ཆུ་གཏོར་མཎྜལ་སཱ་ཙྪ་འབུམ་ཐེར་བསགས་ཚུལ་ཚོགས་བརྒྱ་སོགས་ཕྱག་ལེན།

🚧 This website is under continued development. We appreciate your patience!

Previous Text Back to Volume PageNext Text

Wylie title	chu gtor maN+Dal sA ts+tsha 'bum ther bsags tshul tshogs brgya sogs phyag len
Location	mkhyen brtse'i bka' 'bum Volume 21, sde tshan 2, Text 55, Pages 272-276 (Folios 77b6 to 79b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. chu gtor maN+Dal sA ts+tsha 'bum ther bsags tshul tshogs brgya sogs phyag len. In 'jam dbyangs mkhyen brtse'i dbang po'i bka' 'bum, Vol. 21: 272-276. Khams sde dge rdzong sar dgon: Rdzong sar blo gros phun tshogs, 2020.
Genre	Offering Rituals - mchod sbyin

1 Texts in this Section (sde tshan or chos tshan)

55 272-276	ཆུ་གཏོར་མཎྜལ་སཱ་ཙྪ་འབུམ་ཐེར་བསགས་ཚུལ་ཚོགས་བརྒྱ་སོགས་ཕྱག་ལེན། chu gtor maN+Dal sA ts+tsha 'bum ther bsags tshul tshogs brgya sogs phyag len Offering Rituals - mchod sbyin	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །ཆུ་གཏོར་འབུམ་ཐེར་བསགས་ཚུལ་ནི། ཆུ་གཏོར་རྒྱས་པ་ཚར་གཅིག་གི་མཚམས། ཐེབ་ལྔར་རིལ་བུ་ཉི་ཤུ་རེ་བླུགས། སཾ་བྷ་ར་བརྒྱ་རྩ་རེའི་མཚམས། ཉེར་སྤྱོད་དང་། མཚན་བཞི་བརྗོད་ལ་གཤེགས། དོ་ནུབ་ཡང་ཆུ་སྦྱིན་བཅས་མཐའ་སྡུད་བྱ། འདི་ནི་ཆགས་མེད་དང་། མཁྱེན་བརྩེ་སོགས་ཁ་འབར་མའི་མདོ་ལས་ལུང་དྲངས་ཏེ་གསུངས་པས་ཕྱག་ལེན་བདེ། དེ་ལྟ་བུའི་ཚུལ་གྱིས་སྔགས་བྱེ་བས་བསྔོ་བ་ལ་གཏོར་མ་བྱེ་བ་ཚར་ཟེར་གི་འདུག །གཞན་ཡང་ལོངས་སྤྱོད་སྤེལ་བ་ལ་ཛམྦྷ་ལ། ཡི་དྭགས་དང་བར་དོ་ལ་རེ་རེ་འདོད་དོན་སྒྲུབ་པ་ལ་དཀར་ཆ་བཞི། འབྱུང་བཞིའི་གནོད་པ་དང་ནད་སོགས་ལ་འབྱུང་བཞིའི་གཏོར་མ། དཀོར་སྦྱང་ལ་བྲུམ་གཏོར། ལན་ཆགས་རྐྱང་པ་ལ་གླུད་གཏོར། སྐེགས་རྩུབ་ལ་དབྱུ་གུ་དྲུག་ཅུ་རྩ་བཞིའི་གཏོར་མ། ཀླུ་གདོན་ལ་ཀླུ་གཏོར་སོགས་སོ། །ཆབ་གཏོར་འཇམ་དཔལ་མའི་རྫས། བསད་པས་ཚེ་ཐུང་བ་སྦྱོང་བྱེད། ལན་ཚྭ། བུ་རམ། སྦྲང་རྩི། མར། ཨ་འབྲས་ཏེ་སྙིང་པོ་ལྔ། བརྡུང་བས་ནད་སེལ་བྱེད། ཀཎྜ་ཀ་རི། སླེ་ཏྲེ། རྒྱ་མཚོ་ལྦུ་བ། དབང་ལག །མ་ནུ། སྨན་ལྔ། འཕྲོག་པས་དབུལ་བ་སེལ་བྱེད། བྱེ་རུ། མུ་ཏིག །གསེར། དངུལ། མན་ཤེལ་ཏེ་རིན་པོ་ཆེ་ལྔ། ཁྲོས་པས་སྡང་བ་སེལ་བྱེད། གུར་གུམ། ནཱ་གི། །ཙནྡན་གཉིས། ག་བུར་ཏེ་སྤོས་ལྔ། སེར་སྣས་བཀྲེས་པ་སེལ་བྱེད། ནས། གྲོ། འབྲས། སྲན་མ། ཏིལ་དཀར་ཏེ་འབྲུ་ལྔ། དཀོར་ཆ་ལྔ་ནི། ཆུ་དང་ཕྱེ། དཀར་གསུམ་མངར་གསུམ། དར་རས་སྣ་ཚོགས། དུག་རིགས་མིན་པའི་མེ་ཏོག་སྣ་ཚོགས་སོ། །སྦྲང་རྩི་ཟུར་དུ་བྱ། ཟན་རིལ་ཡང་བྱུང་ན་འོ་ཞོ་མར་སྦྲང་སོགས་ཀྱིས་སྦྲུ་བར་བྱེད་པ་ལས་ཆུས་མ་རེག་པ་དགོས་གསུངས། འཇིགས་མེད་གླིང་པས་ཆུ་དང་། བླ་མ་གོང་མ་དག་མེ་ཏོག་གི་ཁྲོལ་མཆོད་བྱ་བར་གསུངས་ཤིང་འབྱོར་པས་དབེན་པ་ལ་ཐབས་དམ་པ་ཡིན། ཆུ་ཁར་ཏིང་ཕོར་བརྒྱའམ་བཅུ། མི་གཉིས་སམ་བཞིས་བསྔོ་བས་གཞི་བྱིན་རླབས་ནས་ཡན་ལག་བདུན་པའི་བར་དང་། ནམ་མཁའ་མཛོད། མཆོད་པའི་སྤྲིན་གྱི་གཟུངས། ཡེ་ཤེས་སྐར་མདའི་གཟུངས་རྣམས་སྔགས་རྒྱ་རོལ་མོ་དང་བཅས་པས་བྱ། ། ༈ བརྒྱ་མཆོད་ནི་མར་མེ་མ་གཏོགས་གཞན་གཅིག་ལ་ཁ་གསོས་ཀྱང་རུང་། ། ༈

མཎྜལ་འབུམ་ཐེར་ལ་འབྱོར་ལྡན་གྱིས་ཚོམ་བུ་རེ་རེ་བཞིན་བརྗེ། འབྲིང་གིས་བརྒྱ་ཚར་ཙམ་གྱིས་མཚམས་དང་། ཐ་མས་ཀྱང་ཉིན་ཞག་རེར་བརྗེ་དགོས་རབ་སོ་བདུན། ། ༈ འབྲིང་ས་གཞི་སྤོས་བྱུགས། ཐ་མ་སྔགས་བསགས། ། ༈ ཚོགས་བརྒྱ་ལ། ཚོགས་ཆེ་བ་གཅིག་གི་མཐའ་སྐོར་དུ་ཚོགས་འབི་འམ། རིལ་བུས་བསྐོར། སྔར་གྱི་ཕྱག་ལེན་རབ་ཆོ་ག་བཟླས་པ་ཚོགས་བསྐང་ལྷག་མ་ནས་བཀྲ་ཤིས་བར་སྔར་ལྟར་བྱེད་པ་དང་། འབྲིང་ལྷག་མ། ཀཿཐོག །ཡན་དང་། བཟོད་གསོལ་རེ་བྱེད་པ་དང་། ཐ་མ་ལས་བྱང་བསྡུས་པ་རེ་དང་ཚོགས་བསྐང་ལྷག་མ་ཡན་བྱ་བ་དང་། ཕྱག་ལེན་ཡངས་པའི་ཕྱོགས་ལ་ལས་བྱང་རྒྱས་པ་ཚར་གཅིག་གི་མཚམས། ཚོགས་ལྷག་མ་ཡན་ཁོ་ན་བསགས་པ་རྣམས་སོ། །ཚོགས་རྫས་ལ། ཟླ་རྒྱས་ནི། ཞོ་དང་། ཁུར་བ། ཟླ་ཕྲམ་ཐུད། ཕྲུ་མ། ཛཀྟི་ཤའམ། སྦང་གླུམ་ཆང་། ཤེལ་གོང་སྒོང་། ཐར་པ་ཚོད་མ། ཚམ་ལོ་ཁུར་བ། ཙི་ཏེ་པྲི་ཡངྐུ། ཚོ་ཤ་བཅོས་པ། གལ་ནི་ཕྱི་ཤ་བསྲེགས་པ། ཀུན་ཏུ་རྒྱུ་ཚྭ་སྤང་ན་སྐྱེ་བའི་ཤྭ་མོང་སྣ་ཚོགས། རྩི་ཐོག་མར། ཟླ་ཕྲམ་བཟོ་རྒྱུན་ལྟར་རོ། ། ༈ སཱ་ཙྪ་འབུམ་ཐེར་སོགས་ལ། ས་ལ་རིན་པོ་ཆེ། འབྲུ་སྣ། ས་སྣ། ཆུ་སྣ། བྱིན་རྟེན་སོགས་བསྲེ། རྟེན་སྙིང་དང་། གཙུག་གཏོར་དྲི་མེད། རྣམ་རྒྱལ་མའི་གཟུངས་ཐུང་བཅས་སམ། མ་གྲུབ་ན་རྟེན་སྙིང་གཅིག་པུ་སྲོག་ཤིང་རྩ་རྩེ་མ་ལོག་ཕྲ་མོར་མགོ་ནས་མར་དྲིལ་ལ་གཟུངས་གཞུག་ཕུལ། བཞུགས་ཁང་ས་བཀྲ་པདྨ་འདབ་མ་བརྒྱད་པའི་དབུས་ཁང་པའི་བད་ནང་དང་མཉམ་པའི་རྩ་རྩེ་མ་ལོག་པའི། ཤར་དུ་གཙུག་ཏོར་དྲི་མེད། ལྷོར་རྣམ་རྒྱལ། ནུབ་ཏུ་གསང་བ་རིང་བསྲེལ། བྱང་དུ་བྱང་ཆུབ་རྒྱན་འབུམ། རྩེ་མོར་མཆོད་རྟེན། རྩ་བར་རྡོ་རྗེ་ཕྱེད་པ་རྣམས་བྲི་བརྐོས་གང་རུང་བྱ། གཞན་ཡང་གཟུངས་གཞུག་གང་འབྱོར་གོ་མ་ལོག་པར་བྲིས། དར་རས་སེར་པོས་ལྕིབས། རྒྱབ་ནས་གྲོ་གའམ་ཤུག་ཤུན་སོགས་ཀྱིས་ལྕིབ་ནས་བརླན་མི་ཕོག་པར་དྲང་པོར་བཙུགས། དེའི་ཕྱི་ནས་བར་སེང་མེད་པར་སཱཙྪ་རྣམས་བསྒྲིགས་ལ་ས་སྐམ་པོས་བར་མཚམས་མེད་པར་སག་ཧེ་སྟེང་ཡང་དེ་ལྟར་སོགས་ལག་ཚག་ཤིན་ཏུ་དམ་པར་བྱ། སཱཙྪ་རྣམས་སྐམ་པ་གལ་ཆེ། ཤར་དུ་སྒོ་ཆུང་ཞིག་བཏོད། སྟེང་དུ་རྒྱལ་མཚན་ཉི་ཟླ་ནོར་བུའི་ཏོག་ཅན་སོགས་བྱ། དེ་ནས་མཆོད་རྟེན་ལྟར་རབ་གནས་རྒྱས་བསྡུས་གང་རིགས་ཀྱིས་མངའ་གསོལ་བ་ཕྱག་ལེན་ནོ། །རྒྱུ་མཆོད་རྟེན་ཁང་བུ་བརྩེགས་པའི་ལུགས་ཀྱི་ཐིག་གདབ་པར་བྱའོ། ། ༈ སྦྱིན་སྲེག་རྒྱུན་འདོན་དང་འབུམ་ཐེར་སྐབས། ཡམ་ཤིང་དང་། མར་ཁུ་མ་གཏོགས་པ་རྣམས་ཕྱོགས་གཅིག་ཏུ་ཁྲོལ་བུའམ་རིལ་བུ་བྱ། གྲངས་བསག་སྐབས་ལས་སྤྱིར། གོང་གི་སྤྱི་སྡོམ་གྱི་རྫས། ལྷ་སྔགས་བརྒྱ་རྩ་རེའི་མཚམས་སུ་འདོད་གསོལ་བཅས་འབུལ། ལས་ཁྱད་པར་བ་ལ། ཚེ་རྒྱས་པར་རྫས། དུརྦཱ་དང་ལྷ་སྔགས་ལ། བཛྲ་ཨ་ཡུ་ཥེ་སྭཱ་ཧཱ། ཞེས་དང་། སྤེལ་ཚིགས། ཚེ་རྒྱས་པར་གྱུར་ཅིག པུཥྚིཾ་ཀུ་རུ་སྭཱ་ཧཱ། ཞེས་པ་ལྟ་བུར་སྦྱར། ཟས་མཆོག་ནི་མངར་གསུམ་ཕྱེ་དང་བསྲེས་པ་ཞོས་སྦྲུས་པའོ། ། ༈

གཏོར་མ་མགྲོན་ཚན་བཅུ་གཉིས་མི་གྲངས་རེའི་ཉིན་རེར་ཚར་ཉི་ཤུ་རྩ་ལྔ་འགྲོ་རྩིས་བྱས་ན་ཚར་རེ་ལ། ༡༤༠ གྲྭ་པ་རེས་ཉིན་རེར་གཏོར་སྔགས་སུམ་སྟོང་ལྔ་བརྒྱ་འགྲོ་བས། གྲྭ་པ་བཅུས། སུམ་ཁྲི་ལྔ་སྟོང་ལགས། གྲྭ་པ་བཅུས་ཉིན་གསུམ་ལ་འབུམ་ཕྲག་གཅིག་དང་ལྔ་སྟོང་འགྲོ །དེ་སྟེང་གྲྭ་པ་གཉིས་ཉིན་གཅིག །བསྣན་ན། འབུམ་གཅིག །ཁྲི་གཅིག །སྟོང་གཉིས་འགྲོ་བས་ཁ་སྐོང་དང་བཅས་པ་ལེགས་པར་གྲུབ་པ་ཡིན། དེས་གྲྭ་པ་བཅུ་གཅིག་གིས་ཉིན་གསུམ་བྱས་ན་ལེགས་པར་མངོན་ནོ། །མདོར་ན་གྲྭ་པ་བཅུ་གཅིག་གིས་ཉིན་གསུམ་ལ། ཆིག་འབུམ། ཆིག་ཁྲི། ལྔ་སྟོང་། ལྔ་བརྒྱ་འགྲོ། །

[edit]

chu gtor maN+Dal sA ts+tsha 'bum ther bsags tshul tshogs brgya sogs phyag len/__ @#/_/chu gtor 'bum ther bsags tshul ni/__chu gtor rgyas pa tshar gcig gi mtshams/__theb lngar ril bu nyi shu re blugs/__saM b+ha ra brgya rtsa re'i mtshams/__nyer spyod dang /__mtshan bzhi brjod la gshegs/__do nub yang chu sbyin bcas mtha' sdud bya/__'di ni chags med dang /__mkhyen brtse sogs kha 'bar ma'i mdo las lung drangs te gsungs pas phyag len bde/__de lta bu'i tshul gyis sngags bye bas bsngo ba la gtor ma bye ba tshar zer gi 'dug__/gzhan yang longs spyod spel ba la dzam+b+ha la/__yi dwags dang bar do la re re 'dod don sgrub pa la dkar cha bzhi/__'byung bzhi'i gnod pa dang nad sogs la 'byung bzhi'i gtor ma/__dkor sbyang la brum gtor/__lan chags rkyang pa la glud gtor/__skegs rtsub la dbyu gu drug cu rtsa bzhi'i gtor ma/__klu gdon la klu gtor sogs so/__/chab gtor 'jam dpal ma'i rdzas/__bsad pas tshe thung ba sbyong byed/__lan tshwa/__bu ram/__sbrang rtsi/__mar/__a 'bras te snying po lnga/__brdung bas nad sel byed/__kaN+Da ka ri/__sle tre/__rgya mtsho lbu ba/__dbang lag__/ma nu/__sman lnga/__'phrog pas dbul ba sel byed/__bye ru/__mu tig__/gser/__dngul/__man shel te rin po che lnga/__khros pas sdang ba sel byed/__gur gum/__nA gi/__/tsan+dan gnyis/__ga bur te spos lnga/__ser snas bkres pa sel byed/__nas/__gro/__'bras/__sran ma/__til dkar te 'bru lnga/__dkor cha lnga ni/__chu dang phye/__dkar gsum mngar gsum/__dar ras sna tshogs/__dug rigs min pa'i me tog sna tshogs so/__/sbrang rtsi zur du bya/__zan ril yang byung na 'o zho mar sbrang sogs kyis sbru bar byed pa las chus ma reg pa dgos gsungs/__'jigs med gling pas chu dang /__bla ma gong ma dag me tog gi khrol mchod bya bar gsungs shing 'byor pas dben pa la thabs dam pa yin/__chu khar ting phor brgya'am bcu/__mi gnyis sam bzhis bsngo bas gzhi byin rlabs nas yan lag bdun pa'i bar dang /__nam mkha' mdzod/__mchod pa'i sprin gyi gzungs/__ye shes skar mda'i gzungs rnams sngags rgya rol mo dang bcas pas bya/___/___!_brgya mchod ni mar me ma gtogs gzhan gcig la kha gsos kyang rung /___/___!_ maN+Dal 'bum ther la 'byor ldan gyis tshom bu re re bzhin brje/__'bring gis brgya tshar tsam gyis mtshams dang /__tha mas kyang nyin zhag rer brje dgos rab so bdun/___/___!_'bring sa gzhi spos byugs/__tha ma sngags bsags/___/___!_ tshogs brgya la/__tshogs che ba gcig gi mtha' skor du tshogs 'bi 'am/__ril bus bskor/__sngar gyi phyag len rab cho ga bzlas pa tshogs bskang lhag ma nas bkra shis bar sngar ltar byed pa dang /__'bring lhag ma/_kaHthog__/yan dang /__bzod gsol re byed pa dang /__tha ma las byang bsdus pa re dang tshogs bskang lhag ma yan bya ba dang /__phyag len yangs pa'i phyogs la las byang rgyas pa tshar gcig gi mtshams/__tshogs lhag ma yan kho na bsags pa rnams so/__/tshogs rdzas la/__zla rgyas ni/__zho dang /__khur ba/__zla phram thud/__phru ma/__dzak+ti sha'am/__sbang glum chang /__shel gong sgong /__thar pa tshod ma/__tsham lo khur ba/__tsi te pri yang+ku/__tsho sha bcos pa/__gal ni phyi sha bsregs pa/__kun tu rgyu tshwa spang na skye ba'i shwa mong sna tshogs/__rtsi thog mar/__zla phram bzo rgyun ltar ro/___/___!_ sA ts+tsha 'bum ther sogs la/__sa la rin po che/__'bru sna/__sa sna/__chu sna/__byin rten sogs bsre/__rten snying dang /__gtsug gtor dri med/__rnam rgyal ma'i gzungs thung bcas sam/__ma grub na rten snying gcig pu srog shing rtsa rtse ma log phra mor mgo nas mar dril la gzungs gzhug phul/__bzhugs khang sa bkra pad+ma 'dab ma brgyad pa'i dbus khang pa'i bad nang dang mnyam pa'i rtsa rtse ma log pa'i/__shar du gtsug tor dri med/__lhor rnam rgyal/__nub tu gsang ba ring bsrel/__byang du byang chub rgyan 'bum/__rtse mor mchod rten/__rtsa bar rdo rje phyed pa rnams bri brkos gang rung bya/__gzhan yang gzungs gzhug gang 'byor go ma log par bris/__dar ras ser pos lcibs/__rgyab nas gro ga'am shug shun sogs kyis lcib nas brlan mi phog par drang por btsugs/__de'i phyi nas bar seng med par sAts+tsha rnams bsgrigs la sa skam pos bar mtshams med par sag he steng yang de ltar sogs lag tshag shin tu dam par bya/__sAts+tsha rnams skam pa gal che/__shar du sgo chung zhig btod/__steng du rgyal mtshan nyi zla nor bu'i tog can sogs bya/__de nas mchod rten ltar rab gnas rgyas bsdus gang rigs kyis mnga' gsol ba phyag len no/__/rgyu mchod rten khang bu brtsegs pa'i lugs kyi thig gdab par bya'o/___/___!_ sbyin sreg rgyun 'don dang 'bum ther skabs/__yam shing dang /__mar khu ma gtogs pa rnams phyogs gcig tu khrol bu'am ril bu bya/__grangs bsag skabs las spyir/__gong gi spyi sdom gyi rdzas/__lha sngags brgya rtsa re'i mtshams su 'dod gsol bcas 'bul/__las khyad par ba la/__tshe rgyas par rdzas/__durbA dang lha sngags la/__badz+ra a yu She swA hA/__zhes dang /__spel tshigs/__tshe rgyas par gyur cig__puSh+TiM ku ru swA hA/__zhes pa lta bur sbyar/__zas mchog ni mngar gsum phye dang bsres pa zhos sbrus pa'o/___/___!_ gtor ma mgron tshan bcu gnyis mi grangs re'i nyin rer tshar nyi shu rtsa lnga 'gro rtsis byas na tshar re la/__140_grwa pa res nyin rer gtor sngags sum stong lnga brgya 'gro bas/__grwa pa bcus/__sum khri lnga stong lags/__grwa pa bcus nyin gsum la 'bum phrag gcig dang lnga stong 'gro__/de steng grwa pa gnyis nyin gcig__/bsnan na/__'bum gcig__/khri gcig__/stong gnyis 'gro bas kha skong dang bcas pa legs par grub pa yin/__des grwa pa bcu gcig gis nyin gsum byas na legs par mngon no/__/mdor na grwa pa bcu gcig gis nyin gsum la/__chig 'bum/__chig khri/__lnga stong /__lnga brgya 'gro/___/_