JKW-KABUM-21-ZHA-002-026

Previous Text Back to Volume PageNext Text

ཛཾ་དམར་གཏེར་བུམ་བཅའ་ཚུལ།

Wylie title	dzaM dmar gter bum bca' tshul
Location	mkhyen brtse'i bka' 'bum Volume 21, sde tshan 2, Text 26, Pages 222-223 (Folios 52b2 to 53a5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. dzaM dmar gter bum bca' tshul. In 'jam dbyangs mkhyen brtse'i dbang po'i bka' 'bum, Vol. 21: 222-223. Khams sde dge rdzong sar dgon: Rdzong sar blo gros phun tshogs, 2020.
Genre	Vase Preparations - bum bca'

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

ཨོཾ་སྭསྟི། ཛམྦྷ་ལ་དམར་པོ་གྲྭ་པ་མངོན་ཤེས་ཀྱི་ལུགས་ལྟར་གཏེར་བུམ་བཅའ་ཚུལ་ནི། རིན་པོ་ཆེའམ་རྫའི་གྭའུ་ཟླ་གམ་དམར་པོ་བྱ་བའམ། གཏེར་བུམ་ཟླུམ་པོ་ཁ་དོག་དམར་པོ་མདུན་རྟགས་ནོར་བུ་དང་ལྕགས་ཀྱུས་མཚན་པའི་མཐིལ་དུ། ཕྱུགས་པོ་ཆེན་པོ་དགུ་དང་གཡང་ཅན་གྱི་ནས་སྣ། ནོར་སྣ། རྟ་ཕྱུགས་སྤུ་སྣ། རིན་པོ་ཆེ་སྣ་ཚོགས། ཞིང་བཟང་པོ་དང་། ཁང་པ་བཀྲ་ཤིས་ཅན་དང་། གནས་གཞི་ཆེན་པོའི་རྒྱ་ཐབས་ཀྱི་ས། དགེ་བཤེས་ཆེན་པོའི་གདན་ས། མི་བསོད་ནམས་ཅན་གྱི་གོས་སྣ། སྨན་སྣ། ཚོང་དུས་ཆེན་པོའི་ས་སྣ། རྐུན་ཆེན་གྱི་ལག་པ། ཟས་སྣའི་རིགས། ན་ཆུང་འཕྱོན་མའི་ཀ་ཅ། བྱིས་པ་གཞོན་ནུའི་ནོར་སྣ། དགེ་བཤེས་དང་། ཡོན་བདག་ཕྱུགས་པོའི་སེམས་ཆགས་པའི་རྫས། ལོ་ལེགས་པའི་སྙེ་མ། ཚོང་ལེགས་པའི་ནོར་ཕུད། འབྲོག་ལེགས་པའི་མར་ཕུད། འབུལ་བ་མང་པོ་བྱུང་བའི་ནོར་སྣ་རྣམས་གང་རྙེད་ཀྱིས་གཏམས་པའི་སྟེང་གི་འཁོར་ལོའི་མདུན་ཐད་ཀྱི་འོག་ཏུ། འཕགས་པ་ཛམྦྷ་ལ་ཡབ་ཡུམ་འཁོར་དང་བཅས་པས་ཁམས་གསུམ་གྱི་རིན་ཆེན་འབྲུ་རིགས་རྟ་ཕྱུགས་གོ་ཁྲབ་དར་ཟབ་བཟའ་བཏུང་ཡུལ་མཁར་ས་ཞིང་སོགས་ཡིད་ལ་གང་བསམ་པའི་འདོད་རྒུའི་དཔལ་འབྱོར་ལོངས་སྤྱོད་ཐམས་ཅད་གནས་འདིར་དུས་རྟག་ཏུ་འདུ་བར་མཛད་དུ་གསོལ། སརྦ་ཏྲི་ལོ་ཀ་ཤཱནྟིཾ་བྷཱ་བ་མཱཾ་ཤྲཱི་བྷཱུ་ཏི་བྷོ་ག་ཝཱ་ཤཾ་ཀུ་རུ་ཧོཿ ཞེས་གསེར་གྱིས་བྲིས་པ་བཅུག །དེའི་སྟེང་དུ་མཚམས་དར་བཏང་བའི་ཁར་ཙནྡན་དམར་པོ་དང་། མེ་ཏོག་དམར་པོ་དྲི་བཟང་གི་ཕྱེ་མ་བཅས་བཀྲམ་པའི་ཁར་འདིའི་འཁོར་ལོ་ལྟེ་བའི་ས་བོན་གྱི་དབུ་རྒྱབ་དང་། ཞལ་ནང་དུ་ཕྱོགས་པས་གཞུག །དེའི་ཡར་མཚམས་དར་བཏང་བའི་སྟེང་དུ་བྱ་རྒྱུད་ལུགས་ཀྱི་བུམ་རྫས་ཉེར་ལྔ། སྨན་སྣ། ཕུད་མ་ཉམས་པའི་ཟས་གོས་འབྲུ་དང་ཤིང་ཏོག་སྣ་ཚོགས། ཙནྡན་དམར་པོ་དང་། མེ་ཏོག་དམར་པོའི་རིགས་སོགས་ཀྱིས་བཀང་། ཁ་དར་དམར་པོ་ལ་གསེར་གྱི་འཁོར་ལོ་རྩིབས་བརྒྱད་བྲིས་པས་བཅད། བུམ་པའི་འོག་གི་མཐིལ་དུ་པདྨ་འདབ་བརྒྱད་ཀྱང་བྲིའོ། ། ༈

[edit]

dzaM dmar gter bum bca' tshul/__ oM swasti/__dzam+b+ha la dmar po grwa pa mngon shes kyi lugs ltar gter bum bca' tshul ni/__rin po che'am rdza'i gwa'u zla gam dmar po bya ba'am/__gter bum zlum po kha dog dmar po mdun rtags nor bu dang lcags kyus mtshan pa'i mthil du/__phyugs po chen po dgu dang g.yang can gyi nas sna/__nor sna/__rta phyugs spu sna/__rin po che sna tshogs/__zhing bzang po dang /__khang pa bkra shis can dang /__gnas gzhi chen po'i rgya thabs kyi sa/__dge bshes chen po'i gdan sa/__mi bsod nams can gyi gos sna/__sman sna/__tshong dus chen po'i sa sna/__rkun chen gyi lag pa/__zas sna'i rigs/__na chung 'phyon ma'i ka ca/__byis pa gzhon nu'i nor sna/__dge bshes dang /__yon bdag phyugs po'i sems chags pa'i rdzas/__lo legs pa'i snye ma/__tshong legs pa'i nor phud/__'brog legs pa'i mar phud/__'bul ba mang po byung ba'i nor sna rnams gang rnyed kyis gtams pa'i steng gi 'khor lo'i mdun thad kyi 'og tu/__'phags pa dzam+b+ha la yab yum 'khor dang bcas pas khams gsum gyi rin chen 'bru rigs rta phyugs go khrab dar zab bza' btung yul mkhar sa zhing sogs yid la gang bsam pa'i 'dod rgu'i dpal 'byor longs spyod thams cad gnas 'dir dus rtag tu 'du bar mdzad du gsol/__sarba tri lo ka shAn+tiM b+hA ba mAM shrI b+hU ti b+ho ga wA shaM ku ru hoH__zhes gser gyis bris pa bcug__/de'i steng du mtshams dar btang ba'i khar tsan+dan dmar po dang /__me tog dmar po dri bzang gi phye ma bcas bkram pa'i khar 'di'i 'khor lo lte ba'i sa bon gyi dbu rgyab dang /__zhal nang du phyogs pas gzhug__/de'i yar mtshams dar btang ba'i steng du bya rgyud lugs kyi bum rdzas nyer lnga/__sman sna/__phud ma nyams pa'i zas gos 'bru dang shing tog sna tshogs/__tsan+dan dmar po dang /__me tog dmar po'i rigs sogs kyis bkang /__kha dar dmar po la gser gyi 'khor lo rtsibs brgyad bris pas bcad/__bum pa'i 'og gi mthil du pad+ma 'dab brgyad kyang bri'o/___/___!