JKW-KABUM-22-ZA-012-035-wylie
yon tan bdud rtsi'i dkyil 'khor du rtogs pa brjod pa'i rdo rje'i thol glu bde chen grub pa'i zhal lung /__ yon tan bdud rtsi'i dkyil 'khor du rtogs pa brjod pa'i rdo rje'i thol glu bde chen grub pa'i zhal lung ces bya ba/__a ho/__mi 'gyur mkha' ltar dag pa'i 'od gsal gyi rang mdangs/__/'gags med sku dang ye shes phrin las su shar bas/__/thams cad lhan skyes grub pa'i thig le ru sbyor ba'i/__/yon tan bdud rtsi'i dkyil 'khor 'khor lo la btud nas/__/rgyu lam 'bras bu'i rnal 'byor glu dbyangs su len no/__/bdud rtsi mchog gi lung bam po brgyad par/__/sgrub dang bsgrub par bya ba dang /__/'bras bu thob par bya ba'i phyir/__/gsang sngags gsang ba'i man ngag 'di/__/bdud rtsi dam pa mchog gi lung /__zhes dang /__lta ba dang ni spyod pa dang /__/dam tshig sgrub pa phrin las dang /__/nges bar sgrub pa bsgrub bya'i phyir/__/zab mo bsdus pa'i lung 'di gsungs/__/zhes pa dang 'brel lo/__/skye med spros pa kun bral chos nyid kyi bdud rtsi/__snga mar/__chos bdud rtsi chen po'i don 'di yang /__/ma skyes ma 'gags mi rtog pas/__mtshan ma dang /__mtshan ma med pa dang /__mi gnas pa thams cad la khyab ste gnas so/__/zhes dang /__bdud rtsi chen po'i rang bzhin ni/__/kha dog dbyibs dang mtshan ma med/__/'gogs pa med cing dbye ba'ang med/__/rtsa ba med cing bstan pa'ang med/__/bdud rtsi che la brjod pa'ang med/__/nyon mong dug dang bdud bzhi bcom/__/dri med dag pa'i byang chub sems/__/nges don de la 'dud par byos/__/zhes dang /__snang srid ye nas bdud rtsi lnga/__/ma bcos ma bslad de bzhin gshegs/__/zhes sogs gsungs shing /__gzhan yang chos don rtags kyi bdud rtsi la sbyar tshul sogs zhib par dbye ru yod do/__/'khor 'das yongs su khyab pa'i rang bzhin la bltas pas/__/snang srid gdod nas byang chub 'pho med kyi drwa bar/__/glo bur 'khrul pa'i bdud bzhi 'ching ba 'di a ho/__/lhun grub rdo rje phung po'i rang byung gi bdud rtsi/__/ye nas rigs mchog rnam lnga'i dam rdzas su rdzogs shing /__snga bam las/__byang chub sems ni dkar bas na/__/dri med dag pa ye shes sku/__/zhes sogs nas/__sku lnga lhun grub bdud rtsi 'di/__/so so'i lus la gnas pa yin/__/ces pa'i bar gyis bstan/__rtsa ba yan lag stong de nyid las/__rtsa ba sdong bu yal ga dang /__/lo ma 'dab ma me tog dang /__/shun lpags 'bras bu snying por bcas/__/ro dang mthu dang kha dog las/__/rtsa ba gcig la yan lag brgyad/__/yan lag brgyad las yon tan stong /__/zhes so/__/sbyar sman mchog dang sbyar bas/__/skal bzang smin cing sbyong ba'i nye rgyu 'di a ho/__/tha mal mtshan ma'i rtog tshogs bdud rtsi ru sbar ba'i/__de las/__rgyu dang dam rdzas thams cad ni/_/sangs rgyas sgrub pa'i rgyu dang gzhi/__/dam tshig dam par srung ba'i rdzas/__/byin gyis brlab par bya ba'o/__/bsnyen sgrub yan lag bzhi yi grong khyer gyi dbus na/__/rmad byung ta na ga na'i brtul zhugs la spyod pa'i/__/gsang sngags thabs kyi snga mar/__ri ni nyams dga' mdangs bzang ba/__/yid 'ong gnas su 'dug nas ni/__/byin rlabs mtshams bcad brtag byas la/__/dkyil 'khor 'dom gang gru bzhi pa/__/dri sna lnga yi maN+Dal bya/__sogs kyis rgyas par bstan/__lam mchog zab mo 'di a ho/__/gnas skabs rnam par gyur pa'i gdung ba kun zhi zhing /__/bde stong khams kyi 'du ba dbu ma ru rgyas te/__sgyu 'phrul drwa ba las/__'thung na ngan song sgrib pa byang /__/rtag brtan dngos grub mchog kyang 'grub/__/bzhi brgya rtsa bzhi'i nad sel zhing /__/lha la rtag tu mchod byas na/__/bdag dang gnyis su med par 'gyur/__/mi mthun phyogs la gtor byas na/__/drag po gtum po'ang lhan ner 'gyur/__/gzhan yang dngos grub thams cad ni/__/ji ltar dmigs pa bzhin du 'grub/__ces so/__/snying po bde bam brgyad las/__skye med ye shes yum gyi dbyings/__/gnyis med bdud rtsi chen po ste/__/yab yum bde ba'i ngang du gsal/__/'di ni snying po byang chub sems/__/bde gshegs kun gyis bka' stsal to/__/zhes so/__/ba chen po'i phyag rgya la sbyar bas/__/gzung 'dzin dbyings su sgrol ba'i dngos grub 'di a ho/__snga mar/__ye nas rgyu nyid dag pa la/__/nga dang bdag tu 'dzin pa yis/__/khams gsum 'khor ba'i rgyu ru 'gyur/__/khams gsum de dag bsgral ba'i zhing /__zhes sogs rgyas par bstan to/__/mthar thug phung po'i zag zad 'chi med kyi lang tshos/__/mkha' spyod rig pa 'dzin ba'i go 'phang la brten nas/__de nyid las/__zag pa zad pas nam mkhar 'phur/__/rdo rje'i 'gros kyi nam mkhar 'gro/__/mkha' spyod go 'phang 'dis thob bo/__/zhes so/__/sku gsum dbyer mi phyed pa'i ye shes kyi dbyings su/__/sgrib gnyis rgyu bcas dag pa'i 'bras bu 'di a ho/__/de skad rang byung ye shes snga mar/__nam mkha'i mtshan nyid sangs rgyas te/__/mtshan nyid med pas nam mkha' 'dra/__/bya ba med pas grol ba ste/__/bdud rtsi mchog la phyag 'tshal lo/__/zhes sogs kyis bstan/__a mr-i ta'i phung po/__/dkyil 'khor drug dang sbyor ba brgyad ldan du shar ba'i/__/rtogs pa brjod pa'i rdo rje'i thol glu 'di blangs pas/__/gnyis snang rang sar grol ba'i smon lam zhig zhu'o/__/zhes pa'ang yon tan dben gnas bsam 'grub shel gyi brag phug tu chu stod zla ba'i dkar phyogs kyi tshes bcur che mchog bdud rtsi'i dkyil 'khor chen por 'jug pa'i skabs gang shar rdo rje'i glur blangs pa'i rtogs pa'o//__//___!_
