སློབ་གསར་རྣམས་ཀྱི་བློ་གྲོས་རྩལ་སྦྱོང་བ་ཚོགས་བཤད་འབུལ་བའི་མགོ་བསྐུལ་དང་མཇུག་གི་མཚམས་སྦྱོར།

Previous Text Back to Volume Page Next Text

Wylie title	slob gsar rnams kyi blo gros rtsal sbyong ba tshogs bshad 'bul ba'i mgo bskul dang mjug gi mtshams sbyor
Location	dpal sprul bka' 'bum Volume 2, Text 16, Pages (Folios to )
Author	དཔལ་སྤྲུལ་རིན་པོ་ཆེ་
Less details More details
Citation
Genre	Advice - zhal gdams

[edit]

༄༅། །སློབ་གསར་རྣམས་ཀྱི་བློ་གྲོས་རྩལ་སྦྱོང་བ་ཚོགས་བཤད་འབུལ་བའི་མགོ་བསྐུལ་དང་མཇུག་གི་མཚམས་སྦྱོར།

མཆོད་བརྗོད་ཀྱི་རྗེས་སུ། ཞེས་མཆོད་པར་བརྗོད་པ་ཅུང་ཟད་ཀྱིས་མདུན་བསུས་ཏེ་ད་རེས་ཀྱི་སྐབས་སུ་ལེགས་བཤད་བདུད་རྩིའི་བཅུད་ཀྱི་རྣམ་པར་རོལ་པར་མྱོང་བའི་འཆད་རྩོད་རྩོམ་པའི་གླུ་སྒྲ་སྙན་པོས་སྐལ་བཟང་ཐར་འདོད་ཀྱི་དགའ་བ་བླ་ལྷག་ཏུ་བསྐྱེད་པའི་བཤེས་གཅིག །བླ་མ་དང་མཆེད་ཀྱི་བཞུགས་གྲལ་བཀྲ་ཤིས་པའི་མདུན་དུ་རྟེན་འབྲེལ་ལེགས་སྤེལ་གྱི་སྒོ་འཕར་དབྱེ་བ་དང་། རང་ཉིད་ཀྱི་བློ་གྲོས་གོམས་པའི་ཆ་རྐྱེན་དུ་ལེགས་བཤད་ཀྱི་སྤྲིན་ཕུང་ཅུང་ཟད་སྤྲོ་བར་བྱ་སྟེ། དེ་ཡང་དཔལ་ལྡན་གསང་བ་སྙིང་པོའི་རྒྱུད་འདི་ཉིད་པཎ་ཆེན་བི་མ་ལའི་རྗེས་སུ་འབྲང་ནས་འཆད་པ་ལ། རབ་ལ་མཚན་བསྟན་སོགས། ནས་ས་བཅད་བཞག །རྗེས་སུ་དེ་རིང་གི་ཆོས་མཚམས་ལེགས་ཚོགས་དེ་ཙམ་དུ་ཞུ་ཞིང་ཕྱི་ནས་བྱང་ཆུབ་སྙིང་པོའི་མཐའ་ཅན་དུ་བཤད་སྒྲུབ་ཆོས་ཀྱི་དགའ་སྟོན་ལྷན་གཅིག་ཏུ་སྐྱོང་བའི་རྟེན་འབྲེལ་ཀྱང་ཞུ་བ་ལགས། རྒྱལ་བ་ཀུན་གྱི་གསང་ཆེན་མཛོད། སོགས་དང་། ཐུན་བསྟན་མཛེས་པའི་རྒྱན་གཅིག་ཀློང་ཆེན་པ། །བཤད་སྒྲུབ་བསྟན་པའི་མངའ་བདག་འཇིགས་མེད་གླིང་། །མཚུངས་མེད་བླ་མའི་བསྟན་པ་སྲིད་མཐའི་བར། །བཤད་སྒྲུབ་ཐོས་བསམ་བསྒོམ་པས་འཛིན་གྱུར་ཅིག །