མཆོད་པའི་རྫས་ཀྱི་ཁྱད་པར་སོགས་ཉེར་མཁོའི་ཟིན་ཐུན་འགའ་ཙམ་འཆད་པ་ལ།

🚧 This website is under continued development. We appreciate your patience!

Previous Text Back to Volume PageNext Text

Wylie title	mchod pa'i rdzas kyi khyad par sogs nyer mkho'i zin thun 'ga' tsam 'chad pa la
Location	mkhyen brtse'i bka' 'bum Volume 21, sde tshan 2, Text 53, Pages 262-271 (Folios 72b4 to 77a3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. mchod pa'i rdzas kyi khyad par sogs nyer mkho'i zin thun 'ga' tsam 'chad pa la. In 'jam dbyangs mkhyen brtse'i dbang po'i bka' 'bum, Vol. 21: 262-271. Khams sde dge rdzong sar dgon: Rdzong sar blo gros phun tshogs, 2020.
Genre	Ritual Substances - rdzas

1 Texts in this Section (sde tshan or chos tshan)

53 262-271	མཆོད་པའི་རྫས་ཀྱི་ཁྱད་པར་སོགས་ཉེར་མཁོའི་ཟིན་ཐུན་འགའ་ཙམ་འཆད་པ་ལ། mchod pa'i rdzas kyi khyad par sogs nyer mkho'i zin thun 'ga' tsam 'chad pa la Ritual Substances - rdzas	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

བླ་མ་རྣམས་དང་དཀྱིལ་འཁོར་འཁོར་ལོ་ལ། བཏུད་ནས་མཆོད་པའི་རྫས་ཀྱི་ཁྱད་པར་སོགས། ཉེར་མཁོའི་ཟིན་ཐུན་འགའ་ཙམ་འཆད་པ་ལ། བློ་གསལ་རྣམས་ཀྱིས་རྩེ་གཅིག་ཡིད་ཀྱིས་ཉོན། དེ་ལ་ཞབས་བསིལ་ནི་འོ་མ་དང་ཆུ་གཙང་མ་བསྲེས་པ་ལ་འབྱོར་ན་ཤུན་པ་ལྔ་རབ་གནས་ཀྱི་ཚ་བ་ཙནྡན་དཀར་དམར་ཨ་གར་འོམ་བུ་ཤུག་པ། གཞུང་༡ནས་བཤད་པ་བཞིན་བཏབ། ཞབས་བསིལ་ནི་མངར་གསུམ་སྦྱར་བའི་ཆུ། མཆོད་ཡོན་ནི། འབྱོར་ན་འོ་མ་ཏིལ་དཀར་འབྲས་དང་ནི། མེ་ཏོག་དཀར་སེ་བ། པོ་ནས་དང་ནི། ཀུ་ཤ་གུར་གུམ་རྣམ་པ་བདུན། ཞེས་པ་བཏབ། མ་འབྱོར་ན་པུཎྜ་རཱི་ཀའི་སེ་བའི། མེ་ཏོག །འཐོར་འཐུང་ནི་ཆུ་གཙང་མ་ཀུ་ཤའི་འཐོར་ཡབ་དང་བཅས་པ། མེ་ཏོག་ནི་དངོས་སེ་བ། སམ་བཅོས་མའམ་འབྲུ་དཀར་གྱི་ཚོམ་བུ་ལྷ་སོ་སོའི་ཁ་དོག ། བདུག་སྤོས་ནི་སྦྱར་བའི་རེང་བུ་དང་། ཨ་ག་རུ་ནག་པོ་སོགས་ལྷན་སྐྱེས། མར་མེ་ནི་རྩི་མར་གྱི་སྒྲོན་མེ། དྲི་ཆབ་ནི། ཙནྡན་དཀར་དམར་གུར་གུམ་སོགས། བསིལ་ཞིང་དྲི་ཞིམ་པའི་ཆུ་གཙང་དུང་ཆོས་སུ་བླུགས་པའམ་དྲི་གུར་གུམ་ཨ་གར་ཙནྡན་གཉིས་ག་ཟུར། ལྔ། ཞལ་ཟས་ནི་དཀར་གསུམ་མངར་གསུམ་གྱིས་སྦགས་པའི་ལྷ་བཤོས། བླ་མེད་རིགས་ལ་བདུད་རྩི་རིལ་བུའང་བཏབ། རོལ་མོ་ནི། ཏིང་ཤག་དང་། དྲིལ་བུ། ཌཱ་མ་རུ་སོགས་རྒྱུད་སྡེ་སོ་སོར་བསྔགས་པ་བཅས་སོ། །དེ་དག་ནི་ཕྱིའི་མཆོད་པའོ། ། ༈ རབ་གནས་རྣམ་བཤད་ཆེན་མོར། བལ་བུ། འོམ་བུ། ཁམ་བུ། ལྕང་སྐྱ། ཤུག་པ་ལྔ་ཡི་བར་ཤུན། དེ་སྟེང་སུར་དཀར། ཉེ་ཤིང་། སྲན་དཀར་གྱི་ཕྱེ་མ་རྣམས་བསྣན་གསུང་། ། ༈ སེང་གེ་སྒྲའི་ལུགས་ཀྱི་ཀླུ་སྨན། བཟང་དྲུག །མངར་གསུམ་འབྲས་བུ་གསུམ། རྒྱ་མཚོའི་ལྦུ་བ། ཀཎྜ་ཀ་རཱི། ཆུ་སྲིན་སྡེར་མོ། དབང་ལག །ནཱ་ག་གེ་སར། པདྨ་གེ་སར། སྙི་བའི་མེ་ཏོག སྙི་བ་ཡིན་དང་། ཨུཏྤལ་སྔོན་པོ། མཚལ་དཀར། ཤག་ཚལ་སོགས། བུ་ཤེལ་རྩེ། སྙིང་པོ། གླ་དགོར་ཞོ་ཤ །མཁལ་མ་ཞོ་ཤ། །རྨ་བྱའི་མདངས། རྩ་ཁུ་བྱུག ཕྱྭ་ཚང་ཀུ་བ། ནོར་བུ་མྱུ་གུ་འཕེལ་གདུང་། །ལེ་བལ་གུར། བརྒན། ལྷང་ཚེར་དཀར་པོ། མཁལ་སྲན་དཀར་པོ། གསེར་མེ། པྲི་ཡངྐུ། སྤང་རྒྱན་དཀར་པོ། ཆུ་དག་པ་སེར་ལྗང་རྩ་བ། སླེ་ཏྲེས། གྲྭ་མ། མོན་བུ། གླ་སྒང་། རྒུན་འབྲུམ། ནཱ་ག་པུཥྤེ་རྣམས་སྦྱར་ཞེས་སྣང་། ། ༈ རྗེ་བཙུན་སྒཱ་ལོའི་ཀླུ་གཏོར་ལས། སྐྲ་ཉམས་པ་སོས་བྱེད་རྨ་བྱའི་མདངས། མགོ་བོ་སོས་བྱེད་ཕྱྭ་ཚང་། ཀླད་པ་གསོ་བྱེད་མུ་ཏིག །ཀླད་རྒྱས་གསོ་བྱེད་ལྷང་ཚེར། རྣ་བ་གསོ་བྱེད་པུ་ཤེལ་ཙེ། མིག་གསོ་བྱེད་ཨུཏྤལ་སྔོན་པོ། སྣ་གསོ་བྱེད་སྤོས་དཀར། ཚེམས་གསོ་བྱེད་མགྲོན་བུ། ལྕེ་གསོ་བྱེད་ཤུ་དག་དཀར་པོ། ལྐོག་མ་གསོ་བྱེད་མ་ནུ་འུ་སུ། སྙིང་གསོ་བྱེད་སྙིང་ཞོ། མཆིན་པ་གསོ་བྱེད་གླ་གོར་ཞོ་ཤ །མཁལ་མ་གསོ་བྱེད་མཁལ་ཞོ། གློ་བ་གསོ་བྱེད་རྒྱ་མཚོ་ལྦུ་བ། རྒྱུས་པ་གསོ་བྱེད་རྡོ་རྒྱུས་བྱ་བལ་མ། ལྤགས་པ་གསོ་བྱེད་ཐང་དཀར་ཤུན་པ་ཚེ་ཉམས་པ་གསོ་བྱེད་རས་སྐུད་འབྲི་རྟས་འཛིན། དམར་པོ། ། ༈ འདི་སྐབས་རྨ་བྱའི་མདངས། བལ་ཡུལ་དང་། ཞྭ་ལུ་རི་ཕུག་སོགས་སུ་སྐྱེ་བའི་རྩ་རྨ་བྱའི་མདངས་ཟེར་བ་དེ་ཡིན། སྦྲུལ་ཤུན་ནི་འབྲུག་ཤིང་ཤུན་པ། ཐང་ལོ་དང་སྨྱུག་ལོ་སྦ་དང་སྨྱུག་གི་ལོ་མ། ཆུ་སྲིན་སྡེར་མོ་སྔོ་ལ་བྱེད། བྲག་ཝ། ནཱ་གི་མི་གཏོང་། རྒྱ་མཚོ་སྦུ་བ་དཀར་སོབ་འདི་འབུ་ཁོག་རེད། ཆུ་བལ་སྔོན་པོ་གཏོང་སྲོལ་ཡོད། ཀླུ་སྨན་སོགས་ལ་དུག་ཕྱུངས་རྡོ་དྲེགས་དམར་པོ་བཏབ་པས་ཕན། སྨན་སྣ། དུག་སྣ་ནག་པོ༧། སྡེ་བརྒྱད་སྤྱིར་རྫས། མངར་གསུམ་དང་། དཀར་གསུམ་རིལ་བུ། རིན་ཆེན་ཕྱེ་མ། བསང་རྫས་བརྒྱ་རྩ། བུམ་རྫས་ཉེར་ལྔ་རྒྱས་སྤྲོས་ཅན། སྨན། རཀྟ། གཏོར་མའི་རྫས། ཉེར་སྤྱོད་ཀྱི་རྫས། ཀླུ་སྨན། བཟང་དྲུག་ཕྱེ་མ་བཅས་སོ། ། ༈ ཇོ་ནང་ལུགས་ལ་རྗེ་བཙུན་གྱི་དཀྱིལ་ཆོག་ལས་རྫས་འདམ་གར་གསུངས་པའི་ནང་ཚན་རྙེད་སླ་བ། རྒྱལ་བའི་བུམ་རྫས། གཡུ་རམ་མེ་ཏོག་ལྗང་གུ། ཁབ་ལེན། ག་བུར། ཀཎྜ་ཀ་རི། གྲོ། རྣམ་རྒྱལ་ལ། གཡུའི་མལ་དུ་ཨུཏྤལ་སྔོན་པོ་མ་གཏོགས་གཞན་འདྲ། ཤར་དང་ཤར་ལྷོའི་བུམ་རྫས། མུ་མེན་ནམ་མེ་ཏོག་སྔོན་པོ། ལྕགས། ཀ་ཀོ་ལའམ་སུག་སྨེལ། རྟག་ཏུ་ངུ་། འབྲས་སོ་བ། ལྷོ་དང་ལྷོ་ནུབ་བུམ་རྫས། བྱེ་རུ་འམ་མེ་ཏོག་དམར་པོ་ཉ་ལོའམ་གླང་སྣ་སོགས། ཟངས། གུར་གུམ། སྤང་སྤོས། ནས། བྱང་དང་བྱང་ཤར་བུམ་རྫས། དུང་ངམ་མེ་ཏོག་དཀར་པོ། དངུལ། ཙནྡན་དཀར་པོ། དབང་ལག །ཟར་མའམ་ཁྲེ། ནུབ་དང་ནུབ་བྱང་བུམ་རྫས། སྤོས་ཤེལ་ལམ་མེ་ཏོག་སེར་ཆེན་སོགས་སེར་པོ། གསེར། རུ་རྟ། སླེ་ཏྲེས། སྲན་མའོ། །རྣམ་རྒྱལ་ཆེན་པོ་དེ་ཐམས་ཅད་གཞུག་གོ ། ༈ རྣལ་འབྱོར་གྱི་རྒྱུད་ལས་གསུངས་པའི་བུམ་རྫས་ནི། བྱེ་རུ། གསེར། དངུལ། མུ་ཏིག །པདྨ་རཱ་ག་སྟེ་རིན་པོ་ཆེ་ལྔ། བྲྀ་ཧ་སྟེ་སྟག་སླེ་ཏྲེས། ཚེར་རམ། ཀཎྜ་ཀ་རི་སྨུག་པོ། ཀཎྜ་རི་ཧ་ས་དེ་བ་སྟེ་དབང་ལག །དཎྜོཏྤ་ལ་སྟེ་དབྱུག་པའི་ཨུཏྤལ་ཞེས་པདྨ་གེ་སར། ཤྭེ་ཏ་ཨ་པ་ར་ཛི་ཏ་སྟེ་གཞན་གྱིས་མི་ཐུབ་པ་དཀར་པོ་ཤུ་དག་དཀར་པོ་སྟེ་སྨན་ལྔ། འབྲས་དཀར། ནས་དཀར། གྲོ། ཏིལ་དཀར། སྲན་མ་མ་ཤ་སྟེ་འབྲུ་ལྔ། གུར་གུམ། ཨ་ག་ར། ཙནྡན་དཀར་དམར་ག་བུར་སྟེ་དྲི་ལྔ། ལན་ཚྭ་རྟ་སོ་མ། སྦྲང་དཀར། ཤེལ་དཀར། བ་དམར་གྱི་མར། ཏིལ་མར་ཏེ་སྙིང་པོ་ལྔ། དེ་རྣམས་ལས་རིན་པོ་ཆེའི་དུག་འདོན། ཤིང་སྨན་རྣམས་ཀྱི་རྐང་དང་ཕྱིའི་ལྐོག་པ་བཤུས་ཏེ་བཏང་། བ་གསར་དམར་ཟལ་གྱི་འོ་མས་རིལ་བུར་བསྒྲིལ། བླ་མེད་སྤྱི་ལ་དེ་སྟེང་བདུད་རྩི་རིལ་བུ་བཏབ། ཁྱད་པར་དུས་འཁོར་ལ། བུམ་སྨན་རབ་རིན་པོ་ཆེ་རབ་རྡོ་རྗེ་རིན་ཆེན་ཁ་དོག་ལྔ། འབྲིང་ཨིནྡྲ་ནཱི་ལ་སོགས་ལྔར་བཤད་ཀྱང་དེང་སང་མི་རྙེད། དྲི་དང་སྨན་རྣམས་ལའང་དེ་མིན་ཉེར་ལྔ་སོ་སོའི་ནང་ནས་ལྔ་ཚན་ཇི་ལྟར་རྙེད་པ་རེ་བཏུས་ནས་བྱ་བར་གསུངས་མོད་ཀྱི། འདིར་བླ་མ་རྣམས་ཀྱིས་ཕྱག་ལེན་མཛད་པའི་བུམ་སྨན་ཉི་ཤུ་རྩ་ལྔ་སྟེ། དེ་ལ་དང་པོ་སྨན་ལྔ་ནི། ཀཎྜ་ཀ་རཱི་ཆ༡། ཤིང་མངར་ཆ༢། རྨ་བྱའི་གཙུག་ཕུད་སྟེ་བལ་ཡུལ་ནས་ཁྱེར་འོང་བའི་རྩ་རྨ་བྱའི་མདངས་ཆ༣། པྲྀ་ཧ་ཏི་སྟག་ཚེར་ཆ༤། བྷྲིཾ་གི་རཱ་ཛ་སྟེ་ར་མོ་འདི་ལ་དཀར་ནག་གི་ཆ་འབྱེད་རྒྱུ་ཡོད་དམ་སྙམ། ཤག་ཆ་ལྔ་སྡོམ་ལ་སྨན་ལྔའོ། །གཉིས་པ་དྲི་ལྔ་ལ། གླ་རྩི་ཆ༡། ཛཱ་ཏི་ཆ༢། གུར་གུམ་ཆ༣། མུ་ར་སྟེ་ས་ལུ་ལྗངས་པའི་རྩྭ་བ། ཤུ་དག་དཀར་པོ་ཆ༤། རུ་རྟ་ཆ་ལྔ་སྟེ་དྲི་ལྔ། འབྲུ་ལྔ་ནི། གྲོ་ཆ༡། འབྲུའི་ཆ་འབྲུ་འདོགས་པ་འདོད། ཏིལ་དཀར་པོ་ཆ༢། ཁྲེ་ཆ༣། མ་ཤ་སྟེ་རྒྱ་སྲན་དཀར་པོ་ཆ༤། སྲན་མ་བོད་དུ་སྐྱེས་པ་ཆ་ལྔའོ། །རིན་པོ་ཆེ་ཐ་མ་ལྔ་ལ། ཤེ་ལ་སྔོ་རྩི་གཏོང་། ཆ༡། དཀར་གཟི་དང་མ་ན་ཧོ་གང་བྱུང་། ཁྲ་མེན་ཆ༢། བྱུ་རུ་ཆ༣། མུ་ཏིག་ཆ༤། ཤུ་ལ་མ་ཎི་འདི་ལ་གཡུ་གཏོང་། སྟེ་ནོར་བུ་ལྗང་གུ་ཆ་ལྔའོ། །ལྔ་པ་ལྕགས་ལྔ་ལ། རྡོ་ཁབ་ལེན་ཆ༡། ལྕགས་ཁབ་ལེན་ཆ༢། དངུལ་ཆ༣། གསེར་ཆ༤། རང་བྱུང་ཟངས་ཆ་ལྔའོ། །བུམ་སྨན་འདི་དག་ནི་རིལ་བུ་བསྒྲིལ་བ་མི་མཛད་ཅིང་ལྔ་ཚན་སོ་སོར་ཕྱེ་ནས་བུམ་པར་གཞག་ཚུལ་གསུངས་ཀྱང་བླ་མ་རྣམས་ཀྱི་ཕྱག་ལེན་དུ་རས་ཀྱི་ཐུམ་བུ་བྱས་པ་དུང་ཆོས་ཀྱི་ནང་དུ་འཇུག་གིན་འདུག་གོ །བུམ་པའི་ཆུ་ནི་འབབ་ཆུ་ལ་རྐང་པ་གཡོན་སྔོན་འགྲོས་གོམ་པ་གང་ཕྱིན་པས་ཆུའི་དཀྱིལ་ནས་ལག་པ་གཡོན་གྱིས་བུམ་པ་ཆུར་བཅུག་ནས་གཅུས་པའི་ཆུ་ལ་བྱ་དགོས་ཞེས་རྗེ་ཡང་དགོན་པ་གསུངས་སོ། །ཤིང་ཤུན་ལྔ་ནི། ནྱ་གྲོ་དྷ། ཨུ་དུམ་ཝཱ་ར། བ་ཝ་ཀཱ། བི་སྤ་ལྱ། གནྡྷ་མུནྡྷ་སྟེ་འོ་མ་ཅན་གྱི་ཤིང་ཤུན་ལྔ་ཞེས་གསུང་། དེའི་ཚབ་ཏུ། ཙནྡན་གཉིས། ཨ་གར། འོམ་བུ། ཤུག་པ་རྣམས་གཏོང་ཟེར་ཡང་དཔྱད། ཏམྦུ་ལའམ་སོ་རྩི་ནི། གོ་ལ་ཞེས་པ་གོ་བྱེའི་ལོ་མ་ལས་བཅོས་པ་མུར་སྤྱད་ཞིག་ཡོད། དེའི་ཚབ་ཏུ་མཁལ་མ་གོ་ཡུ་དང་། སྟོད་ཇ་དཀར་པོ་གཉིས་མར་སོགས་དང་སྦྱར་རོ། ། ༈ ཆོས་སྐྱོང་སྤྱན་འདྲེན་གྱི་སྤོས་ནི། རྟ་ནག་མཆིན་པ། གུལ་ནག །མི་སྨེ་ཅན་གྱི་ཁྲག་གམ་མ་འབྱོར་ན་གྲི་ཁྲག །ཡུངས་ཀར་གྱི་འབྲུ། སྒོག་གཅིག །བཙན་དུག་རྣམས་ཕྱེ་མར་སྦྱར་ནས་ཆང་གར་མས་རིལ་བུ་བྱ། རྣམ་སྲས་སྤྱན་འདྲེན་མན་ངག་ལས་བྱུང་བའི་སྤོས་ནི། སྤོས་དཀར། ཙནྡན་དཀར་པོ། ག་བུར། དུ་རུ་ཀ་སྟེ་ཨར་ནག །ཨར་སྐྱ་རྣམས་འབྲས་ཐལ་སིལ་སྦྱར་བས་རིལ་བུ་བྱེད། འདི་དག་དམིགས་གསལ་མ་གཏོགས་གར་ཐོད་ཐོད་དུ་མི་བསྲེགས། ། ༈ ཀླུ་སྨན་སྐབས། བལ་པོའི་སེའུ་ཞེས་པ། དེ་ཆང་ཚབ་བམ། རབ་ཏུ་བྱུང་བའི་ཆང་ཞེས་ཁུ་བ་གཞུར་ནས་སྐོམ་བྱེད་པའི་ཤིང་ཏོག་གཅིག་ལ་བྱེད། སི་ལ་སོགས་ལ་བྱེད་པ་ནི་ནོར། སྦྲུལ་ལྤགས་འབྲུག་ཤིང་གི་ལྤགས་པ་དང་། ཆུ་སྲིན་སྡེར་མོ་སྔོ་ལ་བྱེད་དོ། ། ༈ ཐུགས་རྗེ་ཆེན་པོའི་རྣམ་བཤད་ལས་བྱུང་བའི་བུམ་སྨན་ནི། རིན་ཆེན། མུ་ཏིག །གསེར། དངུལ། བྱེ་རུ། མུ་མེན་ལྔ། འབྲུ། ཏིལ་དཀར་པོ། ནས། གྲོ། མོན་སྲན་མ་ཤ་ཀ །འབྲས་མ་གྲུག་པ་ལྔ། སྨན། བྲྀ་ཧ་སྟི་སྟག་ཚེར་ཏེ་སེ་འབྲུའི་མེ་ཏོག་གམ་སླེ་ཏྲེས། ཀཎྜ་ཀ་རི། ཚེར་མ་བྱེད་པ། དཎྜོཏྤ་ལ་དབྱུག་པའི་ཨུཏྤལ་སྟེ་ཨུཏྤལ་སྔོན་པོ། ཤྭེ་ཏཱ་པ་ར་ཛི་ཏ་ནི་གཞན་གྱིས་མི་ཐུབ་པ་དཀར་པོ་སྟེ་ཤུ་དག་དཀར་པོ། ཧ་ས་དེ་བ་ལྷ་དགོད་དེ་ཅོག་མགོ་སྨན་ནམ་དབང་ལག །སྙིང་པོ། ཆུ་སྙིང་ལན་ཚྭ། མེ་ཏོག་གི་སྦྲང་། ཤིང་གི་བུ་རམ། རྩི་ཐོག་གི་མར་རམ་འོ་མ། སྨན་གྱི་ཨ་རུ་རའམ། བླ་མེད་ཀྱི་སྐབས་འབྲུ་བཅུད་ཀྱི་སྙིང་པོ་ཆང་སྟེ་ལྔ། དྲི་ག་བུར། གུར་གུམ། ཙནྡན་དཀར་པོ། ཛཱ་ཏིའམ་གླ་རྩི། ལི་ཤི་རྣམས་སོ། །ཤ་ལྔ་ནི། གླང་ཆེན། བ་ལང་། ཁྱི་དང་རྟ་ཁ་དོག་དཀར་པོ་རྣམས་ནད་ངན་པས་ཤི་བ་མ་ཡིན་པ་དང་། སྐྱེ་བ་བདུན་པའམ་སྐྱེས་ཕོ་མོ་གཡུལ་དུ་བསད་པའི་ཤ །བདུད་རྩི་ལྔ་ནི། དམ་ཚིག་ཅན་གྱི་དྲི་ཆེན་དྲི་ཆུ། ཁྱེའུ་གཙང་མའི་ཁུ་བ། ན་ཆུང་རྡོ་རྗེའི་མདའ་མ་ཕོག་པའི་པདྨ་རཀྟ། ཤ་ཆེན་གྱི་དྭངས་མ་ཀླད་པ་རྣམས་སོ། ། ༈ ཀུན་རིག་རྣམ་བཤད་དཔག་བསམ་ལྗོན་པར། འབྲུ་ལྔ། ནས་གྲོ་སྲན་མ་འབྲས་སོ་བ་ཏིལ་དཀར། རིན་པོ་ཆེ། གསེར་དངུལ་བྱེ་རུ་མུ་མན་མུ་ཏིག །སྨན་འདི་ལ་ཆུ་སྲིན་སྡེར་མོ་དང་ཨུཏྤལ། སླེ་ཏྲེས་ཤུ་དག་དཀར་རྒྱ་མཚོ་སྦུ་བ་དབང་ལག་ཀཎྜ་ཀ་རི་སྔོ། སྙིང་པོ། ལན་ཚྭ། བུ་རམ། མར་དཀར། འོ་མ་སྦྲང་ཞེས་གཙུག་དགུའི་དཀྱིལ་ཆོག་ལས་བཤད། རྣམ་འཇོམས་འགྲེལ་པར། ས་སྙིང་ཏིལ། ཆུ་སྙིང་ཚྭ། རྩི་ཐོག་སྙིང་པོ་མར། ཤིང་ཏོག་སྙིང་པོ་བུ་རམ། མེ་ཏོག་སྙིང་པོ་སྦྲང་རྩི། དྲི་ལྔ་ནི། ཙནྡན་གཉིས། གུར་གུམ། ག་བུར། ཛཱ་ཏི་ལྔ། ། ༈ ས་སྐྱའི་དམ་རྫས་ཀྱི་རྩི། ཁ་ཆེ། གི་ཝཾ། ཙནྡན་དམར་པོ། ཤེལ་དཀར་རྟ་སོ་མ་རྣམས་ཡིན། དེ་དང་ཁ་ཆེ་མང་ན་སེར་ཤས་ཆེ། ཙནྡན་མང་ན་སྨུག་ཤས་ཆེ་བར་འོང་ངོ་། ། ༈ བསངས་འབུམ་བྱ་ཚུལ་ནི། ས་གཙང་ཞིག་ཏུ་བྱར་བའི་སྣོད་ལྟ་བུར་ཤིང་སྣ་བསང་རྫས་སོགས་འདུ་བྱས་ལ། མི་བཅུས་ཤིང་སྣ་བསང་རྫས་ཀྱིས་བྲན་པ་ལག་གཉིས་ཀས་འཛིན། ངག་ཏུ་སྐད་ཆེན་པོས། གཅིག །བཅུ་ཉི་ཤུ་སུམ་ཅུ་ནས་བརྒྱ་འབུལ་ལོ་ཞེས་འབུལ་ཚུལ་དང་། དེ་མཚམས་གསར་པ་རེ་བསགས། གྲངས་འཛིན་ཞིག་གིས་དེ་ལྟ་བུ་འབུམ་ཕྲག་རེ་འགྲོ་ངེས་བྱེད། བླ་མས་སྔགས་ཕྱག་རྒྱ་ཏིང་ངེ་འཛིན་གྱིས་མང་པོར་སྤེལ། ཚར་བ་དང་བསང་ཁང་དུ་འབུལ་ཞིང་། ཆབ་ཀྱིས་བྲན་པ། བསང་གཞུང་སྤྱི་དང་། རི་བོ་བསང་མཆོད་གྱི་འབྲུ་གསུམ་འབུམ་ཐེར་བྱ། ལོང་མ་བྱུང་ཡང་བསངས་གཞུང་རྒྱས་པ་ཚར་གཅིག་གིས་སྤེལ་ལོ། །བསངས་ཀྱི་མཆོད་སྤོས་རྒྱས་པ་ནི། རིན་ཆེན་ཕྱེ་མ། བཟང་དྲུག །ཙནྡན་གཉིས། ག་བུར། ནཱ་གི །ཨ་གར་རིགས་གསུམ། འབྲས་བུ་གསུམ། གེ་སར་གསུམ། གུ་གུལ་གཉིས། རྩྭ་འབའ་ལ། རུ་རྟ། མ་ནུ། ག་དུར། ས་སི་ལ། སྤང་སྤོས། རྒྱ་སྤོས། བྲག་སྤོས། མཁན་པ་གསེར་མགོ། པྲི་ཡངྐུ་། གནྡྷ་བྷ་དྲ། གླང་སྣ། ལུག་རུ་སེར། ཏོང་ཀུན། འུ་སུ། ཞོ་ཤ །སེ་འབྲུ། ཨུཏྤལ། རྡོ་རྒྱུས། སྟར་ག་དང་རྒུན་འབྲུམ་སོགས། ། ༈

[edit]

mchod pa'i rdzas kyi khyad par sogs nyer mkho'i zin thun 'ga' tsam 'chad pa la/ bla ma rnams dang dkyil 'khor 'khor lo la/__btud nas mchod pa'i rdzas kyi khyad par sogs/__nyer mkho'i zin thun 'ga' tsam 'chad pa la/__blo gsal rnams kyis rtse gcig yid kyis nyon/__de la zhabs bsil ni 'o ma dang chu gtsang ma bsres pa la 'byor na shun pa lnga rab gnas kyi tsha ba tsan+dan dkar dmar a gar 'om bu shug pa/__gzhung 1nas bshad pa bzhin btab/__zhabs bsil ni mngar gsum sbyar ba'i chu/__mchod yon ni/__'byor na 'o ma til dkar 'bras dang ni/__me tog dkar se ba/__po nas dang ni/__ku sha gur gum rnam pa bdun/__zhes pa btab/__ma 'byor na puN+Da rI ka'i se ba'i/__me tog__/'thor 'thung ni chu gtsang ma ku sha'i 'thor yab dang bcas pa/__me tog ni dngos se ba/__sam bcos ma'am 'bru dkar gyi tshom bu lha so so'i kha dog_/_bdug spos ni sbyar ba'i reng bu dang /__a ga ru nag po sogs lhan skyes/__mar me ni rtsi mar gyi sgron me/__dri chab ni/__tsan+dan dkar dmar gur gum sogs/__bsil zhing dri zhim pa'i chu gtsang dung chos su blugs pa'am dri gur gum a gar tsan+dan gnyis ga zur/__lnga/__zhal zas ni dkar gsum mngar gsum gyis sbags pa'i lha bshos/__bla med rigs la bdud rtsi ril bu'ang btab/__rol mo ni/__ting shag dang /__dril bu/__DA ma ru sogs rgyud sde so sor bsngags pa bcas so/__/de dag ni phyi'i mchod pa'o/___/___!_rab gnas rnam bshad chen mor/__bal bu/__'om bu/__kham bu/__lcang skya/__shug pa lnga yi bar shun/__de steng sur dkar/__nye shing /__sran dkar gyi phye ma rnams bsnan gsung /___/___!_seng ge sgra'i lugs kyi klu sman/__bzang drug__/mngar gsum 'bras bu gsum/__rgya mtsho'i lbu ba/__kaN+Da ka rI/__chu srin sder mo/__dbang lag__/nA ga ge sar/__pad+ma ge sar/__snyi ba'i me tog__snyi ba yin dang /__ut+pal sngon po/__mtshal dkar/__shag tshal sogs/__bu shel rtse/__snying po/__gla dgor zho sha__/mkhal ma zho sha/__/rma bya'i mdangs/__rtsa khu byug__phywa tshang ku ba/__nor bu myu gu 'phel gdung /__/le bal gur/__brgan/__lhang tsher dkar po/__mkhal sran dkar po/__gser me/__pri yang+ku/__spang rgyan dkar po/__chu dag pa ser ljang rtsa ba/__sle tres/__grwa ma/__mon bu/__gla sgang /__rgun 'brum/__nA ga puSh+pe rnams sbyar zhes snang /___/___!_rje btsun sgA lo'i klu gtor las/__skra nyams pa sos byed rma bya'i mdangs/__mgo bo sos byed phywa tshang /__klad pa gso byed mu tig__/klad rgyas gso byed lhang tsher/__rna ba gso byed pu shel tse/__mig gso byed ut+pal sngon po/__sna gso byed spos dkar/__tshems gso byed mgron bu/__lce gso byed shu dag dkar po/__lkog ma gso byed ma nu 'u su/__snying gso byed snying zho/__mchin pa gso byed gla gor zho sha__/mkhal ma gso byed mkhal zho/__glo ba gso byed rgya mtsho lbu ba/__rgyus pa gso byed rdo rgyus bya bal ma/__lpags pa gso byed thang dkar shun pa tshe nyams pa gso byed ras skud 'bri rtas 'dzin/__dmar po/___/___!_'di skabs rma bya'i mdangs/__bal yul dang /__zhwa lu ri phug sogs su skye ba'i rtsa rma bya'i mdangs zer ba de yin/__sbrul shun ni 'brug shing shun pa/__thang lo dang smyug lo sba dang smyug gi lo ma/__chu srin sder mo sngo la byed/__brag wa/__nA gi mi gtong /__rgya mtsho sbu ba dkar sob 'di 'bu khog red/__chu bal sngon po gtong srol yod/__klu sman sogs la dug phyungs rdo dregs dmar po btab pas phan/__sman sna/__dug sna nag po7/__sde brgyad spyir rdzas/__mngar gsum dang /__dkar gsum ril bu/__rin chen phye ma/__bsang rdzas brgya rtsa/__bum rdzas nyer lnga rgyas spros can/__sman/__rak+ta/__gtor ma'i rdzas/__nyer spyod kyi rdzas/__klu sman/__bzang drug phye ma bcas so/___/___!_jo nang lugs la rje btsun gyi dkyil chog las rdzas 'dam gar gsungs pa'i nang tshan rnyed sla ba/__rgyal ba'i bum rdzas/__g.yu ram me tog ljang gu/__khab len/__ga bur/__kaN+Da ka ri/__gro/__rnam rgyal la/__g.yu'i mal du ut+pal sngon po ma gtogs gzhan 'dra/__shar dang shar lho'i bum rdzas/__mu men nam me tog sngon po/__lcags/__ka ko la'am sug smel/__rtag tu ngu /__'bras so ba/__lho dang lho nub bum rdzas/__bye ru 'am me tog dmar po nya lo'am glang sna sogs/__zangs/__gur gum/__spang spos/__nas/__byang dang byang shar bum rdzas/__dung ngam me tog dkar po/__dngul/__tsan+dan dkar po/__dbang lag__/zar ma'am khre/__nub dang nub byang bum rdzas/__spos shel lam me tog ser chen sogs ser po/__gser/__ru rta/__sle tres/__sran ma'o/__/rnam rgyal chen po de thams cad gzhug go__/_!_rnal 'byor gyi rgyud las gsungs pa'i bum rdzas ni/__bye ru/__gser/__dngul/__mu tig__/pad+ma rA ga ste rin po che lnga/__br-i ha ste stag sle tres/__tsher ram/_kaN+Da ka ri smug po/_kaN+Da ri ha sa de ba ste dbang lag__/daN+Dot+pa la ste dbyug pa'i ut+pal zhes pad+ma ge sar/__shwe ta a pa ra dzi ta ste gzhan gyis mi thub pa dkar po shu dag dkar po ste sman lnga/__'bras dkar/__nas dkar/__gro/__til dkar/__sran ma ma sha ste 'bru lnga/__gur gum/__a ga ra/__tsan+dan dkar dmar ga bur ste dri lnga/__lan tshwa rta so ma/__sbrang dkar/__shel dkar/__ba dmar gyi mar/__til mar te snying po lnga/__de rnams las rin po che'i dug 'don/__shing sman rnams kyi rkang dang phyi'i lkog pa bshus te btang /__ba gsar dmar zal gyi 'o mas ril bur bsgril/__bla med spyi la de steng bdud rtsi ril bu btab/__khyad par dus 'khor la/__bum sman rab rin po che rab rdo rje rin chen kha dog lnga/__'bring in+d+ra nI la sogs lngar bshad kyang deng sang mi rnyed/__dri dang sman rnams la'ang de min nyer lnga so so'i nang nas lnga tshan ji ltar rnyed pa re btus nas bya bar gsungs mod kyi/__'dir bla ma rnams kyis phyag len mdzad pa'i bum sman nyi shu rtsa lnga ste/__de la dang po sman lnga ni/__kaN+Da ka rI cha1/__shing mngar cha2/__rma bya'i gtsug phud ste bal yul nas khyer 'ong ba'i rtsa rma bya'i mdangs cha3/__pr-i ha ti stag tsher cha4/__b+h+riM gi rA dza ste ra mo 'di la dkar nag gi cha 'byed rgyu yod dam snyam/__shag cha lnga sdom la sman lnga'o/__/gnyis pa dri lnga la/__gla rtsi cha1/__dzA ti cha2/__gur gum cha3/__mu ra ste sa lu ljangs pa'i rtswa ba/__shu dag dkar po cha4/__ru rta cha lnga ste dri lnga/__'bru lnga ni/__gro cha1/__'bru'i cha 'bru 'dogs pa 'dod/__til dkar po cha2/__khre cha3/__ma sha ste rgya sran dkar po cha4/__sran ma bod du skyes pa cha lnga'o/__/rin po che tha ma lnga la/__she la sngo rtsi gtong /__cha1/__dkar gzi dang ma na ho gang byung /__khra men cha2/__byu ru cha3/__mu tig cha4/__shu la ma Ni 'di la g.yu gtong /__ste nor bu ljang gu cha lnga'o/__/lnga pa lcags lnga la/__rdo khab len cha1/__lcags khab len cha2/__dngul cha3/__gser cha4/__rang byung zangs cha lnga'o/__/bum sman 'di dag ni ril bu bsgril ba mi mdzad cing lnga tshan so sor phye nas bum par gzhag tshul gsungs kyang bla ma rnams kyi phyag len du ras kyi thum bu byas pa dung chos kyi nang du 'jug gin 'dug go__/bum pa'i chu ni 'bab chu la rkang pa g.yon sngon 'gros gom pa gang phyin pas chu'i dkyil nas lag pa g.yon gyis bum pa chur bcug nas gcus pa'i chu la bya dgos zhes rje yang dgon pa gsungs so/__/shing shun lnga ni/__n+ya gro d+ha/__u dum wA ra/__ba wa kA/__bi spa l+ya/__gan+d+ha mun+d+ha ste 'o ma can gyi shing shun lnga zhes gsung /__de'i tshab tu/__tsan+dan gnyis/__a gar/__'om bu/__shug pa rnams gtong zer yang dpyad/__tam+bu la'am so rtsi ni/__go la zhes pa go bye'i lo ma las bcos pa mur spyad zhig yod/__de'i tshab tu mkhal ma go yu dang /__stod ja dkar po gnyis mar sogs dang sbyar ro/___/___!_chos skyong spyan 'dren gyi spos ni/__rta nag mchin pa/__gul nag__/mi sme can gyi khrag gam ma 'byor na gri khrag__/yungs kar gyi 'bru/__sgog gcig__/btsan dug rnams phye mar sbyar nas chang gar mas ril bu bya/__rnam sras spyan 'dren man ngag las byung ba'i spos ni/__spos dkar/__tsan+dan dkar po/__ga bur/__du ru ka ste ar nag__/ar skya rnams 'bras thal sil sbyar bas ril bu byed/__'di dag dmigs gsal ma gtogs gar thod thod du mi bsregs/___/___!_klu sman skabs/__bal po'i se'u zhes pa/__de chang tshab bam/__rab tu byung ba'i chang zhes khu ba gzhur nas skom byed pa'i shing tog gcig la byed/__si la sogs la byed pa ni nor/__sbrul lpags 'brug shing gi lpags pa dang /__chu srin sder mo sngo la byed do/___/___!_thugs rje chen po'i rnam bshad las byung ba'i bum sman ni/__rin chen/__mu tig__/gser/__dngul/__bye ru/__mu men lnga/__'bru/__til dkar po/__nas/__gro/__mon sran ma sha ka__/'bras ma grug pa lnga/__sman/__br-i ha sti stag tsher te se 'bru'i me tog gam sle tres/__kaN+Da ka ri/__tsher ma byed pa/__daN+Dot+pa la dbyug pa'i ut+pal ste ut+pal sngon po/__shwe tA pa ra dzi ta ni gzhan gyis mi thub pa dkar po ste shu dag dkar po/__ha sa de ba lha dgod de cog mgo sman nam dbang lag__/snying po/__chu snying lan tshwa/__me tog gi sbrang /__shing gi bu ram/__rtsi thog gi mar ram 'o ma/__sman gyi a ru ra'am/__bla med kyi skabs 'bru bcud kyi snying po chang ste lnga/__dri ga bur/__gur gum/__tsan+dan dkar po/__dzA ti'am gla rtsi/__li shi rnams so/__/sha lnga ni/__glang chen/__ba lang /__khyi dang rta kha dog dkar po rnams nad ngan pas shi ba ma yin pa dang /__skye ba bdun pa'am skyes pho mo g.yul du bsad pa'i sha__/bdud rtsi lnga ni/__dam tshig can gyi dri chen dri chu/__khye'u gtsang ma'i khu ba/__na chung rdo rje'i mda' ma phog pa'i pad+ma rak+ta/__sha chen gyi dwangs ma klad pa rnams so/___/___!_kun rig rnam bshad dpag bsam ljon par/__'bru lnga/__nas gro sran ma 'bras so ba til dkar/__rin po che/__gser dngul bye ru mu man mu tig__/sman 'di la chu srin sder mo dang ut+pal/__sle tres shu dag dkar rgya mtsho sbu ba dbang lag kaN+Da ka ri sngo/__snying po/__lan tshwa/__bu ram/__mar dkar/__'o ma sbrang zhes gtsug dgu'i dkyil chog las bshad/__rnam 'joms 'grel par/__sa snying til/__chu snying tshwa/__rtsi thog snying po mar/__shing tog snying po bu ram/__me tog snying po sbrang rtsi/__dri lnga ni/__tsan+dan gnyis/__gur gum/__ga bur/__dzA ti lnga/___/___!_sa skya'i dam rdzas kyi rtsi/__kha che/__gi waM/__tsan+dan dmar po/__shel dkar rta so ma rnams yin/__de dang kha che mang na ser shas che/_tsan+dan mang na smug shas che bar 'ong ngo /___/___!_bsangs 'bum bya tshul ni/__sa gtsang zhig tu byar ba'i snod lta bur shing sna bsang rdzas sogs 'du byas la/__mi bcus shing sna bsang rdzas kyis bran pa lag gnyis kas 'dzin/__ngag tu skad chen pos/__gcig__/bcu nyi shu sum cu nas brgya 'bul lo zhes 'bul tshul dang /__de mtshams gsar pa re bsags/__grangs 'dzin zhig gis de lta bu 'bum phrag re 'gro nges byed/__bla mas sngags phyag rgya ting nge 'dzin gyis mang por spel/__tshar ba dang bsang khang du 'bul zhing /__chab kyis bran pa/__bsang gzhung spyi dang /__ri bo bsang mchod gyi 'bru gsum 'bum ther bya/__long ma byung yang bsangs gzhung rgyas pa tshar gcig gis spel lo/__/bsangs kyi mchod spos rgyas pa ni/__rin chen phye ma/__bzang drug__/tsan+dan gnyis/__ga bur/__nA gi__/a gar rigs gsum/__'bras bu gsum/__ge sar gsum/__gu gul gnyis/__rtswa 'ba' la/__ru rta/__ma nu/__ga dur/__sa si la/__spang spos/__rgya spos/__brag spos/__mkhan pa gser mgo/__pri yang+ku /__gan+d+ha b+ha dra/__glang sna/__lug ru ser/__tong kun/__'u su/__zho sha__/se 'bru/__ut+pal/__rdo rgyus/__star ga dang rgun 'brum sogs/___/___!_