བུམ་རྫས་སྐོར་སོགས་ལ།

🚧 This website is under continued development. We appreciate your patience!

Previous Text Back to Volume PageNext Text

Wylie title	bum rdzas skor sogs la
Location	mkhyen brtse'i bka' 'bum Volume 21, sde tshan 2, Text 57, Pages 280-283 (Folios 81b1 to 83a4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. bum rdzas skor sogs la. In 'jam dbyangs mkhyen brtse'i dbang po'i bka' 'bum, Vol. 21: 280-283. Khams sde dge rdzong sar dgon: Rdzong sar blo gros phun tshogs, 2020.
Genre	Ritual Substances - rdzas

1 Texts in this Section (sde tshan or chos tshan)

57 280-283	བུམ་རྫས་སྐོར་སོགས་ལ། bum rdzas skor sogs la Ritual Substances - rdzas	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

དུས་འཁོར་བུམ་རྫས་སྨན། ཀཎྜ་ཀ་རི། ཤིང་མངར། རྩྭ་རྨ་བྱའི་གཙུག་ཕུད། སླེ་ཏྲེས། ར་མོ་ཤག་སྟེ་ལྔ། ། ༈ དྲི། གླ་རྩི། ཛྭ་ཏི། གུར་གུམ། ཤུ་དག་དཀར་པོ། རུ་རྟ་སྟེ་ལྔ། ། ༈ འབྲུ། གྲོ། ཏིལ་དཀར་པོ། ཁྲེ། སྲན་མ་མ་ཥཱ། བོད་སྲན་ཏེ་ལྔ། ། ༈ རིན་པོ་ཆེ། ཤེལ། དཀར་ཕྲ་མེན། བྱེ་རུ། མུ་ཏིག །ཤུ་ལ་མ་ཎི་ཞེས་གཡུ་སྟེ་ལྔ། ། ༈ ལྕགས། རྡོ་ཁབ་ལེན། ལྕགས་ཁབ་ལེན། དངུལ། གསེར། རང་བྱུང་ཟངས་ཏེ་ལྔ། ལྔ་ཚན་རེ་རེ་བཞིན་སྔ་མ་སྔ་མ་ལས་ཕྱི་མ་ཕྱི་མ་ཆ་རེ་བསྐྱེད་པར་གསུངས་པ་ལྟར་སྦྱར་བ་སྟེ། དེའང་དྲི་ལྔའི་གྲས་སུ་གླ་རྩི་ཞོ་གང་། རིན་པོ་ཆེའི་གྲས་སུ་ཕྲ་མེན་ཞེས་གཟིའམ་མ་ན་ཧོ་གང་རིགས་ཞོ་བཞི། ལྕགས་ལྔའི་གྲས་སུ། དངུལ་རྡོ་སྲང་དོ། གསེར་རྡོ་སྲང་གསུམ་དྲགས། རང་བྱུང་ཟངས་དང་ཟངས་རྡོ་སྲང་དོ་རྣམས་བསྲེ། རིན་པོ་ཆེ་དང་ལྕགས་ལྔ་དུག་འདོན་ལེགས་པོ་བྱེད། སླར་སོ་སོར་ཐང་ལྟར་ཁྲོལ་ཙམ་བརྡུང་ནས་སྒྲུབ་མཆོད་སོགས་ཀྱི་སྐབས་རས་ཀྱི་ནང་དུ་ཐུམ་པོ་བྱས་ཏེ་དུང་ཆོས་ཀྱི་ནང་དུ་བཅུག་པར་གསུངས་པ་ལས་རིལ་བུར་དྲིལ་བ་སོགས་མི་མཛད་དོ། ། ༈ ཨོཾ་སྭ་སྟི། བུམ་རྫས་སྐབས་སུ་ཉེར་མཁོའི་དྲིའི་ཆུ་ནི། རྡོ་རྗེ་སྙིང་རྒྱན་ལས། ཙནྡན་༡དང་ནི་རྒྱ་སྤོས་༢དང་། ག་བུར་༣དེ་བཞིན་གུར་གུམ་༤དང་། ཨ་ག་༥རུ་དང་ལྷ་ཡི་ཤིང་༦། ཙནྡན་༧དམར་པོ་ཉིད་དང་ནི། ཞེས་རྫས་བདུན་སྦྱར་བའོ། །ཞི་བའི་མཆོད་ཡོན་ལ། ནས་དཀར། འོ་མ། མེ་ཏོག་དཀར་པོ། ཀུ་ཤ །ཏིལ་དཀར། འབྲས་ཡོས། བདུད་རྩིར་བཅས་པའི་དྲི་དཀར་པོའི་ཆུ་སྟེ་རྫས་བདུན་ནོ། །རྒྱས་པར། ཏིལ། ཀུ་ཤ །མེ་ཏོག་སེར་པོ། དྲི་སེར་པོའི་ཆུ་སྟེ་བཞིའོ། །ཞབས་བསིལ་ལ་འདག་ཆལ་ལྔའོ། །སྤོས་སྦྱོར། ཤིང་ཚྭ་ཆུ། སྤོས་དཀར་ཐལ། ལི་ཤི་རྡོར། སྤང་སྤོས་ཚྭའི་ཚུལ་ཏེ་བཞི་སྦྱོར་རོ། །དྲི་ཆབ་ལ། སུག་སྨེལ། ཤིང་ཚྭ། སྤང་སྤོས། བཱ་ལེ་ཀ །ཙནྡན་རྣམས་ཞོ་གཉིས་རེ་ཐུམ་བུར་བཅིངས། ཆུ་གཙང་བྲེ་བརྒྱད་ལ་བཅུག་སྟེ་བཞི་གསུམ་གྱི་བར་དུ་བསྐོལ་བའི་ལྷག་མ་དྲིའི་ཆུར་འགྱུར་བར་དུས་འཁོར་ལས་གསུངས་པ་ལྟར་རམ། ཐུན་མོང་དུ་དྲི་ལྔ་སྦྱར་བའོ། །རབ་གནས་སྐབས་བཀྲུ་བའི་རྫས་འདག་ཆལ་ལ། དཀྱིལ་ཆོག་རྡོར་ཕྲེང་ལས། ཞོ། འོ་མ། མར། སྦྲང་། བྱེ་མ་ཀ་ར་སྟེ། ཕྱིའི་བདུད་རྩི་ལྔ། འོ་མ། ཞོ། མར། ལྕི་བ། ཆུ་སྟེ་བ་ལས་བྱུང་བ་ལྔ། ནྱ་གྲོ་དྷ། ཨུ་དུམྦཱ་ར། པླཀྵ། བི་སྦ་ལྱ། གནྡྷ་མུཎྜ་སྟེ་འོ་མ་ཅན་གྱི་ཤིང་ཤུན་ལྔ། དྲི་ལྔ། སྐྱུ་རུ་ར། ཡུང་བ་རྣམས་ཀྱི་ཕྱེ་མས་རིམ་པར་བྱུགས་ཤིང་བཀྲུ་བར་གསུང་ལ། དེ་ཙམ་མ་ལྕོགས་ན། སློབ་དཔོན་ཀུན་དགའ་སྙིང་པོས། སུག་པ་དང་ནི་སྲན་ཕྱེ་དང་། །ཀུ་ཤ་བ་ཡི་རྣམ་ལྔ་དང་། །དེ་ལྟར་སོ་ཕག་ལ་སོགས་པས། །ཁྲུས་ནི་བྱ་བར་གསུངས་པ་སྟེ། །ཞེས་སོ། །བྱུགས་པའི་རྫས་དྲི་བཟང་ལ། ཙནྡན་དཀར་དམར། གུར་གུམ། གྲུནྠི་ཀ ཨ་ག་རུ་རྣམས་སམ། གུར་གུམ། ཨ་ག་རུ། གླ་རྩི། ག་བུར་སོགས་དྲིའི་རྫས་ཇི་ལྟར་རྙེད་པ་སྦྱར་བར་གསུངས་སོ། ། ༈ དུས་འཁོར་བུམ་རྫས་ཟུང་དུ་སྦྱར། རྣམ་འཇོམས་བུམ་རྫས་ཀྱང་ངོ་། ། ༈ དྲིའི་ཆུ་ཞེས་པ་རྡོ་རྗེ་སྙིང་རྒྱན་ལས། ཙནྡན་དཀར༡། དམར༢། རྒྱ་སྤོས༣། ག་བུར༤། གུར་གུམ༥། ཨ་གར༦། ལྷ་ཤིང་༧། བདུན་དུ་བཤད། ཁྲུས་ཆུར་འབྲས་བཅས་རཏྣ་མ་ལར་སིནྡྷཱུ་ར། ལྡོང་རོས༨། ཀ་ཀོ་ལ༩། ལྷ་ཤིང་། གུར་གུམ། ཨ་ཤིང་རྩྭ་འབའ་ལ། ༡༠། ཤིང་མངར༡༡། སྦྲང་བད༡༢། བུམ་ཏིག །ཟངས་༡༣ཀྱི་མེ་ཏོག་ཅེས་བརྒྱད་དུ་བཤད། ། ༈ ཚན་དགུ་ཞེས་པར། ས་༡ ས་གི་ཝཾ་དུ་གྲགས་པ་བྱུང་ན་ལེགས། ཚན་ཁམ་གཡག་ཤམ། རྡོ་ཚན་༢ཅོང་ཞི་རྟ་སོ་མ། ཆུ་ཚན༣། གཡའ་ཚན༤། གྲོ་ལོ་དཀར་པོ་ལ་ངོས་འཛིན་པར་སྣང་། བྲག་ཚན་༥ཞེས་པ་ངོ་བོ་གཅིག་ཙམ་ལ་གནས་སོ། །སོར་དབྱེ་བ་དང་། གངས་ཚན༦། དགུན་གངས་ཆགས་པར་དཔྱིད་ཀ་ཡོད་པའི་ཚན། སྔོ་ཚན་༧ནམ་སྤོས་ཚན་རྒྱ་སྤོས། སྤང་ཚན༨་སྦུ་རུ་དཀར་དམར། ཤིང་ཚན་༩སྤྱིར་ཤུག་པ་དང་། སྤྱིར་བཞུར་ལ་བཞེད་པའང་ཡོད། དེ་ནང་ནས་ཐང་ལ་ཤུག་སྐྱེས་ལ་ངོས་བཟུང་། འདི་རྣམས་འབྱུང་བ་སོ་སོའི་ཁྲུས་རྫས་གྲིབ་སེལ་དག་བྱེད་ཀྱི་མཆོག་ཏུ་བཤད་དོ། ། ༈ ཡང་ས་ཚན་དཀར་དམར་ཞེས་ཅུ་གང་སིནྡྷུ་ར། རྡོ་ཚན་ཤེལ་རྡོ་དང་། ཅོང་ཞི། ཆུ་ཚན་སྔོ་དང་རྒྱ་མཚོ་ལྦུ་བ། གཡའ་ཚན་དངོས་དང་སྲོ་ལོ་དཀར་པོ། བྲག་ཚན་དངོས་དང་རྡོ་དྲེག །གངས་ཚན་དངོས་དང་གངས་ཏིག །སྔོ་ཚན་རྒྱ་སྤོས་སྤང་སྤོས། ཤིང་ཚན་ཤུག་པ་དང་སྤྱི་བཞུར་ཏེ་བཅོ་བརྒྱད་དུའང་བཤད། ། ༈ ས་ཟླའི་ཉེར་གསུམ་ནས་ཉེར་དགུའི་བར་རོ། །

[edit]

bum rdzas skor sogs la/ dus 'khor bum rdzas sman/___kaN+Da ka ri/__shing mngar/__rtswa rma bya'i gtsug phud/__sle tres/__ra mo shag ste lnga/___/___!_dri/__gla rtsi/__dz+wa ti/__gur gum/__shu dag dkar po/__ru rta ste lnga/___/___!_'bru/___gro/__til dkar po/__khre/__sran ma ma ShA/__bod sran te lnga/___/___!_rin po che/__shel/__dkar phra men/__bye ru/__mu tig__/shu la ma Ni zhes g.yu ste lnga/___/___!_lcags/__rdo khab len/__lcags khab len/__dngul/__gser/__rang byung zangs te lnga/__lnga tshan re re bzhin snga ma snga ma las phyi ma phyi ma cha re bskyed par gsungs pa ltar sbyar ba ste/__de'ang dri lnga'i gras su gla rtsi zho gang /__rin po che'i gras su phra men zhes gzi'am ma na ho gang rigs zho bzhi/__lcags lnga'i gras su/__dngul rdo srang do/__gser rdo srang gsum drags/__rang byung zangs dang zangs rdo srang do rnams bsre/__rin po che dang lcags lnga dug 'don legs po byed/__slar so sor thang ltar khrol tsam brdung nas sgrub mchod sogs kyi skabs ras kyi nang du thum po byas te dung chos kyi nang du bcug par gsungs pa las ril bur dril ba sogs mi mdzad do/___/___!_ oM swa sti/__bum rdzas skabs su nyer mkho'i dri'i chu ni/__rdo rje snying rgyan las/__tsan+dan 1dang ni rgya spos 2dang /__ga bur 3de bzhin gur gum 4dang /__a ga 5ru dang lha yi shing 6/__tsan+dan 7dmar po nyid dang ni/__zhes rdzas bdun sbyar ba'o/__/zhi ba'i mchod yon la/__nas dkar/__'o ma/__me tog dkar po/__ku sha__/til dkar/__'bras yos/__bdud rtsir bcas pa'i dri dkar po'i chu ste rdzas bdun no/__/rgyas par/__til/__ku sha__/me tog ser po/__dri ser po'i chu ste bzhi'o/__/zhabs bsil la 'dag chal lnga'o/__/spos sbyor/__shing tshwa chu/__spos dkar thal/__li shi rdor/__spang spos tshwa'i tshul te bzhi sbyor ro/__/dri chab la/__sug smel/__shing tshwa/__spang spos/__bA le ka__/tsan+dan rnams zho gnyis re thum bur bcings/__chu gtsang bre brgyad la bcug ste bzhi gsum gyi bar du bskol ba'i lhag ma dri'i chur 'gyur bar dus 'khor las gsungs pa ltar ram/__thun mong du dri lnga sbyar ba'o/__/rab gnas skabs bkru ba'i rdzas 'dag chal la/__dkyil chog rdor phreng las/__zho/__'o ma/__mar/__sbrang /__bye ma ka ra ste/__phyi'i bdud rtsi lnga/__'o ma/__zho/__mar/__lci ba/__chu ste ba las byung ba lnga/__n+ya gro d+ha/__u dum+bA ra/__p+lak+Sha/__bi sba l+ya/__gan+d+ha muN+Da ste 'o ma can gyi shing shun lnga/__dri lnga/__skyu ru ra/__yung ba rnams kyi phye mas rim par byugs shing bkru bar gsung la/__de tsam ma lcogs na/__slob dpon kun dga' snying pos/__sug pa dang ni sran phye dang /__/ku sha ba yi rnam lnga dang /__/de ltar so phag la sogs pas/__/khrus ni bya bar gsungs pa ste/__/zhes so/__/byugs pa'i rdzas dri bzang la/__tsan+dan dkar dmar/__gur gum/__grun+thi ka__a ga ru rnams sam/__gur gum/__a ga ru/__gla rtsi/__ga bur sogs dri'i rdzas ji ltar rnyed pa sbyar bar gsungs so/___/___!_dus 'khor bum rdzas zung du sbyar/__rnam 'joms bum rdzas kyang ngo /___/___!_dri'i chu zhes pa rdo rje snying rgyan las/__tsan+dan dkar1/__dmar2/__rgya spos3/__ga bur4/__gur gum5/__a gar6/__lha shing 7/__bdun du bshad/__khrus chur 'bras bcas rat+na ma lar sin+d+hU ra/__ldong ros8/__ka ko la9/__lha shing /__gur gum/__a shing rtswa 'ba' la/__10/__shing mngar11/__sbrang bad12/__bum tig__/zangs 13kyi me tog ces brgyad du bshad/___/___!_tshan dgu zhes par/__sa 1__sa gi waM du grags pa byung na legs/__tshan kham g.yag sham/__rdo tshan 2cong zhi rta so ma/__chu tshan3/____g.ya' tshan4/_gro lo dkar po la ngos 'dzin par snang /_brag tshan 5zhes pa ngo bo gcig tsam la gnas so/__/sor dbye ba dang /__gangs tshan6/__dgun gangs chags par dpyid ka yod pa'i tshan/__sngo tshan 7nam spos tshan rgya spos/__spang tshan8 sbu ru dkar dmar/__shing tshan 9spyir shug pa dang /__spyir bzhur la bzhed pa'ang yod/__de nang nas thang la shug skyes la ngos bzung /__'di rnams 'byung ba so so'i khrus rdzas grib sel dag byed kyi mchog tu bshad do/___/___!_yang sa tshan dkar dmar zhes cu gang sin+d+hu ra/__rdo tshan shel rdo dang /__cong zhi/__chu tshan sngo dang rgya mtsho lbu ba/__g.ya' tshan dngos dang sro lo dkar po/__brag tshan dngos dang rdo dreg__/gangs tshan dngos dang gangs tig__/sngo tshan rgya spos spang spos/__shing tshan shug pa dang spyi bzhur te bco brgyad du'ang bshad/___/___!_sa zla'i nyer gsum nas nyer dgu'i bar ro/__/