Back to Volume Page Next Text

Wylie title	snying thig ya bzhi'i dbang gi phyag len las 'grig
Location	dpal sprul bka' 'bum Volume 4, Text 23, Pages (Folios to )
Author	དཔལ་སྤྲུལ་རིན་པོ་ཆེ་
Less details More details
Citation
Genre	Empowerment Ritual - dbang chog - dbang skur · Practical Instructions - lag len - len thabs

[edit]

༄༅། །སྙིང་ཐིག་ཡ་བཞིའི་དབང་གི་ཕྱག་ལེན་ལས་འགྲིག་བཞུགས་སོ། །

མཁའ་འགྲོ་སྙིང་ཐིག་གི་དབང་ལྕེ་བཙུན་གྱིས་མཛད་པ་ལ། དང་པོ་སྟ་གོན་གྱི་རིམ་པ་ལ་གསུམ་ལས། དང་པོ་བུམ་པ་སྟ་གོན་བྱ་བ་ནི། བུམ་ལྔ་རང་མདོག་དང་ལས་བུམ་དཀར་པོ་བྱ། བཀྲུ་ཞིང་སྤོས་བདུག །བུམ་རྫས་ཉེར་ལྔའི་ཆུས་གཏམས། ཁ་རྒྱན་མགུལ་ཆིང་དང་ཕྱག་མཚན་ལྔ་བྲི། བུམ་པ་བཅུའམ་དྲུག་བྱ། གཟུངས་རྡོར་དང་བཅས་ཚོམ་བུ་ཀུ་ཤའི་སྟེང་སྟེགས་མཐོ་བ་ལ་བཞག །དེ་ནས་ལྷ་སྟ་གོན་བྱ་བ་ནི། མཎྜལ་གྱི་སྟེང་དུ་དྲིའི་ཐིག་ལེ་ལྷ་གྲངས་བྱ་དེའི་སྟེང་དུ་ས་བོན་བརྗོད་པ་དང་སྟབས་གཅིག་ཚོམ་བུ་བཀོད། དམ་ཚིག་པ་བསྐྱེད་ཡེ་ཤེས་པ་སྤྱན་དྲངས་ལ་བཞུགས། མཆོད་བསྟོད་ཅི་རིགས་སུ་བྱས་ལ། ཧོ་དགོངས་སུ་གསོལ་སོགས་དང་། རྒྱལ་བ་རིགས་ལྔ་སོགས། ཞི་བའི་སྦྱིན་བསྲེགས་བྱ། དེ་ནས་སློབ་མ་སྟ་གོན་བྱ་བ་ནི། སློབ་མས་ཕྱག་འཚལ་ནས་ཀྱེ་མ་དུས་གསུམ་༢སོགས། མེ་ཏོག་དོར། སློབ་དཔོན་གྱིས། ཀྱེ་མ་སྣོད་དང་ལྡན་༡༠སོགས། ཞེས་གནང་བ་སྦྱིན། ཚོགས་བསགས་པ་དང་། སྡོམ་པ་བླང་བ་ལ་དང་པོ་སྐྱབས་སུ་འགྲོ་བ་དང་། ཕྱོགས་བཅུའི་༦སོགས། ལན་གསུམ། ཀུན་བཟང་སོགས༢། ལན་གསུམ། དཔའ་བོ་སོགས། ལན་གསུམ། སོ་ཐར་བླང་བ་ནི། བླ་མ་ཀུན་ཏུ་བཟང་སོགས། ལན་གསུམ། སྨོན་སེམས། ཧོ་བླ་མ་ཀུན་བཟང་སོགས། ལན་གསུམ། འཇུག་པ་ནི། སྔོན་གྱི་རྒྱལ་བ་སོགས། ལན་གསུམ། སྡོམ་བཟུང་ནི། དཀོན་མཆོག་སོང་། དེ་ནས་དམ་ཚིག་སྦྱིན་པ། ཡར་མཆོད་གུས་ཤིང་སྙོགས། རྩ་བའི་ཉེས་པ་བཤད་ལ་སྲུང་དུ་གཞུག་གོ །སློབ་མའི་གནས་གསུམ་དུ་དྲིའི་ཐིག་ལེ་བྱ། ཡེ་ཤེས་པ་འགུགས། དབང་བསྐུར། མཆོད་པ་དང་། གཏོར་མ་འབུལ། བདུད་རྩི་ལྕེའི་སྟེང་དུ་བཞག་གོ །སོ་ཤིང་ནི་མེ་ཏོག་གི་ཚོམ་བུ་བཀོད་པའི་སྟེང་དུ་སོ་ཤིང་ལག་པས་བཟུང་ལ་མིག་བཙུམ་སྟེ་མཎྜལ་སྟེང་དུ་བསྒྱུར། བླ་མས། ཕྱོགས་བཞི་དབུས་ལྔར་སོགས་ཚིག་རིང་། ཆོས་བཤད་ནི་ཀྱེ་མ་རིགས་ཀྱི་བུ་སོགས་ཞེས་སྤྲོ་བ་བསྐྱེད། དཔུང་སྐུད་སྐུད་པ་ལྔ་དྲིལ་རྩ་སྔགས་བཟླས་ཏེ་མདུད་པ་ལྔ་རེ་བྱ། གྲུ་མོ་གཡོན་དུ་བཅིང་། ཀུ་ཤ་འབྲུ་གསུམ་གྱིས་བརླབས། གདན་བྱ། ཚོགས་གཏོར་བཏང་། སློབ་མ་སྟ་གོན་བྱ་བའོ། །དེ་ནས་ཐིག་ཚོན་གྱི་ཆོ་ག་བྱ། །དངོས་གཞིའི་ཉིན། ཁྲུས་མིག་དར་བཅིང་། སློབ་བུ་རྣམས་ལག་པ་སྦྲེལ་ནས་ལས་སློབ་ཀྱི་ཕྱག་གི་རྡོ་རྗེ་ལ་བཟུང་སྟེ་ཚོགས་ཁང་ལ་བསྐོར་བ་གསུམ་བྱ། སྒོ་ཞུས་ནི། ཀྱེ་ཁྲོ་བོ་སོགས༤། ལན་གསུམ། སློབ་དཔོན་གྱིས། ཁྱེད་རྣམས་སུ་ཡིན་སོགས། ཡང་ཕྱི་ནས་ལན་ཞུ་བ་མ་ཐོབ་ཅེས་པ་བསམ་གཏན་བཞི་བསྒོམ་པའི་ཚེ་གཟུགས་ལ་སྐྱོན་དུ་ལྟ་བ་མེད་པས་གཟུགས་ཀྱི་འཛིན་པ་མ་སྤངས་པས་ན་སྐྱེ་བ་ཕྱི་མ་དྭངས་པ་འོད་ཀྱི་ལུས་དང་ལྡན་པའི་གཟུགས་ཁམས་སུ་སྐྱེ་བ་ཡིན། གཟུགས་མེད་རྣམས་སྒོམ་པའི་ཚེ་གཟུགས་ལ་སྐྱོན་དུ་བལྟས་གཟུགས་ཀྱི་འཛིན་པ་སྤང་ཏེ་ནམ་མཁའ་ལྟ་བུ་ལ་སོགས་པ་སྒོམ་པས་གཟུགས་མེད་དུ་སྐྱེས་ཚེ་ཕུང་པོ་ལྔའི་ནང་ནས་གཟུགས་ཀྱི་ཕུང་པོ་མེད་པས་ལྷག་མ་ཚོར་བ་འདུ་ཤེས་འདུ་བྱེད་རྣམ་ཤེས་བཞི་དང་ལྡན་པས་དེ་ལ་མིང་བཞི་དང་ལྡན་པ་ཟེར་བ་ཡིན། ངོ་ཚ་ཁྲེལ་ཡོད་ལ་གཉིས་ནི་རང་ལ་ལྟོས་ནས་ངོ་ཚ་བ་དང་། གཞན་གྱིས་ཁྲེལ་འོང་སྙམ་པ་ཁྲེལ་ཡོད་ཡིན། གཙུག་ལག་བཟང་པོ་ལ་མཁས་པར་སློབ་ཅེས་པ་མི་ལུགས་ཀྱི་བསྟན་བཅོས་སོགས་ལ་སློབ་པ་ཡིན། ལྟོས་པའི་ཞེས་པ་གཡོག་སོགས་རང་ལ་རེ་ལྟོས་བཅའ་མཁན་རྣམས་ཡིན། བུ་སྨད་ཀྱི་ཞེས་པ་ཕ་མ་སོགས་ཁྱིམ་བཟའ་ཚང་ཚང་མ་ལ་ཟེར་བ་ཡིན། རྣམ་གྲོལ་གྱི་ཐེག་པ་ཞེས་པ་འཁོར་བ་ལས་ཐར་བར་བྱེད་པའི་ཐར་ལམ་ལ་ཟེར་བ་ཡིན། ལུས་སེམས་ལ་ཤིན་སྦྱང་སྐྱེས་ཞེས་པ་བསམ་གཏན་བསྒོམས་པས་ལུས་སེམས་བདེ་བའི་ཁྱབ་སྟེ་ནད་མེད་པ་དང་། མདང་བཟང་བ་དང་། ལྡང་བ་ཡང་བ་སོགས་ཀྱིས་དགེ་བའི་ལས་གང་བསྒོམ་ཡང་མི་མོས་པ་དང་མི་ནུས་པ་མེད་པས་ལུས་སེམས་ལས་སུ་རུང་བ་ཡིན། འདོད་ཁམས་ཀྱི་ས་གཅིག་ཅེས་པ་བསམ་གཏན་དང་པོ་མ་ཐོབ་གོང་དུ་སེམས་རྟོག་མེད་དུ་གནས་པ་དེ་ཡིན། ༈ ཉན་ཐོས་ཀྱི་སྐབས་སུ། ལས་ཀྱི་བག་ཆགས་ཕྲ་བ་དག་ཞེས་པ་འཁོར་བར་སྐྱེ་བ་ལེན་བྱེད་ཀྱི་ལས་གསར་དུ་མི་གསོག་པ་ཡིན། རྒྱུན་ཞུགས་ཞེས་པ་འཕགས་ལམ་གྱི་སྣེ་དང་པོ་ཟིན་པ་ཉན་ཐོས་ཀྱི་མཐོང་ལམ་ཐོབ་པ་དེ་ཡིན། དེ་བཞིན་དུ་འདོད་ཁམས་སུ་སྐྱེ་བ་གཅིག་ལེན་དགོས་པ་ཕྱིར་འོང་། འདོད་ཁམས་སུ་སྐྱེ་མི་དགོས་པ་ཕྱིར་མི་འོང་ཡིན་ཏེ་འདི་གཉིས་སྒོམ་ལམ་པ་ཡིན། ཁམས་གསུམ་སུ་སྐྱེ་བ་ལེན་མི་དགོས་པ་དགྲ་བཅོམ་ཡིན། འདིར་རང་ལམ་གྱི་འབྲས་བུ་མཐར་ཐུག་མི་སློབ་ལམ་ཡིན་ནོ། །འཕགས་པའི་བདེན་པ་བཞི་ནི་དབང་གཞུང་ལས་འབྱུང་བ་ལྟར་ཡིན་ཏེ། སྡུག་བསྔལ་གྱི་བདེན་པ་དང་གཅིག །ཀུན་འབྱུང་གི་བདེན་པ་དང་གཉིས། འགོགས་པའི་བདེན་པ་དང་གསུམ། ལམ་གྱི་བདེན་པ་དང་བཞི་ཡིན། སྡུག་བསྔལ་ནི་སྐྱེ་རྒ་ན་འཆི་སོགས་འཁོར་བའི་སྡུག་བསྔལ་རྣམས་ཡིན། ཀུན་འབྱུང་ནི་ལས་དང་ཉོན་མོངས་པ་གཉིས་ཡིན། འགོག་པ་ནི་སྡུག་བསྔལ་རྒྱུན་ཆད་པའི་མྱ་ངན་ལས་འདས་པའི་གོ་འཕང་ཡིན། ལམ་བདེན་ནི་ཐར་བའི་ལམ་ཚོགས་སྦྱོར་མཐོང་སྒོམ་སོགས་ཡིན། ཀུན་འབྱུང་གི་འབྲས་བུ་སྡུག་བསྔལ། སྡུག་བསྔལ་གྱི་རྒྱུ་ཀུན་འབྱུང་ཡིན་པས་དེ་གཉིས་ཀྱི་བུ་སོགས། དོན་དབང་ནི་ཀློང་ལས། དེ་ལྟར་བརྡའ་ཡི་སོགས། ཞེས་དོན་ངོ་སྤྲད། དེ་ནས་དམ་ཚིག་གི་དབང་ནི། ལྕེ་ལ་བདུད་རྩི་དང་སྤྱི་བོར་རྡོ་རྗེ་བཞགས་ལ། རིགས་ཀྱི་བུ་དག་སོགས། ༡༡ ༈ བི་མ་སྙིང་ཐིག་གི་སྤྲོས་བཅས་དབང་ལ། ཁྲུས་བགེགས་བསྐྲད། མིག་དར་མེ་ཏོག །མནྜལ། དང་པོ་གསོལ་གདབ་ནི། ཨེ་མ་སྐྱེས་ཆེན་སོགས། ༤ལན་གསུམ། རྗེས་གནང་ནི། ཨེ་མ་སྐལ་ལྡན་ཤེས་རབ་བུ༔སོགས་ནས་སྤྲོ་ལགས་སམ། སློབ་མས་སྤྲོ་ལགས་ཞེས་དང་། སྐྱབས་འགྲོ་ནི། རླུང་ལྔ་དག་སོགས། ༤སྨོན་སེམས་ནི། ཨེ་མ་ཧོ། མ་རིག་མུན་པ་སོགས། ༤འཇུག་སེམས་ནི། ཨེ་མ་ཧོ་སངས་རྒྱས་མཐར་ཐུག་སོགས། ༤བསྲུང་སྐུད་ནི་བྱིན་གྱིས་བརླབས་ནས་སྔགས་མདུད་བཅས་བཏགས། ལས་བུམ་གྱི་ཆུ་བླུག །འདི་ནི་དམ་ཚིག་སོགས། ཀྱེ་མ་སྐལ་ལྡན་སོགས། ཡེ་ཤེས་དབབ་པ་ནི། ཨེ་མ་ཧོ་སྐལ་ལྡན་སོགས། ༡༩དེ་ནས་ཅོད་པཎ་སྣ་ལྔ་གཏད། མིག་དར་བཀབ་ལ། ཨེ་མ་ཐོག་མའི་འོད་གསལ་སོགས། མེ་ཏོག་དཀྱིལ་འཁོར་དུ་དོར་མིང་བཏགས་ལ། སློབ་མས། ཀྱེ་མ་རྡོ་རྗེ་འཛིན་མགོན་ནས་སོགས། ༤བླ་མས་ཨེ་མ་སྐལ་ལྡན་སོགས། ༤མིག་དར་བསལ། མཐོང་བ་བསྟན་པ་ལ་དང་པོ་བླ་མའི་མཐོང་བ་བསྟན་པ་ནི། ལྟོས་ཤིག་ལྟོས་ཤིག་སོགས། ༤དཀྱིལ་འཁོར་མཐོང་བ། ལྟོས་ཤིག་སོགས། ༤རྫས་ཀྱི་མཐོང་བ། ཨེ་མ་ལྟ་ཤེས་སོགས། ༤མཆེད་ལྕམ་གྱི་མཐོང་བ། ཨེ་མ་ངོ་མཚར་སོགས། ༤དཀྱིལ་འཁོར་གྱི་དེ་ཉིད་བཤད། བུམ་དབང་ལ་དབུས་བུམ་ཕུལ་ལ། ཧཱུྃ་ཆོས་ཉིད་དབྱིངས་སོགས། ཀ་ལི་སོགས་སྔགས་དང་། བུམ་ཆུ་སྤྱི་གཙུག་ཏུ་བླུགས། ཤར་བུམ། ལྷོ་བུམ། ནུབ་བུམ། བྱང་བུམ་རྣམས་དེའི་རིགས་འགྲེ། གསང་དབང་ནི་ཐོད་ཆང་གནས་བཞིར་བཞག་ལ། ཧཱུྃ་བདེ་ཆེན་བརྡལ་བ་སོགས། ༤ཤེར་དབང་ནི་རིག་ཙཀ་གཏད་ལ། ཧཱུྃ་སྣང་སྲིད་བདེ་ཆེན་སོགས། ༤ཚིག་དབང་ནི་སྐལ་བ་ལྡན་པའི་སློབ་བུ་ཉོན་ཅིག་སོགས། ཚིག་རིང་ཐུང་ཁ་ཤས་དང་། ཨེ་མ་ཧོ་མ་ཡེངས་གསོན་ཅིག་སོགས། ༡༥དེ་ནས་ཚོགས་དང་གཏོར་འབུལ་གཏོང་རྗེས་ཆོག་བྱ། ༈ མཁའ་འགྲོ་ཡང་ཐིག་གི་དབང་ཆེན་ལ་ཐོག་མར་བུམ་པ་ལྔ། བསྐྲད་པ་དུག་བྲབ་ལ། ཆུ་གཙང་མས་སུམ་ཉིས་བཀང་ལ། བུམ་རྫས་ཉེར་ལྔ་བཏབ། དར་དམར་པོའི་མགུལ་ཆིང་། ཁ་རྒྱན། གཟུང་རྡོར་བཅས་སྟེགས་མཐོན་པོ་ལ་བཞག །མཐར་ཕྱི་ནང་གི་མཆོད་པས་བསྐོར། གཞན་ཡང་རྡོར་དྲིལ། ཀུ་ཤ། །བསྲུང་སྐུད། བདུད་རྩི་ལྔའི་རིལ་བུ། སོ་ཤིང་སོགས་ཡོ་བྱད་རྣམས་ཚོགས་པར་བྱ། བུམ་པ་སྟ་གོན། རང་ཉིད་སྐད་ཅིག་གིས་སོགས་དྲིལ་བུ་འཛིན་པར་བསམ་ལ། ཀུ་ཤས་ཐོད་པ་ནས་བདུད་རྩིའི་བསང་ཆུ་གཏོར་ལ། ཨོཾ་བཛྲ་ཨ་མྲྀ་ཏ་སོགས། ལན་གསུམ། ཨོཾ་སྭཱ་བྷ་ཝ་སོགས། ཕྱི་ནང་གི་ཆོས་ཐམས་ཅད་སོགས། དབང་བསྐུར་བར་གྱུར། རང་གི་སྙིང་ག་ནས་འོད་ཟེར་སོགས། གཟུང་ཐག་གཏོང་ལེན་བྱ། རིག་ལྔའི་སྔགས་རྣམས་བཟླ། ལས་བུམ་བཛྲ་ས་ཏྭས་བསྒྲུབ། མཆོད་བསྟོད། བུམ་ལྷ་འོད་ཞུ་བྱ། བུམ་པ་སྟ་གོན་ནོ། །ལྷ་སྟ་གོན་བྱ། དེ་ནས་གསུམ་པ་སློབ་མ་སྟ་གོན་ནི། བླ་མས། འདིར་ནི་ཐེག་པ་ཆེན་པོའི་སོགས། མཛོད་ཅིག །ཀྱེ་མ་དུས་གསུམ་རྒྱལ་བ་སོགས། ༧ལན་གསུམ། བླ་མ་ཀྱེ་མ་སྣོད་དང་ལྡན་སོགས། ༡༠མེ་ཏོག་དོར་བ་ཐལ་མོ་སྦྱར་ལ། ཕྱོགས་བཅུའི་སངས་རྒྱས་སོགས། ༦ལན་གསུམ། ཀུན་བཟང་རིགས་ལྔ་སོགས། ༣ལན་གསུམ། དཔའ་བོ་དཔའ་མོ་སོགས། ༢ལན་གསུམ། བླ་མ་ཀུན་བཟང་སོགས། ༤ལན་གསུམ། ཧོ་བླ་མ་ཀུན་བཟང་དགོངས་སུ་གསོལ་སོགས། ༤ལན་གསུམ། སྔོན་གྱི་རྒྱལ་བ་སོགས། ༡༡ལན་གསུམ། དཀོན་མཆོག་གསུམ་སོགས། ༡༤ཀྱིས་སྡོམ་པ་བྱིན་ནས། ཡང་། ཡར་མཆོད་གུས་སོགས། ༢ལན་གསུམ་གྱིས་དམ་ཚིག་བྱིན་ལ། གནས་གསུམ་དྲིའི་ཐིག་ལེ་བྱས་ལ། འབྲུ་གསུམ་དང་བཛྲ་པྲ་ཝེ་ཤ་ཧོ་མང་དུ་བརྗོད། རོལ་མོ། རིགས་ལྔའི་སངས་རྒྱས་དང་སོགས་ཚིག་རིང་རོལ་མོ། བདུད་རྩི་སྦྱིན། སོ་ཤིང་། དཀྱིལ་འཁོར་ལྷ་ཤར་དུ་རྡོ་རྗེ་རྒྱ་གྲམ་གྱི་ལྟེར་འབྲུ་ཚོམ་བཀོད་ལ། སོ་ཤིང་ལག་པ་གཉིས་ཀྱིས་སྙིམ་པས་ཁས་ཐད་དུ་གཟུང་ལ། སངས་རྒྱས་བྱང་ཆུབ་སེམས་དཔའ་སོགས་དངོས་བསྟན་དུ་གསོལ། ཞེས་མིག་བཙུམ་ནས་ཚོམ་བུའི་སྟེང་དུ་བསྐྱུར་རོ། །བླ་མས། ཕྱོགས་བཞི་དབུས་ལྔ་སོགས། དེ་ལ་ཆོས་བཤད་པ་ནི། ཀྱེ་རིགས་ཀྱི་བུ་སོགས་ཚིག་རིང་ཐུང་མང་ཞིག་གི་མཐར། གོ་འཕང་བླ་མེད་ཐོབ་པར་འགྱུར་རོ། ཞེས་གསུངས་སོ། །དེ་ནས་བསྲུང་སྐུད་ལྔ་བསྒྲིལ་རྩ་སྔགས་བཟླས་ཏེ། སྐྱེས་པའི་གཡོན། བུད་མེད་ཀྱི་གཡས་སུ་བཅིང་། ཀུ་ཤ་ཚན་བུ་གཉིས། འབྲུ་གསུམ་གྱིས་སྔས་སྟན་དུ་བྱིན། རྨི་ལམ་བརྟག་ཏུ་བཅུག །དབང་དངོས་ལ། ལས་སློབ་བུམ་པ་ཐོགས་ཏེ། སློབ་མ་རྣམས་ལ་ཁྲུས་བྱས་གདོང་གཡོགས། ཐམས་ཅད་ལག་པ་སྦྲེལ་ནས་ལས་སློབ་ཀྱི་རྡོ་རྗེ་ལ་བཟུང་ནས། ཕྱི་ནས་བསྐོར་བ་གསུམ་བྱས་ཏེ། ཕྱི་སྒོ་བཅད་པའི་དྲུང་ནས་གསོལ་བ་གདབ་པ། ཀྱེ་ཁྲོ་བོ་སོགས། ༤ལན་གསུམ། ནང་ནས་བླ་མས་ཁྱེད་རྣམས་སོགས། ༡ལན་གསུམ་དྲི། ཕྱི་ནས། སྐལ་ལྡན་རིགས་ཀྱི་སོགས། ༢ལན་གསུམ། བགེགས་གཏོར་བཏང་ཞིང་བགེགས་བསྐྲད། གུ་གུལ་བདུག །རོལ་མོ་བཅས་བྱ། མཚམས་བཅད། ཆོས་བཤད། མཎྜལ་ལྔ་འབུལ། གསོལ་གདབ་ཀྱེ་མ་རིགས་ལྔའི་སོགས། ༤ལན་གསུམ། ཡོལ་བ་ཕྱེས་ལ། དཀྱིལ་འཁོར་ལྷ་ཐམས་ཅད་ཀྱི་གཟིགས་པར་སོགས། ༡ཕྱག་འཚལ་ནས་གཏོར། བླ་མས། ཀྱེ་མ་ཁྱོད་ནི་སོགས། སློབ་མས། བདག་ནི་འབྲས་བུ་སོགས། ༤ལན་གསུམ། བླ་མས། ཨེ་མ་ཨེ་མ་རིགས་ཀྱི་སོགས། ༡༢བདུད་རྩི་ལྕེ་ལ་བཞག་ནས། འདི་ནི་དམ་ཚིག་སོགས། ༤ༀ་ཨ་མྲྀ་ཏ་སོགས། འོ་ཁྱོད་ཀྱི་སྟོན་པ་སོགས། ཡེ་ཤེས་དབབ་པ་ནི་སློབ་མ་རྣམ་སྣང་གི་ཆོས་བདུན་སོགས་ནས། གཡོན་དུ་འཁོར་བར་དམིགས་བྱི་ལའི་བྲུན། རཀྟ། ཤ་ཆེན། གུ་གུལ། ཀླད་ཆེན། བདུད་རྩི་ལྔ། རའི་རྐང་ལག་བཞིའི་ཉ་ཤ། རང་རང་གི་སྐྲ་རྣམས་བསྲེག་རོལ་མོ། ཐུགས་ཀའི་ས་བོན་སོགས། གར་བྱེད་པར་བསམ། དེ་ནས་དཀྱིལ་འཁོར་ཤར་སྒོའི་སློབ་མ་ཁྲིད་དེ་ཕྱག་འཚལ་ལ། ཀྱེ་ཤར་སྒོ་བསྲུང་བའི་སོགས། ༣ལྷ་དང་སྤྲོད། སྒོ་བཞི་བོ་དེའི་རིགས་འགྲེ། དེ་ནས་མེ་ཏོག་ཐོགས་ལ། ཀྱེ་བདེ་གཤེགས་རིགས་ལྔའི་སོགས། མེ་ཏོག་དོར། དེའི་ལྷ་ངོ་སྤྲད། མིག་དར་བཀྲོལ་བ་ནི། སྟོན་པ་རིགས་ལྔ་སོགས། ༥ཨོཾ་ཞེས་དགྲོལ། ཡང་བླ་མས། ཀྱེ་མ་རིགས་ཀྱི་བུ་རྣམས་སོགས། དཀྱིལ་འཁོར་དང་ལྷའི་རྣམ་དག་བཤད། གསེར་ཐུར་གྱིས་ལྷ་ངོ་སྤྲད། དངོས་གཞིའི་སྦྱོར་བའོ། །དངོས་གཞིའི་དབང་། མཎྜལ་ཕུལ་ནས། ཀུན་བཟང་ཡབ་ཡུམ་སོགས། ལན་གསུམ། འགྲེང་སྟེ་ཐལ་མོ་སྦྱར་ཏེ་ཕྱག་འཚལ། སེང་གེའི་ཁྲི་ལ་སློབ་མ་བཞག་མེ་ཏོག་གང་ལ་ཕོག་པའི་ལྷ་བསྒོམ་དུ་བཅུག་ལ། སླར་ཡང་མེ་ཏོག་སྤྱི་བོའམ་མཐོངས་ཁ་གཡོན་ལ་བཏགས། སློབ་དཔོན་གྱིས་མེ་ཏོག་གང་ལ་སོགས། ༣འོ་ཁྱོད་ཀྱི་ཡི་དམ་ལྷ་འདི་ཡིན་སོགས། རིགས་ལྔའི་སྐུ་གསུང་ཐུགས་ཡོན་ཏན་ཕྲིན་ལས་ལྔའི་དབང་བསྐུར་ཏེ། དང་པོ་སྐུའི་དབང་ནི། སློབ་མ་རྣམས་རྡོ་རྗེ་སེམས་དཔའ་སོགས་ནས། ཧཱུྃ་གཟུགས་ཀྱི་ཕུང་པོ་སོགས། བུམ་ཆུ་འཐུང་དང་ཁྲུས་བྱེད། འོ་རིགས་ཀྱི་བུ་སོགས་བྱེད་པར་འགྱུར་རོ། །གསུང་གི་དབང་དང་ཡོན་ཏན་ཕྲིན་ལས་རྣམས་དེའི་རིགས་འགྲེ། དེ་ནས་ཀུན་ཏུ་བཟང་པོའི་དབང་ནི། སློབ་མས་ཀུན་ཏུ་བཟང་པོ་སོགས། ལག་ཏུ་རྡོ་དྲིལ་གཏད་ལ། ༀ་ཨཱཿཧཱུྃ་ཐབས་དང་ཤེས་རབ་སོགས། ༤རིགས་ཀྱི་བུ་ཁྱོད་ལ་སོགས་ཚིག་རིང་། བུམ་པ་ལྔའི་དབང་ནི། བུམ་ལྔའི་ཆུ་གཙོ་བུམ་དུ་བསྡུས་པའམ། རེ་རེ་བཞིན་མ་ནོར་བར་བསྐུར། ལྷ་ཐམས་ཅད་སོགས་ཚིག་རིང་། དབུས་བུམ་ཐོགས་ཏེ། ཧཱུྃ་རྡོ་རྗེ་སེམས་དཔའ་བཅོམ་ལྡན་འདས་སོགས། ནུབ་བུམ་ཐོགས་ཏེ། ཧཱུྃ་སྣང་བ་མཐའ་ཡས་སོགས། ཤར་བུམ་ཐོགས་ཏེ། ཧཱུྃ་རྣམ་པར་སྣང་མཛད་བཅོམ་ལྡན་འདས། ལྷོ་བུམ་ཐོགས་ཏེ། ཧཱུྃ་རིན་ཆེན་འབྱུང་ལྡན་སོགས། བྱང་བུམ་ཐོགས་ཏེ། ཧཱུྃ་དོན་ཡོད་གྲུབ་པ་སོགས། སིདྡྷི་ཕ་ལ་ཧཱུྃ་ཨཱ། རིགས་ཀྱི་སོགས། ཚིག་རིང་། བུམ་ཆུ་ཁོང་དུ་བཏང་ལྷག་མ་ཁྲུས་བྱ། དེ་ནས་བརྡའི་དབང་ནི་རིགས་ལྔའི་སྐུ་བསྟན་ལ། རིགས་ཀྱི་བུ་སོགས་ཚིག་རིང་། དོན་གྱི་དབང་ནི། རིགས་ཀྱི་བུ་སོགས་ཚིག་རིང་། དེ་ནས་དམ་ཚིག་གི་དབང་ནི། བདུད་རྩི་ལྕེ་ལ་བཞག་སྟེ། ཀྱེ་རིགས་ཀྱི་བུ་ཉོན་ཅིག་སོགས། ༡༥སྐུའི་དམ་ཚིག་ཏུ་སོགས། ཚིག་རིང་། གསུང་སོགས་དེའི་རིགས་འགྲེ། ༧གཉིས་པ་སྤྲོས་མེད་གསང་དབང་བསྐུར་བ་ནི་དཀྱིལ་འཁོར་གཞུང་བཞིན་བྲིས། རིག་ཙཀ་བླ་མ་ལ་ཕུལ་ནས། གསོལ་གདབ་ནི། ཨེ་མ་ཁྱོད་ནི་སོགས། ༡༥དེང་འདིར་བདག་གི་ཐོབ་མཛོད་ཅིག །ཅེས་ཕུལ། བླ་མ་གཞིའི་ཀུན་བཟང་བསྒོམ་ལ། མཆོད་བསྟོད། མིག་དར། མེ་ཏོག །བསྐོར་བ་གསུམ། ཕྱག་གསུམ། བྱིན་འབེབས། བླ་མས། ཀྱེ་མ་རིགས་ཀྱི་སོགས། ༩ཚིག་རིང་བཅས་མཐར་སྒོམས་ཤིག །འཕགས་མཆོག་སོགས། མིག་དར་བཀྲོལ། འོ་རིགས་ཀྱི་བུ་སོགས། ཚིག་རིང་མཐར་བསམ་ལ། ཐོད་པའི་བདུད་རྩི་ཐོག་ལ། ཀྱེ་མ་ཀྱེ་མ་སོགས། ༧ཨ་བྷི་ཥིཉྩ་ཧཱུྃ་ཚིག་རིང་། ངོ་སྤྲོད། ཨེ་མ་སྐལ་ལྡན་སོགས། ཚིག་རིང་མཐར་ངོ་ཟུངས་ཤིག །དམ་ཚིག་འབོགས་པ་ནི། ཀྱེ་མ་རིགས་ཀྱི་སོགས། ༡༠ཁྱོད་ཀྱིས་བསྲུང་། ཚིག་རིང་མང་མཐར་སངས་རྒྱས་པ་ཡིན་ནོ། །ཚོགས། ཤེར་དབང་ལ། མཎྜལ་གསོལ་གདབ་ནི། ཀྱེ་བཅོམ་ལྡན་སོགས། ལན་གསུམ། བླ་མས། ཀྱེ་མ་གསང་བ་སོགས། ལན་གསུམ། སློབ་མས། ཤི་བ་སྲོག་ལས་སོགས། བླ་མ་ལ་བསྐོར་བ་ཞིག་དང་། བྱིན་འབེབས། དཔོན་སློབ་ཀུན་རྡོ་རྗེ་སོགས། ཐིམ་པར་བསྒོམ་ལ། རྡོ་རྗེ་ཕག་མོ་བདེ་གཤེགས་སོགས། རིགས་ཀྱི་བུ། མིག་དར་བཀྲོལ། བླ་མས། རིག་ཙཀ་གཏད་ལ། འོ་རིགས་ཀྱི་བུ་སོགས་ཚིག་རིང་མང་ཞིག་གི་མཐར། འབྲས་བུ་སྐྱེ་མེད་ཆོས་སྐུ་ཐོབ། ཚོགས། ཚིག་དབང་ལ་དཀྱིལ་འཁོར་གྱི་དབུས་སུ། ཐོད་པ་བདུད་རྩིས་བཀང་བའི་སྟེང་མེ་ལོང་ལ་ཆོས་འབྱུང་ཉིས་བརྩེགས་ཀྱི་དབུས་སུ་མཁའ་འགྲོ་ཡབ་ཡུམ་ཀྱི་རྩ་སྔགས་དང་། མཐའ་སྐོར་ལ་རིག་འཛིན་མཚན་བྲིས་ལ། ཐོད་པའི་ཁར་དགབ། ཕྱི་ནང་གི་ཚོགས་མཆོད་བཤམས། མཎྜལ། གསོལ་གདབ། ཀྱེ་དུས་གསུམ་བླ་མ་སོགས། ༡༣བཞི་པའི་དབང་བསྐུར་བདག་ལ་སྩོལ། ལན་གསུམ། རང་ཉིད་ཡི་དམ་སོགས་ཚིག་རིང་། རོལ་མོ། བཀྱག །མཆོད་བསྟོད། ཐུགས་གནས་སོགས་ཚིག་རིང་། བདུད་རྩིས་མཆོད། རྡོ་རྗེའི་དམ་ཚིག་སོགས། ༤ཚོགས། གསོལ་གདབ། ན་མོ་གུ་རུ་དངོས་མེད་སོགས། དམ་ཚིག་སྦྱིན་པ་ནི། ༀ་སོགས། སློབ་མ་རྣམ་སྣང་སོགས། ཚིག་རིང་། བྱིན་འབེབས། རོལ་མོ། དངོས་གཞི་ནི། འོ་རིགས་ཀྱི་བུ་སོགས་ཚིག་རིང་མཐར། སློབ་མས་ཕྱོགས་བཞིར་བལྟར་བཅུག་ལ། ཀྱེ་མ་རིགས་ཀྱི་བུ་སོགས། ༢༠བརྗོད་ནས། ཡང་ཀྱེ་མ་རིགས་ཀྱི་བུ་སོགས། རིགས་ལྔའི་སྐུ་གཟུགས་སྒོམ་དུ་བཅུག་ལ། བླ་མས། ཀྱེ་མ་རིགས་ཀྱི་སོགས། ༨དབྱུག་པ་རིང་པོ་ལ་དྲིལ་བུས་ཕྲེང་བ་བཏགས་ལ་དབྱུག་པའི་རྩ་བསལ་བརྡུང་ཞིང་། བླ་མས། ཀྱེ་མ་རིགས་ཀྱི་བུ་སོགས། ༡༢སྤོས་དང་སྨན་ལ་སོགས་པའི་དྲི་སྣོམ་དུ་བཅུག་ལ། ཀྱེ་མ་རིགས་ཀྱི་བུ་སོགས། ༡༡ཡང་རོ་མངར་སྐྱུར་མྱོང་དུ་བཅུག་ལ། ཀྱེ་མ་རིགས་ཀྱི་སོགས། ༧ཡང་རེག་བྱ་འཇམ་རྩུབ་རེག་ཏུ་བཅུག་ལ། ཀྱེ་མ་རིགས་ཀྱི་སོགས། ༧སྐྱིད་སྡུག་དགའ་མི་དགའ་ཆགས་སྡང་ལ་སོགས་སྒོམ་དུ་བཅུག་ལ། ཀྱེ་མ་རིགས་ཀྱི་སོགས། ཡང་ཚིག་མང་ཞིག་སྣང་། ཚིག་རིང་ཐུང་མང་ཞིག་སྡེབ་མཐར་ཚོགས་འཁོར་བྱ། ༈ ཀ་དག་རྩལ་དབང་ལ། པད་འདབ་བརྒྱད། འོད་རྭ། རྡོ་རྭ། མེ་རི་བྲིས་ལ་སྟེང་ཐོད་པ་བདུད་རྩིའི་བཀང་བཞག །ཕྱི་ནང་གི་མཆོད་པས་བསྐོར་ལ། དབུས་ཐོད་པའི་དབུས་སུ་སོགས་ཚིག་རིང་། རོལ་མོ། མཆོད་པ། བསྟོད་པ། ཕྱག །བསྐང་བ། སེམས་བསྐྱེད་ནས། གསོལ་བ་གདབ་པ་ནི། ཀྱེ་བླ་མ་རྣམས་སོགས། ལན་གསུམ། བླ་མ་རྣམས་བྱོན་ནས་རང་ལ་ཐིབ་པར་བསྒོམ་དུ་བཅུག་ལ། ཨོཾ་གུ་རུ་ཀུན་བཟང་། རེ་རེའི་རྗེས་སུ་ཌ་རུ་འཁྲོལ། སློབ་མ་རྣམས་ལངས་ཏེ་ཐལ་མོ་སྤྱི་བོར་སྦྱར་ལ་རླུང་ཁ་སྦྱོར་བཟུང་། བླ་མས། འོ་ཁྱེད་རྣམས་ཉོན་མོངས་སོགས་ཚིག་རིང་། རོལ་མོ། ཡང་སྙིང་ནང་སོགས་ཚིག་རིང་། ཡང་ཚིག་རིང་། སྤོས་ཚིལ་ཆེན་བདུག །རོལ་མོ་འཁྲོལ། དང་པོ་ནི། སློབ་མ་རྣམས་ལངས་ཏེ་ཐལ་སྦྱར་ཚེ། ཀྱེ་རིགས་ཀྱི་བུ་རྣམས་སོགས་ཚིག་རིང་། རོལ་མོ། དེ་བཞིན་དུ་སོགས་ཚིག་རིང་། རོལ་མོ། ཨོ་རྒྱན་སོགས་རོལ་མོ། ལྷོ་ནུབ་རྔ་ཡབ་སོགས། རོལ་མོ། པདྨ་མཁའ་འགྲོ་སོགས་ཚིག་རིང་མང་ཞིག་མཐར། གུ་གུལ། ཚིལ་ཆེན། སྤོས། རོལ་མོ། ཐོད་པའི་བདུད་རྩི་ཐོགས་ཏེ། ཨེ་མ་སོགས། ༢སེམས་ཉིད་སྟོང་པ་སོགས། གཟེངས་བསྟོད། འོ་རིགས་ཀྱི་བུ་སོགས་ཚིག་རིང་མཐར། ཚོགས་བྱ། སློབ་མ་རྣམས་གྲལ་ལ་འཁོད། སེམས་བསྐྱེད། རང་རང་གི་སྤྱི་བོ་སོགས་ཚིག་རིང་མཐར་སྐུ་ལ་ཨོཾ་བརྒྱ་རྩ་བརྒྱད་བཟླས། གསུང་དང་། ཐུགས་དང་། ཡོན་ཏན། ཕྲིན་ལས་རྣམས་དེའི་རིགས་འགྲེ། ཐོད་པ་ནས་བདུད་རྩི་བླུད། རིག་པ་ངོ་སྤྲད། ཚོགས་དང་བཀྲ་ཤིས་བྱའོ། །བརྒྱད་པ་ལ། ཤོམ་ར་སྔར་ལྟར་ལ། རཀྟ་སིནྡྷུའི་ཐིག་ལེ་སྨིན་མཚམས་སུ་བཀོད་ལ། འོ། ཚིག་རིང་མང་ཞིག་ལ། ཚིལ་ཆེན་བདུག །རོལ་མོ། རྫོགས་རིམ་བདུད་རྩི་བྱིན་ནས། རང་རིག་མདང་བྱིན་པར་རློམ་པ་སོགས་ངོ་སྤྲད། ཚོགས་ཀྱི་དགའ་སྟོན་བྱ། གཞན་དོན་བཀའ་རྒྱ་དང་བཅས་པ་ལ་གནང་བ་སྦྱིན་པ་ནི། ཚོགས་མཆོད་བཤམས། བླ་རྒྱུད་རྣམས་ལ་གསོལ་བ་འདེབས། རིག་འཛིན་གཏོར་མ་མགོ་ཐོག་ཏུ་བཞག་ལ། འོ་རིགས་ཀྱི་བུ་སོགས་ཚིག་རིང་ལན་གསུམ། ཚོགས། བདུད་རྩིའི་ཐིག་ལེ་གནས་གསུམ་དུ་བཞག་ལ། འཁོར་ལོ་སྔགས་རིགས་ལྔའི་སོགས་ཚིག་རིང་མཐར། ཨ་བྷིཥིཉྩ་མཾ། སྐུ་གསུང་ཐུགས་ཡོན་ཏན་ཕྲིན་ལས་རྣམས་འགྲོ་དོན་མཐའ་རྒྱས་པར་བསམ། སྐུ་རྟེན་ཞི་ཁྲོའི་ཐང་ཀ། གསུང་རྟེན་སྙིང་ཐིག་པོད། ཐུགས་རྟེན་མེ་ལོང་རྣམས་གནས་གསུམ་བཞག་ཅིང་། འོ་རིགས་ཀྱི་བུ་སོགས་ཚིག་རིང་། མཎྜལ། ཐོད་པའི་བདུད་རྩི་བླུད། མཎྜལ་ཕུལ། ཚོགས། རྗེས་ལ་ཆོས་སྐྱོང་གི་གཏོར་མས་བཀའ་གཏད། རྡོ་རྗེ་སེམས་དཔའི་དཔལ་གཏོར་མགོ་ཐོག་ཏུ་བཞག །ཨོཾ་གུ་རུ་ཌཱ་ཀི་ནི་ཧ་རི་ནི་ས་ར་ཙ་ཧྲི་ཡ་བྷོ་དྷི་ཙིཏྟ་ཨ་མྲྀ་ཏེ་སརྦ་པཉྩ་ཨ་བྷི་ཥིཉྩ་ཧཱུྃ། ཨོཾ་གུ་རུ་ཀུན་བཟང་ཡབ་ཡུམ། རིགས་ལྔ་ཡབ་ཡུམ། རྡོ་རྗེ་འཆང་། རྡོ་རྗེ་སེམས་དཔའ། དགའ་རབ་རྡོ་རྗེ། ཤྲི་སེང་ཧ། པདྨ་མཚན་བརྒྱད། ཡེ་ཤེས་མཚོ་རྒྱལ། པདྨ་ལས་འབྲེལ།

༈ སྤྲོས་མེད་ཀྱི་དབང་ལ། ཕྱི་རོལ་ནས། དང་པོ་ཁྲུས་བྱས། གུ་གུལ་བདུག །བགེགས་བསྐྲད། བསྲུང་འཁོར་སྒོམ། ཆོས་བཤད། མཎྜལ་ཕུལ་བ་སོང་ནས། གསོལ་གདབ་ནི། བླ་མ་རྡོ་རྗེ་འཛིན་པ་ལ་༡༠སོགས། ལན་གསུམ། བླ་མ་རྡོ་རྗེ་འཛིན་སོགས་ཚིག་རིང་མང་ཞིག་ལན་གསུམ། སྡོམ་བཟུང་བླ་མ་རྡོ་རྗེ་སོགས་ཚིག་རིང་ཐུང་མང་ཞིག་མཐར་བདག་ནི་ནམ་ཡང་མི་འདའོ། །ལན་གསུམ། དམ་ཆུ་སྦྱིན་པ་ནི། འོ་མ་སྨན་སྤོས་ཀྱི་ཐིག་པ་སྨིན་མར་གཏུག་ལ། ཧཱུྃ་འདི་ནི་དམ་ཚིག་སོགས། ༡༡རེ་རེ་བརྗོད། དམ་ཚིག་ཁས་བླང་བ་ནི། བདག་ནི་དུས་འདི་སོགས། ༡༣ལན་གསུམ། དམ་བསྒྲགས། སྡོམ་པ་སྦྱིན། ཀྱེ་སྐལ་ལྡན་གསང་བའི་སོགས། ༣༣ལན་གསུམ། མཎྜལ། གསོལ་བ་གདབ་པ་ནི། བླ་མ་རྡོ་རྗེ་འཛིན་པ་སོགས། ༡༠ལན་གསུམ། གནང་བ་སྦྱིན་པ་ནི། ཨེ་མ་བུ་ཁྱོད་སོགས། ༡༢མེ་ཏོག་དོར་བ་ནི། ཐུགས་ཀྱི་སོགས་ཚིག་རིང་། དབང་བསྐུར་བ་དངོས་ལ། དང་པོ་ཆོས་དབྱིངས་ཡི་གེའི་དབང་ནི། ཨ་རིང་པོར་དབྱངས་དང་བཅས་པ་བརྗོད་སོགས་མཚམས་སུ། དྲི་དང་འོ་མའི་ཐིག་ལེ་གནས་གསུམ། སངས་རྒྱས་ཀྱི་སྐུ་གསུང་སོགས། ཨ་ལི་སོགས་རྗེས་ཡིག་དྲུག་ཐིག་ལེ། ཀ་ལི་སོགས་རྗེས་སྣང་གཤོང་བུ་ཐིག་ལེ། སྤྱི་གཙུག་ཏུ་ཨོཾ་ཐིག་ལེ། མགྲིན་པར་ཨ་ཐིག་ལེ། སྙིང་ཁར་ཐིག་ལེ་ཧཱུྃ། སྨིན་མཚམས་སུ་ཐིག་ལེ། ཚིག་ཉུང་ངུ་སོང་འཕྲལ་བུམ་པ་སྤྱི་པོར་བཞག་ལ། ཆོས་རྣམས་ཐམས་ཅད་སོགས་ཚིག་བཅད་ལྷུག་ཅི་མང་མཐར་ངོ་ཤེས་པར་གྱིས། སྙིང་ཁར་ཆུ་བླུག །ཨ་ཞེས། རོལ་མོ། རྒྱས་གདབ་ནི། ཨེ་མ་ཧོ་སོགས། ༡༨ད་ལྟར་གྱི་རིག་པ་སོགས་ཚིག་རིང་། རིག་པ་རྩལ་དབང་ནི། བླ་མས་དངོས་པོ་གང་ལ་སོགས་ཚིག་རིང་མང་ཞིག །ཀུན་བཟང་དབང་བླ་མས་ཆོས་རྣམས་ཐམས་ཅད་སོགས། ༢༤ཨེ་མ་སྐལ་ལྡན་སོགས་ཚིག་རིང་མང་ཞིག །གསེར་དབྱུག་རིང་པོ་ལ་རྨ་བྱའི་མདོང་བཏགས་ཏེ་ངོ་སྤྲད། ༡སྡེབ་སོགས། མན་ཤེལ་མིག་ལ་གཏད། གཞི་ལམ་ངོ་སྤྲད་མང་ཞིག་ཡོད་བཀྲ་ཤིས་མཐར། ཚོགས་འཁོར།