གཞི་བདག་རྟེན་བཀོལ་ལག་ལེན།

🚧 This website is under continued development. We appreciate your patience!

Previous Text Back to Volume PageNext Text

Wylie title	gzhi bdag rten bkol lag len
Location	mkhyen brtse'i bka' 'bum Volume 21, sde tshan 2, Text 7, Pages 158-159 (Folios 20b4 to 21a5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. gzhi bdag rten bkol lag len. In 'jam dbyangs mkhyen brtse'i dbang po'i bka' 'bum, Vol. 21: 158-159. Khams sde dge rdzong sar dgon: Rdzong sar blo gros phun tshogs, 2020.
Genre	Feast Offering - tshogs mchod - tshogs kyi 'khor lo

1 Texts in this Section (sde tshan or chos tshan)

7 158-159	གཞི་བདག་རྟེན་བཀོལ་ལག་ལེན། gzhi bdag rten bkol lag len Feast Offering - tshogs mchod - tshogs kyi 'khor lo	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

གཞི་བདག་རྟེན་བཀོལ་སྐབས། ཐོག་མར་ཐུགས་སྒྲུབ་ལས་བྱང་ཚོགས་སྐོང་བཅས་དང་། བསང་། གསེར་སྐྱེམས་རྣམས་གྲུབ་ནས། གསས་མཁར་བརྩིགས་པའི་འོག་གི་རི་ཞབས་ཐག་ཉེ་རིང་གང་བདེར་ཡུལ་འདྲེ་མནན་པ་གཞུང་ལྟར། དེ་ནས་གསས་མཁར་བརྩིགས་པ་དངོས་དེར་གསེར་སྐྱེམས་དང་། དཀར་གཏོར། བགེགས་གཏོར་བཤམས་ལ་ས་སློང་དང་། ས་སྲིན་བསྐྲད། ས་རྒོད་ཡིན་ན་ལྟོ་འཕྱེ་བརྟག་པ་གྲུབ་ན་ལེགས། དེ་མིན་གསས་མཁར་བརྩེགས་པའི་འོག་གཞིར་གཞལ་ཡས་ཁང་པ་མཚོན་བྱེད་པདྨ་འདབ་བརྒྱད་བཏིང་། དེ་སྟེང་བུམ་པ་བཞག །ཚས་དང་ཁ་ཆོད་ལེགས་པར་བརྒྱབ་པའི་རྩེར་རྒྱབ་ཏུ་དར་ལྕོག །མགུལ་དུ་འཁོར་ལོ། མདུན་དུ་ཤིང་བྱང་། གཞན་ཡང་ཤིང་རྩི་བལ་ཚོན་སོགས་བཙུག །དམུ་ཐག་འཐེན་ཞེས་པ་ཤིང་བྱང་རྩེ་ནས་ཚོན་སྐུད་གསས་མཁར་ཕྱོགས་བཞིར་འཐེན། དཀར་གཏོར་དང་ཉེར་སྤྱོད། བསང་དང་གསེར་སྐྱེམས་སོགས་བཤམས། སྦྱོང་བ་དང་། རི་ཁྲུས་སྤྱི་ལྟར་བྱ། དེ་ནས་སྔགས་དྲུག་ཕྱག་དྲུག་ནས་བཟུང་གཞུང་ལྟར་ཚང་བར་བཏང་ལ་མཐར། ཕྱོགས་བཅུ་དུས་བཞི་སོགས་གཏེར་གསར་བསྔོ་སྨོན་དང་། ཕུན་སུམ་ཚོགས་འཛིན་ལྟ་བུའི་བཀྲ་ཤིས་རྒྱས་པར་བརྗོད། དེ་ནས་བསང་གི་མཇུག་དང་། ཚོགས་ལ་རོལ་པ། ལྷག་མ་སོགས་ལས་བྱང་མཐའ་བསྡུའོ། །མངྒ་ལཾ། ། ༈

[edit]

gzhi bdag rten bkol lag len/__ gzhi bdag rten bkol skabs/__thog mar thugs sgrub las byang tshogs skong bcas dang /__bsang /__gser skyems rnams grub nas/__gsas mkhar brtsigs pa'i 'og gi ri zhabs thag nye ring gang ba_der yul 'dre mnan pa gzhung ltar/__de nas gsas mkhar brtsigs pa dngos der gser skyems dang /__dkar gtor/__bgegs gtor bshams la sa slong dang /__sa srin bskrad/__sa rgod yin na lto 'phye brtag pa grub na legs/__de min gsas mkhar brtsegs pa'i 'og gzhir gzhal yas khang pa mtshon byed pad+ma 'dab brgyad bting /__de steng bum pa bzhag__/tshas dang kha chod legs par brgyab pa'i rtser rgyab tu dar lcog__/mgul du 'khor lo/__mdun du shing byang /__gzhan yang shing rtsi bal tshon sogs btsug__/dmu thag 'then zhes pa shing byang rtse nas tshon skud gsas mkhar phyogs bzhir 'then/__dkar gtor dang nyer spyod/__bsang dang gser skyems sogs bshams/__sbyong ba dang /__ri khrus spyi ltar bya/__de nas sngags drug phyag drug nas bzung gzhung ltar tshang bar btang la mthar/__phyogs bcu dus bzhi sogs gter gsar bsngo smon dang /__phun sum tshogs 'dzin lta bu'i bkra shis rgyas par brjod/__de nas bsang gi mjug dang /__tshogs la rol pa/__lhag ma sogs las byang mtha' bsdu'o/__/mang+ga laM/___/___!_