འཆི་བ་བསླུ་བའི་གདམས་པ་ཆུ་སྦྱིན་སྟོང་ཟློག་གི་མན་ངག་བཀླག་ཆོག་ཏུ་བཀོད་པ།

🚧 This website is under continued development. We appreciate your patience!

First text in section. Back to Volume PageNext Text

Wylie title	'chi ba bslu ba'i gdams pa chu sbyin stong zlog gi man ngag bklag chog tu bkod pa
Location	mkhyen brtse'i bka' 'bum Volume 21, sde tshan 14, Text 1, Pages 455-459 (Folios 1a to 3a5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. 'chi ba bslu ba'i gdams pa chu sbyin stong zlog gi man ngag bklag chog tu bkod pa. In 'jam dbyangs mkhyen brtse'i dbang po'i bka' 'bum, Vol. 21: 455-459. Khams sde dge rdzong sar dgon: Rdzong sar blo gros phun tshogs, 2020.
Genre	Ransom Rites to Extend Lifespan - 'chi bslu

1 Texts in this Section (sde tshan or chos tshan)

1 455-459	འཆི་བ་བསླུ་བའི་གདམས་པ་ཆུ་སྦྱིན་སྟོང་ཟློག་གི་མན་ངག་བཀླག་ཆོག་ཏུ་བཀོད་པ། 'chi ba bslu ba'i gdams pa chu sbyin stong zlog gi man ngag bklag chog tu bkod pa Ransom Rites to Extend Lifespan - 'chi bslu	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །འཆི་བ་བསླུ་བའི་གདམས་པ་ཆུ་སྦྱིན་སྟོང་ཟློག་གི་མན་ངག་བཀླག་ཆོག་ཏུ་བཀོད་པ་བཞུགས་སོ།། །། འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ནད་པ་སོགས་ཀྱི་ལན་ཆགས་བསལ་བའི་ཕྱིར་ཆུ་སྦྱིན་སྟོང་ཟློག་བྱ་བར་འདོད་པས། ཐོ་རངས་མི་ཁྱི་མ་ལངས་བར། བནྡྷེ་གཉིས་ཁ་ལག་བཀྲུས་ལ། ཆུ་མིག་ཏུ་ཕྱིན་ནས་ཆབ་བླངས་ཏེ་མདུན་གྱི་ནམ་མཁར་སྐྱབས་ཡུལ་རྣམས་མངོན་སུམ་ལྟ་བུར་བཞུགས་པའི་མོས་པས། སངས་རྒྱས་ཆོས་དང་ཚོགས་ཀྱི་སོགས་ཀྱི་སྐྱབས་སེམས་ལན་གསུམ་དང་། ཇི་སྙེད་སུ་དག་སོགས་ཡན་ལག་བདུན་པ་བྱ། དེ་ནས་གཅིག་གིས་སྣོད་གཙང་མར་ཆུ་བླངས་ལ། རང་ཉིད་སྐད་ཅིག་གིས་འཕགས་པ་སྤྱན་རས་གཟིགས་དབང་ཕྱུག་སྐུ་མདོག་དཀར་གསལ་ཞི་ཞིང་འཛུམ་པའི་ཉམས་ཅན་གཡས་མཆོག་སྦྱིན་གཡོན་པདྨ་དཀར་པོའི་སྡོང་བུ་འཛིན་པ་དར་དང་རིན་པོ་ཆེའི་རྒྱན་ཅན་མཚན་དཔེའི་གཟི་བྱིན་མཆོག་ཏུ་འབར་བའི་སྐུར་གྱུར་པར་བསམས་ལ། ཨོཾ་མ་ཎི་པདྨེ་ཧཱུྃ། ཞེས་ཅི་ནུས་བཟླས་རྗེས། མདུན་དུ་ཡི་དྭགས་ཀྱི་རྒྱལ་མོ་ཁོ་ཤོག་མ་བྱ་བ། ལུས་ཤིན་ཏུ་ཆེ་ལ་རིད་པ། སྐོམ་ལ་ཡངས་པ། ཤིང་བལ་ལྟར་བསུད་པ། སྐེ་དང་རྐང་ལག་ཕྲ་བ། དེ་ལྟ་བུ་གཅིག་ལ་འཁོར་དེ་འདྲ་བ་མང་པོས་བསྐོར་བར་གྱུར་པར་དམིགས་ཏེ། ཆུའི་དངོས་པོ་ནི་སེར་སྣ་མེད་པར་སྔོ་སྐྱ་ཆིལ་བར་འབབས་པ་དེ་ཉིད་ཁོང་རྣམས་ཀྱིས་འཐུངས་པས། སྔར་བྱས་པའི་ཕྱི་ནང་གི་སྒྲིབ་པ་བྱང་ནས་བདེ་བ་དང་ལྡན་པར་བསམས་ལ། ཨོཾ་ཛ་ལ་མི་དི་སརྦ་པྲེ་ཏེ་བྷྱཿསྭཱ་ཧཱ། ཞེས་པའི་སྔགས་ཚར་རེ་དང་། ལག་གཡས་ཀྱི་ཆུ་ཐིག་རེ་སྦྲེང་བ། གཡོན་གྱིས་སེ་གོལ་རེ་གདབ་པ་རྣམས་སྦྲགས་ལ་བྱ། སྔགས་ཚར་བརྒྱ་རྩ་རེའི་མཇུག །འཇུར་གེགས་མ་ལ་སོགས་པ་ཡི། །ཡི་དྭགས་ཚོགས་རྣམས་ཐམས་ཅད་ཀུན། །བཀྲེས་སྐོམ་སྡུག་བསྔལ་ཀུན་ཞི་ནས། །བདེ་བའི་མཆོག་དང་ལྡན་གྱུར་ཅིག །ཅེས་པ་ལ་སོགས་པའི་སྨོན་ལམ་ལན་རེ་བཏབ། གཅིག་གིས་དེའི་བར་ལ་ཟབ་མདོ་ཚར་གཅིག་དང་། སྙིང་པོ་ཅི་ནུས་སུ་བགྲངས་ལ། ཆུ་སྦྱིན་བརྒྱ་རྩ་རེ་སོང་མཚམས་ཐལ་བརྡབ་རེ་བྱ། ཆུ་སྦྱིན་སྟོང་རྩ་གྲུབ་རྗེས་གཉིས་ཀས་ཟབ་མདོ་ཚར་གསུམ་འདོན་ལ་ཐལ་མོ་བརྡབས། བཀྲ་ཤིས་དང་བསྔོ་སྨོན་རྒྱས་པར་བྱ། ཚུར་ལོག་དུས་སྲུང་འཁོར་བསྒོམ་ཞིང་ཕྱིར་ལམ་བཅད་ནས་ཕྱི་མིག་མི་བལྟ་བ་གལ་ཆེ། ཆོ་ག་བྱ་བའི་བར་ལ་གཞན་དང་ངག་མི་བསྲེ་བར་བྱའོ། །དེ་ལྟར་བགྱིས་པས་ལན་ཆགས་དང་བུ་ལོན་བྱང་ཞིང་། འཆི་བ་བསླུ། ཆགས་ཆེ། ཉམས་ང་། རྦོད་གཏོང་། མཚན་ངན། རྨི་ལམ་ངན་པ་སོགས་བཟློག་པའི་ཐབས་མཆོག་ཏུ་གྱུར་པའོ། །བཀའ་བརྒྱད་གསང་རྫོགས་ཀྱི་ཆ་ལག་ཆུ་སྦྱིན་སྟོང་ཟློག་གི་མན་ངག་སྙིང་པོར་དྲིལ་ནས་བཀླག་ཆོག་ཏུ་བཀོད་པ་ཨྠིྀ། །འཆི་བསླུ་ཤིན་ཏུ་བསྡུས་པ་བཞུགས་སོ། །ན་མོ་གུ་ར་བེ། བསྒྲུབ་བྱའི་ཁ་སྣའི་ཆུ་དག་དང་། །མིག་རྣག་དྲི་ཆེན་དྲི་ཆུ་དང་། །སྐྲ་སེན་ལུས་བཀྲུས་ཁུ་བ་དང་། །འབྲུ་སྣའི་ངར་ཕྱེ་སྦྲུས་པ་ལ། །མི་གཟུགས་དཀར་སེར་དམར་ལྗང་དང་། །ཁྲ་བོ་གཅིག་ཏེ་ལྔ་བཟོས་ལ། །དར་སྣ་བལ་ཚོན་སྒྲོ་སྣ་གཟུགས། །ཆང་བུ་བསྒྲུབ་བྱའི་ལོ་གྲངས་བཅས། །སྣོད་གཙང་འབྲུ་སྣས་བཀང་ཁར་བཞག །བསྒྲུབ་བྱའི་གོས་དུམ་རེ་རེ་བཀོན། །སྐྱབས་སེམས་ཚད་མེད་སྔོན་སོང་བས། །རང་ཉིད་འོད་ཟེར་ཅན་མ་བསྒོམ། །གཏོར་མ་སྔགས་དྲུག་ཕྱག་དྲུག་གིས། །བྱིན་གྱིས་བརླབས་ནས་བསྔོ་བ་ནི། །འཆི་བདག་གཤིན་རྗེའི་རྒྱལ་པོ་དང་། །སྟེང་གདོན་འོག་གདོན་བར་གདོན་དང་། །ཕོ་འདྲེ་མོ་འདྲེ་མ་ནིང་གདོན། །དྲེགས་པ་སྡེ་བརྒྱད་འཁོར་དང་བཅས། །བདག་ལས་ལྷག་པའི་གཏོར་གླུད་འདི། །ཁྱེར་ཅིག་ཁྱེར་ཅིག་སྟོབས་ལྡན་རྣམས། །འདོད་སྲེད་ཆགས་དང་ཞེན་པ་ཡིས། །དྲན་དང་མཐོང་རེག་བཟུང་བ་ཀུན། །བསྡུས་ཤིག་ཀློད་ཅིག་ད་ཁྲོལ་ཅིག །སྔོན་གྱི་ལན་ཆགས་ཤ་འཁོན་དང་། །བུ་ལོན་འཕྲལ་གྱི་རྐྱེན་ལ་སོགས། །གང་ཡིན་མ་ལུས་འཁོར་བར་མཛོད། །བདག་གི་བསམ་པའི་སྟོབས་དག་དང་། །དེ་བཞིན་གཤེགས་པའི་སྦྱིན་སྟོབས་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །འབྱུང་པོ་མ་ལུས་ཚིམ་གྱུར་ཅིག །ཅེས་བརྗོད་ཕྱི་མིག་མི་བལྟ་བར། །ཆུ་བོ་ཆེན་པོའི་གཞུང་ལ་བསྐྱལ། །འཆི་ལྟས་བྱུང་ཚེ་ལོ་ཟླ་གཉིས། །ཟད་པའི་མཚམས་སུ་བྱས་པས་བཟློག །སློབ་དཔོན་པདྨས་མཛད་པའི་འཆི་བསླུ་བསྡུས་པའི་རིམ་པ་བྱིན་རླབས་ཅན་ནོ། །ལོ་ཆེན་རཏྣ་བྷ་དྲའི་ཕྱག་ལེན་རྗེ་བཙུན་དམ་པའི་ཕྱག་དཔེ་ལས་བཤུས། ། ༈

[edit]

'chi ba bslu ba'i gdams pa chu sbyin stong zlog gi man ngag bklag chog tu bkod pa/ @#/__/'chi ba bslu ba'i gdams pa chu sbyin stong zlog gi man ngag bklag chog tu bkod pa bzhugs so//__// 'phags pa spyan ras gzigs dbang phyug la phyag 'tshal lo/__/nad pa sogs kyi lan chags bsal ba'i phyir chu sbyin stong zlog bya bar 'dod pas/__tho rangs mi khyi ma langs bar/__ban+d+he gnyis kha lag bkrus la/__chu mig tu phyin nas chab blangs te mdun gyi nam mkhar skyabs yul rnams mngon sum lta bur bzhugs pa'i mos pas/__sangs rgyas chos dang tshogs kyi sogs kyi skyabs sems lan gsum dang /__ji snyed su dag sogs yan lag bdun pa bya/__de nas gcig gis snod gtsang mar chu blangs la/__rang nyid skad cig gis 'phags pa spyan ras gzigs dbang phyug sku mdog dkar gsal zhi zhing 'dzum pa'i nyams can g.yas mchog sbyin g.yon pad+ma dkar po'i sdong bu 'dzin pa dar dang rin po che'i rgyan can mtshan dpe'i gzi byin mchog tu 'bar ba'i skur gyur par bsams la/__oM ma Ni pad+me hU~M/__zhes ci nus bzlas rjes/__mdun du yi dwags kyi rgyal mo kho shog ma bya ba/__lus shin tu che la rid pa/__skom la yangs pa/__shing bal ltar bsud pa/__ske dang rkang lag phra ba/__de lta bu gcig la 'khor de 'dra ba mang pos bskor bar gyur par dmigs te/__chu'i dngos po ni ser sna med par sngo skya chil bar 'babs pa de nyid khong rnams kyis 'thungs pas/__sngar byas pa'i phyi nang gi sgrib pa byang nas bde ba dang ldan par bsams la/__oM dza la mi di sarba pre te b+h+yaHswA hA/__zhes pa'i sngags tshar re dang /__lag g.yas kyi chu thig re sbreng ba/__g.yon gyis se gol re gdab pa rnams sbrags la bya/__sngags tshar brgya rtsa re'i mjug___/'jur gegs ma la sogs pa yi/__/yi dwags tshogs rnams thams cad kun/__/bkres skom sdug bsngal kun zhi nas/__/bde ba'i mchog dang ldan gyur cig__/ces pa la sogs pa'i smon lam lan re btab/__gcig gis de'i bar la zab mdo tshar gcig dang /__snying po ci nus su bgrangs la/__chu sbyin brgya rtsa re song mtshams thal brdab re bya/__chu sbyin stong rtsa grub rjes gnyis kas zab mdo tshar gsum 'don la thal mo brdabs/__bkra shis dang bsngo smon rgyas par bya/__tshur log dus srung 'khor bsgom zhing phyir lam bcad nas phyi mig mi blta ba gal che/__cho ga bya ba'i bar la gzhan dang ngag mi bsre bar bya'o/__/de ltar bgyis pas lan chags dang bu lon byang zhing /__'chi ba bslu/__chags che/__nyams nga /__rbod gtong /__mtshan ngan/__rmi lam ngan pa sogs bzlog pa'i thabs mchog tu gyur pa'o/__/bka' brgyad gsang rdzogs kyi cha lag chu sbyin stong zlog gi man ngag snying por dril nas bklag chog tu bkod pa a+thi+-i/__/'chi bslu shin tu bsdus pa bzhugs so/__/na mo gu ra be/__bsgrub bya'i kha sna'i chu dag dang /__/mig rnag dri chen dri chu dang /__/skra sen lus bkrus khu ba dang /__/'bru sna'i ngar phye sbrus pa la/__/mi gzugs dkar ser dmar ljang dang /__/khra bo gcig te lnga bzos la/__/dar sna bal tshon sgro sna gzugs/__/chang bu bsgrub bya'i lo grangs bcas/__/snod gtsang 'bru snas bkang khar bzhag__/bsgrub bya'i gos dum re re bkon/__/skyabs sems tshad med sngon song bas/__/rang nyid 'od zer can ma bsgom/__/gtor ma sngags drug phyag drug gis/__/byin gyis brlabs nas bsngo ba ni/__/'chi bdag gshin rje'i rgyal po dang /__/steng gdon 'og gdon bar gdon dang /__/pho 'dre mo 'dre ma ning gdon/__/dregs pa sde brgyad 'khor dang bcas/__/bdag las lhag pa'i gtor glud 'di/__/khyer cig khyer cig stobs ldan rnams/__/'dod sred chags dang zhen pa yis/__/dran dang mthong reg bzung ba kun/__/bsdus shig klod cig da khrol cig__/sngon gyi lan chags sha 'khon dang /__/bu lon 'phral gyi rkyen la sogs/__/gang yin ma lus 'khor bar mdzod/__/bdag gi bsam pa'i stobs dag dang /__/de bzhin gshegs pa'i sbyin stobs dang /__/chos kyi dbyings kyi stobs rnams kyis/__/'byung po ma lus tshim gyur cig__/ces brjod phyi mig mi blta bar/__/chu bo chen po'i gzhung la bskyal/__/'chi ltas byung tshe lo zla gnyis/__/zad pa'i mtshams su byas pas bzlog__/slob dpon pad+mas mdzad pa'i 'chi bslu bsdus pa'i rim pa byin rlabs can no/__/lo chen rat+na b+ha dra'i phyag len rje btsun dam pa'i phyag dpe las bshus/___/___!_