JKW-KABUM-23-'A-001-043

Previous Text Back to Volume PageNext Text

དཔལ་བདེ་བ་ཆེན་པོ་པདྨ་སཾ་བྷཱ་བ་ལ་རྩ་སྔགས་དང་སྦྱར་བའི་གསོལ་འདེབས་རྗེས་དྲན་གྱི་རྡོ་རྗེའི་གླུ་ཁ་སྦྱོར་ནཱ་དའི་དབྱངས་སྙན།

Wylie title	dpal bde ba chen po pad+ma saM b+hA ba la rtsa sngags dang sbyar ba'i gsol 'debs rjes dran gyi rdo rje'i glu kha sbyor nA da'i dbyangs snyan
Location	mkhyen brtse'i bka' 'bum Volume 23, sde tshan 1, Text 43, Pages 87-89 (Folios 44a1 to 45a2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. dpal bde ba chen po pad+ma saM b+hA ba la rtsa sngags dang sbyar ba'i gsol 'debs rjes dran gyi rdo rje'i glu kha sbyor nA da'i dbyangs snyan. In 'jam dbyangs mkhyen brtse'i dbang po'i bka' 'bum, Vol. 23: 87-89. Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu
Colophon	།ཞེས་དཔལ་བདེ་བ་ཆེན་པོ་པདྨ་སཾ་བྷ་ཝའི་རྩ་སྔགས་ཀྱི་ངེས་པ་ཁ་སྦྱོར་ཡན་ལག་བདུན་ལྡན་གྱི་བརྗོད་བྱ་དང་སྦྱར་བའི་གསོལ་འདེབས་འདི་ཡང་། མཚོ་སྐྱེས་བླ་མ་དགྱེས་པའི་འབངས་ཀྱིས་དབང་ཆེན་སྤྲེའུ་ཟླ་བའི་དཀར་ཕྱོགས་ཀྱི་ཚེས་བཅུའི་དུས་ཀྱི་མཆོད་པའི་སྐབས་ཤིག་ཏུ་བཛྲ་གཱི་རྟིའི་མཆོད་སྤྲིན་དུ་སྤྲོས་པའོ།
	zhes dpal bde ba chen po pad+ma saM b+ha wa'i rtsa sngags kyi nges pa kha sbyor yan lag bdun ldan gyi brjod bya dang sbyar ba'i gsol 'debs 'di yang /__mtsho skyes bla ma dgyes pa'i 'bangs kyis dbang chen spre'u zla ba'i dkar phyogs kyi tshes bcu'i dus kyi mchod pa'i skabs shig tu badz+ra gI rti'i mchod sprin du spros pa'o

Tibetan Text

Wylie

[edit]

དཔལ་བདེ་བ་ཆེན་པོ་པདྨ་སཾ་བྷཱ་བ་ལ་རྩ་སྔགས་དང་སྦྱར་བའི་གསོལ་འདེབས་རྗེས་དྲན་གྱི་རྡོ་རྗེའི་གླུ་ཁ་སྦྱོར་ནཱ་དའི་དབྱངས་སྙན་ཞེས་བྱ་བ། ཨ་ཧོ། ཨོཾ་གྱི་རང་གཟུགས་ལྔ་ལྡན་ཡེ་ཤེས་ཀྱི་སྒྱུ་འཕྲུལ། །ལོང༷ས་སྤྱོད༷་ཡོངས་རྫོག༷ས་འཁོར་ལོའི་དགའ་སྟོན་ལ་རོལ་པ། །རབ་འབྱམས་རྒྱལ་བའི་སྤྱི་དཔལ་ཟུང་འཇུག་གི་སྣང་བརྙན། །འཆི་མེད་སྐུ༷་ཡི་རྡོ༷་རྗེ༷་མཚོ་སྐྱེས་རྗེ་མཁྱེན་ནོ། །ཨཱཿཡིག་ཐབས་དང་ཤེས་རབ་སྲོག་རྩོལ་གྱི་རྒྱུ་བ། ཁ༷་སྦྱོར༷་ཨ་ཝ་དྷཱུ་ཏིའི་ཕྱག་རྒྱ་རུ་བསྡམས་པས། །མི་ཤིགས་ནཱ་དའི་སྒྲ་དབྱངས་མཁའ་ཁྱབ་ཏུ་འཆར་བའི། །འགགས་མེད་གསུང༷་གི༷་རྡོ༷་རྗེ༷་མཚོ་སྐྱེས་རྗེ་མཁྱེན་ནོ། །ཧཱུྃ་གི་ངོ་བོར་སོན་པའི་སྟོང་ཉིད་ཀྱི་གཤིས་ལུགས། །བདེ༷་ཆེན༷་ལྷན་ཅིག་སྐྱེས་པའི་ངལ་འཚོ་དང་སྦྱར་བས། ཁམས་གསུམ་རྟོག་པའི་འཇུག་ལྡང་ཆོས་དབྱིངས་སུ་སིམ་པའི། །ཟག་མེད་ཐུག༷ས་ཀྱི༷་རྡོ༷་རྗེ༷་མཚོ་སྐྱེས་རྗེ་མཁྱེན་ནོ། །བཛྲ་ལྟ་བུའི་རྒྱུན་མཐའི་ཏིང་འཛིན་ལ་བརྟེན་ནས། །ར༷ང་བཞིན་མེད་པའི་གནས་ལུགས་མངོན་སུམ་དུ་གཟིགས་པས། །ཟབ་ཞི་སྤྲོས་པ་བྲལ་བའི་འོད་གསལ་གྱི་ངོ་བོ། །དབྱེར་མེད་ཡེ༷་ཤེས༷་རྡོ༷་རྗེ༷་མཚོ་སྐྱེས་རྗེ་མཁྱེན་ནོ། །གུ་རུ་བླ་ན་མེད་པའི་ཐུགས་རྗེ་ཡི་ལང་ཚོ། །སྙིང༷་རྗེས༷་ཡོང༷ས་སུ་གང༷་བའི་འཇོ་སྒེག་དང་སྦྲགས་ནས། །འཁོར་བ་ཇི་སྲིད་གཞན་དོན་ལྷུན་གྲུབ་ཏུ་འབྱུང་བའི། །ཡོ༷ན་ཏ༷ན་ཕ་མཐའ་ཡས་པའི་མཚོ་སྐྱེས་རྗེ་མཁྱེན་ནོ། །པདྨ་སོ་སོར་རྟོགས་པའི་ཡེ་ཤེས་ཀྱི་རིག་གདངས། །རྒྱུན༷་མི༷་འཆད༷་པར་འགྲོ་བའི་སྣང་ངོ་རུ་འཆར་བས། །མཐོང་ཐོས་དྲན་པས་ཕན་བདེའི་དངོས་པོ་ཀུན་སྩོལ་བའི། །ཕྲིན༷་ལ༷ས་བསམ་གྱིས་མི་ཁྱབ་མཚོ་སྐྱེས་རྗེ་མཁྱེན་ནོ། །སིདྡྷི་རྣམ་གཉིས་གདུལ་བྱའི་བསམ་པ་དང་མཐུན་པར། །འགོག༷་པ༷་མེ༷ད་པར་འཇོ་བའི་ཡིད་བཞིན་གྱི་ནོར་བུ། །སྲིད་ཞིའི་མཐའ་ལ་མི་གནས་བསམ་བརྗོད་ལས་འདས་པའི། །དྲ༷ན་པས༷་སྙིང་གི་གདུང༷་སེལ༷་མཚོ༷་སྐྱེས་རྗེ་མཁྱེན་ནོ། །ཧཱུྃ་ཡིག་ཆ་ལྔས་མཚོན་པའི་རིགས་རྣམས་ཀྱི་ཁྱབ་བདག ཁ༷་སྦྱོར༷་བདུན༷་ལྡ༷ན་འབྱམས་ཀླས་དཀྱིལ་འཁོར་གྱི་གཙོ་མཆོག །དཀོན་མཆོག་རྩ་གསུམ་རྒྱ་མཚོའི་འཆར་གཞི་རུ་བཞུགས་པའི། །སྐྱབ༷ས་གན༷ས་ཀུན༷་འདུས༷་བླ་མ་མཚོ་སྐྱེས་རྗེ་མཁྱེན་ནོ། །ཨ་ཧོ་བཀའ་དྲིན་མཉམ་མེད་ཨོ༷་རྒྱན༷་གྱི་སློབ་དཔོན། །ཁྱོད་ཞབས་སྙིང་ནས་དྲན་པའི་སྨྲེ་སྔགས་ཀྱི་གདུང་བས། །ཡང་ཡང་གསོལ་བ་འདེབས་པའི་དད་ལྡན་གྱི་སློབ་བུར། །མངོན་སུམ་བྱིན་གྱིས་རློབས་ཤིག་མཚོ་སྐྱེས་ཀྱི་རྡོ་རྗེ། །དེ་སྐད་ཀུན་བཟང་པདྨ་ཐོད་ཕྲེང་གི་གསང་སྔགས། ཁ༷་སྦྱོར༷་རྡོ་རྗེ་ནཱ་ད༷འི་གླུ༷་དབྱང༷ས་ཀྱི༷་མཆོད་སྤྲིན། །མགྲིན་པ་ལོངས་སྤྱོད་འཁོར་ལོའི་དགའ་ཚལ་ནས་བླངས་པས། །དོན་གཉིས་ཡིད་བཞིན་འགྲུབ་པའི་དངོས་གྲུབ་ཞིག་ཞུའོ། །ཞེས་དཔལ་བདེ་བ་ཆེན་པོ་པདྨ་སཾ་བྷ་ཝའི་རྩ་སྔགས་ཀྱི་ངེས་པ་ཁ་སྦྱོར་ཡན་ལག་བདུན་ལྡན་གྱི་བརྗོད་བྱ་དང་སྦྱར་བའི་གསོལ་འདེབས་འདི་ཡང་། མཚོ་སྐྱེས་བླ་མ་དགྱེས་པའི་འབངས་ཀྱིས་དབང་ཆེན་སྤྲེའུ་ཟླ་བའི་དཀར་ཕྱོགས་ཀྱི་ཚེས་བཅུའི་དུས་ཀྱི་མཆོད་པའི་སྐབས་ཤིག་ཏུ་བཛྲ་གཱི་རྟིའི་མཆོད་སྤྲིན་དུ་སྤྲོས་པའོ། ། ༈

[edit]

pad+ma saM b+hA wa la rtsa sngags kyis bstod pa'i glu kha sbyor nA da'i dbyangs snyan/__ dpal bde ba chen po pad+ma saM b+hA ba la rtsa sngags dang sbyar ba'i gsol 'debs rjes dran gyi rdo rje'i glu kha sbyor nA da'i dbyangs snyan zhes bya ba/__a ho/__oM gyi rang gzugs lnga ldan ye shes kyi sgyu 'phrul/_/longaXs spyodaX yongs rdzogaXs 'khor lo'i dga' ston la rol pa/__/rab 'byams rgyal ba'i spyi dpal zung 'jug gi snang brnyan/__/'chi med skuX yi rdoX rjeX mtsho skyes rje mkhyen no/__/AHyig thabs dang shes rab srog rtsol gyi rgyu ba/__khaX sbyoraX a wa d+hU ti'i phyag rgya ru bsdams pas/__/mi shigs nA da'i sgra dbyangs mkha' khyab tu 'char ba'i/__/'gags med gsungaX giX rdoX rjeX mtsho skyes rje mkhyen no/__/hU~M gi ngo bor son pa'i stong nyid kyi gshis lugs/__/bdeX chenaX lhan cig skyes pa'i ngal 'tsho dang sbyar bas/__khams gsum rtog pa'i 'jug ldang chos dbyings su sim pa'i/__/zag med thugaXs kyiX rdoX rjeX mtsho skyes rje mkhyen no/__/badz+ra lta bu'i rgyun mtha'i ting 'dzin la brten nas/__/raXng bzhin med pa'i gnas lugs mngon sum du gzigs pas/__/zab zhi spros pa bral ba'i 'od gsal gyi ngo bo/__/dbyer med yeX shesaX rdoX rjeX mtsho skyes rje mkhyen no/__/gu ru bla na med pa'i thugs rje yi lang tsho/__/snyingaX rjesaX yongaXs su gangaX ba'i 'jo sgeg dang sbrags nas/__/'khor ba ji srid gzhan don lhun grub tu 'byung ba'i/__/yoXn taXn pha mtha' yas pa'i mtsho skyes rje mkhyen no/__/pad+ma so sor rtogs pa'i ye shes kyi rig gdangs/__/rgyunaX miX 'chadaX par 'gro ba'i snang ngo ru 'char bas/__/mthong thos dran pas phan bde'i dngos po kun stsol ba'i/__/phrinaX laXs bsam gyis mi khyab mtsho skyes rje mkhyen no/__/sid+d+hi rnam gnyis gdul bya'i bsam pa dang mthun par/__/'gogaX paX meXd par 'jo ba'i yid bzhin gyi nor bu/__/srid zhi'i mtha' la mi gnas bsam brjod las 'das pa'i/__/draXn pasaX snying gi gdungaX selaX mtshoX skyes rje mkhyen no/__/hU~M yig cha lngas mtshon pa'i rigs rnams kyi khyab bdag__khaX sbyoraX bdunaX ldaXn 'byams klas dkyil 'khor gyi gtso mchog__/dkon mchog rtsa gsum rgya mtsho'i 'char gzhi ru bzhugs pa'i/__/skyabaXs gnaXs kunaX 'dusaX bla ma mtsho skyes rje mkhyen no/__/a ho bka' drin mnyam med oX rgyanaX gyi slob dpon/__/khyod zhabs snying nas dran pa'i smre sngags kyi gdung bas/__/yang yang gsol ba 'debs pa'i dad ldan gyi slob bur/__/mngon sum byin gyis rlobs shig mtsho skyes kyi rdo rje/__/de skad kun bzang pad+ma thod phreng gi gsang sngags/__khaX sbyoraX rdo rje nA daX'i gluX dbyangaXs kyiX mchod sprin/__/mgrin pa longs spyod 'khor lo'i dga' tshal nas blangs pas/__/don gnyis yid bzhin 'grub pa'i dngos grub zhig zhu'o/__/zhes dpal bde ba chen po pad+ma saM b+ha wa'i rtsa sngags kyi nges pa kha sbyor yan lag bdun ldan gyi brjod bya dang sbyar ba'i gsol 'debs 'di yang /__mtsho skyes bla ma dgyes pa'i 'bangs kyis dbang chen spre'u zla ba'i dkar phyogs kyi tshes bcu'i dus kyi mchod pa'i skabs shig tu badz+ra gI rti'i mchod sprin du spros pa'o/___/__!