JKW-KABUM-22-ZA-012-067-wylie
rdo rje'i thol glu yo ga gsum gyi rgyan/__ rdo rje'i thol glu yo ga gsum gyi rgyan ces bya ba/__a ho/__chos dang chos can spros pa'i 'ching ba kun ma lus/__/nang gsal gzhon nu bum sku'i ngang gdangs su thim pas/__/sku gsum 'char gzhi skye 'gags gnas gsum dang bral ba'i/__/gdod nas rang rtsal rdzogs pa'i bla ma de mkhyen no/__/ngo bo gnas lugs ma bcos sgom med kyi lta ba/__/rang bzhin gang shar rang grol bden gnyis de dbyer med/__/thugs rje 'jug pa'i yul kun snang stong dang zung 'jug__/gnyug ma'i ye shes rang zhal lta ba 'di a ho/__/gdan gsum dbyer med snang stong sgyu 'phrul gyi drwa ba/__/rang lus rdo rje phung po'i grong khyer du rdzogs pas/__/bskyed rim zab mo'i dkyil 'khor gsum ldan gyi ngo bo/__/ye nas rang la rdzogs pa'i nyams len 'di a ho/__/bde stong zung 'jug ye shes drwa ba yi ngang du/__/bkod pa rtsa dang g.yo ba rlung gi de dkyil 'khor/__/thig le bdud rtsi'i 'bros 'ded bar med du sbyar bas/__/rdo rje gsum dngos rang la rdzogs pa 'di a ho/__/de skad snang srid phyi nang gzhan gsum gyi chos kun/__/rang rig bde gshegs snying po'i ngo bo ru rdzogs pas/__/bden gnyis khas len bral ba'i bskyed rdzogs kyi nyams len/__/mgrin pa rdo rje'i thol glu'i dkor mdzod nas blangs so/__/de yi dge bas ma rtogs 'gro ba yi khams kun/__/brjod bral ka nas dag pa'i ye shes su grol te/__/sku gsum dbyer med bde chen ngo bo yi nyid skur/__/gdod ma'i gtan srid zin pa'i smon lam zhig zhu'o/___/__!_
